पुराणे लोक भावना दे वहा विच्च वहिके रिशतिआं नूं संभाल लैंदे सन, हुण लोक रिशतिआं दा लाभ लभ्भण लग्ग पए हन। जेकर फाइदा दिसदा है तां ही रिशता बणाके रख्खदे हन। असीं आपणे समाजिक अते परिवारक रिशतिआं नूं निभा नहीं रहे, सगों ढोह रहे हां। साडे रिशतिआं विचली खिच्च बीते समें दी कहाणी बणके रहि गई है। साडा इक्क दूजे नाल आपणे होण दा अहिसास साडे मना विच्चों मनफी हुंदा जा रिहा है। साडे रिशते बौने हुंदे जा रहे हन। असीं इक्क छत्त थल्ले इकठ्ठे ज़िंदगी गुज़ारदे होए अते इक्क परिवार दा हिस्सा हुंदे होए वी इक्क दूजे लई अजनबी हुंदे हां। असीं दुनीआदारी लई इकठ्ठे होण दा ढौंग रच रहे हुंदे हां पर साडे मनां अंदर इक्क दूजे प्रती अणगिणत शिकवे शिकाइतां हुंदीआं हन।
अज्ज साडे रिशतिआं विचकार खिच्चीआं जा रहीआं वाद-विवाद दीआं तलवारां अते इक्क दूजे नूं नीवां विखाउण दे खिच्चे जा रहे तीर बिरध आशरमां विच्च बज़ुरगां दी अते अदालतां विच्च साडे झगड़िआं दी गिणती लगातार वधा रहे हन। परिवारां दा इकठ्ठ बणाके रख्खण लई अते आपणे संबंधां नूं बणा के रख्खण लई समें दी नज़ाकत नूं वेखदिआं सानूं गूंगे बणके यानी कि चुप्प रहिके इक्क दूजे दी गल्ल बरदाशत करन दी कला आउणी चाहीदी है। मोड़वां जवाब देण दी बजाए ‘इक्क कहि लवे ते दूजा सहि लवे’ उत्ते अमल करना चाहीदा है। पर साडी हउमैं अते इक्क दूजे नूं नीवां विखाउण दी भावना उदों तक साह नहीं लैंदी जदों तक असीं इक्क दीआं चार सुणा नहीं लैंदे।
आपणे महल्ले दी इक्क बज़ुरग औरत दे घर चाह दा कप्प पींदिआं मैं उस नूं सवाल कीता, “ताई जी, तुहाडी आपणीआं नूंहां नाल ऐनी बणदी किवें है?” उस बज़ुरग औरत वल्लों दित्ते गए जवाब उत्ते जेकर हर सस्स अमल कर लवे तां हर सस्स-नूंह दे संबंध चंगे बणे रहि सकदे हन। उसने जवाब दित्ता, “पुत्तरा, मैंनूं आराम दी रोटी मिल रही है। मेरीआं नूंहां तिंन करन,तेरां करन, उह जो मरज़ी बोली जाण, मैं आपणा मूंह बंद रख्खदी हां। हुण घर विच्च राज पुत्तां अते नूंहां दा है। परिवार दा माहौल चंगा बणाके रख्खण लई मूंह बंद ही रख्खणा पैंदा है।”
मैनूं इक्क होर बज़ुरग दी कही होई गल्ल याद आ गई, “जेकर तुसीं आपणा बुढापा सुखी रख्खणा चाहुंदे हो तां आपणा मूंह बंद अते आपणे बटूए दा मूंह खुल्ल्हा रख्खो।” साडे रिशतिआं दी त्रासदी ही इह है कि असीं आपसी रिशते बणाके रख्खण लई झूरदे तां रहिंदे हां पर उनहां नूं बणाके रख्खण लई आपणी ‘मैं’ नूं मारन लई तिआर नहीं हुंदे। आपणी हिंड पुगाउण विच्च कोई कसर नहीं छड्डदे। सुणे नूं अणसुणिआ करन लई तिआर नहीं हुंदे। वेखे नूं अणवेखिआ करन दी सानूं आदत नहीं हुंदी। असीं समझौता करन विच्च आपणी हेठी समझदे हां। साडे परिवारां विच्च इक्क मुंडा विआहे जाण तों बाअद ही छोटीआं मोटीआं गल्लां नूं लै के साडे परिवारां विच्च भांडे खड़कण दी अवाज़ गली महल्ले अते रिशतेदारां तक पहुंचण तों शुरू हो के परिवार दे अड्ड होण तक खतम हुंदी है। इक्क परिवार दे छे भैण भरावां दे पिता दी छोटी उमर विच्च ही मौत हो गई। सभ तों वड्डे भरा नें हड्ड भंनवीं मिहनत करके सारे परिवार प्रती बणदी ज़िंमेवारी निभाई। भैणां भरावां तों कुझ नहीं लुकाइआ। उसने आपणी मां नूं आपणे कोल ही रख्खिआ। ऐना करन दे बावजूद वी उसदे भरावां नें उस उत्ते इह इलज़ाम लाइआ कि उसने सारा कुझ आपणा बणा लिआ, साडा उसने कीता ही की है! उह वड्डा भरा आपणे भरावां दे इलज़ाम दा कोई जवाब नां दिंदा। इक्क दिन उसदी पतनी नें उस नूं पुछ्छिआ, “तुसीं आपणे भरावां दा बहुत ही इमानदारी नाल ऐना कुझ कीता पर फेर वी उह तुहाडे उत्ते कोई नां कोई इलज़ाम लगाउंदे ही रहिंदे हन। तुसीं उनहां नूं जवाब किउं नहीं दिंदे?”
