जीती आखे सुण उए दीपी,
बुझ्झ तूं मेरी बात।
दरशन सिंघ आशट दी कविता अंदर तक धुड़धुड़ी जिही छेड़ दिंदी है। सोचदिआं सोचदिआं मन बचपन वल्ल चला जांदा है। दादा दादी चेतिआं विच्च घुंम जांदे हन। अज्ज वी बाबे दी सुणाई बात जानी चोर याद आ जांदी है। असीं सुणदे सुणदे सौं जांदे, अगले दिन उत्थों फिर शुरू कर दित्ती जांदी। फिर अंबो, मतलब दादी दीआं बातां वी सुणनीआं। उह दिउ वाली बात सुणाउंदी हुंदी सी। परिवार संयुकत अते वड्डा सी। अकसर रात नूं रोटी तों बाअद पैंदिआं सौंदिआं बातां बुझारतां रोज़ ही सुणन लग्ग पैंदे। इही बातां जेकर दिने सुणन नूं कहिंदे तां दादी आखदी, इह रात नूं हुंदीआं नें, दिने मामा राह भुल्ल जांदा है। भोले मन सी, डर जांदे सी। बुझारतां, बातां, अड़ाउणीआं, बतौलीआं ते पहेलीआं सभ इक्को जिहे नाम हन। लगदा है, इस नूं पहड़े लिखिआं दी भाशा विच्च बुझारतां आखदे होण पर आम पेंडू भाशा विच्च बातां कहि दिंदे होण।
सभ्भिआचार दे कई अनिख्खड़वें अंग हुंदे हन, जिवें गीत, वारां, कहाणीआं, भंड, आदि। पर बुझारतां वी मनुख्खी सभ्भिअता दा अनिख्खड़वां अंग हन। इह कदों चल्लीआं, किसने चलाईआं वारे कोई लिखती इतिहास नहीं मिलदा। पर इह लोक सभ्भिआचार दे नाल ही पैदा होईआं होणगीआं। पहिली बात किसने पाई होवेगी, कौण होवेगा इसदा नक्कड़दादा, जां नक्कड़दादी? किस चीज़ वारे उसने बात, बुझारत पाई होवेगी। रातां नूं विहले बहिके इह वी इक्क मंनोरंजन दा साधन हुंदा होणा है। इस विच्च छोटे बच्चे तों लैके बज़ुरगां तक इसदे भागीदार बणदे हन। इह लोक धारा पड़ाअ दर पड़ाअ आपणे आप विकास करदी गई। पर इह पक्का है कि इसदी होंद रिगवेद दे समिआं तों वी पुराणी है। रिगवेद विच्च वी कई इस तरहां दी बुझारतां मिलदीआं हन। होर धारमिक ग्रंथां विच्च वी इसदीआं उदाहरनां मिलदीआं हन।
समें समें बुझारतां दे रूप बदलदे रहिंदे हन। समिआं दे तकनीकी साज़ो सामान इस विच्च आपणे आप जुड़दे गए। अज्ज तों चाली पंजाह साल पहिलां कुझ वख्खरा सी, अज्ज वख्खरा दौर है। जिस तरहां दीआं चीज़ां दा रुझान हुंदा है, उसे तरहां दीआं बुझारतां दा दौर बण जांदा है। बुझारतां कविता वांग किसे तरहां दे तुकांत, मेल नूं जां किसे गीत वांग लैअ, ताल, नियम नूं नहीं मंनदीआं। हां, किसे चीज़ वारे उपमा करदे होए दिमागी कसरत करवाई जांदी है। दिमाग तेज़ करन लई सभ तों वधीआ कसरत हुंदी है। वध्ध गालड़ी बंदे खहड़े खहड़े इस तरहां दीआं बातां तिआर कर दिंदे हन। उह आले दुआले दीआं चीज़ां नूं देखके बुझारत तिआर कर लैंदे हन। पर कुझ बुझारतां अमर हो जांदीआं हन। जो पीहड़ी दर पीहड़ी अग्गे चलदीआं रहिंदीआं हन।
थहड़े उप्पर थहड़ा
