साडे पिंडां वल्ल 1947 दे साल नूं रौलिआं वाला साल कहिंदे हन। आज़ादी दा साल उनहां दे मूंह नहीं चहड़िआ। कई हल्लिआं गुल्लिआं ते वढ्ढ-टुक्क दे दिन वी कहि दिंदे हन। मैं उदों सत्तां सालां दा सां ते दूजी विच्च पहड़दा सां। मिरासीआं ते जुलाहिआं दे मुंडे मेरे पहिले आड़ी सन जो जलूस समें शबद गाइआ करदे सन-उच्चा दर बाबे नानक दा … आ गिआ जी बाबा वैद रोगीआं दा …। असीं रेते दे घर बणाउंदे ते बेरीआं दे बेर चुगदे। कई वार खेडदिआं नूं रात पै जांदी। उदों नहीं सी पता कि मेरे आड़ीआं नूं अचानक आपणे वसदे घरां `चों उज्जड़ना पवेगा ते साडा सदीवी विछोड़ा पै जावेगा।
जुलाहिआं दी हशमते ते मरासीआं दी दैहतां मेरीआं भूआं नाल साडे घर छोप कत्तिआ करदीआं सन। उह बातां पाउंदीआं ते गीत गाउंदीआं। फातां घुमिआरी कदे कदे साडे घर आउंदी जो मैनूं लाड लडाउंदी। उह दीवे, कुज्जे, घड़े, बठ्ठलीआं, बल्ल्हणीआं, चटूरे, काहड़नीआं, तौड़ीआं, चप्पण ते झावें वंडदी रहिंदी। उहनां बदले दाणे लै जांदी। नूंनहां ते शेरा साडे गुआंढी सन। मोचीआं दा घर नेड़े ई सी ते कोल ई तेलीआं दा कोहलू चलदा हुंदा सी। निआमत दीन दरज़ी तों मेरी भूआ कपड़े सीणा सिख्खदी सी। संढलां दा विहड़ा काफी खुल्ल्हा सी जिथे असीं खेडण चले जांदे। साडे पिंड `च वस्सदे मुसलमानां दीआं कुझ्झ इहो जिहीआं यादां हन जो मैनूं हुण वी याद आ रहीआं हन। बच्चा सां इस लई मुसलमानां ते सिख्खां दे फरक दा कोई पता नहीं सी। नाले बच्चिआं नूं की पता हुंदै कि धरम बंदिआं नूं किवें वंड दिंदै? मैं तां हुण वी समझदां कि धरम दे नां `ते शैतान बंदे ही लोकां नूं आपस विच्च लड़ाउंदे ते मरवाउंदे नें। धरम नूं माड़े बंदिआं नें ही बदनाम कीतै।
इक दिन असीं गुरूघर दे सकूल विच्च पहड़ रहे सां कि इक्क बंदे नें भज्जे आउंदिआं ख़बर दित्ती बई मसीत `च बंब चल्ल गिआ। सानूं सारिआं नूं इक्क कमरे विच्च `कठ्ठे कर लिआ गिआ। मासटर बूहे विच्च खहड़े सन ते सानूं चुप्प चाप बैठे रहिण लई कहि रहे सन। असीं डरे होए सां ते कुसक नहीं सां रहे। बाहर भज्जे जांदे बंदिआं दा बोल बुलारा सुण रिहा सी। ‘मरगे मारते’ दीआं आवाज़ां आ रहीआं सन। मासटर सानूं हौंसला दे रहे सन, “डरो नां पर चुप्प रहो।”
