पैंती साल प्रोफैसरी ते प्रिंसीपली करन पिछ्छों मैं 2000 विच्च रिटाइर होइआ। पता ही नहीं लग्गा एना समां किवें लंघ गिआ? नौकरी दौरान मैनूं कदे कोई ख़ास संकट नहीं आइआ। हस्सदिआं खेडदिआं समां बीतिआ। माड़ी मोटी गल्ल दा मैं कदे झोरा नहीं कीता। आखिआ किहड़ा आख़र आ चल्ली ऐ? नां ही रिटाइरमैंट दे पिछ्छों दा कोई फिकर सताइआ। पता सी कि आपां तां ढोले दीआं ई लाउणीआं नें!

मैं दो साल दिल्ली दे कालजां विच्च लैकचरार रिहा, उणत्ती साल ढुड्डीके ते चार साल अमरदीप कालज मुकंदपुर दी प्रिंसीपली कीती। इहदे विच्च इक्की साल दी नौकरी सरकारी सी जिस दी मैनूं पैनशन लग्ग गई। सरकारी नौकरी `च रहि के रिटाइर हुंदा तां पैनशन बेशक वध जांदी पर जो नामणा मैं प्रिंसीपल बण के खट्ट सकिआ उह सरकारी कालज दे सीनीअर लैकचरार वजों नां खट्ट सकदा। सरकारी नौकरी करदिआं मैं अठवंजा साल दी उमर विच्च रिटाइर हो जाणा सी जद कि प्राईवेट कालज दा प्रिंसीपल बण के सठ्ठ साल दी उमर मगरों रिटाइर होइआ। कालज दी प्रबंधक कमेटी मैनूं कुझ्झ समां होर रख्खणा चाहुंदी सी पर यूनीवरसिटी दे ऐकट अनुसार इस दी आगिआ नहीं सी मिल सकदी। फिर वी मैं जुलाई दी थां अकतूबर 2000 विच्च रिटाइर होइआ।

जे धरमराज नें मेरा वही खाता फोल लिआ तां सरकारी नौकरी दीआं विहलीआं खाण करके मैनूं नरकां `च जाणा पवेगा। पर प्राईवेट नौकरी दीआं कंम करके खाण नाल हो सकदै सुरग नसीब हो जावे। जे हिसाब किताब बराबर रहि गिआ ते धरम राज नें पुछ्छ लिआ बई किधर जाणै तां कहांगा, “महाराज जे दिआल होए ई ओ तां जिथे नरक ते सुरग दा चौंक ऐ ओथे ई दस वीह खेत दे दिओ। रल मिल के कालज खोल्ह लवांगे। तुसीं चेअरमैन बण जिओ ते मैनूं प्रिंसीपल बणा लिओ। मात लोक दे जिहड़े परमानैंट प्रोफैसर सरकारी कालजां ते यूनीवरसिटीआं विच्च फरलो मारदे आए होणगे उनहां नूं नरक `च भेजण दी थां आपणे कालज विच्च ऐडहाक लैकचरार रख्खांगे। मजाल की फरलो मार जाण! ऐडहाक तों जिंना मरज़ी कंम लै लईए। उह नरकां दे निआणे वी पहड़ाई जाणगे ते सुरगां दे वी। इहदे नाल उहनां दा नरक वी कट्टिआ जाऊ!”

असल विच्च मैनूं पैंती साल कालजां `च ला के वी पूरा रज्ज नहीं आइआ। जी करदै अगले जनम विच्च फिर प्रोफैसर ते प्रिंसीपल बणां ते जिहड़ीआं कमीआं पहिले जनम `च रहि गईआं उह अगले जनम `च पूरीआं करां। प्रिंसीपल वी ऐडहाक सटाफ दा बणां किउंकि परमानैंट सटाफ नाल पंगा पै सकदै ते तीजा जनम लैणा पै सकदै!

