2017 विच्च 73 साल दी उमर होण तक मैं सधारन सैर करन तों वध्ध कोई कसरत नहीं सी कीती पर इस तों बाअद हालात अजिहे बणे कि मैं इस पासे धिआन देणा शुरू कर दित्ता। हुण तक मैं पंज वार सी.ऐन्न. टावर दीआं 1,776 पौड़ीआं चहड़न दे समागमां विच्च हिस्सा लै चुक्का हां। चार वार हाफ-मैराथन ‘वाक’ (21.1 किलोमीटर) अते इक्क वार वरचूअल फुल्ल मैराथन (42.2 किलोमीटर) विच्च भाग लै चुक्का हां। इस तों इलावा बरैंपटन शहिर विच्च होण वाले ‘वाक’ करन दे होर ‘चैरिटी’ समागमां विच्च भाग लैंदा हां अते हफ़ते विच्च पंज वार दस हज़ार कदम तुरन दा अभिआस करदा हां। इस साल अकतूबर (2024) दी हाफ-मैराथन इवैंट वासते तिआरी कर रिहा हां। इत्थे मेरा भाव आपणी किसे प्रापती बारे दस्सणा बिलकुल ही नहीं, बलकि निमरता सहित आपणे दो तजरबे सांझे करना है। पहिला इह कि जे मैं इह कारवाईआं कर सकदा हां, तां हर कोई कर सकदा है। दूजा इह कि इनहां कारवाईआं लई सरीरक समरत्था तों वध्ध मन दी द्रिहड़ता अते अभिआस दी लोड़ है अते मोड़वें तौर ’ते इह सरीर तों किते वध्ध विकास साडे मन, दिमाग अते सुभाअ दा करदीआं हन।

वड्डी उमर विच्च पहुंच के वैसे तां सारिआं नूं सिहत दा फ़िकर होणा कुदरती है पर मेरे वासते वाधू समस्सिआ इह सी कि मेरी पतनी लंबा समां कैंसर दी बिमारी नाल जूझण तों बाअद थोहड़ा चिर पहिलां ही चहड़ाई कीती सी। मैं आपणा बहुता वकत घर बैठ के किताबां पहड़ के, टी.वी देख के अते शबद-कीरतन जां पुराणे गाणे सुण के ही पूरा करदा सी। जीवन विच्च कीतीआं गलतीआं, खुंझाए चंगे मौके अते आपणे असूलां दीआं कुरबानीआं दे के बे-कदरे रिशतेदारां अते मित्तरां दे कीते कंम याद कर-कर के झुरदे रहीदा सी। सिहत अते सुभाअ, दोवें विगड़ रहे सन। भविख्ख दी चिंता वध रही सी अते बच्चे वी फिकरमंद हो रहे सन।

रब्ब-सबब्बीं उनहां दिनां विच्च इंजनीअर जसवंत सिंघ ज़फर (हुण सेवा-मुकत मुख्ख इंजनीअर) दी इक्क दिल-टुंबवी वीडीओ देखण नूं मिली। 2015 विच्च ‘भाणा मंनण’ दे आदरश दी जिउंदी मिसाल बण के उनहां नें वैनकूवर विखे आपणे जवान पुत्तर दे भोग-समागम ’ते ख़ुद आप शरधांजली दित्ती सी। इस विच्च उनहां नें किहा सी कि वड्डी मुसीबत समें इनसान कोल दो विकलप हुंदे हन: जां उह ‘लोकां दे तरस दा पातर बणे जां इक्क आदरश बणे। तरस दा पातर बणन वासते कुछ करन दी लोड़ नहीं, लोक ही तुहानूं इसदा पातर बणा दिंदे हन। पर आदरश बणन वासते तुहानूं बहुत कुछ करन दी लोड़ पैंदी है।’ इंज ज़फर दी मुसीबत साहमणे मेरी मुसीबत तां किसे गिणती विच्च नहीं सी। आदरश बणन दी समरत्था नहीं सी, पर किसे दे तरस दे पातर बणना वी गवारा नहीं सी। सोचिआ कि किसे होर वासते कुछ करन तों पहिलां घट्टो-घट्ट आपणे-आप नूं संभालण जोगे तां बणीए। इसदे नाल ही प्रसिध्ध पंजाबी ‘सपोरटस-राईटर’ प्रिंसीपल सरवण सिंघ, जो संसार भर दे पंजाबी पाठकां नूं पिछले कई दहाकिआं तों चंगी सिहत अते उसारू सोच बारे जागरूक करदे आ रहे हन, दे लेख दुबारा पहड़ने शुरू कीते। भावें पहिलां वी इनहां लेखां नूं पहड़दे रहीदा सी पर कहाणीआं समझ के अते इह सोच के कि इह अथलीटां दा कंम है, उह करदे रहिण, साडे कोल इनहां गल्लां वासते वकत कित्थे? लेखां नूं नवें द्रिशटीकोण तों पहड़ना शुरू कीता अते फैसला कीता कि तुरन दे अभिआस नूं वधाउणा ही मेरे वासते सभ तों चंगा राह है। इस वासते किसे खेड-मैदान, महिंगे समान, वखत दी पाबंदी जां किसे होर उत्ते निरभरता दी ज़रूरत नहीं। सिरफ इस फैसले नाल ही मन नूं बहुत धरवास मिलिआ। इह वी महिसूस कीता कि भाणा मंनणा सिरफ ख़िआली संकलप ही नहीं बलकि औखे समिआं विच्च सुमत्त अते समरत्था देण वाला इक्क विहारक गुर वी है, जिहड़ा साडी काइआ-कलप कर सकण दे समरत्थ है।

