जे जसविंदर दी गल्ल मंन लैंदी तां अजेही दुबिधा ‘च नां फसदी। उदों इरादा वी तां पक्का सी। पर मैनूं पापा दी गल्ल ठीक लग्गी सी। जसविंदर दा हाले हुणे फोन आ के हटिआ है। नां सुख्ख नां सांद। सिध्धा पुछ्छदा है , “हाले भूआ नूं फोन कीता है कि नहीं?”

“नहीं।” सुण उसदी आवाज़ खरहवी हो जांदी है, “लग्गदा है तेरा हैथे ही जीअ लग्ग गिऐ।”

“पापा होरीं कहिंदे आ के महीना कु होर ठहिर जावां।”

“पर भूआ नूं फोन करके तरीक तां पक्की कर लै। उस छुट्टी बुक्क कराउणी ऐ। उह आप आऊ। खहड़े पैर कहिंदे टिकट वी महिंगी मिलदी ऐ। तूं अज्ज ही फोन कर।”

“कर लैनी आं,” मैं मरी जिही आवाज़ ‘च कहिंदी हां। उह फोन रख्ख दिंदा है। उसदी आवाज़ मैनूं चुभदी है। उहदे भाणे मैं ऐश ‘च मसत हां। उस नूं की पता कि मैं किस अहिसास थल्ले दब्बी जा रही हां। ‘इस तरहां किवें दोश ला दिआं’| जसविंदर दी कही गल्ल फिर याद आ जांदी है, ‘ऐवरीथिंग इज़ फेअर इन लव ऐंड वार’| चल्ल जद टाईम आइआ देखी जावेगी। धिआन होर पासे लाउण लई टी.वी. आन कर लैंदी हां। इंगलिश दी समझ नहीं पैंदी। वेखदी हां जे कोई मूवी पई होवे। विआह वाली मूवी पई है। ‘इसदा की वेखणा’ सोच उस नूं हत्थ नहीं पाउंदी। विहली रहि के सारी दिहाड़ी गुज़ारनी औखी लग्गदी है। बचपन तों ही चुक्क-धर करके घर नूं सजाउण दा शौक है पर इह करन दी वी इछ्छा नहीं है। घड़ी वल्ल वेखदी हां। दस वज्जण वाले हन। हुणे दस वजे गुरमीत दा फोन आ जावेगा। फिर इक्क वजे लंच बरेक वेले फोन करेगा। मैं किंनी वार किहा है कि मेरा ऐना फिकर नां करिआ करे, मैं कोई बच्ची हां। जिंनां जि਼आदा उह मेरा खिआल रख्खदा है, मेरी दुबिधा उनीं ही वधदी जांदी है। लगदा है जिवें मेरे अंदर---नहीं, नहीं मैनूं इस तरहां नहीं सोचणा चाहीदा। इह मेरी खुदग़रजी होवेगी। जसविंदर नें किंनी कुरबानी कीती है। कुरबानी? मेरे अंदर प्रशन उठ्ठदा है। मैं की ऊल–जलूल सोचण लग्ग पई हां। घड़ी वल्ल वेखदी हां, दस वज्ज के दो मिंट हो गए हन। अज्ज फोन किउं नहीं खड़किआ। पर मैं किउं उडीक कर रही हां? कदों उडीक करदी हां, इह तां उंझ ही दिमाग ‘च आ गिऐ। सगों फोन नां ही आवे। लिविंग रूम दी खिड़की राहीं बाहर वेखदी हां। किंनी चमकदार धुप्प है! मंमी-डैडी ऐनी धुप्प ‘च सड़दे होणगे। घड़ी वल्ल फेर नज़र मारदी हां। दस वज्ज के पंज मिंट हो चल्ले हन। फोन दी रिंग हुंदी है, मैं झपट के फोन चुक्क लैंदी हां। चुंमण दी आवाज़ आउंदी है।

“हां जी, पी लई चाह ?” मैं पुछ्छदी हां।

“चाह वी पी लवांगा बाअद ‘च, उहदी ऐनी ज़रूरत नहीं जिंनी तेरी मिठ्ठी आवाज़ सुनण दी।”

मैं कहिणा चाहुंदी हां कि फिर पंज मिंट लेट फोन किउं कीता। पर मूंहों निकलदा है, “अछ्छा।”

“होर जीअ लग्गिआ होइऐ? बोर तां नहीं हो रही ?”