मुकंदपुर जाण वेले मन `च इहो सी कि चार साल डट के कंम करांगा। फिर पिंड परत आवांगा ते रिटाइरमैंट दी उमर आपणे पिंड कट्टांगा। सवेरे शाम खेतां `च गेड़ा मार लिआ करांगा ते सत्थ `च अमलीआं दीआं दिलचसप गल्लां नोट कर लिआ करांगा। जदों उह खिड़े होए होण तां सिरे दीआं गल्लां करदे हन। उदों उनहां नूं कंधां वी भरजाईआं दिसण लग्गदीआं हन। उनहां दीआं तुलनावां ते उपमावां वारस शाह नूं मात पाउंदीआं हन। सोचदा सां पिंड विहला होवांगा जिस करके वधेरे पहड़ लिख सकांगा। हर साल इक्क किताब छपवा लिआ करांगा। जिंने साल जीवांगा उनीआं किताबां लिख देवांगा। साल `च इक्क अध्ध वार यारां दोसतां नूं पिंड सद्द के नवीं छपी किताब उते गोशटी करवा लिआ करांगा ते आंढ गुआंढ दे मुंडे पीण खाण दा जुगाड़ कर दिआ करनगे।

पिंड विच्च भरावां दे नाल मैं नवां मकान बणा लिआ सी। साडा वड्डा पुत्तर जगविंदर जगराओं दे डी.ए.वी.कालज विच्च पहड़ा रिहा सी ते छोटा पुत्तर गुरविंदर पंजाब ऐंड सिंध बैंक दी हाकी टीम दा खिडारी सी। उहदी पोसटिंग साडे पिंड विच्च ही सी पर हाकी खेडण दी प्रैकटिस जलंधर हुंदी सी। टीम नाल उह कदे दिल्ली, कदे मुंबई, कदे चेनई ते कदे किसे होर शहिर तुरिआ रहिंदा सी। हरजीत पिंडों पंज मील दूर रसूलपुर दे हाई सकूल विच्च मुख्ख अधिआपका सी। जगविंदर दी पतनी परमजीत मोगे दे गुरू नानक कालज विच्च पहड़ाउंदी सी। चकर तों जगराओं वी नेड़े सी ते मोगा वी दूर नहीं सी। पर कुदरत नूं कुझ्झ होर मनज़ूर सी। मैं जिधर नूं जांदा सां कांटा बदल जांदा सी। मेरीआं मिथीआं मंज़लां हमेशां ही होर दीआं होर हो जांदीआं सन। रिटाइरमैंट पिछ्छों मेरी पिंड रहिण दी मंज़ल वी बदल गई।

होइआ इंज कि 1997 विच्च अमरदीप कालज विच्च पंजाबी दा लैकचरार रख्खणा सी। कालज दे बानी गुरचरन सिंघ शेरगिल्ल नाल पहिली मुलाकात विच्च ही साडा रिशता भरावां वाला बण गिआ। उह मैथों वीह दिन वड्डे निकले जिस करके मैं उनहां नूं भाअ जी कहिणा शुरू कर दित्ता। उनहां दी सलाह नाल जगविंदर नूं जगराओं दा कालज छुडा के अमरदीप कालज विच्च लैकचरार भरती कर लिआ। नाल उस दी पतनी वी आ गई जो होम साइंस दी ऐम्म.ऐस्स सी; ऐम्म.ऐड्ड.सी। कालज विच्च होम साइंस शुरू कर लई ते परमजीत वी कालज विच्च पहड़ाउण लग्ग पई। मेरी पतनी नें वी रसूलपुर तों जगतपुर दी बदली करवा लई जिस नाल प्रिंसीपल दी कोठी विच्च सारा परिवार `कठ्ठा हो गिआ। जिथे मैं हर हफ़ते पिंड जांदा सां उथे असीं महीना महीना पिंड नां जांदे। सारे परिवार दी इक्क थां नौकरी सानूं वी ते कालज नूं वी रास आ गई सी। असीं अठ्ठे पहिर कालज विच्च हाज़र सां। कालज विच्च पत्ता वी हिलदा तां मैनूं पता लग्ग जांदा।

प्रिंसीपल दा कालज विच्च रहिणा ज़रूरी हुंदै पर पंजाब दे कई कालज हन जिथे प्रिंसीपल कई कई दिन कालज विच्च नहीं वड़दे। सरकारी कालज ढुड्डीके दा हाल मैं अख्खीं वेख चुक्का सां। प्रिंसीपल जां किसे वी महिकमे दे मुखी दा आपणी सीट तों ग़ैर हाज़र होण दा मतलब बाकी दे सटाफ़ लई इहो हुंदै-साडा मीआं घर नहीं, सानूं किसे दा डर नहीं। मुखी दी ग़ैर हाज़री बाकी दे सटाफ़ नूं वी ग़ैर हाज़र होण लई उकसाउंदी है।

