दुनीआ इक्क नवें दौर विच्च दाखल हो चुक्की है, पर भारत दी राजनीती दा वड्डा हिस्सा अज्ज तक उसे पुराणे ढंग नाल सोचण अते पैंतड़े तैअ करन तों अग्गे नहीं वध रिहा। सच्ची गल्ल सगों इह है कि सरकार दे कोल आधुनिक युग दी जंगी मशीनरी ही नहीं, जासूसी दे आधुनिक साफटवेअर वाले सरोत वी हन अते ‘ए आई’ (आरटीफीशल इंटैलीजैंस) समेत जिस वी किसम दी कोई नवीं खोज कीती जांदी है, जिस नूं अग्गे नेक कंम लई वी वरतिआ जा सकदा है तां साज़िश लई वी, उसदी वरतों हाकम धिर कर सकदी है। इद्दां दे हालात विच्च विरोधी धिर जिंनी अकलमंद अते जिस पध्धर दी पैंतड़ेबाज़ होणी चाहीदी है, भारत विचले उनहां आगूआं विच्चों किसे इक्क विच्च वी इसदी झलक नहीं मिलदी, जिहड़े भारती जनता पारटी ते इसदी लीडरशिप्प जां उस लीडरशिप्प अधीन चलदी सरकार विरुध्ध लड़न दे दाअवे करदे हन। इंदरा गांधी जिहड़े पैंतड़े नाल विरोधी धिरां दे लीडरां दे पैर उखाड़ छड्डदी हुंदी सी, उह उस वकत दी सरकारी मशीनरी दी उदों तक दी लिआकत अते उस लिआकत वाले अफसरां वल्लों उसदी जी-हज़ूरी विच्चों निकलदे सन अते भाजपा दे दौर विच्च ऐन इहो कुझ प्रधान मंतरी नरिंदर मोदी दी अगवाई हेठ वी होई जांदा है। सरकार जिस वी आगू दी अगवाई हेठ चलदी होवे, जे उह मनमोहन सिंघ वांग किसे होर दे बंधेज विच्च बंनहिआ होइआ नां होवे तां इह कोशिश लगतार करेगा कि उसदे राज दी मिआद वधदी जावे अते इस कंम लई सरकार दी हर शाखा विच्चों मिल सकदी जां खिच्ची जा सकदी सूचना वरतेगा। इह हमेशा तों हुंदा आइआ अते अज्ज दे दौर विच्च वी होई जांदा पता लग्गे तां किसे नूं हैरानी नहीं होणी चाहीदी। हैरानी इस गल्ल कारन हुंदी है कि विरोधी धिर अज्ज तक समें दे हाण दी हो वी नहीं सकी अते होण दी कोशिश वी नहीं करदी जापदी।

पिछले हफते कांगरस आगू राहुल गांधी नें वोटां चोरी कीते जाण दे दोश इक्क वार फिर दुहराए सन तां विरोधी धिर दीआं होरनां पारटीआं नें रसमी जिहे बिआन जारी करन मगरों इस गल्ल नूं भुला दित्ता सी, पर सरकार चलाउंदी धिर इद्दां नहीं करदी। उनहां दे लीडरां नें राहुल गांधी दा रसमी जवाब चोण कमिशन दे उस मुखी तों खहड़े पैर दिवा दित्ता सी, जिहड़ा हाकम धिर दे इक्क वफादार वालंटीअर वांग कंम करदा है, पर असल खेड परदे पिछ्छे साफटवेअर चलाउंदे सैल्ल नें खेडी सी। इस सैल्ल वालिआं नें उस दिन