गल्ल पुरातन ओलंपिक खेडां तों शुरू करदे हां। इक्क दंद कथा अनुसार ऐलिस दे राजे ओनोमस नें इह शरत रख्खी होई सी कि उह आपणी ख़ूबसूरत धी हिपोडेमीआ दा डोला उसे राजकुमार नूं देवेगा जिहड़ा राजे दे रथ नूं डाही नां देवे। डाही लैण दी सूरत विच्च राजे हत्थों भल्ले नाल मारे जाण दी सज़ा लागू सी। राजकुमारी नूं वरन लई वारी वारी राजकुमार नितरदे। उह राजकुमारी नूं आपणे रथ विच्च बिठा के दौड़न लग्गदे तां शाही रथ उहनां दा पिछ्छा करदा। शाही रथ दे घोड़े वधेरे तेज़तरार हुंदे जो राजकुमारां दे रथां नूं जा मिलदे। इंज ओनोमस नें आपणे तेरां संभावित जुआईआं नूं भल्ले नाल मारिआ।

फिर जीअस देवते दे पुत्तर पैलपोस दी वारी आई। उस नें किसे राहीं शाही रथ दी धुरी ढिल्ली करवा दित्ती। कई कहिंदे हन कि इस चतराई विच्च पैलपोस नूं पाउण लई हिपोडेमीआ नें ख़ुद हिस्सा पाइआ। जदों पैलपोस राजकुमारी नूं रथ `च बहा के नस्सिआ तां ओनोमस नें पिछ्छा कीता। ओनोमस दे घोड़े पैलपोस दे रथ तक पुज्जण ही वाले सन कि शाही रथ दा पहीआ निकल गिआ ते रथ उलट गिआ। उस दे नाल ही ओनोमस दी मौत हो गई। इंज पैलपोस नूं नां सिरफ़ राजकुमारी दा डोला ही मिलिआ सगों ऐलिस दा राज वी मिल गिआ। राज भाग मिलण दी ख़ुशी विच्च कहिंदे हन कि पैलपोस नें ओलंपिक खेडां कराउण दा जशन मनाइआ।

महांकवी होमर आपणे महांकावि इलीआद विच्च लिखदा है कि ओलंपिक खेडां महान जोधे पैतरोकलस्स दे मरने वजों मनाईआं गईआं। उस नूं टरोज़न हीरो हैकटर नें कोह सुट्टिआ सी। इक्क होर दंद कथा अनुसार जीअस देवते दे बलकारी पुत्तर हरकुलीस नें राजे औगीस नूं मार के उहदा माल हिक्क लिआंदा ते जीअस दी भेटा कर के ओलंपिक खेडां शुरू कीतीआं। विचली गल्ल इह है कि ओलंपिक खेडां दे जनम `च ही मौत दा बीज बीजिआ गिआ सी।

पुरातन ओलंपिक खेडां विच्च इक्क बहुत ही ख़तरनाक खेड ‘पंकराशन’ हुंदी सी। इह कुशती ते मुक्केबाज़ी दा मिशरन सी। इस विच्च दंदी वढ्ढण, उंगलां तोड़न ते अख्खां कढ्ढण दी ही मनाही सी बाकी सभ कुझ्झ जाइज़ सी। कोई जिंना मरज़ी किसे नूं कुट्ट मार कर के लहूलुहाण कर सकदा सी। इस खेड विच्च मार कुट्ट कारन कईआं दे मुहांदरे एने विगड़ जांदे कि उनहां नूं कई वार घर वाले वी सिआण नां सकदे। मुक्केबाज़ यूलीसिज़ नूं इकेरां घर दे बंदे वी सिआण नहीं सन सके। इह तां उस दा पालतू कुत्ता ही सी जिस नें उस नूं सुंघ के पछाणिआ। मुक्केबाज सट्रैटोफोन नूं तां उहदा कुत्ता वी नहीं सी सिआण सकिआ।

मार धाड़ दी इस खेड विच्च पहिलवान अरैशन दी जित्त अदुत्ती सी। पंकराशन विच्च उदों तक पहिलवान हारिआ नहीं सी मंनिआ जांदा जदों तक उह हत्थ चुक्क के हार नहीं सी मंनदा। अरैशन आपणे विरोधी नाल अजिहा गुत्थमगुथा होइआ कि दोवें जणे मरनहारे हो गए। अख़ीर जान निकलण लग्गी तां अरैशन दे विरोधी नें हत्थ उठा दित्ता। जदों जेतू अरैशन नूं उहदे हमाइतीआं नें ख़ुशी विच्च मोढिआं `ते चुक्कणा चाहिआ तां उह लाश बणिआ होइआ सी। किउंकि अरैशन नें हत्थ उठा के हार नहीं सी मंनी इस लई जज्जां नें अरैशन नूं जेतू करार दित्ता ते मोए चैंपीअन दे सिर उते जैतून दीआं लगरां दा मुकट सजाइआ गिआ।