मैथों आप इकेरां ग़लती हो गई सी। मैं बिनां किसे नूं दस्से चंडीगहड़ चला गिआ सां। मेरे मगरों आफीशीएट करन वाला प्रो.गुरजंट सिंघ वी लुधिआणे नूं बस्स चहड़ गिआ। उदों उहदी पतनी लुधिआणे पहड़ाउंदी सी। बाअद दुपहिर जौहल साहिब कालज विच्च आ गए। सानूं दोहां नूं ग़ैर हाज़र वेख के उनहां नें कलर्रक तों पुछ्छिआ पई प्रिंसीपल साहिब किथे नें? किसे नूं कुझ्झ दस्सिआ हुंदा तां दस्सदा। उनहां नें पंजाबी विच्च इक्क चिट्ट लिख के मेरे मेज़ उते शीशे हेठ रख्ख दित्ती। मैं आ के पहड़ी तां लिखिआ होइआ सी, “चंगा होवे जे तुहाडे ते गुरजंट सिंघ विचों इक्क जणा दफतर विच्च ज़रूर रहे।” मैं आपणे आप नूं लाअहनत पाई कि इको वार बिनां दस्से गिआ सां ते उदों ही संनह `चों फड़िआ गिआ। उस तों बाअद जौहल साहिब नूं नां कदे चिट्ट लिखणी पई ते नां कदे ज़ुबानी कहिणा पिआ।

अमरदीप कालज विच्च कंम करन वाले टीचिंग सटाफ़ लई दो शरतां लाज़मी सन। पहिली सी कि लैकचरार नूं मुकंदपुर ही रहिणा पवेगा। उह छुट्टी वाले दिन ही लांभे जा सकेगा। शनीवार जा के सोमवार सवख्खते मुड़ेगा। दूजी शरत सी कि किसे वी विशे दा कोई लैकचरार प्राईवेट टिऊशन नहीं करेगा। डा.जौहल नूं पता सी कि इनहां शरतां बिनां पेंडू कालज नें नहीं चल्लणा। उह इंटरविऊ लैण वेले ही पुछ्छ लैंदे सन कि मुकंदपुर रहि सकदे ओ तां इंटरविऊ लै लैने आं वरना नहीं। जिहड़े उमीदवार उप्रोकत दोहें शरतां मंनदे सन उनहां नूं ही अमरदीप कालज विच्च रख्खिआ जांदा सी। उस कालज दे वधण फुल्लण दा राज़ वी इहो सी कि सटाफ दिन रात हर वेले हाज़र सी। प्राईवेट टिऊशन नां पहड़ाउण देण दा मतलब सी कि लैकचरार कलासां विच्च ही चज्ज नाल पहड़ाउण नां कि कलासां विचों टिऊशनां भालदे फिरन।

पिंडां दे सकूलां कालजां ते डिसपैंसरीआं आदि दा बुरा हाल इसे करके है कि उनहां विच्च कंम करन वाला बहुता सटाफ पिंडां विच्च नहीं रहिंदा। वधेरे करमचारी शहिरां विच्च रहि के पिंडां `च नौकरी करदे हन। उह पिंडां विच्च कदे जांदे हन कदे नहीं जांदे जिस करके अदारिआं दा बुरा हाल हो जांदै। सरकार नूं चाहीदै कि पिंडां दे सरकारी अदारिआं विच्च कंम करन वाले अधिकारीआं ते करमचारीआं दा अमरदीप कालज मुकंदपुर वरगा इलाज करे। नां सटेशन छड्डण देवे ते नां सरकारी तनखाह लैंदिआं प्राईवेट टिऊशन जां प्राईवेट प्रैकटिस करन देवे। नाल इह वी करे कि करमचारीआं दे पेंडू भत्ते वधावे ते उनहां दे घटावे जिहड़े शहिरां दीआं सहूलतां माण रहे नें। पर हुण उलट गल्ल कीती जा रही है। शहिरां `च कंम करन वालिआं दे भत्ते वध्ध हन ते पिंडां `च कंम करन वालिआं दे घट्ट हन।

