डा: प्रीतम सिंघ कैंबो इक्क बहु-पख्खी लेखक है। थोड़े ही समें विच्च पंजाबी साहित नूं उसने साहित दीआं वख्ख वख्ख विधावां सबंधी पुसतकां दे के इक्क सफल लेखक वजों नामणा खट्टिआ है। उसने कहाणी दी विधा तों आपणा साहितक सफ़र आरंभिआ अते फिर कहाणी दे नाल नाल आलोचना, खोज, संपादना, पुसतकां दे मुखबंधां अते पंजाबी दे प्रसिध्ध साहितकारां नाल विशेश ढंग दीआं मुलाकातां दे कारजां उते पूरी तनदेही अते ईमानदारी नाल हत्थ अज़माइआ। बारां कहाणीआं ते निरभर उसदा पहिला कहाणी संग्रहि ‘धुख्खदा गोहटा’ 1991 विच्च प्रकाशित होइआ अते हुण चौदां वरहे उपरंत भाव 2005 विच्च उसदा इह ‘दिशावां’ नां दा कहाणी संग्रहि छप्प के पाठका अग्गे आइआ है।

‘धुख्खदे गोहटे’ दीआं कहाणीआं राहीं डा: कैंबो नें विशेश रूप विच बरतानीआ विच वसदे परवासी पंजाबीआं दीआं बहु-परती समस्सिआवां दा जिकर कीता। लेखक दे अंदर ‘धुख्खदी अग्ग’ तां सदा ही दबी-घुट्टी, लुकी-छिप्पी रहिंदी है। इह सुलगदी अते कारज-रत अग्ग ही हुंदी है जो कहाणीआं दे पातरां दे अमलां भाव करमां राहीं सथितीआं दी तहि तक्क पुज्जदिआं, वारतालाप, बिआन अते पातरां दे आपसी वरतारे राहीं कंम कर रहे मानसिक तनाउ दे पछोकड़ नूं उजागर करदी है। इह सुलगदे रोस, गुस्से अते असंतोश दी पुठ्ठ सदका जदों सुख्ख जां दुख्ख दे जज़बिआं नूं प्रगटा के कुझ कर सकण दी भावना दा इज़हार करे तां फिर सहिजे ही ‘दिशा’ जां ‘दिशावां’ दरसाउण अते निरधारित करन दे कारज दा आरंभ हो जांदा है। हत्थला संग्रहि, इक तरहां नाल रचनहारे अंदर ‘धुख्खदे गोहटे’ दी कारज संपनता मगरों, उस्सलवट्टे लैंदीआं ‘दिशावां’ दा ही प्रगटा है।

हत्थले संग्रहि ‘दिशावां’ विच्च कुल्ल नौं कहाणीआं हन। उंझ ते किसे नां किसे रूप विच इह सारीआं कहाणीआं विच ही पंजाब, पंजाबी, पंजाबी कलचर, परवास अते परवास नाल सबंधत समस्सिआवां अते उहनां दे समाधान सबंधी दिशा-निरधारण दे संकेत, अचेत-सुचेत मिल जांदे हन। पर फिर वी समझ-सौख लई इहनां कहाणीआं नूं, बहुते विसथार विच नां जांदिआं, चार भागां विच वंडिआ जा सकदा है:

(1) नौं विचों चार कहाणीआं: ममता, आपणा लहू, दिशावां अते भटकणा परवासी पंजाबी दी पीड़ी पाड़े कारन तिड़कदे रिशतिआं अते संताप दी समस्सिआ नाल जूझदीआं मिलदीआं हन। हुण तक्क बरतानीआ विच पंजाबी भारतीआं दीआं तिंन पीड़ीआं वेख सकदे हां। है तां इह सारे परवासी ही पर पहिली पीड़ी नें प्रवास दा जो संताप हंढाइआ अते नसलवादी सरोकारां नाल जिवें दो-चार होए उह इक्क आपणी वख्खरी कहाणी है। दूजी ते तीजी पीहड़ी दी सोच पहिली पीहड़ी नालों बिलकुल वख्खरी है। नवी पीड़ी नूं आपणीआं मूल सभिआचारक कदरां कीमतां नाल कोई बहुता मतलब नहीं। उह पछ्छम दे रंग विच पूरी तरहां रंगे गए हन। मंदे भागीं कुझ वी कर सकण दी समरत्था हीणी पहिली पीहड़ी नवीं पीहड़ी दी सोच नूं सवीकार नहीं करदी।

