पंजाब, भारत रहिंदिआं, मैं निरंजन सिंघ ‘नाकिस’ नूं 1954-55 तों ही जाणदा सां अते मिल वी चुक्का सां पर निरंजन सिंघ ‘नूर’ नूं जानण अते मिलण दा मौका मैंनूं बहुत मगरों बरतानीआं आ के 1970 विच ही मिलिआ। बस, इक्क सबब्ब ही बण गिआ।

‘अकाली पत्त्रिका’ दी सहि-संपादकी दी नौकरी छड्ड के, वाऊचर सिसटम अधीन 1963 विच्च मैं बरतानीआ आइआ। कुझ कु चिर वैसट डरेटन अते माईलैंड रहिण पिछ्छों काफ़ी समां पलासटो रहिण दा सबब्ब बणिआ। रुज़गार दे चक्कर विच पंजाबों आके, पंजाबी साहितक जगत नालों थोड़ा कु टुट्ट गिआ सां। पोसट आफिस दी नौकरी पिछ्छों पक्के तौर ते अधिआपन दे कित्ते विच जाण लई भारती डिगरीआं धरीआं दीआं धरीआं रहि जाण कारन लंडन यूनीवरसिटी दी तिंन वरिहआं दी ‘सरटीफीकेट इन ऐजूकेशन’ करदिआं खरचा पूरा करन लई ‘पंजाबी दी परिंटिंग’ दा कारज जारी करना पिआ। इस ही सिलसिले विच सवरगवासी स: हरदेव सिंघ ढेसी आपणे इक्क मित्तर नाल मिलण आए। गल्लां ही गल्लां विच्च ढेसी हुरां आपणे नाल आए मित्तर नाल जाण पहिचाण कराउंदिआं किहा: ‘इह पंजाबी कवी ‘नूर’ हन।’ मैं सहिज सुभा ‘मोने’ बंदे वलां वेखिआ अते अचणचेत ही मेरे मूंहों निकलिआ: ‘डा: नूर भारती?’ किउंकि बदकिसमती नाल उस वेले तक्क मैं केवल इस ही ‘नूर’ भारती दा नां बरतानीआं दीआं मुढलीआं पंजाबी अखबारां विच वेखिआ सी। बस मूंहों निकल गिआ।

‘नहीं, नहीं राए जी! इह कवी निरंजन सिंघ ‘नूर’ है। निरंजन सिंघ ‘नाकिस’ तों बदलिआ ‘निरंजन सिंघ नूर।’

निरंजन सिंघ ‘नाकिस’ तों बदलिआ ‘निरंजन सिंघ नूर?’ मैंनूं, आपणे चेते दे दीवालीआपन अते बरतानवी पंजाबी साहितक जगत तों अगिआनता कारन, बहुत शरम महसिूस होई। मैं धोखा शाइद इस करके वी खा गिआ किउं जो मैं जिस ‘नाकिस’ नूं जाणदा सां उसदे सिर ते पग्ग होइआ करदी सी। मैं उठ्ठिआ अते नां पहचाण सकण कारन माफ़ी मंगी। ‘नूर’ नाल वगलगीर हुंदिआं सोच रिहा सां पता नहीं निरंजन सिंघ मेरे नाल किंना कु नाराज़ होवेगा। पर जदों मैं ‘नूर’ वलां वेखिआ तां उह निंमहा निंमहां मुसकरा रिहा सी। उस दी मुसक्राहट निरछल जिही लग्गी। सोचिआ: हुण ‘नाकिस’ किउंकि ‘नूर’ है उह नाराज़ किवें हो सकदा है? ‘नूर’ मुसकराउंदिआं बोलिआ: ‘राए जी! माफ़ी कासदी? तुसां मैंनूं शिमले माफ़ कर दित्ता अते अज्ज मैं तुहानूं इत्थे। तुसीं उदों वी ग़लतफ़हिमी दा शिकार हो गए सी अते हुण वी भुलेखा खा गए।’ अते मैं चेते दी चंगेर नूं फरोलदा, सोचीं पै गिआ।

इधर-उधर दीआं ढेर सारीआं गल्लां हुंदीआं रहीआं। उह किस कंम आए सी सभ भुल्ल-भुला गए। ‘ढेसी’ हैरान वेख रिहा सी अते शाइद सोच वी रिहा सी कि इह की होइआ? ‘नूर’ दोसत तां उसदा सी अते उस नें ही हुणे जिहे ‘उसदी’ जाण-पहिचाण मेरे नाल करवाई सी। फिर?

