किसे लकड़ी दा कंम करन वाले कारीगर/तरखाण नूं पुछ्छ के देखो तां उह दस्सेगा: खूंढी आरी नाल लकड़ी चीरन दा कारज औखा हुंदा है। दरअसल इह नहीं कि खूंढी आरी नाल लकड़ी बिलकुल चीरी ही नां जा सके। हो सकदा है कि ऐवें ज़ोर-ज़बरदसती करके, औखे हो के आरी लकड़ी नूं थोड़ा-बहुत चीर सके पर इस विच पूरन तौर ते सफ़लता परापत नहीं होवेगी। लकड़ी ठीक ढंग नाल कट्टी नहीं जावेगी अते समां वी लोड़ नालों बहुत जि਼आदा बरबाद होवेगा। हो सकदा है इस कोसि਼श विच बंदा खिझ्झ वी जावे। इस लई ही, इक्का चंगा कारीगर, समें समें उते आपणे कित्ते दे संदां दी पूरी तरहां जांच-पड़ताल करदा रहिंदा है। उह आपणे वरतों विच आउण वाले औज़ारां नूं समें समें सिर तिख्खिआं वी करदा रहिंदा है अते सांभ-संभाल अते देख-भाल करदिआं हर समें आपणे संदां नूं वरतण लई तिआर-बर तिआर रख्खदा है।

पर आम बंदे की करदे हन? आले दुआले झाती मारिआं सहिजे ही पता लग्ग सकदा है कि आम करके बहुते बंदे सारी उमर ही आपणे जीवन दे ‘बाले-छतीरीआं’ नूं किसे माप विच कट्टण-वढ्ढण हित्त, खूंढीआं आरीआं अते खुंढे संदां दी ही वरतों करदे रहिंदे हन। आपणे जीवन दीआं लोड़ां-थोड़ां अते मानतावां नूं खूंढी आरी नाल वढ्ढण-टुक्कण दी जदो-जहिद विच्च अकसर उह कदे कदाईं, भावें अध्ध-पचध्धे सफ़ल हो वी जाण पर बहुता करके उह सदा पूरन तौर ते नाकाम ही रहिंदे हन।

जीवन दे सफ़ल चलन लई, आरी तिख्खी करन दा अरथ है कि बंदा आपणी विशेश निध्धी, आपणे ‘आपे’ भाव सवै नूं बरकरार रख्ख सके। आपणे सवै नूं बरकरार रख्खण लई, भाव बंदे नूं आपणी ‘आरी दे दंदे तिख्खे करन हित्त’ आपणे जीवन दे मुख्ख चार खेतरां: 1) पदारथक (फिज़ीकल), 2) मानसिक (मैंटल), 3) भावुक-भाईचारक (ईमोशनल-सोशल), अते 4) परमारथक (सपिरचुऐल) विच्च समानता बरकरार रख्खण दे लई सदा ही तिआर-बर-तिआर अते जुट्टे रहिणा पैंदा है। इहनां विच समानता रख्खण दे ज़ाबते तों बिनां बंदे दा सरीर कमज़ोर हो जांदा है, दिमाग मकैनीकल हो जांदा है, भावनावां-जज़बिआं विच कचिआई अते उलार आ जांदा है, आतमा संवेदना रहित अते भावहीण हो रहिंदी है अते बंदा मुख्ख रूप विच सुआरथी बण जांदा है।

इंझ सवै (आपे) दे चार रूप बणे। पदारथक जां भौतिक सवै है: इह सरीर। असीं सरीर दी शकती आहार (भोजन) पुशटी (निऊटरीशन), कसरत अते आराम नाल बणाउंदे-वधाउंदे हां। मानसिक जां दिमागी शकती दे विकास लई कसरत मनुख्ख सिख्खिआ राहीं करदा है। सिखिआ विच पहड़ाई-लिखाई, चनौतीआं, ललकारां, लैण-देण, पकड़ां-जकड़ां आदि आउंदीआं हन। मनुख्खी जीवन दा समाजी अते भावुक रिशता आपस विच जुड़िआ होइआ है। भावुक ते समाजी रिशता आपसी सबंधां दी मधुरता उते निरभर करदा है। मधुर सबंधां दा धनातमक सरमाइआ मनुख्खी जीवन दी वड्ड-मुल्ली पूंजी हो निबड़दा है। रिणातमक नूं अणगौलदिआं करके उसतों केवल सिख्खिआ लैणा ही ठीक हुंदा है।

मनुख्ख आपणे रूहानी/आतमक/सवै दी कसरत साहित्त पहड़-विचारके, धिआन-सिमरन करके, प्रारथना करके जां कुदरत दी गोद दा सुआद माणके करदा है।

