पंजाबी दा विकास

(सूचना: अग्गे लिखे दो आरटीकल सिरजणा दे अंक-124, अपरैल-जून 2002, पंना नं: 1… उत्ते छपे सन। इनहां दा नोटिस लै के पंजाब सरकार दे विद्दिआ दे महिकमे दे चीफ सैकटरी नें इक्क मीटिंग बुलाके अते विसथार विच्च विचार वटांदरा करन पिछ्छों पंज मैंबरी कमेटी (स्री मदन लाल हसीजा, डाइरैक्कटर भाशा विभाग पंजाब, प्रधान अते चार मैंबर डा. कुलदीप सिंघ धीर, पंजाबी विभाग पंजाबी यूनीवरसिटी पटिआला, जनमेजा जौहल कंपिऊटर माहर, डा. गुरप्रीत सिंघ लहिल, कंपिऊटर डिपारटमैंट पंजाबी यूनीवरसिटी, ते किरपाल सिंघ पंनूं आरटीकल दा लेखक, दी बणा के आपणी राए देण लई किहा। निरसंकोच लिखिआ जांदा है कि पहिले तिंनां दी मिळी भुगत अते बदनीती कारन, गल्ल किसे वी तण पत्तण नां लग्ग सकी। भावें कि डा. गुरप्रीत सिंघ लहिल अते किरपाल सिंघ पंनूं नें आपणे तौर उत्ते अंतम रीपोरट तिआर करके कमेटी दे प्रधान साहिब नूं आपणे हत्थीं सौंप दित्ती सी।)

*****

पंजाबी दा विकास

पंजाबी भाशा दी विआपक पध्धर उत्ते वरतों दा मसला बहुत गंभीर मसला है। वकती वाह-वाह खट्टण दी भावना नाळ जां भावुकता दी पुठ्ठ चाहड़के इस मसले नूं पेश करन नाळ कंम नहीं होण लग्गा। पंजाबी हितैशी लेखकां, बुध्धीमानां अते लेखक सभावां वल्लों सरकारी सकूलां विच्च अंगरेज़ी दी पहड़ाई नूं लै के जिस ढंग नाळ पंजाबी दे प्रचार प्रसार दा मसला उभारिआ गिआ है उस तों जापदा है कि उहनां विच्च मसले दी गंभीरता नूं समझण दी समरत्था नहीं जां उह निपट मध्धवरगी दंभी मानसिकता दे शिकार हन। पंजाब विच्च पंजाबी भाशा सिख्खिआ दे खेतर ते प्रशासन दी हर पध्धर उत्ते वरतों विच्च आवे, इस बारे कोई दो रावां नहीं। पर पंजाबी भाशा नाळ असली मोर उहनां सारीआं लोड़ां दे पंजाबी नूं हाण दा बणाउण नाळ ही पुगाइआ जा सकदा है जो विकसत तकनालोजी अते विशवीकरन दे अज्ज दे दौर विच्च इसदे साहमणे हन। सभ तों वड्डा मसला है पंजाबी नूं सच्चमुच्च बाकी विकसत भाशावां दे हाण दी ज़ुबान बणाउण दा। इस पख्ख तों असीं किंने ग़रीब ते पछड़े होए हां, इस दा अनुमान इंटरनैट्ट उत्ते दूजीआं ज़ुबानां अते पंजाबी दी वरतों दा टाकरा करके सहिजे ही हो सकदा है। कंपिऊटर ते इंटरनैट्ट अज्ज दे युग दी लोड़ है। इस तत्थ वल्ल वी धिआन देणा ज़रूरी है कि हुण दे पंजाब प्रदेश दीआं सीमावां तों अगांह वी किंने ही पंजाब मौजूद हन। इस परसंग विच्च स्री किरपाल सिंघ पंनूं दा हत्थला लेख पंजाब सरकार दे संबंधत विभागां, यूनीवरसिटीआं ते पंजाबी बुध्धीमानां दे गंभीर ते फौरी धिआन दी मंग करदा है। कंपिऊटर अते इंटनैट्ट उत्ते पंजाबी फौंट दे की-बोरड दी इकसारता लिआउण नाळ ही पंजाबी पुसतकां, अख़बारां, रसालिआं ते खेतर दा विसतार कीता जा सकदा है अते पंजाबी भाशा विच्च संचार दीआं जुगतां नूं समें दे हाण दीआं बणाइआ जा सकदा है।