“नहीं ठीक हां,” मैं हौली जिही आवाज़ ‘च आखदी हां।

“किवें तेरी आवाज़ ढिल्ली जिही ऐ किते सिर तां नहीं दुख्खदा?”

“नहीं बस्स विहली करके बोर हो गई सी।”

“आई नो , विहले दिहाड़ी कढ्ढणी औखी ऐ। मेरा वस्स चल्ले तां तैनूं कदे इक्कली नां छड्डां बोर होण लई।”

“चंगा तुसीं चाह पी लओ थोडी बरेक खतम होण वाली है।”

“चल चंगा बाअए, आई लव यू,” चुंमण दे के उस फोन रख्ख दित्ता।

‘सिर दुखण’ दा बहाना मैं ऐने वार कर चुक्की हां कि हुण उसनूं फिकर हो गिआ है। परसों कहिंदा,“ तेरा ऐना सिर दुखदै, किते कुझ होर ही नां होवे। चल्ल डाकटर दे चल्लीए।” मैं मसां मनाइआ कि डाकटर दी लोड़ नहीं।

सकूल ‘च हाले महीना पिआ है। कहिंदे सतंबर ‘च कलासां शुरू होणगीआं। जे हुण हुंदीआं घट्टो-घट्ट दिहाड़ी तां सुखाली निकल जाइआ करदी। महीने दा मैनूं की भाअ उदों होण भावें नां होण। मेरे अंदर इक्क चीस जिही उठ्ठी है। कंम ‘ते वी नहीं जाण दिंदा। मैं किंने तरले नाल किहा सी , “मेरी विहली दी दिहाड़ी नहीं निकलदी कोई कंम ही लभ्भ दिओ।”

“पहिलां पहड़ लै फेर सारी उमर कंम ही करना है,” उस किहा।

“जदों सकूल टाईम आऊ देखी जाऊ। उन्नीं देर तां कंम करां,” मैं फिर तरला लिआ।

“महीने पिछ्छे की कंम लभ्भांगे। कंम दा तूं फिकर नां कर मैं बथेरा कर लिआ करूं। तूं बस्स डट के पड़ीं। मेरी इछ्छा सी पहड़न दी पर मैं कंमां ‘च उलझ गिआ। तूं महीना आराम कर लै। फेर तैनूं विहल कित्थे मिलणी ऐं,” उस दीआं उंगलां मेरे केसां ‘च खेल्ह रहीआं सन। मेरा दिल कीता कि आख देवां, ‘नींद आउंदी है’ पर मैं इस तरहां नां आख सकी ते जि਼द करके उसनूं मंमी-डैडी नाल बेरी तोड़न जाण लई मना लिआ। पर उह सिरफ इक्क दिन वासते राज़ी होइआ।

