ओनटारीओ विच्च चेतंन विअकतीआं लई किरपाल सिंघ पंनूं इक्क पहुंच-मारग है। ऐसा मारग जिसदे दोवें पासे वड्डे वड्डे लाटू लग्गे होए हन जो घुसमुसा होण ’ते आपणे आप ही जग पैंदे हन। जे तुसीं वाश-रूम विच्च वी आपणी कोई तुकबंदी गुणगुणा रहे हो तां उह तुहानूं नवतेज भारती दे घर दा रसता दिखा देवेगा ते जे तुसीं ग़लती नाल वी कोई मिंनी कहाणी लिख लई तां उह तुहानूं जरनैल सिंघ दी संगत विच्च लै जावेगा। अग्गे तेरे भाग लछ्छीए। जरनैल सिंघ गरचा मुहावरिआं दीआं बोरीआं भरी फिरदा है ते इस दा सारा करैडिट किरपाल सिंघ पंनूं नूं दिंदा है। पता नहीं इह कैनेडा कदों आइआ किउं आइआ पर लगदा इंझ है जिवें इसदे बगैर भाईचारे दी गड्डी ऊणी ही रहिणी सी। तनाव ग्रसत बज़ुरग जिहड़े कंपिऊटर वल्ल पिठ्ठ कर के सौंदे सन, उहनां दीआं पत्थर उंगलां नूं कोमल कर के की-बोरड नाल जोड़िआ। इस विच्च किरपाल सिंघ पंनूं दा आपणा सुआरथ वी है। दहाका पहिलां इस नूं सारिआं लई आप टाईप करनी पैंदी सी। सकीमी बंदे नें आपणी जान छुडा लई। कंम कुझ घटिआ। हुण सिरफ पेज़ सैटिंग ते होर निक्के मोटे कंम ही रहिंदे सन पर हौली-हौली इस नें उहदे उत्ते वी खिझ खुझ के कंम कीता ते अज्ज जे किसे नूं कोई ग़लती नाल कोई माड़ा चंगा सुपना वी आ जाए उह सवेरे उठ्ठदिआं ही टिप-टिप करन लग्ग पैंदा है। तूं वी खुश मैं वी खुश। इह है इसदी प्रापती जिस वल्ल धिआन घट्ट ही जांदा है। सौखा ही राह लभ्भ लिआ, सारिआं नें, जदों वी किरपाल सिंघ दी गल्ल चलदी है असीं कहि दिंदे हां कि उह तां कंपिऊटर दा धंना जट्ट है। उह वी ठीक हन। टरांटो ते इस दे लागे छागे दे कई शहिरां विच्च कितने ही कंपिऊटर दे इंजनीअर हन जिनहां नूं कोई नहीं जाणदा। इह वी हो सकदा है उह इस मशीन नूं धंने नालों ज़िआदा जाणदे होणगे पर उह भगत नहीं बणे। किरपाल सिंघ जो आम आदमी दी समझ विच्च आउण वाला है ते जिसदी आम आदमी नूं ज़रूरत है, उसदा हरकारा है। पर जिवें सिआणी बिल्ली इक्क अध्धा दाअ-पेच औखे वेले लई आपणे कोल ही रख्ख लैंदी है उवें ही धंना वी करदा है। पर हो सकदा है कि इह मेरा वहिम ही होवे पर तुहानूं दसण विच्च कोई हरज़ नहीं।

जदों सूरज दीआं किरनां धरती छड्ड दिंदीआं हन तां हनेरा हो जांदा है पर आस बरकरार रहिंदी है कि इह दुबारा आउणगीआं। इह उह गल्ल है जो किसे नूं दस्सण दी लोड़ नहीं पर जदों मन विचों प्रेम निकल जांदा है तां कोई वी किरनां नूं याद कर सकदा है। इह वख्खरी गल्ल है कि बहुतिआं नूं किरनां दी याद सताउंदी नहीं। असल कारन जे सोचण बैठीए तां असीं कहि सकदे हां असीं प्रेम तों बिनां शांती गुआ बैठे हां। जीवन नूं प्रेम ते शांती लई जिस सहिजता दी लोड़ हुंदी है, उह मित्तर दी लोड़ पैदा करदी है।