इह सी मेरी बरतानीआ आ के निरछल ‘नूर’ नाल 1970 विच पहिली मुलाकात। पर उंझ इह मेरी उस नाल पहिली मुलाकात नहीं सी। मैं उसनूं उसदीआं लिखतां राहीं जाणदा तां भावें 1954-1955 तों ही सां पर उस नाल मेरी पहिली मुलाकात जून 1960 विच्च हो चुक्की सी। इह संयोग दी गल्ल ही सी—

–दरअसअल आसाम विच्च रहिण कारन मैं पंजाब अते पंजाबी तों बहुत दूर सां इस लई जदों मैं 1953 तों बाअद पंजाब आइआ तां ‘पंजाबी’ नाल वाह पैणा आरंभ होइआ। ‘अंम्रितसर दे मैडीकल कालज’ विच्च डाकटरी दी पहड़ाई करन दे सुपने लैंदिआं, दो सालां बाअद ‘दोआबा कालज, जालंधर’ दी ‘रैगूलर’ पहड़ाई ही छड्डणी पई। राह ही बदल गए। किसे ‘कित्ते’ दी भाल गिआनी करन उपरंत ‘बाइआ बठिंडा’ अकादमिक योगता परापत करन दे नाल नाल पहिलां हिंदी/पंजाबी साहित नूं वध्ध तों वध्ध पहड़न/जानण/मानण अते फिर लिखण वलां प्रेरिआ गिआ। पहड़ना लिखणा आरंभ होइआ तां कविता, प्रीतलड़ी, अमर कहाणीआं, प्रीतम आदि बहुत सारे मासिक, सपताहिक अते दैनिक पंजाबी परचिआं नाल वी जुड़दा गिआ। इसे शौक सदका पंजाबी दे बहुत सारे लेखकां नूं मिलण, जानण अते जाण-पहिचाण तों अग्गे मित्तरता दे नाल नाल पहड़न अते समझण दा मौका वी मिलदा गिआ। ‘नाकिस’ दीआं कवितावां, विधाता सिंघ तीर दी सरप्रसती अते करतार सिंघ बलग्गण दी संपादना हेठ चल्ल रहे ‘कविता’ परचे विच्च तां छप्पदीआं ही सन पर इस तों इलावा होर वी बहुत सारे परचिआं विच वी उस दीआं छपीआं रचनावां पहड़न नूं मिलदीआं रहिंदीआं सन। कवी दरबारां दीआं छपदीआं रीपोरटां विच्च वी उसदा ज़िकर हुंदा सी।

जदों मैं ‘पत्तण’ मासिक परचा 1956 विच आदमपुर तों कढ्ढिआ तां मेरी तांघ सी कि जित्थे ईशर सिंघ ‘भाईआ’ (उस समें शिमले रहिंदे सिरमोर हास-रस कवी), डा; रौशन लाल आहूजा, रणजीत सिंघ खड़ग, नाज़र सिंघ तरस, अजीत सिंघ ‘पत्तो’, वेद प्रकाश शरमा, चरन सिंघ निरमाण (सहारनपुर), बिशन सिंघ उपाशक, बलबीर मोमी, आतम हमराही, सरवण सिंघ रौणकी, गुरदीप सिंघ पापी, प्रेम भूशन गोइल, गुरमेल राही, रजवंत सिंघ राणा, मोहण सिंघ मतवाला, दीवाना जालंधरी आदिक अनगिणत कवी/लेखक ‘पत्तण’ विच्च छप्पदे हन उथे निरंजण सिंघ ‘नाकिस’ वलों वी रचनावां दा सहियोग मिले। किसे कारन (उस समें मैंनूं कारन दा पता नहीं सी) निरंजन सिंघ ‘नाकिस’ वलों मैंनूं कोई हुंगारा ही नां मिलिआ। निसचै ही मैं निराश होइआ अते थोड़ा जिहा नाराज़ वी।