उह द्रिश मैनूं अज्ज वी साफ विखाई दिंदा है। साडे सकूल विच्च मुसलमानां दे बच्चे वी पहड़दे सन। फिर विदिआरथीआं दे मापे आउंदे गए ते बच्चिआं नूं सकूलों घर लै जांदे रहे। घर जा के गल्लां सुणीआं कि बाहरों आए लुटेरिआं नें मसीत विच्च बैठे मुसलमानां `ते बंब सुट्टिआ सी ते उनहां नूं लुट्टिआ मारिआ सी। साडे घर दे इस नूं बड़ा माड़ा कारा आख रहे सन। उनहां दी हमदरदी लुट्टे मारे गिआं नाल सी। उस तों बाअद साडे मुसलमान गुआंढी आपणे बलद साडे घर बंनहण लग्ग पए कि कोई लुटेरा नां खोल्ह के लै जावे। साडे घर नूं उह सुरख्खिअत समझदे सन। इहदा वी कारन सी। इक्क तां साडे बाबे रब्ब दा नां लैण वाले बंदे सन ते दूजा साडे बापू होरीं अजे पाकिसतान विच्च ही फसे होए सन। सानूं साडे बापू ते बाकी दिआं दा फिकर सी बई उहनां नाल की बीतदी होऊ? बेबे ते अंमां बिंदे झट्टे डुसक पैंदीआं। बाबे होरीं सच्चे पातशाह अग्गे अरदासां करदे। बापू होरां दी कितों सोअ नहीं सी आ रही। की पता उह जिऊंदे सन जां …।
साडे बाबे खेती दा कंम करन नूं तकड़े सन। उह हर साल घुमां दो घुमां ज़मीन गहिणे लै लैंदे। सौ डूढ सौ नूं गहिणे लै के कहिंदे, “लै हुण पुत्त पोते वी नी छुडा सकदे।” मंदे भाअ सन। मण कणक दा भाअ दो ढाई रुपए सी। मक्की नाल भरे गड्डे दे मसां वीह पच्ची रुपए वट्टे जांदे। उदों ज़मीनां बैअ घट्ट ही हुंदीआं सन ते जट्ट अड़े थुड़े इक्क अध्धा खेत गहिणे कर दिंदे सन। जदों दूजी विशव जंग लग्गी तां जिणसां दे भाअ इक्क दम वध गए। कणक दा गड्डा सौ रुपए तों वी वध्ध वटाउण लग्गा। जिनहां दीआं ज़मीनां गहिणे सन उनहां नें पैसे मोड़ के ज़मीनां छुडा लईआं। साडे बाबिआं कोलों वी गहिणे लईआं ज़मीनां छुट्ट गईआं। जिहड़े पैसे उनहां नूं वापस मिले उहनां नाल उनहां नें रिआसत बहावलपुर विच्च ज़मीन जा खरीदी। फिर साडी खेती दोहीं थाईं होण लग्गी।
साडा बापू जी अस्सी साल दे करीब जीवे। उह पाकिसतान तों उजड़न दी आपणी हड्ड बीती सानूं ते होरनां नूं वार वार सुणाउंदे रहे। मरन तों कुझ्झ दिन पहिलां वी उनहां नें आपणी उही विथिआ कैनेडा विच्च मेरे मरहूम मित्तर बंत सिंघ सिध्धू नूं सुणाई सी। इह गल्ल बंत नें आपणे मरन तों कुझ्झ दिन पहिलां ही मैनूं दस्सी सी। साडे पिता दा दिहांत कैलीफोरनीआ विच्च साडे छोटे भरा भजन सिंघ कोल होइआ सी। बुढ्ढेवारे उनहां नूं अमरीका ते कैनेडा जाण दा मौका मिलिआ सी। इह समझ लओ कि मौत नें ही उनहां नूं अमरीका बुलाइआ सी। जदों उनहां तों कोई पुराणी गल्ल पुछ्छदा तां उह पाकिसतान `चों उज्जड़ के आउण दीआं गल्लां ही सुणाउण लग्गदे।
