राजिंदर राज़ सवद्दी कहाणीकार सी, उसदीआं दो पुसतकां हवाड़ (1964) अते ज़िंदगी दा चिहरा (1967 ) विच्च प्रकाशत होईआं सन। अजे उह साहितक खेतर विच्च सथापत होण जा ही रिहा सी कि अचानक इस संसार नूं अलविदा कहि गिआ। इस करके अजे उह इनहां पुसतकां नाल साहितक खेतर दे पहिले पड़ाअ विच्च ही सी। उनहां दे लड़के राजदीप सिंघ तूर ग़ज़लगो नें उनहां दोहां पुसतकां नूं ‘ज़िंदगी विकदी नहीं’ दे नाम हेठ इक्क पुसतक दे रूप विच्च प्रकाशत करके आपणी साहितक विरासत नूं संभालिआ है।

इस कहाणी संग्रहि विच्च कुल 31 कहाणीआं हन। इह सारीआं कहाणीआं समाजिक विसंगतीआं दी बात पाउंदीआं हन। कहाणीकार नें समाजिक बुराईआं नूं आधार बणाके वख्ख-वख्ख वंनगीआं वाले विशे चुणके कहाणीआं लिखीआं सन। इनहां कहाणीआं विच्च कई रंग वेखण नूं मिलदे हन। मुख्ख तौर ‘ते समाजिक ताणे-बाणे विच्च औरतां नाल हो रहीआं समाजिक, आरथिक अते भावनातमिक ज़िआदतीआं बारे हन। कहाणी संग्रहि दी खासीअत इह है कि इस दी शैली सरल ते गल्लबाती है, जिवें दिहाती लोक आपस विच्च रोज़ मरहा दे जीवन विच्च विचरदिआं सुभावक ही गल्लां-बातां करदे होण। जे मैं इह कहि लवां कि उसदे अधिआपक होण दे तरज़बे दा नचोड़ हन, तां वी कोई अतकथनी नहीं होवेगी।

सहिजता नाल कहाणीआं लिखीआं गईआं सन, जिनहां विच्च दिहाती शबदावली दी वरतों कीती गई है। कहाणीआं पहड़के कई वार एदां महिसूस हुंदा है कि पाठक आपणे पिंड दी सत्थ विच्च बैठा गल-बात सुण रिहा है। बहुतीआं कहाणीआं विच्च दिहाती प्रक्रितक माहौल सिरजिआ होइआ है। इक्क किसम नाल दिहाती लोकधारा दे सारे रूप इनहां कहाणीआं विच्च वेखण नूं मिलदे हन। निक्के-निक्के सरल वाकां राहीं दिहाती अते नीम शहिरी लोकां दी बोल चाल, विवहार, सलीका, रहिण-सहिण ते शिशटाचार दीआं उदाहरना मिलदीआं हन। इसतरीआं दी मानसिकता दा मनोविशलेशण बाकमाल है। लगपग हर कहाणी दे मुख्ख अते सहाइक पातरां भावें इसतरी होवे जां मरद उनहां दे मनोविशलेशण कीते गए हन। खास तौर ‘ते औरतां दा मनोविशलेशण अजिहे ढंग नाल कीता गिआ है, इउं लग्गदा है जिवें हर औरत अजिहे हालत विच्चों लंघ रही है। औरत दीआं भावनावां खास तौर ‘ते दिहाती औरतां दा बहुत ही बारीकी नाल विशलेशण कीता गिआ है।

बहुतीआं कहाणीआं सिंबालिक ढंग नाल लिखीआं गईआं हन। ‘ज़िंदगी दा चिहरा’ अते ‘भुख्ख ही भुख्ख’ दोवें कहाणीआं जंग दी बरबादी दी दासतां पेश करदीआं हन। वैसे फ़ौजी ज़िंदगी नाल संबंधत लगपग अध्धा दरजन कहाणीआं हन। फ़ौजीआं दीआं पतनीआं दीआं मनोभावनावां वी सिंबालिक तौर ते प्रगटाईआं गईआं हन। कहाणीआं विच्च इह वी दरसाइआ गिआ है कि बहुते मरद औरतां दीआं भावनावां दी आपणी बेसमझी करके कदर नहीं करदे, उह औरत नूं आपणी ग़ुलाम ही समझदे हन। ‘सफ़ैद दाग़’ कहाणी विच्च कीपां दा विआह नां करना, उसदी शराफ़त अते सरीर विच्च नुकस होणा विखाइआ गिआ है। अजिही सथिती विच्च कीपां दी मानसिकता दी अणवेखी हो रही है। मुहब्बत दी तांघ तां हर औरत विच्च हुंदी है, प्रंतू कीपां दीआं भावनावां दी बेकदरी हो रही है। उह आपणी ज़बानी कुझ वी कहिण दी हिंमत नहीं करदी। इस कहाणी विच्च औरतां संबंधी मनोविशलेशण करके औरत दीआं भावनावां दा प्रगटावा कीता है।

