बचपन विच्च मैं उच्ची आवाज़ `च गाउंदे कवीशरां नूं सुणदा सां तां मेरा मन कवीशर बणन नूं करदा सी। सकूल `च मासटरां नूं साफ सुथरे कपड़े पाई कुरसीआं `ते बैठे वेखदा तां सोचदा कि वड्डा हो के मासटर बणांगा। तखतूपुरे दे मेले `चों चोरी चुक्किआ चिठ्ठा ‘झगड़ा चाह ते लस्सी दा’ पहड़िआ तां दिल कीता कि वड्डा हो के चिठ्ठे लिखांगा। पर ऐम्म.ए.करन पिछ्छों मेरे साहमणे लैकचरार लग्गण दा निशाना निशचित हो गिआ। इहदे विच्च सारा कुछ सी।

उदों दिल्ली दे सारे कालजां विच्च पंजाबी दे दरजन कु लैकचरार सन। नाटककार हरचरन सिंघ ते तरलोक सिंघ कंवर यूनीवरसिटी विच्च सी। गुरबख़श सिंघ, सविंदर सिंघ उप्पल, जोगिंदर सिंघ सोढी, इंदर कौर ते जोगिंदर सिंघ खालसा कालज विच्च सन। वणजारा बेदी ते चरनजीत सिंघ दिआल सिंघ कालज विच्च पंजाबी पहड़ाउंदे सन। उदों उह नाल दी नाल पी ऐच्च.डी.दीआं डिगरीआं लई खोज कारज वी कर रहे सन। इक्क मैडम कुड़ीआं दे कालज मिरांडा हाऊस विच्च सी ते इक्क कालज विच्च काला सिंघ बेदी सी। उनहां विच्च मालवे दा कोई नहीं सी ते नां ही कोई जट्ट सी। बहुते लैकचरार पोठोहारी पिछोकड़ दे सन।

बंगाल दा डा.आर.के.दासगुपता आधुनिक भारती भाशावां दा मुखी सी। पंजाबी विभाग वी उहदे अधीन सी। जदों किसे सैमीनार विच्च पंजाबी दे लैकचरार ते ऐम्म.ए.दे विदिआरथी बोलदे तां मेरा उचारण होरनां नालों वख्खरा हुंदा। डा.दासगुपता मैथों इहदा कारन पुछ्छदा। मैं दस्सदा कि मैं मालवे दी पीज़ैंटरी नूं बीलौंग करदां। बाकी पोठोहारी बैकगराऊंड दे बिजनसमैन हन। इक्क दिन दासगुपता वैसे ही कहि बैठा कि पंजाबी दे सटाफ़ विच्च इक्क लैकचरार मालवे दा वी होणा चाहीदै। मैनूं लग्गा कि इह बंदा मेरी मदद करेगा। मैं गाहे बगाहे उस नूं मिलण चला जांदा।

सिख्ख सटूडैंटस फैडरेशन दिल्ली दा प्रधान होण दे नाते मेरी कई सिआसी बंदिआं नाल सिआण हो चुक्की सी। गुरदवारा बंगला साहिब विच्च फैडरेशन दे सालाना समागम उते फरांस भारत दे साबका राहदूत हरदित्त सिंघ मलिक ते पंजाब यूनीवरसिटी दे पहिले वाईस चांसलर जसटिस तेजा सिंघ वी आए सन। फैडरेशन दे सोवीनार विच्च असीं उनहां दे लेख छापे सन। लेख लिखवाउण ते सद्दा पत्तर देण लई प्रो.फुल्ल ते मैं उनहां दे वड्डे घरां विच्च गए सां। उथे मेरी चंगी जाण पछाण हो गई सी। समागम वाले दिन तां सिआण होर वी गूहड़ी हो गई। मेरा साईकल चलाउंदे दा हादसा हो गिआ सी ते मैं बझ्झीआं होईआं पट्टीआं नाल आपणा प्रधानगी भाशन दित्ता सी। विशेश महिमानां नें मेरे नाल विशेश हमदरदी जताई सी। उनहां विच्च खालसा कालज दी प्रबंधक कमेटी दे प्रधान बखशी साहिब वी बैठे सन। प्रो.फुल्ल दे दस्से फारमूले अनुसार मैं आपणा लैकचरार लग्गण दा जुगाड़ वी नाल दी नाल करी जा रिहा सां।