साडे बाबिआं नें मेरे जनम तों तिंन चार साल बाअद बहावलपुर दी तहिसील चिशतीआं दे चक्क नंबर 10 ते 11 गिआरां विच्च ज़मीन खरीदी सी। उथे साडा बापू ते उनहां दे ताए दा पुत्त चाचा चंद सिंघ हाहड़ी साउणी जांदे। उह जगराओं तों रेल गड्डी चहड़दे जिहड़ी फिरोज़पुर फाज़िलका हुंदी होई उनहां नूं रिआसत बहावलपुर दे चक्कां तक लै जांदी। साडी मां दे कुछ्छड़ मेरा छोटा भरा दरशन सी जो 1945 विच्च जंमिआ सी। साडी मां वी कुछ्छड़ दे बाल नाल कुझ्झ समां चक्कां विच्च रही सी। मैं ते मेरा वड्डा भरा कदे बहावलपुर नहीं सां गए। असीं दादे दादीआं दे वड्डे सांझे परिवार विच्च ही रहे सां। 1947 विच्च जदों रौले गौले दीआं हवाईआं उडण लग्गीआं तां साडे बापू नें साडी मां नूं चाचे चंद सिंघ नाल पिंड भेज दित्ता। पिछ्छे उह इकल्ले रहि गए। `कल्ला बापू मझ्झ चो लैंदा, दुध्ध पी लैंदा ते बचदा डोलणे `च पा के दरख्खत दे टाहणे नाल टंग दिंदा। भुख्ख तेह उह दुध्ध नाल ही बुझाउंदे। इउं उह दुध्ध पी के दिन कट्टी करी गए ते रोटी टुक्क पकाउण दी खेचल तों बचे रहे।
उथे साडे सकिआं दीआं वी ज़मीनां सन। साडे बाबिआं दे ताए चाचे दे पुत्तर मघ्घर सिंघ ते करतार सिंघ सन। बाबा करतारा बड़ा रोहबदार बंदा सी। उह सवा छे फुट्टा जुआन सी। उह देसी पिसतौल डब्ब `च रख्खदा सी ते भलवानी वी करदा सी। बाबिआं नें सारी ज़मीन मघ्घर सिंघ दे नां लुआ के उस नूं नंबरदारी दुआई होई सी। उथे बहुती ज़मीन वाले नूं ही नंबरदारी मिलदी सी। होरनां दी ज़मीन नाल नंबरदारी तां मिल गई पर जदों उहदे बदले चहड़दे पंजाब विच्च ज़मीन अलाट होई तां उस नूं वड्डी कट्ट लग्गी ते उह शरीकां दी ज़मीन नां मोड़ सकिआ। उह नंबरदार सी अते बहुती ज़मीन दा मालक होण कारन खेती विच्च खचत रिहा ते आपणा टब्बर टीहर वी पिछ्छे नां भेज सकिआ। ओधर रौले गौले वधदे गए ते नौबत मरन मारन उते आ गई। मघ्घर सिंघ दे परिवार तों बिनां बाकी सभ नें बच्चे ते बुहड़ीआं पिछले पिंडां नूं भेज दित्ते सन। बंदे समझदे सन कि असीं तां भज्ज के वी निकल जावांगे ते जे मरना ई पिआ तां बराबर मार के मरांगे।
दस गिआरां चक्क दे मुसलमान कहिंदे सन, “सरदारो जाओ नां, असीं तुहानूं कुझ्झ नहीं होण दिंदे।” पर इक्क दिन मसीत `च `कठ्ठे होए मुसलमानां नें बंदा भेज दित्ता कि पिंड दे सारे सिख्ख तुरत मसीत `च आउण। ओधर किसे भेती बंदे नें सूह दे दित्ती कि ओथे उह तुहानूं मुसलमान बणन लई कहिणगे। जिहड़े बण जाणगे बच जाणगे ते जिहड़े जवाब देणगे मारे जाणगे। मघ्घर सिंघ दे परिवार नूं तां मसीत `च जाणा ई पैणा सी किउंकि छोटे छोटे बाल बच्चे सन पर साडा बापू, बाबा करतारा ते बाबे मघ्घर सिंघ दा इको इक्क जुआन पुत्तर चाचा जगीर सिंघ नाबर हो गए। उनहां नें बरछे चुक्क लए ते मरन मारन दी ठाण लई। कुझ्झ कपड़े ते खाणा दाणा लै के उह पिंडों निकल पए। बाबा मघ्घर सिंघ मसीत विच्च चला गिआ ते ईन मंन के बच्चिआं नूं बचा गिआ।
