खेती इस लई ‘उत्तम’ है किउंकि इह इनसानां अते पालतू प्राणीआं नूं खुराक राहीं लगातार ऊरजा (इनरजी) परदान करदे रहिण दा परमुख्ख साधन है। इस राहीं अनाज, दालां अते होर खाण-योग वसतूआं दी उपज हुंदी है जिनहां विच्च खुराक दा हर तत्त मौजूद हुंदा है - कारबोहाईडरेट, खंड, चरबी, प्रोटीन अते होर महीन तत्त। मासाहारी प्राणी वी असिध्धे तौर ’ते इस ’ते निरभर हन पर समुंदरी प्राणी जो साडी खुराक दा थोहड़ा हिस्सा हन, इसदे दाइरे तों बाहर हन। खुराक तों इलावा इह गैर-खुराकी वसतूआं दा वी वड्डा साधन है, जिवें कि कपाह, पटसन, रबड़, जड़ीआं-बूटीआं, बाइओ-फिऊल, कागज़, तेल, अफीम, फरनीचर, इमारती लक्कड़ अते बालण आदि। अज्ज संसार पध्धर ’ते खेती-बाड़ी दी उपज कुल्ल आरथिकता दा भावें सिरफ 4.3% हिस्सा है पर इह होर सभ खेतरां दीआं आरथिकतावां दी सिरमौर है अते उनहां तों चार गुणा तक वध्ध प्रभावकारी है। इह गरीबी दूर करके खुशहाली दी बराबर वंड करन दा सभ तों वधीआ साधन है (विशव बैंक)। इज़राइल दे दो वार प्रधान मंतरी अते फिर राशटरपती रहे अते नोबल पुरसकार विजेता मि. शिमान पैरीं दा बिआन है कि: “खेती-बाड़ी उदयोग तों वध्ध क्रांतीकारी है।” पर निराशाजनक गल्ल है कि अज्ज खेती आपणा इह रुतबा खो चुक्की है। इसदे कारन अते खेती दे रुतबे नूं बहाल करन दे कुझ जतनां उत्ते संखेप विच्च विचार करदे हां।

भावें खुराक दा इतिहास मनुख्ख जिंना ही पुराणा है पर माडरन किसम दी नियमित अते टिकवीं खेती-बाड़ी दा अरंभ कोई बारां हज़ार साल पहिलां होइआ। इह अरंभ संसार दे दस कु अड्ड-अड्ड खेतरां विच्च, इक्क-दूजे तों अज़ाद अते अड्ड-अड्ड किसम दीआं फसलां नाल होइआ। इसदे नाल ही बीजां, पशूआं अते जानवरां दा पालतू-करन अते घरोगी-करन वी शुरू होइआ जो खेती-बाड़ी लई वरते जाण लग्गे। भाव खेती-बाड़ी कोई काढ नहीं; बलकि बहुत धीमी गती नाल विकसत होइआ विआपक कित्ता है। इसदे हर कंम लई मनुख्खी-बल अते पशू-बल ही वरते जांदे सन अते सिंजाई लई बहुती निरभरता बारश उत्ते सी। तजरबे दे अधार ’ते खेती-कारां नूं समझ सी कि मनुख्खां अते पशूआं दा मल-मूतर अते फसलां दी रहिंद-खूंहद नाल पैदावार वध्ध हुंदी सी। इसे तरहां बदल-बदल के फसलां बीजण नाल वी झाड़ वध्ध हुंदा सी। पर इनहां दोनां गल्लां दी रसाइणक भूमिका बारे उनहां नूं कोई गिआन नहीं सी। खेती-बाड़ी दे उत्तम कित्ता होण सदका ही वाही-योग ज़मीन दी मालकी ही समाज दी सभ तों वड्डी मलकीअत समझी जांदी सी।

