“हैलो।”
“हां बाई, कौण बोलदैं?” बंतो नें पुछ्छिआ।
“मैं फलाणी कंपनी दे दफतर विच्चों बोल रिहा हां। आप जी नूं इक्क सकीम बारे दस्सणा चाहुंदा हां। मैम! इह सिरफ तुहाडे लक्की नंबर ’ते ही आई है जी।”
“मैनूं नहीं समझ लगदी भाई की कहि रिहा हैं तूं ...।” बंतो नूं गल्ल समझ नहीं सी आ रही।
“पलीज़ फोन नां कट्टिओ … … तुहाडे फाइदे दी गल्ल है।” फोन करन वाले नें किहा।
“साडे फाइदे दी? … … किवें भाई?” फाइदे दी गल्ल सुण के बंतो नें फोन नां कट्टिआ।
“मेरी गल्ल धिआन नाल सुणना, तुसीं सिरफ फोन सुणना है, जो तुहाडे नंबर ’ते आवेगा ... ... तुहाडे फोन विच्च पैसे असीं पवा दिआ करांगे, तुसीं सिरफ गल्ल सुणनी होइआ करेगी?”
“असीं तां भाई बाहरले देश वी गल्ल करनी हुंदी है … …।” बंतो नें सोचिआ किते भाई बाअद विच्च इह नां कहि देवे कि तुसीं पहिलां किउं नहीं दस्सिआ। उस नें अजे गल्ल पूरी वी नहीं सी कीती आवाज़ आई, “जो वी तुहाडा मोबाइल खरचा होवेगा असीं दिआ करांगे।” भाई नें काफ़ी गल्लां बंतो नूं समझाईआं।
“ठीक ऐ भाई … …।” बंतो खुशी नाल हुब्ब के बोली।
“शुकरीआ जी।” कहि के भाई नें फोन कट्ट दित्ता।
बंतो सोच रही सी घरे बैठे बिठाए चलो उस नें मोबाइल दा खरचा तां घट्ट कीता।
“किसे कौंपणी आळे भाई दा फोन ती … … कहिंदा आपे पैसे पवाऊं थोडे फोन विच्च … … बस्स तुसीं घड़ी दी घड़ी गल्ल सुणनी ऐं … … जिंनी वारी फोन आऊगा, तुसीं चुक्कणा … … बस्स नरमाई ते पिआर नाल गल्ल करनी ऐं।” बंतो नूंह नूं दस्सण लग्गी।
“बेबे, कोई होर नां पंगा पा लईं।” नूंह बोली।
“तूं तां बारां पहड़ के वी अणपहड़ां वरगी ही रही।” बंतो नें नूंह दी गल्ल ’ते मूंह जिहा मरोड़ के आखिआ। उस तों खुशी संभाली नहीं सी जा रही। आपणी सिआणप ’ते उस नूं फख़र महिसूस हो रिहा सी। उस दा दिल करदा सी कि उह उड्ड के खेत चली जावे ते आपणे पती नूं दस्से कि हुण फोन विच्च पैसे पवाउण दी लोड़ नहीं, उस नें इंतज़ाम कर लिआ है।
बंतो अजे सोच रही सी कि फोन दी घंटी वज्जी। उह इक्क दम त्रभक गई। उस नें फिर चंगी तरहां कंन नंगे करके फोन कंन ’ते लाइआ ते पिआर नाल ‘हैलो’ किहा।
“आप का नाम किआ है … …?” अग्गों आवाज़ आई।
“जी मेरा नाम … …।” बंतो चुप्प कर के सोचण लग्गी … … विआह वेले उस दा नां कुलवंत सी, बंतो तां बाअद विच्च कहिण लग्ग पए सी।
“आप कुछ बोल किउं नहीं रहे?”
“जी, कुलवंत … …।”
“वाओ! … … किंना सुंदर, किंना पिआरा नाम है आप का।” बंतो दीआं लत्तां कंबण लग्ग पईआं। इंने पिआर नाल तां कदे दीपे दे बापू नें वी उस दे नां दी तारीफ़ नहीं सी कीती।
“काम किआ करते हो?”