बापू होरीं समझदे सन कि उह रात नूं सफ़र कर के राजसथान पुज्ज जाणगे ते फिर पिंड अप्पड़ जाणगे। पर इह एना सौखा सफ़र नहीं सी। पिंडों निकलदिआं ही उहनां दे मगर वाहर लग्ग गई। तिंने जणे भज्ज के इक्क झिड़ी विच्च जा लुके। झिड़ी नूं वाहर नें घेरा पा लिआ। बाबा करतारा जिहड़ा हर वेले डब्ब `च हथिआर रख्खदा सी उद्दण उस दा देसी पिसतौल कोई होर लै गिआ होइआ सी ते उह वी खाली हत्थ सी। तिंनां कोल सिरफ बरछे ही सन। पर वाहर नूं डर सी कि करतारे भलवान कोल पिसतौल होवेगा। उह नेड़े नहीं सन लग्ग रहे पर घेरा पाइआ होइआ सी ते `वाज़ां दे रहे सन कि बाहां खहड़ीआं कर के बाहर आ जाओ, असीं कुझ्झ नहीं कहिंदे। साडे बापू होरीं इक्क अजिहे रुख्ख दे हेठां लुके बैठे सन जीहदीआं टाहणीआं झुक के धरती नाल लग्गीआं होईआं सन। उह घेरा पाउण वालिआं नूं नहीं सन दिसदे। बरछे उनहां दे कोल सन। उनहां नें मित्थ लिआ सी कि मुसले उनहां `ते आ ही चहड़े तां उह फलाणे फलाणे मोहरी नूं पहिलां पैणगे। इस नाल वाहर `च भगदड़ मच्च जावेगी ते उह भज्ज जाणगे।
दिन छिपिआ तां वाहर नूं वापस मुड़ना पिआ। उतों `नहेरी रात सी। बापू होरीं झिड़ी `चों बाहर निकले ते तारिआं दी सेध लै के राजसथान वल्ल नूं चल्ल पए। खाण पीण दा समान ते कपड़े उनहां दे वाहर मूहरे भज्जदिआं डिग्ग पए सन। चाचा जगीर सिंघ कुझ्झ कमज़ोरा सी ते तुरदिआं पिछ्छे रहि जांदा सी। बाबा करतारा उहनूं डांटदा, “ओदों दुध्ध नी सी पींदा हुंदा, हुण मर `गांह।” उह भज्ज के नाल रलदा। रातो रात उनहां नें वीह पच्ची कोह सफ़र कीता होवेगा। पहुफुटाले नाल उनहां नूं लग्गा जिवें उह राजसथान दी हद्द दे नेड़े पहुंच गए होण। उनहां नें जंगल पाणी निकले इक्क बंदे तों लागले पिंड दा नां पुछ्छिआ। नां सुण के उह हैरान रहि गए कि उह तां दूजे पासे मुड़ गए सन ते हद्द तों होर वी दूर चले गए सन। असल विच्च जिस तारे दी सेध विच्च उह चल्ले सन उह वी घुंमदा रिहा सी ते बापू होरां नूं उनहां दे चक्कां तों वी परहां लै गिआ सी।
