मैं मंटो नूं पहड़ रिहा हां। मैं मंटो नूं इस लई नहीं पहड़ रिहा कि मैं हालां तक मंटो नूं पूरी तरहां नहीं पहड़िआ है। मैं मंटो नूं थोहड़ा जिहा पहिलां वी पहड़िआ होइआ है पर दोबारा चटखारे लै के पहड़दिआं जो मज़ा आ रिहा है, उसदी रीस नहीं। दोबारा पहड़न दा मज़ा जां ज़ाइका इक्क तरहां नाल दिमाग़ी इआशी है। भुस्स है, कच्ची मिट्टी खाण वाले भुस्स वरगा।

‘बाबू गोपी नाथ’ वाली कहाणी विच्च मंटो तां गोपी नाथ नूं पुछ्छदा है:

‘रंडी दा कोठा ते तकीआ तुहानूं किउं पसंद हन?

गोपी नाथ, सिर खुरकदिआं सोचदा है अते कुझ्झ चिर सोचण मगरों जवाब दिंदा है:

‘इस लई कि इहनां थांवां ‘ते फ़रश तों लै के अरश तक धोखा ही धोखा है।’ इहनां थांवां ‘ते दिने धोखा है, रात नूं धोखा है, पल पल धोखा है, गल्ल-गल्ल विच्च धोखा है।’

अते गोपी नाथ आपणी गल्ल जारी रख्खदिआं कहिंदा है:

‘जिहड़ा बंदा आपणे आप नूं धोखा देणा चाहे, उहदे लई इस तों चंगी थां होर किहड़ी हो सकदी है?’

धोखा? हां धोखा। धोखा खाणा ज़िंदगी लई बे-हद्द ज़रूरी है। धोखा खाधे बिनां बंदे दा जीउणा ही की है? धोखा खाधे बिनां मनुख्ख इक्क पल लई वी जीउंदा नहीं रहि सकदा। किउंकि मनुख्ख तां सिर तों लै के पैरां तक्क ही धोखे विच्च कज्जिआ होइआ है।

***

“असीं चानण हां… ख़लील जिबरान कूकदा है।

असीं चानण हां जेकर असीं चानण हां तां चानण नूं कौण धोखा देवे?

आहंदे नें इक्क दिन ख़लील जिबरान दे इक्क पातर नें आपणे साथीआं समेत उस बगीचे विच्च प्रवेश कीता जदों सूरज नें हालां आपणीआं पहिलीआं किरनां ही खिलारीआं सन। उसने पूरब वल्लां देखिआ अते फिर इक्क पासे संकेत करके किहा-

‘इक्क त्रेल दी बूंद विच्च सवेरे दे सूरज दा प्रतिबिंब जीवन नालों घट्ट नहीं है।’

फुल्ल-पत्तीआं ‘ते सवेर वेले पई त्रेल दे तुपके सूरज दे प्रकाश नूं प्रतिबिंबत करदे होए, सूरज दे प्रकाश दी शोभा वधाउंदे हन। जेकर इह कहि लिआ जावे तां होर वी उचित होवेगा कि त्रेल दी बूंद विच्च सूरज दा प्रकाश आ टिक्किआ है। इंझ ही जीवन वी तुहानूं सानूं प्रतिबिंबत करदा है।

की इह वी फिर धोखा ही है? की इह केवल मन नूं ही समझाउण लई धोखे भरिआ द्रिशटांत है?

अलमुसतफ़ा कहिंदा है:

“जदों तुसीं चौहां पासिआं तों हनेरे विच्च घिर चुक्के होवे तां वी सोचो-आखो कि हालां तक हनेरे दा जनम ही नहीं होइआ।”

किउं?

इस लई कि कंवल दे फुल्ल दी छां हेठ आपणे आकार नूं गोल करदी होई त्रेल दी बूंद, मनुख्ख दे हिरदे विच्च रब्ब दी होंद दे जमहा हो जाण तों वी वख्खरी गल्ल नहीं।

की इह धोखा नहीं? बिलकुल फरेब वाली ही गल्ल है। त्रेल दी बूंद वी धोखा खा सकदी है अते मनुख्ख वी। हुण जेकर इक्क त्रेल दी बूंद धोखा खांदिआं आखे कि मैं अनंतां-अनंतां तों केवल त्रेल दी बूंद ही हां, तां उसनूं किवें समझाइआ जावे? मनुख्खी जीवन, जेकर इहो ही कहे कि उसदा जीवन केवल इक्क मनुख्खी जीवन ही है, तां त्रेल अते मनुख्खी जीवन विच्च की अंतर होइआ? जद कि असीं चाहुंदे हां कि त्रेल अते मनुख्खी जीवन, साडे फ़रेब नूं नां समझदिआं इस गल्ल नाल सहिमत हो जाण कि उहनां दी कुख्ख विच्च केवल चानण ही चानण है। इह खिआल वी इक्क सुंदर फ़रेब है, धोखा है।

***

धोखा, चानण दा वी है। धोखा है धरम दे चानण दा। धरम दे चानण दे भरम दा। धरम दे भरम दा धोखा वी बड़ा ही प्रबल है।

हुण जेकर कोई रब्ब है अते उह वी सारी काइनात दा केवल इक्क ही रब्ब है, तां फिर उसदे बणाए होए संसार दे सारे ही इसत्री-मरद, जीव-जंतू वी उसदी ही कुदरत हन। जेकर इह सही है तां फिर उसदे बणाए होए इनसान धोखा किउं अते किवें खा रहे हन?

