फिज़ा विच्च हुंमह पसरिआ होइआ सी। सूरज दीआं तेज़ किरनां मक्की दे टांडिआं नूं चीरदीआं होईआं धरती नूं तीरां वांग विंनह रहीआं सन। मक्की दे लागले खेत विच्चले कमाद दी हरिआवल्ल सूरज दी लाखी धुप्प विच्च काले रंगी भाअ मार रही सी। मक्की दे चुफेरे, सनेर दे उच्चे-उच्चे बाजरे दे सिट्टिआं नूं चिड़ीआं ठूंगे मार-मार नोच रहीआं सन।

मक्की वढ्ढ रहे कुंदन दा कुड़ता पसीने नाळ भिज्जिआ होइआ सी। उसदी दाहड़ी विच्च विरले-विरले चिट्टे वाळ काले वाळां उत्ते भारू हो गए जापदे सन।

कुंदन नें दाती नूं खब्बे हत्थ विच्च करके, सज्जे हत्थ दे अंगूठे नाळ वाली उंगल नाळ मत्थे तों पसीना पूंझिआ। त्रेह महिसूस करदिआं उसने इक्क सत्थर थल्लिउं लस्सी दा कुज्जा कढ्ढिआ ते कुज्जे उप्परले छंने विच्च लस्सी पा के पीण लग्ग पिआ। लस्सी दा इह कुज्जा उसदी पतनी छाह-वेळा खुआउण आई रख्ख गई सी। लस्सी पीण नाळ कुझ चैन मिली। छंने नूं सुक-मांज करके, कुज्जे उत्ते टिका, उह टक्क वल्ल नूं टुर पिआ।

"लग्गा आं बई कुंदना।"

"आ बई चेतू।" चेतू दी आमद नाळ कुंदन नूं इंज महिसूस होइआ जिवें हुंमह घट गिआ होवे।

"कल्ला ई लग्गा आं।" चेतू दीआं निक्कीआं-निक्कीआं अख्खां सारे खेत दा जाइज़ा लै रहीआं सन।

"मेरी किहड़ी 20 घुमां आं, जिहड़ी वढ्ढ नहीं होणी, आह ढाई कनाल तां खत्ता आ सारा।"

"बाकी?"

"बाकी अजे चंगी तरहां पक्की नहीं" दाती नाल आपणी लत्त 'ते खुरक करदिआं उह बोलिआ, "तूं किध्धर चहड़ाई कीती आ?"

"तेरे कोळ ई आइआं।"

"दस्स।"

"ओ यार! सोहण दे निआणे आइउ आ, छल्लीआं मंगदे आ।" सोहण चेतू दा पुत्तर सी जो यू.पी. दे इक्क शहिर विच्च नौकरी करदा सी।

"अछ्छा देख लैने आं, पहिलां आह परात बंने लुआ।" ते चेतू दा जवाब उडीके बिनां ही कुंदन लस्सी दे कुज्जे कोलों दूजी दाती चुक्क लिआइआ ते उस दे हत्थ फड़ा दित्ती।

चेतू जुलाहा इस घर नाळ काफ़ी चिर तों जुड़िआ होइआ सी। कुंदन दे पिउ नाळ चेतू दा काफ़ी नेड़ रिहा सी। गोडी-वाढी समें जदों वी कुंदन दे पिउ नूं कामिआं दी लोड़ पैंदी, चेतू लोड़ अनुसार दो-चार बंदे होर नाळ लै के उनहां नाळ कंम करवाउण पहुंच जांदा। चेतू नूं वी पिंड दे बाकी जट्टां नालो.ों कुंदन होरां 'ते कुझ ज़िआदा ही माण रिहा सी। कुंदन दे मां-पिओ दी मौत पिछ्छों, चेतू दी इस घर नाळ नेड़ता भावें घट्ट गई सी पर पिछली सांझ करके हुण वी जदों कदी उसनूं गंने, छल्लीआं, रहु जां साग दी लोड़ पैंदी तां उह ज़िआदातर कुंदन कोलों ही आ के मंगदा सी।