राहुल गांधी दा इक्क बिआन कढ्ढिआ ते इह शुरली छड्ड दित्ती कि असल विच्च माइंमार, जिहड़ा साडे बज़ुरगां दे वकत ‘बरमा’ वजों जाणिआ जांदा सी, विच्च भारत विरुध्ध इक्क साज़िश रची गई है अते राहुल गांधी उस साज़िश हेठ इद्दां दे बिआन दागदा है। उप्परों मिली झंडी मुताबक मीडीए अते सोशल मीडीए विच्च इह गल्ल पलां विच्च इंज फैला दित्ती गई, जिवें इहो संसार अते भारत दे वरतमान अते भविख्ख दा सभ तों वड्डा मसला होवे। दुनीआ भर विचले भारतीआं तीकर इह कहाणी पहुंचण मगरों अचानक इसदी चरचा इंज बंद हो गई, जिवें किसे पासे कंन पाड़वें हारनां दी गूंज पाउंदे जांदे मोटरसाईकल विच्च कोई खराबी आउण नाल उह बंद हो गिआ होवे। कारन इह सी कि इक्क नौजवान नें सारी सिआसी मेज़ मूधी कर दित्ती सी।

असीं लोक उस वेले तक ‘मैटाडेटा’ बारे नहीं सी जाणदे, पर साफटवेअर नूं बाज़ वरगी अख्ख नाल ताड़दे रहिण वाले उस नौजवान नें खुलासा कर दित्ता कि माइंमार विच्च कोई साज़िश दी गल्ल नहीं, समुच्ची खेड विच्च मैटाडेटा नाल लभ्भी टाईमलाईन नूं केंदरी धुरा बणा के दाअ खेडिआ गिआ है। इह साफटवेअर इह गल्ल दस्स दिंदा है कि किहड़ा बिआन किस आगू नें किस वकत दित्ता अते नाल इह वी कि उस वेले दी टाईमलाईन विच्च फलाणे-फलाणे देश जां शहिर आउंदे हन। जिहड़ा वकत उस वेले माइंमार दा सी, ऐन उहो वकत भारत दे कुझ राजां अते शहिरां विच्च वी, पर टाईमज़ोन विच्चों माइंमार इकल्ला चुणिआ ते राहुल गांधी दे बिआन नाल जोड़ दित्ता गिआ। उस नौजवान नें आपणी लभ्भत नाल भारत दे प्रधान मंतरी मोदी दा इक्क बिआन वी कढ्ढ लिआंदा, जिसदा टाईमज़ोन भारत नाल दुशमणी वाले गवांढी देश विचले इक्क प्रमुख्ख शहिर वाला सी ते भाजपा दा इक्क बिआन वी रख्ख दित्ता, जिहड़ा भारत नाल दुशमणी रख्खण वाले दूसरे देश दे कई शहिरां नाल सांझा बणदा सी। जदों इह गल्ल लोकां मोहरे पहुंची तां अध्धे घंटा नहीं सी लग्गा कि राहुल गांधी नूं साज़िश करता बणा के पेश करन दी सारी खबर सारे मीडीआ चैनलां तों गाइब हो गई जां हटवा दित्ती गई। इह कंम इक्क खोजी नौजवान नें कीता, जिहड़ा राजनीती नाल वासता नां रख्खण दे बावजूद गलत हरकत पछाणन अते पेश करन दी अकल रख्खदा सी, पर विरोधी धिरां दे आगूआं विच्च इक्क वी इह मंनण नूं तिआर नहीं कि उनहां नूं इह पता नहीं लग्गा कि शरारत दी जहड़ किहड़ी चीज़ सी!

