टिब्बी उते ई, उनहां दे पिंड दा भुरू टांगरी आपणी दाती-सिंगी मझ्झ दे सिंग तेल नाल लिशकाई, उहदीआं चिचड़ीआं तोड़ण मंडिआ पिआ सी। बिंदे-झट्टे उह मूंह चुक्क के, साहमणे पशूआं ते बंदिआं दी भीड़ वल्ल इंज झाकदा जिवें उहनूं अजे वी किसे गाहक दी आस होवे।
संतू नें उस वल वेख के पाले नूं किहा, ''वेखीं उइ बाई इहदीआं लत्तां वेखीं!''
पाला उस वल झाक के हस्स पिआ। भुरू दीआं लत्तां सच्चीं ई कट्टे वरगीआं सन।
टिब्बी तों हेठ लहिंदिआं ई उह जिवें किसे होर दुनीआं विच्च आ वड़े होण। खुल्हे चौड़े राह दे दोहीं पासीं तंबूआं विच्च भांत-भांत दीआं दुकानां सजीआं होईआं सन। सपरिंगां वाले लाटू, चिट्टीआं डंडीआं वाले चाकू, रबड़ दे बावे, रंग बरंगीआं डोरीआं, धलिआरे, झांजरां, घुंगराला सभ कुझ सी। संतू नें खीसे 'च पाई चुआनी टोह के वेखी ते रुख्खे बुल्ल्हां ते जीभ फेरन लग्ग पिआ। फेर कुझ जेरा करके पाले दे मोढे ते हत्थ धरदिआं बोलिआ, ''उइ बाई! कुस खाण वाली चीज़ लईए?''
''की लएंगा?''
'कुस लै लैने ऐं?'' संतू नें सधराईआं नज़रां नाल तंबूआं वल तक्कदिआं किहा।
''कुस की तूं उठ्ठ घोड़ा लएंगा? डूढ आने दी तां तेरे कोल भान ऐं!''
''काहनूं, चुआनी ऐ।''
''चंगा। गाहां चल्ल के जलेबीआं खावांगे। सांभ के रख्खीं ऐवें भीड़ 'च किते डेग बैठेंगा।''
जलेबीआं दा नां सुण के संतू नें फेर बुल्ल्हां ते जीभ फेरी ते मोड़ उते लग्गे वड्डे तंबूआं वल झाकण लग्ग पिआ। किक्कर बेरी दे फट्टां उते बैठे जट्ट, मूहरे इट्टां उते टिकाईआं पुराणीआं बतीरीआं ते धरे वडे-वड्डे पित्तल दे थालां विच्च रोटी खाई जांदे सन। संतू नूं हैरानी होई कि रोटी खाण दा इह किहड़ा वेला होइआ? पर उदों ई उहदी निगाह वड्डे-वड्डे बुरक मारदे इक्क धक्कड़ जिहे बंदे ते जा पई। उह इक्क रोटी दी जिवें इक्को बुरकी करदा सी, ते इस बुरकी नाल बाटी दी सारी दाल वी समेट लैंदा सी। तवे जिड़ीआं-जिड़ीआं तंदूर दीआं रोटीआं दी गिठ्ठ उच्ची बही उहदे मूहरे पई होई सी।
''वेखीं बई, अहु बंदा रोटी किमें खांदै!''
''खांदा काहनूं ऐं, चरदै!'' पाले नें ओधर झाक के किहा, ते उह मुसकरा पए।
आले-दुआले जलेबीआं वाली कोई दुकान ई नहीं सी दिसदी। इक्क पाटे मैले-जिहे तंबू विच्च मखाणे, फिक्कीआं खिल्लां ते रिउड़ीआं पतासिआं वालीआं लोहे दीआं परातां रख्खी इअक काला धूत , घोन-मोन हलवाई ज़रूर बैठा सी। पतासिआं उते मख्खीआं ते भरिंडां दा जिवें खख्खर लगिआ होइआ होवे। उह हलवाई जदों उचा सारा होका दिंदा तां बक्करी दे मेमणे वांगूं मिआंकदा लगदा। उहदे काहड़णी जिड्डे सिर, ते ऊठ वरगे बुल्ल्हां विचों एनी बरीक जिही आवाज़ बड़ी ओपरी लगदी।
''उइ बाई!'' संतू नें उभड़वाहिआं पाले नूं किहा, ''अहु रेहड़ी आले तों मिठ्ठे छोले लईए, पंजां पैसिआं दे?''