कुझ चिर वाढी करन बाअद चेतू नें लक्क सिध्धा कीता। उसने देखिआ कि परात मसां अध्ध विच्च ही पहुंची सी। कुंदन जो शुरू विच्च उसदे नाळ-नाळ वाढी कर रिहा सी, परले पासे चला गिआ सी। परात काफ़ी चौड़ी हो गई सी।

"कुंदनां! परात किध्धर नूं लै गिऐं?" चेतू दे बोलां विच्चों झुंझलाहट प्रगट हो रही सी।

"परात तां चेतू ठीक ई आ। ऐथे कु आह विरले-विरले टांडे सी, सोचिआ इह वी नाळ ई चुग लैने आं।"

"नहीं यारा! परात छोटी रख्ख।" पसीनो-पसीना होए चेतू नूं धरी होई परात पहाड़ जिड्डी लग्ग रही सी।

"लै छोटी कर लैने आं।" परली गुठ्ठ विच्चों वाढी करदा-करदा कुंदन चेतू दे नज़दीक आ गिआ।

परात बंने लग्गण नूं देर लग्ग गई। उधर घर विच्च चेतू दे पोते-पोतीआं काहळे पै रहे सन। उडीक-उडीक के चेतू दे घर वाळी खेत विच्च आ पहुंची। कुंदन नें डेकां वाळे खेत विच्चों नरम-नरम छल्लीआं दा कलावा कढ्ढ के चेत दी घर वाळी नूं तोर दित्ता ते चेतू नूं इक्क परात होर लुआउण लई अटका लिआ।

"ओ बई कुंदना! तेरा बैंक वाळा पुआड़ा मुक्क गिआ सी भला?" दूजी परात धरदिआं चेतू नें पुछ्छिआ।

"बैंक दा फाहा वढ्ढण लई ही तां औह चार कनाळीं तुलसी कोळ गहिणे रख्खी सी।" उसने नाळ लगदे खत्ते वल्ल हत्थ करदिआं चेतू दी गल्ल दा जवाब दित्ता।

"डरैवर उदों तेरी मदत कर सकदा सी पर…।"

"दुख्ख वेले कोई नहीं लागे आउंदा।" कुंदन दी आवाज़ उदासी विच्च डुब्बी होई सी।

"चलो किसे नां किसे तरहां गुज़ारा चलणा चाहीदै।" चेतू नें कुंदन नूं जिवें धरवास दित्ता।

"गुजारा-गजूरा काहदा, ऐमे वकत नूं धक्का देण आली गल्ल आ।"

+++

कुंदन होरीं तिंन भरा सन। कुंदन विच्चकारला सी। उस तों वड्डा डराईवर सी। पहिलां पंजाब रोडवेज़ विच्च नौकरी करदा सी। फिर मध्ध-प्रदेश विच्च टरक्क डराईवरी करदिआं इक्क टरक्क विच्च हिस्सा पा लिआ। चंगी आमदन हो रही सी। उसदा टब्बर-टीहर उसदे नाळ ही मध्ध-प्रदेश विच्च रहिंदा सी।

कुंदन तों छोटा खेती करदा सी। डराईवर नें आपणी साळी दा रिशता उसनूं करवाइआ होइआ सी। सांढू होण करके उसने आपणी ज़मीन छोटे नूं दित्ती होई सी। पंज घुमावां दी पैदावार नाळ छोटे दा गुज़ारा ठीक चल रिहा सी। डराईवर नें आपणे हिस्से दी ज़मीन दा उस कोलों कदी हिसाब नहीं सी मंगिआ।

डराईवर तों वड्डी उनहां दी इक्क भैण सी जो कि आपणे घर सुखी वसदी सी।

तिंने भरा वख्खरे-वख्खरे सन। पिउ दी अठ्ठ घुमां ज़मीन तिंनां हिस्सिआं विच्च वंडी होई सी।