जदों गल्ल इंदरा गांधी दी चल्ल पई है तां इह याद करना चाहीदा है कि कुझ साल पहिलां इक्क दिन प्रधान मंतरी नरिंदर मोदी नें इक्क कागज़ लोक सभा विच्च जेब विच्चों कढ्ढिआ, थोहड़ा पहड़ के पासे कीता अते फिर किहा सी: मैनूं इस देश अते इसदे लोकां दी चिंता है, विरोधी धिर नूं नहीं। देश विकास वल्ल लिजाण दी थां विरोधी धिर दा ज़ोर मैनूं निंदण उत्ते लग्गा रहिंदा है। विरोधी धिर नें दुहाई पाई कि प्रधान मंतरी मोदी झूठे देश ला रहे हन। नरिंदर मोदी नें कागज़ कढ्ढिआ ते विखा के कहिण लग्गा, “विरोधी धिर दे लीडर सुण तां लैंदे, मैं तुहानूं कहिण लग्गा सी कि इह लफज़ मेरे नहीं, इंदरा गांधी दे हन, जिहड़े उनहां नें इस हाऊस विच्च फलाणी तरीक नूं कहे सन।” विरोधी धिर सुंन हो के बैठ गई। उस दिन नरिंदर मोदी इस तरहां दीआं तिंन-चार चिट्टां पहड़ के विरोधी धिर नूं भड़काउंदे अते फिर चिट्टां विखा के इह कहिंदे रहे कि लफज़ मेरे नहीं, साबका प्रधान मंतरी इंदरा गांधी दे हन। इह झलकां देखण पिछ्छों ही विरोधी धिरां दे आगूआं नूं भविख्ख वासते कोई सबक लैणे चाहीदे सन ते पहड़न अते इतिहास दा रिकारड रख्खण वासते समां अते सुभाअ पैदा करना चाहीदा सी, पर उह अज्ज तक नहीं कर सके अते मार खाई जांदे हन। वकत किसे नूं पहड़ाउण लई कलासां नहीं लाउंदा हुंदा, उसदे पड़ाअ समझण दी अकल चाहीदी है। आर ऐस्स ऐस्स नाल जुड़े रहि के जथेबंदक ढांचे दी मज़बूती दी वरतों अते दुरवरतों करना ही नहीं, सरकारी सरोतां नूं आपणी लोड़ लई होर किसे वी आगू तों वध्ध सिख्ख चुक्के अज्ज दे प्रधान मंतरी नूं इह कला आउंदी है।

अजोके समें विच्च इह गल्ल अरथ नहीं रख्खदी कि असीं सरकार दीआं किंनीआं कमज़ोरीआं जाण सकदे हां ते किवें लोकां अग्गे उनहां नूं पेश कर सकदे हां, सगों इह गल्ल वड्डी है कि हाकम धिर दीआं सभ खेडां नूं समें सिर सोचदे अते कदम चुक्कदे हां जां नहीं! राहुल गांधी नें दोश लाइआ कि महाराशटर विधान सभा चोणां तों पहिलां लख्खां लोकां दीआं वोटां कटवा दित्तीआं, करनाटक विच्च वी इहो कीता गिआ अते फिर बिहार विच्च इहो दुहराउण दी कोशिश चलदी पई है। बिलकुल ठीक गल्ल जापदी है, पर बिहार विच्च जिवें इह मुद्दा वकत सिर चुक्किआ गिआ है, महाराशटर अते करनाटक वेले उत्थों दी कांगरस पारटी समेत समुच्ची विरोधी धिर दे आगू सुत्ते किउं रहे, इहो कुझ उनहां राजां विच्च किउं नहीं कीता गिआ? उदों दी खुंझी होई विरोधी धिर अज्ज तक लोकां विच्च आपणीआं जहड़ां उख्खड़दीआं सांभदी फिरदी है। करनाटक विचले हलके बारे राहुल गांधी नें दाअवा कीता है कि उत्थे कांगरस पख्खी हज़ारां वोटां कट्टीआं गईआं अते कांगरस दी जित्त नूं हार विच्च बदल दित्ता गिआ, पर उस मगरों कांगरस नें की कीता सी? चोण कमिशन वल्लों वोटां कट्टे जाण दी खेड कांगरस जां राहुल गांधी नें नहीं सी फड़ी, इक्क बूथ लैवल वरकर (बी ऐल्ल ओ) नें अचानक देखिआ कि वोट सूची विच्च उसदे चाचे दी वोट नहीं, जदों कि उसने आप वोट बणाई सी। पड़ताल तों पता लग्गा कि उसदे चाचे इकल्ले दी नहीं, उस वरगे कई लोकां दीआं वोटां कट्टीआं गईआं अते इह कंम आनलाईन सिसटम राहीं इहो जिहे फोन नंबरां तों कीता गिआ है, जिहड़े करनाटक दे नहीं अते असली वी हन जां साफटवेअर दी मदद नाल चलाए जांदे फरज़ी नंबर हन? दुहाई उस बी ऐल्ल ओ वल्लों इह दोश लाए जाण पिछ्छों मची अते फिर कांगरस आगू इस नूं सारे भारत विच्च चुक्क तुरे सन, पहिलां उह आगू कित्थे सन?

