अज्ज पंजाबी मां बोली लई सभ तों वड्डा खतरा इह है कि इसदे आपणे ही इस नूं विसारके होर भाशावां दा गिआन प्रापत करन नूं तरजीह दे रहे हन। इस तों भाव इह नहीं कि होर भाशावां दा गिआन प्रापत नां कीता जावे पर आपणी मां बोली दा माण सतिकार वी बहाल रख्खिआ जावे। जिथों तक्क सरकार दी डिऊटी बणदी है, उह तां आपणी कागज़ी कारवाई पूरी करके आपणे वल्लों सारे दफतरां विच्च पंजाबी लागू होण दे दमगज़े मार रहे हन पर असलीअत की है इह सानूं सारिआं नूं ही पता है। सरकारां आउंदीआं जांदीआं रहिंदीआं हन, किसे बोली जां सभ्भिआचार दा हेज़ किसे सरकार नूं नहीं हुंदा। इनां लोकां कोल तां सिरफ आपणी कुरसी नूं बचाउण दे दाअ पेच ही हुंदे हन, मां बोली तां दूर इनां खुदगरज़ लोकां नूं तां आपणी मां वी भुल्ल जांदी है। इह आपणी बणदी ज़िंमेवारी निभाउंदे हन जां नहीं, पर आम लोकां दी वी पंजाबी मां बोली नूं संभालण लई कोई ज़िंमेवारी बणदी है, इह धिआनयोग अते गंभीर मसला है।

साडे पेंडू लोक वी गल्ल करदे-करदे बहुत सारे अंगरेज़ी दे शबद गलत-मलत बोल जांदे हन अते बहुत सारे अंगरेज़ी दे शबद अजिहे हन जो पंजाबी विच घुलमिल गए हन। इह वख्खरा विशा है पर सभ तों वध्ध हैरानी उदों हुंदी है जद आम प्रीवार वी विआह दे कारड अंगरेज़ी विच्च छपाउण नूं तरजीह दिंदे हन। भावें कि कारड विच्च छपीआं लाईनां दा मतलब प्रीवार दे इक्क वी मैंबर नूं नां पता होवे पर कारड अंगरेज़ी विच्च ही छपवाउणा हुंदा है। इत्थों तक्क कि हुण तां कारड छापण वाले गुरबाणी दीआं तुकां नूं वी अंगरेज़ी विच्च उलथा करके छाप दिंदे हन। खास करके उह प्रीवार जिंनां दा धी-पुत्त बाहरले मुलक 'चों आ के इधर विआह रचाउंदा है उनां दे कारड तां ज़रूर अंगरेज़ी विच छपे हुंदे हन। इथे ही बस नहीं, घरां दे बाहर लग्गीआं 'तख़तीआं' आदि ते वी अंगरेज़ी उकरी हुंदी है। दरशन सिंघ नूं डी.ऐस. लिखके जां अंगरेज़ी दा कोई शबद वरतके पिछे कोटेज़ आदि लिखके घरां दे नांअ रख्खे जांदे हन। इह वरतारा अज्जकल्ल शहिरां विच आम ही वेखण नूं मिल रिहा है।

माता-पिता आपणे बच्चिआं नूं अंगरेज़ी जां हिंदी विच गल्ल करन नूं तरजीह दिंदे हन, पता नहीं पंजाबी भाशा विच उह गल्लां किउं नहीं हुंदीआं। मां-पिओ, बच्चिआं नूं ए.बी.सी. सिखाउण लई ज़िआदा ततपर रहिंदे हन किउंकि बहुते मापिआं नूं आप नूं वी उ-अ नहीं आउंदा। सकूलां विच वी अंगरेज़ी पड़ाउण 'ते ज़िआदा ज़ोर दित्ता जांदा है जदोंकि पंजाबी तों कंनी खिसका लई जांदी है।

