डाकटर नूं रब्ब दा रूप मंनिआ गिआ है किउंकि डाकटर मरीज़ नूं दूजा जनम दिंदे हन। किसे हद्द तक इह गल्ल ठीक वी है पर इस गल्ल तों वी मुनकर नहीं होइआ जा सकदा कि अजोके युग विच्च लोक बिमारीआं तों वध्ध डाकटरां तों डरदे हन। लोकां दे मूंहां तों अकसर ही इह गल्ल सुणन नूं मिलदी है कि रब्बा, डाकटरां अते वकीलां दे वस्स नां पाईं। किसे वेले डाकटरी दे पवित्तर पेशे दा मुख्ख मंतव सेवा भाव ही हुंदा सी पर हुण इस पेशे दा मंतव सेवा भाव घट्ट, पैसा कमाउणा वध्ध बण चुक्का है। सरकारी हसपतालां विच्च डाकटरां, डाकटरी सहूलतां, चंगे इलाज दी घाट अते मरीज़ां दी वध रही गिणती नें गरीबां अते मध्ध वरगी लोकां नूं बिनां इलाज तों मरन जोगे कर दित्ता है। पिता जी दी लंबी बिमारी अते भरावां भैणां विच्चों वड्डा होण कारन बचपन तों ही मेरा वाह डाकटरां नाल पै गिआ सी। मां अते छोटे भैण भरावां नूं बिमारी दी सथिती विच्च डाकटरां कोल लैके जाण दी ज़िंमेवारी मेरी ही हुंदी सी। डाकटरां दे आपणे पेशे नालों पैसा कमाउण प्रती झुकाअ नें लोकां दी उनहां प्रती सोच नूं बदल दित्ता है। आपणे इक्क परम मित्तर दी सलाह ’ते मैं इक्क नामवर हसपताल दे आरथो दे डाकटर कोल आपणी पतनी दे इलाज लई पहुंच गिआ। उसने इलाज तों बिनां ही साडे पंजाह हज़ार रुपए टैसटां उत्ते खरच करवा दित्ते। उनहां टैसटां विच्च उसने कैंसर दा टैस्सट वी करवा दित्ता जो कि मेरी पतनी नूं है ही नहीं सी। किसे होर हसपताल दे टैसटां नूं उह मंनदा ही नहीं सी किउंकि उसदे हसपताल दे टैसटां दे रेट चार गुणा सन। मुड़ उसदे हसपताल विच्च जाण दा साडा हौसला ही नहीं पिआ।

पर सारे डाकटर इक्को जिहे नहीं हन। अजोके युग विच्च अजिहे डाकटर वी हन जो कि सच्चमुच्च रब्ब दा ही रूप हन। उह पैसा कमाउण नालों लोकां दी सेवा करन नूं ज़िआदा तरजीह दिंदे हन। उनहां नूं रब्ब अते मौत याद है। उह मरीज़ां दीआं जेबां नालों उनहां दी बिमारी वल्ल ज़िआदा धिआन दिंदे हन। उंज तां चंडीगहड़ दे पी.जी.आई. हसपताल दे लगभग सारे डाकटर ही रब्ब दा रूप हन किउंकि उह पैसा कमाउण लई नहीं सगों मरीज़ां दी सेवा करन लई ही डाकटर बणे होए हन पर उनहां विच्चों सरजन समित बैनरजी वरगे कई डाकटर अजिहे वी हन, जिनहां नें आपणी पूरी ज़िंदगी आपणे मरीज़ां प्रती अरपित कीती होई है। उनहां दी आपणे मरीज़ां प्रती फ़िकरमंदी आपणे आप विच्च मिसाल है। मेरे इक्क मित्तर दी भैण दा सरजन डाकटर समित बैनरजी नें बच्चेदानी दा अप्रेशन रख्खिआ होइआ सी। उह अप्रेशन रख्खी होई मिती नूं ज़रूर होणा सी किउंकि उस अप्रेशन नूं अग्गे पाउण नाल मरीज़ दी जान नूं खतरा हो सकदा सी। पर डाकटर बैनरजी नूं अचानक किसे ज़रूरी कंम कारन विदेश जाणा पै गिआ। उह अप्रेशन कोई होर डाकटर नहीं कर सकदा सी। मेरे मित्तर दी भैण दा परिवार उसदी जान नूं लैके बहुत घबराइआ होइआ सी। डाकटर बैनरजी दे सहियोगी डाकटर उनहां दे आउण बारे कुझ नहीं दस्स रहे सन पर अप्रेशन दे दो दिन पहिलां डाकटर बैनरजी नें आपणे सहियोगी डाकटरां नूं फोन करके कहि दित्ता कि तुसीं मरीज़ अते अप्रेशन दी तिआरी करके रख्खो, मैं अप्रेशन वाले दिन पहुंच रिहा हां। डाकटर बैनरजी अप्रेशन वाले दिन एअरपोरट तों सिध्धे अप्रेशन थीएटर विच्च पहुंचे। उनहां नें 19 घंटे दा अप्रेशन करके मरीज़ दी जान बचा लई। उह इक्क हफते बाअद मुड़ आपणे भरा दे अप्रेशन लई विदेश चले गए।