अज्ज जे मैं आपणे मित्तरां नूं पोटिआं ते गिणन बैठां तां किरपाल सिंघ पंनूं इस गिणती तों परहां बैठा दिखाई दिंदा है किउंकि उह पोटिआं विच्च समाउण वाली शैअ नहीं। किरपाल सिंघ पंनूं इक्क खुशबो दा नाम है। इक्क सदा बहार खुशबो। चारे रुत्तां विच्च फैलिआ होइआ उह दरख़त है जिसनूं भुलेखे नाल ही कंपिऊटर दा धंना जट्ट किहा जांदा है। इह मशीन तां इक्क माधिअम है जिस राहीं उस नूं पहिचाणिआं जा सकदा है। अजे गूगल नें इतनी तरकी नहीं कीती कि उह तुहानूं दस्स सके कि चारे रुत्तां इक्कसार हो के की गुल्ल खिलाउंदीआं हन।

मैं जद वी उहदे बारे कुझ वी लिखिआ पहड़िआ सुणदा हां तां उह मैनूं बहुता पोंहदा नहीं किउंकि उसनूं इक्कले कंपिऊटर नाल बंनहणा मेरी सोच विच्च ज़िआदती है। किसे विधा नाल बझ्झिआ बंदा ज़रूरी नहीं फलदार ही होवे ते इह वी ज़रूरी नहीं कि फलदार मनुख्ख किसे कित्ते विच्च माहर वी होवे। इह दोवें अलग्ग अलग्ग गल्लां हन ते मैं इस विअकती नूं कंपिऊटर तों बगैर ज़िआदा जाणदा हां।

बारां साल बाअद इह पछाण सोना बण चुक्की है। गल्ल तीह सतंबर 1998 दी है जदों मैनूं पहिली वार किरपाल सिंघ दा फोन आइआ। उहनां पंज पाणी अख़बार विच्च छपी मेरी कहाणी पहड़ी सी। “हां बई कुलजीत तूं कित्थे लुकिआ सी?” उसदी पहिली गल्ल ही इस तरहां सी जिवें उह मैनूं अरसे तों जाणदे हन। मैं झिजक गिआ किउंकि उह उदों पंज-पाणी अख़बार ते आर-पार मैगज़ीन राहीं टोरांटो विच्च छाइआ पिआ सी। तिंन अकतूबर 1998 नूं परमजीत मोमी दे घर कहाणी बैठक सी जित्थे मैं पहिली वार गिआ। भावें गिआ मैं इक्कला सी पर वापस मैं इक्कला नहीं आइआ सी। मेरे नाल किरपाल सिंघ सी ते उसदे नाल सारे सन। मैनूं इस गल्ल दी तसल्ली सी कि नां तां मैनूं नवां समझिआ जा रिहा सी ते नां ही ओपरा। पहिले दिन दा इह रिण वधदा घटदा मेरे लई इक्क सरमाइआ बण चुक्का है। उहनां वांग इंन बिंन चाहुंदा होइआ वी मैं अजे वी कई कंमां नूं साल-साल भर टालदा रहिंदा हां तां इंझ लगदा है जिवें टालदा होइआ मैं किरपाल अंकल नूं ठुठ्ठ विखा रिहा हां किउंकि किसे कंम नूं टालण दा सिलसिला उसदे लागे चागे वी नहीं फटकदा। तिआर बर तिआर इह नौजवान सौंदा कदों है इह तां इक्क भेत ही है। कहिंदे हन कि कोई विअकती सारी दुनीआं नूं खुश नहीं कर सकदा ते जिहड़ा इह यतन करे उस दी घर वाली खुश नहीं हुंदी पर इह कहावत वी इस जवान ते लागू नहीं हुंदी।

खुश करन दा इह कारज तां इस नें शुरू ही घर तों कीता है। कदे-कदे इह वी लगदा है कि अंकल साडी आंटी तों डरदा है। आंटी दी हाज़री विच्च पूरी खुल्ल नहीं लैंदा। आंटी हमेशां अंतले पड़ाअ ते ही इहदीआं सिफतां दे पुळ बंनहदी है जिवें कहि रही होवे अज्ज फेर तूं पास हो गिआ। कदे-कदे मैनूं लगदा है कि अंकल आंटी दा किते प्रेम-विआह ते नहीं पर मैं कदे पुछ्छिआ नहीं ते नाही कदे किसे नें दस्सिआ है पर इहनां विच्च इक्क समझौता होइआ लगदा है कि मैं सिफतां तां ही करांगी जे बंदा बण के रहेंगा। इहनां दा विहार देख के मैनूं आपणे हनीमून वेले दे आरंभिक दिन चेते आउंदे हन। आंटी, अंकल दे सके दोसतां दी वी बहुत इज़त करदी है।