पिंडां विच तां नहीं शहिरां विच दुकानां दे बोरड ज़िआदातर अंगरेज़ी विच्च नज़री पैंदे हन जां बहुते थाईं अंगरेज़ी अते पंजाबी दोवें भाशावां विच्च दुकानां दे बोरड लिखे नज़री आउंदे हन। चाहीदा तां इह है कि जेकर आम लोकां नूं पंजाबी भाशा प्रती हेज़ होवे तां उनां नूं सरकारां तों कोई झाक नहीं करनी चाहीदी पर की करीए साडे आम लोकां ही पंजाबी भाशा नूं असविकार करी जा रहे हन। उह पंजाबी जिस विच बाबे नानक, बाबे फरीद, वारिश शाह अते होर अनेकां पीरां-फकीरां नें आपणी इलाही बाणी दी रचना कीती अते साडा मारग दरशक बणे उसे पंजाबी तों असीं दूर हुंदे जा रहे हां।

पंजाबी विच्च वख्ख-वख्ख रिशतिआं दी आपणी विशेश महानता है। मामा, चाचा, ताइआ, फुफ्फड़ इह शबद पंजाबी विच उपलबध हन जदकि अंगरेज़ी विच सिरफ 'अंकल' नाल ही गल्ल बण जांदी है। अज्जकल्ल दे दादा-दादी वी आपणे आप नूं बाबा जां बेबे अखवाउण विच्च अपमाण महिसूस करदे हन उह कहिंदे हन कि बच्चे सानूं वड्डा पापा जां वड्डी मंमी आखके पुकारन। सो जिहड़ा निघ्घ अते सुआद बेबे जां बाबा कहि के जां कहा के आउंदा उह वड्डा पापा जां वड्डी मंमी कहिके नहीं आ सकदा। बहुते घरां विच्च अंगरेज़ी दा अखबार तां आउंदा है पर पंजाबी दा इक्क वी अख़बार जां रसाला नहीं आउंदा। कईआं लई तां अंगरेज़ी दा अखबार सिरफ़ सटेटस सिंबल है। अख़बार घरे आइआ, चुक्किआ अते इकठ्ठा करके फिर रख्ख दित्ता। मैं इह नहीं कहिंदा कि अंगरेज़ी पड़ी नां जावे पर आपणी मां बोली दा वी सतिकार कीता जावे। मतरेई, मतरेई हुंदी है, मां-मां ही हुंदी है।

साडे पंजाबी दे लेखक वी आपणे आप नूं पंजाबी दे बहुत वडे मुदई समझदे हन पर बहुते लेखकां दे मुंडे-कुड़ीआं दे विआह दे कारड जद मिलदे हन तां अंगरेज़ी विच्च छपके ही आउंदे हन। सो अजिहे मुदईआं तों सानूं कोई बहुती आस नहीं रख्खणी चाहीदी। जो अंदरों -बाहरों इक्क नहीं हन। इसे करके पंजाबी बोली, पंजाबी भाशा दा सतिकार तां ही बरकरार रहि सकदा है। जदों साडे आम लोक इस नाल आपणी पिआर भरी सांझ पाउण अते फिर सरकारां भावें अंगरेज़ी दी मां नूं लागू कर लैण।

जदों मैं इह लेख लिख रिहा सी तां लिखदे लिखदे मेरा मित्तर आ गिआ। उसने सारा लेख पड़िआ ते साडे पंजाबी दे लेखकां 'ते विअंग कसदा होइआ कहिंदा तूं इह वी लिखदे कि साडे लेखक वी आपणा पूरा नांअ लिख लिआ करन, ऐंवे ए.बी.सी. जी लिखके। पंजाबी होण दा भरम पालदे हन।

अंत विच्च हरजिंदर कंग दे शेअर नाल समूह पंजाबीआं नूं इक्क हलूणा देण दा यतन कर रिहा हां :-

मां बोली बिन दुनीआं उत्ते कौमां दी पहिचाण नहीं रहिंदी,

आपणा सभ्भिआचार भुलाके विरसे दे विच्च जान नहीं रहिंदी।

फुल्ल किते वी उगण भावें महिकां तों पहिचाणे जांदे,

दुनीआं उते लोक कौम दी बोली तों नें जाणे जांदे।

विरसे दे फुल्ल तां ही खिड़दे मां बोली जे आउंदी होवे,

रूह दे पत्तण जिंद मज़ाज़ण लोक गीत कोई गाउंदी होवे।