मैंनूं मुड़ पंजाब छड्ड के पहिलां आसाम जाणा पिआ। फिर ‘अनटरेंड टीचर’ दी हैसीअत विच जलंधर, कौल (करनाल) अते फिर सहारनपुर पंजाबी-अधिआपन कारज करना पिआ। इस पिछ्छों ‘अकाली पत्त्रिका’ दी संपादना टीम नाल जुड़न तों बहुत बाअद दस्स मई 1960 नूं मैं ते सुरजीत नें विआह बंधन विच्च बझ्झहणा सी। कुझ कु लेखकां नूं वी –मूरखता-वस्स– हत्थ लिखत पोसट-कारडां राहीं विआह दा सद्दा पत्तर भेजिआ। विआह दे मौके ‘ते कुझ लेखक-मित्तर पुज्जे, कुझ नें नां पुज्जण लई ख़िमां मंगदिआं शुभ्भ-इछावां भेजीआं पर ‘नाकिस’ नें पहुंचणा जां शुभ्भ इछावां तां की भेजणीआं सन, सद्दा-पत्तर दी पहुंच वी नां कबूली। इंझ ‘नाकिस’ दी बे-रुखी दिल नूं चुभ्भ गई। मैं सोचिआ कदे जीवन विच्च मौका मिलेगा तां गल्ल करांगा।

अते फिर इक सबॅ्ॅब बणिआ, बहुत ही वधीआ। दरअसल ‘आल इंडीआ लिटरेरी कौंसल’ वलों 24-25 जून 1960 नूं शिमले दे कालाबारी हाल विच ‘सरब भारती नव लेखक संमेलन’ दा परबंध कीता गिआ सी। (पूरी रीपोरट कविता, सतंबर 1960 विच वेखी जा सकदी है।)

आल इंडीआ लिटरेरी कौंसल दे मुख्ख सरप्रसत सन उस वेले दे पंजाब दे गवरनर अते चांसलर पंजाब यूनीवरसिटी अते मराठी दे सु-प्रसिध्ध लेखक स्री ऐन.वी. गैडगिल्ल जिहनां दीआं 30 तों वध्ध पुसतकां छप्प चुक्कीआं सन अते उहनां नें स्री गुरु ग्रंथ साहिब जी दा मराठी तरजमा वी कीता सी। स्री गैडगिल्ल नें इस कानफरंस दा उदघाटन कीता सी अते पहिली बैठक दी प्रधानगी, हिंदी दे विदवान लेखक पंडत अमरनाथ विदिआलंकार नें कीती। कौंसल दे चेअरमैन प्रो: हरनाम सिंघ शान सन। भारत तों बिनां यूगोसलावीआ दे लेखक फिलप कूरसिक अते सोवीअत प्रतीनिध्ध याकूनिन वी आए होए सन। माहौल बड़ा ही सहिज, मिलवरतों वाला अते सुहावणा रिहा। डा: रौशन लाल आहूजा (जिहनां दीआं कुझ रचनावां ‘पत्तण’ विच्च छापण दी ख़ुशी लै चुक्किआ सां अते उहनां नें मेरे पोसट-कारड वाले सद्दा पत्तर दे जवाब विच्च नां-पुज्ज सकण लई असमरथता ज़ाहिर कीती सी) अते निरंजण सिंघ नाकिस इकठ्ठे, समागम दे इक्क सैशन विच्च मिल पए। ‘नाकिस’ नाल मैं दिलों नाराज़ सां। मैं चुप्प नां रहि सकिआ अते अधीर मन नाल ‘नाकिस’ तों आपणे अते ‘पतण्ण’ प्रती उस दी बे-रुखी दा कारन जाणना चाहिआ। ‘नाकिस’ कारन सबंधी वेरवा देंदिआं बोलिआ: ‘तुहाडा गुस्सा जाइज़ है अते मैं तुहाडे किसे वी पत्तर दा जवाब नां दे सकण लई ख़िमां मंगदा हां पर दरअसल पोसटकारड (चिठ्ठीआं) तुसीं सनातन धरम हाई सकूल, सुलतानपुर लोधी पाए सन पर मेरी तबदीली सरकारी हाई सकूल, खलचीआं (अंम्रितसर) हो गई सी। मैंनूं पत्तर बहुत पछड़के मिले अते फिर मैं सोचिआ शाइद ‘शिमले’ मिलण दा सबब्ब बण जावे।’ इंझ ‘नाकिस’ दा कोई कसूर नहीं सी। मैं ही ग़लत-फ़हिमी दा शिकार सां पर फिर वी उह, आपणे तों उमरों छोटे भाव मैथों ख़िमां मंग रिहा सी। मैंनूं, उसदी सखशीअत दे इस सुहिरद हां-पख्ख नें बहुत कीलिआ। मेरा गुस्सा काफ़ूर हो गिआ अते मैं निरउत्तर हुंदिआं ‘नाकिस’ नूं होर कुझ वी नां कहि सकिआ।