खेती दे विकास दी गती बहुत धीमी रही जिस करके वध रही अबादी दीआं लोड़ां मसां पूरीआं हुंदीआं सन। अज्ज तों तिंन हज़ार साल पहिलां दे अते अज्ज तों तिंन सौ साल पहिलां दे खेती-बाड़ी दे ढंगां विच्च कोई बहुता फरक नहीं सी। पर ढाई कु सौ साल पहिलां दी उदयोगिक क्रांती दा खेती-बाड़ी ’ते बहुत प्रभाव पिआ। उस तों थोहड़े चिर बाअद डीज़ल/पटरोल इंजण, टरैकटर अते खेती दीआं होर मशीनां दीआं काढां निकलीआं। खादां, खास करके नाईट्रोजन आदि दी महत्तवपूरन भूमिका दा पता लग्गिआ। फिर नोबल पुरसकार विजेता डा. नारमन बारलौग वल्लों खोजे कणक दे विकसित बीजां करके हरी क्रांती आई अते हर किसम दी उपज विच्च जुग-पलटाऊ वाधा होइआ। उदाहरण वजों, यू.के विच्च कणक दी पैदावार साढे छे कुइंटल प्रती एकड़ (1850) तों वध के 34 कुइंटल (2020) हो गई। खेती हेठला रकबा वी वधिआ अते वध्ध-घट्ट दे फरक नाल सारे संसार विच्च इस तरहां दी तरक्की होई। इस समें दौरान संसार दी अबादी 120 करोड़ तों वध के 780 करोड़ होई पर विकसित खेती-बाड़ी कर के वधी अबादी दीआं खुराकी ज़रूरतां लगभग पूरीआं हुंदीआं रहीआं। वरणनयोग है कि खेती दे समुच्चे विकास नाल इस कित्ते विच्च कंम करन वाले लोकां दी लोड़ घटदी रही। मनुख्ख नूं होर उपयोगी खेतरां विच्च कंम करन दे मौके मिलदे गए; जिवें कि विगिआन, तकनालोजी, विद्दिआ, कला, दसतकारी, वपार आदि जिस नाल बहुपख्खी तरक्की संभव हो सकी। इस गल्ल दा मोड़वां लाभ खेती-बाड़ी नूं हुंदा रिहा। सपशट है कि साडी समुच्ची तरक्की दा मुख्ख अधार इह कित्ता बणिआ जो इसदे उत्तम होण दा इक्क होर कारन है।

सरसरी तौर ’ते देखिआं लगदा है कि खेती-बाड़ी दी उपज मनुख्खी अते पशूआं दी मिहनत, वधीआ बीजां, वध्ध खादां, पाणी अते धरती दे होर तत्तां उत्ते ही निरभर है। निर-संदेह इह सभ चीज़ां ज़रूरी हन पर इनहां सभ निवेशां तों उप्पर, कुदरत दी इक्क अदभुत अते निराली प्रकिरिआ कंम करदी है जिस नूं ‘फोटोसिंथेसिज़’ किहा जांदा है। इह प्रकिरिआ सूरज दी ऊरजा राहीं फसलां, पेड़-पौदिआं अते होर सभ बनसपती नूं ख़ुराकी अते ग़ैर-खुराकी ऊरजा बणाउण दे समरत्थ बणाउंदी है। इसदे नाल-नाल इह जीवन लई अतिअंत ज़रूरी आकसीजन बणाउंदी है। साडे वल्लों अणगौळिआ कीता जा रिहा ‘फोटोसिंथेसिज’ दा इह वरतारा धरती दे मुख्ख कुदरती वरतारिआं विच्चों इक्क है, जो धरती बणन तों थोहड़ा समां बाअद (अज्ज तों 350 करोड़ साल पहिलां) ही शुरू हो गिआ सी। नियमित अते टिकवीं खेती राहीं मनुख्ख ‘फोटोसिंथेसिज’ दी परकिरिआ नूं यकीनी अते आपणी मन-पसंद खुराक पैदा करन लई वरत सकिआ है। पुराणे खेती-कारां नूं इस आदि-कालीन प्रकिरिआ दी महत्तता बारे वी कोई गिआन नहीं सी; इसदा पता माडरन विगिआनक खोजां तों ही लग्गिआ है। इस राहीं असीं सूरज दी ताज़ा ऊरजा नूं आपणे सरीरक वाधे अते पल-पल दीआं सरीरक ऊरजा-लोड़ां पूरीआं करन लई वरत रहे हां। इह खेती नूं सिध्धे तौर ’ते कुदरत नाल जोड़दी है जदों कि बाकी सभ कित्ते मनुख्खी काढां नाल जुड़े होए हन। होरां कित्तिआं तों खेती दी विलख्खणता अते विगिआनक पख्ख तों उत्तम होण दा इह मुख्ख कारन है।