शुरू विच्च तिंनां भरावां दा आपस 'च चंगा मोह-पिआर सी पर उनहां दे विआहे जाण उपरंत फ़रक पैण लग्ग पिआ। भैणां होण करके डराईवर ते छोटे दीआं वहुटीआं दी लाबी बण गई। कुंदन दी वहुटी ते कुंदन खुड्डे-लाईन लगाए जाण लग्गे। तीवीआं दी नित्त दी मिहण-कु-मिहणी नें कुंदन ते दूजे भरावां विचकार नफ़रत दी इक्क कंध खहड़ी कर दित्ती जो कि समें दे नाळ-नाळ होर पक्की ते उच्ची हुंदी गई।

अलग्ग होण समें ज़मीन दे नाळ-नाळ चीज़ां दी वंड वी कीती गई। कुंदन दे हिस्से इक्क पुराणा जिहा इंजण आइआ। नवां इंजण डराईवर ते छोटे नें आपणे हिस्से रख्ख लिआ।

कुंदन नूं आपणी मिहनत 'ते विशवास सी। उह दिन-रात कंम विच्च जुटिआ रहिंदा। उसदी पतनी ते निआणे वी कंम विच्च उसदा हत्थ वटाउंदे।

पुराणा इंजण इक्क साल चल्ल के जवाब दे गिआ। कणक दी फ़सन नूं अजे दो पाणी होर चाहीदे सन। कुंदन नें पता-थहु करके इंजण वासते करज़ा लैण लई इक्क बैंक विच्च दरखासत दे दित्ती। बैंक वाळिआं नें उसनूं दस्सिआ कि छोटा किसान होण करके उह तेती फीसदी सबसिडी दा हक्कदार सी। सबसिडी दा केस बणाउण खातर दफ़तरां दे चक्कर मारदिआं उसदे तिंन महीने लंघ गए। ओधर कणक पाणी तों खुंझदी जा रही सी। आपणी सांझ वाळे इक्क किसान तों औखे-सौखे कुझ दिनां वासते इंजण लै के उसने कणक दी फ़सल नूं मसां ही सिरे चाहड़िआ।

बैंक दे सबसिडी वाळे करज़े दा केस किसे कंढे नहीं सी लग्ग रिहा। कणक सांभ के कुझ रकम हत्थ विच्च आई। उसने घरोगी गरज़ां नूं विच्चे छड्ड पटवारीआं, गराम सेवकां, पंचाइत अफ़सरां ते होर संबंधित करमचारीआं दी चंगी टहिल सेवा कीती। केस दिनां विच्च ही पास हो गिआ। उसनूं इंजण अते बोर करन वासते चार हज़ार रुपए दा करज़ा मिळ गिआ। बोर उस कोळ पहिलां है ही सी। इंजण खरीदण तों उपरली जो रकम बची, उह उसने घर दीआं ज़रूरतां पूरीआं करन लई ख़रच कर लई।

खेतां विच्च नवां इंजण चल्लण नाळ कुंदन दा हौसला वधिआ। उसने दो घुमां ज़मीन किसे कोलों अध्ध 'ते लै लई। आपणी ते अध्ध वाली मिला चार घुमां झोना ला दित्ता।

डीज़ल दी थुड़ आ गई। कारड सिसटम शुरू हो गिआ। कुंदन दे कई दिन कारड बणाउंदिआं लंंघ गए। पैटरोल-पंपां 'ते लंमीआं कतारां विच्च रख्खे होए खाली जेरीकेनां वांग किसान वी भुख्खे तिहाए, दिन-रात डीज़ल मिलण दी उडीक विच्च बैठे प्रेशान हुंदे रहिंदे।

बरसात वी घट्ट ही लग्गी। बद्दल आउंदे। पर माड़ा-मोटा छराटा वरहा के अगांह लंघ जांदे।