डैडी कहिंदे, “फारम तां भाई बुढ्ढे–ठेरे जां अनपहड़ लोकां वासते ऐ, जिंनां नूं होर थां कंम नहीं मिलदे।” पर मैं चली गई। शाम तक्क थक्क के चूर हो गई। इंनां कंम कदे कीता नहीं सी। पर मेरा अंदरला खुश सी। मानसिक तसल्ली होई कि घट्टो-घट्ट रोटी जोगे तां कमा के दित्ते हन। नहीं तां जद वी खिआल आ जांदा कि मैं इनहां तों किस खुनामी दा बदला लै रही हां तां मेरे अंदर गुनाह दा अहिसास जाग पैंदा है। उस रात अगले दिन फिर फारम ‘च जाण दी जि਼द्द कीती पर गुरमीत नें द्रिहड़ आवाज़ ‘च आख दित्ता, ‘नहीं,होर नहीं।” मंमी नें वी वकालत कीती, “ चल्ल जा लैणदे, वेख चेहरा किवें खिड़िऐ नहीं तां मुरझाई जिही रहिंदी ऐ।” पर गुरमीत टस्स तों मस्स नां होइआ। मैनूं मंमी ‘ते पिआर आइआ। पिआर मैनूं दिने वी आइआ सी जद धुप्प ‘च आप दोनो बेरी तोड़दे रहे पर मैनूं वार-वार आखदे, “थक्क जावेंगी, जाह आराम कर लै।” पर मैं उनहां दे नाल ही लग्गी रही। शाम पई तों मैं आख ही दित्ता, “ऐनी औखी कमाई करदे हो, तुसीं ऐथे ते असीं उत्थे सोचदे सी जिवें कनेडा ‘च दरख्खतां नूं डालर लग्गदे होण।”

हां उस दिन तों बाअद इक्क गल्ल ज़रूर होई कि मैं सवेरे उठ्ठ के मंमी-डैडी अते गुरमीत वासते बरेकफासट ते नाल लिजाण लई लंच तिआर करन लग्ग पई। पहिलां मैं देर तक्क पई रहिंदी सी। मेरे सुत्तिआं ही सारे कंम ‘ते चले जांदे। सुत्ती वी कदों हुंदी, घेसल मार के पई रहिंदी। सोचदी हुंदी कि गुरमीत खिझेगा, फेर शाइद मारे कुट्टे वी। मेरा कंम आसान हो जावेगा। जसविंदर दी भूआ नें दस्सिआ सी इह गुर मैनूं। गुरमीत नूं गुस्सा दिवाउण लई सिर वाह के मैं केस कंघे ‘च छड्ड देणे, उह खिझ तां जांदा पर आखदा कुझ नां। सारी दिहाड़ी बिसतरा इक्कठा ही नां करना, कंम तों मुड़े नूं चाह वी नां पुछ्छणी सगों सिर लपेट के पै जाणां। उह कंम तों आके दो पिआलीआं चाह दीआं बणा के बैडरूम ‘च लै आउंदा। आपणे वाली पिआली ‘चों पहिलां मेरे कोलों घुट्ट भरवाउंदा आखदा, “मिठ्ठी करदे।” मैनूं नमोशी जिही हुंदी। फेर मैं उसनूं कंम तों मुड़े नूं चाह बणा दिंदी। भूआ नूं फोन करके दस्स दित्ता कि इह जुगतां गुरमीत ‘ते नहीं चल्लण वालीआं। उह पता नहीं किहड़ी मिट्टी दा बणिआ होइऐ। भूआ कहिंदी, “तूं ज़रूर कुट्ट खाणी ऐ। किसे नूं की पतै कि कुट्टदा–मारदा है वी कि नहीं। आपां तां आख देणै।” उस दिन तों बाअद भूआ नूं फोन करन दा वी खिआल नहीं आइआ। चल्ल अज्ज करूंगी। राज़ी-खुशी पुछ्छ लवांगी। आख देवांगी कि महीना कु होर ठहिर जाईए, पापा नें कल्ल्ह फिर फोन ‘ते किहा सी कि जसविंदर नूं फोन करके आख देवे धीरज रख्खण लई। टाईम वेखदी हां हाले साढे गिआरां वज्जे हन। टरांटो होणगे ढाई वज्जे। हाले थोड़ा सदेहां है। भूआ कहिंदी सी कि टरांटो दे छे कु वजे फोन करिआ करां। इक्क वजे फिर गुरमीत दा फोन आ जाणा है। उसने फिर मेरे विचारां ‘ते हावी हो जाणा है। इह मैनूं की होई जांदा है। मैं उठ्ठ के बैड्डरूम ‘च जांदी हां। पैर अटैची नाल टकरा जांदा है। इह अटैची वी विचाले अड़िआ पिआ है। उस दिन गुरमीत दा पैर इस विच्च वज्जिआ सी। कहिंदा, “इह अटैची तेरे कप्पड़े आपणे ‘च कैद करी बैठा है ते मेरे कप्पड़े तेरे कप्पड़िआं दी छोह लई तरसी जांदे हन।” पर मैं आम पाउण लई चार कु सूट बाहर रख्खे होए हन। सोचदी हां कि किउं खिलारा पावां, महीने तक्क फेर सांभणे पैणगे। इक्क जीअ करदा है कि अटैची खाली करां ऐवें पैरां ‘च वज्जदा है, जदों महीना आऊ देखी जाऊ। चल्ल ऐह छोटा बैग तां करां इक्क पासे, जिस दिन दे विकटोरीआ तों मुड़े हां उसे तरहां ही पिआ है। मैं आपणी पैंट-शरट बाहर कढ्ढदी हां। इह गुरमीत नें मेरे इत्थे पहुंचण तों पहिलां ही लिआ रख्खी सी, नाल इक्क नाइटी। पर मैं इह कप्पड़े हाले तक्क तन नूं नहीं छुहाए। गुरमीत दे कप्पड़े कढ्ढके हैंगरां ‘ते टंग दिंदी हां। आपणी पैंट-शरट ‘ते नाइटी वी उसदे कप्पड़िआं दे नाल ही टंग दिंदी हां। फिर लाह के गुछ्छा-मुछ्छा करके कलौजि਼ट दे कोने ‘च पए दूसरे अटैची उप्पर सुट्ट दिंदी हां। फिर चुक्क के गुरमीत दे कप्पड़िआं तों अलग्ग हैंगरां उप्पर टंग दिंदी हां। बैग विच्चों इक्क डाइरी निकलदी है। मैं वेखण लग्गदी हां। पंजाबी ‘च काफी सफ़े लिखे होए हन। उस रात वी उह लिखदा रिहा सी।

