स्री गुरू तेग बहादर खालसा कालज उदों दिल्ली यूनीवरसिटी दे कैंपस विच्च नहीं सी गिआ। उह करोल बाग नेड़े देव नगर विच्च सी। हुण उथे ईवनिंग कालज है। उहदे इक्क पासे टैकसी सटैंड हुंदा सी ते दूजे पासे देश बंधू गुपता रोड। कालज दा कैंपस तंग जिहा सी जिस विच्च वालीबाल दे गराऊंड तों बिनां कोई खेड मैदान नहीं सी। सकूल वल्ल दे पासे बासकटबाल दा कोरट सी। बहुमंज़ली इमारत दे अध्धे हिस्से विच्च कालज दे पंदरां सौ विदिआरथी पहड़दे सन। दूजे हिस्से `च सकूल चलदा सी। पीरीअड बदलण समें पौड़ीआं विच्च जमघटा हो जांदा। मुंडिआं दे तंग मूहरी दीआं पैंटां ते कुड़ीआं दे घुट्टवीआं पजामीआं पाईआं हुंदीआं। सारे कसे कसे फिरदे। बहिण उठ्ठण लग्गिआं पैंटां पजामीआं पाट जाण दा डर सी। इक्क वार मेरी पैंट दा कंम तमाम हो गिआ सी ते मैं लुकदा लकाउंदा आपणे टिकाणे पुज्जा सां। भीड़े कपड़े पाउणे उदों दा फैशन सी।
कालज विच्च ऐम्म.ए, ऐम्म.ऐस्स सी.अठ्ठ नौं मज़मूनां दी सी। पंजाबी आनरज़ दीआं कलासां काफी वड्डीआं सन पर पंजाबी ऐम्म.ए.करन वाले असीं छे विदिआरथी सां। पंज कुड़ीआं सन ते मुंडा मैं इकल्ला ही सी। साडीआं जमातां हफ़ते `च चार दिन यूनीवरसिटी दे कैंपस विच्च लग्गदीआं ते दो दिन कालज विच्च लग्गदीआं। कालज दा कोई होसटल नहीं सी जिस करके मैनूं कालज तों पौणा कु मील दूर सरकारी कुआटरां दे कलब्ब विच्च रहिणा पै रिहा सी। उस तों कुझ्झ कदम अग्गे अनंद परबत सी। नेड़े ही रोहतक रोड सी जिस दा नां बाअद विच्च गुरू गोबिंद सिंघ मारग रख्खिआ गिआ। सारा नकशा अज्ज वी मेरीआं अख्खां अग्गे उवें दा उवें है।
उदों दिल्ली दी आबादी चौवी पच्ची लख्ख सी। हुण तां लुधिआणा ही उदों दे दिल्ली जिड्डा हो गिआ है। मशीन वाले ठंढे पाणी दा गलास पहिलां पंजी दा मिलदा सी जो दो सालां पिछों दसी दा हो गिआ सी। पहिले दिन पंजी दिंदिआं मैं हैरान होइआ सां कि एथे तां फोके पाणी दा गलास वी मुल्ल विकदै। मैं पिआओ समझ के पी बैठा सां। चाह दा कप्प पच्ची पैसे दा सी ते यूनीवरसिटी जाण वाली बस्स दी टिकट दे वी पच्ची पैसे लग्गदे सन। सवेरे मैं पहड़न जाण लग्गा दुध्ध दे नाल बंद ते बरैड्ड बगैरा खा जांदा सां ते दुपहिरे यूनीवरसिटी दी कंध `ते बहि के छल्लीआं चब्ब लैंदा सां। इक्क छल्ली दसी दी आउंदी सी। तिंन चार छल्लीआं नाल ढिड्ड भर जांदा सी। छल्लीआं भुंनण वाली काली मिरच ते लूण वाला निंबू दाणिआं उते घसा के छल्लीआं सुआदी बणा दिंदी सी। छल्लीआं तां पिंड वी बथेरीआं चब्बीआं सन पर दिल्ली दीआं छल्लीआं दा सुआद अजे वी मेरे मूंह विच्च है।