उप्पर लाल कबूतर खहड़ा।
इस नूं संभाल लई जां लिखती रूप विच्च इसदे बहुत कोई सबूत नहीं मिलदे। इह ज़बानी कलामी ही अग्गे वधदी है। इस नूं सांभण दी पहिली कोशिश लाला शिव दिआल ऐम्म ए असिसटैंट इंसपैकटर आफ सकूलां नें वीहवीं सदी दे शुरूआत विच्च कीती। उस तों बाअद काफी लेखकां नें इस वारे कोशिश कीती है। काफी किताबां इस बारे छप चुक्कीआं हन।
बातां हर भाशा विच्च हुंदीआं। इनहां नूं सुणन सुणाउण दा ढंग, समां वख्खरा वख्खरा हो सकदा है। किसे दे विआह समें, किसे दे किसे समें। अफरीका, अमरीका, यूरप, रूस, देस प्रदेस विच्च इनहां दी होंद मिलदी है। कई कवीआं नें आपणीआं रचनावां नूं बातां वांग ही रचिआ है।
बुझारतां पंजाबी समाज दा अनिख्खड़वां अंग रहीआं हन। विआह वेले छंद वी इसदा नेड़े दा ही रूप है। दादे-दादी, नाने-नानी दी गोदी खेडे हर बच्चे नें इसदा रस माणिआ है। इस विच्च दिमाग़ दी कसरत, हासा मज़ाक, हार जित्त सभ कुझ मिलदा है। नां बुझ्झ सकण ’ते हार मंन लई जांदी है जां भिआं कहि दित्ता जांदा है। पर इसदी हार वी जित्त जिही खुशी ही लैके आउंदी है। पुराणे समें विच्च बज़ुरगां कोल बहुत लंमीआं बातां वी हुंदीआं सन, जो कई कई दिन चलदीआं रहिंदीआं सन। तारिआं दी छावें नाल नाल मंजे हुंदे सन। अज्जकल्ह लोक वख्ख वख्ख कमरिआं विच्च पै जांदे हन। इकहिरी परिवार प्रणाली अते बिजली ज़िंदगी दे कारन नवीं पीहड़ी इसदा अनंद नहीं लै रही। बातां बणाउण वाले आले दुआले नूं देख के ही बात बणा दिंदे हन। कई बातां पूरा ज़ोर लवां दिंदीआं हन। बहुतीआं बातां वख्ख वख्ख भाशावां विच्च इक्को जिहीआं ही हुंदीआं नें जां बहुत नेड़े हुंदीआं हन। उहनां दे उत्तर वी इक्को जिहे मिलदे हन। जिवें पंजाबी हिंदी दीआं बहुत सारीआं बुझारतां आपस विच्च काफी मिलदीआं हन।
हरी डब्बी काला मकान
उस विच्च बैठा रुलदू राम।
(हरी डिब्बी काला मकान, उसमे बैठे कल्लू राम)
पंजाबी विच्च वी बहुत पिआरीआं बातां मिलदीआं हन। इस विच्च ज़िंदगी, मौत, रुख्खां, जानवरां, पंछीआं, खेती दे संदां, रसोई दीआं चीज़ां, फल, सबज़ीआं, घरेलू चीज़ां हर चीज़ वारे सानूं बातां मिलदीआं हन। जिवें इक्क बहु चलत ते पिआरी बात है जो घर दी किसे चीज़ वारे पुछ्छदी है, “निक्की जिही कुड़ी, लै परांदा तुरी।” = सूई।
इसे तरहां पंछीआं बारे। इक्क जानवर अजिहा, जिसदी दुंम पर पैसा? = मोर।
बूटे, फसल बारे बहुत ही प्रसिध्ध बुझारत है; हरी सी, मन भरी सी, मोतीआं नाल जड़ी सी, बाबा जी दे बाग़ विच्च, दुशाला लई खहड़ी सी? = मक्की दी छल्ली।
जानवर बारे वी इक्क उपमा कीती गई है; चोर दा दुशमण, बंदे दा यार, पीवे इह दुध्ध, मारे शिकार? = कुत्ता।