मेरे वैनकूवर पहुंचण तों दूसरे दिन ही उह मैनूं लै के विकटोरीआ चल्ल पिआ सी। कहिंदा, “आपणा हनीमून हुण शुरू होइऐ। इंडीआ तां तेरी संग ही नहीं सी लत्थी।” मैं आपणे बुल्ल्हां ‘ते मल्लो-जोरी मुसकराहट लिआई सी। फैरी ‘च उप्परले डैक्क ‘ते जाके उस मैनूं आपणे नाल घुट्ट लिआ।

“मैनूं नहीं चंगा लग्गदा इंझ सारिआं साहमणे,” मैं किहा।

“आपां पती-पतनी आं।”

“फेर वी।” मेरी आवाज़ ठंडी सी। उस मैनूं छड्ड दित्ता। मैं डैक्क दी रेलिंग नूं हत्थ पा पिछ्छे वल्ल जांदीआं छल्लां वेखण लग्गी ---छल्लां विच्च जसविंदर दा झाउला पिआ -------

----“इध्धर इंटरविऊ ‘ते आइआ सी। सोचिआ मिलदे चल्लीए नहीं तां भरजाई गुस्सा करेगी कि उहदे पेकिआं दे नेड़िओं मुड़ गिआ।” जसविंदर सति स्री आकाल बलाउण तों बाअद ज़रूर कहिंदा। पता नहीं उस नूं इध्धर ही किओं इंटरविऊ आउंदीआं। उह हसा-हसा के साडीआं वख्खीआं दुखण ला दिंदा। असीं उसनूं उडीकदे रहिंदे। उह ताइआ जी दी लड़की दा दिउर है। इक्क दिन ताइआ जी पापा नूं कहिंदे, “किओं नां आपां सुखजीत दा रिशता जसविंदर नाल कर देईए। बी.ए.,बी. ऐड्ड कीती होई ऐ नौकरी मिल ही जाऊ। नाले देखे –भाले बंदे ऐ।”

