खेडां दी दुनीआं विच्च मशहूरीआं वी बहुत हन ते गुंमनामीआं वी घट्ट नहीं। जदों खिडारी चैंपीअन बण के जित्त मंच `ते चहड़दा है तां उहदी चारे पासे बल्ले बल्ले हो जांदी है। ते जदों उह खेड तों रिटाइर हो के उमर दा पिछला पहिर बिताउण लग्गदा है तां उस नूं नेड़ तेड़ दे वी भुल्ल जांदे हन। उह गुंमनामी दी वादी विच्च गुआच जांदा है। अजिहा ही एशीआ दे इक्क चैंपीअन मख्खण सिंघ बाजवा नाल होइआ।

एशीआ बड़ा वड्डा महांदीप है। करोड़ां अरबां दी इहदी आबादी है। दुनीआं दे दो तिहाई मनुख्ख इहदे विच्च वसदे हन। जिहड़ा जुआन किसे खेड विच्च एशीआ दा चैंपीअन बणे उह कोई मामूली मनुख्ख नहीं हुंदा। उहदे अंदर कोई अदुत्ती लगन हुंदी है जिहड़ी उस तों वरहिआं बध्धी मिहनत करवाउंदी है ते करोड़ां लोकां `चों मीरी होण दा माण बख़शदी है। अजिहे विअकती याद रख्खणे बणदे हन। उहनां दी प्रापती दीआं कथा कहाणीआं नवीं पीहड़ी लई प्रेरना दा सोमा हो सकदीआं हन। पर साडे देश विच्च हाले खेडां दे अजिहे जेतूआं दी कोई पुछ्छ गिछ्छ नहीं। कई तां कख्खों हौले होए बुढेपा कट्टदे हन।

अस्सीविआं दौरान मैनूं जलंधर दे सपोरटस कालज विच्च होई वैटरन अथलीटां दी इक्क मीट वेखण दा मौका मिलिआ। उथे मैं इक्क बड़ा कद्दावर बाबा डिसकस सुट्टदा वेखिआ। उदों उहदी उमर सत्तर सालां तों उपर होवेगी ते हुण कोई पता नहीं जींदा वी है जां नहीं। उहदे गंजे सिर दुआले डब्बीदार परना लपेटिआ होइआ सी ते अध्धीआं बांहां वाली घसमैली जिही फौजी बुनैण पाई होई सी। मलेशीए दा मोटा पजामा उहने लक्क उते बुनैण दे उपर दी बंनहिआ होइआ सी। ऐन उवें जिवें अथलीट कछ्छा बुनैण दे उपर दी कर लैंदे हन। हेठां पजामे दे पहौंचे खाकी ज़ुराबां विच्च तुंने होए सन ते भूरे फलीट कसी उह तिआर बरतिआर खहड़ा रिहा सी। मैं उहदे कोल दी लंघ के ते फिर बराबर खहड़ के अंदाज़ा लाइआ कि उस दा कद्द सवा छे फुट्ट तों वी उच्चा सी। उस दा सरीर अजे सिध्धा सतोर सी। तदे प्रिंसीपल सोम नाथ नें `वाज़ मारी, “मख्खण सिअहां तूं आपणी वारी भुल्लिआ फिरदैं, आ डिसकस सुट्ट।”

उह डिसकस सुट्टण आइआ तां आले दुआले खहड़िआं नूं आखण लग्गा, “भराओ, बच के खहड़ो। परहां परहां हो जो। इस सहुरी दा पता कोई नहीं किधर नूं निकल जे।” जदों उहदी सुट्ट नीवीं जिही निकल के नेड़े ही जा डिग्गी तां उह अफसोस `च आमुहारा बोलिआ, “जोर तां हालां वी बड़ा हैगा पर ऐतकां दाअ `च ई नहीं आई।”

दरशकां नूं कोई पता नहीं सी कि उह बज़ुरग कदे डिसकस सुट्टण विच्च एशीआ दा चैंपीअन सी। मैं पुछ्छ गिछ्छ कीती तां पता लग्गा कि उह उही मख्खण सिंघ बाजवा सी जिहड़ा 1951 दीआं पहिलीआं एशिआई खेडां विच्च डिसकस सुट्टण `चों फसट आइआ सी। उस समें चारे पासे मख्खण मख्खण हो गई सी पर हुण उस नूं कोई नहीं सी जाणदा।

मैनूं पुराणे चैंपीअन खिडारीआं दे दरशन करन ते उनहां नाल गल्लां करन `च ख़ास दिलचसपी है। उनहां तों नवें ते पुराणे दोहां वेलिआं दे हाल चाल दा पता लग्ग जांदा है।

मख्खण सिंघ डिसकस सुट्ट हटिआ तां मैं फतिह बुला के अरज़ कीती, “बाबा जी जे तुहाडे कोल समां होवे तां कुझ्झ बचन बिलास ही हो जाण।”