''जाह उइ! भालिआ पशूआं आला खाईआ। घरे कदे छोले नहीं वेखे?'' पाले नें उस वल्ल घूर के तक्किआ।
संतू नें नीवीं पा लई ते हत्थ बाहर कढ्ढ के खीसा बाहरों घुट्ट के फड़ लिआ।
उनहां दे साहमणे ई इक बंदे दे दुआले कठ्ठे होए दस पंदरां जणे इउं रौला पा रहे सन जिवें उह उनहां दा कुझ चुक चुरा लिआइआ होवे। उस बंदे नें इक्क हत्थ नाल तां मुरदड़े जिहे वहिड़के दी नत्थ फड़ी होई सी, पर दूजी बाहों फड़के उहनूं दो बंदे जिवें धूण लग्गे होए सन। उनहां विचों इक वड्डीआं वड्डीआं भूरीआं मुछ्छां ते लाल-अख्खां वाला बंदा वहिड़के वाले नूं कुद्द-कुद्द पै रिहा सी।
''उइ तूं बंदैं कि पशू? रुपईआ फड़ चुप्प करके! कल्ल्ह नूं इहनूं कारंगे नूं किसे नें पसेरी छोलिआं वट्टे नहीं सिआनणा-भालदै साढे पंज सौ! तूं शुकर कर बमारी तेरे मगरों लहू!''
पर वहिड़के वाला ''ऊंहूं, ऊंहूं'' करदा सिर मारी जांदा सी। आले-दुआले खड़ोते बंदिआं 'चों कई घूर-घूर उस वल्ल वेख रहे सन, कई चुप्प-कीते मुशकड़ीए हस्स रहे सन।
खब्बे पासे दूर तक रुख्खां हेठ पशू ई पशू खड़ोते सन,मझ्झां, बलद, गाईआं, ऊठ। चार-चुफेरिओं हरे-सुक्के पठ्ठिआं ते गोहे दा रलवां मुशक आ रिहा सी। ते इस नाल संतू नूं जिवें नशा-जिहा चहड़न लग पिआ।
साहमणे, पिप्पल हेठ 'बावा जी' दा वड्डा छतर गड्डिआ होइआ सी। संतू नें पाले नूं बाहों हलूणदिआं किहा, ''ओइ बाई! आ आउबे दरिआई घोड़े वेखीए!''
''छड्ड उइ परहे-लगदा दरिआई घोड़िआं दा उह तां ठग्ग कठ्ठे होए वे ऐ,ओदें वेख खां, इंदा चाचा दसदा सी।''
संतू नें हिरखी नज़र नाल पाले वल वेखिआ ते फेर छतर वल निगहा गड्ड लई। निक्के-निक्के कई मुंडे वाहण 'च बैठीआं भेडां वांग छतर दे आले दुआले कठ्ठे होए बैठे सन। टुट्टी बालटी वरगे लाऊड सपीकर विचों इक्क गीत दी 'चूं-चूं' सुणाई दे रही सी। 'बावा जी', दुआईआं वालीआं रंग-बरंगीआं शीशीआं मूहरे रख्खी, वड्डे सारे टरंक दा ढासणा ला के पसरे पए सन। भारा ढिड्ड, मोटी धौण ते घोन-मोन सिर बड़ा ओपरा जिहा लगदा सी। (दो वरहे पहिलां जदों उह दोए भरा इउं ई कपाह दी रुत्ते, खेतों चोरीओं भज्ज के मेला वेखण आए सन, उदों इह 'बावा जी' एने नरोए नहीं सन दिस्से, पर हुण तां माना दे भूरे सानह वरगे होए लगदे सन) मरिआ होइआ दरिआई घोड़ा, मगर मछ्छ ते सराल्ह वी नहीं दिस्से, शाइद उह मुंडिआं दे उहले सन।
''बाई! मैं वेख-लां, अहु,'', झकदिआं झकदिआं संतू नें ज़ोरा करके पाले तों पुछ्छिआ।
पर पाले दा धिआन साहमणिओं आउंदे इक्क घुंगरालां वेचण वाले वल सी। संतू नूं वी उह बंदा बड़ा अजीब लगिआ। तेड़ डब्ब खड़ब्बा भोथा ते पैरों-सिरों उह नंगा सी। मोढिआं उते धलिआरे, घुंगरालां ते लाल हरे रंग दीआं गानीआं लमकाईआं होईआं सन। पसलीआं ते हसली दे हड्ड वछ्छरू दे सिंगां वांग उभरे होए। दोहां हत्थां विच्च दो घुंगरालां फड़ के उह पहिलां उहनां नूं ज़ोर-ज़ोर दी छणकाउंदा ते पिछों, ''लै जा बेलीआ, लै जा बेलीआ'' कहिंदिआं, उभड़वाहा ''हऊ'' करके ढठ्ठे वांग बहड़कदिआं टपूसी मार के दो कदम अगांह आ जांदा। साहमणे आ के उहने बहड़क मारन तों पहिलां घग्गी-पाटी वाज नाल इक्क बेमेल गीत जिहा वी गाइआ-
''सावा बहड़कां मारू
तोर पंजाबण दी!''