आतम-गिआन, परमारथक खेतर जां सवै दी सोझी आपणीआं कदरां-कीमतां प्रती वचनबध्धता दा केंदर-बिंदू है। इह खेतर दूजे नूं दिखाउण हित्त नहीं, बहुत निज्जी है। इसदी सुगंधी हवा विच फैल जांदी है। सहिजे सहिजे इह सवै मनुख्ख दी आदत बण जांदा है।

बंदा आदतां दा गुलाम हुंदा है। आदतां, बंदे दे आचरण दा नमूंना हो निबड़दीआं हन। आदतां दा निरभर गिआन, रवई्ईआ अते निपुंनता उते वी हुंदा है। इह गिआन, इह रवई्ईआ अते इह निपुंनता हासल करन लई बंदे नूं सदा ही विद्दिआरथी बणे रहिणा चाहीदा है। भाव खुंढी आरी तिख्खी करन लई सदा तिआर-बर-तिआर विद्दिअरथी।

विद्दिआरथी? हां विद्दिआरथी। सिख्खिआरथी।

***कककक

विद्दिआरथी उह हुंदा है जो हर समें, हर पल्ल विद्दिआ परापत करन लई तत्तपर रहे। विद्दिआ परापती दा चाहवान विद्दिआरथी दा सारा समां ही विद्दिआ ग्रहिण करन लई लग्गिआ रहिंदा है। मनुख्ख सकूल/कालज दी परंपरागत विद्दिआ परापत करके आपणे सिख्खे-पहड़े किते दा भावें गिआनवान हो जावे पर उंझ बंदा सारी उमर ही विद्दिआथी ही रहिंदा है। किसे मित्थे होए समें विच परापत कीती विद्दिआ ही बंदे लई काफ़ी नहीं हुंदी। बंदा तां हर पल्ल, हर घड़ी कुझ नां कुझ नवां-नरोआ सिख्खदा ही रहिंदा है। मनुख्ख तां सारा जीवन विद्दिआरथी ही रहे तां चंगी गल्ल है।

विद्दिआ दी परापती सहिज नहीं। किउंकि विद्दिआ दी परापती लई, धन, मिहनत, उद्दम अते तिआग दी लोड़ हुंदी है। मनुख्ख नूं आपणे कई सुख्ख-आराम तिआगणे पैंदे हन। विद्दिआ दा केवल इह अरथ ही नहीं हुंदा कि बंदा केवल पहड़न-लिखण योग हो सके। विद्दिआ परापती विच, पहड़न-लिखण दी योगता दे नाल नाल ही, सदाचारक, समाजक अते आतमक सिख्खिआ दा परापत कीते जाणा वी बहुत ज़रूरी है। शुभ-गुणां दे नाल नाल ही संगीआं-साथीआं नाल बोल-वरतों, लोक विहार अते सभ तों वध्ध के सवै-ज़ाबते दी वी बेहद्द लोड़ हुंदी है।

मनुख्ख दा सारा जीवन ही विद्दिआरथी दा जीवन हुंदा है। गिआन दी परापती मनुख्ख लई जरूरी है अते गिआन दी परापती मगरों इस गिआन दी सु-वरतों उस तों वी वध्ध महत्तता रखदी है।

गिआन दी सु-वरतों दा इक्क चंगा करम इह वी है कि मनुख्ख कदे वी किसे दा दिल्ल नां तोड़े। बंदे नूं कदे वी दिल्लां नूं तोड़न दा करम नहीं करना चाहीदा किउंकि जेकर कदे धागा टुट्ट जावे तां गंढ पैण दे बावज़ूद धागा कंम दे जांदा है पर दिल? जेकर दिल इक्क वार टुट्ट जावे तां कदे वी जुड़दा नहीं। दिल विच्च पई गंढ सहिजे नहीं खुल्हदी। गंढीं पिआ दिल बेजिंद जिहा हो जांदा है। दिल अते कच्च विच बहुता अंतर नहीं। कच्च दा भांडा टुट्ट जावे तां किंचरां किंचरां हो जांदा है। टुकड़े इकठ्ठे करके, लख्ख कोसि਼श करके, सुपर-गलू नाल वी भावें जोड़न दे उपराले कीते जाण, जुड़ने असंभव हन। पर जेकर किते जुड़ ही जाण तां वी उस विच सैंकड़े त्रेड़ां दिसणगीआं। शीशे विच वल्ल पै जावेगा। तां फिर दिल तोड़े ही किउं जाण? पर दिल तां टुट्टदे ही रहिणगे, दिल तोड़न वालिआं दी घाट कित्थे है?

