प्रो. अजमेर सिंघ औलख निमन किसानी दा जोधा नाटककार सी। उस दे तिंन दरजन तों वध्ध नाटकां दीआं हज़ारां पेशकारीआं होईआं जिनहां नूं लख्खां लोकां नें वेखिआ। 2015 विच हज़ारां लोकां दे इकठ्ठ नें उहदा लोक सनमान कीता सी। उस नूं भारती साहित अकैडमी अवारड, भारती संगीत ते नाटक अकैडमी अवारड, भाशा विभाग पंजाब दा श्रोमणी नाटककार अवारड, पंजाबी साहित अकाडमी दा करतार सिंघ धालीवाल अवारड, इंटरनैशनल पाश मैमोरीअल अवारड अते होर अनेकां मान सनमान मिले सन। गुरू नानक देव यूनीवरसिटी नें उस नूं डी. लिट्ट. दी आनरेरी डिगरी दे के सनमानिआ। पर उह मानां सनमानां तों उत्ते सी। असहिणशीलता दे मुद्दे उत्ते उस नें भारती साहित अकाडमी दा इनाम मोड़ वी दित्ता सी। उस दे नाटक पंजाब ते हरिआणे दे पिंडां, कसबिआं ते शहिरां तों लै के, चंडीगहड़, दिल्ली, कोलकाता, मुंबई अते अमरीका/कनेडा तक खेडे गए अते यूनीवरसिटीआं ते सिख्खिआ बोरडां दीआं पाठ पुसतकां विच पहड़ाए गए। उनहां बारे अनेकां खोज लेख ते खोज प्रबंध लिखे गए। उह नाटक ते रंग मंच दा तुरिआ फिरदा इनसाईकलोपीडीआ सी।

उस दे पूरे नाटकां दे नां हन: सत्त बगाने, किहर सिंघ दी मौत, इक्क सी दरिआ, सलवान, झनां दे पाणी, निक्के सूरजां दी लड़ाई, भज्जीआं बाहां ते निउं जहड़। इकांगी नाटक हन: बाल नाथ दे टिल्ले ’ते, मिरज़े दी मौत, तूड़ी वाला कोठा, जदों बोहल रोंदे हन, अंनहे निशानची, सिध्धा राह विंगा राह, ढांडा, ऐसे रचिउ खालसा, आपणा-आपणा हिस्सा, इशक बाझ नमाज़ दा हज्ज नाहीं, हरिउ बूट, अंनहेर-कोठड़ी ते हाए नी मनमीत कुरे। लघू नाटक हन: अरबद नरबद धुंदूकारा, बगाने बोहड़ दी छां, सुक्की कुख्ख, इक्क रमाइण होर, भठ्ठ खेड़िआं दा रहिणा, गानी, तेड़ां, लोहे दा पुत्त, ऐइं नी हुण सरना, उंई-मूंईं दा कुस नी हुंदा, कउळे उत्ते रख्खिआ कौला, चल्ल वीरना वे उत्थे चल्लीए, बंद बूहिआं वाली हवेली ते पप्पू दी पैंट आदि। उस नें लेखकां दीआं कुझ कहाणीआं ते नावलां नूं वी नाटकी रूप दित्ता।

उस दा जनम 19 अगसत 1942 नूं ज़िल्हा संगरूर दे पिंड कुंभड़वाल विच पिता कौर सिंघ दे घर माता हरनाम कौर दी कुख्खों होइआ सी। कुंभड़वाल उदों रिआसती पिंड सी ते हिंदुसतान अंग्रेज़ां दा ग़ुलाम सी। उत्तों दूजी विशव जंग लग्गी होई सी। किसानी दा बुरा हाल सी। उहदा बाबा हरनाम सिंघ 1944-45 विच परिवार समेत कुंभड़वाल तों उठ्ठ के भीखी नेड़े पिंड किशनगहड़ फरवाही जा बैठा सी। अजमेर सिंघ किशनगहड़ फरवाही तों चार, भीखी तों दस ते पंजाबी यूनीवरसिटी पटिआले तों ऐम्म.ए. कर के 1965 तों 2000 तक नहिरू मैमोरीअल कालज मानसा विच पंजाबी दा लैकचरार रिहा अते उत्थे ही आपणा घर पा लिआ। उत्थे ही उह नाटककार, प्रोडिऊसर, डाइरैकटर ते अदाकार बणिआ अते आपणी पतनी मनजीत कौर ते तिंने धीआं नूं अदाकार बणाइआ। उत्थे ही उस नें 1976 विच लोक कला मंच मानसा दी सथापना कीती। घर तों बिनां उहदी कोई ज़मीन जाइदाद नहीं सी। निमन किसानी दा दुख्ख-दरद उस नें आपणे हड्डीं हंढाइआ सी।