ओलंपिक खेडां दा नाअहरा है-सिटीअस, ऐलटीअस, फोरटीअस। यूनानी भाशा दे इनहां शबदां दा अरथ होर तेज़, होर उच्चा ते होर अग्गे है। अग्गे तों अग्गे वधी जाण दा मनुख्ख अंदर अमुक्क जज़बा है। इहो कारन है कि कुदरत दा इह जीव धरती ते सागर गाहुण पिछ्छों पुलाड़ दी हिक्क चीर के अगांह लंघ जाण दे आहर विच्च लग्गिआ होइऐ।

खेड मुकाबले बंदे दे अगांह लंघ जाण दे जज़बे नूं भरपूर हुंघारा दिंदे हन। मनुख्ख अंदर फतिह हासल करन दा वी बड़ा बलवान जज़बा है। उह अंदर ते बाहर सभ कासे नूं जित्त लैणा लोचदा है। इक्क पासे उह जग्ग जित्तण दी जद्दोजहिद विच्च है ते दूजे बंने मन जित्तण दी साधना करी जा रिहै। इहदे लई उह जो नहीं सो करन नूं तिआर है। ज़ाहिर है कि खेड मुकाबलिआं विच्च जित्तां हासल करन लई उह कई वार सट्टां फेटां खाण ते इथों तक कि मौत विहाजणों वी गुरेज़ नहीं करदा।

पिछ्छे जिहे बराज़ील दे कार चालक आइरन सेना ते मुक्केबाज़ बरैडले सटोन आपो आपणीआं खेडां दे मुकाबले करदे होए मरे तां मीडीए विच्च बहिस छिड़ पई कि ख़तरनाक खेडां `ते पाबंदी लग्गणी चाहीदी है। पर पाबंदी लग्गी नहीं। लग्ग वी जांदी तां नां उह खिडारीआं नूं पुग्गणी सी ते नां दरशकां नूं पचणी सी। कारन इह है कि खेड मुकाबलिआं `चों जांबाज़ी यानी ऐडवैंचर नूं असलों ख़ारज नहीं कीता जा सकदा। जांबाज़ां `च जांबाज़ी विखाउण ते दरशकां `च जांबाज़ी दे जलवे वेखण दी वी अमुक्क रीझ है। जांबाज़ी बिनां जिऊणा थोथा ते फिक्का लग्गदा है।

सपेन `च बंदे दी सानह नाल लड़ाई उथों दी कौमी खेड है। इस खेड विच्च बथेरे बंदे मरे हन। नां इह खेड बंद होई है ते नां ही इहदी खिच्च घटी है। पंजाब विच्च बाज़ीगर सूली दी छाल लाउंदे रहे हन। हुण पेंडू खेड मेलिआं विच्च सरीर उपरों ट्रैकटर टरालीआं लंघाउणा, छाती `ते पत्थर तुड़वाउणे, अग्ग दे दाइरे `चों कुद्दणा ते घंडी दे ज़ोर सरीए दूहरे करन दे ख़तरनाक करतब विखाए जाण लग्गे हन। मेलिआं विच्च ‘मौत दे खूह’ दुआले दरशकां दी गिणती घट्ट नहीं हुंदी।

किला राइपुर दीआं खेल्हां विच्च बैल गड्डीआं दी दौड़ समें इक्क बलद मर गिआ सी। कुझ्झ पल मेला उदासी `च डुब्ब गिआ। उसे वेले सटेज तों खेड बुलारे दी आवाज़ आई, “लोको, इह बलद नी मरिआ, मैदाने जंग `च लड़दा सिपाही शहीद होइऐ। वेखिओ बैल गड्डीआं वालिओ किते दिल नां छड्ड जिओ। इक्क जहाज़ दा कपतान समुंदरी तूफ़ान `च मर गिआ सी। मगरों उहदा पुत्त वी कपतान बणिआ ते उहदी मौत वी समुंदरी तूफ़ान `च होई। पिछ्छों उहदा पोता जहाज़ दा कपतान बणिआ तां इक्क बंदे नें आखिआ, तूं जहाज़ नां चला, तेरा पिओ ते दादा जहाज़ `च मरे नें। पोता पुछ्छण लग्गा, तेरा पिओ किथे मरिआ सी? जवाब मिलिआ, घर `च। ते दादा? जवाब फिर ओही सी, अखे घर `च। जहाज़ी कपतान आखण लग्गा, फेर तुसीं घर किओं नहीं छड्ड दिंदे? बलद खुरली `ते खहड़ा वी मर सकदा सी पर उहदीआं गल्लां किसे नें नहीं सी करनीआं ते नां ही उहदे मालक दा किसे नें नां लैणा सी। आओ आपां इस बलद दे मालक दा दुख्ख वंडाईए।”