जुलाई 1964 तों छे महीनिआं दा समां मैं फैडरेशन दे लेखे लाइआ। कदे गुरमति कैंप, कदे सैमीनार, कदे कानफरंस ते कदे पास कीते मतिआं दी पैरवी। साडी फैडरेशन नें सिख्ख यूनीवरसिटी दी मंग कीती सी ते दिल्ली विच्च पंजाबी लई दूजी राज भाशा दा दरजा मंगिआ सी। मेरी चिठ्ठी दे उत्तर विच्च प्रधान मंतरी लाल बहादर शासत्री दे दसखतां वाली चिठ्ठी मिली सी जो मैं काफी देर संभाली रख्खी। हरी सिआही नाल अंगरेज़ी विच्च दसतख़त सन ते प्रधान मंतरी हाऊस दी मोहर लग्गी होई सी। उस विच्च लिखिआ होइआ सी कि असीं दिल्ली दे लैफटीनैंट गवरनर नूं मिलीए।

मैं कुरूकुशेतर यूनीवरसिटी तों लै के पंजाब दे कई कालजां विच्च गिआ सां। पंजाबी दी किते वी पोसट नहीं सी निकल रही। इक्क दिन अक्क के मैं दिल्ली दे सिख्खिआ विभाग तों पंजाबी अधिआपक दा नियुकती पत्तर लै आइआ। आ के प्रो.फुल्ल नूं विखाइआ तां उस नें उह नियुकती पत्तर पाड़ दित्ता। उस नें आखिआ, “जे तूं सकूल मासटर लग्ग गिआ तां लैकचरार नहीं लग्ग सकेंगा। तैनूं कुछ समां होर उडीकण `च की दिक्कत ऐ?”

दिक्कत तां मैनूं कोई नहीं सी पर मैं फुल्ल होरां दीआं मंनीआं खांदा उहनां उते वाधू भार समझण लग्ग पिआ सां। ख़ैर, बहुता समां नां उडीकणा पिआ ते जनवरी 65 विच्च बिध बण गई। प्रो.इंदर कौर जिस नूं सभ भूआ जी कहिंदे सन तिंन महीने दी छुट्टी चली गई। उहदी खाली जगहा मैनूं खालसा कालज दिल्ली विच्च आरज़ी लैकचरार रख्ख लिआ गिआ। 31 मारच नूं सैशन पूरा होण `ते मैं फिर सड़क उते सां। बस्स एना फरक पिआ कि तिंन महीने लैकचरार लग्गण नाल मैं आपणे नां मूहरे प्रो.लाउण लग्ग पिआ सां।

जुलाई 1965 तों नवां सैशन शुरू हो गिआ पर दिल्ली दे किसे कालज विच्च पंजाबी दी पोसट नां निकली। मैनूं फाज़िलका तों चिठ्ठी आई कि प्रो.सच्चदेव ऐम्म.आर.कालज छड्ड के पंजाबी यूनीवरसिटी जा रहे हन। मैं उहनां दी थां अरज़ी दे देवां। फाज़िलका दे कालज नाल वैसे ई मैनूं बड़ा मोह सी। मैं उथे पहड़िआ जु सां। प्रो.फुल्ल नूं दस्से बिनां मैं अरज़ी देण लई भूआ दे पिंड कोठे चला गिआ। उथे जा के पता लग्गा कि कालज वालिआं नें डी.सी.फिरोज़पुर दे किसे सिफारशी नूं हां कीती होई सी। उह मैथों घट्ट नंबरां नाल मेरे आपणे कालज विच्च नौकरी लै गिआ। मेरे मन `च बड़ा रोस पैदा होइआ ते अख्खां `चों हंझू वग तुरे। जदों उह सिफारशी पहिले दिन कालज आइआ तां विदिआरथीआं नें उहदी कुरसी खिच्च लई ते मैनूं लैकचरार बणाउण लई हड़ताल कर दित्ती। सिफारशी लैकचरार हल्ला गुल्ला वेख के खुद ही वापस मुड़ गिआ।