मख्खण सिंघ कोल समां खुल्ल्हा सी ते असीं इक्क रुख्ख दी छावें निवेकले जा बैठे। उस नें भुंजे बहि के लत्तां निसालीआं तां उह मैनूं असाधारन तौर `ते लंमीआं लग्गीआं। उहदा दाहड़ा बग्गा सफैद ते भरवां सी जिस नूं उस नें खुल्ल्हा छड्ड रख्खिआ सी। उह हवा दे बुल्लिआं नाल झूलदा। उहदा रंग बेशक्क कुझ्झ पक्का सी पर हालां वी उहदे `च लाली दी भाअ मार रही सी ते अख्खां लिशक रहीआं सन। मैं रवाइती तौर `ते पहिलां सिहत बारे पुछ्छिआ तां उस नें किहा, “सभ वाहिगुरू दी किरपा ऐ। सिहत तां बड़ी आहला पर नज़र हुण कमज़ोर पै चल्ली आ।”

फिर गल्लां बातां खुल्ल्हीआं तां पता लग्गा कि उहदा जनम 11 मारच 1911 नूं चक्क नंबर 321 ज़िल्हा लाइलपुर विच्च होइआ सी। उथे उनहां दे बाबे नूं मुरब्बा ज़मीन दा मिलिआ सी। पिछ्छों उह डेरा बाबा नानक लागिओं नारोवाल तों उठ्ठ के गए सन। फिर देश दी वंड उपरंत उनहां नूं कादीआं कोल पिंड नंगल बागबानां विच्च ज़मीन अलाट होई। उह आपणा बुढापा उसे पिंड विच्च कट्ट रिहा सी।

मख्खण सिंघ नूं बचपन विच्च पहड़न दा मौका नहीं सी मिलिआ। जदों उह इक्की सालां दा होइआ तां उहनां दे पिंडों इक्क फौजी अफसर नें उहनूं फौज विच्च भरती करा दित्ता। पहिलां उह डंगर चारदा ते खेती दा कंम करदा रिहा सी। तेई साल दी उमर विच्च जदों यूरप ते अमरीका दे खिडारी आपणी सिखर दी फारम विच्च हुंदे हन उहने खेडां खेडणीआं शुरू कीतीआं। उस नें जंमू तवी दी छाउणी विच्च पहिलां पहिल आपणे उच्चे कद्द कारन उच्ची छाल लाउणी शुरू कीती। उदों तक उहदा कद्द छे फुट्ट चार इंच हो गिआ सी ते सरीरक वज़न दो मण तों वध गिआ सी। उच्ची छाल तों बिनां उह हरडलां दी दौड़ वी लाई जांदा ते डिसकस हैमर वी सुट्टी जांदा। कोच उनहां दिनां विच्च कोई हुंदा नहीं सी। जिहड़ा कोई किसे खेड विच्च अग्गे वधदा उहनूं वेख वेख होर खिडारी उवें करी जांदे। जीहदे `च वध्ध ज़ोर हुंदा उही फसट आउंदा। मख्खण सिंघ कद्द काठ वजों तकड़ा होण कारन हरेक खेड `च आपणे हाणीआं नूं हरा दिंदा।

1941 विच्च जदों उह तीह सालां दा होइआ तां 123 फुट्ट पौणे अठ्ठ इंच डिसकस सुट्ट के हज़ूर अहिमद दा रिकारड तोड़न दे नाल नवां नैशनल रिकारड रख्ख गिआ। मुकाबला मिंटगुमरी दे बुच्च सटेडीअम विच्च होइआ सी। मख्खण सिंघ दे दूजी विशव जंग विच्च उलझ जाण कारन उह कई साल खेड मुकाबलिआं तों लाभे रिहा। उस दा रिकारड फिर सोम नाथ नें तोड़िआ जो बाअद विच्च सपोरटस कालज दा प्रिंसीपल बणिआ। जंग हटी तां देश दी वंड हो गई। उस पिछ्छों 1949 विच्च मख्खण सिंघ नें मुड़ डिसकस नाल ज़ोर अज़माई कीती ते इक्क दिन 136 फुट्ट थरोअ कर दित्ती। इस हिसाब नाल उह फिर देश दा अव्वल नंबर डिसकस सुटावा बण गिआ।

 

1951 विच्च पहिलीआं एशिआई खेडां होईआं। उदों मख्खण सिंघ दी उमर चाली सालां दी होण दे बावजूद उह भारती टीम विच्च चुणिआ गिआ। नवीं दिल्ली दे नैशनल सटेडीअम विच्च उस नें 130 फुट्ट पौणे गिआरां इंच डिसकस सुट्ट के सोने दा तमग़ा जित्त लिआ। उथे उस नें जपान दे कहिंदे कहाउंदे डिसकस सुटावे नूं पिछाड़ दित्ता।

