डेरे विच्च अनेकां शरधालू आउंदे, मत्थे रगड़दे, सुख्खणा सुख्खदे, घरां दी गरीबी, मंदहाली अते घरेलू कलेश तों निजात पाउण लई अरदासां बेनतीआं करदे। इसे डेरे दे ही इक्क शरधालू दी डेरे विच्च बड़ी गहिरी शरधा सी। उह हर कंम डेरे तों ओट आसरा लै के करदा। घर विच्च गरीबी सी, इसदे बावजूद वी डेरे लई दसवंद कढ्ढदा, कई दिन डेरे विच्च सफाईआं करदा। जदों कदे इत्थे उसारी हो रही हुंदी तां मिट्टी, बजरी, रेता, इट्टां ढोण दी सेवा करदा, संगतां दे जूठे भांडे मांजदा। गल्ल की हर तरहां दे औखे तों औखे कंम करन नूं उह सेवा समझके करदा अते आपणे धंनभाग समझदा। डेरेदार उसदी आसथा नूं समझदा सी। इक्क दिन जदों डेरेदार डेरे दे हरे घाह दे लाअन विच्च दुध्ध धोता लिबास पा के टहिल रिहा सी तां उसने उस शरधालू नूं बूटिआं नूं रूड़ी पाउण दी सेवा करदिआं देखिआ। डेरेदार दे मन विच्च दइआ आई, उसने शरधालू नूं अवाज़ मारी ते किहा, “असीं तेरी सेवा ’ते बड़े खुश हां, अज्ज जो मंगणा एं मंग लै।”

शरधालू नूं कई सालां तों जिसदी उमीद सी, उह उमीद, उह आस पूरी होण ’ते आ गई सी। उसदीआं अख्खां विच्च खुशी दे हंझू आ गए। उस किहा, “महाराज! मैनूं अते मेरे परिवार नूं खुशीआं दी बखशिश करो। असीं सारा परिवार समरत्थ ज़िंदगी जिऊण दे काबिल होईए। साडी ज़िंदगी विच्च खुशीआं खेड़े होण, मैं चंगी ज़िंदगी जिऊण दा इछुक्क हां महाराज!”

डेरेदार उसदी गल्ल तों कुझ निराश होइआ ते बोलिआ, “मैं तैनूं मुकती दा वर दिंदा हां।”

“पर महाराज मैं चंगी ज़िंदगी वी जिउणी चाहुंदा हां। इह वी चाहुंदा हां कि मेरे धीआं पुत्तर वी चंगी ज़िंदगी जिऊण। उहनां नूं किसे अग्गे हत्थ नां अड्डणे पैण।” शरधालू नें सवाल कर दित्ता।

“ओ बेसमझ इनसान! असीं तैनूं मुकती दा वर दे रहे हां ते तूं फिर दुनीआवी झंजटां विच्च पिआ होइआ एं? कुझ होश कर, होश! किहो जिही ज़िंदगी चाहीदी है तैनूं, बोल?” चिट्टे लिबास विच्चों सोने दे चैन वाली घड़ी चमकी।

“ओहो जिही ज़िंदगी जिहो जिही तुहाडी अते तुहाडे परिवार दी है। जदों तुहाडी इह ‘मुकती’ मैंनूं मिलेगी, उदों तां मैं होणा ही नहीं तां इह मुकती मेरे किस कंम? नाले पहिलां ज़िंदगी तां जिउं के देख लईए फिर मुकती बारे वी विचार कर लवांगे।”

... ते जीवन दे सच्च अग्गे मुकती दा वरदान बौणा जिहा हो गिआ सी।

अखौती धरम प्रचारक, डेरेदार, पुजारी सानूं किसे अगले जनम नूं सोधण, सुधारन दीआं जुगतां दस्स रहे हन पर साडे इस जीवन विच्च जो कुझ हो वापर रिहा है, उसदा फिकर कित्थे है? साडे इस जीवन विच्च साडीआं अख्खां अग्गे हर रोज़ वधीकीआं हो रहीआं हन, भ्रिशटाचार दा बोलबाला वसीह हुंदा जा रिहा है। राजनीतक बदनीतीआं लख्खां लोकां दे जीवन नूं दीन-हीण बणा रहीआं हन। मावां दे सरूआं वरगे पुत्त नशिआं दी अग्ग विच्च झुलस रहे हन, लोकां नूं खैरातां दे पातर बणा दित्ता गिआ है। आपा-धापी अते मारामारी दे इस दौर विच्च कुदरत दे खज़ानिआं नूं हर दिन लुट्टिआ जा रिहा है। जल, जंगल अते आले दुआले दी इंनी तबाही मनुख्खी सभ्भिअता दे किसे दौर विच्च नहीं होई, जिंनी इस वेले हो रही है। इस तबाही विच्चों मनुख्ख दीआं बिमारीआं, दुशवारीआं, गरीबी, भुख्ख-नंग बेकारी वरगे संकट पैदा हुंदे हन। पर अखौती मज़हबी मंचां, जित्थों मनुख्ख नूं इस जनम नूं चंगा बणाउण अते जनमां-जनमांतरां तों मुकती पाउण दी जुगत दस्सी जा रही है, उस मंच तों मनुख्ख दीआं इह समस्सिआवां, दुख्ख अते संकट गैरहाजिर किउं हन। इह साडे समिआं दा इक्क बहुत वड्डा सवाल है, जिसदा जवाब साडे समें दे अखौती मज़हबी रहिबरां कोल कोई नहीं।