झोने दी फ़सल खराब हो गई। कुंदन कोआप्रेटिव सुसाइटी दा खाद दा करज़ा मोड़न विच्च असमरत्थ हो गिआ। मकरूज़ होण करके कणक वासते उसनूं खाद नां मिली। किसे कोलों उधार फड़ के उसने किसान खाद दीआं कुझ बोरीआं खरीदीआं ते कणक दी बिजाई कर दित्ती। कणक दा रुक-ढंग चंगा सी। गोडी करके उसने पाणी ला दित्ता। पाणी ला के हटिआ ही सी कि मींह दी लंमी झड़ी लग्ग गई कई दिन कणक दे खेतां विच्च पाणी खहड़ा रिहा। कणक दा रंग पीला पै गिआ। यूरीए दे छट्टे नाळ कणक नें कंन चुक्क लैणे सन। पर सुसाइटी विच्चों उसनूं खाद नहीं सी मिल रही ते मुल्ल खरीदण वासते उस कोल पैसे नहीं सन। मीहां तों बाअद धुप्पां लग्गण नाळ कणक दी फ़सल कुझ सुधर ही रही सी कि कई दिन दी फिर झड़ी लग्ग गई। वड्डे-वड्डे सिट्टिआं दी थां कणक दे पौदिआं ते छोटीआं-छोटीआं सिट्टीआं जिहीआं निकलीआं।

इंजण वासते बैंक तों लए करज़े दी किशत आ गई। बैंक वाळे वसूली लई घुंमण लग्ग पए। कुंदन नें दो कु वारी तां टाल दित्ते। पर इक्क दिन मूंह-हनहेरे ही बैंक वालिआं नें पुलिस दी मद्दद नाळ उसनूं काबू कर लिआ। कड़ी ला के जदों उसनूं जीप विच्च बिठाइआ गिआ तां धरती उसनूं विहल नहीं सी दे रही। सारे पिंड विच्च 'हुए-हुए' होई।

उनहां दिनां विच्च डराईवर वी आपणे सहुरीं इक्क विआह विच्च शामिल होण लई पिंड आइआ होइआ सी। कुंदन नूं आस सी कि डराईवर जां छोटा उसदे पिछ्छे आउणगे। पर कोई नां बहुड़िआ। पंदरां दिनां दे अंदर-अंदर करज़ा मोड़न दा वाइदा करके उह मसां ही मिंनतां-तरले करके जेल्ह तों बाहर आइआ। चार कनाळ ज़मीन तुलसी कोळ पंज हज़ार विच्च गहिणे रख्ख के, बाकी किशतां वी इक्को वारी मोड़ के सारे करज़े दा फाहा वढ्ढिआ। बाकी बची रकम कोआप्रेटिव सुसाइटी नूं मोड़ दित्ती। किसे कोलों खाद वासते लई उधार रकम वी मोड़ी।

पिछले साल झोने दी फ़सल नें कुंदन दे कंनीं हत्थ लुआ दित्ते सन। ऐतकीं उसने झोने दी थां आलू बीजण दा फैसला कर लिआ। आपणे इक्क रिशतेदार कोलों उधार बीज खरीद के उसने डेढ घुमां आलू ला दित्ते। अध्ध वाळी विच्च मक्की ते बाकी विच्च पठ्ठे आदिक बीज दित्ते। आलूआं नूं चंगी खाद पाई। मिहनत नाळ गोडी करके मिट्टी चहड़ा दित्ती। पाणी लाए। आलूआं दी फ़सल चंगी मल गई पर भाअ थोहड़ा होण करके आलूआं विच्चों मसां उधार लए बीज दी कीमत ते खाद वगैरा दा ख़रचा ही पूरा हो सकिआ।