-संपादक

*****

पंजाबी फौंटां अते की-बोरड लेअ-आऊट दा वखरेवां

किरपाल सिंघ पंनूं

आरंभ विच्च इह वरनण करना ज़रूरी हो जांदा है कि अख्खरां दी शकल नूं फौंट किहा जांदा है अते जिस नाळ असीं इह्ह अख्खर लिखदे हां उस नूं की-बोरड किहा जांदा है।

पंजाबी फौंट ते उसदा की-बोरड लेअ-आऊट भावें इक्क नहीं पर इक्क-मिक्क ज़रूर हन। इस विचार नूं इस तरहां दरसाइआ जा सकदा है कि ‘मैं ते माही इक्क-मिक्क, असीं देखण नूं भावें दो।’ पंजाबी फौंट दे अख्खर इस दे की-बोरड दे उदर विच्चों ही जनम लैंदे हन। हुण अग्गे आउंदे हां, असली मुद्दे वल्ल।

कोई समां सी जदों पंजाबी लिखण वाळिआं लई कंपिऊटर इक्क नवां यंतर सी जो केवल अंगरेज़ी विच्च ही लिख-पहड़ सकदा सी। इस वातावरन विच्च पंजाबी पिआरिआं दे मनां विच्च कंपिऊटर दी पंजाबी लई वरतों दी चाहत दा पैदा हो जाणा कुदरती ही सी। सिआणे कहिंदे हन कि जित्थे चाह उत्थे राह। ते उनहां नें आपो-आपणी सुच्ची सोच दे अनुसार आपणी चाह दे नवें राह लभ्भे। जिवें कि आरंभ विच्च हुंदा ही है, इसदा सिट्टा बहुत सरीआं पंजाबी फौंटां दे जनम विच्च होइआ। इनहां दे अख्खर तां पंजाबी वरणमाळा अनुसार ही रहे, किउंकि इह फौंटां वख्खो-वख्ख थावां उत्ते अते वख्खो-वख्खो उद्दमीआं वल्लों बणाईआं गईआं सन, इस लई इनहां दे कीअ-बोरड लेअ-आऊट दा वख्खो-वख्ख होणा वी उतना ही कुदरती सी। पर इह वख्ख-वख्ख की-बोड लेअ-आऊट वाळा वरतारा अंगरेज़ी कंपिऊटर नाळ नहीं वरतिआ। किउंकि कंपिऊटर नें बणदे सार ही आपणा इक्क की-बोड लेअ-आऊट अपणा लिआ अज्ज भावें अंगरेज़ी दीआं सैंकड़े फौंटां हन पर उनहां दा की-बोड लेअ-आऊट इक्को ही है। हर इक्क फौंट दी ‘ए’ इक्को थां तों पैंदी है। पर पंजाबी दा ‘पप्पा’ किसे फौंट दा किते अते दूसरी फौंट दा होर किते जा के पैंदा है। जदों लोड़ अनुसार पंजाबी दी इक्क फौंट नूं दूसरी फौंट विच्च बदली करदे हां तां सारी लिखत दा कुझ्झ होर दा होर ही बण जांदा है। जिवें कि इक्क फौंट दे ‘पंजाबी’ शबद दा दूजी फौंट विच्च ‘गुलाबी’ बण जाणा।

जदों कि पंजाबी दी कंपिऊटरी लिखत दा आदान-परदान ईमेल प्रबंध नें इक्क बच्चिआं दे खेल्ह बणा दित्ता है तां पंजाबी फौंटां दे इस की-बोड लेअ-आऊट दे वखरेवें दीआं औकड़ां उजागर होण लग्गीआं हन। इसदे नाळ-नाळ तकनालोजी दे विकास नाळ फौंटोगराफर मंडी विच्च आ जाण करके नवीं फौंट बणाउणी जां उस नूं नवां रूप देणा होर वी इक्क खेल्ह बण गिआ है। जिस नाळ पंजाबी फौंटां अते उनहां दे की-बोड लेअ-आऊट दी गिणती अणगिणती हो गई है। किउंकि मैं वी इस संबंध विच्च रुची रख्खदा हां, मेरे पंदरां जीआं दे परिवार विच्च कोई वी नां ऐसा नहीं जिस दे नां उत्ते किसे नां किसे फौं दा नां नां होवे, भावें उह तजरबे दे तौर ’ते जां किसे उसारी दे मुढले पड़ाअ उत्ते ही होवे।