इसे तरहां ‘नज़रां बोलण’ कहाणी विच्च इह साबत कीता है कि जेकर मुहब्बती संबंध संभाले जाण तां बिहतर हुंदा है, इस गल्ल नूं कहाणी विच्च लिखिआ गिआ है, कुत्ते वी समझदे होए कछहिरे नूं छड्ड दिंदे हन, किउंकि जेकर उह दोवें खिचदे रहे तां उह लीरो लीर हो जावेगा, समाजिक संबंध वी इसे तरहां सांभणे चाहीदे हन, भाव हर मसले दा हल्ल मुहब्बत हुंदा है। औरत नूं मरद आपणी जागीर समझदे हन। ग़रीबी दा संताप अते आपणिआं दी खिच्च दोवें रंग वेखण नूं मिलदे हन। इक्क टुट्टिआ तारा इकल्लता दी निराशता विच्चों रंगीन ज़िंदगी दा प्रगटावा करदा है। भाव आशावादी होणा सुखदाइक हुंदा है। कहाणीकार खुद साहितक होण करके लगपग इक्क दरजन कहाणीआं विच्च साहितकारां दी ज़िंदगी दा विवरण ज़रूर दिंदा है।

‘लूण तेल’ कहाणी इक्क साहितकार दी ज़िंदगी विच्च आउण वालीआं परिवारिक प्रसथितीआं दा प्रगटावा कीता गिआ है। साहितक विअकतीआं दीआं आपसी खुंदकां दीआं तलख टिपणीआं वी वेखण नूं मिलदीआं हन। इह वी दरसाइआ गिआ है कि साहितक मस ज़िंदगी दा रुख्ख बदलण विच्च वी सहाइता करदी है।

‘दूसरा मोड़’ कहाणी विच्च पिआर विच्चों असफल रहिण ‘ते घरों भज्जी लड़की रेलवे सटेशन ते बैठी लैंप दी रौशनी विच्चों आ रहीआं किरना नूं बजरी दीआं वट्टीआं मारके किरना नाल आपणीआं भावनावां दा अचेत मन विच्च मुकाबला करदी है, किउंकि उसदे प्रेमी वल्लों किसे होर लड़की नाल विआह करवाउण तों बाअद उसदी ज़िंदगी दी रौशनी मध्धम पई होई है। इसे कहाणी विच्च कहाणीकार साहितकार नूं मिलण तों बाअद लड़की दी ज़िंदगी विच्च तबदीली लिआ दिंदा है ते उह घर वापस जा के विआह करवाके नवीं ज़िंदगी शुरू करन दा संकलप करदी है। इस कहाणी दा उसारू पख्ख आतम हत्तिआ नूं बुज़दिली गरदानणा है।

इसे तरहां ‘अंगिआर’ कहाणी विच्च जिंदी डक्के नाल छोटे-छोटे अंगिआरां नूं बाहर कढ्ढके सेकणा चाहुंदी है, प्रंतू जिवें उसदीआं भावनावां दे अंगिआर हालात नें ठंडे कर दित्ते हन, उसे तरहां उह अग्ग दे अंगिआर थोहड़ी देर बाअद ठंडे हो के सुआह बण जांदे हन। इह अंगिआर जिंदी दीआं भावनावां दा सिंबालिक प्रमाण हन। कुझ कहाणीआं विच्च पिआर दीआं पींघां वी पाईआं गईआं हन प्रंतू इह पिआर वी समाजिक तबदीली दे संधरव विच्च हन। ‘वारस’ कहाणी विच्च ग़रीबी, इमानदारी अते इनसानीअत दी तसवीर पेश कीती गई है।

‘तीलां वाली डब्बी’ कहाणी विच्च धारमिक सथाना विच्च दान दे के सवै-प्रसंसा पत्थरां ‘ते आपणे नाम लिखवा के कीती गई है, जो धारमिक होण दी गवाही नहीं भरदी। ‘फिर वी तूं इंझ आखदी?’ कहाणी खुदगरज़ी, बेरोज़गारी अते आवाजाई दे असूलां दी उलंघणा संबंधी किंतू-प्रंतू करदी है। इनसानीअत पर ला के उड गई ते लोकां विच्च आपोधापी दा ब्रितांत है। ‘तकदीर दा भेद’ समें दी कदर नां करन अते दूजिआं तों कदर करन दी आस करना जाइज़ नहीं, सगों सभ नूं समें दी कदर करन दी सलाह दिंदी है। ‘ज़िंदगी विकदी नहीं’ बहुत ही भावपूरत कहाणी है, जिहड़ी अमीरां वल्लों ग़रीब औरतां दे शोशण दा परदा फाश करदी होई शोशण दा विरोध करके चंनी बलबीर दे थप्पड़ जड़के औरत दी दलेरी दा प्रगटावा करदी है। इस कहाणी विच्च इक्क मंगती दलाली करदी वी विखाई गई है। ‘दो नोट’ वी इसतरी दे शोशण विरुध्ध बगाबत दी दासतां है।

‘बद्दल’ कहाणी विच्च विधवावां नूं दुबारा विआह कराउण दा समाज वल्लों विरोध विखाइआ गिआ है प्रंतू मरद दुबारा विआह करवा सकदे हन। क्रिशना नें विधवा हो जाण तों बाअद आपणी मरज़ी नाल ज़िंदगी जिउण दा राह अपणाउणा औरत दे हक्कां दी वकालत है। कहाणीकार दे सपुत्तर वल्लों आपणे पिता दी साहितक विरासत नूं सांभणा शुभ शगन है, जो खोजी विदिआरथीआं लई लाभदाइक हो सकदा है।

167 पंनिआं, 300 रुपए कीमत वाली इह पुसतक चेतना प्रकाशन, पंजाबी भवन लुधिआणा नें प्रकाशत कीती है।

***