“कंम तां भाई घर दा सारा ही करदी आं। मैं लोकां दीआं बुहड़ीआं आंगूं नूंह दे सिर ’ते नहीं छड्डदी सारा कंम। धारां वी आप कढ्ढदी आं, गोहा कूड़ा वी सिट्ट दिंनी आं … …।” कंम गिणाउंदिआं बंतो नूं पता ही नहीं लग्गिआ किहड़े वेले अगले नें फोन कट्ट दित्ता।
बंतो सोचण लग्गी, किंना मिठ्ठा बोलदे नें लोक। साडे वालिआं नूं तां पिआर नाल बोलणा ई नहीं आउंदा। उख्खड़े कुहाड़े आंगूं पैंदे नें। बंतो नें फहुड़ा चुक्किआ। मझ्झां दा गोहा हटाउण लग्गी। घंटी फिर वज्जी। नूंह नें फ़ोन चुक्किआ।
“हैलो … … जी आप का नाम किआ है?” फोन करन वाले नें पुछ्छिआ।
“तूं नाम तों की लैणा वीरे … … गल्ल कीहदे नाल करनी ऐ, उह दस्स?” नूंह नें आखिआ।
“वीरा नहीं, सिरफ फरैंड … …।” अग्गों अवाज़ आई।
वहुटी नें फोन कट्ट दित्ता। गुस्से विच्च बुड़बुड़ करदी रही … … लग्गदा फरैंड दा … … लत्तां तुड़वाउणीआं होणीआं … …।”
“की हो गिआ कुड़े तैनूं?” बंतो नूंह नूं बुड़बुड़ करदिआं देख के पुछ्छण लग्गी।
“होणा की ऐ … … किसे दा फ़ोन आइआ सी, मेरा नां पुछ्छदा सी टुट्ट पैणा … …।”
“फेर तां मेरा फोन होऊ।” बंतो नें किहा।
“तूं बेबे ऐहो जे फोन सुणदी ऐं?”
“नां नां, मैं काहनूं सुणदी आं।” कहि के बंतो कंम करन जा लग्गी। फोन दी घंटी फिर वज्जी पोते नें फ़ोन चुक्किआ। उह काफ़ी समां गल्लां करदा रिहा। बंतो नें पुछ्छिआ, “कीहदा फोन ऐ?”
पर मुंडे नें चुप्प रहिण दा इशारा कीता ते थोहड़ी देर बाअद फोन फड़ी आपणी भैण नूं हाकां मारन लग्ग पिआ। कुड़ी नूं फोन जा फड़ाइआ।
मां नें पुछ्छिआ, “उहदी सहेली दा फोन ती वे?”
“पता नहीं, सारिआं बारे पुछ्छ के कहिंदा, आपणी दीदी नाल गल्ल करा।”
मां नें मत्थे ’ते हत्थ मारिआ ते कुड़ी वल्ल भज्जी। कुड़ी तों फोन खोह लिआ। कुड़ी घबराई जिही आवाज़ विच्च बोली, “मंमी! पता नहीं कीहदा फोन फड़ा गिआ मैनूं।”
“गलत फोन आउंदे नें पुत्त आपणे नंबर ’ते ... ... तूं नां चक्किआ कर।”
अध्धे कु घंटे बाअद फोन फेर नूंह नें चुक्किआ। दूजे पासिओं अवाज़ आई, “जी कुलवंत जी से बात करवाईए, पलीज़।” नूंह नें बंतो नूं पुछ्छिआ, “बेबे आपणे कुलवंत कौण ऐ?”
बंतो नें फोन फड़ के ‘हैलो’ किहा।
“आप कुलवंत जी बोल रहे हो?”