कणक दी फ़सल चंगी हो गई। कुंदन दा विचार सी कि कुझ इस फ़सल ते कुझ अगली फ़सल विच्चों बचा के उह तुलसी कोलों गहिणे पिआ खॅ्ॅता छुडा लवेगा। पर उसदी भाणजी दा विआह आ गिआ। दूजे भरावां नें सांझी नानकी-छक्क बणा लई। कुंदन नूं उनहां नाळ नां रलाइआ किउंकि कुझ दिन पहिलां किसे गल्ल 'ते दराणीआं-जठाणीआं विच्च काफ़ी झगड़ा होइआ सी। कुंदन नें आपणी हिंमत तों वध्ध खरचा करके लीड़े-लत्ते अते भांडे आदिक खरीदे। पर कुंदन दी भैण नें उनहां दीआं दित्तीआं चीज़ां 'ते नक्क-बुल्ल्ह कढ्ढे। कप्पड़िआं वल्ल वेख के कहिण लग्गी, "आह की पापलीनां जेहीआं लै आए आं। पापलीनां ते अज्ज कल्ल्ह माड़े-ढीड़े वी नहीं पाउंदे।" कुंदन ते उसदी पतनी नें करड़ा मन करके सुण लिआ।

चार कनाळ गहिणे पिआ खत्ता कुंदन नूं हर वेले रड़कदा रहिंदा। पर उसदी पेश नहीं सी जा रही। दिन-रात कंम करन दे बावजूद वी उह थल्ले ही थल्ले जा रिहा सी। घर दीआं नां पूरीआं हो सकण वालीआं गरज़ां, डीज़ल ते खाद आदि दा खरचा उसदी फ़सल नूं हड़प्प कर जांदे।

इक्क दिन उनहां दे पिंड पंचाइत अफ़सर नें आ के छोटे ते सीमांत किसानां नूं इकठ्ठे कीता। उसने दस्सिआ कि अज्ज दे समें विच्च छोटे ज़िमींदार दा गुज़ारा खेती दे सिरों होणा मुशकल हुंदा जा रिहा है। उसने सुझाउ दित्ता कि किसानां नूं खेती दे नाळ-नाळ डेअरी, मुरगीखाना, मछ्छीआं पालणा जां सूर पालण आदिक दा कंम शुरू करना चाहीदा है। उसने उनहां नूं किहा कि उह उनहां दे केस तिआर करके बैंकां नूं भैज देवेगा ते उह करज़ा लै के अजिहे कंम शुरू कर सकदे हन।

कुंदन दा नां उह मझ्झां वासते नोट करके लै गिआ सी। पर काफ़ी चिर कोई उघ-सुघ ही नां निकली। बाकी किसानां वांग कई दिन दफ़तरां दे चक्कर मार-मार उह वी मठ्ठा पै गिआ। उनहां दे पिंड दे रख्खा सिंघ नें दौड़-भज्ज करके किसे नां किसे तरहां बैंक राहीं इक्क मझ्झ खरीद लई। मंडी विच्चों जदों घर लिआंदी तां मझ्झ नें कट्टू नां झल्लिआ। वपारीआं नाल मिळ के बैंक इंसपैकटरां नें तोकड़ मझ्झ पिछ्छे इक्क नवीं लवेरी दा कट्टू ला दित्ता सी।

कुंदन दा उतशाह खेती दे कंम विच्चों घटदा जा रिहा सी। दिनों दिन वध रिहा खरचा उसदी प्रेशानी वधाउंदा रहिंदा। होर कुझ सालां ताईं उसदी वड्डी कुड़ी विआह दी उमर नूं ढुक रही सी। उसदी पतनी ते निआणे जिवें रुलदे जा रहे सन...।

+++

दूजी परात ला के हटे तां कुंदन नें चेतू नूं संबोधन कीता, "चेतू! तूं हुण जाणा तां जाह। भरीआं मैं आपे ई बंनह लऊंगा।

"कोई नी, मैं हुण तकालां नूं ई जाऊंगा। नाळे तेरा कंम मुक्क जाऊ ते नाळे मेरी वी भरी बण जाऊ।" चेतू नें बेझिजक हो के किहा।

