गुरबख़श सिंघ जंमिआं भावें पिशावर विच्च सी पर वज्जदा उह बंगाल दा है। बंगाल लई उह लगातार पंदरां वरहे हाकी खेडिआ। जिंना नामणा बंगाल विच्च जरनैल सिंघ पनामीए नें फुट्टबाल खेड के कमाइआ उना ही जस्स गुरबख़श सिंघ नें हाकी खेड के खट्टिआ। सठ्ठविआं विच्च उहदी गुड्डी सिख़र उत्ते सी ते कोई वी भारती हाकी टीम गुरबख़श सिंघ दी शमूलीअत तों बिनां मुकंमल नहीं सी समझी जांदी। उदों उह प्रिथीपाल सिंघ नाल हाकी दा दूजा फुल्ल बैक हुंदा सी। 1968 दीआं ओलंपिक खेडां समें उह ते प्रिथीपाल सिंघ जुड़वें कपतान सन।

हाकी दी खेड नाल जिंने पासिआं तों गुरबख़श सिंघ जुड़िआ आ रिहा है उने पासिआं तों शाइद ही कोई होर खिडारी जुड़िआ होवे। उह फारवरड वी खेडिआ, हाफ़ बैक वी ते फुल्ल बैक वी खेडिआ। भारती हाकी टीमां दा मैंबर बणन ते टीमां दीआं कपतानीआं करन पिछ्छों उह भारती हाकी टीमां दा कोच वी बणिआं ते मैनेजर वी रिहा। उहने कौमी ते कौमांतरी पध्धर `ते अंपाइर बण के मैच वी खिडाए। उह दो वार छे छे महीनिआं लई फरांस दी हाकी टीम नूं कोचिंग देण वी गिआ ते दिलचसप गल्ल है कि उहने पत्तरकार बण के मिउनिख़ दीआं ओलंपिक खेडां दे हाकी मैच कलकत्ते दे अख़बारां लई कवर कीते। जदों मैं 1981 विच्च बंबई दा विशव हाकी कप्प टूरनामैंट पंजाबी ट्रिबिऊन लई कवर करन गिआ तां उह सपोरटस वीक दा नुमाइंदा बण के आपणी टिप्पणीआं भेज रिहा सी।

बंबई विच्च उह कई फरंटां `ते कंम कर रिहा सी। कदे उह मैदान `च दिसदा, कदे खेड अधिकारीआं दीआं मीटिंगां विच, कदे कोचां नाल विचार वटांदरा कर रिहा हुंदा ते कदे कुमैंटरी बौकस विच्च विशेशग वजों बोलदा। कदे कंटीन `च हुंदा, कदे खिडरीआं दे रिहाइशी होटलां `च ते कदे उह साडे कोल प्रैस्स सैंटर विच्च ओकड़ू जिहा खहड़ा हुंदा। निठ्ठ के बैठां तां मैं उहनूं कदे वेखिआ ई नहीं सी। पल `च इथे पल `च उथे, ऐन उवें जिवें हाकी खेडदिआं हाकी दे गराऊंड विच्च घुंमदा हुंदा सी। पंदरां दिन मैं उहनूं पब्बां भार ई वेखिआ ते आपणे इक्क तबसरे विच्च लिखिआ, “गुरबख़श सिंघ इथे विआह `च नैण वांग फिरदा है।”

गुरबख़श सिंघ उंज देखणी पाखणी `च खिडारी नहीं लग्गदा। ऐनकां लाई उह किसे दफ़तर दा बाबू परतीत हुंदा है। कद्द तां वाहवा लंमा है पर जुस्सा इकहिरा जिहा ही है जिवें अमली होवे। उस दा कद्द पंज फुट्ट दस इंच है पर सरीरक वज़न चौहंट किलोगराम ही है। विरली जिही दाहड़ी है ते उह वी डोरी पा के कसी ते फिकसो नाल जमाई हुंदी है। उह अंदरों ते बाहरों शरधावान गुरसिख्ख है। जिंनी कामयाबी उस नूं मिली उस बारे उस दा इहो कहिणा हुंदा सी, “सभ वाहिगुरू दी किरपा।”