सरीरक वाधे अते रोज़-मर्ररा दीआं सरीरक ऊरजा-लोड़ां पूरीआं कर रही सूरज दी ताज़ी ऊरजा तों इलावा अज्ज दे संसार नूं इक्क होर किसम दी ऊरजा दी वी अहिम लोड़ है अते इह लोड़ वी फोटोसिंथेसिज राहीं ही पूरी हो रही है। दूसरी प्रकार दी इस ऊरजा दी सानूं उदयोगिक उतपाद (बिजली, सटील, सीमिंट, पलासटिक, खादां अते कप्पड़ा आदि), ढोअ-ढुआई अते माडरन जीवन शैली दीआं अणगिणत ज़रूरतां पूरीआं करन लई लोड़ है। इस ऊरजा दा बहुत वड्डा हिस्सा (80%) सानूं फौसिलफिऊलां (कोला, कुदरती गैस अते पैट्रोलीअम पदारथां) तों मिलदा है जो करोड़ां साल पहिलां फोटोसिंथेसिज दी परकिरिआ राहीं ही बणीआं सन। बाकी 20% हिस्सा हवा, पाणी, लहिरां, धरती अंदरली गरमी अते परमाणू साधनां तों मिलदा है, जिनहां दा स्रोत फिर सूरज ही है। इस तरहां असीं रोज़-मर्ररा दीआं सरीरक ऊरजा-लोड़ां लई सूरज दी ताज़ी ऊरजा वरत रहे हां अते उदयोग आदि लई सूरज दी भंडार कर के रख्खी होई पुराणी ऊरजा वी वरत रहे हां अते ताज़ा वी वरत रहे हां। याणी कि असीं हर पासे, सिध्धे जा असिध्धे तौर ’ते सूरज दी ऊरजा ही वरत रहे हां। भावें आम बोली विच्च असीं ‘सोलर इनरजी’ नूं बिजली नाल जोड़दे हां पर असल विच्च धरती दी हर किसम दी ऊरजा ही सूरजी ऊरजा (सोलर इनरजी) है। याद रख्खण वाला कुदरती सिधांत इह है कि ऊरजा नां पैदा कीती जा सकदी है अते नां खतम कीती जा सकदी है, इह केवल आपणा रूप बदलदी है – उपरोकत सभ परकिरिआवां इसदा इक्क किसम तों दूसरी किसम विच्च रूपांतरण ही करदीआं हन। सोफोटोसिंथेसिज़ हवा, पाणी, धरती दे तत्तां, खादां, मशीनरी, फौसिल फिऊलां अते मनुख्खी ऊरजावां दा सुमेल करके इनहां नूं खुराकी ऊरजा विच्च रूपांतरण करन दा अलौकिक कुदरती वरतारा है।