मैं जदों ढुड्डीके दे सरकारी कालज विच्च पहड़ाउंदा सां तां ढुड्डीके दे लैकचरार बदली करवा के लुधिआणे चले जांदे सन। उथे रहाइशी अलाऊंस दुग्गणा तिग्गणा मिलदा सी। जीहनूं लुधिआणे तों पुट्ट के ढुड्डीके भेजदे उह पिट्टी जांदा कि इक्क तां अलाऊंस घट गिआ, दूजा लुधिआणे तों ढुड्डीके आउण जाण दा किराइआ लग्गण लग्ग पिआ ते तीजी अमीर शहिरी मापिआं दे बच्चिआं दी टिऊशन खुस्स गई। चौथा बस्सां विच्च ही दिहाड़ी बीतण लग्ग पई। उह घाटे वाधे दा हिसाब किताब ला के ओनी कु वढ्ढी दे दिंदा ते फिर लुधिआणे चला जांदा। पहड़ना पहड़ाउणा फिर कीहने सी? होरनां पेंडू सरकारी कालजां दा वी इहो हाल सी ते हुण वी है।

इह गल्ल इथे ही छड्ड के पहिलां आपणी मुका लवां। कालजां दे प्रिंसीपलां विचों दो प्रिंसीपल दो सालां लई पंजाब सकूल सिख्खिआ बोरड दे मैंबर नामज़द कीते जांदे हन। पंजाब दे सिख्खिआ मंतरी जथेदार तोता सिंघ नें मैनूं ते मसतूआणे कालज दे प्रिंसीपल राम सिंघ कुलार नूं मैंबर नामज़द कर दित्ता। बोरड दीआं मीटिंगां विच्च जांदिआं मैनूं सिआसतदानां ते बिऊरोकरेसी दे अफसरां नूं मिलण दा मौका मिलिआ। सिआसतदानां दीआं सिफारशां वी आ जांदीआं कि फलाणा फैसला इंज होवे तां ठीक है। जदों मैनूं बोरड दे इमतिहान पास करन वाले विदिआरथीआं दीआं जनम तारीखां ते नां दरुसत करन वाली कमेटी दा मैंबर बणाइआ गिआ तां कई गुझ्झीआं गल्लां दा पता लग्गा। इक्क दोंह दा ज़िकर करना वाजब होवेगा।

कमेटी मैंबरां दे धिआन विच्च आइआ कि कुझ्झ कलर्रक वढ्ढी लै के विदिआरथीआं दीआं जनम तारीखां ते नां बदल दिंदे हन। बाअद विच्च पूरी दी पूरी फाईल कमेटी तों परवान करवा लैंदे हन। पुछ्छ पड़ताल पिछ्छों असीं इस सिट्टे `ते पहुंचे कि जिहड़ा विदिआरथी इमतिहान पास करन तों साल दो साल दे अरसे विच्च आपणी ग़लत दरज होई जनम तारीख जां नां ठीक करवाउंदा है उह वाकिआ ही ग़लत नूं दरुसत करवा रिहा हुंदा है। पर जिहड़ा पंज साल तों वी वध्ध समें बाअद ठीक करन लई अरज़ी दिंदा है उह असल विच्च ठीक नूं ग़लत करवाउंदा है। कमेटी नें फैसला कीता कि पंज साल दा समां लंघ जाण बाअद जिहड़ी अरज़ी आउंदी है उह सिध्धी कमेटी कोल आवे। लोड़ पैण `ते अरज़ी करता नूं बुलाइआ वी जा सकदै।