उह 2008 तों नामुराद बिमारी कैंसर विरुध्ध जूझदा आ रिहा सी। कदे मानसा, कदे दिल्ली, कदे फरीदकोट ते कदे फोरटिस हसपताल मुहाली विच उहदा इलाज हुंदा रिहा। महिंगे इलाज ’ते लख्खां रुपए लग्गे, जिस विच संगीआं साथीआं ते सरकार नें परिवार दी बणदी सरदी माइक मदद कीती। विच विचाले उह कुझ ठीक वी हो जांदा रिहा पर आख़र 15 जून 2017 दे वड्डे तड़के उहदा देहांत हो गिआ। तिंन वजे उस नूं पासा दुआइआ गिआ सी ते चार वजे दूजा पासा दुआउण तों पहिलां ही उहदा भौर उडारी मार चुक्का सी।

कैंसर फेफड़िआं विच पहुंच जाण अते आस मुक्क जाण ’ते 10 जून नूं मुहाली दे फोरटिस हसपताल तों उहनूं मानसा आपणे घर लै आंदा गिआ सी कि घर ही सेवा करीए। जिहड़े हाल चाल पुछ्छण आउंदे, मुसकरा के दस्सदा। जांदी वार दीआं तिंन इछावां दस्सीआं। अखे धीआं चिखा नूं अगनी लाउण, किसे धारमिक रसम दी लोड़ नहीं, केवल सादा शरधांजली समागम होवे जिस विच कुझ इक साथी ते लेखक ही बोलण अते समागम बेलोड़ा लंमा नां कीता जावे। जीवन साथण मनजीत कौर दे वारे जाईए जिहड़ी आपणे जीवन साथी दा इलाज कराउण लई उस नूं थां थां लई फिरी। औलख आपणी बिमारी वल्लों बेपरवाह सी, उस नूं तां हर वेले दब्बे-कुचले लोकां दे चंगे भविख्ख दी ही परवाह सी। दवाईआं देण दी परवाह पतनी नूं ही करनी पैंदी सी। उह अकसर कहिंदा सी, बिमारी-बमूरी दा मैनूं आप नी पता, मनजीत नूं पुछ्छ लओ। कैंसर दा पता 2008 विच लग्गा सी, की पता जहड़ कदों दी लग्गी होवे? उह तां निउं-जहड़ वरगे नाटक खेडण विच ही मगन सी। उह आपणे पिछ्छे पतनी, धीआं, जुआईआं ते दोहते दोहतीआं दा भरिआ परिवार छड्ड गिआ है।

आपणी सवैजीवनी दा नां उस नें ‘नंगा ढिड्ड’ चितविआ सी जिस दे कुझ कु कांड लिखे गए जो जीवन यादां दी पुसतक ‘भुंनी होई छल्ली’ विच छपे हन। जदों उहदा बाबा किशनगहड़ फरवाही आइआ सी उदों उह जागीरदारां दा मुजारा पिंड सी। पिंड दी सारी ज़मीन दे मालक दो जागीरदार सन। मारूसी ते ग़ैर-मारूसी किसान उनहां दे मुजारे बण के खेती करदे सन। हरनाम सिंघ दा परिवार इक जागीरदार दी अठ्ठ किल्ले ज़मीन वाहुण लग्गा सी जिस विच्चों जागीरदार दी वटाई दे के परिवार दा गुज़ारा मसां चलदा। उनहां दिनां विच खेतां दी उपज वी घट्ट ही हुंदी सी। किसे खेत नूं पाणी लग्गदा किसे नूं नहीं सी लग्गदा। हरनाम सिंघ दे परिवार विच्च दो पुत्तर ते अग्गों उनहां दी औलाद सी। अठ्ठ किल्लिआं वाला मुजारा थुड़िआ-टुट्टिआ किसान ही वज्जदा सी।