इस ईमेल दे प्रबंध करके पंजाबी लिखणा, पहड़ना, वैब्ब साईट बणाउणा, अख़बार, रसाले आदि छापणा वी गलोबल ही बण गिआ है। इस दी लोड़ अनुसार चाहीदा तां इह सी कि पंजाबी दीआं सारीआं फौंटां दा इक्क गलोबल की-बोड लेअ-आऊट हुंदा। पर अजिहा हो नहीं सकिआ। किओं नहीं हो सकिआ, इह मुद्दा इस लेख दा विशा नहीं है। पर इह यकीन नाळ किहा जा सकदा है कि जदों तीकर अजिहा नहीं हो जांदा पंजाबी पिआरे इस दा घोर संताप भोगदे रहिणगे। इह वी पता लग्गिआ है कि कई वपारक बिरती दे सज्जणां नें तां इस नूं आपणी कमाई दे इक्क साधन वजों वी अपणा लिआ है। सो उह कदों चाहुणगे कि इस बीमारी दा सदीवी हल्ल हो जावे।

मेरे विचार अनुसार इस अपराध दीआं सभ तों वध्ध दोशी पंजाब सरकार, पंजाब दीआं यूनवरसिटीआं, पंजाब दा भाशा विभाग अते श्रोमणी गुरदुआर प्रबंधक कमेटी हन। जिनहां कोळ समरत्था वी है, साधन वी हन अते जिनहां दा फरज़ वी बणदा है कि उह पंजाबी की-बोड लेअ-आऊट दे एकी करण वल्ल निग्गर कदम उठाउण।

इस दे दोशी पंजाबी कंपिऊटर जाणदे पंजाबी बुध्धीजीवी वी कोई घट्ट नहीं हन। अज्ज लोड़ है इस बहुत ही ज़रूरी मुद्दे उत्ते इक्क तकड़ा संवाद रचाके किसे तरक पूरन सिट्टे उत्ते पहुंचण दी अते उस उत्ते अमल लई सारथक यतन करन दी। मैं आपणे तौर ’ते कुझ्झ यतन कीते हन जिनहां तों मैं सिट्टा इह कढ्ढिआ है कि:

1. पंजाबी आपणे भविख्ख तों बहुत बेपरवाह हन।

2. पंजाबीआं दे निज्जी हित जनता अते समुच्च दे हितां नाळों भारू हुंदे हन।

3. पंजाबी समुच्च विच्च रूहड़ीवादी हन। जो जित्थे बैठा है उह उस तों इक्क कदम वी सज्जे खब्बे होण लई तिआर नहीं है। जदों तीकर उस दी कोई अटप्प मजबूरी नां बण जाए।

4. पंजाब दी सरकार अते इसदे महिकमिआं विच्च बैठी अफसरशाही लई उसारू कंम नहीं सगों वाधू दंम कमाउणे जां चंम बचाउणे पिआरे हन।

खैर इह ताहने मिहणे मारन दा कोई लाभ नहीं होण लग्गा। इस वेळे ला पा के जे कोई आस है तां उह पंजाबी दे बुध्धीजीवीआं उत्ते ही बणदी है। सो उनहां अग्गे इह अरदास कीती जांदी है कि उह पंजाबी फौंटां दे इक्क तरक पूरन की-बोड लेअ-आऊट उत्ते आपणे विचार खुल्ल्ह के प्रगट करन अते आपो आपणा प्रभाव वरत के इसनूं किस विशेश निरणे ’ते पहुंचाउण विच्च सहाई होण।

किसे वी की-बोड लेअ-आऊट उत्ते सोच विचार करन तों पहिलों अग्गे लिखे गए मुद्दिआं नूं धिआन विच्च रख्खणा लाहेवंद रहेगा:

1. पंजाबी दी वरतों केवल पंजाब विच्च ही नहीं सगों सारे ही संसार विच्च, जित्थे किते वी कोई पंजाबी बैठा है, कीती जांदी है।

2. पंजाबी कंपिऊटर दी वरतों पंजाब नाळों वध्ध बदेशी पंजाब विच्च कीती जांदी है।

3. पंजाबी कंपिऊटर प्रबंध दा संबंध अंगरेज़ी कंपिऊटर प्रबंध नाळ अटुट्ट है। भाशावां दो जां दो हज़ार हो सकदीआं हन पर कंपिऊटर प्रबंध इक्क ही रहेगा। इस वेळे संसार विच्च दो प्रकार दे कंपिऊटर प्रबंध हन। उ) आई.बी.ऐम्म अते अ) ऐपल मैकनीतोश। इनहां दोहां नें ही संसार नूं बेमतलबा वखत पाइआ होइआ है। इस विच्च वी आम वरतण वाळा आई.बी.ऐम्म हुण मुखी हो रिहा है।