फिर इह गल्ल आम आदमी पारटी दे इक्क केंदरी लीडर नें कहि दित्ती कि 2020 विच्च विधान सभा चोण होण वेले नवीं दिल्ली हलके दे इक्क लख्ख अठताली हज़ार वोटर सन ते इस साल 2025 दीआं चोणां वेले उस हलके दीआं वोटां वधण दी बजाए बताली हज़ार घट के इक्क लख्ख छे हज़ार रहि गईआं। जदों नतीजा निकलिआ तां जिहड़ा अरविंद केजरीवाल पिछली चोण विच्च साढे इक्की हज़ार तों वध्ध दे फरक नाल जित्तिआ सी, ऐतकीं बताली सौ तों इक्क घट्ट वोटां नाल हार गिआ। बहुत सिआणे बणदे रहिंदे हन इस पारटी दे आगू, पर वोटां कट्टे जाण वेले मौके दी मुख्ख मंतरी आतिशी वल्लों चोण कमिशन नूं इक्क चिठ्ठी लिख देण नाल चुप्प कर के बैठ गए, उदों उनहां नें उह दुहाई किउं नां पाई, जिहड़ी अज्ज राहुल गांधी पाउंदा है ते विरोधी धिर चोण कमिशन हत्थों उसदी विरोधता हुंदी नूं फिलम वांग देखदी है! लाहौरीआं विच्च इक्क कहावत है कि फलाणा बंदा उदों नवींआं गाजरां खाण बारे सोचदा है, जदों रूहड़ीआं उत्ते पईआं गाजरां नूं अवारा पशू वी खाणा बंद कर दिंदे हन। भारत दी विरोधी धिर समें दे हाण दा बणन दी बजाए हाकम धिर नालों इस हद्द तक पछड़ के सोचदी ते फिर पैंतड़े मल्लदी है कि उसदा हर नवां पैंतड़ा उदों लोकां दे साहमणे आउंदा है, जदों तक हाकम धिर दस होर इहो जिहे दाअ घड़ के वरतणा शुरू कर चुक्की हुंदी है।

दुनीआ इस वेले तकनीक दी पहिल दे उस पड़ाअ विच्च दाखल हो चुक्की है, जिहड़ा उबासीआं लैण अते वकत दा सद्दा आउण दी उडीक नहीं करदा, रोज़ सवेरे उठ्ठ के आपणे आप नूं संसार पध्धर दे हर उस साफटवेअर अते ऐप दी जाणकारी करन लई कहिंदा है, जिसदी अगले दिन वरतों हो सकदी है। संसार दे इस वरतारे नाल जिहड़ा चल्लेगा, उह इसदे हाण दा होण दी कोशिश कर सकदा है, जिहड़े इह गल्ल कदे खुद सोचण दी लोड़ नहीं जाणदे ते किसे होर दी कीती मिहनत दा सिट्टा भालदे हन, उह भविख्ख दे भले दिनां दी आस कदे नहीं रख्ख सकदे। समें दी रफतार समझणा सभ तों पहिली लोड़ है। बहुत घट्ट लीडर हन भारत विच्च इस वकत जिहड़े समें दी रफतार नाल दौड़ना तां की, दौड़न बारे सोचण वासते वी तिआर होण, पर सुफनिआं दीआं उडारीआं मंगल तारे वल्ल जाण वाले सैटेलाईट वांग ला के विरोधी आगू होण दी ज़िंमेवारी निभ गई मंन लैंदे हन। सौ गल्लां दी इक्क गल्ल कि राहुल गांधी तों शरद पवार अते अरविंद केजरीवाल तों ममता बैनरजी तक हर लीडर दे मन विच्च इह गंढ बझ्झी होई है कि मैं ही अकल दी पंड लै के जंमिआ सां, होर किसे नूं परमिट नहीं सी मिलिआ। जदों तक इह सारे लोक ‘मैं’ दी बिमारी तों उप्पर नहीं उठ्ठदे अते ‘असीं’ दी पहुंच नहीं अपणाउंदे, इह कदे अग्गे वल्ल वध ही नहीं सकदे।