‘वाक’ दे सही ढंग-तरीके सिख्खण लई मैं संधूरा सिंघ बराड़ दी प्रधानगी हेठ चल्ल रहे ‘टरांटो पीअरसन एअर पोरट रनरज़ कलब्ब’ नाल जुड़ गिआ। इह कलब्ब पिछले कई सालां तों नियमित तौर ’ते कई अजिहीआं सिहत-संभाल गती-विधीआं दा प्रबंध कर रिहा सी, जिहड़ीआं सिरफ ‘चैरीटेबल’ होण। मैं इस कलब्ब दे उदेश अते समागमां दे प्रबंध तों प्रभावित होइआ अते इसदा मैंबर बण गिआ। कलब्ब दे बहुते मैंबर जवान उमर दे होण कर के मैनूं पहिलां इह तौखला रिहा कि मैं उनहां नाल निभ सकांगा कि नहीं। पर सभ नें मेरी उमर दे अनुसार मैनूं पूरा सनमान दित्ता अते मेरा वी सारिआं नाल परिवार दे जीआं वांग मोह पै गिआ। स्री बराड़ अते उसदे साथीआं नें मैनूं तुरन दी सही शैली, पोज़, पहिरावे अते वाक करन दे ढुकवें तरीकिआं बारे समझाइआ। मैं इस गल्ल दा वरणन खास तौर ’ते इस लई कर रिहा हां किउंकि वड्डी उमर दे सज्जण आपणे मन दे पाळे कर के जवान पीहड़ी तों दूर रहिंदे हन पर मेरी इह सोचणी गलत साबत होई। हर उमर-गरुप्प दे बंदिआं नाल सांझ बहुत लाहेवंद है।

मैनूं तिंनां रुकावटां दा साहमणा करना पिआ। दो मेरीआं आपणीआं, घट्ट सरीरक समरत्था अते मानसिक डर अते संग। तीसरी रुकावट तथा-कथित सलाहकारां अते जाण-कारां दीआं टिच्चरां-टकोरां, मखौल अते नसीहतां। ठेठ पंजाबी विच्च, बहुता कर के इह सुणन नूं मिलदा:

“ऐस उमर विच्च इह की पंगा लै रहे ओं? कोई गिट्टा-गोडा तुड़वा लोंगे, फिर बैठे रिहो मंजे ’ते सारी उमर।”

इनहां गल्लां नूं जरिआ वी अते इनहां विच्चों इह तत्त वी कढ्ढिआ कि जे मैं किते आपणी अणगहिली कर के कोई सट्ट-फेट खा बैठिआ तां मेरे नाल हमदरदी किसे नें नहीं करनी, उलटा सभ इह ही कहिणगे:

“लै लिआ सुआद, समझाइआ सी नां? तुसीं किहड़ा किसे दे आखे लग्गे, सारी उमर ई अड़बाईआं विच्च कढ’ती।” भाव पिछले पोतड़े वी फरोळे जाणगे। मैं सवै-पड़चोल कीती, तत्त-भड़त्ती अते काहळी करन दीआं आदतां विच्च सुधार करना शुरू कीता। सहिज नाल तुरन, बोलण अते रहिण दी आदत सिख्खणी शुरू कर दित्ती। टीचे मुकरर करने छड्ड दित्ते अते होरां नाल मुकाबला करना बंद कर दित्ता, नां सिरफ ‘वाक’ करन समें ही, बलकि जीवन दे होर पख्खां विच्च वी। हर सरीरक कारवाई विच्च फाडी रहिण कर के सारी उमर लाडां पर गलत-फ़हिमी नाल पाळी रुतबे दी हैंकड़ वी घटण लग्गी अते सुभाअ वी बदलण लग्ग गिआ। समझ आई कि हैंकड़ तिआग के निमरता नूं ग्रहिण करन नाल असीं जीवन विच्च वध्ध तरक्की कर सकदे हां। जे आलोचना जरनी सिख्ख लईए तां आपणे आलोचकां तों बहुत कुछ सिख्ख सकदे हां।