इक शाम फाज़िलका कालज दी टीम दा बी.ऐस्स.ऐफ्फ.दी टीम नाल हाकी दा मैच सी। हाकी खेडण वाले मुंडिआं नें मैनूं वी सद्द लिआ। मैं पिंडों साईकल उते कालज दे होसटल विच्च पहुंचिआ पर मैच मुलतवी हो गिआ। तदे इक्क हवाई जहाज़ नें फाज़िलका शहिर उतों दी बहुत नीवां हो के चक्कर लाइआ। लोकां दे दिल हिल्ल गए। इह पंज सतंबर 1965 दी शाम सी। जनरल अयूब खां नें उसे दिन रेडीओ पाकिसतान तों भारत नूं धमकी दित्ती सी। डर सी किते लड़ाई नां छिड़ पवे। दिन छिपण तों पहिलां मैं साईकल उते चहड़ के पिंड कोठे नूं जाण लग्गा तां साहमणिओं अचानक तोपां दे फाइर खुल्ल्ह गए। सुलेमानकी सड़क उते मेरे मूहरे जांदा इक्क साईकल सवार दहिल के ई डिग्ग पिआ। फाइरिंग बहुत तेज़ ते बहुत उच्ची सी। तोपां नें गड़गड़ाहट पा दित्ती सी। साईकल सुट्ट के मैं पहिलां तां खतानां विच्च वड़िआ ते पिछ्छों वापस होसटल विच्च आ गिआ। लग्गदा सी पाकिसतान नें सुलेमानकी वल्लों हल्ला बोल दित्ता सी।

होसटल विच्च वीह पच्ची मुंडे सन जो सहिमे होए सन। असीं सड़क वल्ल दी बाहरली कंध कोल बैठे बारडर वल्ल जांदीआं गड्डीआं वेख रहे सां। फौजी अफसरां दी इक्क जीप साडे कोल आ के रुकी ते उह साथों बारडर दे पिंडां बारे पुछ्छण लग्गे। असीं जिंना कु दस्स सकदे सां दस्सिआ ते उह अग्गे वध्ध गए। उनहां दे पिछ्छे फौजी टरक्क जा रहे सन। बारडर वल्ल दे पिंडां तों लोक गड्डिआं ते ट्रैकटर टरालीआं `ते चहड़े आ रहे सन। मैं सड़क उते खहड़ के कोठे तों आउण वालिआं नूं उडीकण लग्गा पर उथों दा कोई बंदा मैनूं नां दिसिआ। मैनूं धुड़कू लग्गा कि कोठा किते घिर ही नां गिआ होवे। फिर ख़िआल आइआ कि हो सकदै कोठे वाले आवे वल्ल दी कच्चे राह निकले होण। मैं हाकी लै के सुलेमानकी चुंगी वल्ल गिआ। उथे वी पिंड दे किसे बंदे दे निकल आउण दा पता नां लग्गा। उंज कोठे तों परले पिंडां दे बंदे आई जा रहे सन। सड़क भरी तुरी आउंदी सी।