हाकी दी खेड विच्च उह उच्च कोटी दा शाइद इको इक्क खिडारी है जो हमेशां ऐनकां ला के खेडिआ होवे। शुरू शुरू विच्च असीं जदों उस नूं ऐनकां लई हाकी खेडदा वेखदे तां आपस विच्च गल्लां करदे, “जे बाल सिध्धी ऐनकां `ते वज्जे, फेर की होवे?” पर उहदे वीह सालां दे हाकी कैरीअर विच्च इक्क वार वी हाकी जां गेंद उहदीआं ऐनकां `च नहीं वज्जी।

गुरबख़श सिंघ दी गरदन पतली है ते उहदी घंडी गेंद वांग गेड़े खांदी दिस्सदी है। रंग कणकवंना है ते पग्ग दा बंनहेज भापिआं वाला। उह कसवीं टूटीदार पग्ग बंनहदा है। गल्ल बात दा लहिजा पोठोहारी है। उहदा जद्दी पिंड ज़िल्हा जिहलम विच्च मंगवाल सी। उहदे पिता स.करतार सिंघ फौज विच्च मेजर सन। जदों उह पिशावर विच्च ताइनात सन तां उथे 11 फरवरी 1936 नूं गुरबख़श सिंघ दा जनम होइआ सी। मेजर करतार सिंघ ख़ुद हाकी दे तकड़े खिडारी सन ते उह वी फुल्ल बैक खेडदे सन।

देश दी वंड पिछ्छों करतार सिंघ दे परिवार नूं लखनऊ आउणा पिआ जिथे गुरबख़श पहड़न लग्गा ते आपणे सकूल दी हाकी टीम विच्च चुणिआ गिआ। सकूल दी टीम `च उह कदे राईट इन ते कदे लैफट इन खेडदा सी। फिर इंदौर कालज विच्च पहड़न लग्गा ते आगरा यूनीवरसिटी वल्लों फुल्ल बैक खेडिआ। बी.ए.दा इमतिहान उस नें प्राईवेट विदिआरथी वजों पंजाब यूनीवरसिटी तों पास कीता। 1957 विच्च उह मोटर पारटस दा कंम सिख्खण लई कलकत्ते चला गिआ ते उथे विआह करवा के उथों दा ही हो गिआ। कलकत्ते उस नें पहिले अठ्ठ साल कसटम दी नौकरी कीती ते कसटम दी हाकी टीम बणाई। 1965 विच्च कसटम दी नौकरी छड्ड के आपणे सहुरिआं दा मोटर पारटस दा कारोबार संभाल लिआ। हुण उह सफल वपारी है ते आपणे बच्चिआं दे रिशते नाते निऊयारक तक बणाई बैठा है। उस दे चार धीआं हन ते इक्क पुत्तर है।

1959 विच्च अफरीका दे टूर लई भारती हाकी टीम दा कोचिंग कैंप लग्गा तां गुरबख़श सिंघ नूं सटैंड बाई रख्खिआ गिआ। रोम दीआं ओलंपिक खेडां लई उहदा दाअ नां लग्गा। उदों बंगाल दा ही कलाडीअस भारती टीम दा कपतान बणिआ। 1961 विच्च निऊज़ीलैंड दे टूर समें उह पहिली वार भारती हाकी टीम दा मैंबर बणिआं। 1962 विच्च उह अहिमदाबाद दा अंतरराशटरी हाकी टूरनामैंट खेडिआ। उदों उहदे नाल प्रिथीपाल सिंघ ते झमन लाल फुल्ल बैक सन। 1963 विच्च उह लिओंस दा अंतरराशटरी हाकी टूरनामैंट खेडण गिआ जिथे भारती टीम जेतू रही।