उस वड्डे भरा नें आपणी पतनी नूं जवाब दित्ता, “भगवान, जेकर मैं इनहां दे इलज़ामां नूं सुणन लग्ग पैंदा तां मैं आपणीआं ज़िंमेवारीआं निभाउण तों वांझे रहि जाणा सी। जदों इह बोलदे हन, उदों मैं आपणे कंन बंद कर लैंदा हां।”
साडे उनहां परिवारां विच्च विआहां तों बाअद बच्चिआं अते मापिआं विच्च छेती ही महांभारत इस लई होण लग्ग पैंदी है जिनहां विच्च बच्चे आपणे मापिआं दी कीती भुल्ल जांदे हन; बज़ुरग अंनहे, बोले अते गूंगे बणके आपणा बुढ्ढापा जिऊण दे आदी नहीं हुंदे। जिहड़े बज़ुरग इस गल्ल नूं नज़र अंदाज़ करके कि बच्चिआं दी आपणी वी ज़िंदगी है, उनहां दी ज़िंदगी विच्च दखल अंदाज़ी करदे रहिंदे हन अते टोका टाकी करदे हन, उनहां दे रिशतिआं विच्च तणाअ पैदा होण हो जांदा है।
साडे शहिर दे इक्क परिवार दीआं तिंन चार पीहड़ीआं पिछले समें तों इकठ्ठीआं रहि रहीआं हन। परिवार दा कोई वी मैंबर अड्ड होण दा नां नहीं लैंदा। शहिर विच्च किसे नें वी उनहां दा इक्क दूजे नाल मन मुटाव नहीं सुणिआ। किसे विअकती नें उनहां विच्चों इक्क नूं पुछ्छिआ कि अज्जकल तां इक्क पीहड़ी दे लोक इकठ्ठे नहीं रहिंदे, तुसीं चार पीहड़ीआं दे लोक इकठ्ठे किवें रहिंदे हो? उस विअकती नें अग्गों जवाब दित्ता, “असीं इक्क दूजे दीआं गलतीआं नूं छज्ज विच्च पा के छट्टण दी बजाए उनहां नूं अणवेखीआं कर दिंदे हां। इक्क दूजे दी अज़ादी विच्च दखल अंदाज़ी नहीं करदे। मेरे पिता जी दा नां कोई ताइआ, चाचा सी अते नां ही नाल दे जंमे भैण भरा पर फिर वी साडे घर पिता जी दे दूर दे रिशतेदार कई कई दिन रहि जांदे सन। मेरी मां नें उनहां नूं आइआं वेख कदे मत्थे वट्ट नहीं पाइआ। मेरी मां अकसर ही कहिंदी हुंदी सी कि उह घर भागां वाला हुंदा है, जिस घर विच्च रिशतेदार आउंदे रहिंदे हन। रिशते निभाउण लई वकत अते इज़्ज़त दी लोड़ हुंदी है। अजोकी नवीं पीहड़ी दे बच्चिआं कोल नां वकत है ते नां ही सलीका, इसे लई रिशते निभाउण विच्च औकड़ां आ रहीआं हन। अज्ज मापिआं दे अख्खां मीटदिआं ही सारे भैण-भरा रिशतिआं तों मूंह मोड़ लैंदे हन।