“हां जी।”
“आप को हिंदी बोली नहीं आती?” भाई नें किहा।
“घट्ट आती है जी।”
“चल्लो मैं पंजाबी में ही बात करूंगा … … कुलवंत जी … … तुहाडा नाम बहुत … … … पिआरा है। लग्गदा है जिंना पिआरा नाम है … … इंने ही पिआरे तुसीं होवेगे।” बंतो फिर सोचण लग्गी … … मनां तेरी तां कदे किसे नें कदर ई नहीं पाई, इंने पिआर नाल सारी उमर ऊईं नी कदे किसे नें गल्ल कीती। ऐने पिआर नाल उस नूं कोई बोले, बंतो नूं हज़म नहीं सी हो रिहा लग्गदा। उस नूं लग्गिआ जिवें उस दे ढिड्ड विच्च वट्ट जिहे पैंदे होण।
“हैलो … … हैलो … … कुलवंत जी मेरी गल्ल सुण रहे ओ नां?”
“हां जी, हां जी।” बंतो जिवें किसे नींद विच्चों जागी होवे। ‘हाए रब्बा … कुलवंत जी’ कहि के बोल रिहा है भाई। किंनी मिठ्ठी बोली। बंतो सोच रही सी।
“कुलवंत जी, तुसीं वी कुछ कहो। मैं इकल्ला ही बोल रिहां। कोई जवाब दिओ … … किहड़ी कलास विच्च पहड़दे ओ। तुहाडी पहड़ाई किंनी कु ऐ?”
“पहड़ाई तां मेरे बेबे दस्सदी हुंदी सी, मेरा बापू मैनूं मोढिआं ’ते बिठा के सकूल छड्ड के आउंदा सी। इक्क वारी ऐहा जा गोडे ’ते फोड़ा निकलिआ, इक्क महीना सूत नहीं आइआ … … मुड़ के बापू नें सकूल नहीं जाण दित्ता … … बाहळी लाडली ती मैं मेरे पिउ नूं।” बंतो मिठ्ठा बोलण दी पूरी कोशिश कर रही सी। उस नूं पता वी नां लग्गा किहड़े वेले दूजे पासिओं फ़ोन कट्ट दित्ता गिआ।
दो कु वार होर फोन आइआ। बंतो दा जीअ काहला पैण लग्ग पिआ। ऐनीआं किंनीआं कु गल्लां कर सकदा कोई। शाम तक बंतो नें ही फोन चुक्के … … कोई उमर पुछ्छे … … कोई पहड़ाई पुछ्छे … … कोई नौकरी बारे … … कोई परिवार दे मैंबरां बारे … …। कोई पसंद दी फिलम, कोई गाणे। नूंह नें चेते कराइआ कि बापू खेतों घर नहीं आइआ। बंतो नें देखिआ, चार वज्जण वाले सी ते डेढ दो वजे उस दे घर वाला घरे गेड़ा मारदा हुंदा है चाह रोटी खाण लई।
“तूं हुण दस्सदी ऐं … … फून करके नहीं पुछ्छ सकदी सी?”
“फोन तां सारा दिन विहला नहीं होइआ अज्ज।” नूंह नें जवाब सुणाइआ। बंतो नें फोन फड़ाउंदिआं किहा, “हुण ला के पुछ्छ, घर किउं नहीं आइआ?”
नूंह नें नंबर मिला के बंतो नूं फड़ा दित्ता। बंतो दे मूंहों हौली कु देणे ‘हैलो’ निकलिआ।
“कौण बोलदै?” अग्गों आवाज़ आई।
“मैं कुलवंत … …। बंतो सवेर दी मिठ्ठा बोलदी बोलदी भुल्ल चुक्की सी कि परिवार वाले उस दी असली आवाज़ ही पछाणदे नें।
“किहड़ी कुलवंत?”
“बंतो बोलदी आं मैं।” उह उच्ची देणे बोली।
“हैंअ … … बोल तां … … मरी जही ’वाज किउं कढ्ढदी ऐं। पंजाह फोन कर ’ते होणगे … … चाह खेत मंगवाउणी सी। मोटरां आली लैट आई होई ऐ।”
“हुण फेर … …?”