1964 विच्च टोकीओ दीआं ओलंपिक खेडां समें उह भारती टीम विच्च लैफट हाफ़ खेडिआ। प्रिथीपाल सिंघ नाल दूजा फुल्ल बैक धरम सिंघ सी। फाईनल मैच पाकिसतान दी टीम विरुध्ध खेडिआ गिआ जो भारती टीम नें 1-0 गोल नाल जित्तिआ। चार साल पहिलां रोम विच्च पाकिसतान दी टीम नें भारती टीम नूं 1-0 गोल नाल हराइआ सी।

उहनीं दिनीं भारत-पाकि हाकी मैचां विच्च जिहड़ा मुलक जित्त जांदा उह एनी ख़ुशी मनाउंदा जिवें जंग जित्त गिआ होवे।

टोकीओ विच्च गुरबख़श सिंघ होरां दी जित्त उते भारतवासी एने ख़ुश होए कि जेतू खिडारीआं लई वड्डे वड्डे इनाम ऐलाने गए। इह वख्खरी गल्ल है कि कई ऐलानां उते हुण तक अमल नहीं होइआ। पंजाब दे मुख्ख मंतरी स.परताप सिंघ कैरों नें जेतू खिडारीआं नूं चंडीगहड़ विच्च पलाट अलाट करन दा ऐलान कीता सी पर प्रिथीपाल सिंघ होरीं पलाट उडीकदे इस जहान तों कूच कर गए हन। उनहां दे परिवारां नूं हुण कीहने पलाट देणे हन? स.दरबारा सिंघ दी सरकार नें वी 1982 विच्च दिल्ली दीआं एशिआई खेडां दे जेतू पंजाबी खिडारीआं नूं लख्ख लख्ख रुपए दे इनाम देण दा ऐलान कीता सी जो अध्ध पचध्ध ही पूरा हो सकिआ। अकसर वेखिआ गिआ है कि मुख्ख मंतरी ते मंतरी ऐलान तां वड्डे वड्डे कर दिंदे हन पर अमल करना भुल्ल जांदे हन।

1966 विच्च बैंकाक दीआं एशिआई खेडां समें गुरबख़श सिंघ नूं भारती हाकी टीम दा मीत कपतान बणाइआ गिआ। इस टीम नें पहिली वार एशिआई खेडां दा गोलड मैडल जित्तिआ। इह टीम लगभग सारी ही सरदार खिडारीआं नाल लैस सी जिनहां दे जूड़िआं उते सफैद रुमाल सोंहदे सन। इस प्रापती उते भारत सरकार नें गुरबख़श सिंघ नूं देश दे सरवोतम खेड पुरसकार अरजन अवारड नाल सनमानित कीता।

1966 विच्च ही जरमनी दे शहिर हैमबरग विच्च हाकी दा कौमांतरी टूरनामैंट होइआ। गुरबख़श सिंघ नूं उस लई भारती हाकी टीम दा कपतान बणाइआ गिआ। उसे साल जपान दे टूर समें वी भारती हाकी टीम दी अगवाई गुरबख़श सिंघ नूं ही सौंपी गई। फिर स्रीलंका दे टूर वेले वी उह कपतान बणिआं। 1967 विच्च उह लंडन दा प्री ओलंपिक हाकी टूरनामैंट खेडिआ।

 

1968 विच्च मैकसीको दीआं ओलंपिक खेडां समें सथिती अजिही बणी कि दो सीनीअर खिडारीआं प्रिथीपाल सिंघ ते गुरबख़श सिंघ दोहां नूं भारती हाकी टीम दे जाइंट कपतान बणाउणा पिआ। अजिहा पहिली वार होइआ। गल्ल विचों इह सी कि दोवें खिडारी मैरिट पख्खों ओलंपिक खेडां दी कपतानी करन दे हक्कदार सन पर उमर पख्खों अगली ओलंपिकस खेड सकणा दोहां लई ही मुशकल सी। सो दोहां नूं ही कपतान बणा दित्ता गिआ ते टीम मसीं तांबे दा तमग़ा जित्त सकी।

