साडे वेले प्रेम विआह बड़े घट्ट हुंदे सन। मेरा तां ख़ैर विआह कराउण जोगा प्रेम किसे नाल होइआ ही नहीं सी। कालजां विच्च ते दिल्ली यूनीवरसिटी विच्च पहड़दिआं कई कुड़ीआं पिआरीआं लग्गीआं पर रब्ब जाणे मैं किसे नूं पिआरा लग्गिआ होवां जां नां। की पता किसे कुड़ी नें मैनूं उवें दिलों चाहिआ होवे जां नां जिवें मैं इक्क कुड़ी नूं राह भंन के वेखण लग्ग पिआ सां। इथों तक कि उहदे दरशन करन उहदे मगर गुरदवारे वी जाण लग्ग पिआ सां।

पिआरी लग्गदी कुड़ी नूं वेखण वासते गुरूघर जाणा सी तां पाप, पर दिल दा की करदा जिहड़ा फिर वी उधर नूं लै तुरदा। उह मत्था टेकदी होर वी पिआरी लग्गदी। भुल्ल जांदा कि पाठ चल्ल रिहै ते कीरतन हो रिहै। कदे कदे साडीआं नज़रां वी मिल जांदीआं ते अकहि अनंद आउंदा। अनंद आउण दे बावजूद असीं इक्क दूजे वल्ल टिकटिकी लगा के नां वेख सकदे। शाइद संगत दी संग मारदी होवे! मैनूं पक्का पता नहीं कि उह कुड़ी वी मैनूं पिआर करदी सी जां नहीं। उंज नज़रां विचों मोह जिहा ज़रूर झलकदा सी। उदों जे कोई विचोला उहदे नाल विआह कराउण दी बिध बणा दिंदा तां मैं उहदे बलिहारे जांदा ते उहदा पाणी भरदा नां थक्कदा। हुण तां मैनूं इह वी पता नहीं कि उह कुड़ी किथे विआही गई होवेगी ते जींदी होवेगी जां मर गई होवेगी? बस्स इस तरहां दा सी साडा उनहां दिनां दा प्रेम पिआर!

हुण जदों किसे दे अनंद कारज जां विआह दी पारटी मौके कुझ्झ शबद कहिण दा मौका मिलदै तां मैं हासे खेड़े दे रउं विच्च अकसर कहिंदा हां, “मेरे वरगिआं नूं अध्धी कु सदी ठहिर के जंमणा चाहीदा सी। फिर असीं वी कालजां विच्च पहड़दीआं कुड़ीआं नाल निझक्क प्रेम-पिआर कर सकदे ते प्रेम-विआह बारे सलाहां कर लैंदे। नाले मोबाईल `ते गल्लां करदे नाले मैरिज पैलसां `च विआह कराउंदे। साडे वी फोटू लहिंदे ते वीडीओ फिलमां बणदीआं। असीं वी इक्क दूजे दा हत्थ फड़ के ते मोढे `ते हत्थ रख्ख के नच्चण दा गेड़ा दिंदे। पर एनी खुल्ल्ह साडे करमां `च नहीं सी। फिर वी असीं उनहां नालों तां अडवांस ही रहे जिनहां नूं विआह करा के वी मुकलावे तक पतनी दा मूंह वेखणा नसीब नहीं सी हुंदा!”

मैं उदों सकूल `च पहड़दा सां जदों माघी का करतारा इक्क बंदे नूं साडे घर लिआइआ सी। उह मैनूं ते मेरे वड्डे भरा नूं उहदी लड़की दे रिशते लई विखाउणा चाहुंदा सी। असीं चुल्ल्हे मूहरे बैठे सां ते बेबे वड्डिआं तों अध्धा कु घुंड कढ्ढी रोटीआं लाह रही सी। रसमी गल्लां बातां तों बाअद करतारे दे सकीरीदार नें मेरे वड्डे भरा नूं उठ्ठण लई किहा। उहदा पक्का रंग वेख के उहने सिर फेर दित्ता। घर दे समझ गए कि वड्डा मुंडा उहदे पसंद नहीं। फिर मैनूं उठ्ठण लई किहा गिआ। मैं तां सीगा ही मधरा। बेबे नें मेरे पैरां हेठ पाथीआं कर दित्तीआं ते मैं पाथीआं `ते खहड़ के झलिआनी दे उतों दी हत्थ जोड़ के सति स्री अकाल बुलाई। बाहरों आइआ बंदा कहिण लग्गा, “मुंडा है तां सिआणा पर हैगा छोटा।” ताए करतारे नें फाल लाई, “इह पहड़ाई दा दब्बिआ होइऐ। हुशिआर बहुत ऐ। होर दो सालां नूं कद्द वी बथेरा कर-जू।” पर उस दी लाई फाल कारगर साबत नां होई। मैं पाथीआं `ते खहड़ के वी मधरे दा मधरा रहि गिआ सां।

