पंजाब ऐगरीकलचरल यूनीवरसिटी दी पंजाब दे खेती विकास विच्च अहिम भूमिका है किउंकि पंजाब दी सारी खेती खोज दी ज़िंमेवारी इसे यूनीवरसिटी दी है। इस खोज नूं किसानां तक पहुंचाउण अते इस नूं अपणाउण विच्च सहाइता करना वी इसदी ज़िंमेवारी दा हिस्सा है। इह ज़िंमेवारी यूनीवरसिटी वल्लों हरेक ज़िल्हे विच्च खेती सलाहकार सेवा अते क्रिशी विगिआन केंदरां राहीं कीती जांदी है। किसानां अते खेती विकास नाल सबंधित अधिकारीआं दी सिखलाई वी यूनीवरसिटी ही करदी है। इह आपणीआं ज़िंमेवारीआं पूरी लगन अते सिआणप नाल निभा रही है। इसदी मिसाल पंजाब विच्च होए खेती विकास तों मिलदी है। हरेक साल लख्खां किसान यूनीवरसिटी दे केंदरां विच्च नवें गिआन अते नवें बीजां लई फेरी पाउंदे हन। संसार विच्च शाइद होर कोई अजिही संसथा नहीं जिसदे किसानां नाल इंने नेड़ले सबंध होण। इसे करके यूनीवरसिटी नूं सारे देश दीआं खेती यूनीवरसिटीज़ विच्च पहिला सथान प्रापत हुंदा है।

इस वरहे वी पी.ए.यू. नूं देश दी सभ तों वधीआ यूनीवरसिटी मंनिआ गिआ है। इस तों अग्गे इस वरहे इस नूं संसार दीआं सौ वधीआ खेती संसथावां विच्च शुमार कीता गिआ है। इसदीआं प्रापतीआं दा अधार किसानां, विगिआनीआं अते सरकार दा आपो विचला तालमेल है। सरकार नें पिछले साल वांग इस साल वी यूनीवरसिटी नूं 20 करोड़ दी विशेश ग्रांट दित्ती है। यूनीवरसिटी किसानां लई नवींआं खोजां ही नहीं करदी सगों मुसीबत पैण उत्ते उनहां दी अग्गे वध के सहाइता वी करदी है। इस वार पंजाब विच्च वी हहड़ां नें तबाही मचाई। किसानां दा सभ कुझ रुहड़ गिआ। इत्थों तक कि हाहड़ी दी फसल बीजण लई बीज वी नहीं सी। नवां बीज खरीदण लई वसीले नहीं सन। हहड़ां नें खेतां विच्च रेत विछा दित्ती सी। यूनीवरसिटी दे माहिरां नें जित्थे तकनीकी सलाह दित्ती उत्थे इत्थों दे सटाफ नें आपणे वल्लों पैसे इकठ्ठे करके 725 कुइंटल कणक दीआं सुधरीआं किसमां दा बीज हहड़ प्रभावित किसानां तक पहुंचाइआ तां जो उह हाहड़ी दी बिजाई कर सकण। इसदे नाल पंज कुइंटल गोभी सरहों दा बीज वी वंडिआ गिआ।

खेती खोज अते पसार दे नाल ही खेती पहड़ाई दा वी इह वधीआ केंदर मंनिआ गिआ सी। कदे खेती पहड़ाई दी ज़िंमेवारी वी इसे संसथा दी ही सी। हुण सूबे विच्च इक्क सैंकड़ा खेती कालिज होर खुल्ल्ह गए हन। सोचणा इह है कि की इह कालिज इस यूनीवरसिटी दा मुकाबला कर सकदे हन, जित्थे इक्क हज़ार दे लगभग अंतरराशटरी प्रसिध्धी दे खेती विगिआनी हन। खोज विच्च पिछले सालां वांग इस वरहे वी वड्डीआं प्रापतीआं होईआं हन। फसलां दीआं 20 नवींआं किसमां काशत लई किसानां नूं दित्तीआं गईआं हन। इस वरहे कणक दी नवीं किसम पी बी डबलयू 872 दित्ती गई है जिसदा झाड़ 24 कुइंटल प्रती एकड़ तों वध्ध है। बिसकुट बणाउण लई वी किसम पी बी डबलयू बिसकुट-1 रीलीज़ कीती गई है। झोने दी किसम पी आर 132 जिहड़ी 111 दिनां विच्च पक्क जांदी है अते झाड़ 32 कुइंटल तक प्रापत हो जांदा है। इस विच्च बिमारीआं दा टाकरा करन दी वी शकती है। जौआं दी किसम पी ऐल्ल 942 अते मक्की दी पी ऐम्म ऐच्च 17 दित्ती गई है। हरे चारे लई जवी किसम ओ ऐल्ल 17, जिस तों 315 कुइंटल चारा प्रती एकड़ मिल जांदा है। इक्क मूंगबीन दी किसम ऐस्स ऐम्म ऐल्ल 2575 दित्ती गई जिहड़ी कवेल 63 दिनां विच्च पक्क जांदी है। राइआ दी दोगली किसम पी ऐच्च आर 127 वी तिआर कीती गई है।

