राज कपूर साहिब दी इस वरहे 100वीं वरहेगंढ मनाई गई। उह इक्क महान फिलमसाज़ अते वड्डा कलाकार सी। उसदीआं फिलमां दी खिच्च अते सारथिकता सदीवी है। उस दे प्रशंसक केवल भारत विच्च ही नहीं सगों सारे संसार विच्च हन। रूसी तां उस नूं आपणा नाइक मंनदे हन। फिलम निरमाण समें उस दे साहमणे इक्क सुपना हुंदा सी, जिस नूं पूरा करन लई उह आपणे सारे वसीले दाअ उत्ते लगा दिंदा सी। इस महान कलाकार दी शताबदी जिस पध्धर उत्ते मनाउणी चाहीदी सी, अजिहा होइआ नहीं सगों इह केवल उस दे परिवार वल्लों कीते इक्क समागम तक सीमत हो के रहि गिआ। उस बारे समागम अते उस दीआं फिलमां दा प्रदरशन सारा साल चल्लणा चाहीदा सी। मैनूं उनहां नूं मिलण दा मौका 1965 विच्च मिलिआ सी जिसदीआं कुझ यादां पाठकां नाल सांझीआं कर रिहा हां।

मैं उदों पंजाब ऐगरीकलचरल यूनीवरसिटी विखे सोल्हवीं जमात विच्च पहड़दा सी। साडी 10 मुंडिआं दी कलास सी। कलास वल्लों भारत दरशन दा प्रोगराम बणाइआ गिआ। मुख्ख मंतव देश दीआं प्रमुख्ख खेती खोज संसथावां विच्च जाणा सी। साडे नाल इक्क अधिआपक सी जिहड़ा साडे वरगा ही सी किउंकि इक्क साल पहिलां ही उस पहड़ाई पूरी करके नौकरी शुरू कीती सी। उदों गड्डीआं विच्च राखवांकरन नहीं हुंदा सी ते बिसतरे वी आपणे ही लै के जाणे पैंदे सन। साडे प्रोगराम विच्च दिल्ली, आगरा, हैदराबाद, बंगलौर, मैसूर, ऊटी, बंबई आदि विच्च सन। मुंबई साडा आखरी पड़ा सी ते उत्थों मुड़ सिध्धे लुधिआणा आउणा सी। सटेशन उत्ते गड्डी पुजण्ण सार ही साडे विच्चों जिहड़े पंज तकड़े मुंडे सन, उह तेज़ी नाल डब्बे अंदर वड़ सीटां मलदे सन ते पिछ्छों समान टिकाइआ जांदा सी। उदों सफर मज़ेदार हुंदा सी। उदों किहड़ा मोबाइल हुंदे सन, सारा राह गप्पां मारदिआं ते रौला पाउंदिआं ही बीत जांदा सी।

मुंबई साडी गड्डी दादर सटेशन उत्ते पुज्जी। दादर गुरू घर विच्च कमरा मिल गिआ। दूजे दिन दा प्रोगराम उलीकिआ जा रिहा सी। साडे सारिआं दी इछ्छा किसे फिलम दी शूटिंग वेखणा सी। साडे इक्क साथी दे रिशतेदारां दा इत्थे टरांसपोरट दा कारोबार सी। उनहां इक्क सटेशन वैगन भेज दित्ती तां जो असीं मुंबई दी सैर कर सकीए। गड्डी दे डराईवर नें जदों पुछ्छिआ कि कित्थे चल्लीए तां साडे सारिआं दे मूंहों इहो निकलिआ, “असीं तां सभ तों पहिलां किसे फिलम दी शुटिंग वेखणी है।”

उस आखिआ, “इत्थों सभ तों नेड़े चंबूर विखे आर के सटूडीओ है, उत्थे चलदे हां। सुणिआ है, राज कपूर साहिब पंजाब तों आइआं नूं खिड़े मत्थे मिलदे हन।”

सानूं होर की चाहीदा सी। राज कपूर साहिब साडे सारिआं दे चहेते कलाकार सन ते आर के सटूडीओ दे नाम तों असीं सारे ही जाणू सी। असीं उतसक सी पर इह वी प्रारथना कर रहे सां कि राज कपूर साहिब मिल जाण। डराईवर नें गड्डी आर के सटूडीओ दे गेट अग्गे रोक दित्ती।

साडे प्रोफैसर नें गेट ’ते खहड़े दरबान नूं पुछ्छिआ, “राज कपूर साहिब हन?”

दरबान दा उत्तर सी, “हां जी हैगे।”

साडे चिहरे खुशी नाल खिड़ गए। प्रोफैसर साहिब नें फिर आखिआ, “असीं उनहां नूं मिलणा चाहुंदे हां?”