हैरानी हुंदी है कि अंकल कोल किहड़ी गिद्दड़सिंगी है। चमचमाउंदा इह कदे वी उलार नहीं हुंदा। अगले नूं उलार करके तोलदा है। गल्ल दहाका पहिलां दी है। कहाणी बैठक दी मीटिंग सी। अंकल पंनूं उदों वाटरलू रहिंदा सी ते आउण दा कोई वसीला नहीं सी। जरनैल सिंघ दा फोन आइआ कि किरपाल आ नहीं सकदा उस नूं जा के लै आवें तां चंगा है। मैं हामी भर दित्ती। नाशता मैं टाइम सिर ही कर लिआ सी ते तुरन लग्गे नूं पतनी नें लंच दा फिकर कीता। मैं कहि दित्ता कि मैं वाटरलू जा के लंच कर लवांगा। सवा घंटे दी डराईव नें भुख्ख चमका दित्ती सी। मिसटर रैज़ीडैंस जदों पहुंचिआ तां भुख्ख नाल बुरा हाल सी। अंकल तिआर बर तिआर सी। खहड़े-खड़ेह ही आंटी नूं हदाइतां कर रिहा सी पर किते वी इह हदाइत सुणाई नहीं दित्ती कि इक्क भलेमाणस नूं रोटी पाणी ही पुछ्छ लवो। खड़ेह खलोते ही असीं टोरांटो नूं तुर पए। भुख नाल बुरा हाल सी। कदे नाल बैठे ते गुस्सा आवे ते कदे जरनैल सिंघ ’ते पर सबर दा घुट्ट भर के ही गुज़ारा करदा रिहा। हुण सोचदा हां कि जिहड़ा बंदा राह जांदे राहीआं नूं वी तुलसीआं वंडदा है उहदी अणगहिली दा कारन की सी? हो सकदा है उह समझदे होण कि जे मैनूं कोई ज़रूरत सी तां मैं आप किचन विच्च जा के कुझ खा लैंदा। जिस तरहां मैं हुण करदा हां। टोरांटो तक होई गुफतगू पता नहीं किहड़े-किहड़े बंनहे टप्प रही सी। मज़े दी गल्ल इह सी कि उह मैनूं इक्क सिआणा बिआणा कहाणी लिखण वाला समझ रिहा सी। इस तों बाअद साडी गल्ल बात दुड़की चाले चलदी रही। अज्ज कई होरनां वांग मैं वी इह गल्ल दाहवे नाल कहिंदा हां कि मेरा लिखण दा सुभाअ किरपाल सिंघ पंनूं करके ही बणिआ। कहाणी बैठक विच्च कहाणी सुणदिआं इस नौजवान दीआं अख्खां अमूमन बंद हुंदीआं हन जिवें सुत्ता होवे पर विचार देण लगिआं समां, सथान ते द्रिशटी बारे इहो जिहीआं टिपणीआं करेगा जिवें कहाणी इस नें आप लिखी होवे जां लिखाई होवे। जे किसे नाल मनमुटाव होवे तां पहिलां बड़े सुसत लहिजे विच्च आपणी वारी खानापूरती वांग लंघा देवेगा। पर इसदी तस्सली नहीं हुंदी। दिल कहिंदा है कि इंझ नां कर। दुबारा टाईम मंग के बड़ी शिद्दत नाल विचार देवेगा। कहेगा पहिली गल्ल, दूजी गल्ल ते नंबर गिणाउंदा कहि रिहा हुंदा है कि मैं तेरे नाल औखा हां पर तेरी कहाणी नाल नहीं।