‘गिआन अते धरम’ दा करता प्रेमानंद लिखदा है: ‘धरम सभ दा इक्को ही है। संसार विच्च धरम बहुते नहीं हन। धरम, बहुते हो ही किवें सकदे हन? धरम, बहुते तां राजनीती नें बणा दित्ते हन। असीं विगिआन दी गल्ल करदे हां, असीं माडरन होण दी गल्ल करदे हां। असीं कहिंदे हां अते दमगजे मारदे हां कि असीं अगांह-वधू हां। तां सुणो! जद्द सारे संसार विच्च विगिआन इक्क है, विगिआनक सच्च इक्क है तां धरम किवें बहुते हो सकदे हन?’

आउ, इस संबंधी ज़रा होर विचार वधाईए। की हिंदूआं दा भौतक-विगिआन, मुसलमानां दे भौतिक विगिआन नालों वख्खरा हुंदा है? की अंग्रेज़ां दा रसाइण-विगिआन, सिख्खां दे रसाइण-विगिआन तों वखरे नतीजे प्रगट करदा है? जेकर अंतम सच्च: परमातमा है अते उह वी इक्क ही है; विगिआन है अते उह वी इक्क ही है; तां फिर की इह धोखा खाण वाली गल्ल नहीं कि कोई आखे कि ‘आह’ मुसलमानी भौतक-विगिआन है, अते ‘इह’ हिंदू रसाइण-विगिआन है, अते ‘औह’ सिख्खां दा विगिआन है।

‘धरम’ तां दरअसल ‘धारमिकता’ पालण दी गल्ल है। धरम धोखा देण जां धोखा खाण लई नहीं हुंदा। ‘धरम’ तां धुरा हे, सहिज अवसथा है, सूखशम पल है। धोखा अते फरेब तां धरम दे नेड़े इक्क पल लई वी टिकणे नहीं चाहीदे। किउंकि धरम अते धोखा इक्को ही अरथ नहीं रख्खदे, सगों इक्क दूजे दे विप्रीत विरोधी अवसथावां हन। इसदे उलट धोखा अते राजनीती दा, दामन-चोली दा संबंध है। पर इस ते कौण विशवास करे अते किउं करे?

***

धोखे अते फ़्रेब दी गल्ल इक्क होर ढंग नाल वी विचारन दी कोशिश हो सकदी है।

‘कादंबनी’ विच्च स्री राजिंदर अवसथी नें इक्क बहुत ही मजेदार प्रसंग पेश कीता है: ‘सज्जे हत्थ विच्च अंकित भाग लकीरां अते गड्डे होए मील पत्थर वांगुर, सदा जीणा ही तां है।’ प्रसंग कुझ्झ इंझ है:

… मुसाफरां दा इक्क काफ़ला पैदल जा रिहा सी। सफ़र तैअ करदिआं-करदिआं राह विच्च ही हनेरा - घुप्प हनेरा हो गिआ। काफले नूं, जिवें कि आम लोक-कथावां विच्च होइआ ही करदा है, बीआबान जंगल विच्च ठहिरना पिआ। जंगल विच्च पड़ाअ करदिआं ही, कुझ्झ सफ़र दी थकान कारन चूर-चूर हो के अते कुझ्झ मुसाफ़र, सोण दा मौका मिलदिआं ही तुरंत सौं गए। पर कुझ्झ मुसाफ़र अजिहे वी सन जिहनां दीआं पलकां विच्च आई होई नींद वी उडारीआं ला गई। उह लंमे जरूर पए पर लगदा सी कि नींद राणी किसे अनाड़ी बालक दी तरहां उहनां नाल लुकण-मीटी ही खेड रही होवे।

आखिर किउं? की तुसीं सोचण दी ज़हिमत गवारा करोगे कि काफ़ले विचों कुझ्झ मुसाफर मौका मिलदिआं ही किउं सौं गए? अते काफ़ले विचों कुझ्झ मुसाफ़र मौका मिलण ‘ते वी किउं नां सौं सके?

कारन शाइद तुसीं जाण गए होवो। इह वी हो सकदा है कि तुहानूं हालां तीकर कारन दा नां पता होवे। शाइद सौण वालिआं नूं वी इसदा कारन नां पता होवे कि उह किउं सौं गए। शाइद नां सौण वालिआं नूं वी इह पता नां होवे कि उह किउं नां सौं सके। इसदा कारन इह है कि साडे मन दी इस अवसथा दी गुत्थी सुलझाउण दा कंम किसे वी ‘समझ’ तों बाहर दी गल्ल है।

जागे होए विअकती शाइद डर दा शिकार सन। शाइद उहनां नूं जंगल दा डराउणा माहौल अते हनेरा, निहत्थे होण दी हीणता अते खूं-ख़ार जानवरां दा भै, सौण नहीं सी दे रिहा।

अते बाकी जो सौं गए? शाइद उह आपणीआं सारीआं ही चिंतावां दा बोझ दूजिआं, नां सौं सकण वालिआं दे मोढिआं उते रख्खके, निसचिंत हो, सौं गए।

अजिहे ही डर दा बोझ शाइद सानूं चैन नाल सौण नहीं दिंदा अते साडे विच्चों कुझ्झ नूं सौण दिंदा है। तुहाडा-साडा, सच्च दी भाल विच्च, अंतिम सच्च दी भाल विच्च विचरदा सुचेत मन ही शाइद इह फ़ैसला दे सके कि असीं-तुसीं काफ़ले दे किस वरग विच्च शामल हां: सौण वालिआं विच्च जां नां सौं सकण वालिआं विच्च।

***

(‘शेरे पंजाब’ यू. के.अते ‘गुलचमन’, लुधिआणा दे धंनवाद नाल)