जीव विगिआनी दस्सदे हन मनुख्ख नें झुंडां विच्च रहिणा जानवरां तों सिख्खिआ। कुझ खोजीआं दा इह वी विचार है कीड़ीआं दे समाजिक ताणेबाणे नूं समझ के मनुख्ख नें झुंडां विच्च रहिणा सिख्खिआ। इस विच्च किंनी सचाई है इह कोई नहीं जाणदा पर इह सच्च ज़रूर है कि इक्कीवीं सदी दे मनुख्ख वी अजे तक समाज विच्च ठीक तरहां रहिणा नहीं आइआ। इह जातां, नसलां, धरमां दे नाम ’ते वंडिआ होइआ है। दुनीआं भर विच्च फिरकूवाद, लड़ाईआं-झगड़े, दंगे-फसाद अते कतलोगारत दी जहड़ समाजिक वखरेवें हन। पिछले अरसे तों मनीपुर विच्च दो फिरकिआं विच्च होए शरमनाक दंगे फसाद अते इज़राईल अते फलसतीन दीआं जंग दीआं जहड़ां वी मूल रूप विच्च नसली अते मज़हबी वखरेवें ही हन। इह सभ कुझ दस्सदा है कि अज्ज दे इस विकसित दौर विच्च वी मनुख्खी मन विच्च पईआं रूहड़ीवादी संपरदाई गंढां अजे खुल्ल्हीआं नहीं।

मनुख्ख भीड़ दा हिस्सा बण के आपणे आप नूं वधेरे सरख्खिअत महिसूस करदा है। भीड़ कई तरहां दीआं ज़िंमेवारीआं तों बचण दा उपाअ है। भीड़ विच्च शामल हो के बंदा कई वार उह कुझ कर जांदा है, जिसदा इकल्लिआं रहि के उस नें कदे किआस वी नहीं कीता हुंदा। मनोविगिआन अनुसार दंगे फसाद, समूहक कतलेआम, भंन तोड़ करन जिहीआं प्रविरतीआं कुझ मनुख्खां दे अंदर दब्बवें रूप विच्च पईआं रहिंदीआं हन। इकल्लिआं मनुख्ख इहनां परविरतीआं नूं अमल विच्च लिआउण तों डरदा है अते भीड़ दा हिस्सा बण के उह अजिहीआं घटनावां नूं सरअंज़ाम देण लई रती भर वी नहीं झिजकदा किउंकि उह समझदा है जदों तक भीड़ उस दे नाल है, उह कुझ वी कर लवे, कोई पुछ्छण वाला नहीं। भीड़ आपणे आप नूं सरख्खिअत समझदी है। मनुख्खी इतिहास ’ते निगाह मारिआं पता चलदा है कि जदों वी कदे किसे खित्ते विच्च मनुख्ख उत्ते मनुख्ख वल्लों कहिर ढाहिआ गिआ, वड्डीआं भीड़ां दुआरा ही ढाहिआ गिआ। किउंकि मनुख्ख जाणदा है कि भीड़ां नूं सज़ावां देणीआं मुशकिल हुंदीआं हन।

किसे संपरदा जां धरम नूं मंनण वाला हर विअकती समझदा है कि उह परम तत्त दी भाल विच्च तुरिआ होइआ है ते बहुत जलदी उह परम तत्त (सच्च) तक पहुंच जाएगा। पर हकीकत इह है कि भीड़ दा हिस्सा बण के मनुख्ख नूं गिआन हासल नहीं हो सकदा सगों सचाई इस तों कोहां दूर हुंदी है। धरम, मज़हब दे नाम ’ते इकठ्ठीआं होईआं भीड़ां नाल दूजिआं ’ते प्रभाव तां बणाइआ जा सकदा है, दूजे फिरकिआं नूं डराइआ धमकाइआ तां जा सकदा है पर सच्च अते गिआन दा अंश भीड़ विच्च कदे वी पैदा नहीं हुंदा। भीड़ां सिर रहित हुंदीआं हन।

दुनीआं विच्च वड्डीआं तबदीलीआं उहनां लोकां नें कीतीआं जो किसे वी संपरदा दे शरधालू जां भीड़ दा हिस्सा नहीं सन। गीलेलीओ, जिउनारदो बुरोनो, चारलस डारविन, सिगमंड फराइड, कारल मारकस, लूईस पासचर, थामस ऐडीसन, मारकोनी, बैंजामिन फरैंकलिन अते आईनसटाईन वरगे रौशन दिमाग वी जेकर किसे धरम दे शरधालू हुंदे तां इह दुनीआं होर तरहां दी होणी सी। किसे साध संत तों भवजलों पार लंघण दी जुगत सिख्ख रही भीड़ विच्चों इह आस नां रख्खिओ कि उहनां विच्चों कोई वड्डा विदवान, साइंसदान, दानिशवर जां फिलासफर पैदा होवेगा। भीड़ दी मनोबिरती अंधविशवासी हुंदी है अते अंधविशवास सारथिक तबदीली लई सभ तों वड्डा रोड़ा साबत हुंदा हुंदा है।