ऐसा वी नहीं कि बहुता ही शरीफ है। पुराणा पुलसीआ अफसर है। कई कहिंदे कहाउंदिआं दे इस नें वरके पाड़े हन ते जीहदा इक्क वार वरका पाड़ दित्ता, उसनूं टेप नहीं लाउंदा भावें कुझ वी हो जाए। उस नाल इक्क सीमत रिशता रहि जांदा है जो नां तां अधूरा दिसदा है ते नां पूरा। पर इस सारे कारज विच्च आपणे कद्द नूं ऊणा नहीं होण दिंदा। मैं कदे वी इस दे मूंहों कदे हलकी भाशा नहीं सुणी। छमकां वी मारेगा तां इनसानीअत नाल। उदों लगदा है जिवें इस दा मुकंमल विशवास डोल गिआ है। दहाका पहिलां टोरांटो ते आस पास दे शहिरां विच्च लिखीआं जाण वालीआं बहुतीआं कहाणीआं, लेखां नूं टाईप वी आप ही करदा सी पर फिर आपणी सहूलत लई कई पत्थर-उंगलां नूं इस नें कोमलता नाल की-बोरड ते तुरना सिखाइआ। कंपिऊटर, फौंटां ते शाहमुखी बारे कीते कंम बारे असीं बहुता नहीं सोचदे। इह सोच के नहीं सोचदे कि इह कंम साडा नहीं। अंकल दा है। कीअ-बोरड सिख्खण लग्गिआं मैनूं बड़े तलख़ तज़रबे विचों लंघणा पिआ। गल्ल-गल्ल ’ते टोका-टाकी। सपेस कदों देणी है। अठ्ठे उंगलां वरतणीआं हन। मैं वी गुज़ारे जोगा सिख्ख के बाकी दा रहिण ही दित्ता इह सोच के कि जे सारा कुझ मैं आप ही सिख्ख लिआ तां अंकल की करेगा। हुण मैं जदों वी कुझ लिखदा हां तां चुप्प चपीते अंकल नूं भेज दईदा है। इह आपे ठीक ठाक कर के वापस कर दिंदे हन। इतनी कु सहूलत तां मैं उक्का ही नहीं छडणी।

कदे-कदे अंकल खज्जल-खुआर वी करदा है। इक्क वार असीं अमरजीत साथी दे सद्दे ते ओटवा गए। अगली सवेर पारलीमैंट हाऊस वेखण दा परोगराम बण गिआ। कारां दे पिछ्छे-पिछ्छे असीं पहुंच तां गए पर वापसी वेले हरमिंदर ढिलों दीआं वाहीआं लीकां मेरी समझ विच्च नां पईआं ते असीं रसता भटक गए। मैं कार चला रिहा सी। अंकल पिछ्छे बैठा नज़ारे लै रिहा सी। सज्जे मोड़ लै हुण खब्बे मोड़ लै। आरडर लैंदा मैं सारा ओटवा गाह मारिआ पर साथी दा घर नां लभे। अंकल पिछ्छे हस्सी जा रिहा सी। कदे कहिंदा वेखो कितना सोहणा नज़ारा है, कितना सोहणा मौसम है, कितना सोहणा फलाई ओवर है। असीं कदे ओटवा तों बाहर वी निकल जांदे। तिंन घंटे बीत गए। दो वारी काफी वी पी लई। जे मैं सिध्धा चलाउंदा तां हुण तक्क मौंटरीअल आ जाणा सी। मैं इक्क वारी किहा वी कि आपां मैप लै लईए। अंकल दा जुआब सी ऐवें काहनूं पैसे पुट्टणे हन? जे मैं कहां साथी नूं फोन कर लवो तां जुआब सी उसदा फोन नोट-बुक्क ते लिखिआ है ते नोट-बुक्क साथी दे घर है। जे कहें तां ई-मेल कर दिंदे हां पर उस नें ई-मेल इस वकत पहड़नी नहीं। जे मैं किहा कि पारलीमैंट हाऊस वापस चलदे हां ते नवें सिरिउं सड़कां दी पछाण करांगे तां कहिण लग्गे कि तूं ते कहिंदा हैं कि मैं कोरीअर दा कंम करदा हां फिर तैनूं रसता किवें भुल्ल गिआ? गल्ल इह बणी कि हुण सानूं पारलीमैंट दा रसता वी नां मिले। आख़र हार के मैं कार खलार लई ते गैस सटेशन तों हाऊस दा पता पुछ्छण लई कार विच्चों उतरिआ। जदों वापस कार विच्च आइआ तां इह साथी नाल हस्स-हस्स के गल्लां कर रहे सन। मैनूं वेख के चुप्प कर गए पर मुसकड़ीए चिहरे सभ हाल दस रहे सन। मेरे सिवाए कार विच्च बैठे सारे खुश सन। उहनां नें सारा शहिर वेख वी लिआ सी ते उस दा मज़ा वी लुट्ट लिआ सी। असीं वापस साथी दे घर आ गए। उत्थे वी मेरा मौजू बणिआ रिहा। इक्क गल्ल चंगी वी रही कि सारे राह आउण जाण वेले गैस दे पैसे अंकल उत्तर के आप पे करदे रहे। इक्क होर मौके दी गल्ल दस्सण विच्च वी कोई हरज़ नहीं। मेरी कार दा एअर-कंडीशनर खराब हो गिआ सी। काफी देर मैं ठीक ही नहीं सी कराइआ जो अंकल नें ही ठीक करा दित्ता। मेरी पहिली किताब 2002 विच्च छपी सी। उस दी सारी सैटिंग वी इहनां नें ही कीती ते मैनूं अकसर ही इहनां दे घर जाणा पैंदा। इह उह दिन सन जद मैनूं आंटी दी ख़ातरदारी दा पता लग्गा। कदे-कदे तां नानक सिंघ दी कहाणी भूआ वी याद आउंदी। तुरन लगिआं कदे अचार ते कदे चटनी दे मरतबान दे कदे आपणे यारड दे सारे टमाटर तोड़ के मेरे हवाले कर दिंदे।

