भारत दा लोकतंतर दुनीआ भर विच्च सलाहिआ जाण दीआं गल्लां कई वार सुणीआं हन ते पता नहीं इह किंनी वार होर सुणीआं जाणगीआं जां कहो कि सानूं सुणनीआं पैणगीआं, पर इसदी अंदरूनी हालत दी चरचा बहुती नहीं हुंदी। इसदीआं नीहां विच्च इंनी ताकत नहीं जापदी कि बहुता चिर इसदा भार झल्लदा रहि सके अते इस तों माड़ी गल्ल अगली इह है कि इस सथिती दा कोई तोड़ वी नहीं दिसदा। भारत विच्च उनहां सिआणिआं दी कमी नहीं, जिहड़े दुनीआ भर दे देशां विचले लोकतंतरां दीआं सारीआं तहिआं फोल के अंदर दा सच्च अते मैदानी हकीकतां दा खुलासा चुटकी विच्च कर सकदे हन। उह विकसित देशां दी राजनीती दा कच्च-सच्च वी जाणदे हन अते कबीलिआं दे युग वरगी सथिती विच्च हाले तक फसे होए देशां अते कौमां बारे वी उनहां तों कुझ छुपिआ होइआ नहीं। इंने सिआणे सिरां दी बहुतात वाले भारती लोकतंतर दे अंदर जिंना कुझ वेखिआ ते विगड़न तों रोकण दी लोड़ है, उस दी नां कदी कोई खास नीझ नाल पड़चोल दा संजीदा यतन हुंदा जापदा है अते नां इस लोड़ नूं अख्खों परोखे करन दा लोक बुरा ही मनाउंदे जापदे हन।
दुनीआ भर दे लोकतंतरां दी जिंनी कु जाणकारी इनहां सतरां दा लेखक हासल कर सकिआ ते जिद्दां दे हालात अते असूलां दी पालणा वल्ल संजीदगी विखाई जांदी समझ पई, भारत विच्च उस दा अंदाज़ा वी नहीं लाइआ जा सकदा। असीं लोक उस खूह दे डड्डू वांग हो चक्के हां, जिहड़ा खूह नूं सारे संसार दा सिखर मंनण लग्ग जांदा है। इक्क वारी सफर दौरान कुझ लोकां नाल इह गल्ल चल्ल पई कि विकसित देशां विच्च आवाजाई सुचारू रूप नाल चलाउण अते नागरिकां लई सहूलतां देण दे बहुत प्रबंध होए मिलदे हन। साडे नाल बैठी इक्क कुड़ी नें किहा कि उह चंडीगहड़ दी जंम-पळ है अते इह गल्ल माण नाल कहिण दी हिंमत रख्खदी है कि दुनीआ दा सभ तों सोहणा प्रबंध उस दे शहिर विच्च है, इसे लई हर कोई इसदी गल्ल करदे वकत ‘सिटी बिऊटीफुल’ कहिण नूं गलत नहीं मंनदा। असीं उस नूं कुझ गल्लां विकसित देशां बारे दस्सीआं अते यूटिऊब उत्ते उनहां दे शहिरां दीआं वीडीओ वेखण लई किहा। साडा फोन नंबर लै के उह चली गई। उस कुड़ी नें दो दिनां बाअद फोन कर के आखिआ कि असीं इह कुझ सोच वी नहीं सकदे कि सानूं विकसित देशां दी खूबसूरती दे नांअ उत्ते बेवकूफ बणाइआ जांदा है अते जिहड़ी हकीकत दुनीआं भर दे विकसित देशां कोल मौजूद है, उस दा साडे कोल कोई अंश वी नहीं लभ्भदा। अगला फोन उस नें कुझ दिन बाअद उदों करना ठीक समझिआ सी, जदों दुनीआ तां की, आपणे देश भारत दे खूबसूरत ते साफ-सुथरे शहिरां दी लिसट विच्च वी उस दे ‘सिटी बिऊटीफुल’ दा नांअ पंजवें थां होण दी खबर आई सी अते चार शहिर उस तों अग्गे दरज सन।
जिनहां देशां विच्च सही अरथां विच्च लोकतंतर है, उनहां विच्च साडे नालों वख्खरा विहार राजनीती करन वालिआं दा वी हुंदा है, सगों होर सारे लोकां तों पहिलां हुंदा है। कैनेडा दे इक्क सूबे दे सिख्खिआ मंतरी दे बच्चे सरकारी दे थां प्राईवेट सकूलां विच्च पहड़न दी खबर आई तां उस नूं अहुदा छड्डणा पिआ सी। कोविड महांमारी दे दिनां विच्च इहो जिहे इक्क विकसित देश दा इक्क मंतरी कुझ दोसतां नाल समुंदरी कंढे दे किसे सैर-सपाटा असथान दा कुझ पलां लई गेड़ा मारन चला गिआ तां उस नूं कुरसी छड्डणी पई सी। लोकतंतर दे इहो जिहे अरथ असीं लोक भारत विच्च कदे महिसूस वी नहीं कर सकदे अते साडे किसे लीडर नें लोकां