अजे कैनेडा पहुंचिआं सानूं थोहड़ा समां ही होइआ सी कि इक्क दिन पुत्तर नें किहा, “पापा, सटोर तों समान लैण जाणा है, चल्लोंगे?”
थक्किआ होण करके मैं नां हां कीती ते नां ही नांह। पुत्तर फेर कहिण लग्गा, “चल्ल पओ, इंडीअन सटोर है, वेख आइओ ते नाल घुंमणा फिरना हो जाएगा।”
मैं अजे वी जक्कों तक्कों विच्च ही सी कि कमरे विच्चों पतनी बोल पई, “जा आओ, मुंडे दी गल्ल मंन लओ।”
असीं दोवें इंडी गरौसरी सटोर समान लैण चले गए। सटोर विच्च घुंमदे लोकां ते कंम करदे पंजाबी मुंडिआं कुड़ीआं नूं वेखके लगदा ही नहीं सी कि मैं कैनेडा आइआ होइआ हां। सटोर विच्च पईआं चीज़ां दी सफ़ाई नूं वेखके मैं मनो मनी सोचण लग्ग पिआ कि कोई गल्ल तां है जिस करके लोक इस मुलक दीआं गल्लां करदे हन। पंजाबी मुंडे कुड़ीआं नूं कंम विच्च रुझ्झे वेख के अते उनहां दी बोल बाणी सुण मेरे मन विच्च इह सवाल आ रिहा सी कि जेकर इह बच्चे आपणे मुलक विच्च ऐनी हलीमी नाल मिहनत करना शुरू कर देण तां साडे मुलक विच्च की मुक्किआ होइआ है? मैनूं पता वी नहीं लग्गा कि कदों पुत्तर नें टराली विच्च लोड़ींदा समान पा लिआ। सटोर विच्च चीज़ां खरीदण आए लोकां, विशेश करके गोरिआं नाल आपणे मुंडे कुड़ीआं नूं फराटेदार अंगेरज़ी विच्च गल्ल करदिआं वेख के मैनूं खुशी वी होई ते हैरानी वी। समान दी अदाइगी करन तों बाअद असीं गड्डी विच्च आपणे घर नूं चल्ल पए।
साडा घर सटोर तों सत्त कु किलोमीटर दी दूरी ’ते सी। असीं दोवें चुप्प सां। मैं चुप्प तोड़दिआं होइआं पुत्तर नाल गल्लबात शुरू कीती। उह कोई जवाब देण दी बजाए हूं-हूं ही कर रिहा सी। मैनूं लग्गा कि उह मेरी गल्ल सुणनी नहीं चाहूंदा सी। मैनूं खिझ जिही चहड़ गई। मैं चुप्प चुपीते पुत्तर दा चिहरा पहड़न लग्गा। पुत्तर इक्क दम गड्डी इक्क पासे लगाके डिग्गी खोल्हके सटोर तों लिआंदा समान अदाइगी वाली लिसट नाल मिलाउण लग्ग पिआ। आपणे मन दी खिझ कारन मैं उस नूं कोई सवाल नां कीता। उसने इक्क दम गड्डी मोड़दे होए किहा, “पापा, सानूं मुड़ सटोर नूं जाणा पवेगा।”
उस वांग भावें मैं वी उस नूं वापस जाण दा कारण नहीं पुछ्छिआ पर फेर वी मैं आपणे मन विच्च किआस अराईआं लगाउंदा रिहा कि उसदे मुड़ण दा की कारन हो सकदा है। पहिलां मन विच्च आइआ कि हो सकदा है कि कोई चीज़ लिआउण तों रहि गई होवे. फेर मन विच्च आइआ कि चीज़ तां फिर वी आ जाणी सी, किते पैसे नां वध्ध दित्ते गए होण। फेर इक्क दम मन विच्च आइआ, पैसे किवें वध्ध लए जा सकदे नें? हिसाब तां कंपिऊटर ’ते हुंदा है।