किरपाल सिंघ दी मारकीटिंग वी कमाल दी है। टोरांटो दे अख़बार ते रेडीओ मूंगी दी दाल तों लै के सैसकैचवन दे निआंई वाले खेत तक वेचदे हन। चार सौ डालर दा एकड़ ते उह वी निआंई वाला पर खरीददा कोई घट्ट ही है। इक्क होसट जां गोशट तां इक्क वार इह वी आपणे रेडीओ ’ते दाहवा कर रिहा सी कि मैं तां तुहाडे घर दी मिट्टी वी दो घंटे विच्च वेच सकदा हां। खैर इह तां कमरशीअल गल्लां हन आपां गल्ल कर रहे सी किरपाल सिंघ पंनूं दी मारकीटिंग बारे। इस तों बाअद आपां गल्ल करनी है चुटकलिआं बारे।

सारे शहिर विच्च जे कोई हुनर समोई बैठा है अते उस नूं पता नहीं लग्ग रिहा कि मैं आपणे हुनर बारे कीहनूं दस्सां तां उस नूं चाहीदा है कि उह अंकल नाल राबता काइम करे। सैंकड़े ही उदाहरणां हन जदों किसे दे हुनर नूं लोकां तक्क पहुंचाउण दा बीड़ा अंकल नें चुक्किआ वी ते नेपरे वी चाहड़िआ। कहाणीआं, लेखां ते कवितावां नूं लेखकां दीआं निज्जी डाइरीआं विचों कढ्ढ के अखबारां ते रसालिआं तक्क पहुंचाउण दी जे लिसट बणाउणी पवे तां हो सकदा है कि कोई नाम रहि वी जावे इस लई इस पंगे विच्च नां पैंदा होइआ मैं आपणे बारे ही गल्ल करांगा कि मेरी पहिली कहाणी ‘कहाणी पंजाब’ विच्च अंकल दे यतन सदका ही छपी सी। पिछ्छे जिहे कोई डाकटर वी इहनां करके ही दुवल्ले सबंधां नाल लोकाई दी सेवा करन लग्गा। कोई अख़बार ऐसा नहीं जिस नाल इहनां दे निज्जी सबंध नां होण। इहनां दे दो दोसतां दी जे आपस विच्च नां बणदी होवे तां इहनां नूं कोई फरक नहीं पैंदा। जे तुहाडी गल्ल किसे तक्क नहीं पहुंचदी तां सौखा कंम है कि किरपाल पंनूं नूं फोन कर लवो। इह हर इक्क फोन सुणदा वी है ते जुआब वी दिंदा है भावें कितना वी बिज़ी किउं नां होवे।