बाहरों आए बंदे नें दस्सिआ कि उस दी ‘लटकी’ वड्डी है ते मुंडे छोटे हन। उह आपणी धी लई वर दी चोण इक्क सिआणे बाप वांग कर रिहा सी। जे उह रिशता हो वी जांदा तां अणजोड़ ही हुंदा। विआह तां बणदे सरदे जोड़ वाला निभाउणा वी सौखा नहीं हुंदा। अणजोड़ तां असलों नरक बण जांदा।

मैं फाज़िलका कालज `च पहड़दा सां कि साडा गोनेआणे वाला फुफ्फड़ धंना सिंघ मुकतसर कालज विच्च पहड़दी इक्क लड़की दे मामे नूं, मैनूं विखाउण लै आइआ। लड़की दा कोई भरा नां होण कारन उस नूं चोखी ज़मीन आउंदी सी। कोठे वाले फुफ्फड़ हीरा सिंघ नें बोतल वी मंगवा लई ते कुक्कड़ वी बणवा लिआ। मैं गोला सुट्ट के विखाइआ पर फिर वी मैं उहदे पसंद नां आइआ। उह आखण लग्गा, “कुड़ी उमर दी वड्डी ऐ ते मुंडा अजे छोटै।” उह सच्चा सी किउंकि बारहवीं तक मेरा कद्द सवा कु पंज फुट्ट ही सी।

दो वार रद्द हो जाण कारन फिर मैं किसे नूं वेखण विखाउण दा मौका ई नां दित्ता ते कुझ्झ बण के विखाउण लई पहड़दा ते खेडदा रिहा। समें नाल मेरा कद्द वी छे फुट्ट दे नेड़ हो गिआ। अथलीट होण कारन मेरा जुस्सा छांटवां ते सडौल सी ते सरीरक वज़न वी पौणे दो मण हो गिआ सी। मैं तिंन कालजां विच्च पहड़िआ ते तिंनां दा बैस्सट अथलीट बणिआ। मेरी बोल बाणी वी सुधर गई ते दिल्ली दे भापिआं `च रहि के रंग रूप वी निख्खर गिआ। मेरे अंदर सवै भरोसा जिहा बण गिआ कि हुण कोई वेखेगा तां जुआब देण तों पहिलां वीह वार सोचेगा। ते होइआ वी इहो कुझ।

ऐम्म.ए.कर के मैं पिंड आइआ तां राएकोट वल्ल दा इक्क ज़ैलदार मीनीआं दे बंदे नाल मैनूं वेखण आइआ। गल्लां गल्लां विच्च उहने मैनूं पसंद कर लिआ। उस दी लड़की बी.ए.पास सी। उह कहिण लग्गा, “काका जी, तुसीं मीनीआं वाले विचोले नाल साडे घर आ जाणा। तुसीं लड़की नूं देख लैणा ते लड़की तुहानूं देख लवेगी।” मेरी झिजक दे बावजूद उस नें ज़ोर दित्ता कि इस तरहां वेखण विखाउण विच्च कुझ्झ वी ग़लत नहीं। इह वी किहा कि मैं आपणी लड़की नूं मुंडा विखाए बिनां उस दा रिशता करना ठीक नहीं समझदा। उहदी गल्ल `च वज़न सी।

मैं आपणे बाबे ते बापू दी सहिमती लै के मीनीआं वाले सज्जण नाल ज़ैलदार दे घर चला गिआ। उस दी लड़की कुझ्झ वधेरे ही समध्धर सी जिस करके उस नें कुरसी `ते बैठिआं ही सति स्री अकाल बुलाई। मैं अंदाज़ा ला लिआ कि उस दा कद्द पंज कु फुट्ट होवेगा। इह मेरे लई अणजोड़ सी। मुड़दिआं मीनीआं वाला सज्जण कहिंदा आइआ कि मधरे कद्द दीआं तीवीआं पतीआं दी बहुती सेवा करदीआं हन। उह विचोले दा वधीआ रोल निभाअ रिहा सी पर उहदीआं दलीलां मैनूं काइल नां कर सकीआं। मैं इहो कहि के गल्ल मुकाई, “साडा कोच कहिंदा सी कि कद्दावर बच्चे जंमण लई कद्दावर पतनी नाल विआह कराइओ।”