संतू नूं मल्लोमल्ली हासी आ गई। उस पाले तों पुछ्छिआ, ''इह की कहिंदै, बाई?''
पाला मुसकरांदिआं उस बंदे वल वेंहदा रिहा। पर अचानक उहनूं डर जिहा लगिआ तेउस संतू दी बांह फड़ के आखिआ, ''छेती छेती वेख लै जिहड़ा कुश वेखणैं कंजरा, दिन तां गिआ!''
संतू नें आसे-पासे निगाह मारी की वेखे, की नां वेखे! काहले-काहले तुरदिआं उनहां सारे मेले विच्च दो गेड़े होर लाए। किते-किते पल झट्ट खड़ोते वी। संतू नें दो तिंन वारी पाले तों चुआनी खरचण दी सलाह फेर पुछ्छी, पर खरचण नां दित्ती। भुख्ख दोहां नूं बड़ी लग्गी होई सी जदों 'घुंगरूआं वाली' शरदाई वाले कोल आ के खलोते तां तिह वी लग आई।
''हैं उइ बाई, इहनूं 'घुंगरूआं आली शरदाई' किउं कहिंदे ऐ?'' संतू नें पुछ्छिआ।
''तैनूं आप नहीं दींहदा?, इह घुंगरूआं आले घोटे नाल रगड़ के पिउंदै।''
संतू नूं फेर हासी आ गई। शरदाई रगड़ण वाला बंदा घोटे नाल बंनहे घुंगरूआं दी भाल नाल ई आपणीआं विंगड़ ते सुकड़ू लत्तां इउं हिलाउंदा सी जिवें वहिड़ दे मख्ख लड़दी होवे।
''वेखीं उइ बाई, हेठों छड़ां-जीआं किमें मारदै, आपणे वछरू आंगूं!'' संतू नें ठहाका मार के किहा।
पर जिवें जिवें सूरज हेठां लहिंदा जा रिहा सी। पाले नूं फ़िकर पैंदा जांदा सी। उस संतू दी बांह फड़ के खिचदिआं किहा, ''चल्ल हुण पिंड नूं चलीए नहीं तां बापू सारी रात घमटट्टू बणा के विहड़े 'च कीड़िआं आले भौणां ते सिट छडू, किसे नें गोत नीं पुछ्छणा!''
संतू वी बापू दा नां सुण के त्रहि गिआ। बापू जदों वी उनहां नूं कुट्टण लगदा इक्क अधी पराणी तोड़े बिनां नहीं सी हटदा। संतू नूं इंज लगदा जिवें उहने उनहां दोहां भरावां उते, बलदां नालों वधेरे पराणीआं तोड़ीआं सन।
दिन छिप चलिआ सी। उह काहले पैरीं मुड़ पए। पर पाले नें दाणिआं वाली रेहड़ी कोल आ के आपो ई आखिआ, ''भूकड़े चब्बणे ऐं?''
संतू नें खीसे 'च चुआनी रड़काई ते सिर हिला दित्ता। पर जदों रेहड़ी वाला दाणे तोलण लग्गिआ तां पाले नें निमकी जिही नाल उहनूं किहा, ''बाई, हाअ माड़े जे मिठ्ठे भूकड़े वी पा-दीं पंज पैसिआं दे!''