मैं पुछ्छिआ, “एशीआ दा गोलड मैडल जित्त के किवें लग्गा?” उह माण नाल दस्सण लग्गा, “एशीआ दा गोलड मैडल जित्तिआ तां मेरे फोटू वी लत्थे ते मैनूं ख़ुशी वी बड़ी होई। अफसरां दीआं मेमां मैनूं ‘इधर आओ मख्खण सिंघ’ ‘इधर आओ मख्खण सिंघ’ करन लग्गीआं।” मेमां दी नकल ला के मख्खण सिंघ मिंनहा जिहा मुसक्राइआ।

“एशीआ जित्तण पिछ्छों होर किंने साल डिसकस सुट्टी?”

“जिंनी देर मैं फौज `च नौकरी करदा रिहा ओनी देर डिसकस सुट्टदा रिहा। मैं आपणी कमांड वासते डिसकस ते हैमर दोवें ईवैंट जित्त लैंदा सी। 1952 विच्च प्रैकटिस करदिआं `केरां मैं 140 फुट्ट डिसकस सुट्ट दित्ती सी ते हैमर 155 फुट्ट सुट्टिआ सी। जे हुण वांग उहनीं दिनीं कोचिंग दी सहूलत हुंदी तां पता नहीं असीं किथे पहुंचदे!”

“तुहानूं खेड दे सिर `ते कोई तरक्की वी मिली?”

“कोई खास नहीं। मैं बत्ती तों छपंजा तक चौवी साल फौज दी नौकरी कीती ते हौलदारी पैनशन लै के रटैर होइआ। `केरां मैनूं डिव कमांडर नें पंजाह रुपए दा इनाम घल्लिआ सी। उहदे नाल मेरा हौंसला बहुत वधिआ सी।”

“उहनीं दिनीं होर किहड़े अथलीट तुहाडे मुकाबले `च आउंदे सन?”

“पहिलां मेरा मुकाबला अमर सिंघ नाल हुंदा सी। लुधिआणे दीआं नैशनल खेडां `च उह फसट आइआ सी। उस पिछ्छों नहीं मैं किसे नूं `गाड़ी लंघण दित्ता। फिर प्रदुम्मण सिंघ चहड़ गिआ ते उहदे नाल ई बलकार सिंघ। तद तक मेरी उमर वी वाहवा हो चुक्की सी।”

मैं खाध खुराक बारे पुछ्छिआ तां मख्खण सिंघ वेरवे नाल दस्सण लग्गा, “निक्के हुंदिआं साडे घर दुध्ध घिओ दी कोई थोड़ नहीं सी। लवेरा आम हुंदा सी जिस करके खुराक खुल्ल्ही डुल्ल्ही खाधी। फौज विच्च वी कदे खुराक चंगी मिल जांदी कदे माड़ी। कदे सपैशल खुराक वजों दुध्ध दा गलास ते इक्क आंडा लग्ग जांदा। मैं कदे पकौड़ा शकौड़ा नहीं खाधा ते बिमार ठमार वी नइहीं होइआ। हुण वी मैं चाह पीण दी थां दहीं खाण नूं चंगा समझदां।”

गल्लां करदे करदे मख्खण सिंघ नें मैदान वल्ल नज़र घुमाई ते आखण लग्गा, “हुण लोअ हरडल लग्गण डही आ।” मैं किहा, “कुझ घर परिवार बारे वी दस्सो।” मख्खण सिंघ घर दीआं गल्लां निशंग दस्सण लग्गा, “तुहानूं पता पई पहिलां हरेक दी शादी नइहीं सी हुंदी। साडी तां ख़ैर वाही वी घट्ट ई सी। बस्स महीं छहीं रख्ख छड्डणीआं ते वड्डी उमर तक मेरा विआह नां होइआ। फिर 1947 `च गेड़ बणिआं ते मैं वी टब्बर वाला बण गिआ। पर मेरे घरों विचारी बहुती देर जींदी नां रही ते तिंन लड़कीआं नूं जनम देण मगरों गुज़र गई।”

मख्खण सिंघ कुझ्झ पल चुप्प हो गिआ ते मैं वी चुप्प रहिणा मुनासिब समझिआ। मख्खण सिंघ नें आपणी हड्ड बीती अगांह तोरी, “ओदों तक मैं एशीआ दा चैंपीअन बण गिआ सी ते मेरी गुड्डी वाहवा चहड़ गई सी। 1954 दे सिआल `च रावलपिंडी वल्ल दी इक्क भापण नें मेरे नाल विआह करा लिआ। रंग तां मेरा पक्का सी पर मैनूं वैल कोई नहीं सी। ऐवें कदे कदाईं घुट्ट पी लैणी पर वाह लग्गदी दुध्ध घिओ ते मीट फरूट ई खाणा। वडेरी उमर दा होण `ते वी भापण दे मैं पसंद सां।”

