बुधीआ सिंघ पंज छे साल दा है ते फौजा सिंघ चुरंनवें पचंनवें सालां दा। बुधीआ सत्त घंटे दो मिंटां विच्च पैंटह किलोमीटर दौड़िआ ते फौजा सिंघ नें 42.2 किलोमीटर दी मैराथन पंज घंटे चाली मिंटां `च लाई है। उमर दे हिसाब दोहां नें विशव रिकारड रख्खे हन। उह ख़बरां विच्च नां हुंदे ते नां रिकारडां दीआं किताबां उते, जे बुधीआ बालकां वांग शरारतां करी जांदा ते फौजा सिंघ बिरधां वांग मंजे `ते पिआ रहिंदा। फिर उनहां नूं किसे नें पुछ्छणा नहीं सी। मशहूरी उनहां दी काहदी हुंदी? उह साधारन बालकां ते बुढ्ढिआं दी भीड़ विच्च रले रहिंदे ते उनहां दी कोई वख्खरी पछाण नां बणदी। उनहां दी पछाण बणाई है लंमीआं दौड़ां नें जो उह जानां हूल के दौड़े। उनहां नें उह क्रिशमा कर विखाइआ कि कंपनीआं उनहां दी मशहूरी नाल आपणे माल दी मशहूरी करन लग्गीआं हन। फौजा सिंघ दी ऐड लग्ग गई है ते लग्गदै बुधीए दी वी लग्गेगी।

खेडां दा समान बणाउण वाली कंपनी ऐडीदास नें मैराथन दौड़न लई बणाए बूटां दा नां फौजा सिंघ रख्ख दित्ता है। इक्क बूट उते ‘फौजा’ लिखिआ है ते दूजे उते ‘सिंघ’। वैसे उहदे नां नाल अलसी दीआं पिंनीआं बड़ीआं वेचीआं जा सकदीआं किउंकि उह सच्चीं मुच्चीं अलसी दी पिंनी खांदा ते अदरक दी तरी पींदा है। मैनूं लग्गदै कि इह गुर किसे देसी वपारी नें ज़रूर वरत लैणै। ज़ोर फौजा सिंघ दा लग्गेगा पर पिंनीआं उस वपारी दीआं विकणगीआं। बच्चिआं दे सीरीअल ते साफट डरिंक वेचण वाले बुधीआ सिंघ दे चब्बे दाणे ते पीती लस्सी वेच सकदे हन। उह परचार कर सकदे नें कि इनहां दे खाण पीण नाल ताकत वधदी, दम पक्कदा ते सरीर दी हंढणसारी होर तकड़ी हुंदी है। बुधीआ सिंघ नूं वेख लओ इहो कुझ्झ खा पी के पैहंट किलोमीटर दौड़िआ! जिवें ऐडीदास वाले कहिंदे नें कि उहनां दे बणाए दौड़न वाले बूट पा के वेखो बुढ्ढा फौजा सिंघ वी उडिआ जांदै! !

बुधीआ सिंघ दी लंमी दौड़ नें मीडीए दा धिआन वड्डी पध्धर उते खिि्िचआ है। जदों वी कोई जान जोखों वाला अदभुत्त कारनामा कर विखाउंदा है तां उह लोकां दा धिआन खिच्च ही लैंदा है। माऊंट ऐवरैस्सट उते चहड़न वाले वी खिच्चदे रहे नें ते चंद उते चहड़न वाले वी। सरकस दे उही शोअ बहुते लोक वेखदे नें जिनहां विच्च वधेरे जान जोखों वाले करतब विखाए जांदे नें। पंजाब दे पिंडां विच्च पैंदीआं बाज़ीआं समें सूली दी छाल सभ तों वध्ध खिच्चपाऊ सी किउंकि उस छाल `च बाज़ीगर दी जान दा जोखम सी। कई पिंडां वाले बाज़ीगर नूं इह छाल नहीं सन लाउण दिंदे ते पटड़ी उते खहड़े नूं ही कैंठा इनाम दे के भुंजे उतार लैंदे सन। पर इंज करन नाल उहदी उह पैहंठ नहीं सी बझ्झदी जिहड़ी सूली दी छाल ला के बड़्ड़दी सी। बाज़ीगरां जिद्द करदे सन कि असीं बाज़ीगर काहदे होए जे सूली दी छाल ला के नां विखाई? असली खिच्च ही ख़तरे भरे अनोखे करतब दी हुंदी है।