दिन दा चानण ख़तरे तों खाली नहीं सी। भुख्ख वी लग्गी होई सी ते अनींदरा वी हो गिआ सी। साउण भादों दे दिन सन। उहनां नें हिंमत कर के खेतां विच्च हालीआं कोल आई रोटी जा मंगी। इक्क हाली नें बाबे करतारे नूं पछाण लिआ बई इह तां दस चक्क वाला भलवान ऐ। उह पुछ्छण लग्गा, “भलवानां एधर किसे छिंझ `ते आए सी?” असली गल्ल बाबे नें वी नां दस्सी पर गल्लीं बातीं पिंडां दा राह पुछ्छ लिआ। सारा दिन कमादां `च लुक के कट्टिआ ते रात नूं फिर चाले पा दित्ते। उह पिंडां `च नहीं सन वड़दे। पहु फुट्टी तां उनहां नूं दिसिआ कि उह तां ओडां दे डेरे कोलों लंघ रहे सन। किसमत चंगी सी कि ओडां दे कुत्ते नहीं सन मगर पए। पै जांदे तां ओडां नें जाग पैणा सी ते सिख्ख वेख के पता नहीं की करदे? पासा वट्ट के उह फिर उजाड़ `च जा लुके।
इक रात पुल `ते पहिरा वेख के बापू होरीं पिछ्छे हट गए ते नहिर तर के लंघे। फिर वी पहिरे वालिआं नूं पता लग्ग गिआ ते उह उनहां दे सिर `ते आ चहड़े। बापू ते बाबा मूहरे भज्ज पए ते चाचा पिछ्छे रहि गिआ। पर हत्थ कोई नां आइआ। बापू होरीं कमादां `च जा लुके ते चाचा पिंड `च घिर के इक्क घर दी खुरली `च जा पिआ। पहिरे वालिआं नें पिंड नूं जगा लिआ होइआ सी। लालटैणां नाल लुकिआं दी भाल हुंदी रही पर रात दे हनहेरे विच्च कोई लभ्भ नां सकिआ। ओधर बाबे ते बापू नूं चाचे दे पिछ्छे रहि जाण दी चिंता सी। चाचे जगीर सिंघ दी खुरली `च पिआं अख्ख लग्ग गई सी। घर दे मालक नें बाहर लभ्भदे लभाउंदिआं खुरली `च पिआ बंदा वेखिआ तां हत्थ `च फड़िआ डंडा उहदे मार बैठा। चाचा त्रभ्भक के उठिआ। खुरली दे नाल ही फहुड़ा पिआ सी जो उस दे हत्थ आ गिआ। उही उस नें घुका के घर वाले दे सिर `च मारिआ जिस नाल ‘मर गिआ’ ‘मर गिआ’ दा रौला पै गिआ। चाचा सणे फहुड़े कंध टप्प के बाहर आ डिग्गा ते भज्ज नठ्ठ के बच गिआ। बरछा उहदा खुरली `च ई पिआ रहि गिआ।
बाबे ते बापू नें अंदाज़ा लाइआ कि चाचे दी पिंड वालिआं नाल टक्कर हो गई है ते चाचा बच गिआ लग्गदा है। जे मारिआ जांदा तां रौला ‘मार लिआ’ ‘मार लिआ’ दा पैंदा पर ‘मर गिआ’ ‘मर गिआ’ होण तों लग्गदै कोई उहनां दा बंदा ई मरिऐ ते आपणा बंदा बच गिऐ।
बाबा करतारा ते चाचा जगीर पैड़ कढ्ढणी जाणदे सन पर मुसीबत इह सी कि पैड़ दिन दे चानण विच्च ही कढ्ढी जा सकदी सी। दिने उनहां नूं लुकणा पैंदा सी ते रात नूं सफ़र करदे सी। उथों दे निख्खड़े फिर उह कई दिन नहीं मिल सके। पर चाचा फिर वी पैड़ नप्पी आइआ। इक्क वार उस नूं टिब्बे `ते दिन चहड़ गिआ। सारा दिन उह टिब्बे `च टोआ पुट्ट के भुख्खा तिहाइआ लुकिआ रिहा। उह जिथे घिर जांदा जां ख़तरा वेखदा उथे ही जान बचाउण लई अखंड पाठ सुख्ख लैंदा। कहिंदा, “सच्चिआ पातशाह, ऐथों बचा लै, पिंड पहुंच के `खंड पाठ कराऊं!”