खुश-रहिणा अंकल चुटकले सुणन दा वी बहुत शुकीन है। अकसर मैनूं ही इह सेवा करनी पैंदी है। चुटकले सुनाउण दा वी तां ही मज़ा आउंदा है जे सुणन वाले नूं सुणना वी आउंदा होवे ते उसदा लुतफ़ लैणा वी। कई तां दिवाली दे सिलाभे पटाकिआं वांग ठुस्स कर के सारा सुआद ही खराब कर दिंदे हन। जे सुणन वाला तरतीबी होवे तां महिफ़ल जंम जांदी है। नवतेज भारती नूं कोई लतीफ़ा सुणा दिउ। लतीफे਼ नालों ज़िआदा मज़ा भारती नूं उसदा सुआद लैंदिआं वेख के आउंदा है। किरपाल पंनूं, अमरजीत साथी ते नवतेज भारती जे किसे महिफ़ल विच्च इक्कठे हो जाण ते लतीफ़िआं दा दौर शुरू हो जावे तां यादगारी हो निबड़दा है। कविता वांग लतीफे਼ दी वी फरमाइश आउंदी है कि फलाणा लतीफ़ा दुबारा सुणाइआ जावे। घरेलू माहौल विच्च शाकाहारी ते बाहर किते इकठ्ठे हो जावो तां मासाहारी। बारां साल विच्च अंकल दी दिख्ख विच्च कोई फरक नहीं पिआ पर शुगल वेले इह होर वी जवान दिसण लग्ग पैंदा है।

इक्क वार मैं पुछ्छ लिआ, “पंनूं जी तुहाडे वल्ल झाती मारिआं इंज लगदा है कि सारा पिंड ही मित्तरां दा है फिर वी तुसीं दोसती नूं किंझ प्रभाशित करदे हो?” मुसकरा पए ते कहिण लग्गे, “तूं आपणे बारे पता करना है जां समुच्चे जीवन बारे?” मैं किहा, “तुसीं दोवां बारे ही दस्स देवो।” कहिण लग्गे, “दुनीआ विच्च दो ही वंडां हन जिवें कमिऊनिसट कहिंदे हन, लुट्टण वाले ते लुट्ट होण वाले। इसे तरहां लोक वी दो ही किसम दे हन। इक्क जिनहां विच्च चंगिआई भारू हुंदी है ते इक्क जिनहां विच्च चंगिआई भारू नहीं हुंदी। कई वार तूं देखिआ होणा कि किसे खास मौके सारे ही चंगा वरताअ करदे हन ते इंझ लगदा है कि सारी दुनीआ ही चंगी है। सारे इनसान चंगे हन। असल विच्च उदों इनसान नहीं सगों उह मौका भारू हुंदा है जो इनसान दी चंगिआई नूं टुंब लैंदा है ते सारे पासे चंगी दुनीआ ही दिसदी है। कदे ऐसा वी हुंदा है कि चंगे तों चंगा इनसान वी माड़ा वरताअ करदा है, उदों वी इस भावना दे पिछ्छे माहौल ही कंम कर रिहा हुंदा है। कदे-कदे भीड़ दा मनोविगिआन इनसान नूं आपणी गरिप्प विच्च लै लैंदा है। सारी लोड़ तां इस गल्ल दी है कि माहौल नूं बेहतर किवें बणाइआ जावे।” “पर अंकल तुसीं वी कईआं दे वरके पाड़े हन। इह किउं?”