पापा कहिंदे, “देख लवांगे हाले सुखजीत दी बी.ए. तां पूरी हो लैण देईए।” मैं वी सुणिआ ते मेरे छोटे वीर टीटू नें वी सुण लिआ। उस मेरी छेड़ ही पा दित्ती। फिर मैनूं जसविंदर दी होर वी उडीक रहिण लग्गी। जद दूसरे भैण-भरा उसदीआं गल्लां तों हस्स रहे हुंदे, मैं माण महिसूस करदी। जसविंदर दी याद नें मेरे अंदर हलचल मचा दित्ती। मेरा हत्थ अचेत ही गुरमीत दे हत्थ उप्पर टिक गिआ। मैनूं जिवें झटका वज्जा होवे। मैं उस वल्ल वेखिआ। उह इक्क टक्क मेरे वल्ल वेख रिहा सी। “की वेख रहे सी?” मैनूं लग्गा जिवें मेरी चोरी फड़ी गई होवे।

“किंने महीनिआं बाअद मिली ऐं, सोचिआ रज्ज के वेख तां लवां,” उस जवाब दित्ता।

इसे तरहां इह पिछली शाम एअरपोरट ‘ते फुल्लां दा गुलदसता फड़ा मेरा मत्था चुंम के इक्क टक्क मेरे वल्ल वेखदा रिहा सी। मेरीआं पलकां झुक गईआं सन। मैं तां सोचिआ वी नहीं सी कि इह इकल्ला एअरपोरट ते आवेगा। जद मैं मंमी-डैडी होरां बारे पुछ्छिआ तां कहिंदा, “उनहां दी हाज़री ‘च मैं तैनूं संवार के मिल नहीं सी सकदा, इस करके इकल्ला आइऐं।” घर पहुंचण ते मंमी नें तेल चोइआ, ‘अज दा दिन मैं मसां लिआ---’ उस गीत दी हेक कढ्ढी। किंने ही रिशतेदार इकठ्ठे होए होए सन। विआह वरगा माहौल बणाई बैठे सन। तिंन-चार जणे दस कु मिंटां बाअद उठ्ठ के जाण लग्गे इक्क गुरमीत नूं कहिंदा, “सपैशल पारटी तां तैथों कंम ‘ते लवांगे अज्ज तां असीं दरशन करन आए सी कि ऐहो जी किहड़ी कुड़ी ऐ जीहदे चाअ ‘च तूं उडिआ फिरदैं।”

“इंडीआ दी याद आउंदी होणी ए। आई नो इह टफ ऐ सारिआं तों विछ्छड़णा,” गुरमीत नें मैनूं चुप्प-चुप्प वेख के किहा।

‘मेरी इस नाल की दुशमणी है,’ मेरे अंदर खिआल आइआ। ‘किंना चंगा हुंदा जे मैं जसविंदर दी गल्ल मंन के सिध्धा उसदी भूआ कोल चली जांदी’। मैनूं गलती दा अहिसास होइआ। फिर पापा साहमणे आण खलोते।

“कौफी लिआवां?”गुरमीत नें पुछ्छिआ।

“चलो मैं वी तुहाडे नाल चलदी हां।” कौफी लै के असीं फिर बाहर आ गए। घुट्ट भर के गुरमीत कहिंदा,“मेरे वाली तां कौड़ी ऐ।” जद मैं आपणे कप्प ‘चों घुट्ट भर लई तां कहिण लग्गा,“लिआ आपणे वाली दे मैनूं।” मेरे वाले कप्प ‘चों घुट्ट भरके कहिंदा,“तेरे वाली तां किंनी मिठ्ठी ऐ मैनूं इह पी लैणदे तूं मेरे वाली पी लै।” मैं हाले उस वाले कप्प ‘चों घुट्ट भरी ही सी उस झट्ट पुछ्छ लिआ, “किवें ऐ कौड़ी कि मिठ्ठी?”