इक दिन मेरे नाल पहड़न वालीआं कुड़ीआं पुछ्छण लग्गीआं, “वीर जी, तुसीं रोटी खाण वेले किथे जांदे ओ?” मैं टपला मारिआ, “ऐधर रूप नगर वल्ल इक्क ढाबा ऐ, ओथे रोटी खाण चला जानैं।” उहनां नें मैनूं किते कंध `ते बैठे छल्लीआं चब्बदे होए वेख लिआ सी। मैं कंध उते बहि के हवा दे बुल्ले माणदा सां ते लंघण टप्पण वालीआं दे नज़ारे वी लै लैंदा सां। इक्क कहिण लग्गी, “किते छल्लीआं चब्ब के ई तां नहीं डंग सारी जांदे?” बात उहने बुझ्झ लई सी। जदों मैं सवेरे घरों तुरदा सां तां तंदूर अजे तपिआ नहीं सी हुंदा। रोटी मैं नाल नहीं सां लिजा सकदा। यूनीवरसिटी दे नेड़े कोई ढाबा वी नहीं सी इस लई छल्लीआं चब्ब के डंग सारना मेरी मजबूरी सी। मैं कच्चे हुंदिआं किहा, “हां, छल्लीआं वी चब्ब लैनां। तुसीं वी चब्बणीआं होईआं तां लै आवांगा।”
कुड़ीआं बड़ीआं पिआरीआं सन। उदों मैं वी बणदा फब्बदा सां। उह कहिण लग्गीआं, “वीर जी, असीं इक्क इक फुलका वध्ध लै आइआ करांगीआं। तुसीं साडे नाल ई रोटी खा लिआ करो।” मैं किहा, “किसे दिन सुद `ते तां खा सकदां, हर रोज़ नहीं।” मेरा पेंडू पिछोकड़ मैनूं भापिआं दीआं कुड़ीआं नाल बहुता घुलण मिलण नहीं सी दे रिहा पर चित्तों मैं कुड़ीआं दी संगत माण के ख़ुश सां। उनहां कोलों अतर फुलेल दीआं महिकां आउंदीआं सन। हस्सदीआं तां उनहां दे चिट्टे दंद चमकदे। गोरीआं गल्ल्हां `च टोए पैंदे। इक्क कुड़ी कुझ्झ वधेरे ही मोह करदी सी। उह पुछ्छण लग्गी, “वीर जी, तुसीं किंने फुलके खा लैंदे ओ?” मेरा जीअ तां करदा सी कि कहि देवां, “जे किते तूं फुलके लाह के देई चल्लें तां मैं रज्जां ई नां!” पर मैं किहा, “भैण जी, मैं वेखण नूं ई छाबा रोटीआं दा खाण वाला लग्गदां। ऊं मैं तां तिंनां चहुं फुलकिआं नाल ई रज्ज जानां।”
मेरा हत्थ जेब वल्लों कुझ्झ तंग सी जिस करके मैं काफी हाऊस वल्ल बहुत घट्ट जांदा। जे जमातणां काफी पीण दी सुल्हा मारदीआं तद वी मैं टाला वट्ट जांदा। कैंपस विचला विहला वकत मैं काफी हाऊस जाण दी थां लाइब्रेरी विच्च गुज़ारदा। उथे पंजाबी दीआं किताबां काफी गिणती विच्च सन। विशव दीआं वधीआ पुसतकां दे पंजाबी अनुवाद वी पए सन। रैफरैंस सैकशन कोशां, महान कोशां ते विशव कोशां नाल भरिआ पिआ सी। लाइब्रेरी विचों मैनूं खेडां ते खिडारीआं बारे पुसतकां पहड़न दी चेटक वी लग्ग गई। मैं मनपसंद पुसतकां इशू करवाउंदा ते हर रोज़ सौ डेढ सौ सफ़े पहड़े बिनां मैनूं नींद नां आउंदी। मैं टी.वी.वेखण जां रेडीओ सुणन दी थां अज्ज वी किताबां रसाले पहड़न नूं पहिल दिंदा हां। मेरे जागण दा अध्धों बहुता वकत पहड़न लिखण दे लेखे लग्गदा है।