“असल गल्ल इह है कि मैनूं उह लोक चंगे नहीं लगदे जो चंगिआई जां बुराई दी लीक ते खहड़े हुंदे हन। उहनां दा पता नहीं लगदा। जे मैनूं पता लग्ग जावे कि फलाणा बुरा है तां मैं कदे वी उस नालों आपणा सबंध नां तोड़ां। घटो घट्ट मैनूं पता ते होवे कि उस नाल किस तरहां विचरना है? हर कोई केले दे छिलके नूं जे अख्खों ओहले कर देवेगा तां दुनीआ विच्च तिल्हकण वध जावेगी। इह सारी दुनीआ ही इस छिलके ते ग्रहि विगिआन दे विचाले खहड़ी है। तुसीं ते इह वेखणा है कि तुसीं कित्थे खहड़े हो ते तुहाडा हमसाइआ कित्थे खहड़ा है। दूसरी गल्ल तेरी, उह इस तरहां है कि हो सकदा है कि तूं चंगा होवें ते हो सकदा है कि तूं चंगा नां होवें। मेरी दोसती दा इहो मतलब है कि जिस तरहां तूं मैनूं दिसदा हैं इस तरहां ही तूं सारिआं नूं दिसें।” मैं चुप्प कर गिआ। अंकल नें सभ कुझ कहि वी दित्ता सी ते सभ कुझ लुका वी लिआ सी। मैं कई वारी कोशिश वी कीती कि पुछ्छां, अंकल कदे इशक उशक वी कीता है जां नहीं। अज्ज उहनां दी इह गल्ल सुण के मैनूं लग्गा कि अंकल किताबी गल्लां नूं ही महत्तव दिंदे हन ते कुझ्झ दस्सण नहीं लग्गे, इह वी हो सकदा है दस्सण लई कुझ्झ होवे ही नां पर फिर सोचदा हां इह नहीं हो सकदा। पर इक्क गल्ल तां पक्की है कि विआह तों बाअद ऐसी कोई गल्ल नहीं जित्थे सारी ज़िंदगी ही शगनां-मगनां नाल लंघी होवे उत्थे राई दा की कंम?

पर मैनूं टिच्चरां करदे रहिंदे हन। कहाणी दे पातर बारे पुछ्छण लग्गे इह गुरो कोण है? मेरीआं पहिलीआं कहाणीआं विच्च इक्क पातर दा नाम मैं मनिंदर लिख दित्ता ते अनजाणे विच्च ही इह नाम मैं दो तिंन वार दुहराअ दित्ता। मैनूं कोई चित चेता वी नहीं सी, इक्क दिन मैनूं पुछ्छण लग्गे कि इह मनिंदर कौण है? मैं भुचक्का जिहा सोचण लग्ग पिआ। असल विच्च इस नाम दी किसे कुड़ी नूं मैं जाणदा तक्क नहीं सी। गल्ल आई गई हो गई पर मैं सोचण लग्ग पिआ। दिमाग ते जोर देण ते दोवें पातर चेते आ गए। गुरो साडे मुहल्ले विच्च किसे बाबे दी एजंट सी। उदों मेरी उमर नौ जां दस साल होवेगी। मनिंदर मेरे नाल चौथी जमात विच्च पहड़दी सी ते मैं उहनां दे घर होम वरक करन जांदा हुंदा सी।

जे ज़िंदगी इक्क रेल गड्डी दा डब्बा है तां इस विच्च बैठा अंकल मैनूं इंझ दिखाई दिंदा है जिस नूं सारे डब्बे दा फिकर है। कोई पलेटफारम ’ते उतरिआ रहि नां जावे। किसे नूं अराम करन लई जे बरथ चाहीदी है तां उसनूं बरथ मिल जावे। अजे कुझ्झ महीनिआं दी गल्ल है इकबाल रामूवालीए नें किसे साईट ते जा के, करौनिक बिमारीआं दे इलाज लई इक्क नुसखा लभ्भिआ। कैंसर, डाइबटीज़, करोसटौल ते होर कई बिमारीआं दा इलाज उस दे अहार नाल संभव सी। इह गल्ल उहनां किरपाल पंनूं नाल सांझी कीती। इहनां नें कंपिऊटर ते लोढ कर के उस दा परचार शुरू कर दित्ता। फलैकसीड (अलसी दा तेल) नाल तिआर हुंदा इह नुसखा हुण घर-घर पहुंच गिआ है। उसे मीटिंग विच्च इह तुलसी दे नौ बूटे लै आए। हत्थो हत्थ सारिआं नें वंड लए। मेरे हिस्से आइआ बूटा वी अंकल नें किसे होर नूं दे के मैनूं किहा कि तूं घरों आ के लै जावीं। इह बूटे किथों आए, गमले किथों आए? इस दा तुहानूं पता नहीं लग्गेगा पर जे चाहीदा है तां उह मिल जावेगा। तुलसीआं वंडण दा शौक तुहाडे घर नूं इस दी खुशबो नाल भर देवेगा। कहिंदे हन कि इस बूटे दे होण नाल घर विच्च बरकत पैंदी है। जे इह बूटा तुहानूं किरपाल पंनूं नें दित्ता है तां बरकत तां पवेगी ही पवेगी।