पलासटो, मिलण समें निरंजन सिंघ ‘नूर’ इसे गल्ल वल इशारा कर रिहा सी।

इसे समागम विच्च कहाणीकार अजीत सैणी, जगदीश अरमानी, प्रो.दलीप सिंघ दीप अते गुरदिआल सिंघ राए नूं वारतक लई सनमानिआ गिआ अते निरंजण सिंघ नाकिस, चरन अशोक, साथी लुधिआणवी (उस वेले मोहन सिंघ साथी), चंनण सिंघ चंन, उजागर कंवल आदि कवीआं नूं उच्च पाए दीआं कवितावां लई पुरसकारां नाल निवाजिआ गिआ।

-मेरे दिमाग दे पट ‘ते ‘आल इंडीआ लिटरेरी कौंसल’ दे सारे समागम फिलम दे सीन वांग घुंम गए। स: हरदेव सिंघ ढेसी नें गल्ल नूं अग्गे तोरदिआं आपणे आउण दा कारन दस्सिआ अते फिर डरबी तों कढ्ढे जाण वाले इक्क मासिक परचे दी प्रकाशना सबंधी प्रोगराम नजिठिआ गिआ। इह सी मेरी ‘नाकिस’ तों ‘नूर’ बणे निरंजन सिंघ नाल 1960 तों बाअद बरतानीआ विच्च आ के मुलाकात। अते फिर साडीआं मुलाकातां दा इह सिलसिला, उस दी हिआती तक्क जारी रिहा।

1970 विच्च ही रामगहड़ीआ सिख्ख गुरदुआरा फौरैसटगेट, लंडन विखे, सिख्ख धरम दे बानी स्री गुरु नानक देव जी दे पंज सौ साला प्रकाश उतसव सबंधी इक सरब बरतानवी धारमक कवी दरबार करन दा आयोजन कीता गिआ। बरतानीआ वसदे: लंडन, साऊथाल, कावैंटरी, वुलवरहैंपटन आदि दे लगपग सारिआं ही कवीआं नूं सद्दिआ गिआ। निरंजन सिंघ ‘नूर’ हुरां नूं वी बेनती कीती गई। उहनां नें आउण दी हामी भरी पर कुझ कु कवीआं दा कहिणा सी कि ‘नूर’ मारकसवादी/प्रगतीवादी धारा नाल जुड़िआ होण कारन नहीं आवेगा। कवी दरबार दा प्रबंध मेरे ज़ुंमे सी जिस कारन मेरा मन वी थोड़ा जिहा डोलिआ होइआ सी। कवी ‘नूर’ नें इस यादगारी कवी दरबार विच्च नां केवल खिड़े मत्थे शमूलीअत ही कीती सगों वाह वाह सतिकार वी परापत कीता। ‘नूर’ वस्स लग्गदे कहिणी ‘ते करनी दा सदा ‘सूरा’ ही बणिआ रिहा। मैं, उसतों, उसदे दित्ते होए बचन दा कदे निरादर हुंदा नहीं वेखिआ।