इनहां रब्ब रूपी डाकटरां विच्चों इक्क एशीआ दे मंने प्रमंने सपाईन सपैशलिसटां डाकटर राज बहादुर वी है। डाकटर राज बहादुर दा संबंध इक्क सधारण जिहे परिवार नाल रिहा है। उह नंगल टाऊनशिप्प दे उस सरकारी सकूल विच्च पहड़िआ है, जिस विच्च मैं लैकचरार वजों पहड़ाइआ है। उह आपणे सकूल नूं भुल्लिआ नहीं है। उसने आपणे सकूल नूं पंज लख्ख रुपए भेजे हन तांकि लोड़वंद बच्चिआं दी मदद कीती जा सके। वड्डे शहिरां दे हसपतालां विच्च डाकटर सपाईन दे मरीज़ नूं वेखण दी सत्त सौ रुपए तों पंदरां सौ रुपए फीस लैंदे हन पर डाकटर राज बहादुर दे हसपताल दी फीस केवल पंजाह रुपए है। दूजे हसपतालां दे मुकाबले ऐकसरे, सीटी सकैन, ऐम्म.आर.आई, ते होर टैसटां दा खरच बहुत घट्ट है। उह टैसटां अते दवाईआं विच्चों कमिशन नहीं खांदा। उह दूजे डाकटरां दे मुकाबले अपरेशन दे बहुत घट्ट पैसे लैंदा है। उस नूं इह गल्ल भुल्ली नहीं कि उह वी बहुत सारीआं मुशकिलां विच्चों लंघ के ही डाकटर बणिआ है, इस लई उह गरीब लोकां दा इलाज बिनां पैसिआं तों वी कर दिंदा है। गरीब अते लोड़वंद लोकां नूं दवाईआं आपणे कोलों दे दिंदा है। उह मरीज़ां दे अप्रेशन पैसे बणाउण लई नहीं करदा, सगों तद ही करदा है जेकर ज़रूरी होवे।

पंजाब दी सरहद्द दे नेड़े पैंदे हिमाचल दे शहिर ऊना दे कोल चमड़ी दे रोगां दा हसपताल चला रिहा डाकटर प्रदीप कुमार शरमा वी इनसानीअत दा पुजारी ते रब्ब रूपी इनसान है। उसदा संबंध वी इक्क सधारन जिहे परिवार नाल है। आपणे फ़ौजी पिता दी नेक कमाई नाल डाकटर बणे प्रदीप कुमार शरमा नूं आपणी संघरश मई ज़िंदगी दा पूरा इहसास है। वड्डे शहिरां विच्च चमड़ी दे रोगां दे माहिर डाकटर दी परची दी फीस सत्त सौ रुपए तों इक्क हज़ार रुपए है। दस दिन बाअद नवीं परची बणदी है। मरीज़ दे हज़ारां रुपए टैसटां अते दवाईआं उत्ते खरचा दित्ते जांदे हन। उनहां डाकटरां नें दवाईआं दी दुकान अते टैसटां दी लैब वी आपणी ही खोल्ही होई हुंदी है। गरीब आदमी आपणे इलाज लई उनहां कोल जाण तों पहिलां सौ वार सोचदा है। गरीब आदमी दा तां उनहां तों इलाज करवाउण दा हौसला ही नहीं पैंदा पर डाकटर प्रदीप कुमार शरमा कोलों सारे अमीर गरीब मरीज़ इलाज करवा सकदे हन किउंकि उसदी परची केवल दो सौ रुपए है। पंदरां दिन मगरों परची दी अध्धी फीस लगदी है। टैसटां लई उसने नां कोई लैब खोल्ही होई है अते नां दवाईआं लई कोई दुकान। उह टैस्सट बहुत ही घट्ट अते ज़रूरी होण ’ते ही लिखदा है। उह टैसटां अते दवाईआं दे कमिशन वी नहीं लैंदा। बहुत गरीब विअकती तों परची दे पैसे नहीं लैंदा ते दवाई आपणे कोलों दे दिंदा है। उह सिफ़ारिश किसे दी वी नहीं सुणदा। गरीब, अमीर बड़े तों बड़े अधिकारी नूं उसदे नंबर आउण ’ते ही वेखदा है, किसे आरमरजैंसी वाले मरीज़ नूं पहिल दे अधार ’ते वेखदा है।

डाकटरी दे पेशे विच्च आउण वाले लोकां नूं इह गल्ल ज़रूर सोचणी चाहीदी है कि प्रमातमा किसमत वालिआं नूं ही डाकटर बणन दा मौका दिंदा है। आपणे इस गुण नूं मरीज़ां दी सेवा विच्च लगा देणा चाहीदा है तां कि गरीब तों गरीब लोक वी उनहां दे इस गुण दा लाभ उठा सकण। पैसे दे लालची लोकां नूं डाकटरी दे खेतर विच्च आउणा ही नहीं चाहीदा। सरकारां नूं चाहीदा है कि मैडीकल कालजां दी फीस घट्ट तों घट्ट कीती जावे, मैनेजमैंट सीटां दी विवसथा खतम कीती जावे। मैडीकल कालजां अते उनहां विच्च सीटां दी गिणती वधाई जावे तांकि गरीब तों गरीब बच्चे वी इस खेतर विच्च आ सकण अते इस खेतर विच्च मरीज़ां दी सेवा करन दा रुझान पैदा हो सके।

* * * * *