मैं हौंसला कर के कच्चे राह पिंड आवे नूं हो तुरिआ। तोपां दे फाइर बंद हो चुक्के सन। हनहेरा सां सां कर रिहा सी ते मेरा दिल माड़ी जिही हिल्ल जुल्ल नाल ही दहिल रिहा सी। खेतां `च डराउणी चुप्प सी। किते किते बिंडे बोलदे सुणदे। सिल्ल्हीआं पैलीआं `च भादों दी हुंमस सी। आवे पुज्जा तां कोठे वाले उथे ही गड्डे ते टरालीआं खहड़ाई खहड़े सन। कहिंदे सन कि हुण तां तोपां बंद हो गईआं। मै आखिआ, “तोपां उनहां नें आपणे तों पुछ्छ के नी चलाउणीआं। सारा शहिर निकली जांदै। मैं ख़ुद देख के आइऐं। चलो छेती निकलीए।”

अध्धी रात नूं सभ नें चाले पा दित्ते। जो कुझ्झ मैं 1947 दे बटवारे बारे किताबां विच्च पहड़दा ते मूंहों सुणदा रिहा सां उसे तरहां दा उदों मेरीआं अख्खां अग्गे वापर रिहा सी। लोकां दा गड्डिआं उते उधड़ गुधड़ा समान लद्दिआ होइआ सी, बुहड़ीआं बच्चे समान उपर बैठे सन ते बंदे डंगर पशू हक्की जा रहे सन। चार चुफेरे भाजड़ पई होई सी। रसते विच्च वेखिआ कि वाधू भार लद्दण करके इका दुक्का गड्डे पास वज्जे पए सन ते गठ्ठड़ीआं खिलरीआं पईआं सन। फुफ्फड़ दीआं चचेरीआं भैणां मुकतसर कोल गोनेआणे विआहीआं होईआं सन। मेरी वड्डी भूआ वी उथे सी। माहूआणे बोदले रोटी खा के असीं गोनेआणे चले गए।

फुफ्फड़ होरीं काहली नाल निकले सन इस लई समान नहीं सन चुक्क सके। कुझ्झ घरां दे बज़ुरग समान ते डंगरां दी राखी लई पिछ्छे रहि गए सन जिनहां विच्च मेरी भैण दा सहुरा मासड़ जगीर सिंघ वी सी। भैण दा रिशता भूआ लै गई सी। बुहड़ीआं बच्चिआं नूं गोनेआणे छड्ड के असीं समान कढ्ढण लई पिछ्छे मुड़ पए। टराली जद कोठे दे खेतां विच्च पुज्जी तां तोपां फिर चल्ल पईआं। टराली तों छालां मार के असी खालिआं विच्च जा लेटे। गोले सिरां उपर दी जा रहे सन। तोपां चुप्प होईआं तां घरों तरदा तरदा समान चुक्किआ ते पशू खोल्ह के मूहरे हक्क लए। गुरदवारे `चों गुरू ग्रंथ साहिब दी बीड़ वी लै आंदी भावें कि मुड़ फाइरिंग दे डरों पूरी मरिआदा नहीं पाली जा सकी।

लड़ाई दीआं ख़बरां रेडीओ तों आई जांदीआं। पाकिसतान दे छाताबाजां बारे पता लग्गी जांदा कि पिंडां दे लोक उहनां नूं उतरदिआं ही फड़ी जा रहे सन। समान कढ्ढण लई असीं दो तिंन वार कोठे गए। इक्क दिन रसते विच्च ही ख़बर मिली कि मासड़ जगीर सिंघ दे तोप दा गोला आ वज्जा ते उहदा मौके `ते ही दिहांत हो गिआ। उहदे अग्गड़ पिछ्छड़ जा रहे दो साथी बच गए सन। उस तों बाअद असीं पिंड `च जाण दा रिसक नां लिआ ते लड़ाई बंद होण तों बाअद ही पिंड गए। मैं सकूल दे जिस रुख्ख थल्ले बहि के प्रो.फुल्ल ते होर दोसतां नूं ख़त लिखे सन उह बंब डिग्गण नाल जहड़ों पुट्टिआ गिआ सी। पिप्पलां दे डाहण भंने पए सन ते खेतां विच्च थां पर थां गोलिआं दे टोए पाए होए सन। पर हैरानी दी गल्ल सी कि फुफ्फड़ होरां दा पक्का मकान बचिआ खहड़ा सी।