बहुत ही लोक मकबूलीअत प्रापत बुझारत है जो खूह वारे दस्सदी है; आर ढांगा पार ढांगा, विच्च टल्ल-मटल्लीआं, आउण कूंजां देण बच्चे, नदी नावण चल्लीआं?= चल्लदा खूह जां खूह दीआं टिंडां।
ब्रहिमंड दीआं चीज़ां धरती, सूरज चंन तारिआं वारे वी बातां हन; चौदां कूटां, चौदां चुबारे उत्ते खेडण दो वणजारे, मौत कोलों मरदे नहीं उह, किसे कोलों डरदे नहीं उह? = चंन सूरज।
मौसम, रुत्तां, सरदी गरमी, हनेरी वारे बहुत ही खूबसूरत बुझारतां मिलदीआं हन; सावण भादों बहुत चलत है, पोह-माघ विच्च थोहड़ी?= मींह।
तुरदी हां पर पैर नहीं, देवां सभ नूं जान, दो लफज़ां दी चीज़ हां, बुझ्झो मेरा नाम? = हवा
फल फरूट, सबज़ीआं वारे वी उपमा अलंकार नाल शिंगारीआं बुझारतां आम हन: हरी-हरी गंदल कच्च दा कोठा, कचनार दीआं फलीआं, शरबत दे घुट्ट, मिसरी दीआं डलीआं? = हदवाणा।
सरीर दे अंगां वारे बहुत ही सोहणी बुझारत मिलदी है: दो कबूतर कोलो-कोली खंभ उहनां दे काले, नां कुझ खांदे नां कुझ पींदे रब्ब उहनां नूं पाले? = अख्खां।
इनसानी रिशतिआं दा भेत दिंदीआं बहुत ही वधीआ बुझारतां मिलदीआं हन: ऊठ ’ते चहड़दीए, माल्ह फड़ेंदीए, इह तेरा की लगदा? उहदा तां मैं नां नहीं लैणा, मेरा नां है जीआं। उहदी सस्स ते मेरी सस्स, दोवें मांवां-धीआं? = नूंह सहुरा।
तिंन पिंनीआं, घिओ भुंनीआं, सस्स, नूंह, नणद, भरजाई, मांवां-धीआं इक्क-इक्क आई? = सस्स नूंह अते धी।
नवीं तकनालोजी आई उहो जिहीआं बातां बण गईआं: निक्की जिही कौली, कनेडा जाके बोली? = टैलीफोन
इसे तरहां दी होर वी उदाहरनां मिलदीआं हन: धरती तों मैं रींग के, हवा विच्च तारी लावां, तक के आपणा थां-टिकाणा, फिर धरती ’ते आवां? = हवाई जहाज़।
लोहे दी भंबीरी, पीवे इह तेल, दौड़े इह जदों, मात करे रेल? = मोटर कार।
आम वरतों दीआं घरेलू चीज़ां वारे वी बहुत ही वधीआ बुझारतां मिलदीआं हन: नहेर घुप्प, नहेर घुप्प, नूंह नें मारी टक्कर, सहुरा फिर चुप्प? = कुंजी अते जिंदरा।
डब्ब-खड़ब्बी बक्करी, डब्बी उहदी छां, चल्ल मेरी बक्करी, कल्ल्ह वाली थां? = मंजा।
रसोई नाल संबंधित बुझारत: थल्ले गोहे दी पंसेरी, उत्ते लोहे दी पंसेरी, उत्ते गुदगुदीआं पठाण? = पाथीआं तवा अते रोटीआं।
इह पंजाबी जीवन दी वधीआ विधी है। इकहिरी परिवार प्रणाली नें इस चीज़ नूं खतम कर दित्ता है। बच्चे मोबाइल ’ते लग्गे रहिंदे हन, जां सारा दिन किताबां दे बोझ हेठ दब्बे रहिंदे हन। जित्थे बुझारतां नाल बच्चिआं दे दिमाग़ तंदरुसत रहिंदे सी, उत्थे इसदे बहुत सारे फाइदे सन। सकूलां विच्च पिछले समें तों इस नूं सवेर दी सभा विच्च शुरू करना वधीआ संकेत है। पर इस लई बहुत कंम करना बाकी है।
* * * * *