पहिलां मैं रद्द हो जांदा सां, हुण मैथों रद्द करन दी गुसताख़ी हो गई सी। जां इउं कहि लओ कि संजोग किते होर लिखे सन। उनहां संजोगां दी गल्ल वी सुण लओ।

1965 दा साल चहड़न वाला सी। सरदीआं दीआं छुट्टीआं सन। प्राइमरी टीचर लग्गा मेरा जमाती चरन सिंघ छुट्टीआं कट्टण पिंड आइआ होइआ सी। मैं वी दिल्ली तों पिंड गिआ होइआ सां ते धुप्पे मंजा डाही पहड़ रिहा सां। उह मेरे कोल आइआ ते असीं गल्लां करन लग्गे। उह कहिण लग्गा, “मैं मलोट कोल पिंड बोदी वाले पहड़ाउनां। उथे कौंकिआं दा मासटर गुरदिआल सिंघ वी ऐ ते असीं `कठ्ठे ई रहिने आं। उह चौकीमान विआहिआ होइऐ। उहदी साली सिध्धवीं बी.ऐड्ड.करदी ऐ। उहदे वासते उह कोई ऐम्म.ए.पहड़िआ मुंडा भालदे ऐ। मैं तेरी दस्स पाई आ। जे आखें तां आपां किसे बहाने कुड़ी देख सकदे आं।”

मेरा किहड़ा किते प्रेम-पिआर चलदा सी? मैं झट्ट तिआर हो गिआ। असीं जगराओं जाण दा बहाना बणाइआ ते चौकीमान नूं चल्ल पए। बस्स अड्डे `ते उतरे, रेलवे लाईन पार कीती ते पिंड `च वड़नसार चरन नें इक्क बंदे नूं पुछ्छिआ, “एथे फौज `चों रटैर हो के आइआ इक्क हौलदार ऐ। नां सानूं भुल्ल गिऐ। उहदी लड़की कौंके विआही ऐ। उहदे घर वाला गुरदिआल सिंघ साडे नाल पहड़ाउंदै। असीं उहनूं मिलण कौंकीं गए सी पर ओथों पता लग्गा बई उह सहुरीं आइआ होइऐ। उहदे तक ज़रूरी कंम ऐं। सानूं उहदे सहुरिआं दा घर दस्सो।” उस बंदे नें सानूं गुरदुआरे दे राह पा दित्ता ते आखिआ, “घर ओथे जा के पुछ्छ लिओ।”

मैं चरन नूं ख़बरदार कीता कि लड़की लुड़की दा वेरवा नी पाईदा। होर नां किते जुत्तीआं पुआ-दीं। हुण तूं चुप्प रहीं मैं पुछ्छूं। गुरदुआरे कोल कुझ्झ बंदे खुंढ उते बैठे सन। मैं हत्थ जोड़ के फतिह बुलाई ते पुछ्छिआ, “कौंकिआं तों साडे दोसत मासटर गुरदिआल सिंघ इस नगर `च विआहे ऐ। उनहां दे सहुरा साहिब फौज `चों रिटैर नें ते एथे गुरदुआरे कोल घर दस्सदे नें …।” मेरी गल्ल अजे पूरी नहीं सी होई कि इक्क बुहड़ी दी आवाज़ आई, “वे भाई तुसीं मलकीतो के जाणै?” चरन नूं गुरदिआल दी पतनी दा नां पता सी। उस नें हां कही ते बुहड़ी नें घर दस्स दित्ता।