“मिठ्ठी,”मैं ऐवें ही आख दित्ता। उस दीआं अख्खां चमक पईआं। फेर असीं राह ‘च आउंदे टापूआं वल्ल वेखण लग्गे। उह निक्कीआं-निक्कीआं गल्लां करदा रिहा। मैं उसदा साथ देण लई हां ‘च हां मिलाउंदी रही। मैनूं उह बच्चिआं वरगा लग्गा। जापिआ जिवें मेरे अंदर जंमी बरफ़ नूं कुझ सेक पहुंचिआ होवे। पर जसविंदर मेरे साहमणे फिर आण खलोता। मैं डर गई कि अंदरली बरफ़ पिघल नां जावे। इस करके होटल ‘च पहुंचण सार जद गुरमीत नें किहा, “चल्ल नहा लै, फ्रैश हो जावेंगी, फिर आपां बाहर तुर –फिर आवांगे।” मैं बहाना मार दित्ता, “मैनूं तां चक्कर आ रहे हन, सिर पाटण-पाटण करदै। लग्गदै जिवें राह दी बेअरामी करके है।”

“चल्ल आपां किसे डाकटर कोल चलदे हां,” उह फिकरमंद दिसिआ।

“नहीं-नहीं सौण नाल ठीक हो जाऊ।”

“लिआ मैं तेरा सिर घुट्ट दिआं,” उस पिआर जिहे नाल मेरा सिर आपणे हत्थां ‘च लै लिआ। मैं कहिणा चाहुंदी सी, ‘वैरीआ तैथों दूर भज्जण लई तां मैं बहाने बणा रही हां ते तूं नेड़े हो हो बहिनै’| पर मैं आखिआ, “नां पलीज़।”

उह बुझ जिहा गिआ। फिर कहिंदा, “चल्ल कुझ खा आईए फेर आके सौं जावीं।”

“नहीं नहीं मैनूं भुख्ख नहीं, तुसीं खा आओ। मैं सेब खा लवांगी।” मैं नाल लिआंदे लिफाफे वल्ल इशारा करके किहा। उह सेब कट्ट के मैनूं खवाउण लग्गा। उस आप दो केले खा लए। फेर उह मेरे नाल ही बैड्ड ते लेट गिआ। उसदा हत्थ मेरे सरीर ‘ते फिरन लग्गा। जसविंदर दा चेहरा अख्खां मूहरे आ गिआ। सरीर ‘ते गुरमीत दा फिरदा हत्थ लग्गा जिवें नाग महेल रिहा होवे। मैं डर के अख्खां खोल्ह लईआं। गुरमीत मेरीआं अख्खां साहमणे सी। अख्खां मीचदी तां जसविंदर दिसदा, खोहलदी तां गुरमीत दा भोला चेहरा साहमणे हुंदा। अंदर चल्ल रही कशमकश दी पीड़ अख्खां राहीं वहि तुरी। गुरमीत बैड्ड तों उठ्ठ खलोता। कहिंदा, “हुण तूं आराम नाल सौं कल्ल्ह नूं घुंम-फिर लवांगे।”

उह कुझ लिखण लग्गा अते मैं जसविंदर बारे सोचण लग्गी। जद उह आ जांदा मैं उड्डी फिरदी। मैं आपणे-आप नूं खुशकिसमत समझदी कि जिसनूं चाहुंदी हां, उस नाल ही विआह होवेगा। पर इक्क दिन उह कहिंदा, “आपणे करमां ‘च तां फौरन दी धरती ऐ।”

“जे जनाब फोरन चले गए तां साडा गरीबां दा की बणेगा,” मैं छेड़िआ।

“असीं आपणी गरीबणी नूं वी नाल लै जावांगे।”

“गरीबणी नूं किवें लै जाओंगे जनाब। जे गए तां मैरिज बेस ते जाओगे कि कोई होर तरीका लभ्भिऐ मेरी सरकार नें,” मैं उसे दी मज़ाक वाली भाशा ‘च किहा।

“तरीके दी भाल हाले जारी है। मैरिज बेस मिल गिआ छड्डणा उह वी नहीं। उत्थे पहुंचके तूं कौण ते मैं कौण ते आपां आपणी गरीबणी नूं सद्द लैणा ए,” उस मेरे चेहरे ते अख्खां गड्ड के किहा।

“किसे दी जिं਼दगी नाल खिलवाड़ करोंगे?”