(2) दो कहाणीआं: ‘ज़िंदगी दी फसल’ अते ‘दासतान’ पंजाबीआं दे साधारण समाजक जीवन दे दुखांत नूं पेश करदीआं हन। इह कहाणीआं पीहड़ी दर पीहड़ी दे अंतर अते सवारथी भावनावां नूं उजागर करदीआं हन।

(3) दो कहाणीआं: ‘असीस’ अते ‘सुपनिआं दी सिरजणा’ दा विशा पिआर है। पिआर दी परवानगी विच नैतिक, समाजक, धारमक अते सभिआचारक औकड़ा दा सवै-विरोधी रोल ही इहनां कहाणीआं दी ख़ूबसूरती है।

(4) ‘ज़हिरीली हवा’ नां दी कहाणी, पंजाब विच आए दहिशतगरदी दे दिनां विचले माहौल नाल संबंधित है। दुखित घटनावां दे बावज़ूद काइम सदभावना नूं दरसाउंदी अते पंजाबी सभिआचार दी जित्त प्रगटाउंदी दिल टुंबवीं कहाणी है।

डा: कैंबो नें आपणी कहाणी राहीं जीवन दा यथारथ पेश कीता है। उह ज़िदगी नूं बिआनदा, कथानक तोरदा लड़ी दर लड़ी घटनावां नूं पेश करदिआं कहाणी दे सिखर ते पुज्जदा है। हर कहाणी विच वापरन वाली घटना पाठक नूं आपणे नाल तोरदी प्रतीत हुंदी है। भावें गल्ल ‘ममता’ विचले जसवंत सिंघ ते उसदी पतनी दे पल्ले पैण वाले पछतावे दी होवे जां ‘आपणे लहू’ विच दुरदशा ‘किरपा सिंघ ते परकाशो’ दी होवे। यथारथक चितरण पछ्छमी ते पूरबी सभिआचार दे टकरा वजों पाठकां गोचरे आ जांदा है। पछ्छमी सभिआचार विच जंमी-पली सैंडी पंजाबी सभिआचार ‘चों आए सुखप्रीत तों आपणी खुल्ह उते किसे वी तरहां दी बंदश बरदाशत नहीं करदी। फिर टुट्ट-भज्ज किवें रुके? इनहां दोहां कहाणीआं विच डा: कैंबो नें आवासी मापिआं दे उस संताप दी ख़ूब पेशकारी कीती है, जित्थे उनहां दे बच्चे उनहां दे पैसे दे सिर ‘ते चंगी ऐश करना लोड़दे हन पर उहनां दे मन विच आपणे मापिआं प्रती रता भर वी मोह-पिआर जां सतिकार नहीं है।

डा: कैंबो दी इस संग्रहि दी पहिली कहाणी ‘भटकणा’ दा ज़िकर करना वी ज़रूरी है किउं जो इह कहाणी अजोके समें विच्च बहुत ही प्रसंगिक है। अज्ज पंजाब दा हर नौजवान पछ्छमी सभिआचार अते आरथिकता तों चुंधिआ के पछ्छम विच आउण लई उतावला है पर अजिही चाहत कहाणी विचले गुरप्रताप नूं जिस दोराहे ते लिआ खड़ा कर दिंदी है उह किसे सराप तों घट्ट नहीं। मिहनती हुंदा होइआ वी जदों दो पुलसीए उसनूं आ फड़दे हन तां उसदी मानसिकता विच्च इक्क भुचाल जिहा आ जांदा है अते गुरप्रताप नूं ‘बाहर निकली होई ख़ूबसूरत धुप्प धुंदली धुंदली नज़र’ आउण लग्ग पैंदी है।

जिवें कि पहिलां ज़िकर कीता है ‘ज़हिरीली हवा’ पंजाब विच फिरकू ज़हिर कारन पैदा होए दुखांत दा ज़िकर करदी है। हिंदू-सिख्खां नाल वापरे दुखांत दा दिल हिलाउणा वरनण भावें पाठक नूं दूख्खी करदा है पर कहाणी दा अंत ‘पंजाबी सभिआचार’ दी जित्त नूं प्रगटाउंदा होइआ चंगे कल्ह दी कामना वल संकेत करदा है।