मेरा पहिला कंम अपरैल, 2017 विच्च सी ऐन्न टावर उत्ते चहड़ना सी। इस लई मैनूं टीम दे होर मैंबरां नाल इक्क अपारटमैंट बिलडिंग विच्च सरदीआं दे मौसम विच्च अभिआस करना पिआ। हालांकि मैं पूरी तिआरी नहीं सी कर सकिआ फिर वी साथी मैंबरां दी हल्लाशेरी कर के मैं इस चहड़ाई विच्च हिस्सा लैण दा फ़ैसला कर लिआ। मिथे दिन टावर ’ते बहुत रौणकां सन अते उतशाहजनक माहौल सी। हालांकि 1,776 पौड़ीआं चहड़ना असंभव लगदा सी पर रब्ब दा नाउं लै के शुरूआत कर दित्ती। अभिआस कीता होण कर के तिहाई हिस्से तक बहुती दिक्कत नहीं आई पर अध्ध विच्च जा के सरीर जवाब दे गिआ अते गळा खुशक हो गिआ। सी ऐन्न टावर वाले पाणी लिजाण दी इजाज़त नहीं दिंदे। रब्ब नूं याद कीता, कोई सुणवाई नां होई पर उस तों बगैर कोई होर मदद वी नहीं सी कर सकदा। नाल दे साथी छालां मारदे चहड़ी जा रहे सन। हज़ार पौड़ीआं चहड़न तक तां बेहोशी दी हालत बण गई, छड्डण नूं जीअ कीता। फिर अरदास कीती अते सिरड़ नाल चहड़ाई जारी रख्खी। महिसूस होइआ कि रुकावट सरीर दा थकेवां नहीं बलकि मन दा अकेवां है। जे मन कहिणे विच्च नहीं तां नां सही, सरीर ’ते तां मेरा कबज़ा है, अते कबज़े दी महत्तता हर पंजाबी समझदा है। इस सोच नें असर दिखाइआ अते इक्क-इक्क पौड़ी कर के 42 मिंटां विच्च चहड़ाई पूरी हो गई। दरशकां वल्लों भरपूर सवागत कीता गिआ। परमातमा दी किरपा नाल सनमान दे बहुत मौके मिले सन पर इस सनमान विच्च वख्खरी किसम दा अनंद अते संतुशटी सी। इस तरहां अगली सिख्खिआ मिली कि रब्ब बहुड़दा है पर जदों बंदा आपणा पूरा ज़ोर ला बैठे, इकल्लीआं अरदासां, बेनतीआं नाल नहीं। मेरी इस कारगुज़ारी नूं बाअद विच्च प्रिंसीपल साहिब नें ‘शानदार प्रापती’ करार दित्ता जो मेरे लई काफ़ी उतशाह-वरधक सी अते मैं आपणीआं कोशिशां जारी रख्खण दा इरादा पक्का कर लिआ।

इस तों बाअद मई, 2017 विच्च गुरू गोबिंद सिंघ चिलडरन फाऊंडेशन दुआरा आयोजित गए समागम विच्च हिस्सा लिआ अते 12 किलोमीटर तुरिआ। स. फौजा सिंघ नें मैनूं मैडल नाल सनमानित कीता, जिस नें मेरे उतशाह विच्च होर वाधा कीता। उदों तक इनहां सरीरक कारवाईआं दे सरीर अते मन उप्पर पै रहे सकारातमक असरां दा प्रभाव वी प्रतख्ख पता लग्गण लग्ग गिआ सी। सरीरक चुसती-फुरती वध रही सी, मन दी उदासी बहुत घट गई सी, पिछले झोरे-पछतावे मुक्क रहे सन अते हर कंम नूं हत्थ पाउण नूं जीअ करदा सी। समझ आई कि चंगी सिहत नाल उतशाह आउंदा है अते हिंमत बझ्झदी है।