आओ पहिलां फौजा सिंघ दीआं दौड़ां दी गल्ल करीए ते फिर बुधीआ सिंघ दी करांगे। फौजा सिंघ नूं मैं लंडन, बरमिंघम, टोरांटो ते वैनकूवर विच्च मिल चुक्कां ते उहदीआं कई गल्लां नोट कीतीआं हन। वेखण नूं उह अजिहा नहीं लग्गदा कि लगातार छब्बी मील दौड़ सकदा होवेगा। माड़ूआ जिहा बुढड़ा है उह। लत्तां उहदीआं डंडिआं वरगीआं हन। पिंड विच्च उनहां दे परिवार दी अल्ल ई ‘डंडे’ पई होई है। मैं उस बारे लंमा लेख लिख चुक्कां जो मेरी पुसतक ‘खेड मेले वेखदिआं’ विच्च शामल है। उस विचला इक्क पैरा है:

-उह कमाल दी शैअ है। इक्क अजूबा, कुदरत दा क्रिशमा ते बंदे दे बुलंद जेरे दी जिऊंदी जागदी मिसाल। बुढ्ढिआं दा उह रोल माडल हो सकदा है। रता सोचो, कोई बंदा पहिली विशव जंग तों पहिलां दा जंमिआ होवे, किरती किसान होवे, कोरा अनपहड़ ते कुल दस गिणन जाणदा होवे। सरीरक वज़न सिरफ बवंजा किलोगराम होवे पर भज्जण लग्गा लुधिआणे तों फगवाड़ा लंघ के खहड़े ते अगली झुट्टी आपणे पिंड बिआस जा अपड़े। कौण ऐ जिहड़ा फिर अजिहे अफलातून नूं सलाम नां करे?

फौजा सिंघ लंडन, टोरांटो, निऊयारक, लाहौर ते चमकौर साहिब तों फतिहगहड़ साहिब दीआं मैराथनां दौड़िआ है। उस नें मैनूं दस्सिआ सी कि उस दी खब्बी लत्त सज्जी नालों कमज़ोर है। उह दौड़दिआं खब्बी लत्त उते घट्ट भार दिंदा है। ढाल अते चहड़ाई उते औखा दौड़दा है ते पध्धरे उते सौखा। पहिले पंदरां मील सौखे दौड़ लैंदा है, पंज मील औखे ते अख़ीरले छे मीलां `च हालत अजिही हो जांदी है जिवें जुस्सा आरी नाल चीरिआ जा रिहा होवे। उस दे पैरां दे नहुं सुक्क गए सन पर हुण फिर उग्ग आए हन। कहिंदा है जे जींदा रिहा अठंनवें साल दी उमर विच्च लंडन दी मैराथन फिर लावांगा भावें राह `च ई पूरा हो जां। उस दे इस जज़बे बारे की किहा जावे? डाकटर ते होर लोक उस नूं सलाह देणगे कि उह बुढ्ढेबारे एना औखा नां होवे ते आपणी जान जोखम विच्च नां पावे। की उह अजिही सलाह मंन लवेगा ते चुप्प कर के घर बहि जावेगा? लग्गदा है उह अजिहा नहीं करेगा। फिर उह बुढ्ढिआं दा रोल माडल नहीं रहेगा। साधारन बज़ुरग होवेगा जिस दे चलाणा कर जाण दा वी लोकां नूं पता नहीं लग्गेगा।

असीं पिंडां दे खेड मेलिआं तों लै के ओलंपिक खेडां तक दे मुकाबले वेखदिआं अकसर वेखदे हां कि कई खिडारी वितों बाहरा ज़ोर ला के डिग्ग पैंदे हन ते बेहोश वी हो जांदे हन। मिलखा सिंघ दस्सदा है कि दौड़न दा सखत अभिआस करदिआं उह कई वार बेहोश हो के डिग्गिआ सी। खून दीआं उलटीआं वी आ जांदीआं सन। दिल्ली दे नैशनल सटेडीअम विच्च 1960 दीआं नैशनल खेडां समें उह 400 मीटर दी दौड़ नवें नैशनल रिकारड नाल जित्त के बेहोश होइआ तां उहदी भैण रोण कुरलाउण लग्गी। जदों उह होश विच्च आइआ तां उस दी भैण कहिण लग्गी, “वीरा दौड़ना छड्ड दे। मैं तैनूं एना औखिआं हुंदिआं नहीं वेख सकदी।” मिलखा सिंघ दा उत्तर सी, “भैणे जे मैं दौड़ना छड्ड दिआं तां मैनूं कौण वेखेगा? हुण वेख लै किंने लोक मेरी दौड़ वेखण आए नें?”