‘दिशावां’ कहाणी दा ज़िकर इस लई वी ज़रूरी है कि इस कहाणी दे नां उते ही संग्रहि दा नां रख्खिआ गिआ है। इह कहाणी लंमी है शाइद इसनूं थोड़ा जिहा होर कसवां कीता जांदा तां होर वी बेहितर हुंदा। इह कहाणी अजोकी पीहड़ी लई प्रेरना सरोत तां है ही पर इसदे नाल ही इक्क गंभीर समस्सिआ दा प्रगटाअ वी है। सनदीप ते सुखप्रीत इक्क दूजे दे पूरक नां हो के विपरीत दिशावां दे धारनी हन। इह रवई्ईआ उहनां दी ज़िंदगी विच विस घोलदिआं उहनां नूं दो विपरीत दिशावां वल्ल लै जांदा है। कहाणीकार नें बड़ी ही ख़ूबसूरती नाल अते रौचकता काइम रख्खदिआं अनजोड़ विआह दी इस सथिती वल्ल धिआन दुआइआ है। लेखक साधारन अते सहिज अवसथा विच रहिंदिआं कोई उचेच नहीं करदा सगों सहिज सुभा कथा तोरी रख्खदा है। कोई टिप्पणीआं नहीं दिंदा सगों नतीजिआं दे खुलासे पाठकां ते छड्ड दिंदा है। समस्सिआवां सबंधी कोई विचार नहीं पेश करदा, लैकचर नहीं दिंदा। पाठक सहिज सुभा सभ कुझ समझ लैंदा है।

कहाणी विच वसतू अते कलातमक निभाअ दा बहुत वड्डा हत्थ हुंदा है। परंतू कहाणी हर हीले कहाणी ज़रूर रहिणी चाहीदी है। हर लिखत दा कोई नां कोई मंतव हुंदा है अते कहाणी दा थीम वी कहाणी पहड़ के समझ आ सकण वाला होणा चाहीदा है। डा: कैंबो आपणीआं कहाणीआं राहीं आपणे ‘मनोरथ’ कलामई ढंग नाल प्रगटाउंण विच सफल है।

‘मनोरथ’ सबंधी आपणी गल्ल नूं होर सपशटता प्रदान करन लई डा: कैंबो दी ‘असीस’ कहाणी दा ज़िकर करना बणदा है। इस कहाणी राहीं कहाणीकार, बहुत ही चंगे ढंग नाल, भारती सभिआचार दी ‘गुरू-शिश’ दी सनमानित परंपरा नूं पेश करदा है। भारती सभिआचार विच विदिआरथी तां अीधआपक लई आपणी संतान वांग ही हुंदा है। इसे कारण ही अधिआपक आपणे शिश नूं ‘असीस’ तां दे सकदा है पर ‘शिश’ नाल विआह वरगे पवित्तर रिशते विच नहीं बझ्झह सकदा। पवनजीत अते प्रीती इसे कारण ही पती-पतनी नहीं बणदे। नौजवान अधिआपक पवनजीत आपणे अधिआपक फरज़ दी पूरती करदा होइआ, भावनावां दी रौंअ ‘च वहिण दी थां बुध्ध-विवेक तों कंम लैंदिआं भारत दी नैतिक परंपरा दे प्रतीक वजों सरव-उच्च हो जांदा है। ‘असीस’ संकेतक तां है ही पर अधिआपण विरसे दी उलंघणा करन वालिआं लई सिख्खिआदाइक प्रेरना वी है।

डा: कैंबो नें इहनां कहाणीआं नूं गुंझलदार नहीं बणन दित्ता। भाशा बड़ी ही सरल अते उपयोगी वरती है। कहाणीआं राहीं उसदी लिखण-किरिआ दे विकास करम दा वी थाह मिलदा है। परपक्क शैली अते विशिआं विच आई गंभीरता नें थीम दे प्रगटाअ दा राह होर वी सुखाला कर दित्ता है। इहो ही नहीं उसने आपणीआं कहाणीआं दे ‘थीमज़’ राहीं वरतमान पाठकां नूं अणभोल ही नवीआं दिशावां वल्ल प्रेरत कीता है।

समुच्चे तौर ते डा: कैंबो दी कहाणी, पूरबी ते पछ्छमी मुल्लां, कदरां-कीमतां विचकार टकराअ नूं दरसाउंदी है। परवासी जीवन, परवासी दी पहिली पीहड़ी दी दुबिधा अते नवीं पीहड़ी दीआं चुनौतीआं अते वरग गत्त वरतारे दी मूंह-बोलदी तसवीर हन इह कहाणीआं।

पूरबी ते पछ्छमी जीवन अते सभिआचार दी रलवीं पेशकारी ‘दिशावां’ दीआं कहाणीआं वरतमान समें दे मेच दीआं तां हन ही पर नाल ही पहड़न, मानण अते सांभण योग वी हन। कहाणीकार वधाई दा पातर है।