इंज करन नाल वढ्ढी नूं काफी ठल्ल्ह पै गई। जिहड़े समझदे सी कि वढ्ढी नाल सारे कंम हो जांदे हन उनहां दा इह ‘निक्का जिहा’ कंम वी नहीं सी हो रिहा। ग़लत दरज होईआं जनम तारीखां तां ठीक हो रहीआं सन पर ठीक लिखीआं ग़लत होणो हट गईआं। इक्क बंदा अहिम सिआसी नेता दी सिफारश नाल मुकंदपुर आइआ। होवेगा चाली कु सालां दा। उह बड़े हंमे नाल कहिण लग्गा कि मैं गरैजूएट आं। इंगलैंड `च कई साल ला के आइआं। एथे आ के पता लग्गा पई तसीलदारी दा रेट तीह लख्ख ऐ। मेरी `तांह तक पहुंच ऐ जिस करके सौदा पच्ची लख्ख `च हो गिऐ। हुण प्राबलम इह ऐ कि मेरी उमर दो साल वध्ध ऐ। उह दसवीं दे सरटीफिकेट `च ठीक करनी ऐं। मैं आपणे सकूल दे रजिसटर `च ठीक करवा दित्ती ऐ ते ज़िल्हे दे सिवल सरजन दे दफतर तों वी लिखवा लिआइआं। बस्स तुसीं ओ घुग्गी मारनी ऐं। अगले हफ़ते तुहाडी कमेटी दी मीटिंग ऐ। जो सेवा कहो हाज़र आं।

कमाल दी तरज़े बिआनी सी। बंदा इंगलैंडीआं वांग सपश्शट सी पर पंजाब दे काइदे कानूंन नूं टिच्च समझदा सी। समझदा सी कि पंजाब दा की ऐ, वढ्ढी दे के जो मरज़ी कर करवा लओ। मैं उहदे कागज़ पत्तर वेखे। उस नें पंदरां साल ते कुझ्झ महीनिआं दा हो के दसवीं पास कीती सी जिस करके उस दी जनम तारीख बिलकुल ठीक लिखी होई सी। हुण उह तेरां सालां दा बण के दसवीं पास दा सरटीफिकेट बणवाउणा चाहुंदा सी जो बण नहीं सी सकदा। मैं उस नूं साफ कहि दित्ता कि असीं ग़लत जनम तारीखां ठीक करन वासते लाए आं नां कि ठीक नूं ग़लत करन वासते। उह हैरान वी होइआ ते परेशान वी। कहिण लग्गा, “फिर इलाज दस्सो।” मैं आखिआ, “जीहनूं पच्ची लख्ख दित्ते ऐ वापस लै लओ ते जीहदा तसीलदारी `ते हक्क बणदै उहनूं तसीलदार बणन दिओ।” मैनूं नहीं पता कि उह तसीलदार बण सकिआ जां नहीं पर मैं ठीक जनम तारीख नूं ग़लत करन दा भागी नहीं बणिआ।

इक वार इक्क पुलिस इंसपैकटर दी जनम तारीख ते पिता दे नां दा केस आ गिआ। उह आप तां दसवीं वी पास नहीं सी पर आपणे सिरनावीएं दे सरटीफिकेटां उते भरती हो के तरक्कीआं करदा इंसपैकटर बण गिआ सी। हुण डी.ऐस्स.पी.बणन नूं फिरदा सी पर जीहदा हक्क मारिआ जा रिहा सी उहने पोल खोल्ह दित्ता सी। असी पुछ्छ पड़ताल कीती तां पहिलां उस नें ठाणेदारां वाले फुंकारे मारे पर पिछ्छों ए.सी.कमरे विच्च बैठे नूं वी मुहड़का आ गिआ। असीं सिरफ़ एना ही किहा सी कि पच्ची सालां दी तनखाह सणे विआज़ वापस करनी पवेगी ते जेल्ह दा पता नहीं किंनी होवे?

प्रिंसीपल बण के ते प्रिंसीपल दे रुतबे नाल होर वी कई कुझ्झ बण के मैनूं काफी कुझ्झ वेखण ते जाणन दे मौके मिले। चार साल दी प्रिंसीपली नाल चाली साल तों वी वध्ध दा जीवन अनुभव हो गिआ। मेरी रिटाइरमैंट उते इक्क समागम कीता गिआ जिस नूं डा.जौहल नें विदाइगी समागम दी थां ऐपरीसीएशन फंकशन किहा। जसवंत सिंघ कंवल जिस नें मैनूं दिल्ली तों ढुड्डीके लिआंदा सी ते पिछ्छों मुकंदपुर भेजिआ सी उह वी मेरी रिटाइरमैंट समें हाज़र सी। मेरी सिफ़त सलाह उस नूं आपणी सिफ़त सलाह लग्ग रही सी।