1978 विच्च बैंकाक दीआं एशिआई खेडां समें हाकम सिंघ नें वीह किलोमीटर दी वाक जित्तण लई एना ज़ोर लाइआ कि उस नूं उलटी वी आई ते उह बेहोश वी होइआ। उस नूं तुरत डाकटरी सहाइता दित्ती गई। वीह मिंटां बाअद होश परती तां उस नें जाणना चाहिआ, “फसट कौण आइआ?” जदों उस नूं पता लग्गा कि उह फसट है तां उस नूं जान दा ख़तरा सहेड़ना वी माड़ा नां लग्गा। खेड खेतर दीआं सैंकड़े मिसालां हन जिनहां विच्च खिडारीआं नें जान दीआं बाज़ीआं लाईआं। उह जित्ते वी ते हारे वी। पर ख़तरे सहेड़न तों तोबा नहीं कीती।

सपेन दी इक्क खेड विच्च बंदे ते भूसरे सानह दा टाकरा हुंदा है ते कई वार बंदा ज़खमी हो जांदा है। मौत हुंदी वी सुणी है। पर इह खेड अजे वी चल्ली जांदी है। सुरख्खिआ ज़रूर वधाई गई है। पुरातन ओलंपिक खेडां विच्च पंकराशन नां दी कुशती विच्च उदों तक कोई पहिलवान ढठ्ठा नहीं सी मंनिआं जांदा जदों तक उह हत्थ उठा के हार नां मंनदा। इक्क वार दो मल्ल अजिहे गुथमगुत्था होए कि इक्क मल्ल मर गिआ। दूजे दी जान निकलण लग्गी तां उस नें हत्थ उठा दित्ता। जदों उनहां दी कुशती छुडाई गई तां अरैशन नां दा पहिलवान मर चुक्का सी। किउंकि उस नें हत्थ उठा के हार नहीं सी मंनी इस लई मोए मल्ल नूं ही जेतू करार दित्ता गिआ ते उहदे सिर उते जैतून दीआं लगरां दा मुकट सजाइआ गिआ। कई ऐसे सिरड़ी हुंदे हन कि उह हार के वी नहीं हारदे ते अंतले साह तक जूझदे रहिंदे हन। अरनैसट हैमिंगवे दा नावल ‘बुढ्ढा ते समुंदर’ इहो संदेश दिंदा है।

आओ हुण बुधीआ सिंघ दी गल्ल करीए। ख़बरां अनुसार उह उड़ीसा दे गरीब मापिआं दा बच्चा है जीहनूं उनहां नें मजबूरी वस्स वेच दित्ता सी। उड़ीसा दे इक्क फिज़ीकल ट्रेनर अथवा कोच नें उस नूं लंमी दौड़ लई तिआर कीता। इहो जिहे बच्चिआं तों आम कर के भांडे मंजवाए जांदे हन ते गोहा कूड़ा करवाइआ जांदा है। दौड़ां दौड़न दी ट्रेनिंग नहीं दित्ती जांदी। कोई उनहां अंदर छिपी प्रतिभा नूं उजागर करन दी कोशिश नहीं करदा। उस कोच नें कोशिश कीती ते उह कामयाब वी होइआ। सत्तर किलोमीटर दी दौड़ विच्च उस दा चंडिआ बाल पैहंट किलोमीटर दौड़ के डिग्ग पिआ जिवें लंमीआं दौड़ां दे मुकाबलिआं विच्च कदे कदे जुआन दौड़ाक वी डिग्ग पैंदे हन। सपश्शट है कि दौड़ पूरी करन ते रिकारड रख्खण लई उस नें वितों वध्ध ज़ोर लाइआ होवेगा। इह वी हकीकत है कि उस दा वितों वध्ध लग्गा ज़ोर ही उस नूं हीरो बणा सकिआ है। जे उह दौड़दा ही नां जां रता कु थक्कण नाल ई रुक जांदा तां उह ज़ीरो बणिआ रहिंदा।