"कंम तां हुण थोहड़ा ई आ। मैं कल्ले ई मुका लैणा आं।"

"पर मैं वी की करूंगा जा के, खड्डी 'ते तां हुण बहि नीं होणा... आह तेरा तुलसी कोळ गहिणे पिआ खत्ता तूं ही वाहिआ होइऐ?" चेतू नें कुझ सोच रहे कुंदन नूं पुछ्छिआ।

"आहो मेरे कोल ईआ अध्ध 'ते।"

"तां फेर एदां करदे आं एह खत्ता वी वढ्ढ लैने आं।"

तुलसी वाला खत्ता इकल्ले कुंदन लई ज़िआदा नहीं सी। अगले दिन उह इकल्ला ही दुपहिर ताईं इस विच्चली मक्की वढ्ढ सकदा सी। पर उह समझ चुक्का सी कि चेतू भरी दे सिर होणा चाहुंदा सी ते निआणिआं वासते चब्बण वालीआं छल्लीआं दा कलावा उह पिछली चली आ रही सांझ वजों किसे हिसाब विच्च नहीं सी लै रिहा।

कुंदन चेतू नूं नाळ लै के बसीवें तों सरवाहड़ वढ्ढण चला गिआ। पिंड नूं जा रहे इक्क बंदे दे हत्थ सुनेहा भेज दित्ता कि दुपहिर दी रोटी दो बंदिआं दी आवे। सरवाहड़ लिआ के उह खेत दे नाळ लगदी इक टाहली थल्ले बैठ के छुब्ब वट्टण लग्ग पए।

दुपहिर दी रोटी आ गई। रोटी खुआउण बाअद जदों कुंदन दी पतनी तुरन लग्गी तां कुंदन नें उसनूं हदाइत कीती, "असीं दुपहिरों बाद तुलसी आळा खत्ता वढ्ढणा आं। उस दे घर दस्स दईं। आ के भरीआं गिण लवे। वहिमी जिहा आदमी आं। तूं निआणिआं नूं नाळ लै के चरही दीआं दो भरीआं निआईीं 'चों वढ्ढ लईं। कुतर मैं आप लऊंगा आ के।"

तुलसी वाळा खत्ता वढ्ढण बाअद, लौढे वेले दी चाह पी के उह आपणे खेत दीआं भरीआं बंनहण लग्ग पए। अजे कुझ भरीआं ही बंनहीआं सन कि हत्थ विच्च हुक्का फड़ी तुलसी आ गिआ।

"आ बई पंडता।" कुंदन नें छुब्ब नूं मरोड़ी दे के भरी बंनहदिआं तुलसी वल्ल वेखिआ।

"अज्ज ते कमाल ई कर छड्डी ऐ। बड़ी छेती कंम निबेड़ दित्तै।"

"चेतू नें काफ़ी कंम करवा दित्तै। नहीं ते कल्लिआं एना कित्थे निबड़णा सी।"

"अछ्छा ऐदां करो, पहिलां मेरे खेत दीआं भरीआं बंनह दिउ। मैं किते कंम जाणैं।" तुलसी हुक्के दा सूटा खिच्चदिआं बोलिआ।

"चल बई चेतू, पहिलां एहदीआं ई बंनह देने आं।"

"चलो।" कहिंदिआं छुब्बां दी पूली उठाई उह कुंदन नाळ तुलसी दे खत्ते वल्ल नूं तुर पिआ।

भरीआं बंनहदिआं कुंदन नें बंने 'ते खड़े तुलसी वल्ल वेखिआ, साधारन जिहे कप्पड़िआं विच्च वी उह काफ़ी रोहबदार लग्ग रिहा सी। जदों उह 'हाह... हाह' करके हस्सदा तां उसदे विरले-विरले, विंगे टेढे, करेड़ा खाधे दंद, शाइद उसदे चिहरे दी लाली करके, बहुते भद्दे नहीं सन लग्गदे।