सबज़ीआं दी खोज विच्च वी चंगा कंम होइआ है। आलूआं दीआं दो नवींआं किसमां पंजाब आलू 10 इह अगेती किसम है अते 450 कुइंटल प्रती हैकटर तों वी वध्ध झाड़ दे दिंदी है। दूजी पंजाब आलू 104 किसम, जिस नूं लेट पलाईट नहीं लगदी। पंजाब संतरी गाजर दी किसम है, जिस विच्च बी कैरोटीन वधेरे हुंदा है। पंजाब विच्च गोभी दीआं आपणीआं किसमां नहीं सन। पंजाब मघ्घरी गोभी दी किसम, दोगले बैंगणा दी पी बी ऐच्च ऐल्ल 56, फरैंच बीन दी पंजाब अनंद अते पंजाब रंगत किसमां काशत लई दित्तीआं गईआं हन। फलां विच्च ग्रैव फरूट फलैम किसम तिआर होई है, जो बीज रहित है। इसे तरहां गुलदाउदी अते गलैंडूलस दीआं चार किसमां नवींआं आईआं हन। पी ए यू दीआं कई किसमां इस साल दूजे सूबिआं विच्च काशत लई सिफ़ारश कीतीआं गईआं हन, जिनहां विच्च मक्की दीआं पंजाब बेबी कारन-3, पी ऐम्म ऐच्च 18 अते पी ऐम्म ऐच्च 19 हन। कणक दीआं पी बी डबलयू 872 अते पी बी डबलयू 833 दी सिफ़ारश होई है।

इस यूनीवरसिटी वलों कुझ नवींआं मशीनां वी बणाईआं गईआं हन, जिनहां विच्च सभ तों महत्तवपूरन झोना लाउण वाली मशीन है, जिहड़ी बिनां चालक वल्लों दस्से प्रोगराम अनुसार आपणे आप चलदी है। इसदा प्रदरशन केंदरी खेती मंतरी शिव राज सिंघ चौहान नें पंज जून नूं देखिआ। यूनीवरसिटी नें इक्क ट्रैकटर बणाइआ है जिहड़ा आपणे आप वहाई कर दिंदा है। जिहड़े मुंडे कंम करके राज़ी नहीं, उनहां नूं मौजां हो जाणगीआं। यूनीवरसिटी वल्लों मक्की सुकाउण वाली मशीन अते इसे तरहां फलां नूं ठंढा रख्खण वाली विधी वी तिआर कीती है। इनहां दोवां दा पंजीकरन वी हो गिआ है। चूहे मारन लई इक्क ज़हिर तिआर कीती गई है जिसदी सिध्धी वरतों हो सकदी है। इसे तरहां सिंचाई लई पाणी दी लोड़ अनुसार अते सही वरतों करन लई आई ओ टी अधारित सिसटम विकसित कीता गिआ है। बंद नालीआं दी सफ़ाई लई पी ए यू ईकोसोल बणाइआ गिआ है, जिस विच्च किंनो दे छिलकिआं दी वरतों कीती गई है। इस वरहे भारती खेती खोज प्रीशद, जिहड़ी कि सारे देश विच्च खेती खोज दा संचालिन करदी है, उस वल्लों पी ए यू नूं खेती मशीनरी, फलां सबंधी खोज, खेती अधारित सनअती खोज, सबज़ीआं दी खोज, बीज उतपादन विच्च सभ तों वधीआ केंदर दे तौर उत्ते मानता दित्ती गई है। यूनीवरसिटी दे उप कुलपती डा. सतबीर सिंघ गोसल आप इक्क उघ्घे बाइओटैकनोलोजी माहिर हन इस करके बाइओटैकनोलोजी विच्च डा. ख़ुश नवां केंदर सथापित कीता गिआ, जित्थे अंतरराशटरी पध्धर दी खोज हो रही है अते नवींआं किसमां विकसित करन विच्च सहाइता कीती जा रही है। मौसम सबंधी विभाग नूं इस वरहे दा वधीआ केंदर होण दा सनमान प्रापत होइआ है। दालां दीआं नौं वध्ध झाड़ देण वालीआं किसमां विकसित कीतीआं होण करके इस वरहे दा दालां सबंधी इनाम वी प्रापत होइआ है। इसे तरहां बीज उतपादन अते सांभ संभाल सबंधी केंदर नूं सनमान प्रापत होइआ है।