‘चेते दी चंगेर’ नूर दे अनेकां ही उज्जल पख्खां नाल भरी पई है पर केवल उसदे दो होर ‘नूरी वरतारिआं’ दा ज़िकर करना चाहांगा।

-इक वेर, 1979 विच्च जदों मैं आपणे जीवन दा इक्क बहुत ही ग़लत फैसला लै के, नीऊहैम ऐजूकेशन अथारटी तों अधिआपन दे कित्ते तों असतीफा दे के पहिलां लैसटर अते फिर बरमिंघम आइआ तां समें नें बड़े ही कौड़े ‘सच्च’ दे अनुभव करवाए। अधिआपन छड्ड के ‘प्रिंटिंग/पबलिशिंग’ दा किसे नाल सांझा कारोबार कर बैठा। इस सांझ नें दो महीनिआं विच्च ही घर तक्क विकवा दित्ता। सारी जमां पूंजी जांदी लग्गी। सिफ़र तों मुड़ आरंभ करना पिआ। बड़ा औखा समां सी। कई वरिहआं दी पूरी कोशिश दे बावज़ूद वी कारोबार मुड़ पैरां ते नहीं सी आ रिहा। अधिआपन दा कारज छड्डे नूं तिंन वरहे हो चुक्के सन। पतनी अते वड्डे बेटे दे सिर ते करोबार नूं छड्ड, मुड़ किसे नौकरी दी बेहद्द लोड़ सी। भाल जारी सी। पर डिपारटमैंट आफ़ ऐजूकेशन अते साइंस वलों प्रवाणित अधिआपक होण दे बावजूद नौकरी नहीं सी मिल रही।

कवी ‘नूर’ नाल अकसर मुलाकातां हुंदीआं रहिंदीआं सन। फोन राही वी गलबात हो जांदी। उस नूं मेरी भैड़ी आरथिक सथिती दा इलम सी पर उसने, मैनूूं कदे वी ज़ाहिर नां होण दित्ता। बरमिंघम तों दूर डरबी विखे ‘अधिआपक सकेल तिंन’ लई बेनती पत्त्र दित्ता होइआ सी। इध्धर सैडविल्ल ऐजूकेशन अथारटी वलों वी ‘अधिआपक सकेल दो’ लई बेनती पत्त्र मंगे गए सन। नूर हुरां नूं जदों पता लग्गिआ कि मैं डरबी विखे अधिआपन कारज लई बेनती पत्तर दित्ता है तां उस नें मैंनूं बरमिंघम दे लागे ही सैंडविल्ल विच्च बेनती पत्तर देण लई प्रेरदिआं उतशाहित कीता। उसदा सुझा सी कि रोज़ाना बरमिंघम तों डरबी सफर करना ठीक नहीं रहेगा, खरच वधेगा अते समां वी बहुत लग्गेगा। सो सैंडविल्ल ऐजूकेशन अथारटी नूं बेनती पत्तर दे दित्ता। इंटरवीऊ लई बुलावा आइआ अते चुण्ण लिआ गिआ। इंझ ‘नूर’ हुरां दे उद्दम सदका मैं मुड़ अधिआपन विच्च आ गिआ। ‘नूर’ हुरां इस सबंधी नां तां मैंनूं कदे चितारिआ ही अते नां ही कदे मेरी विउपारक असफ़लता जां आरथिक कमज़ोरी दी खिल्ली ही उडाई। उह बहुत नां कहिंदिआं केवल अचुप्प सहाइता करनी जाणदा सी। उह कदे वी किसे दूजे नूं हौला नहीं सी पैण दिंदा अते नां ही आपणे तों घटीआ ही समझदा सी।