"पंडता! अज्ज-कल्ह आपणा लेख-राज कित्थे ऐ?" लेख राज तुलसी दे मुंडे दा नां सी।

"फरीदकोट आ।"

"उहदी नौकरी वधीऐ।" छल्लीआं दा सत्थर इकठ्ठा करके छुब्ब उपर रख्खदिआं कुंदन बोलिआ।

"कोई अंत ऐ! माहर जट्ट अग्गे पिछ्छे फिरदे आ। तैनूं पता ई ऐ कानूंगोआं दी किंनी पुछ्छ हुंदी आ। लोकीं जेबहां भरी फिरदे आ। तसीलदारां नाळ उहदी सिध्धी गल्ल आ। बड़ा ढंगी आ...।"

गल्ल करदा-करदा उह फिर 'हाह...हाह' करके हस्सण लग्ग पिआ। पता नहीं उसनूं इंना हासा कित्थों आ रिहा सी। कुंदन नूं इंज लग्ग रिहा सी जिवें कि आपूं उसनूं हस्सण दी जाच ही भुल्ल गई होवे। हासे नें जिवें उस कोळों कंनीआं छुडा लईआं होण। उसदा हासा जिवें किसे कोळ गहिणे पै गिआ होवे।

'एस बाहमण नें पता नहीं की मोती मणसिउ आ', कुंदन नूं आपणे आप 'ते गिळा जिहा महिसूस होण लग्ग पिआ, 'ऐश करदै! कोई कंम नहीं, कार नहीं। हरेक दूजे-तीजे वरहे ज़मीन खरीद लैंदै। विआज 'ते काफ़ी रकम लोकां नूं दित्ती होई ऐ। बुढ्ढा हो गिऐ, पर लग्गदा नहीं... ते असीं दिन रात टुट-टुट मर रहे आं...।'

कुंदन नूं हड्ड-तोड़वीं कमाई दा सुख्ख नसीब नहीं सी होइआ। धक्के-धोड़िआं विच्च ही दिन लंघ रहे सन। उसने आपणी भोइं दा इक्क-इक्क इंच पता नहीं किंनी-किंनी वार वाहिआ सी। इक्क-इक्क ज़र्रे नूं उसदे हत्थां ते पैरां दा सपर्रश सी। पाणी नाळ ज़मीन नूं सिआल दीआं कोरे भरीआं रातां विच्च अनेक वार सिंजिआ सी। पिउ ते भरावां दे नाळ हो के चौबल्हदे सुआगे नाळ ढीमां तोड़ के खेतां नूं इक्कसार करके ज़मीन दा रंग-रूप निखारिआ सी। खेतां दे खूंजिआं नूं कही नाळ गुड्ड-गुड्ड के रूं वरगे पोले कीता सी। हळ वाहुंदिआं कदी पाड़ा नहीं सी कीता। बाजरे, चरहीआं ते सरवां उगाईआं सन। आपणे सरीर 'ते पछ्छ लुआ के कमाद पाळे सन। कणक दीआं बोरीआं भर-भर मंडीआं विच्च पहुंचाईआं सन। टब्बर दा इज़्ज़त-माण वधाउण लई उसने ज़मीन नाळ इशक कीता सी। इस इशक विच्चों आपणे बच्चिआं दे उज्जवल भविख्ख दे सुपने देखे सन। पर अज्ज उसनूं इंज महिसूस हो रिहा सी जिवें कि इस इशक विच्च उस नाळ धोखा ही धोखा हुंदा रिहा सी।

भरीआं बझ्झ गईआं।

तुलसी गिणन लग्ग पिआ।

"किंनीआं होईआं पंडता?"