यूनीवरसिटी दी लाइब्रेरी `चों मैं शाम नूं मुड़दा। फिर मैं ते अमरजीत अथलैटिकस दी प्रैकटिस करन चले जांदे। खालसा कालज दा कोई खेड मैदान नां होण कारन असीं कदे अनंद परबत कोल मिलटरी वालिआं दे डिफैंस गराऊंड विच्च चले जांदे ते कदे इंडीआ गेट नैशनल सटेडीअम पहुंच जांदे। उथे दिल्ली यूनीवरसिटी दे ते नैशनल पध्धर दे होर अथलीट वी मिल पैंदे। साडा आउण जाण दा किराइआ कालज नें देणा हुंदा सी ते इक्क खिडारी पिछ्छे अध्धा लीटर दुध्ध दी रिफरैश्शमैंट लग्गी होई सी।
माड़ी मोटी चुसती चलाकी मैं सकूल वेले तों ही सिख्खिआ होइआ सां। मल्ल्हे दे सकूल असीं इमतिहान वाले परचिआं दे बंडल वेच खाधे सन। उसे चुसती दी वरतों मैं कालज दी अथलैटिक टीम दा सैकटरी बण के करनी शुरू कर लई। कालज दे दस अथलीटां नूं रिफरैश्शमैंट लग्गी होई सी। मैं गराऊंड विच्च उनहां दी हाज़री ला के अध्धा लीटर दे हिसाब नाल हलवाई तों दुध्ध पिआउणा हुंदा सी। पूरे दस अथलीट तां प्रैकटिस समें कदे हाज़र ही नहीं सन हुंदे पर मैं कापी उते नकली हाज़री भर के दुध्ध हमेशां पंज लीटर भरदा। दुध्ध सारा उही पींदे जिहड़े हाज़र हुंदे। पीणा वी उनहां दा ही बणदा सी जिहड़े ज़ोर लाउंदे। ग़ैरहाज़रां दे दसख़तां दी घुग्गी वी उही मार दिंदे। इओं मैनूं, अमरजीत नूं ते कुझ्झ होरनां नूं लीटर लीटर दुध्ध पीण नूं मिल जांदा। जिद्दण असी दो तिंन ही हुंदे तां दुध्ध दे नाल खोए दे पेड़े वी खांदे। मैं हिसाब लाइआ कि महीने `च मुफ़त दा चाली पंजाह लीटर दुध्ध तां मैं `कल्ला ही पी जांदा होवांगा! तदे तां मेरा `कल्लीआं छल्लीआं नाल सरी जांदा सी।
जिहड़े हलवाई तों असीं दुध्ध पींदे सां उहदी दुकान कलब्ब दे नेड़े ई सी। मैं आए गए नूं वी उहदे कोलों ई दुध्ध पिआउंदा किउंकि उहदे बिल्ल उते ही कालज तों पैसे वसूलणे हुंदे सन। मेरीआं हमजमातणां जिहड़ीआं मैनूं इक्क इक फुलका वध्ध लिआ के आपणे नाल रोटी खाण लई कहिंदीआं सन, किते मेरा जुगाड़ वेख लैंदीआं तां दंग रहि जांदीआं। मैं उनहां नूं दुध्ध विच्च नुहा दिंदा ते पेड़े खुआ के मूंह मुड़वा छडदा! उह वी की याद करदीआं कि उनहां दा जमाती पेंडू मुंडा निरा छल्लीआं जोगा ई नहीं! !
बाअद विच्च मैं ख़ुद प्रोफैसर ते प्रिंसीपल लग्गा रिहा हां। मैनूं खिडारीआं वल्लों इक्क दूजे दी रिफरैश्शमैंट खा जाण दा पता हुंदा सी पर मैं चोर दी मां वांग उनहां नूं कुझ्झ कहिंदा नहीं सां। इह सतरां लिखदिआं मैं महिसूस कर रिहां कि सीगा तां मैं खालसा कालज दिल्ली दे सपोरटस फंड दा चोर पर सीगा सिरफ दुध्ध चोर। मैं आपणे साथी खिडारीआं दी गराऊंड `च ग़ैरहाज़री दा भरपूर लाहा लिआ। मैं कालज तों जिंने पैसे वसूले उह दुध्ध पीण ते खोआ खाण `ते ई लाए, ऐवें फिलमां वेखण जां फज़ूल खरची `च नी गुआए। मैनूं लग्गदै कि स.प्रीतम सिंघ होरां नूं साडी कारसतानी दा कुझ्झ नां कुझ्झ तां इलम होवेगा ही, पर उनहां नें सानूं रोकिआ नहीं। की पता उह वी विदिआरथी होण समें इहो जिहा कुछ ई करदे रहे होण?