दरबान दा उत्तर सी, “तुसीं इत्थे ही रुको, मैं पुछ्छ के आउंदा हां।”

असीं की वेखदे हां कि राज कपूर साहिब नंगे पैरीं साडे वल्ल आ रहे सन। असीं अग्गे वध के सति स्री अकाल बुलाई। उनहां साडे नाल हत्थ मिलाइआ ते सानूं सारिआं नूं आपणे नाल अंदर आउण लई आखिआ। सटूडीओ दे इक्क पासे थीएटर सी। उस दे बूहे उत्ते पुज्ज के उह आखण लग्गे, “तुहानूं इक्क तकलीफ करनी पवेगी। अंदर जाण तों पहिलां जुत्तीआं लाहुणीआं पैणगीआं। मेरे लई थीएटर इक्क पवित्तर सथान है, इत्थे असीं सारे जुत्तीआं उतार के जांदे हां।”

असीं आपणीआं जुत्तीआं लाह के अंदर चले गए। छोटा जिहा बहुत सुंदर थीएटर सी। गद्दिआं वालीआं बहुत ही आरामदाइक कुरसीआं सन। फरश उत्ते वधीआ कारपैट सी, जिस विच्च पैर धसदे सन। उह आखण लग्गे, “जदों कोई पंजाब तों आउंदा है तां मैनूं बहुत ही खुशी हुंदी है।”

कपूर साहिब बहुत ही पिआरी पंजाबी बोल रहे सन। साडा इक्क साथी आखण लग्गा, “तुसीं तां बहुत वधीआ पंजाबी बोलदे हो।”

राज कपूर साहिब दा उत्तर सी, “पंजाबी हां तां पंजाबी ही बोलांगा, फारसी ते नहीं बोलांगा।”

असीं पुछ्छिआ, “तुसीं पंजाबी विच्च फिलम किउं नहीं बणाउंदे?”

उनहां दा उत्तर सी, “जदों कोई वधीआ कहाणी मिली तां ज़रूर पंजाबी फिलम बणावांगा। पंजाबी फिलमां वेखण वालिआं दी गिणती थोहड़ी है। खरचा पूरा नां होण दा वी डर है। खैर मैं आपणी इछ्छा ज़रूर पूरी करांगा।”

जदों उनहां नूं पुछ्छिआ कि तुसीं हमेशा प्रेम कहाणीआं आधारित फिलमां ही किउं बणाउंदे हो तां उनहां दा उत्तर सी, “संसार विच्च सभ पासे लड़ाई, झगड़े, नफ़रत दा बोलबाला है। मैं इस विच्च होर वाधा नहीं करना चाहुंदा सगों कोशिश करदा हां कि इस विच्च कुझ कमी कर सकां।” उनहां किहा, “‘बरसात’ फिलम दी सफलता नाल मेरा हत्थ कुझ खुल्ल्हा हो गिआ ते मैं आपणे सुपनिआं दा सटूडीओ बणा सकिआ हां। 1948 विच्च ढाई एकड़ ज़मीन ’ते इह सटूडीओ बणाइआ सी।”

असीं उनहां नूं पुछ्छिआ कि आपणे देश विच्च तां तुसीं सारिआं दे दिलां दी धड़कण हो। सुणिआ है कि रूस विच्च वी लोकीं तुहाडे लई पागल होए फिरदे हन। उनहां दा उत्तर सी, “पिआर दी आपणी ही भाशा हुंदी है, जिस नूं सारे समझदे हन। कुझ इह वी आखदे हन कि मेरी शकल रूसीआं नाल वधेरे मिलदी है।”

असीं होर गल्लां करनीआं चाहुंदे सां पर आपणे अधिआपक दा इशारा समझ के असीं चुप्प हो गए। साडे अधिअपक नें आखिआ, “तुसीं सानूं इंना समां दित्ता, तुहाडी मेहरबानी। असीं तुहाडे कंम विच्च होर रुकावट नहीं बणना चाहुंदे, सानूं आगिआ देवो।”

“इह किवें हो सकदा है, तुसीं पंजाब तों आए हो, तुहाडी सेवा तां करनी बणदी है। आवो पहिलां चाह पीईए।”

उह सानूं आपणी काटज वल लै गए। उत्थे पहिलां ही चाह ते कुझ खाण दा समान सजिआ होइआ सी। असीं चाह पी रहे सां ते उनहां दी सादगी अते निमरता वेख हैरान हो रहे सां। जिस राज कपूर दे दरशन लई असीं तरसदे सी अज्ज उस ही महान कलाकार नाल उस दे सटूडीओ विच्च चाह पीण दा सुभाग प्रापत होइआ सी। इस तों वड्डी खुशकिसमती होर की हो सकदी सी।

चाह पीण पिछ्छों असीं उनहां तों आगिआ लई। उह सानूं गेट तक छडण आए ते साडे सारिआं नाल हत्थ मिलाइआ। इह अभुल्ल यातरा साडे चेतिआं विच्च हमेशा लई उक्करी गई। हुण जदों आर के सटूडीओ दे विक जाण दी ख़बर पहड़ी तां बहुत ही अफसोस होइआ। उनहां दा परिवार आपणी महान विरासत नूं संभाल नां सकिआ।

* * * * *