"इक्क सौ सतारां होईआं। औह उच्चे जिहे थां महारा ला दिउ।" तुलसी नें खत्ते दे दख्खण दे उच्चे पासे वल्ल इशारा कीता।

कुंदन ते चेतू नें महारा ला दित्ता।

"लै बई पंडता, लग्ग गिआ महारा।"

"औह इक्क भरी ओदां ई पईओ आ।" तुलसी नें महारे तों बाहर पई इक्क भरी वल्ल इशारा कीता।

"उह चेतू दी आ।" बचे होए छुब्ब इकठ्ठे करदिआं कुंदन बोलिआ।

"एहनूं तूं आपणे ई खेत 'चों दे। मैं आपणा चार कनाळ दा खत्ता सारा लावी आळिआं नूं थोहड़ा चुका देणा आं।" हुक्के दा सूटा खिच्चदिआं उह खंघण लग्ग पिआ।

"इक्को लावी आ पंडता, बहुतीआं नहीं। उह वी इह कुदरती आ गिआ। नहीं ते मैं कल्ले नें ई वढ्ढ लैणी सी।"

"कुंदना एही तां गल्ल माड़ी आ।" तुलसी नें मिहणा जिहा मारिआ।

"किहड़ी गल्ल?" कुंदन नें औख महिसूस करदिआं तुलसी वल्ल वेखिआ।

"जदों तैनूं लोड़ सी, उदों तां तूं तरले करदा फिरदा सी। ते हुण औखा हो रिहैं। तैनूं याद होणै, जिद्दण तूं ज़मीन गहिणे कीती अते अध्ध 'ते वाहुण लई मंगी सी, मैं तैनूं पहिली शरत एही दस्सी सी पई लाविआं-दिहाड़ीदारां नूं मेरे खेत 'चों भरी नां जावे।"

"पर इस भरी विच्च अध्धी मेरी वी तां है।"

"अध्धी-उध्धी दा मैनूं नहीं पता। एहनूं तूं आपणे ई खेत 'चों दे।" तुलसी हुकमराना अंदाज़ विच्च बोलिआ।

"मैं दे दऊंगा पंडता। हाअ तूं की ऐवें सड़ीआं जिहीआं गल्लां करन डिहैं... जाह ओए चेतू ला दे उह वी भरी महारे 'ते।"

"कुंदना! तुहाडे जट्टां 'च एही वाधा ऐ। मतलब कढ्ढ के मगरों ढुच्चरां पहड़न लग्ग जांदे ओ।" तुलसी दे हुक्के दी नाळी उसदे मूंह तों काफ़ी दूर हो चुक्की सी।

"नहीं पंडता, तूं ई ऐवें कमीनीआं जेहीआं गल्लां करन लग्ग पिऐं।" कुंदन तुलसी दे साहमणे आ खलोता सी।

"इक्क तेरी मदत कीती ते दूजा तूं मैनूं कमीना कहिण डिहैं। चेता आ नां उदों हाड़े कढ्ढदा फिरदा सी।" तुलसी नें रोहब छांटिआ।

"काहदी मदत? ज़मीन दे के पैसे लए सी। कोई दान नहीं सी लिआ तेरे कोळों।" कुंदन वी क्रोध विच्च बोल रिहा सी।

"जे बहुत औखा आं तां अगांह मेरी ज़मीन 'च हळ नां वाड़ीं मैं होर किसे नूं दे देणी आं अध्ध 'ते।" तुलसी नें धमकी दित्ती।

"बेशक्क दे दे। एस ज़मीन नें तां मेरा लहू पी छड्डिऐ। मैं तां आपणी वी छड्डण नूं तिआर आं। इस साळी ज़मीन नें मेरा कुझ नहीं सुआरना।" कुंदन दे बोलां विच्च हिरख सी।

"कुंदन एदां नहीं आखीदा, ज़मीन तां किसान दी मां हुंदी आ।" चेतू नें कुंदन नूं शांत करन दी कोशिश कीती।

"एहो जिही मां नूं की करनै, जिहड़ी आपणे ही निआणिआं नूं खाण लग्ग पए।"

(राहीं: मुहंमद आसिफ़ रज़ा 'मां बोली रीसरच सैंटर लाहौर')