दे मनां विच्च विशवास काइम रख्खण लई इद्दां दी कोई लोड़ वी नहीं समझी। आपणे आप नूं नियमां-कानूंनां तों उप्पर मंनण दा प्रभाव देण वाले डौनलड टरंप दी गल्ल वख्खरी है, वरना बहुत सारे विकसित देशां दी किसे सरकार दे किसे वी अगवानूं उत्ते इद्दां दे दोश लग्गण तां अहुदा छड्ड के तुर जांदे रहे हन। उनहां दी पारटी उनहां दीआं गलतीआं अते गुनाहां दा भार आपणे सिर लैण लई कदी तिआर नहीं होई। सिरफ इह ही नहीं, उनहां देशां विच्च जदों कदी चोणां विच्च किसे पारटी दी लक्क तोड़वीं हार होई तां उस आगू नूं लोकां वल्लों रद्द कीता गिआ मंन के कई आगूआं नूं राजनीती तों किनारा करदे वी बहुत वारी वेखिआ गिआ है।
भारत विच्च इद्दां करना तां दूर, इद्दां दी सोच वी मन विच्च लिआउण दी किसे आगू नूं लोड़ महिसूस नहीं करनी पैंदी। कदी इस देश विच्च सत्ता दे सिखर उत्ते होण दा सतिकार माणदी रही कांगरस पारटी दी पिछलीआं कई वारीआं विच्च बहुत बुरी हालत होण दे बावजूद उस दी अगवाई करन वाला इक्को परिवार ही उस दी कमान सांभी बैठा है। उनहां नूं हार दी ज़िंमेवारी आपणी झोली पवा के पासे हटण नूं कहि देण दी थां उलटा इह प्रचार कीता जांदा है कि ‘पारटी लई वोट कैचर उही परिवार है।’ वोट-कैचर दा भाव कि वोटां हूंझ के लिआ सकण वाला परिवार जां आगू सिरफ इस पारटी तक सीमत नहीं, होर वी कईआं धिरां विच्च अगवाई वाली कुरसी उत्ते कबज़ा जमाउण वाले पक्के आगू बैठे हन। जदों पता है कि चुणौती देण दी जुरअत ही किसे दी नहीं ते चापलूसां दे आसरे राजनीती चलदी जाणी है तां सभ ठीक ही है।
बहुजन समाज पारटी दी किसे वकत चहड़त होइआ करदी सी। उस दी मुखी बीबी माइआवती भारत दी केंदर दी सत्ता दे अगवानूं बारे फैसला करन विच्च इक्क धड़ल्लेदार धिर समझी जांदी सी। अज्ज उह किसे खास लेखे विच्च गिणी जाण जोगी नहीं, पर पारटी दी मुखी अग्गे चुणौती कोई नहीं। जिंनी ते जिहो जिही पारटी है, इसदी अगवाई उसे बीबी दे हत्थ है ते अग्गों उस बीबी दे परिवार दे किसे जीअ नूं सौंपी जाणी संभव है, किउंकि पारटी दा अधार उनहां कोल बहुता होवे जां थोहड़ा, पारटी चलाउण जोगे सरोत सिरफ उनहां कोल हन। पारटी दे किसे वी होर आगू कोल कख्ख नहीं। सारे सरोतां उत्ते इद्दां दी जकड़ कांगरस हाई कमांड कोल होण कारन उनहां दा कबज़ा मंनिआ जांदा है अते वड्डे कारपोरेट घराणिआं नाल अख्ख दी सैनत वरगा जिंना संपरक उनहां दा है, होर किसे दा कदी बणन ही नहीं सी दित्ता गिआ ते अग्गों बणना वी कदे नहीं।
भारती जनता पारटी सिधांत उत्ते अधारत राजनीती करन दे दाअवे करदी हुंदी सी। अटल्ल बिहारी वाजपाई दे वकत जदों सत्ता दे सिखर उत्ते पुज्जी तां इस नूं कारपोरेट घराणिआं वल्लों फंडां दे गफ्फे धड़ा-धड़ा फंड दित्ते जाण लग्गे। पर पैसे पारटी नहीं सी फड़दी हुंदी, उस वल्लों इक्को आगू इह कंम करदा हुंदा सी। हालात बदले ते पारटी दे सत्ता तों पासे हुंदे सार कारपोरेट फंडां दा उह इक्को संपरक मंनिआ जांदा आगू आपणे किसे परिवारक झगड़े कारन दुनीआ छड्ड गिआ। उस नाल लाए गए दो आगूआं विच्च संपरक सूतर वजों ज़िंमा संभालण तों झगड़ा पै गिआ अते इक्क जणा रुस्स के कंम छड्ड के घर जा बैठा। इस पारटी वासते कारपोरेट घराणे जणे-खणे अग्गे नोटां दे बैग रख्खण अते आम लोकां अग्गे नंगे होण लई तिआर नहीं सन ते जदों इह सचाई पारटी नूं समझ पई तां लीडरशिप्प नें दोवां विच्चों