दौड़ तों बाअद सुआल उठाइआ गिआ है कि कोच नें छोटे जिहे बच्चे नूं लंमी दौड़ दौड़ा के उहदी सिहत नाल खिलवाड़ कीता है। दौड़ दे प्रबंधकां नें वी नहीं वेखिआ कि एना छोटा बच्चा एनी लंमी दौड़ किवें दौड़ेगा? डाकटरां नें बच्चे दा मैडीकल टैस्सट कर के उस दे लंमी दौड़ दौड़न उते पाबंदी ला दित्ती है। दूजे पासे अमरीका दे खेड प्रेमीआं नें उस नूं उचेची सिखलाई देण ते उमर भर दीआं रोटीआं प्रोसण दी पेशकश कीती है। पी.टी.ऊशा कहिंदी है कि इह बच्चा दौड़ दे भविख्ख दी दौलत है इहनूं संभाल के रख्खणा चाहीदै। कोच कहिंदा है मैं संभाल ही तां रिहां ते साण उते वी चाहड़ रिहां। बच्चिआं दे हक्कां लई बणी इक्क सभा नें कोच उते केस कर दित्ता है। मामला अदालत विच्च है। कोच कहिंदा है कि बच्चे `च दम सी तद ही उह पैहंट किलोमीटर दौड़ सकिआ। मैं उस दा दम होर वी पकावांगा तां जो उह होर वी लंमी दौड़ दौड़ सके ते होर वड्डे रिकारड रख्ख सके। जे उड़ीसा विच्च रोक लग्गेगी तां मैं बच्चे नूं लै के किते होर चला जावांगा।

मामला पेचीदा है। सुआल ऐ कि इक्क बच्चे नूं किथे तक दौड़न दी आगिआ होवे ते नाल ही इक्क बुढ्ढे नूं वी? अज्ज बुधीए नूं लंमीआं दौड़ां तों रोकिआ गिआ तां कल्ल्ह नूं फौजा सिंघ नूं वी रोकणा पवेगा। जेकर बालक दी सिहत नाल खिलवाड़ है तां बिरध नाल किहड़ा घट्ट है? जान जोखों वाले सारे ही करतब रोकणे पै सकदे हन। जिहड़ा वी अथलीट जां खिडारी बेहोश हो के डिग्गे उहदे मुड़ दौड़न जां खेडण उते पाबंदी लगाउणी पै सकदी है। की इह कुझ्झ करना संभव होवेगा? दौड़न विच्च तां एना ख़तरा नहीं जिंना होरनां खेडां ते करतबां विच्च है। दौड़न नाल तां कोई थक्क के डिग्गेगा ही ते कुझ्झ समें पिछ्छों फिर खहड़ा हो जावेगा जिवें बुधीआ होइआ है। अनेकां खेडां हन जिहड़ीआं सट्टां फेटां दे ख़तरिआं नाल भरीआं पईआं हन। पंजाब दी देसी खेड कबड्डी बारे की किहा जावे?

बुधीआ पैहंट किलोमीटर दौड़ के तुरिआ फिरदा है ते बिमार नहीं होइआ। उह होर वी लंमी दौड़ दौड़न दीआं संभावनावां रख्खदा है। फौजा सिंघ कहिंदा है जे मैं जींदा रिहा तां अठंनवें साल दी उमर विच्च फिर मैराथन लावांगा। अठंनवें साल दी उमर पिछों उह कहि सकदै कि मैं सौ साल दी उमर विच्च वी दौड़ांगा। कलपना चावला पुलाड़ विच्च उडदी होई मुक्क गई। पर पुलाड़ यातरीआं दा चंद तारिआं वल्ल उडण दा जज़बा मांदा नहीं पिआ। अनेकां लोक हन जो पुलाड़ दी हिक्क चीर के अगांह लंघ जाण लई अहुल रहे हन। जान जोखों वाले कारनामे करन वालिआं नूं रोकण दी नहीं सगों सुरख्खिआ देण दी लोड़ है। कई बच्चिआं दे मन मचलदे होणगे कि असीं बुधीआ सिंघ तों वी वध्ध दौड़ीए ते उहदा रिकारड तोड़ीए। ते बुधीआ सिंघ दी वी किहड़ा बस्स है?

बुधीए ते फौजा सिंघ दीआं मारीआं मल्लां नें दरसा दित्ता है कि बालकां ते बुढ्ढिआं विच्च असीम संभावनावां हन। भारत वरगे पछ्छड़े मुलक दे पछ्छड़े इलाकिआं विच्च अनेकां बुधीए ते फौजे पए हन। लोड़ उनहां नूं पछाणन दी है। उनहां नूं पालण, संभालण ते सिखिअत करन दी है। जेकर उह आपणी छोटी तों छोटी ते वड्डी तों वड्डी उमर वालिआं विच्च विशव रिकारड रख्ख सकदे हन तां उह योग सिखलाई नाल जुआनी विच्च वी विशव विजेता बण सकदे हन। भारत विच्च प्रतिभा दा घाटा नहीं। घाटा उस प्रतिभा नूं निखारन ते साण चाहड़न वालिआं दा है। वेखदे आं इह घाटा कदों दूर होवेगा?