थोहड़ी देर विच्च ही असीं मुड़ सटोर ’ते पहुंच गए। पुत्तर नें डिग्गी खोल्हके विच्चों इक्क पैकट कढ्ढ लिआंदा। उसदे हत्थ विच्च पैकट वेखके मन विच्च आइआ कि जां तां इस पैकट दे पैसे वध्ध लग्ग गए होणगे जां फेर बदलके कोई होर चीज़ लैणी होवेगी। मैं मुड़ सटोर अंदर जाणा नहीं चाहुंदा सां पर वापस मुड़ आउण दा कारन जाणन लई मैं वी नाल अंदर चला गिआ। पुत्तर नें डिग्गी अंदरों लिआंदा पैकट काऊंटर ’ते रख्खके किहा, “गलती नाल इस पैकट दे पैसे देण तों रहि गए सन, इसदे पैसे लै लओ।”
कंपिऊटर ’ते खहड़ी कुड़ी नें उस पैकट दी अदाइगी लै के अणमंने जिहे मन नाल सिरफ हलकी जिही आवाज़ विच्च थैंक यू ही किहा। असीं गड्डी विच्च मुड़ घर नूं तुर पए। हुण मेरी हैरानी होर वी ज़िआदा वध गई सी पर हुण हैरानी दा कारन इह सी कि उस कुड़ी नें पुत्तर दी इमानदारी नूं बहुती गंभीरता नाल नहीं लिआ सी। जेकर साडे मुलक विच्च किसे गाहक नें ऐनी इमानदारी विखाई हुंदी तां दुकानदार नें सौ वार गाहक दा शुकराना करना सी। हुण पुत्तर कुझ कहिणा चाहुंदा सी पर अजे वी मेरे मन दी खिझ गई नहीं सी। पुत्तर दे चिहरे तों लग्गदा सी कि जिवें उसदे मन दा बोझ उत्तर गिआ होवे।
घर पहुंचके मैं पतनी नूं चाह बणाउण लई किहा। घर दे माहौल नें मन दा गुस्सा शांत कर दित्ता। चाह दा घुट्ट भरदिआं मैं पुत्तर नूं किहा, “बेटा, तेरी इमानदारी तों तां मेरा मन बहुत खुश है पर पैकट दी अदाइगी लई रसते विच्चों मुड़न दी की लोड़ सी? जदों सटोर ’ते दुबारा जांदा, अदाइगी कर आउंदा।”
पुत्तर बोलिआ, “पापा, सटोर ’ते पता नहीं कदों जाणा होणा सी, ऐनी देर मैंथों आपणी इस गलती दा बोझ नहीं सिहा जाणा सी। इक्क गलती करके मैं दूजी गलती नहीं करना चाहुंदा सी।”
मेरा पुत्तर नूं अगला सवाल सी, “बेटा, की सटोर वालिआं नूं इह पता लग्ग जाणा सी कि इक्क पैकट दी अदाइगी रहि गई है, उस कुड़ी नें तां तेरी इमानदारी दा चंगी तरहां धंनवाद वी नहीं कीता?”
पुत्तर बोलिआ, “पापा, इस मुलक विच्च इह कोई बहुती वड्डी गल्ल नहीं। इत्थे सारा कुझ विशवास पर ही चल्लदा है। इस सटोर दा मालक कदे कदे ही आउंदा है, सारा सटोर इह मुंडे कुड़ीआं ही संभालदे हन। गल्ल पैकट दी अदाइगी दी नहीं सी, गल्ल ज़मीर दी सी।”
पुत्तर दीआं गल्लां सुणन तों बाअद मेरे पास कुझ कहिण नूं रहि तां नहीं गिआ सी पर मैं इह सोच रिहा सां कि जेकर साडे मुलक विच्च लोक ऐने इमानदार हो जाण तां साडे मुलक विच्च किस गल्ल दी कमी है।