प्रशन पैदा हुंदा है कि जदों खेती लई वरती जांदी ताज़ी ऊरजा अते उदयोग आदि लई वरती जांदी भंडार कर के रख्खी होई ऊरजा, दोनां दा स्रोत सूरज है अते दोनों इक्को ‘फोटोसिंथेसिज’ दी परकिरिआ राहीं बणदीआं हन, तां फिर खेती उदयोग तों उत्तम किवें होई? जवाब सपशट है कि फोटोसिंथेसिज कुदरत दीआं होर निआमतां वांग मुफ़त है। इह साडे जीवन लई ज़रूरी खुराक अते ज़रूरी आकसीजन पैदा करदी है। पर इसदे उलट फौसिल फिऊलां वरतण लई सानूं बहुत महिंगी मशीनरी बणाउणी, लाउणी, सांभणी अते चलाउणी पैंदी है। इस तरहां करन विच्च पैसा वी बहुत लगदा है अते वातावरण नूं प्रदूशित करन वाळीआं गैसां वी बहुत पैदा हुंदीआं हन। पर साडे आरथिक सिसटम इस तरहां दे बणे होए हन कि असीं ताज़ा सूरजी ऊरजा नूं बहुत घट्ट वरत रहे हां अते फौसिल फिऊलां नूं बहुत वध्ध। साडा आरथिक सिसटम फोटो सिंथेसिज दी कोई कदर नहीं कर रिहा। वैसे वी असीं फोटोसिंथेसिज वांग हर कुदरती साधन दी दुरवरतों कर रहे हां अते धरती दे हर सिसटम नूं बरबाद कर रहे हां। पर चंगी गल्ल इह है कि अज्ज-कल्ल्ह इक्क नवीं विचारधारा ज़ोर फड़ रही है कि साडे वल्लों वरते हर कुदरती साधन दी होर निवेशां वांग कीमत मिथी जावे अते इस कीमत नूं उतपाद विच्च जोड़िआ जावे।

साडे वल्लों कीती जा रही दुरवरतों कर के खेती-बाड़ी नाल बहुत किसम दे विवाद जुड़ गए हन अते अज्ज असीं इस नूं उत्तम कित्ता नहीं कहि सकदे। इह मशीनरी अते खादां प्रधान कित्ता बण गिआ है। इनहां दोनां लई बहुत फौसिलफिऊलां वरतीआं जांदीआं हन। भावें सिध्धे अते असिध्धे तौर ’ते मशीनरी लई वी बे-थाह फौसिल फिऊलां वरतीआं जा रहीआं हन पर खादां अते तरहां-तरहां दीआं कीट-नाशक/बूटी-मार दवाईआं आदि लई तां इस तों वी किते वध्ध वरतीआं जांदीआं हन। इस तरहां माडरन खेती इस हद्द तक मशीनरी अते खादां उत्ते निरभर हो गई है कि नेड़-भविख्ख विच्च इह फौसिल फिऊलां तों खहिड़ा नहीं छुडा सकदी। अज्ज इह कित्ता साडे वातावरण नूं प्रदूशित करन लई 25% ज़िंमेवार है। इस नाल जुड़े होर विवाद हन: पाणी दी बरबादी, जंगलां दी कटाई, खादां अते दवाईआं दी घातक हद्द तक वरतों, मीट दी बहुत ज़िआदा वरतों। उप्पर दी असीं संसार पध्धर ’ते आपणी उपज अते खुराक दे तीसरे हिस्से तों वध्ध जाइआ कर रहे हां। इस कर के इस कित्ते दी प्राथमिकता होर कित्तिआं तों पिछ्छे चली गई है। अज्ज हुशिआर विदिआरथी कंपिऊटर, कानूंन, फाईनैंस, प्रबंध अते सेवा खेतरां नूं वध्ध तरजीह दे रिहा है। दूसरे नंबर ’ते उदयोग खेतर आउंदा है अते खेती सभ तों पिछ्छे चली गई है। अज्ज अमरीका विच्च 3% तों वी घट्ट लोक सिध्धे तौर ’ते खेती दे कित्ते विच्च कंम करदे हन जदों कि खुराक नाल जुड़े सेवा-खेतर (सरविस सैकटर) परफुल्लत हो रहे हन। खेती दे खेतर विच्च पिछले 60 सालां विच्च कोई वी नवीं माअरके-दार खोज नहीं होई किउंकि खोजी परविरती दे बुध्ध-जीवीआं दी इस पासे कोई रुची ही नहीं। वैसे तां खेती-बाड़ी विच्च बहुत किसम दे सुधारां अते बहुत किसम दीआं खोजां दी लोड़ है पर दो खोजां प्राथमिकता दे अधार उत्ते करन दी लोड़ है:

(1) खादां विच्च नाईट्रोजन ते फिर फ़ासफोरस अते पोटाशीअम सभ तों वध्ध वरतीआं जांदीआं हन। हवा विच्च 80% नाईट्रोजन होण दे बावजूद साडीआं मुख्ख फसलां (कणक, चौळ, मक्की अते सौरगम) इस नूं सिध्धा वरतण दे असमरत्थ हन जदों कि दालां, अलफालफा, सोइआबीन, मूंगफळी आदि इस नूं वरत सकदीआं हन। इस तरहां दे बीज विकसत करन दी लोड़ है कि मुख्ख फसलां वी नाईट्रोजन नूं हवा विच्चों सिध्धा वरत सकण दे समरत्थ हो सकण। खाद दे तौर ’ते वरती जा रही नाईट्रोजन दा उपज पख्खों तां बहुत लाभ है पर इह साडे वातावरण अते पाणीआं नूं बहुत प्रदूशित कर रही है। नवीं खोज ख़ादां दा खरच वी घटाएगी अते प्रदूशण नूं घटाउण विच्च वी मददगार होवेगी।

(2) पूरीआं खादां अते पूरे पाणी दी वरतों दे बावजूद बहुतीआं ज़मीनां दी उपज आपणी चरम-सीमा ’ते पहुंच गई है। जां कई थांवां ’ते इनहां दे वरतण दी पाबंदी है। सो उपज वधाउण दा हर पख्खों लाहेवंद इक्क ढंग फोटोसिंथेसिज दी प्रभावकता (ऐफीसिऐंसी) नूं वधाउणा है। हुण इह सिरफ इक्क प्रतीशत है पर इस नूं वधा सकणा विगिआनक पख्खों संभव है। ज़िकरयोग है कि सोलर बिजली दी प्रभावकता 6% (1970) तों वध के अज्ज 20% हो गई है अते इसदा खरचा वी बहुत घट गिआ है। इसे तरहां फोटोसिंथेसिज दी प्रभावकता वी वधाई जा सकदी है अते इस पासे खोजां हो रहीआं हन।

निरसंदेह खेती नाल जुड़े हर वरग दे सुहिरद बुध्धीजीवी खेती दीआं सारीआं अलामतां नूं हल्ल करन विच्च लग्गे होए हन। पर इस नूं कुराहे पा के रख्खण वाली लाबी वी नाल-नाल कंम कर रही है। इस खेतर दे कुदरती अते यथारथिक पख्खां नूं अख्खों-परोखे कर के इह लाबी इस विच्च सुधार करन दी बजाइ इसदे ख़िआली बदल लभ्भण दीआं लुभाउणीआं खोजां दा परचार कर रही है जदों कि इनहां अटकल-पच्चू खोजां तों किते वध्ध असरदार इस खेतर दे ज़मीनी माहिरां दे तजरबे नूं वरतणा है। इस खेतर विच्च मोबाइल सैल्लां वांग हर छिमाही नवीआं खोजां संभव नहीं। साडीआं मूल लोड़ां साडे सरीर निआईं हन जदों कि तकनालोजीआं कप्पड़िआं दी निआईं हन। सरीर नूं रिशट-पुशट रख्खण ते अते फैशन करन विच्च बहुत फरक है। इक्क होर बहुत कोझी चाल तों बचण दी बहुत लोड़ है कि डिजिटल तकनालोजी दे माहिर इस खेतर दीआं समस्सिआवां हल्ल करन दी आड़ विच्च इस उत्ते नकली बुध्धी (आरटीफीशीअल इंटैलीजैंस) दा ग़लबा पाउण दे जतनां विच्च लग्गे होए हन अते सानूं असलीअत तों दूर कर रहे हन। इसदे उलट खेती इक्क ज़मीनी कित्ता है जो सभ इनसानां अते पालतू प्राणीआं नूं कंम करन लई ऊरजा परदान कराउण दा परमुख्ख साधन है। असीं असलीअत प्रती जागरूक हो के चंगे-मंदे दी पछाण कर के सुहिरद गरुप्प दे हत्थ मज़बूत कर सकदे हां अते खेती दा ‘उत्तम’ रुतबा बहाल करन विच्च योगदान पा सकदे हां।