किसे वी लेखक नूं समझण लई उहदा परिवारक पिछोकड़ जाणना ज़रूरी हुंदा है। लेखक दा बचपन जिनहां हालतां विच दी गुज़रिआ होवे उनहां दा असर उहदी शखसीअत अते उहदी साहितकारी ’ते वी पैंदा है। अजमेर औलख दा पछड़े इलाके दे इक मुजारा परिवार विच जंम के ऐम्म.ए. तक पहड़ सकणा, लैकचरार लग्ग सकणा अते सफ़ल नाटककार बण सकणा, औलख दे कहिण वांग ‘महिज़ इक इतफ़ाक’ दी गल्ल है।

उस नें आपणी साहितक सवैजीवनी ‘मेरी नाट-यातरा’ विच लिखिआ: जद मैं बचपन तों लै के आपणे नाटककार बणन तक दे साहितक सफ़र उत्ते झात मारदा हां तां नाटक लिखण वल्ल रुचित होण दा वरतारा मैनूं ‘महिज़ इक इतफ़ाक’ तों बिनां होर कुझ नज़र नहीं आउंदा। आपणी उमर दे 27-28 वरहिआं तक मैनूं आपणे आप नूं वी नहीं सी पता कि मैं कदे नाटक वी लिखांगा ते पंजाबी साहित-जगत विच मेरी पछाण ‘इक्क नाटककार’ दे रूप विच होवेगी। मैं पहिलां कविता/गीत लिखणे शुरू कीते सन। जद मैं गुरमुखी अख्खर जोड़न दे योग हो गिआ तां शबदां नूं गुण-गुणाउंदिआं कागज़ां उत्ते उतारन लग्ग पिआ। मैं आपणी पहिली साहितक रचना कदों ते किंनी उमर विच कीती इस बारे मैनूं कुझ पक्का याद नहीं। जित्थों तक मैनूं याद है, मैं ऐनी कु गल्ल पक्के विशवास नाल कहि सकदा हां कि मैं 8-10 साल दी उमर विच कुझ नां कुझ तुकबंदी कर के उस नूं गाउण लग्ग पिआ सी।

1952 विच जद मेरी उमर 10 साल दी सी ते जिस साल मैं आपणी प्राइमरी दी चौथी जमात पास कर के लागले कसबे भीखी दे सरकारी मिडल सकूल विच पंजवीं जमात विच दाखला लिआ सी, ओदों तक मैं काफी गीत लिख लए सन ते उनहां नूं मेरे ही पिंड दे मेरे बचपन दे दोसत सुखदेव नाल मिल के कमिउनिसट पारटी दीआं सटेजां ते होर कई इकठ्ठां विच गा वी चुक्का सी। उस समें लिखे ते सभ तों वध्ध गाए मेरे इक गीत दीआं मुढलीआं सतरां तां मैनूं हुण वी याद हन:

इह तां दूहरीआं पुशाकां पाउंदे

तैनूं फिड्डे छित्तर नां थिआउंदे

हुण हो हुशिआर, कर जट्टा मारो-मार

जा के वैरी दे बूहे ’ते अड़ जा

वैरी दे टाकरे नूं, तिआर हो के तूं खहड़ जा!

वैरी दे टाकरे नूं ...