असीं आपणी विरासत ’ते जेकर नज़र मारीए तां बीते समिआं दौरान साडे गुरू साहिबान नें उस समें दे शासकां, राजिआं-महाराजिआं अते इनहां दे जोटीदारां अखौती पुजारी जमात नूं चौराहे विच्च खहड़े करके उहनां दी असलीअत दस्सी। उहनां दे मूंह तों मानवता दा झूठ निकाब उतारके उहनां दे चिहरिआं नूं दुनीआं अग्गे नंगिआं करके मानवता नूं दस्सिआ कि इनहां अखौती रहिबरां दे असली किरदार की हन। सच्च कहिण दी जुरअत करन करके उहनां नूं बहुत वड्डीआं कुरबानीआं वी देणीआं पईआं। असीं आपणे शहीदां, महांपुरशां अते गुरू साहिबान दीआं जीवनीआं पहड़ीए तां सानूं पता चलदा है गुरू साहिब दीआं सिख्खिआवां विच्च समाज है, इह दुनीआं है, इसे जीवन नूं चंगा अते बिहतर बणाउण दी तागीद है। इसे समाज लई कुझ चंगा करन दा संकलप है। पहिले पातशाह साहिब स्री गुरू नानक देव जी जदों इह फरमाउंदे हन कि:

कादी कूड़ बोलि मल खाइ॥ ब्राहमणु नावै जीआ घाइ॥

जोगी जुगति न जाणा है अंध॥ तीनै ओजाड़े का बंध॥

गुरू साहिब दा भाव उस समें दी उस धारमिक जमात नूं ही कुटिहरे विच्च खहड़ा करना सी जो लोकां दी गल्ल करन दी बजाए समें दे हाकमां दी झोली चुक्क बणी होई सी। इस तरहां गुरू जी नें लोकां नूं सच्च दे मारग ’ते चल्लण दी तागीद करदिआं उस समें दे इनहां धारमिक अडंबर करन वालिआं दी असलीअत वी लोकां साहमणे रख्खी। उस समें दे हाकम, जो लोकां नूं लुट्ट के आपणीआं तजौरीआं भर रहे सन, धनाढ बण रहे सन, लोकां दा हक्क खा रहे सन, उहनां हाकमां दे किरदार सबंधी गुरू साहिब नें फरमाइआ

जे रतु लगै कपड़ै जामा होइ पलीत॥

जो रतु पीवहि माणसा तिनु किउं निरमलु चीतु॥

साडे अज्ज दे समाज विच्च इह सभ कुझ बीते नालों कई गुणा वध्ध हो बीत रिहा है पर साडे समिआं दीआं वख्ख वख्ख संपरदावां, मज़ारां, डेरिआं, अखौती धरम असथानां दे रहिबरां दी लोक पख्खी मानवता दी आवाज़ कित्थे है? साडे लोक वख्ख वख्ख तरहां दे संकट अते समस्सिआवां हंडा रहे हन। इस सथिती विच्च धारमिक अडंबर अते इनहां दे रचनहारे लोकां नूं दस्सदे हन कि तुहाडीआं मुशकलां, समस्सिआवां किसे राजनीतक भैड़ करके नहीं बलकि इह सभ कुझ तां किसमत दीआं खेडां नें, करमां दा लेखा जोखा है। जेकर किसे दफतर विच्च जांदिआं तुहाडे लीड़े लाह लए जांदे हन, किसे सरकारी अदारे विच्च तुहाडी गल्ल नहीं सुणी जा रही, जेकर किसे रसते तों लंघदिआं तुहानूं लुट्ट लिआ जांदा है, जेकर इस धरती ’ते तुहाडे बच्चिआं दा भविख्ख तबाह कीता जा रिहा है, जेकर तुहाडे आले दुआले गंदगी दे ढेर हन, जेकर तुहाडा आला दुआला बिमारीआं पैदा कर रिहा है, जेकर तुहानूं अते तुहाडी औलाद नूं नकली खाणे अते नकली दवाईआं मिल रहीआं हन, जिनहां नूं खाण नाल तुसीं बिमार हो रहे हो, तुहानूं ज़िहनी तौर ’ते गुलाम बणाउण लई हर तरहां दे रस्से पैड़े वट्टे जा रहे हन, भ्रिशटाचार समाज दीआं जहड़ां नूं खा रिहा है तां इस लई साडा इह भ्रिशट निज़ाम ज़िंमेवार नहीं बलकि इह सभ कुझ तां साडी धुरों लिखी किसमत करके हो रिहा है। जेकर असीं आपणी किसमत नूं बदलणा है तां इस लई ज़रूरी है कि असीं अखौती साधां बाबिआं दीआं चौकीआं भरीए। इनहां दे डेरिआं, दरबारां ’ते जा के सेवा करीए, दसवंध कढ्ढीए। इह अंधविशवास लोकां दे विवेक नूं बौणा बणा रिहा है। इस मानसिकता नाल जित्थे इस भ्रिशट निज़ाम दा कद्द वड्डा हुंदा है, उत्थे इस मानसिकता नाल इस निज़ाम दी उमर वी लंमी हुंदी है।