उस नें सुख्खे होए अखंड पाठां दा कोई हिसाब नां रख्खिआ। बाअद विच्च उस नें भुल्लां बखशा लईआं ते कोई अखंड पाठ नां कराइआ। साडे बापू नें वी इक्क अखंड पाठ सुख्ख लिआ सी जो उनहां नें पिंड पहुंच के करा दित्ता। उस पाठ दी रौल बाबे नें वी लाई ते मैं वी पंज ग्रंथी दा मौन पाठ कीता। बाबे करतारे नें इको अरदास कीती सी कि हे सच्चिआ पातशाह! जे बच गिआ तां मुकतसर दे गुरदुआरे सौ रुपिआ चहड़ाऊं जो उस नें जींदे जीअ आ चहड़ाइआ।
साडे बापू जी दस्सदे हुंदे सी कि इक्क दिन तिहाए मर रहे सां ते टिब्बी उहले लुके होए सां। उद्दण मसां जान बची सी। कई बंदिआं दा घेरा तोड़ के निकले सां। अचानक ओधर इज्जड़ आइआ जिस दे नाल इक्क गधी सी। गधी उते समान लद्दिआ होइआ सी। बाबे नें अनुमान लाइआ कि इस समान विच्च पाणी वी होवेगा। गधी नाल इक्क आजड़ी सी। तिहाए मरदिआं नें आजड़ी तों पाणी जा मंगिआ पर आजड़ी नें पाणी देण तों इनकार कर दित्ता। बाबे नें आपणे आप गधी `ते लद्दे समान `चों पाणी दी लोट कढ्ढ लई। पाणी पी के सुरत सिर होए ते लोट नाल ही लै के तुर पए पई राह विच्च कंम आवेगी। आजड़ी नें हाकां मार के आपणे बंदे `कठ्ठे कर लए ते बापू होरां मगर ला दित्ते। बापू होरीं पाणी पी के काइम हो गए सन। उनहां नें मगर लग्गी वाहर नूं ललकार के किहा कि असीं तां मरे होए ई आं, जिहड़ा अग्गे आइआ उहनूं नहीं छड्डदे। वाहर ठठंबर गई किउंकि बाबे दे हत्थ `च झोला फड़िआ होइआ सी ते उस नें डरावा दे दित्ता सी बई इहदे `च तुहाडे जोगा समान हैगा। इओं उह फोके फाइर नाल बच गए।
भज्जदिआं नस्सदिआं ते लुकदिआं छिपदिआं उनहां दीआं जुत्तीआं राहां विच्च लहि गईआं सन ते पैर कंडिआं नाल पुड़े पए सन। जान इक्क वार नहीं कई वार ख़तरे `च पई सी। इक्क दो थाईं मुठभेड़ां वी होईआं पर कोई वड्डा ज़ख़म नां आइआ। उनहां दे खाली हथिआर वाले झोले दा डर ते टाकरे दी सूरत विच्च बरछे उनहां नूं बचाई आए। रोटी उनहां नूं मंग के वी खाणी पई ते खोह के वी खाधी। उंज तां उनहां नें इको रात विच्च राजसथान पुज्ज जाणा सी पर तारिआं दी सही सेध दे जाणूं नां होण कारन रिआसत बहावलपुर दे पिंडां विच्च ई गेड़े खांदे रहे ते कई दिनां पिछ्छों राजसथान दी हद्द दे हिंदू पिंड `च पुज्जे। उथे उह इक्क राजपूत दे घर जा के नातहे धोते ते रज्ज के रोटी खाधी। उनहां दी वड्डी चिंता सी कि चाचा जगीर पिछ्छे रहि गिआ सी। मघ्घर सिंघ दा वी कोई पता नहीं सी कि उहदे नाल की भाणा वरतिआ सी?
रोटी टुक्क खा के उह पिंडों मील कु दूर ही गए होणगे कि पिछ्छों बोती भजाउंदा इक्क बंदा आ मिलिआ। उस नें दस्सिआ कि इक्क सिख्ख होर राजपूत दे घर आइआ है। बाबे होरां नूं शक्क पिआ कि कोई चाल ई नां होवे ते उनहां नूं कोई लुट्टण मारन नूं नां धारी बैठा होवे। पर इह सोच के कि अगलिआं दा अंन पाणी छकिआ है, चलो चल्ल के वेख ई लैने आं। राजपूत दे घर गए तां उथे चाचा जगीर सिंघ बैठा सी। बरछे दी थां हुण फहुड़ा उहदे कोल सी। बाबे करतारे नें सच्चे पातशाह दा शुकर कीता कि उहदे वड्डे भरा दी इक्क निशानी तां बच गई है नहीं तां उस नें किसे नूं मूंह विखाउण जोगा नहीं सी रहिणा। शरीकां नें इहो कहिणा सी कि दोवें वड्डे आपणी जान बचा के भज्ज आए ते मुंडे नूं मुसलमानां दे रहिम `ते छड्ड आए।