घर विच्च गुरदिआल सिंघ दे सस्स सहुरा ही सन, होर कोई नहीं दिसिआ। खुरली उते दो मझ्झां बझ्झीआं होईआं सन ते कुतरे दी मशीन मूहरे बरसीम दी ढेरी लग्गी होई सी। हारे `चों धूंआं उठ रिहा सी। परछावें ढल रहे सन। बज़ुरग दा जुस्सा तकड़ा ते चिहरा लाली `च दग रिहा सी जद कि माई दे मत्थे `ते झुरड़ीआं पै चुक्कीआं सन ते कुझ्झ कुब्बी वी सी। पहड़ लिख के मैं एना कु आदरशवादी हो गिआ सां कि आपणे वरगे साधारन घर `च सादा विआह कराउण दी धारी बैठा सां। असीं गुरदिआल सिंघ नूं मिलण दी गल्ल तोरी तां बज़ुरग नें दस्सिआ कि उह तां मिल के कल्ल्ह दे कौंकीं चले गए नें। सानूं तां पहिलां ही पता सी। गल्लां करदिआं इह पता ज़रूर लग्ग गिआ कि उनहां दी इक्क लड़की पंज ग्रंथी दी रौल लाउण गई है। असीं आपस विच्च अख्खां मिलाईआं कि ओही गई होऊ। बड़ी भगतणी ऐं बई मां दी धी!

माई नें चाह रख्ख दित्ती ते असीं एधर ओधर दीआं गल्लां करदे रहे। चाह असीं हौली हौली पीती बई की पता उह रौल ला के आ ही जावे ते महिमानां नूं सति स्री अकाल आ बुलावे। पर उह नां आई ते साडा गेड़ा ऐवें गिआ। उंज मैनूं गल्लां गल्लां विच्च माई ते बज़ुरग नूं प्रभावित करन दा मौका ज़रूर मिल गिआ। मगरों पता लग्गा कि माई नें मासटर चरन सिंघ नाल आए मुंडे बारे आपणे पती नूं किहा सी, “जे इह मुंडा किते मंगिआ विआहिआ नां होवे तां आपां आपणी जीतो लई पुछ्छ लईए।”

जनवरी दे पहिले हफ़ते सिध्धवां दा कालज खुल्ल्हा तां मैं छुट्टी होण वेले सिध्धवां दे टोटे उते जा खहड़ा होइआ। बी.ऐड्ड.वालीआं कुड़ीआं नूं सभ तों पिछ्छों छुट्टी होई। मैं मानां नूं जांदी डंडी `ते निगहा रख्खी होई सी बई जिहड़ी ओधर नूं मुड़ी उह ओही होऊ। माड़ा मोटा मुहांदरा मैनूं दस्स दित्ता गिआ सी। लंमी उडीक मगरों इक्क लंमी पतली कुड़ी बिनां मेरे वल्ल वेखे कोल दी लंघ के मानां दी डंडी पई तां मैं नीझ नाल वेखण लग्गा। उहदा रंग गोरा सी, नैण नकश तिख्खे सन ते तोर मसतानी सी। मैनूं उह पहिली नज़रे ही भाअ गई। मैं चरन नाल गल्ल कीती, चरन नें गुरदिआल नाल ते गुरदिआल नें आपणे सहुरा साहिब नाल। दोहां धिरां दी तसल्ली हो जाण पिछ्छों चरन दी विचोलगी नाल अकतूबर 1965 विच्च मेरा मंगणा हो गिआ। मैनूं खंभणी नाल बंनहे चांदी दे रुपईए दा शगन पिआ ते छुहारा मूंह नूं लाइआ गिआ। इक्क इक रुपिआ शरीके भाईचारे नें दित्ता।

दिल्ली दे ख़ालसा कालज विच्च लैकचरार लग्गण लई मेरी इंटरविऊ आ गई। इक्क दिन पहिलां स.प्रीतम सिंघ बैंस ते मैं जथेदार संतोख सिंघ नूं मिलण उहदे घर गए। उस नें फोन उते प्रिंसीपल बल्ल नूं मेरी ज़ोरदार सिफारिश करदिआं किहा, “इस मुंडे दी सिख्खी लई बहुत सेवा है। इहनूं प्रोफैसर वी रख्खणा ते मैं फलाणे मैंबर दी कुड़ी दा रिशता वी कराउणै।” प्रिं.बल्ल नूं उस दी सिध्धवां कालज विच्च बी.ऐड्ड.करदी कुड़ी राहीं पता लग्ग चुक्का सी कि मेरा मंगणा हो चुक्कै। उस नें जथेदार नूं किहा, “उहदा तां मंगणा हो चुक्कै, मेरी लड़की नें दस्सिऐ।” जथेदार नें फोन दे मूंह उते हत्थ रख्ख के मैथों पुछ्छिआ, “किउं बई तेरा मंगणा हो गिऐ?” मैं किहा, “हां जी।” उस नें आखिआ, “तूं पहिलां किउं नी दस्सिआ?” मैं किहा, “पहिलां तुसीं पुछ्छिआ ई नी।”