अजमेर जदों अजे बच्चा ही सी तां किसानां दी जागीरदारां विरुध्ध मुजारा लहिर नें ज़ोर फड़ लिआ सी। कमिउनिसटां दी लाल पारटी अगवाई कर रही सी। पिंडां विच कमिउनिसटां दीआं कानफरंसां हुंदीआं जित्थे जागीरदारां दा टाकरा करन लई जोशीले गीत गाए जांदे। पिंड दे होर बच्चिआं वांग ‘जमेर’ उत्ते वी इस लहिर दा बड़ा असर होइआ। उह शामीं जां रात नूं बच्चिआं वालीआं खेडां खेडदे हत्थां विच लाल झंडीआं फड़ के जां खाली हत्थ ही जगीरदारी ते बिसवेदारी विरुध्ध उहो जिहे नाहरे लाउण लग्गदे जिहो जिहे कानफरंसां विच सुणदे। जमेर नाहरे लाउण वालिआं विच अकसर आगू रोल अदा करदा। उहदे विच इक वाधा इह सी कि उह गीत लिख वी लैंदा सी ते गा वी लैंदा सी। प्राइमरी सकूल विच उहदा सभ तों नेड़ला आड़ी सुखदेव सी ते हाई सकू਼ल विच हाकम सिंघ समाओं सी जो बाअद विच नकसली आगू बणिआ।

निक्का हुंदा उह निक्के नां वाला जमेर सी, सकूल दाखल होण वेले अजमेर सिंघ हो गिआ ते जदों कविता लिखण लग्ग पिआ तां नां रख्ख लिआ अजमेर सिंघ ‘पागल’! पर ‘पागल’ उहदा पहिला तख़ल्लस नहीं सी। पागल दे तख़ल्लस तक अपड़न लई उस नूं ‘दरदी’, ‘दुखीआ’ ते ‘कौमी’ तख़ल्लस लाउण दीआं मशकां करनीआं पईआं सन। तिंन तख़ल्लसां रद्द कर के उह ‘ख़िआली’ हो गिआ सी। फिर इक सीनीअर विदिआरथी उहदे मगर पै गिआ जीहनूं ‘ख़िआली’ दा ख़िताब सौंप के आप ‘पागल’ दा तख़ल्लस रख्ख लिआ! पागल तख़ल्लस रख्खण दी घुंडी कदे फेर खोल्हांगे। उहदे बी. ए. तक दे सरटीफिकेटां उत्ते उहदा नां अजे वी ‘अजमेर सिंघ पागल’ ही दरज है। ‘औलख’ जां ‘औलख साहिब’ तां उस नूं उदों तों किहा जाण लग्गा जदों उह नहिरू मैमोरीअल कालज मानसा दीआं सभ्भिआचारक सरगरमीआं दा इनचारज बणिआ अते विदिआरथीआं नूं नाटक खिडाउण लग्गा।

आपणी 75 साल दी उमर विच्चों उस नें 50 साल पंजाबी नाटक ते रंग मंच दे लेखे लाए। नां दिन देखिआ नां रात, नां मींह नां हनेरी, सदा चल्ल सु चल्ल रही। मैं उस नूं अनेकीं थाईं मिलिआ, कदे मानसा, कदे पटिआले, कदे लुधिआणे, कदे अंम्रितसर, कदे लाहौर जितथे असीं कई दिन इकठ्ठे रहे ते कदे टरांटो जितथे मैं अज्ज-कल्ल्ह रहि रिहा हां। जद उहदे अकाल चलाणे दी ख़बर सुणी तां कुझ पल मेरे आउसान मारे गए ते मैं सुंन हो गिआ। फिर उस सोफे ’ते जा बैठा जित्थे औलख ते मनजीत कौर बहि के गए सन, डाईनिंग टेबल दी उस कुरसी ’ते बैठा जित्थे उह खाणा खांदे रहे ते उस बैड्ड ’ते पिआ सोचदा रिहा जितथे उनहां विसराम कीता सी। मैनूं लाहौर दीआं गल्लां याद आईआं, ननकाणा साहिब दे कीते दरशन याद आए, जंडिआले शेर खां वारस शाह दी मजार ’ते साडा सिजदा करना याद आइआ अते नूर जहां दा सटूडीऊ वेखणा वी। बड़ीआं यादां हन अजमेर औलख दीआं ...।