तिंनां नें हिंदू मल्ल कोट तों रेल गड्डी फड़ी ते बठिंडे बरनाले विच्च दी हुंदे होए राएकोट आ गए। उथों उनहां नें पिंड सुनेहा भेजिआ कि असीं बच के आ गए आं। मैनूं उह भिज्जी होई शाम याद है। सत्तां सालां दा जु सां। साडे घर दे जीआं दीआं अख्खां विच्च ख़ुशी दे हंझू सन। सके सोधरे किरपानां ते बरछिआं नाल लैस होए बापू होरां नूं पिंड लिआउण लई तिआर खहड़े सन। इक्क बंदूकीआ वी नाल सी। उहनां दिनां `च ठाह ठाह हुंदी रहिंदी सी। लोक पठ्ठे लैण गए वी बरछे नाल लै के जांदे सन। पूरा जथा राएकोट नूं चला गिआ ते सवेरे बापू होरां नूं जलूस दी शकल विच्च लै के मुड़िआ।
अजे साडे पिंडों सारे मुसलमान नहीं सन निकले। टावें टावें कैंपां `च जा रहे सन ते काफ़लिआं संग रल रहे सन। पिंड दा मोहतबर मुसलमान सूबेदार माघी खां घोड़े `ते चहड़िआ अखाड़े नेड़े नहिर दे पुल उते मार दित्ता गिआ सी। हठूर `च अग्गां लग्गीआं होईआं सन। रातां नूं गोलीआं दी फाइरिंग होई जांदी। पिंडां विच्च मुसलमानां दे मारे जाण दीआं ख़बरां आउंदीआं। कुझ्झ दिन पहिलां बाहरों आए लुटेरिआं नें मसीत विच्च बंब चला दित्ता सी ते कुझ्झ मुसलमानां दे घर लुट्ट लए सन। साडा सकूल जाणा बंद हो गिआ सी। पर साडे गुआंढी मुसलमान अजे आपणे घरां `च बैठे सन। उह आपणे बलद लुटेरिआ तों बचाउण लई अजे वी साडे घर ही बंनह रहे सन। साडे घर नूं उह सुरख्खिअत किला समझ रहे सन।
जिद्दण बापू होरीं पिंड परते धुप्पां चहड़ रहीआं सन। पिंड दे चुल्ल्हिआं `च अग्गां बल रहीआं ते हारिआं `चों धूंआं उठ्ठ रिहा सी। बापू होरां नें दलाण दा बूहा लंघिआ तां घर दे भाग मुड़ जाग पए। खुल्ल्हे विहड़े `च मंजे डाहे जा रहे सन ते चाह दुध्ध दा भंडारा वरत रिहा सी। पिंड दे लोक आई जांदे, हाल चाल पुछ्छदे ते थोहड़ा बहुता चिर बैठ के मुड़ जांदे। बापू होरां दीआं अख्खां अनींदरे नाल लाल सन ते उह लिस्से मांदे दिस्स रहे सन। पिंड दा राजा नहेरने नाल उनहां दे नहुं कट्टदा ते पैरां `चों कंडे कढ्ढ रिहा सी। विहड़ा बंदिआं नाल भरिआ पिआ सी। जिनहां नूं मंजिआं `ते बहिण दी थां नहीं सी मिली उह खुरलीआं `ते बैठे सन। एने बंदे अग्गे कदे साडे घर `कठ्ठे नहीं सन होए। उह द्रिश अज्ज वी मेरीआं अख्खां अग्गे उवें ही है। कदे बाबा करतार सिओं हड्डबीती सुणाउण लग्गदा, कदे बापू जी ते कदे चाचा जगीर सिंघ। लोक शुकर शुकर करी जांदे कि मौत दे मूंह `चों बच के आ गए।
ओधर पिंड `च बचे बैठे मुसलमानां नूं फिकर पै गिआ कि हुण उहनां तों वी बदला लिआ जावेगा। उहनां `चों कुझ्झ इक्क डरदे मारे बापू होरां दी सुख्ख सांद पुछ्छण आए तां बाबे करतारे नें उनहां नूं कहि दित्ता कि साडा तुहाडा कोई वैर नहीं। तुसीं निशचिंत रहो। असीं बच के आ गए आं ते हुण किसे नूं तुहाडी `वा वल्ल वी नहीं झाकण देवांगे। आपां ओवें ई रहांगे जिवें पहिलां रहिंदे रहे आं। सानूं पतै कि उज्जड़ना किंना औखै। असीं जींदे जीअ तुहानूं उज्जड़न नहीं देवांगे।