उसे वेले मेले `चों एने पैसे `कठ्ठे हो गए जिनहां नाल इक्क बलद छड्ड दो खरीदे जा सकदे सन। उस बलद दे मरन नाल किला राइपुर दीआं खेल्हां विच्च बैल गड्डीआं दीआं दौड़ां घटीआं नहीं सगों होर वधीआं हन। ‘अखाड़े दा शहीद’ किहा जाण वाला जरनैल सिंघ करास कंटरी लाउंदिआं वितों बहुता ज़ोर लाउण कारन परलोक सिधार गिआ सी पर उस तों बाअद करास कंटरीआं लग्गणीआं बंद नहीं होईआं।

इस धरती दे जल थल, बरफ़ां ते हवा मंडल विच्च सैंकड़े हज़ारां खेडां खेडीआं जा रहीआं हन। कई खेडां घट्ट ख़तरनाक हन ते कई वध्ध ख़तरनाक। जिनहां खेडां विच्च वधेरे ऐकशन, कलाबाज़ीआं, झकानीआं अथवा ज़ोरदार टक्करां हन उनहां दी ओनी ही वध्ध खिच्च है ते उह ओनीआं ही वध्ध ख़तरनाक वी हन। इह वेखिआ गिऐ कि जांबाज़ खेडां दीआं टिकटां महिंगीआं हुंदीआं हन ते इनाम वी वधेरे दिलकश हुंदे हन।

मुक्केबाज़ी दी ख़तरनाक खेड विच्च करोड़ां अरबां दा वणज हो रिहै। विशवजेतू मुक्केबाज़ दा इक्क इक घसुंन लख्ख लख्ख `च पैण लग्ग पिऐ। पिछ्छे जिहे माईक टाईसन दा भेड़ पंजाह करोड़ रुपए दी पेशकश नाल कराइआ गिआ सी। मुक्केबाज़ी उते पाबंदी लाउण दीआं गल्लां कई वार चल्लीआं हन। इस दी कौमांतरी संसथा दे डेढ सौ तों वध्ध मुलक मैंबर हन। अजे तक आईसलैंड विच्च ही मुक्केबाज़ी `ते मुकंमल पाबंदी लग्गी है जद कि सवीडन ते नारवे नें अंशक पाबंदी लाई है। अंकड़े दस्सदे हन कि सट्ट-फेटां ते मौतां दे लिहाज़ नाल बरफ़ानी हाकी, अमरीकन सौकर, रगबी, घोड़सवारी ते आटो दौड़ां मुक्केबाज़ी तों वी वधेरे जानलेवा खेडां हन। पंजाब दी देसी खेड कबड्डी वी सट्ट-फेटां वल्लों काफी रिसकी खेड है। अनेकां खिडारीआं दीआं लत्तां बाहां टुट्टीआं हन। किसे दी रीहड़ दी हड्डी ते किसे दा धौण दा मणका टुट्टण दी ख़बर वी आ जांदी है। नशे वालीआं वरजित डरग्गां दे सेवन नाल हुंदे सरीरक नुकसान वख्खरे हन।

मैराथन दौड़ तां शुरू ही इक्क शहीद दौड़ाक दी याद विच्च कीती गई सी। एथनज़ दा फिडीपीडीस पहाड़ी पिंड मैराथन तों आपणी फौज दी जित्त दा समाचार आपणे नगर निवासीआं नूं देण लई लगातार दौड़दा आइआ। पथरीले राहां उते दौड़दिआं उहदे पैर छिल्ले गए ते लहू दे निशान पत्थरां उते लग्गदे गए। पर उह लहूलुहाण होइआ वी दौड़दा रिहा। एथनज़ दीआं बरूहां `च आ के उह एना ही कहि सकिआ, “ख़ुशीआं मनाओ! आपां जित्त गए आं! !” एना कहिंदिआं उह डिग्ग पिआ ते परलोक सिधार गिआ। 1896 दीआं पहिलीआं ओलंपिक खेडां समें फिडीपीडीस दी याद विच्च मैराथन दौड़ शुरू कीती गई।