कई वरहे पहिलां ‘महांभारत’ नां दा इक्क सीरीअल देखण दा मौका मिलिआ। शाइद होर कईआं नें वी वेखिआ होवेगा। अजिहे सीरीअल वेखणा अकसर कई समें दी बरबादी वी आख सकदे हन। पर मिथिहास हुंदिआं होइआं वी, इह सीरीअल गिआन गंगा तों घट्ट नहीं सी। असीं कहाणी दी चरचा नां करदे होए केवल ‘पिता अते पुत्तर’ विचकार हुंदी इक्क वारता दा ज़िकर करना चाहांगे जिस तों विद्दिआ अते विदिआरथी सबंधी विचार अग्गे तोरन विच सहाइता मिलदी है। पुतर पिता नूं आखदा है:

‘विदिआरथी तां सदा ही विद्दिआरथी ही रहिंदा है। विद्दिआ धनी तां केवल भगवान है। विद्दिआरथी तां केवल विद्दिआ दा प्रशादि ही पाउंदा है।’

‘अते विदिआ दा प्रशादि की है?’

‘विदिआ्आ दा प्रशादि है: बिनै, बिनै नाल पातरता अरथात योगता मिलदी है। पातरता नाल धन मिलदा है। धन नाल धरम दे कारज हुंदे हन अते धरम कारजां नाल सुख्ख दी परापती हुंदी है। पिता दी छत्तर छाइआ हेठ सुख्ख ही सुख्ख है।’

‘ब्रहम रिशी वसि਼शट पासों की सिख्खिआ?’

‘उहनां सिख्खिआ दित्ती कि हंस दो खंभां दे सहारे ही उड्ड सकदा है। इक्क खंभ है गिआन अते दूजा खंभ है करम। जेकर उस पास केवल इक्क खंभ ही होवे तां उह इक्कला खंभ बे-अरथ है।’

किआ बात है! इकल्ला गिआन किसे कंम दा नहीं। अते गिआन विहूणा करम (कीता कंम) किसे चंगे नतीजे ‘ते नहीं पुज्जदा।

‘ब्रहिसपती महाराज नें की सिख्खिआ दित्ती?’

‘जेकर किसे कारज दा आरंभ करो तां उसदा अंत करके ही आराम करो। नहीं तां कारज ही तुहाडा अंत कर देवेगा।’

मेरा लिखणा रुक्कदा है। अनभोल ही मेरी नज़र खब्बे पासे दीआं ‘शैलफां’ उप्पर पईआं सैंकड़े अध्ध-अधूरीआं लिखतां अते खाकिआं ‘ते जा पैंदी है। लेखक दे अधूरे कंम इस सच्च दे गवाह हन कि आरंभे कंम नेपरे नां चाहड़न दे की नतीजे निकलदे हन। ‘औरों को नसीहत ऊर खुद्द मीआं फसीहत।‘

‘सदाचारक सिख्खिआ की आखदी है?’

‘सदाचारक नीती इह कहिंदी है कि इह तां कारज दा नतीजा ही दस्स सकदा है कि कारज दा आरंभ शुभ सी जां अशुभ्भ।’

‘रिशी परशू राम नें की सिखाइआ?’

‘उहनां दस्सिआ कि पिता दा हुकम पालणा ही सभ तों उत्तम है। पिता दे हुकम दी पालणा विच ही आनंद दी पौड़ी है।’

‘मां बारे उहनां की आखिआ?’

‘संत-महातमा (रिशी) दा अधिकार अधिआपक नालों दस गुणां वध्ध है। पिता दा अधिकार इक्क संत नालों सौ गुणां वध्ध है पर इक्क माता दा अधिकार पिता नालों हज़ार गुणां वध्ध है।’

‘अजिहा किउं?’

‘अजिहा इस लई कि पुत्तर, कपुत्तर भावें ही हुंदे होण पर माता, कुमाता कदे वी नहीं हुंदी।’

‘हां, इह सच्च है किउंकि मां तां प्रिथवी (धरती) ही हुंदी है अते प्रिथवी आपणे अंकुर दे नाल कदे वी बे-इनसाफ़ी नहीं करदी। जेकर दुनीआं विच मां नां हुंदी तां ईशवर तों बिनां इस ब्रहिमंड विच कुझ वी नां हुंदा।’

विदिआरथी दा जीवन जिउंदिआं, सदा ही आपणीआं खूंढीआं आरीआं तिख्खीआं करनीआं नां भुलणा। शुभ-सवै लई कसरत ज़रूरी है।