मैकसीको खेड के गुरबख़श सिंघ कौमांतरी हाकी तों रिटाइर हो गिआ पर कौमी पध्धर `ते बंगाल वल्लों 1972 तक खेडदा रिहा। बंगाल विच्च उह कसटमज़, मोहन बागान ते ईसट बंगाल कलब्बां दीआं टीमां दा मैंबर रिहा। 1973 विच्च उहनूं भारती हाकी टीम दी चोण कमेटी दा मैंबर बणाइआ गिआ ते टीम दी मैनेजरी वी सौंपी गई। 1974 ते 75 विच्च उह छे छे महीनिआं लई फरांस दी कौमी टीम नूं कोचिंग देण जांदा रिहा।

1976 विच्च मांटरीअल दीआं ओलंपिक खेडां समें उह भारती टीम दा कोच सी। 1980 तों 84 तक उह फेर भारती हाकी टीम दी चोण कमेटी दा मैंबर रिहा। 1983 विच्च उह कराची दी चैंपीअनज़ टराफी समें फिर भारती टीम दा मैनेजर सी। 1973 विच्च उह नैशनल अंपाइर बणिआं सी ते 1981 विच्च इंटरनैशनल अंपाइर बण गिआ सी। 1982 दीआं एशिआई खेडां समें उस नें कई मैच खिडाए।

इक वार असीं दिल्ली दे नहिरू हाकी टूरनामैंट उते `कठ्ठे होए तां पंजाब पुलिस दा मैच दख्खण वल्ल दी किसे टीम नाल चल्ल रिहा सी। पंजाबी हाकी खिडारीआं दे ढिल्ले पै जाण `ते उस नें दिली दुख्ख परगट कीता। उस नें किहा, “साडे नवें मुंडिआं दी खेड विच्च उह जान नहीं रही जिहड़ी होणी चाहीदी ए। इहनां `चों वधेरे नशिआं वल्ल पै गए नें। साडे वेले पंजाबी खिडारी मुलक दी हरेक टीम विच्च सन। पंजाब हाकी दा घर ए ते उथों होर चंगे खिडारी उठ्ठणे चाहीदे नें।”

मैं पुछ्छिआ, “की साडे खिडारी ही मांदे पै गए नें जां होर दुनीआं तकड़ी हो गई ऐ?” गुरबख़श सिंघ नें आखिआ, “इह ठीक ए कि दूजे मुलकां दे खिडारी हाकी खेडण `च पहिलां नालों वधेरे माहिर हो गए नें पर साडे खिडारीआं नूं वी बदलदे समें नाल आपणी टैकनीक `च सुधार लिआउंदे रहिणा चाहीदै। साडे मुंडे हालां वी गरास हाकी खेडदे नें ते ऐसटरो टरफ दी टैकनीक नूं नहीं अपना रहे। इहो वज़ा ए कि इंटरनैशनल मैचां `च हार खांदे नें।”

मैं बच्चिआं नूं कोई संदेश देण लई किहा तां उस नें आखिआ, “बच्चिआं नूं खेडां शिद्दत नाल अपनाउणीआं चाहीदीआं नें। खेडां दी लगन विदिआरथी जीवन विच्च ई लग्गे तद ही चंगे नतीजे निकल सकदे नें। किसे वी खेड `च माहिर होण लई लगन ते सिरड़ दी लोड़ ए। जीहदे विच्च लगन ते सिरड़ ऐ उह ज़रूर कुझ्झ नां कुझ्झ कर के ई दम लवेगा।”

मैं पुछ्छिआ, “तुहानूं अकसर ही हाकी टूरनामैंटां उते तुरे फिरदे वेखीदा। पिछ्छे तुहाडा कारोबार किवें चल्लदै। बिज़नस सफर नहीं करदा?”

गुरबख़श सिंघ नें मुसकराउंदिआं किहा, “बिज़नस तां ज़रूर सफर करदा पर तुहानूं पता ई ए पई इक्क वार जिहड़ा झस्स बंदे नूं पै जाए उह मरदे दम तक छुट्टदा वी ते नहीं। इह हाकी वाला शौक तां हुण उमर भर ई रहेगा भावें किंने घाटे पई जाण।”