“ऐवरी थिंग इज़ फेअर इन लव ऐंड वार,” आख के उह हस्सिआ।

फेर मैनूं पता लग्गा कि उह जरमनी जाण दी सकीम बणा रिहा है। मैं पुछ्छिआ तां कहिंदा, “कुछ तां करना ही पऊ ,नहीं तां सारी उमर भुख्ख-नंग नाल घुलदे मर जावांगे। तूं फिकर नां कर। जे सूत आ गिआ तां तैनूं उत्थे ही सद्द लऊं जे नां आइआ कुछ कमा के तां लिआवांगा ही। नाले उदों तक्क तूं ऐम.ए.जां बी.ऐड कर लवेंगी।”

“मैनूं नहीं चंगी लग्गी थोडी सकीम। घट्ट खा लवांगे। नाले कदे तां नौकरी मिलेगी ही,” मैं विरोध कीता।

पर उह कहिंदा,“मैं आपणे चंगे फिऊचर बारे सोच के ही कर रिहा हां।” ते उह चलिआ गिआ। महीने कु बाअद दिल्ली-बंबई दे चक्कर लाके मुड़ आइआ। मैं शुकर कीता। उह बहुत मायूस सी। एजंट उस नूं धोखा दे गिआ सी।

मैं पासा पलटिआ। गुरमीत कुझ ਼िलखण ‘च रुझिआ होइआ सी। ‘मैं वी तां गुरमीत नाल धोखा ही कर रही हां,’ मैनूं खिआल आइआ। किंने चावां नाल मैनूं लैके आइऐ। होटल दा खरच वख्ख। मैनूं इस तरहां बहाना नहीं सी करना चाहीदा। पर मैं की करदी। मैनूं आपणा आप जसविंदर दा गुनाहगार लग्गण लग्ग पिआ सी। ते हुण गुरमीत दा। मैं कित्थे उलझ गई। मेरे सिर ‘च सच्च ही दरद होण लग्गा। जीअ कीता कि उच्ची-उच्ची रोवां। पर गुरमीत कुझ लिखण ‘च मसत सी।

मेरा धिआन हत्थ ‘च फड़ी डाइरी वल्ल जांदा है। खाली होइआ छोटा बैग कलौजि਼ट ‘च रख्खके मैं बैड ‘ते लेट जांदी हां अते डाइरी दे वरके फरोलण लग्गदी हां। ‘हनीमून’ सिरलेख वाला सफ़ा पहड़न लग्गदी हां।

सोचिआ वी नहीं सी कि हनीमून वेले वी मैं डाइरी लिखांगा। मैं किड्डी गलती कर बैठा हां। इह वी नहीं सोचिआ कि जहाज़ दी थकावट ते उनींदरे कारण उसनूं दो कु दिन आराम कर लैण देणा चाहीदा सी। पर की करां? इंडीआ इहदे शरमाउण ‘च ही टाईम लंघ गिआ। सोचदा सी कि घर ‘च वी मंमी–डैडी दी होंद करके खुल्ल्हेगी नहीं। मैं उस नाल विछोड़े समें दे वेखे सुपने छेती पूरे करना चाहुंदा सी। सुख्खी नूं जिहड़े कप्पड़िआं ‘च सुपनिआं ‘च चितवदा सी उह मैं पहिलां ही ख्रीद रख्खे हन। सोचिआ सी, जद उह नहाउण लग्गेगी बैग ‘चों कप्पड़े कढ्ढ के उसनूं कहांगा कि आह पा। फेर उस नाल बाहर घुंमण जावांगा। चंन चानणी रात झील किनारे इक्क-दूजे दा हत्थ फड़ तुरांगे। फेर मैं सुख्खी दा चेहरा आपणे हत्थां ‘च लै के आखांगा ,‘असमान वाले चंन नालों इह चंन वधेरे खुबसूरत है’---।