सो नवें की-बोड लेअ-आऊट उत्ते सोच विचार करन वेळे अग्गे लिखे मुद्दे ज़रूर विचार लैणे चाहीदे हन:

1. जित्थे वी पंजाबी अते अंगरेज़ी की-बोड लेअ-आऊट दा सुमेल होवे उसदा लाभ उठाइ जावे। जिवें ‘के’ ते ‘कक्का’, ‘पी’ ते ‘पप्पा’ अते ‘जे’ ते ‘जज्जा’ आदि।

2. अंगरेज़ी दीआं कीआं दा विरोध बिल्लकुल्ल नां सहेड़िआ जावे। जिहड़ा कि अज्ज दीआं कई पंजाबी फौंटां नें सहेड़िआ होइआ है। जिवें कोट कौमिआं उत्ते पंजाबी अख्खरां दीआं कीआं पा के। इह कंम हवा ही नहीं सगों हनेरी दे उलटे रुख साईकल चलाउण दे तुल्ल है। उस दी थां सहाइक रुख दिशा बदलिआं सवार दी मानसक दशा विच्च ज़मीन असमान दा फरक पै जांदा है। उहो ही प्रबंध तुहाडे पैर-पैर ’ते औकड़ां खहड़ीआं करन दी थां ’ते तुहाडा तत्तपर सहाइक बण जांदा है।

3. पंजाबी विच्च कंपिऊटरी शबद जोड़ कोश दी सखत लोड़ है। इह इक्क ऐसा वरदान है जिस तों पंजाबी कंपिऊटर अड़ीअल खोती वांग बेमुख्ख होइआ खड़ोता है। इस कंम लई पंजाबी दे सारे अख्खर 26+26 डिकशनरी कीआं उत्ते ही होणे चाहीदे हन। जो संभव हन।

4. पंजाबी पंकचूएशन अते अंगरेज़ी पंकचूएशन विच्च रती भर वी फरक नहीं है। फिर किओं नां पंकचूएशन नूं उसे तरहां ही रख्खिआ जाए? इह की सिआणप होई कि पंकचूएशन दीआं कीआं नूं अख्खरां लई वरत लिआ जावे अते अख्खरां दीआं कीआं नूं पंकचूएशन लई। पंकचूएशन बदलण लई दलील पंजाबी टाईप राईटर दी वरतों कर के दित्ती जांदी है। सही गल्ल तां इह है कि जदों गड्डे दी सवार करनी होवे तां उसदा ढंग तरीका सिख्खणा अते अपनाउणा पवेगा पर जदों हवाई जहाज़ दा सफर करना होवे तां उसदा। कोई पंजाबी पाइलट जहाज़ चलाउण लग्गिआं आपणे हत्थ विच्च बैलां नूं हक्कण वाळी पराणी लै के नहीं जहाज़ विच्च चहड़दा। टाईप राईटर तों कंपिऊटर उत्ते बदली करदिआं कितना कु समां लग्गदा है? केवल इक्क अध्धा घंटा। इस मामूली खेचळ लई सारी पंजाबीअत नूं सूळी उत्ते टंगी रख्खणा कदी वी सिआणप दी गल्ल नहीं हो सकदी।

5. वध्ध वरतों विच्च आउण वाळे अख्खर पहिलीआं (नौरमल) कीआं उत्ते रख्खे जाण अते घट्ट वरतों विच्च आउण वाळे शबद थोहड़े दूर (शिफट कीआं उत्ते) हो सकदे हन। बाकी दे उस फौंट दे सिंबलां वाळे भाग विच्च पाए जा सकदे हन।

उपरोकत सारिआं नुकतिआं दा धिआन रख्खदिआं धनी राम चात्रिक, जो वज़ीर हिंद प्रैस्स अंम्रितसर दे छापे लई तिआर करन वाळे पंजाबी दे अख्खरां दा पहिला निरमाता अते पंजाबी दा सिरमौर कवी है, दे नां उत्ते बणाई गई फंट डीआरचात्रिकवैब्ब फौंट दा की-बोड लेअ-आऊट सैट्ट कीता गिआ है। पूरी छाण बीण अते लोड़ींदे सुधारां पिछ्छों इस दा नां मिआरी पंजाबी की-बोड लेअ-आऊट वी रख्खिआ जा सकदा है। (सूचना: इस लेख दा मंतव धनी राम चात्रिक फौंट दी मशहूरी करना बिलकुल नहीं है। सगों इस नूं इक्क माडल वजों पेश करना है।)