-इंटरनैशनल पंजाबी साहित सभा (लंडन) दे सद्दे ‘ते वारशक जां उचेचे समागमां विच्च ‘नूर’ अकसर शामल हुंदा सी। इस सभा विच समें समें वख्ख वख्ख पंजाबी लेखकां दीआं किरतां सबंधी उचेचे तौर ते परचे लिखवाए अते पहड़े जांदे सन। कवी नूर अते कैलाशपुरी सबंधी परचे लिखण अते बरमिंघम विखे इंटरनैशनल साहित सभा (लंडन) वलों पहड़े जाण दा फैसला होइआ। ‘नूर’ उते परचा मैं लिखिआ सी अते ‘कैलाशपुरी’ उते डा: प्रीतम सिंघ कैंबो नें। फेसले अनुसार परोगराम बरमघिम दे इक्क गुरदुआरे दे परोगरामां लई दित्ते जाण वाले हाल विच्च कीता जाणा निसचित होइआ सी। इह बड़ा ही औखा समां सी। पंजाब विच्च हालात ठीक नहीं सन। आतंकवाद, मारधाड़ अते भैड़ी राजनीती दा असर बरतानवी सिख्खां उते वी पै रिहा सी। रोह-अरोह दा माहौल सी। बरतानवी लेखक वी वंडे गए सन। लेखक अते अ-लेखक विच्च अंतर घट्ट गिआ सी अते हालात बड़े असुखावें सन। इस समागम विच होर अनगिणत लेखकां दे नाल नाल उचेचे तौर ते पंडत विशनूं दत्त शरमा अते हिंदी/पंजाबी दे माहर रूसी विदवान लेखक डा: सरवीआकोव वी पुज्ज रहे सन। सारा प्रोगराम मित्थिआ जा चुक्किआ सी। प्रोगराम तों इक्क रात पहिलां ‘धमकी’ मिली कि जेकर गुरदुआरे दे हाल विच्च ‘नूर’ सबंधी कोई परचा पहड़िआ गिआ जां पंडत विशनू दत्त शरमा नूं सटेज उते बिठाइआ गिआ तां परोगराम विच्च खलबली मचाई जाएगी अते किरपानां वी चल्ल जाणगीआं। इह वी किहा गिआ कि इस गल्ल नूं केवल धमकी नां समझिआ जावे। सिट्टे वजों कुझ सनेहीआं दा विचार सी कि पुलस दी सहाइता लई जावे। मेरा मन नहीं सी मंनदा कि ‘लिखारीआं दे समागम’ लई पुलस नूं सद्दिआ जावे। उंझ मेरा विचार सी कि इंझ डर के ‘नूर’ होरां दा प्रोगराम कट्टके, अध्धा-अधूरा प्रोगराम की करना है, सारा प्रोगराम ही रद्द कर दित्ता जावे। पर गल्ल जनतक हो चुक्की सी। सारा प्रोगराम यकदम रद्द करन सबंधी सूचना देण लई लोड़ींदा समां नहीं सी। इस लई बड़ी सोच-विचार उपरंत रात दे दस वजे फैसला करना पिआ कि कल्ह सवेरे ‘नूर’ हुरां ‘ते परचा नां पहड़िआ जावे अते बाकी परोगराम ‘जिउं दा तिउं’ हो लैण दित्ता जावे। इस फैसले दी सूचना जदों मैं कुझ बुझहवें मन नाल ‘नूर’ हुरां नूं फ़ोन उते दित्ती तां उहनां नें सारी सथिती नूं समझदिआं बड़े ही सहिज विच रहिंदिआं मैंनूं किहा: ‘राए जी! कोई गल्ल नहीं, तुसीं मेरे सबंधी परचा नां पहड़िउ। हर हालत विच्च बाकी परोगराम हो लैण दिउ।’ इहो ही नहीं, उह ‘सूरबीर’ दूजे दिन समें तों पहिलां ही, मैंनूं पूरा सहियोग अते हल्लाशेरी देण लई नां केवल परोगराम उते ही पहुंचिआ सगों उसने सारा परोगराम खिड़े मत्थे, इक्क दरशक वजों माणिआ वी। ‘नूर’ दे चिहरे ते कोई मलाल नहीं सी। मेरीआं नज़रां विच्च नूर दा कद्द पहिलां नालों वी होर वड्डा हो गिआ। ‘नूर’ सबंधी फिर इक्क उचेचा/वख्खरा समागम ‘इंटरनैशनल पंजाबी साहित सभा, लंडन वलों ईसटहैम विखे करवाइआ गिआ जिस दी परधानगी डा: रघबीर सिंघ ‘सिरजणा’ नें कीती अते इस समागम विच्च बरतानीआं भर दे लेखक पुज्जे।