अजे दो कु दिन ही बीते सन। बाबा, बापू ते चाचा वड्डे दलाण दी नुक्कर वाली बैठक विच्च पए सन। उनहां दीआं नींदां वी पूरीआं नहीं सन होईआं ते थकेवें वी नहीं सन लत्थे। दुपहिर दा वेला सी। मैं वी बैठक विच्च ई खेड रिहा सां। किसे नें आ के दस्सिआ कि लुटेरे साडे गुआंढी मुसलमानां नूं आण पए हन। बाबे करतारे नें पता नहीं किथों पिसतौल कढ्ढिआ, मेरे साहमणे ई उहदे `च काले रंग दे रौंद पाए ते रोह नाल बाहर निकलिआ। उहदा कद्द बैठक दे बूहे जिड्डा सी। बापू ते चाचा वी बरछे लै के निकल पए। पिंड दे लोक बाहरों आए लुटेरिआं तों डरदे सहिमे खहड़े सन। मुसलमान भरावां दे चिहरिआं तों हवाईआं उड रहीआं सन। उनहां दा समान लुट्टिआ जा रिहा सी ते कोई पता नहीं सी कि मौत वी नाल ही आ रही होवे। उह बलद खोल्हे जा रहे सन जिहड़े साडे घर बझ्झदे रहे सन। टरंक ते संदूक बाहर कढ्ढे जा रहे सन। लोक बीहीआं विच्च खहड़े ते छत्तां `ते चहड़े उजाड़ा वेख रहे सन।
बाबा करतारा बीही विच्च आइआ। उस दीआं अख्खां `चों चंगिआड़े निकल रहे सन ते जुस्सा सेक मार रिहा सी। उस नें सज्जे हत्थ नाल पिसतौल उच्चा कीता ते लुटेरिआं नूं ललकारिआ कि बंदे दे पुत्त ओं तां जिथों समान चुक्किआ ओथे रख्खो नहीं तां गोली आई समझो। चुफेरे सन्नाटा छा गिआ सी। बनेरिआं तों झुक के वेखदे बंदे पिछ्छे हट गए सन मतां गोली ओधर ई आ जावे। लुटेरिआं दे पैर नहीं हुंदे। उह समान छड्ड के भज्ज निकले। मुसलमानां दे मसां जान विच्च जान आई।
लोक हैरान सन कि मुसलमानां तों जान बचा के आए करतारे होरीं मुसलमानां दे हेजले किवें हो गए? किवें जान तली `ते रख्ख के मुसलमानां दी राखी लई नित्तरे? बाबे करतारे ते बापू होरां नें एदूं वड्डी गल्ल इह कीती कि मुसलमानां दे घरां मूहरे आप पहिरा दित्ता। गल्ल जदों वस्सों बाहरी हो गई तां उनहां नूं भरे मनां नाल सणे समान सुख्खी सांदीं कैंपां विच्च पुचाइआ। असीं माण नाल कहि सकदे हां कि साडे बज़ुरगां नें उज्जड़ पुज्जड़ के वी नेकी दा राह नहीं सी छड्डिआ। उह लुट्टे पुट्टे जाण दे बावजूद लुट्ट दे राह नहीं सन पए। उह गुरू दे असली सिख्ख साबत होए सन। उनहां नें जान `ते खेड के सिख्खी निभाई सी। उनहां नें डर के धरम नहीं सी बदलिआ ते बदले विच्च दूजे धरम वालिआं दा वी कोई नुकसान नहीं सी होण दित्ता।
हल्ले गुल्ले ते लुट्ट मार दे दिनां विच्च जिहड़ी नेकी बाबे करतार सिंघ, बापू बाबू सिंघ ते चाचे जगीर सिंघ होरां नें बीजी शाइद उहदा ही फल होवे कि बाबा मघ्घर सिंघ वी कुझ्झ समें पिछ्छों सारे बाल बच्चिआं नाल पिंड पहुंच गिआ। उज्जड़ पुज्जड़ के आइआं दीआं जहड़ां भावें समां पा के फिर लग्ग गईआं पर मार धाड़ वाली देश वंड दी चीस बापू होरां दिलां विच्च अख़ीर तक पैंदी रही।