अजमेर औलख दी विशेशता पंजाब दी निमन किसानी दीआं समस्सिआवां नूं आपणे नाटकां राहीं पेंडू मुहावरे विच्च पेश करना है। उहदे पेंडू पातरां दे बोल सिध्धे दरशकां दे दिलां विच लहिंदे हन। इसे करके पेंडू लोकां दे वड्डे इकठ्ठ उहदे नाटकां नूं हुंम-हुमा के वेखदे हन। किरती किसानां दीआं समस्सिआवां बारे नाटक तां पहिलां वी लिखे ते खेडे जांदे सन पर पंजाबी विच, ख़ास कर के मानसे वल्ल दी मलवई उप भाशा विच पेंडू समाज दा नाटकीकरण जिवें अजमेर औलख नें कीता, उहदा कोई सानी नहीं। अजिहा उह इस लई कर सकिआ किउंकि उह जंमिआ-पलिआ ही थुड़े-टुट्टे करज़ाई किसान दे घर सी। उह कहिंदा हुंदा सी मेरे नाटकां विच मेरे आपणे ही रंग-मंच उत्ते पेश हुंदे दिसदे हन। उह लड़दे-झगड़दे हन, रोंदे-करलाउंदे हन, रुसदे-मंनदे हन ते लुट्टे-खोहे जांदे मरदे-खपदे हन। मैं आपणे नाटकां विच आपणिआं दा ही ढिड्ड नंगा कीता है।

उहदे पातर पेंडू किरती किसान हन जो ढिड्डों बोल के सच्चमुच्च आपणा ढिड्ड नंगा करदे हन। किहा जांदा है कि जीहदा ढिड्ड नंगा हो जावे उहनूं फिर गाल्हां-गूल्हां दी परवाह नहीं हुंदी। गाल्हां आप मुहारे ही निकली जांदीआं हन। अंदर दी भड़ास जु होई। उह जिहो जिहे अंदरों हुंदे हन उहो जिहे ही बाहरों दिसदे हन। कोई उहला नहीं हुंदा उनहां विच। औलख आप वी ढिड्डों बोलदा सी। जिहो जिहा दुप्पड़ उहदा जुस्सा सी उहो जिही गद्दर उहदी आवाज़ है। उह सिध्धा सपशट लेखक सी ते सिध्धी पध्धरी गल्ल करदा सी। कोई वळ नहीं, कोई छळ नहीं। पंजाबी नाटक दा उह शैकसपीअर सी।

उहदा कद्द-काठ नां समध्धर सी नां सिर-कढ्ढवां। सरीरक भार अस्सी कु किल्लो रिहा ते कद्द सी पंज फुट्ट सत्त अठ्ठ इंच। नैण-नकश रता मोटे-ठुल्ल्हे सन। रंग नां गोरा सी नां काला। वेखण नूं उह विचकारले मेल दा बंदा लग्गदा सी। दाहड़ी केस चहड़दी जुआनी तों सुआरदा आ रिहा सी। चिण के बध्धी पग्ग मुंनिआ सिर नहीं सी दिसण दिंदी। अख्खां गोल मोटीआं ते बुल्ल्ह चौड़े सन। कढ्ढवीं जुत्ती पाई तों लग्गदा सी कि शुकीनी लाउंदा वी रिहै पर आरथिक तंगी कारन पूरी लग्गदी वी नहीं सी। इक हत्थ उत्ते चंद खुणिआ होइआ सी ते दूजे उत्ते मोरनी। वेखण नूं उह सिध्धा-सादा अनपहड़ जां अध्धपहड़ ही जापदा सी। सिर ’ते परना बध्धा हुंदा तां उह ख़ुद खेतां विच्च जोता ला के आइआ किसान-मज़दूर ही लग्गदा। उह निक्के सूरजां दी वड्डिआं विरुध्ध लड़ाई विच्च निक्के सूरजां दा साथी सी। इसे लई उस नूं दब्बे कुचले लोकां दा ‘लोक नाटककार’ किहा जांदा सी।

कोई उस नूं ‘बगाने बोहड़ दी छां’ वाला अजमेर औलख आखदै ते कोई नाटक ‘सत्त-बगाने’ वाला औलख। कोई ‘लोक कला मंच’ मानसे वाला प्रोफैसर अजमेर सिंघ औलख आखदै। उह पंजाबी नाटक ते पेंडू रंग मंच दा जुझारू जोधा सी जो अंतले साह तक जूझदा रिहा। उह मर के वी जींदा रहेगा। नाटक ते रंग मंच दे इस संगरामीए नूं साडा सदीवी सलाम!