चाहे कोई वी मसहब, संपरदा जां राजनीतक जमात होवे, सानूं कदे वी उस दे पूजक अते शरधालू नहीं बणना चाहीदा, सानूं हमेशा विवेकशील बणना चाहीदा है। अज्ज दे दौर विच्च सोशल मीडीआ दे इस ज़माने विच्च भावें बहुत कुझ चंगा वी हो रिहा है पर मोबाइल, इंटरनैट्ट ’ते वी राजनीतक अते धारमिक शरधालूआं दीआं सिर रहित भीड़ां दे वड्डे गरुप्प बण गए हन। नैट्टवरक नूं कंटरोल करन अते आपणी गल्ल नूं अग्गे रख्खण वाले आई टी सैंटर सथापत हो रहे हन। इह इक्क तरहां नाल भविख्ख दे नैट्टवरक गैंग बण रहे हन जो कि साडी नवीं पीहड़ी दे विवेक लई बहुत निराशजनक है। जित्थे धारमिक शरधालूआं दी भीड़ है, उत्थे राजनीतक शरधालू उहनां तों चार कदम अगांह हन। सोशल साइटां ’ते वख्ख वख्ख धरमां, मज़हबां दे गरुप्प नवीं पीहड़ी विच्च फिरकू ज़हिरां दे बीज बीज रहे हन। सोशल मीडीआ दी गरुप्पबाज़ी मनुख्खां विच्च नवीं किसम दे वखरेवें पैदा कर रही है। चिंता वाली गल्ल इह है कि भविख्ख विच्च इह सभ कुझ होर वधण जा रिहा है।

इस दुनीआं नूं जेकर कदे बदलिआ है तां कुझ विचारशील लोकां नें बदलिआ है, भीड़ नें नहीं। जो कदे वी भीड़ दा हिस्सा नहीं बणदे उह नवींआं खोजां खोजदे हन, नवींआं पैड़ां पाउंदे हन। जित्थे समाज विच्च वख्ख फिरकिआं विच्च आपसी टकराअ अकसर पैदा हुंदे रहिंदे हन, उत्थे इह तीजी किसम दे तरकशील, विचारशील, चिंतक लोक आम लोकां अजिहीआं प्रसथितीआं दे गंभीर सिट्टिआं तों सुचेत करदे रहिंदे हन। इह समें दे हर दौर विच्च भीड़ां तों वख्खरे ही रहे। उहनां नूं भावें उहनां दे समें विच्च काफर, नासतिक आखिआ गिआ पर उहनां नें भीड़ तों वख्ख हो के आपणे नवेकले अंदाज़ विच्च हमेशा लोक हितां दी गल्ल कीती। उहनां नें रब्ब, धरम, मसहब ’ते वी किंतू करन तों संकोच नहीं कीता, इहदी भावें उहनां नूं किंनी वी वड्डी कीमत किउं नां तारनी पई। समाज विच्च जदों वी कदे अज्ज वरगे हालात पैदा होए, बुल्ले शाह जिहे फक्कर दे मन विच्च खिआल आइआ होएगा:

धरमसाल धड़वई रहिंदे, ठाकर दुआरे ठग्ग।

विच्च मसीतां रहिण कसत्तीए, आशक रहिण अलग्ग।

अज्ज जिवें साडे समाज विच्च फिरकाप्रसती दा बोलबाला वध रिहा है, धरमां, मज़हबां, संपरदावां उत्ते उह लोक काबज़ हो रहे हन, जिहड़े समाजिक कदरां कीमतां तों आप सख्खणे हन। इस समें उहनां दी हालत इह है, समाज विच्च जो कुझ मरज़ी होई जावे, उह आपणे डेरिआं विच्च विहले बैठे लोकां दी खून पसीने दी कमाई नाल ऐशमई ज़िंदगी बतीत कर रहे हन। इह आपणे सेवकां चेलिआं नूं समाजिक सरोकारां नाल जोड़न दी बजाए, उहनां तों अलग्ग कर रहे हन। लख्खां लोकां दे रोल माडल बणे इह लोक समाज विच्च पसरीआं कुरीतीआं प्रती जो लोकां विच्च रोह पैदा होणा हुंदा है, उहनूं शांत करन दा कंम करदे हन। समाजिक तबदीली लई रुकावट बणदे हन। समाज नूं हर दौर विच्च जागदे रख्खे जाण लई बुलंद सोच अते बुलंद आवाज़ दी लोड़ हुंदी है, जो सच्च नूं सच्च, झूठ नूं झूठ अते बाबर नूं जाबर कहिण दी जुरअत कर सके।