कलब्ब दी मुख्ख सालाना ‘इवैंट’ अकतूबर विच्च होण वाली ‘सकोशीआ बैंक वाटरफरंट मैराथन’ विच्च हिस्सा लैणा हुंदी है अते इस तों पहिलां कीतीआं सारीआं कारवाईआं तां सिरफ अभिआस मातर हुंदीआं हन। मैं इसदी हाफ-मैराथन विच्च पहिली वार 2017 विच्च हिस्सा लैणा सी अते इस वासते कलब्ब दे मैंबरां नाल मिल के बहुत अभिआस कीता। दौड़ वाले दिन टीम दे सारे मैंबरां नें केसरी पग्गां सजाईआं अते गरेअ टी-शरटां पहिनीआं होईआं सन, जिस नाल अखीर तक इसदी विलख्खण पछाण काइम रही। अरंभ करन तों पहिलां समूहक ‘अरदास’ कीती गई। तकरीबन 55 देशां तों हिस्सा लैण वासते आए 35 हज़ार अथलीटां दे इकठ्ठ नें सभ नूं खुशी अते उतशाह नाल भरिआ होइआ सी। दौड़ दी शुरूआत बहुत ही धूमधाम, खुशीआं भरीआं ताड़ीआं अते किलकारीआं नाल होई। मेरे लई इह काफ़ी सख़त सी अते सी ऐन्न टावर चहड़न दा तजरबा ही दुहराइआ जा रिहा सी। मैनूं वार-वार सुखमनी साहिब दी इह तुक याद आउंदी रही: जिह मारगि इहु जात इकेला ॥ तह हरि नामु संगि होत सुहेला॥ इत्थे वी अध्ध तों बाअद छड्डण दा विचार मन विच्च आइआ पर पहिले तजरबे अते अभिआस दे अधार ’ते इक्क-इक्क कदम कर के तुरदा गिआ अते 3 घंटे 42 मिंट विच्च ‘फिनिश पुआइंट’ ’ते पहुंच गिआ। परमातमा दा शुकर कीता। उत्थे पहुंच के मिलिआ माण-सतिकार कीती गई मिहनत दा पूरा मुआवज़ा सी। इकल्ली हाफ-मैराथन दौड़ दे गिआरां हज़ार तों वध्ध हिस्सेदारां विच्चों मेरी उमर (70-74) गरुप्प दे सिरफ 29 सन अते मैं इस गरुप्प विच्च अखीरला सी। जदों किसे नें मैनूं आपणी पुज़ीशन बारे पुछ्छिआ, तां मैं जवाब दित्ता, “जिहड़े भज्जे उनहां विच्चों फाडी अते जिहड़े नहीं भज्जे उनहां विच्चों मीती।” इस ‘रन’ दी सिख्खिआ इह सी कि हर छोटा-वड्डा कंम करन तों पहिलां पूरी तिआरी दी ज़रूरत है। तिआरी दी घाट कर के होई असफलता नूं असीं समरत्था दी घाट समझ लैंदे हां अते अगले हंभले छड्ड दिंदे हां, जदों कि इह सिरड़ दी घाट है, जिहड़ी ज़िंदगी दे होर खेतरां विच्च वी खराब करदी है।

इस बिरतांत दे नाल मैं सारे उमर-समूहां दे पंजाबीआं नूं अपील करदा हां कि उह आपणे परिवारां, समाज अते देश दी ख़ातर तुरना शुरू करन, मुकाबलिआं विच्च भाग लैण। इस तरहां सरीरक अते मानसिक विकास दे नाल-नाल साडा पैसा वी चैरीटेबल संसथावां नूं जांदा है। मैं इह अपील आपणे निज्जी तजरबे दे अधार ’ते तां कर ही रिहा हां पर इस तों वी वड्डा कारन है कसरत संबंधी हो रहीआं साइंसी खोजां। पहिलां मनो-विगिआनक समझदे सन कि मनुख्ख दे दिमाग दी बणतर बचपन विच्च निरधारत हो जांदी है अते फिर सारी उमर इस विच्च कोई बदलाओ नहीं हो सकदा पर हुण इह गल्ल सिध्ध हो चुक्की है कि दिमाग दा विकास वड्डी उमर विच्च वी हो सकदा है, जो दो गल्लां नाल संभव है, साधना अते कसरत। दिमाग नूं सारे सरीर नाल जोड़न वाळीआं 12 नाड़ां विच्चों मुख्ख वेअगल नाड़ी है, जिस उत्ते तुरन-फिरन अते दौड़न दा बहुत छेती चंगा प्रभाव पैंदा है। सपशट है कि लंबी सैर करना अते दौड़ना सभ तों सरल, ससतीआं अते प्रभावकारी कसरतां विच्चों मुख्ख है, खास कर के वड्डी उमर वालिआं वासते किउंकि इस समें उह परमारथी लाहा वी लै सकदे हन। कनेडा विच्च रहि के सैर नां करना आपणे आप नूं देश कनेडा दी इक्क वड्डी निहमत तों बांझे रख्खणा है। प्रिंसीपल साहिब दी इक्क बहुत ही विहारक अते उपयोगी नसीहत है:

जे तुसीं दौड़ सकदे हो, तां दौड़ो; तुरो नां।

जे तुसीं तुर सकदे हो, तां तुरो; खहड़ो नां।

जे तुसीं खहड़ सकदे हो, तां खहड़ो; बैठो नां।

जे तुसीं बैठ सकदे हो, तां बैठो; पओ नां।