''आहा! मूंह तां वेख मिठ्ठे भूकड़े खाण आलिआं दा!'' दाणिआं वाले नें उनहां नूं टिच्चर करदिआं किहा, पर मिठ्ठे छोले फेर वी नां पाए।
''मामे मेरे नें कुश वी नहीं उइ दित्ते!'' अगांह आ के झोली 'च पाए भूकड़िआं वल्ल झाकदिआं, रेहड़ी वाले वल घूर के पाले किहा ते डूढ-डूढ लप्प दाणे उनां वंड लए। फेर उथे ई खड़ो के लप्प-लप्प दा फक्का मार के मूंह भर लए ते हाबड़िआं वांग अध्ध निगले कर के नघारदिआं पिंड नूं भज तुरे। रहिंदी अध्धी लप्प उनहां दो वारी करके भजदिआं ई चब्बी। पाले नें चार कु दाणे उस 'चों वी बचा के जेब 'च पा लए। उनहां 'चों अध्धे रिहाड़ कर के संतू लै गिआ। फेर उह चबोलदिआं खासी वाट उवें छित्तर घसाऊ रेवीआ चाल भज्जे गए। ते इंज दाणे चबोलदिआं पाले नूं खुरली दे खूंजिआं विचों चरही दे कुतरे दीआं बचीआं-खुचीआं गंढां नूं मूंह मारदा आपणा कट्टा चेते आ गिआ। उस मुसकरा के पिछांह वेखिआ, पर संतू किधरे नां दिसिआ। उच्ची उच्ची दो तिंन वाजां मारीआं तां संतू इक्क मौले बलद दे कोलों दी, बतारू वांग तड़ाफे मारदा निकलिआ। ''ओ बाई, ओ बाई। अहु डंगरहां आले हसपताल दी कंध ते इक्क अकबार लग्गिआ विऐ। उस ते लिखिऐ 'मेला मबेसीआं, नाले बलद ते मैस दी मूरत बणी वी ऐ, इह 'मेला मबेसीआ' की होइआ?'' संतू नें पाले दे बराबर आ के पुछ्छिआ।
''पहिलां तूं साह लै लै। लगदा कुश मेले मबेसीआं' दा डूढ अख्खर पहड़ के वड्डा पड़ाकू बणिआं फिरदै।'' पाला चलाकी नाल आपणा अणजाणपुणा लुका गिआ।
टिब्बी ते आ के उह हौली हो गए ते बिंद दा बिंद खड़ो के पिछांह तक्कण लग्ग पए। दूर तक, काले-घसमैले रंग दे पशूआं ते बंदिआं दीआं शकलां अडो-अड्ड पछाणीआं नहीं सन जांदीआं। संतू जिवें गहु नाल वेख के जाचण दा यतन कर रिहा सी कि बंदे पशूआं नूं धूही फिरदे सन जां पशू बंदिआं नूं। कई जट्ट भुंजे चादरे विछा के लंमे वी पै गए सन। उनहां दे कट्टे वछ्छे इउं कोल खड़ोते सन जिवें उनहां ते पहिरा दे रहे होण। असमान दूर तक धूड़ नाल अटिआ होइआ सी। धूड़ उते पसरी घसमैली लाली बड़ी डराउणी लगदी सी।
''उइ तूं गाहां तुर, अजे वेख-वेख रज्जिआ नहीं? बापू दा पतै कि नहीं, पतंदर दा? मार-मार सुजा दू! फेर तां अधा-अधा पहिर थूकहणों नहीं हटदा हुंदा!'' पाले नें उहनूं मौज नाल खड़ोता वेख के झिड़किआ।
संतू दीआं धूड़ भरीआं लत्तां कंबण लग्ग पईआं। नंगे पैरां दीआं पातलीआं विचों सेक निकलदा जापिआ। उह भज्ज के पाले दे नाल जा रलिआ।
फेर जिउं जिउं उह वाहो दाही पिंड दे नेड़े हुंदे गए उनहां नूं मेले दीआं गल्लां भुल्लण लग पईआं। हौली-हौली खलाअ विच्च, संघणे-भारे, परेतां वरगे रुख्खां दीआं टीसीआं उतों दी, भूत वांग बापू दा परछावां पसरदा दिस्सिआ।
''इह चुआनी तूं किथों लई सी उइ?-बापू दी जेब 'चों कढ्ढी सी?'' सूए दे पुल ते आके पाले नें पुछ्छिआ।
''काहनूं, कपाह वेची सी।''
''अज्ज तेरीआं टंगां तां फेर साबत है नीं समझ...!''
संतू दा पिंडा जिवें नाल दी नाल सुंन हो गिआ। पर दूजे पल ई उहदे अंदर भबूके वांग कुझ मच्च पिआ। उस वहिड़के वांग मछ्छरदिआं बहड़क जिही मार के किहा, ''देखी जाऊ फेर, मैं वी उहनूं....उहनूं फेर अज्ज देऊं धनेसड़ी!...असीं कोई मेला मबेसी ऐं!''
ते संतू ख़ाली खीसे ते जेब नूं हत्थ पाईं मेमणे वांग कुदाड़ीआं मारदा पाले दे मूहरे भज्ज तुरिआ। पाला हैरान होइआ उस वल वेंहदा, पिछांह रहि गिआ।
('मसती बोता' विचों)