मैनूं लग्गा मानां वाला मंगणा मेरी चोण नहीं होण देवेगा। मैं जथेदार वल्ल वेखण लग्गा कि वेखो की कहिंदै? उस नें खुल्ल्हदिली विखाउंदिआं फिर वी मेरी सिफारिश कर दित्ती ते मेरी बतौर लैकचरार नियुकती हो गई। लैकचरार बणिआ तां पंजाबी सभा दिल्ली दे मोढी गिआनी कुलदीप सिंघ नें मैनूं आपणे इक्क दोसत दी पी ऐच्च.डी.करदी कुड़ी दे रिशते दी पेशकश कीती। जट्टां दी उह कुड़ी सोहणी सी, लंमी सी ते ख़ूब बणदी फब्बदी सी। कोई वी उहदे नाल विआह कराउण लई तिआर हो सकदा सी। पर उह उडीक रहे सन कि लैकचरार लग्गे तों गल्ल तोरांगे। उह रिसक लैण तों जकदे रहे जद कि चौकीमान वालिआं नें रिसक लै लिआ सी।

मेरी मंगेतर बी.ऐड्ड कर के सैंटरल सकूल हलवारे अधिआपका लग्ग गई। मैं जद पिंड आउंदा तां हलवारे मिल के जांदा। साडा चिठ्ठी पत्तर वी चल्ल पिआ। जद मैं दिल्ली छड्ड के ढुड्डीके कालज विच्च आ लग्गा तां 4 जनवरी 1968 नूं साडा विआह धरिआ गिआ। मेरे उते सादे विआह दा एना भूत सवार सी कि नां कोई रिशतेदार सद्दिआ ते कोई दोसत मित्तर। मेरे मन विच्च इह वी सी कि मैं आपणी पहड़ाई उते ही घर दिआं दा खासा खरचा करवा चुक्कां ते हुण विआह `ते कोई खरच नी करवाउणा। मैं आपणे सहुरिआं नूं वी कहि दित्ता सी कि किसे दाज दहेज `च पइओ। मेरे सहुरा साहिब दे तिंन लड़कीआं सन। वड्डी लड़की जे.बी.टी.सी जो जे.बी.टी.अधिआपक नाल विआही गई सी। उस तों छोटी हरजीत बी.ऐड्ड कर के अधिआपका लग्ग चुक्की सी। सभ तों छोटी कालज विच्च पहड़दी सी। पुत्तर कोई नहीं सी।

असीं घरां दे दस बारां बंदे इक्क कार ते इक्क वैन उते चौकीमान गए। मेरे नां कोई सिहरा बध्धा सी ते नां कलगी लग्गी सी। वाजा तां कीहने लिजाणा सी? घर कोई कड़ाही नहीं सी चाहड़ी गई ते नां मठिआई लिआंदी गई सी। कमीज़ मैं प्रो.सल्होतरे दी पाई सी ते टाई प्रो.जसमेल सिंघ दी बंनही सी। कोट पैंट मेरे आपणे सी जो नवें सुआए सी ते चिट्टे रंग दी जुत्ती वी मेरी सी। कहिंदे सन कि सहुरीं गिआं दी जुत्ती चुक्की जांदी है इस लई उह वी ससती लई सी। साडे अनंद कारज बैठे बिठाइआं होए सन जो कि उनहां पिंडां विच्च उदों दा रिवाज़ सी। साडे विआह दा कोई फोटो नहीं लत्था ते नां सिर वारना होइआ।

बेशक्क मैं दाज दहेज मनहां कीता सी पर मेरे सहुरा साहिब दी आपणी मजबूरी सी। उनहां नें जो कुझ्झ आपणी वड्डी धी नूं दित्ता सी उही कुझ्झ आपणी दूजी धी नूं वी देणा सी। हरजीत नें मेरे लई करीम कल्लर दा सवैटर बुणिआ सी ते पलंघ लई नवार उणिआ सी। उहदीआं हत्थीं कढ्ढीआं चादरां ते बणाए होए बिसतरे सन। उह आपणी पेटी लै के आई ते मैनूं मेरे सांढू वांग साईकल दित्ता गिआ। साईकल ते पलंघ दी तां हुण कोई निशानी नहीं रही पर पेटी, निक्का मेज़ ते दाज विच्च मिलीआं दो कुरसीआं अजे वी साडे घर दा शिंगार हन।