कलब्ब `च रहिंदिआं अजे दो चार दिन ही होए सन कि मैं पग्ग नूं मावा लुआउण ललारी कोल गिआ। उहदे खोखे दे नाल ही सकूटर मकैनिकां दा खोखा सी। उहदे अग्गे इक्क मकैनिक सकूटर टेढा करी बैठा सी। उस नें सिर चुक्किआ तां मैं सिआण लिआ कि उह तां साडे पिंड दे सरदारे टीहे दा लड़का बंत है। बंत नें वी मैनूं पछाण लिआ। असीं मल्ल्हे अग्गड़ पिछ्छड़ पहड़दे रहे सां। अजे असीं मिल ही रहे सां कि खोखे अंदरों साडे पिंड दे बाज़ीगरां दा मुणशी बाहर आ गिआ। उह बड़ा शुकीन हुंदा सी। उहदे पिछ्छे नछत्तर छत्तो, चंदे का प्रीता ते करतारा खोखे `चों बाहर निकले। मैं किहा, “आह तां निक्के जिहे खोखे `च सारा पिंड ई ताड़ी बैठे ओं। सुख्ख तां है?” उह हस्से, “आ जा बस्स तेरी ओ कसर सी। करदे आं कोई जुगाड़!”
जुगाड़ उहनां दा एहो सी कि मकैनकी दे जिंने पैसे बणाउंदे उहनां दी देसी शराब लै के मसती मारदे ते बंद होईआं दुकानां मूहरले फट्टिआं उते सौं जांदे। सवेरे उह धौले कूंएं वल्ल जंगल पाणी जांदे ते मिऊंसपल कमेटी दे नलकिआं हेठ नहा लैंदे। मैं आपणे पेंडू मलंगां नाल इक्क दो रातां ही कट्ट सकिआ। उनहां दा मैनूं इह सुख ज़रूर रिहा कि उदरेवें `च मैं उनहां कोल चला जांदा जां उनहां नूं आपणे कोल सद्द लैंदा। फिर असीं पिंड दीआं गल्लां कर के पिंड दा हेरवा हटाउंदे।
इक वार करतारे नूं सड़क `ते डिग्गी पई टीकिआं दी शीशी लभ्भ गई। उह पूंझ पांझ के कहिण लग्गा, “मैनूं लग्गदै इहदे `च ताकत दे टीके आ। आपणे पिंड आला डाकटर बलदेव इहो जी शीशी `चों ई ताकत दे टीके लाउंदा हुंदा। चलो आपां वी लुआईए।” नाल दिआं नें किहा, “की पता ताकत दे नां होण, किसे बिमारी दे होण, पहिलां आपणे पिंड आले पाहड़े तों पहड़ा लईए।” उह कलब्ब `च आ के मैनूं आखण लग्गे, “पहड़ के दस्स भला इह काहदे टीके ऐ?” मैं आखिआ, “मैं तां दवाई दा नां ई पहड़ सकदां। बिमारी बारे तां डाकटर ई दस्सू जां फिर दवाईआं दी दुकान वाले दस्स सकदे ऐ।”
करतारे नें मैथों शीशी फड़ी ते इह कहिंदिआं, “पंदरां पहड़ के वी दवाई पहड़नी नी आउंदी। इहदा तां रंग ई दस्सदै बई लहू वधाउण आले ताकत दे टीके ऐ। लओ मैं लुआउनैं पहिलां।” ते उह रवां रवीं तुर पिआ। उहनूं बथेरा रोकिआ बई किते ज़हिर दे टीके ई नां होण पर उह नां ही रुकिआ। शीशी उस नूं लभ्भी सी, उह उहदे नाल जो कुछ मरज़ी कर सकदा सी। बंत उनहां दा मोहरी सी। जिवें मैं हुण सफैद दाहड़ी वाला बज़ुरग हां उवें बंत वी संत बाबा बंत सिंघ बणिआ बैठै ते दूर दूर तों संगतां उहनूं मत्थे टेकण आउंदीऐं।