“आ रिहां हुण घरे।”
बंतो नें आपणे आप नूं किहा, ‘नपुत्ते दीए किध्धर उलझगी तूं। उह विचारा भुख्खणभाणा खेत कंम करदै ते तूं लोकां नाल गल्लां करदी फिरदी ऐं … … जिहनां नाल जाण नां पछाण … … घर दा भेत तां ऊईं नीं देईदा किसे नूं ... ... तूं किऊं बौळ मध्ध लिआ ... … नाले जे दीपे दे बापू नूं पता लग्ग गिआ, उह गाल्हां देऊ। दीपे नूं पता लग्ग गिआ, उह औखा होऊ।’ बंतो दा सारा जोश ठंढा पै गिआ। मुंडा किसे कंम शहिर गिआ होइआ सी। घर आ के उह लड़न वरगा हो गिआ, “ऐने वारी फोन लाइआ, बिज़ी आई जांदा सी। कीहदे नाल गल्लीं लग्गीआं होईआं सी?”
नूंह नें बेबे वल्ल देखिआ। पर बेबे नें कुझ नहीं दस्सिआ ते नूंह वी चुप्प ही रही। ऐने नूं बापू घरे आ गिआ। उह आ के बंतो दे गळ पै गिआ। बंतो नूं समझ नां आवे कि की कहे अते की करे। फोन दी घंटी फेर वज्जणी शुरू हो गई। बंतो नें फोन चुक्क के लाल निशान वाला बटन दबा दित्ता। थोहड़ी देर बाअद फेर घंटी वज्जण लग्ग पई। बंतो फोन चुक्क के गवांढीआं दे कालज पहड़दे मुंडे कोल लै के चली गई। मुंडे नें बथेरा मत्था मारिआ। फोन आउणे बंद नां होए। पर मुंडे नें घंटी दी अवाज़ घटा दित्ती।
जदों बंतो घरे वापस आई तां उस दे पती नें आखिआ, “कुलवंत कुरे, किंने पैसे पवाउणगे तेरे कौंपनी वाले?” बंतो समझ गई कि इहनां नूं पता लग्ग गिआ।
“बस ऐं सोच लिआ, कई वारी पैसे नहीं हुंदे घरे पवाउण नूं … … आपे पा दिआ करनगे।” बंतो नें निंमोझूणी जिही हो के आखिआ।
“ऊठ तों छानणी लाहिआं भार हौले नहीं हुंदे कुलवंत कुरे।”
“लिआ बेबे … … मैं ठीक करा के लिआवां मोबाईलां वाले तों … … उह ठीक कर दिंदे हुंदे नें … … मेरे दोसत नें ठीक कराइआ ती इक्क वारी … … उहनां दे घरे वी बाहळे फोन आउंदे ती।” बंतो दे पोते नें दस्सिआ।
बंतो दे साह विच्च साह आइआ। उस नें फोन पोते नूं फड़ाउंदिआं आखिआ, “जा मेरा पुत्त … … पर छेती आ जीं।”
“लालच विच्च आ गई बेबे तां … …।” दीपे नें मां नूं मखौल जिहे नाल आखिआ।
“दो चार सौ दा तां काहदा लालच होइआ।” बंतो नें किहा।
“बेबे! इह ठग्ग मिठ्ठीआं मिठ्ठीआं गल्लां मार के अईं फसा लैंदे नें। चंगे भले सिआणिआं बिआणिआं नूं बुध्धू बणा के ख़ातिआं विच्चों पैसे कढ्ढ लैंदे नें।”
“लालच तां थोहड़ा जिंना वी बुरा हुंदा है। पता नहीं कित्थे फसा दे बंदे नूं। चलो चंगा होइआ कुलवंत कुर नूं छेती ही पता लग्ग गिआ।” बंते दे पती नें आखिआ।
“अग्गे तों नीं इही जी गलती करदी।” बंतो नें कंनां नूं फड़ के खिच्चदिआं आखिआ, “इक्क … … दो … … तिंन।”