खेड खेतर दीआं सट्ट-फेटां ते मौतां गिणन लग्गीए तां सूची बहुत लंमी हो जावेगी। फौजी, सिपाही, अग्ग बुझाउण वाले ते कमांडो बथेरे घाइल हुंदे ते मरदे वी हन पर उनहां दीआं भरतीआं कदे बंद नहीं होईआं। इनहां उते पाबंदी लाउण बारे कदे किसे नें नहीं सोचिआ। आवाजाई `च किंने हादसे हुंदे हन पर आवाजाई बंद नहीं कीती जा सकदी। हां, हादसे घटाउण दे उपाअ कीते जा सकदे हन जो कीते वी जांदे हन। इंज ही किसे खेड उते पाबंदी लाउण दी थां उस खेड विच्च लग्गण वालीआं सट्टां ते होण वालीआं मौतां नूं रोकण दे उपाअ कीते जाणे चाहीदे हन।

जदों किसे खेड विच्च किसे दे सट्ट लग्गदी है जां म्रितू हो जांदी है तां उस खेड उते पाबंदी लाउण दा रौला पाउण दी थां सट्ट-फेट ते मौत दे कारन लभ्भे जाणे चाहीदे हन। खेड नूं घट्ट ख़तरनाक बणाइआ जाणा चाहीदै। मसलन मुक्केबाज़ी विच्च सिर उते होर सुरख्खिअत टोप पहिनाइआ जा सकदै अते गलव्वज़ होर नरम कीते जा सकदे हन। क्रिकट दे बल्लेबाज़ तेज़ गेंदां तों बचण लई सुरख्खिअत पैड वरतण लग्गे हन ते खेड नियमां राहीं बाऊंसर घटा दित्ते गए हन। हाकी दे गोलकीपर नूं ढाल वरगी पुशाक पहिना के ते पैनलटी कारनर दी उठवीं हिट्ट फाऊल करार दे के खेड काफी सुरख्खिअत कर लई गई है। उच्चीआं छालां लाउण ते पोल वालट करन वालिआं लई पोले गद्दे विछा दित्ते गए हन। मोटर साईकल, कार दौड़ां ते घोड़सवारी नूं होर वी हिफ़ाज़ती बणाइआ जाणा चाहीदा है तां जो घट्ट तों घट्ट हादसे होण ते सट्टां तों बचाअ रहे।

कबड्डी दी खेड नूं वी वधेरे सुरख्खिअत रख्खण लई नवें नियम बणाए जाणे चाहीदे हन ते फाऊल खेडण वालिआं नूं हरे, पीले ते लाल कारड विखाए जाणे ते जुरमाने करने चाहीदे हन। खिडारीआं नूं कुछ सेफगारड पहिनण दी वी खुल्ल्ह दित्ती जाणी चाहीदी है। कबड्डी दा सभ तों वध्ध दुखदाई पहिलू इह है कि बणाए होए नियमां `ते वी पूरा पहिरा नहीं दित्ता जा रिहै। इथों तक कि कबड्डी दे अंपाइर नूं होरनां खेडां वांग सही अंपाइर ही नहीं मंनिआ जा रिहै।

अख्खां साहमणे सट्टां वज्जदीआं ते ख़ून वहिंदा वेखणा सभ्भिआ लोकां लई लाहनत है। बंदा मर रिहा होवे ते दरशक ताड़ीआं मारदे होण जहालत ते जंगलीपुणा है। इस नूं रोकिआ जाणा चाहीदा है पर इह किसे खेड उते मुकंमल पाबंदी ला के नहीं रोकिआ जा सकदै। सिरफ़ खेड नियमां विच्च होर सुधार कर के ते हिफ़ाज़ती खेड सामान वरत के ही रोकिआ जा सकदै। नाले जीवन दी अटल्ल सच्चाई तों वी अख्खां नहीं मीटीआं जा सकदीआं। मौत नूं पिछ्छे पाइआ जा सकदै, मौत नूं झकानी दित्ती जा सकदी ऐ पर मौत तों बचिआ नहीं जा सकदा। इस लई सट्टां, फेटां ते मौत तों एना वी नां डरिआ जावे कि खेड विच्च कोई जुझारूपण ही नां रहे।