डीआरचात्रिक फौं इस वेळे टरांटो दे दो अख़बारां ‘अजीत वीकली’ ते ‘पंज पाणी’ अते कई वैब्ब साईटां जिवें, ‘अजीत वीकली डाट काम’, ‘गलोबलपंजाब डाट काम’, ‘लिखार डाट नैट्ट’ आदि विच्च पूरी सफलता नाळ चल्ल रही है। भाव इस नें आपणा ‘करम-भूमी-खेतर’ दा इमतिहान वी पास कर लिआ है।

इह अटल्ल वरतारा है कि पंजाबी की-बोड लेअ-आऊट नें इक्क नां इक्क दिन इक्क होणा ही है। फिर पंजाबी पिआरिओ किओं ऐवें इस की-बोड लेअ-आऊट दीआं कीआं दे वखरेवें दे नरक नूं बहुता समां भोगीए अते लमकाईए?

अंत विच्च पंजाबी नाळ हर मोह रख्खण वाळे - जिस विच्च शामल हन बुध्धी जीवी, कंपिऊटर दे वरतोंकार, पंजाबी भाशा नूं वधदा फुलदा देखण दे चाहवान, नूं इह अपील कीती जांदी है कि इस मुद्दे नूं जंगी पध्धर उत्ते उठाइआ जावे अते आपणी समरत्था अनुसार इस विच्च विचारधारक योगदान पा के इस नूं अंतम ते विजई निरणे उत्ते पहुंचाइआ जावे। इह महान करज आपणे विर्र पुरज़ोर ढंग नाळ अख़बारां, रेडीओ, टी.वी अते भाशनां राहीं पेश कर के नजिठ्ठिआ जा सकदा है।

अपणे विचार सांझे करन लई इस लेखक भाव किरपाल सिंघ पंनूं नाळ अज्ज दे फोन नं: 905-796-0531 उत्ते जां ई मेल kirpal.pannu36@gmail.com राहीं संपरक कीता जा सकदा है।

*****

(धिआन योग टिप्पणी: हेठ लिखी टिप्पणी सरदार गुरदिआल सिंघ राए नें आपणी मशहूर चिरोकणी चलदी आ रही वैब्ब साईट ‘Likhari.net’ उत्ते कई महीने पा रख्खी। इस दा किसे पासिओं वी कोई बणदा ठणदा तरक पूरन उत्तर नहीं आइआ। जो पंजाबी पाठकां अते लेखकां दे सुभाअ नूं तां उजागर करदा ही है ते नाळ-नाळ उनहां दे सिर इक्क भारी उलांभा वी धरदा है।)

नोट: अंतरराशटरी ‘यूनीकोड संसथा’ दी बुनिअद भावें 1988 विच्च रख्खी गई सी पर इह रजिसटर 1991 विच्च होई सी। भारती अते होर देशां दीआं लिप्पीआं नूं इह अंत्रराशटरी यूनी (Universal, Unique) कोड संन 2000 विच्च मिल गए सन। सारे संसार दीआं लिपीआं (168) लई हुण यूनीकोड दी वरतों हुंदी है। पंजाबी लई यूनीकोड फौंटां दी वरतों हुंदिआं 24 साल हो गए हन पर कुझ पंजाबी लेखक अजे वी असीस, अनमोल, चातरिक, जौए, सतलुज अते होर, A B C, ... X Y Z आदि अंगरेज़ी अख्खरां दे कोडां उत्ते घड़े/बणाए/चिपकाए पंजाबी अख्खरां दी वरतों कर रहे हन। अजिहा किउं है, की कोई दस्स सकदा है?

-गुरदिआलसिंघ राए

*****

मेरे विचार अनुसार पंजाबी कंपिऊटर दा भविच्च पंजाबी दीआं यूनीकोड फौंटां विच्च है। इह संसार भर विच्च मिआरी फौंटां हन। इनहां नूं किसे वी की-बोड लेअ-आऊट नाळ टाईप कीता जा सकदा है। हर अख्खर लई आपणा निवेकळा कोड है। केवल आपणी इछ्छा दे की-बोड लेअ-आऊट नूं यूनीकोड नाळ संधी करवाउण दी लोड़ है। जो सौखी ही हो जांदी है।

-किरपाल सिंघ पंनूं