रिफरैश्शमैंट दे दुध्ध दीआं बहारां अगस्सत तों नवंबर तक ही रहीआं। नवंबर विच्च दिल्ली यूनीवरसिटी दी अथलैटिकस मीट हो गई जिस विच्च मैं गोला ते डिसकस सुट्टण `च सैकंड रिहा। इओं मैं दुध्ध दा कुझ्झ नां कुझ्झ मुल्ल कालज नूं मोड़ दित्ता। फिर मेरा धिआन पूरा ही पहड़ाई वल्ल हो गिआ। मैं इको वार पिंड गिआ सां ते कुझ्झ पैसे होर लै आइआ सां। घिओ दी इक्क पीपी होर लै आंदी सी। सिआल `च जंमिआं होइआ घिओ लग्गदा वी बहुत सुआद सी। कई वार मैं रोटी उते रख्ख के उंज ई खा लैंदा। कदे कदे तंदूर वाले तों पराउंठे लुहाउंदा ते उह बड़े शौंक नाल कई तैहां वाले पराउंठे राहड़ के खुआउंदा। दिल्ली मैनूं रास आ गई सी।
फिर वी कदे कदे मैं पिंड लई वैराग जांदा। घर दे जीअ, दोसत मित्तर ते खेतां दे रुख्ख याद आउंदे। बंनिआं दे झाड़ां बूटिआं लई खोह पई जांदी। कट्टीआं वछ्छीआं दा रंभणा याद आउंदा। मैं कालज दे मैगज़ीन विच्च ‘पिंड नूं चिठ्ठी’ लिखी जिस विच्च पिंड लई अंतां दा मोह ते तपाक जताइआ। मेरी उह चिठ्ठी मेरे प्रोफैसरां नें सलाही ते मैनूं होर लिखण लई प्रेरिआ। मैं डाइरी लिखणी शुरू कर लई जो मेरे पास अज्ज वी मौजूद है। उहदीआं कुझ्झ सतरां हाज़र हन:
-दिन चंगे लंघ रहे हन। हरश विच, हासे विच, ग़म विच्च ते सोचां विच। अज्ज दा दिन खेड़े वाला लंघिआ है। हाण दीआं अख्खां `च पिआर दा बाग़ खिड़िआ वेखिआ है।
-अज्ज पिआर दे बोल लिखण नूं जीअ करदा है। पर हुंगहारा? हुंगहारे बिनां बोल रूह तों सख्खणे हुंदे हन।
-असीं बाग़ी होणा चाहुंदे हां तां कि साडे जज़बिआं नूं चैन आवे। साडा की सुधरेगा ते की विगड़ेगा इहदी सानूं कोई सार नहीं।
-प्रेमिका आपणे प्रेमी नूं कहिंदी है, “जदों तेरे खेतां विच्च पैलीआं लहिराउणगीआं, बोहल लग्गणगे ते तूं आपणी मिहनत दा फल पा के मेरी उडीक करेंगा तां मैं तेरे कोल खुद चली आवांगी। फिर आपां वाहीआं दे गीत, निसरदीआं पैलीआं दे गीत ते बणदे बोहलां दे गीत गावांगे। उनहां गीतां विच्च साडे जीवन दी ख़ुशी नच्चेगी ते साडी मिहनत हस्सेगी।” प्रेमिका दे हुलारवें बोल सुण के प्रेमी पिआर दे आसरे किरत विच्च रुझ्झ जांदा है ते बंजरां पैलीआं दे झल्ल बण जांदीआं हन।
उदों चहड़दी जुआनी दा रुमांस ते आदरश सी अते इहो जिहे रुमांचिक ते आदरशक फिकरिआं नाल मेरी डाइरी भर गई सी। बिनां शक्क इहनां उते जसवंत सिंघ कंवल दे नावलां दा असर सी।