दमदार जापदा सिरफ इक्क जणा अग्गे कीता ते दूसरे नूं पिछ्छे खिच्च के सारे संपरक फिर बहाल कर लए अते कोई झटका नहीं सी लग्गा। इसदे बाअद हालात इंने बदल गए कि पारटी विच्च उदों वरगी सथिती कदी पैदा वी होवेगी, इस बारे पारटी अते लोकतंतर दी विआखिआ करन वाले अजोके माहरां नूं आस नहीं रहि गई लगदी। सिरफ इक्क आगू दी पकड़ इंनी तकड़ी हो गई है कि उस दे अग्गे सिर चुक्कण वाला कोई नहीं रिहा अते जिहड़े सरोतां नाल इह पारटी चलदी है जां चलदी रख्खी जा सकदी है, उनहां दी मुख्ख टेक सिरफ इक्क वड्डे कारपोरेट घराणे दे मुखी तक सीमत कीती जाण लग्ग पई है। बहुत सारे लोक उस वड्डे पूंजीपती नूं प्रधान मंतरी दी राजनीती वासते राखवां सरोत मंनण दे नाल भाजपा दा लाकर तक मंनदे हन। जदों तक इनहां दोवां दी इह सांझदारी काइम है, इद्दां चल्लदा रहि सकदा है। जिस दिन मत्तभेदां दी छोटी जिही लकीर वी किसे तरहां उठ्ठ पई, दोवां विच्चों इक्क जणे नूं दूसरे लई राह छड्डणा पै सकदा है। इहो जिहे हालात विच्च बहुती वार पूंजीपती बंदे ही खूंजे धक्के जाइआ करदे हन। इह वरतारा ज़िआदा वारीआं वाला हो सकदा है, पर हमेशा वाला समझणा गलत होवेगा। कई वारी पूंजीपती ही पूंजी दा पती नां रहि के पूंजी दा छट्टा दे के सिआसत दी चक्करी घुमा सकण जोगी हैसीअत हासल कर जांदा है। इंदरा गांधी दे वकत जिहड़ा रिलाइंस घराणा उस दी मुथाजी तों नहीं सी निकल सकदा, पिछ्छों राजीव गांधी दी राजनीती नूं उह ही घराणा सिआसी पटकणी दे गिआ सी। इद्दां दी हालत कदों किसे आगू लई बण जावे, सिआसत दे रंगां दे जाणकार यकीन नाल कुझ नहीं कहि सकदे।
साडे पंजाब विच्च सारे सरोत इक्क पारटी दी थां इक्क परिवार दे संपरक दे मुथाज होण दी सथिती नें अकाली दल नूं जिस थां जा पहुंचाइआ है, उस दी किसे विआखिआ दी लोड़ नहीं। पारटी भावें सिखरले संकट दा साहमणा करदी पई है, इस पारटी दी अगवाई संभाली रख्खण दी ज़िद करदे आगू दी टीम दे पिआदे अजे वी इह कहिण तों नहीं झिजकदे कि जिस लीडर कोल पारटी चलाउण दी समरत्था अते सरमाइआ है, उस दा नांअ दस्सो, इंनी जोगा होर कोई आगू सिख्ख पंथ दे अंदर है ही नहीं। इह सथिती इक्को आगू जां उस आगू दे परिवार कोल आई किस तरहां सी, इसदी चरचा दी लोड़ नहीं, समझण वाली असल सथिती इह है कि इस वकत इस पारटी लई इह परिवार इक्क तरहां उस धिर दा लाकर अते गोलक, दोवें बण चुक्का होण कारन आपणे आप तों बाहर पारटी दी कलपना तक वी करन नूं तिआर नहीं। जिद्दां कांगरस पारटी कोल, भारत दे वख्ख-वख्ख राजां विच्च चलदीआं खेतरी पारटीआं कोल जां केंदर वाली राजनीती विच्च असर वाले दो प्रमुख्ख लीडरां शरद पवार अते बीबी माइआवती कोल इह हैसीअत है, उही हैसीअत पंजाब विच्च होण दा भरम जां यकीन जिनहां लीडरां नूं अजे वी है, अते छेती कीते इस यकीन जां भरम नूं खोरा लग्गण वाला नहीं दिसदा, उह इस लीडर जां इसदे परिवार दी वफा जां कारिंदगी छड्डण नूं तिआर नहीं हो सकदे।
इहो गल्ल समझण वाली है कि भारत दी राजनीती इस वकत सरमाए दी सरप्रसती वाले लाकरां दी मुथाजी वाले जिस पड़ाअ उत्ते पहुंच चक्की है, उस चक्करविऊ विच्चों इसदे निकलण दी संभावना नहीं दिखाई दिंदी। इही बदकिसमती है कि भारत अते इसदे लोकां दी कि उनहां दा लोकतंतर राजनीती दे इनहां लाकरां मोहरे इंना बौणा दिखाई दिंदा है कि लोक-शकती दे सिधांतां दा सुपना लैणा वी छड्डी जांदा है।