मैं नोट कर रिहां सां कि साडा पुराणा चैंपीअन बिनां किसे लकोअ छपोअ जां वल छल दे आपणीआं निज्जी गल्लां सच्चो सच्च दस्स रिहा सी। अज्ज कल्ल्ह दे चैंपीअन इओं नहीं दस्सदे। मैं पुछ्छिआ, “कदे फरंट `ते वी लड़न जाणा पिआ?” मख्खण सिंघ नें खब्बा हत्थ अग्गे कर के विखाइआ, “आह गोली मैनूं फरंट `ते ई लग्गी सी। फरंटीअर दे इक्क पठाण दी गोली टूं ठाह … करदी आई ते मेरा खब्बा हत्थ विंनह गई। पठाणां दीआं गोलीआं मोटीआं हुंदीआं पर मेरा फिर वी बचाअ हो गिआ।”

मैं हैरान सां कि गरीबड़े जिहे दिसदे इस चैंपीअन अथलीट नें हालां तक कोई ग़िले शिकवे वाली गल्ल नहीं सी कीती। इंज गल्लां कर रिहा सी जिवें सभ कासे वल्लों संतुशट होवे। कई रज्जे पुज्जे बंदे ऐवें ई ‘मर गए’ ‘मर गए’ करी जांदे हन। ते कई अजिहे वी टक्करदे हन जिनहां दी प्रापती जां देण काणी कौडी दी वी नहीं हुंदी पर टाहरां इओं मारदे हन जिवें दुनीआं चल्लदी ही उहनां दे सिर `ते होवे।

मैं मख्खण सिंघ दीआं लोड़ां थोड़ां जानण लई पुछ्छिआ, “परिवार नूं पालण लई तुहाडी आमदन दा की वसीला ऐ?” बज़ुरग चैंपीअन दे चिहरे `ते पहिलां तां विअंगमई मुसक्राहट आई ते फिर कुझ्झ लज्जिआ दे भावां नाल लग्गा, “खिडारी सभ गरीब ई हुंदे आ। अमीर होण तां फौजी किउं बणन? मेरी ढाई तिंन किल्ले पैली आ ते एनी पैली `चों भला किंनी कु आमदन होऊ? झोटीआं रख्ख के गुज़ारा करीदा। मेरे पंज पुत्तर आ पर उह नलाइक ई निकले आ। ओदों `प्रेशनां दा रिवाज नहीं सी हुंदा ते औलाद वाधू हो गई। मगरों ऐमरजंसी `च अगलिआ नें `प्रेशन वी करता पर उह किस कंम?”

बाबे दी गल्ल हस्सण वाली वी सी ते रोण वाली वी। मैं पुछ्छिआ, “की गल्ल पुत्तर किसे कंम धंदे नहीं लग्गे?” मख्खण सिंघ नें दुखी हुंदिआं किहा, “एहो तां दुख्ख आ। इक्क नूं गड्डी नाल लाइआ, दूजे नूं कारखाने लाइआ। निक्किआं नूं किहा, सहुरिओ टाइरां नूं पंचर लाउणे ई सिख्ख लओ। पर उह किधरे नहीं चल्ले। इक्क तां तमाकू वी लाउण लग्ग पिऐ। बीबीआं बड़ीआं चंगीआं ते आपो आपणे घरीं वस्सदीआं। मैं मुंडिआं नूं भरती लई वी खड़िआ पर अगांह वढ्ढी दा सिसटम चालू हो गिआ ते उह भरती हुंदे हुंदे रहि गए।”

मैं आख़री गल्ल पुछ्छी, “तुसीं कुझ्झ होर दस्सणा चाहुंदे होवों?” मेरे हत्थ विच्च डाइरी सी ते मैं उस दीआं गल्लां नालो नाल नोट करी जांदा सां। उस नें समझिआ शाइद मैं किसे सरकारी महिकमे दा बंदा होवांगा जो उस दी मदद कर सकांगा। एशीआ दा चैंपीअन रुक रक के लिखाउण लग्गा, “लिखो … मेरीआं तां सारीआं रीझां पूरी हो गईआं …। बथेरी दुनीआं देख लई …। मैनूं मुंडिआं दा ई फिकर मारी जांदा …। जे तुहाडे हत्थ वस्स आ तां तुसीं ई मारो कोई हल्ला …। जे मेरे मुंडे किधरे चौकीदार ई लग्ग जाण तां मेरी जान सुखाली निकल जे …।”

मैं हुण पंजाब जा के पता करांगा कि उस दी जान सुखाली निकली है जां अजे जींदा ही है!