इसे मानसिकता तहित लोक आपणे घरां दी गरीबी, बिमारी, लड़ाईआं, कलेश तों निजात पाउण लई महीने, मस्सिआ, पुंनिआ, वख्ख वख्ख दिनां ’ते इनहां डेरिआं, मठ्ठां, मज़ारां, अखौती धरम असथानां ’ते हाज़रीआं भरदे हन, चहड़ावे चहड़ाउंदे हन। इस नाल अखौती धरम सथानां दीआं जाइदादां बेहिसाबीआं वधदीआं हन। अखौती राजनीतक आगू वोटां दे परागे भरन लई इनहां डेरिआं, मठ्ठां, मज़ारां दी हाज़री भरदे हन। हुण तां गल्ल इस तों किते अगांह चली गई है। हुण तां वोटां सिर ’ते होण तां मज़हबी मुद्दिआं नूं होर तूल दित्ती जांदी है। लोक आपणे हक्कां प्रती जागरूक नां होण, राजनीतक भ्रिशटाचार वधे-फुल्ले, इसदी उमर लंमी होवे, इस लई ज़रूरी है कि लोक अखौती धरम-करम दे भलेखिआं दा शिकार बणे रहिण। किसमतवाद दे चक्करां विच्च भसे लोक राजनीतक भ्रिशटाचार अते लोकमारू नीतीआं प्रती निरलेप रहिण। इस तरहां राजनीतक कुटिलता अते भ्रिशटाचार राहीं हर तरहां दी काणी वंड जारी रहेगी तां लोकां दीआं मुशकलां होर वधदीआं जाणगीआं। समस्सिआवां दे कद्द वड्डे होणगे तां ज़ाहिर है कि किसे गैबी शकती दे ओट आसरे दी लोड़ रहेगी। जेकर अजिही ओट दी ज़रूरत है तां इस नाल डेरिआं, मज़ारां मठ्ठां, धरम असथानां उत्ते भीड़ां विच्च होर वाधा होवेगा। इस ढंग नाल भ्रिशट राजनीती, अखौती धरम दे नाम ’ते रचे जांदे अडंबरां नूं हर तरहां बल बखशदी है अते अखौती धरमां, मज़हबां दे ठेकेदार भ्रिशटतंतर दी उमर लंमी करन लई इसदी हिमाइत विच्च खहड़े हुंदे हन। इस तरहां इह इक्क दूजे दे पूरक बणदे हन।

किसे वी देश, समाज नूं आपणीआं समस्सिआवां तों निजात पाउण लई विगिआनक पहुंच दी लोड़ हुंदी है। दुनीआं दे जिहड़े मुलकां विच्च विगिआनक सोच दा प्रसार होइआ, उत्थे ज़िआदतर समस्सिआवां हल्ल कर लईआं गईआं हन। दुनीआं दे जिहड़े जिहड़े खित्तिआं विच्च रूहड़ीवादी धारनावां प्रचारीआं गईआं अते अंधविशवास दा कद्द वधिआ, उत्थे लोकां दीआं समस्सिआवां घटण दी बजाए वधदीआं गईआं। जेकर कोई विअकती निज्जी तौर ’ते साधनां पख्खों संपंन है पर उसदे आले दुआले दा समाज अजिहा है जित्थे लुट्ट-मार, नशे हन, कतलोगारत है, इह समस्सिआवां किसे नां किसे रूप उस साधन संपंन विअकती दे जीअ दा जंजाल वी बणनगीआं। जेकर असीं चाहुंदे हां कि साडा इह समाज बिहतर होवे, साडा आला दुआला साफ सुथरा अते चंगा होवे, साडे समाज विच्च सुख शांती अते सहिज, सबर होवे तां सानूं आपणे समाज दीआं मुशकलां समस्सिआवां दी शनाखत करनी होवेगी अते इनहां समस्सिआवां नूं हल्ल करन लई किसे गैबी ताकत दी उडीक छड्ड के आप हल्ल करन लई यतनशील होणा पवेगा। तां ही साडा इह समाज मनुख्खां दे रहिणयोग बण सकदा है।

* * * * *