इस वरहे विदेशी माहिरां दीआं फेरीआं दौरान जपान, अमरीका, अरजनटीना, सूडान, इंडलैंड तों माहिर आए अते आपसी सांझ बारे विचारां कीतीआं गईआं। यूनीवरसिटी नें 22 अंतरराशटरी खेती माहिरां नूं आनरेरी विज़िटिंग प्रोफैसर नियुकत कीता है। इनहां विच्च विशव भोजन सनमान प्रापत विगिआनी डा. ख़ुश, डा. रतन लाल अते डा. ऐस्स के वासन शामल हन। उह इत्थों दे विगिआनीआं नाल विचार सांझे करनगे अते उचेरी पहड़ाई कर रहे विदिआरथीआं नूं अगवाई प्रदान करनगे। इंझ पी.ए.यू. देश दा ही नहीं सगों अंतरराशटरी पध्धर दा होर वधीआं खोज केंदर बण जावेगा।

संयुकत राशटर दी संसथा ऐफ्फ.ए.ओ. नें वी पी ए यू नाल रल के बदलदे मौसम सबंधी नवां प्रोजैकट शुरू करन बारे विचारां कीतीआं हन। पी.ए.यू. दा माहौल अते इसदा कैंपस इंना पिआरा है कि कौमी पध्धर दीआं संसथावां आपणे वारशिक सैमीनार इत्थे ही करन दी इछ्छा रख्खदीआं हन। इस वरहे वी कई महत्तवपूरन विशिआं उत्ते कौमी सैमीनार कीते गए। माहिरां नें विचार विटांदरे पिछ्छों आपणीआं सिफ़ारशां वी दित्तीआं हन। उनहां उत्ते अमल करन जां करवाउणा बहुता करके सरकारां उत्ते निरभर है। हरेक सूबे दीआं आपणीआं समस्सिआवां हन। पंजाब इस वेले भावें खेती उतपादन विच्च देश दा मोहरी है पर गंभीर समस्सिआवां विच्चों गुज़र रिहा है। पिछली अध्धी सदी तों इत्थे कणक-झोना ही मुख्ख फसल चक्कर है। प्रती एकड़ उपज विच्च हरेक वरहे मामूली वाधा हुंदा है। इंझ पैदावार विच्च खड़ोत है। उपज दी कीमत लागत कीमतां अते वध रही महिंगाई अनुसार नहीं वधाई जांदी, जिस नाल किसान दा शुध्ध मुनाफ़ा घट रिहा है। परिवारिक वंडीआं पैण नाल ज़मीनां दी मालकी तेज़ी नाल घट रही है। इंझ हर साल छोटे किसानां दी गिणती विच्च वाधा हो रिहा है। परिवारिक वंडीआं दे नालो नाल शहिरीकरन अते सनअतीकरन सदका हज़ारां पिंड खतम हो रहे हन। इस नाल केवल वाही हेठ धरती ही नहीं घट रही सगों बेरुज़गारी विच्च वी वाधा हो रिहा है।

खेती विकास दा अधार तकनीकी गिआन है। पंजाब दे किसान नूं पी ए यू उत्ते पूरन भरोसा है। यूनीवरसिटी लई इह वड्डी चुणौती है कि छोटे किसानां दी आमदन विच्च किवें वाधा कीता जावे। उेनहां नूं आपणी उपज दा पदारथीकरन अते मुड़ विकरी दे गुर सिखाउणे वी इसे संसथा दी ज़िंमेवारी है। मौसम विच्च बदलाव, धरती हेठला घट रिहा पाणी अते फसलां दे झाड़ विच्च वाधा होर चिणौतीआं हन। इंझ यूनीवरसिटी नें किसान भरोसा बणाई रख्खिआ है। इस नूं केवल काइम ही नां रख्खिआ जावे सगों इस विच्च होर वाधा कीता जावे। इह संसथा देश विच्च बणन वाली दूजी खेती यूनीवरसिटी है, जिहड़ी 1962 विच्च होंद विच्च आई। उदों दे मुख्ख मंतरी स. प्रताप सिंघ कैरों नें डा. महिंदर सिंघ रंधावा दे सुझाअ उत्ते इसदा निरमाण कीता अते उनहां दी सलाह नाल ही पी ऐन्न थापर आई सी ऐस्स नूं पहिला वाइस चांसलर बणाइआ। उनहां इस नूं पैसे दी घाट नहीं आउण दित्ती अते कोई दखल अंदाज़ी नहीं कीती। डा. थापर नें सारे देश विच्चों चुणके वधीआ विगिआनीआं नूं भरती कीता अते अनुशासन अधारित कंमकाजी माहौल सिरजिआ। उनहां पहिले किसान मेले समें किसानां नूं संबोधन करदे होए आखिआ सी, “अज्ज साडे असली मालक साडा कंम देखण आए हन। इह यूनीवरसिटी तुहाडी है अते तुहाडे लई बणी है। इत्थे आउण ’ते तुहाडा विशेश सनमान कीता जावेगा। उनहां पिछ्छों डा. महिंदर सिंघ रंधावा मुखी बणे। उनहां थापर वल्लों रख्खीआं मज़बूत नीहां उत्ते शानदार उसारी कीती। पहड़ाई अते खोज दीआं वधीआ सहूलतां दे नालो नाल इसदीआं सड़कां अते घरां नूं सजावटी रुख्खां अते फलदार बूटिआं नाल शिंगारिआ। इहो जिहे खुल्ल्हे अते खूबसूरत कैंपस बहुत घट्ट हुंदे हन। पिछ्छे जिहे खबर आई सी कि मुख्ख सड़क नूं चौणा करन लई उत्थों कोई सौ रुख्ख कट्टे जाणे सन। जेकर अजिहा हो जांदा तां इक्क विरासत ही खतम नहीं सी होणी सगों ख़ूबसुरती वी खतम हो जाणी सी। बसंत दे दिनां विच्च इह रुख्ख फ़ुल्लां नाल लद्दे हुंदे हन। मायूस होइआ इनसान कुझ देर इनहां कोल आ जावे तां सारी गमी दूर हो जांदी है। विदिआरथीआं वांग मैं वी वी सी साहिब नूं बेनती कीती सी:

“गोसल साहिब, तुसीं कंम बहुत वधीआ हो करदे, पर इह गलती नां करना। सड़क चौड़ी ज़रूर करो पर रुख्ख कट्टण तों डरना।”

उनहां दा तुरंत उत्तर आ गिआ कि कोई रुख्ख नहीं कट्टिआ जावेगा सगों कैंपस नूं होर रुख्खां नाल शिंगारिआ जावेगा।

इत्थे इह दस्सणा वी ज़रूरी है कि खेती खोज दी सारी ज़िंमेवारी इस संसथा दी है पर पिछली सरकार नें गंना खोज लई इक्क आपणा केंदर बणाइआ। प्रापत खबरां तों पता लग्गिआ है कि कई साल बीत जाण पिछ्छों वी उत्थे कोई खोज कारज शुरू नहीं होइआ। सरकार नूं चाहीदा है कि उह फारम यूनीवरिसटी दे हवाले कीता जावे तां जो गंने उत्ते वधीआ खोज हो सके। यूनीवरसिटी दे यतनां सदका गंना कदे पंजाब विच्च कणक झोने अते नरमे पिछ्छों रकबे अनुसार चौथी फसल बण गिआ सी पर वधीआं कीमत होण दे बावजूद रकबा घट रिहा है। राज दीआं कई गंना मिल्लां बंद हो गईआं हन। जलंधर विखे गंना खोज केंदर कोई इक्क सदी पुराणा सी, जिसदी खोज सदका नवींआं वध्ध झाड़ देण वालीआं किसमां दी काशत होण लग्ग पई सी। पर सरकार नें इस नूं आपणे कबज़े विच्च लै लिआ। इंझ गंना खोज प्रभावित होई सी।

किसानां दे भले लई सोचणा अते उनहां दीआं समस्सिआवां दे हल्ल लभ्भणे विगिआनीआं दा मुख्ख मंतव है। हुण खोज दीआं नवींआं सहूलतां आ गईआं हन। बाइओटैकनौलोजी अते ए आई नाल खोज कारजां विच्च तेज़ी आई है पर अजे बहुत चुणौतीआं हन। खेती नूं किसान पूरी तरहां विउुपार समझ के चलावे, इस पासे बहुत कुझ करना बाकी है। सांझे यतनां नाल उपज दा पदारथीकरन अते विकरी दा प्रबंध कीतिआं ही आमदन विच्च वाधा हो सकदा है। छोटे किसानां लई अजिहे फसली चक्कर विकसित करने चाहीदे हन, जिनहां नाल उनहां दी आमदन विच्च वाधा होवे अते सारा साल रुज़गार वी मिले। इस साल खोज अते पहड़ाई दे नालो नाल पी ए यू नूं पसार सिख्खिआ विच्च वी पहिला सथान मिलिआ है। टीसी उत्ते पुज्ज उत्थे खहड़े रहिणा अते अग्गे जाणा मुशकिल हो जांदा है पर मैनूं यकीन है कि साडे विगिआनी आपणी ज़िंमेवारी नूं समझदे होए ज़रूर अग्गे वधणगे किउंकि पंजाब दे किसानां नूं साडे कोलों उमीद अते भरोसा ही नहीं सगों साडे उत्ते माण वी है।

* * * * *