अज्ज भीड़ दा हिस्सा बणे लोक आपणे आप नूं बुल्ले शाह अते गुरू नानक दे वारस तां मंनदे हन पर उहनां दी कही कोई गल्ल मंनण लई तिआर नहीं हन। मनुख्ख दी फितरत हमेशा इह रही है उह जिस किसे वी विचारधारा नूं मंनणा चाहुंदा है, उस नूं रब्बी मंन के पूजण लग्ग जांदा है, मत्थे टेकण लग्ग जांदा है अते समझदा है कि अजिहा कर के उस दे छोटे मोटे सवारथां दी पूरती हुंदी रहेगी। पर असीं महान लोकां दी कोई वी गल्ल मंनण लई तिआर नहीं हां। समें दे हर दौर विच्च समाज नूं पूजक शरधालूआं दी नहीं बलकि विवेकशील मनुख्खां दी लोड़ हुंदी है। पूजक अते शरधालू चाहे राजनीतक होवे, चाहे धारमिक, इह सारथक तबदीली लई हमेशा खतरनाक साबत हुंदा है। आपणे समें दौरान बहुत पहिलां जदों सपीकरां दे शोर-गुल्ल दा अजे नाम निशान वी नहीं हुंदा सी, कबीर साहिब नें इक्क सलोक विच्च मुल्लां नूं पछ्छिआ:

कबीर मुलां मनारे किआ चढहि सांई न बहरा होइ।।

जा कारनि तूं बांग देहि दिल ही भीतरि जोइ।।

कि जिस खुदा नूं रोज़ उच्ची उच्ची, वार वार आवाजां मारदा हैं, पकारदा है, उह कोई बोला है? असीं बाणी विच्च अज्ज वी वार वार इह सलोक पहड़दे सुणदे हां पर उच्ची सपीकर ला के दिन रात रब्ब नूं आवाज़ देण लग्गे होए हां। कई साध बाबे तां लगातार पाठां दीआं लड़ीआं ही रख्ख लैंदे हन, जो महीनिआं बध्धी चलदीआं रहिंदीआं हन। उह रब्ब किहो जिहा रब्ब होवेगा, जो बंदे दे वार वार रब्ब रब्ब करन नाल खुशी विच्च झूमण लग्ग पैंदा है? मनुख्ख दी सोच नूं बंनह के रख्खण लई इह सभ तरहां दीआं घाड़तां शातर लोकां नें ही घड़ीआं हन।

राजनीतक अते समाजिक निघार तों समाज नूं उभारन लई शरधा नहीं बलकि विवेक दी लोड़ है। विवेकशील मनुख्ख ही समाज नूं होर सोहणा बणाउण दा यतन करदा है। सकूलां, कालजां, यूनीवरसिटीआं विच्च मनुख्ख नूं जो सिख्खिआ दित्ती जा रही है, इह सिख्खिआ वख्ख वख्ख विशिआं विच्च मुहारत हासल करन वाले कामे तां पैदा करदी है पर मनुख्ख नूं विवेकशील नहीं बणाउंदी। दुनीआं नूं हर दौर विच्च चंगे विशा माहिरां तों वी वध्ध दानिशवर इनसानां दी लोड़ रही है। तकनीकी विकास दे इस दौर विच्च सरीरक अते मानसिक तौर ’ते मनुख्ख हर दिन बदल रिहा है। इह तबदीली मनुख्खी मन ’ते की प्रवाव पावेगी, इसदा सही सही अंदाज़ा फिलहाल किसे नूं नहीं है। विगिआनक विकास दे इस दौर विच्च इह बड़ा ज़रूरी है कि साडी सोच वी विगिआनक होवे, तां ही असीं अज्ज दे दौर दे तेज़ी नाल बदल रहे वरतारिआं नूं समझ सकदे हां। असीं इक्क तरहां तकनीकी विकास दे हहड़ दे दौर विच्चों गुज़र रहे हां। इस दौर नूं समझण लई बड़ा ज़रूरी है कि असीं अंधविशवासी मनोबिरती दा तिआग करके सुचेत मनुख्ख बणीए।

सानूं चाहीदा है कि असीं मनुख्ख दे विवेक ’ते ज़ोर देईए। समाज नूं चंगा बणाउण लई उप्परों किसे गैबी ताकत नें कदे नहीं आउणा। समाज नूं माड़ा बणाउण लई मनुख्ख ही ज़िंमेवार हुंदे हन अते मनुख्ख कोल ही इस नूं चंगा बणाउण दी समरत्था है। सो आओ, समाज विच्च फैली हर तरहां दी हनेरगरदी खिलाफ विवेकशील बणके आपणे हिस्से दा चानण करन लई यतनशील होईए।

* * * * *