फाज़िलका दे कालज विच्च लैकचरार लग्गण दी गल्ल विचे रहि गई सी किउंकि लड़ाई कारन कालज काफी देर खुल्ल्ह ही नां सकिआ। उधरों प्रो.फुल्ल दी चिठ्ठी आ गई कि तुरत दिल्ली पहुंचां। उथे श्रीराम कालज आफ़ कमर्रस विच्च पंजाबी दा लैकचरार रख्खिआ जाणा सी। मैं दिल्ली गिआ तां पता लग्गा कि भापिआं दे कुझ्झ मुंडे कमर्रस दे नाल पंजाबी दा ऐडीशनल विशा पहड़ना चाहुंदे हन। उहदे लई पारट टाईम लैकचरार दी लोड़ सी। पर दिल्ली यूनीवरसिटी दी अकादमिक कौंसल नें मता पास कीता होइआ सी कि किसे वी कालज विच्च किसे मज़मून लई घट्टोघट्ट फुल्ल टाईम पोसट होणी चाहीदी है। इस तरहां कमर्रस कालज वालिआं नूं मैनूं पूरे लैकचरार दे तौर `ते रख्खणा पिआ ते पारट टाईम दी थां पूरे लैकचरार दी तनखाह तनखाह देणी पई। पर उह अध्धी तनखाह मैथों वापस लै लैंदे सन। अगले सैशन तों उनहां नें पंजाबी दा ऐडीशनल मज़मून ई बंद कर दित्ता ते मैं फिर सड़क सवार हो गिआ।

मैं इह सोच के परेशान सां कि श्रीराम कालज आफ़ कमर्रस वरगे अमीर कालज नूं पंजाबी दे पारट टाईम लैकचरार दी थां फुल्ल टाईम लैकचरार रख्खणा भला किंना कु महिंगा पैंदा सी? दरअसल उह आपणे कालज विच्च पंजाबी विभाग बणा के ख़ुश नहीं सन। उह पंजाबी केवल नां दी ही रख्खणी चाहुंदे सन। उतों मैं वी कईआं दी ईरखा दा पातर बण गिआ सां। खुल्ल्हा डुल्ल्हा वकत होण कारन मैं कालज दीआं खेडां ते सभ्भिआचारक सरगरमीआं विच्च वध चहड़ के हिस्सा लैण लग्ग पिआ सां।

कालज दे मैगज़ीन विच्च मैं पंजाबी दा पूरा सैकशन जोड़ दित्ता सी। पंजाबी दे सैमीनार कराए सन ते कालज दी सालाना अथलैटिक मीट विच्च सभ तों मूहरे हो के कंम कीता सी। कालज दे आडीटोरीअम विच्च पंजाबी विभाग वल्लों सभ्भिआचार समागम कराइआ सी जिस विच्च आसा सिंघ मसताना ते परकाश कौर नें वी गाइआ सी। कवी दरबार कीता ते पंजाबी सकिट्ट खेडे सन। मेरा वध चहड़ के कंम करना मेरे ते पंजाबी दे उलट पै गिआ सी।

शाबाशे देण दी थां जदों प्रिंसीपल वैश नें मैनूं कालज तों रिलीव कर दित्ता तां मैं कालज वालिआं दा कुझ्झ वी नहीं सां विगाड़ सकदा। मैं सिरफ इहो कीता कि रोस विच्च आपणी आख़री तनखाह शाहूकारां दे उस शाहूकारे कालज नूं छड्ड दित्ती। उह चाहुण तां आपणा वही खाता फोल सकदे हन अते बोती वेच के पुत्त नूं पहड़ाउण वाले गरीब किसान ते उहदे पुत्तर दा दिल वेख सकदे हन!