चेते दी चंगेर ‘चों, ‘नूर’ सबंधी लिखण नूं होर वी बहुत कुझ लिखिआ जा सकदा है पर कोई वी ‘लिखत’ उसदे सारे सारथक करतारी सिरजणआतमिक संसार जां समाजक वरतारे नूं इक्क-पध्धर करन दे उपरालिआं लई उस वलों कीते जाण वाले यतना नाल इनसाफ़ नहीं कर सकदी। उसने आपणे जीवन दा बहुत सारा हिस्सा कमिऊनिसट पारटी अते प्रगतीवादी लहिर नूं दित्ता। निरंजण सिंघ ‘नूर’ जीवन विच आई हर औकड़ नूं खिड़े मत्थे सहारदा रिहा। उह नर ही ऐसा सी कि ज़िंदगी दे हर संघरश लई सदा तिआर-बर तिआर रहिंदा सी। पगड़ी केस दे मौके ‘ते वी उह पिछ्छे नहीं हटिआ भावें कि जेकर उह चाहुंदा तां ‘दसतार दे केस’ नूं केवल धारमक मामला गरदानके कंनी झाड़ लैंदा पर नहीं, कहिणी, कानी अते करनी दे ‘करमी शेर’ नें ‘नसली वितकरे’ दी गल्ल करके, आपणे उते गोरे मुख्ख अधिआपक वलों अदालती हत्तक-इज़त दा दाअवा कबूल कर लिआ। रकम बहुत वड्डी सी इकल्ले नूर लई इह अदा करनी अति कठिन सी। पारटी वलों सहियोग नां मिलिआ। इस मौके उते उसनूं आपणिआं अते दूजिआं दी सोच विच्चला फ़रक वी ज़रूर रड़किआ। जुरमाना सी उह तां आख़िर निज्जी सहियोगीआं दी सहाइता नाल भर दित्ता गिआ। पर उह सभ कुझ बिनां शकाइत कीतिआं सहि गिआ किउंकि उह शकाइत करन विच विशवाश ही नहीं सी रख्खदा पर इस वरतारे नें नूर नूं डूंघा वलूंधर दित्ता।

निरंजण सिंघ नूर इक्क बहुत वधीआ कवी तां सी ही पर उह इक्क बहुत ही समझदार, असूलां दा पक्का, करमशील, सबर-संतोख नाल लबरेज़ सहिज अते सुहिरद इनसान सी। आपणी ज़िंदगी विच्च मैं उसनूं कदे वी तलख़ी विच आउंदिआं नहीं सी वेखिआ। सगों आपणी औख अते गंभीर दिक्कतां दे रू-बरू हुंदिआं होइआं वी उह मौके अते आपणी वित्त अनुसार दूजे लोड़वंद दी हर परकार दी सहइता लई ततपर रहिंदा सी। उह दूजे नूं हौला नहीं सी पैण दिंदा। आपणे साहमणे वाले नूं उस कदे वी घटीआ-पन दा अहिसास दिलाउण दी कोशिश नहीं कीती। उसदी हर संगत विच्च सदा ही पिआर, अपणत अते सुहिरदता दा वातावरण बणिआ रहिंदा सी। उह दूजे दीआं कमज़ोरीआं अते सीमावां नूं समझदिआं, मिलदे सहियोग जां असहियोग नूं सहिज नाल ही लैंदा सी।

होर बहुता नां कहिंदिआं मैं, सिरजणआतमिक ‘कला-पुरख’, ‘लोह-पुरश इनसान’, सुहिरद अते सिआणे राह-दसेरे मित्तर दे समकाल विच्च होण नूं वरदान समझदिआं इक्क वधीआ कवी अते इनसान नूं याद करदिआं नत-मसतिक हुंदा हां।

***