पहड़ के मैं रुमांटिक होण लग्गदी हां। झल्ला है इह। नहीं मैं मूरख हां, जिसने विचारे दा सारा प्रोगराम ही चौपट कर दित्ता। नहीं-नहीं मैनूं इस तरहां नहीं सोचणा चाहीदा। किंनी सवारथी हो गई हां। मैं अग्गे पहड़न लग्गदी हां।

---पर सुख्खी दी तबीअत खराब है। कोई नी सारी उमर पई है सुपने पूरे करन लई। विचारी किवें पई है गुछ्छा-मुछ्छा होई। जीअ करदा है कि आपणी गोदी ‘च उसदा सिर रख्खके घुट्टां। पर उसदी नींद खराब होवेगी। किंनी पिआरी है मेरी सुख्खी। इस दी होंद दा अहिसास ही मैनूं नसि਼आ रिहा है। ---

मेरे अंदरों हाउका निकलदा है। साहमणी कंध उप्पर लग्गी मेरी तसवीर ‘च मैं मुसकरा रही हां। जिवें मैं आपणे आप ‘ते हस्स रही होवां। इह तसवीर पापा नें विआह तों पहिलां भेजी सी, जिसनूं गुरमीत नें वड्डी करा के बैड्ड दे साहमणी कंध उप्पर लगा दित्ता। इसे आकार दीआं मेरीआं होर वी तसवीरां लाई बैठै। इक्क तसवीर है जिहड़ी मेरी ते गुरमीत दी इकठ्ठिआं दी है विआह वेले दी। मैं तसवीरां तों निगहा हटा डाइरी दे सफ़े पलटदी हां। ‘विआह लई हां’ सिरलेख वाला सफ़ा पहड़न लग्गदी हां।

-- मैं तां गुआच गिआ सी। पहिलां मैं लग्गदीआं आरां ‘च गुआचिआ सी। कनेडा ‘च मंमी-डैडी नाल भैण कोल आइआ होण करके आरां दा जिहड़ा मतलब मेैनूं समझ लग्गदा उह हुंदा, ‘भैण घर भाई कुत्ता’| इनहां आरां तों बचण लई मैं छेती घर बंनहणा चाहुंदा सी। आपणे आले-दुआले दे हाण दा होणा चाहुंदा सी। दस साल पहिलां कनेडा आइआं नाल रलण लई बहुत सारे डालरां दी ज़रूरत सी, जिहड़े कंम कीतिआं ही कमाए जा सकदे सन। अते मैं कंमां ‘च गुआच गिआ। आपणी होंद नूं भुला बैठा। इक्क मशीन बण गिआ। मशीनां ‘च दिल थोहड़ो धड़कदे हन। पर इक्क दिन कंमां दी मारो-मार ‘च मैनूं छुट्टी करनी पै गई। मैं शापिंग सैंटर चला गिआ। कंम ‘ते पाउण लई कवरआल ख्रीदणा सी। बहुत ही पिआरी आवाज़ कंनी पई,“हाए गुरमीत।”

जिंदर सी इह। चार-पंज साल बाअद मिली सी। मैं कनेडा आइआ ही सी, उदों दो कु महीने इक्क फूड पैकिंग पलांट ‘च कंम कीता सी उथे इह जिंदर कंम करदी सी। मेरे वांग इंडीआ तों नवीं-नवीं आई सी। मेरी जदों उस ते निगहा पैणी, बहुते वारी उसदीआं मोटीआं–मोटीआं अख्खां मेरे वल्ल केंद्रित होणीआं। मेरे नाल अख्ख मिलदे ही उस पलकां झुका लैणीआं। उसदी इह तक्कणी मैनूं खंभ ला दिंदी। आपणे संकोचवें सुभाअ करके मैं उस वल्ल कदम नां वधा सकिआ। जद तक्क उह पलकां झुकाउण दी थां मुसकराउण लग्गी, मैनूं होर थां कंम मिल गिआ। कंम छड्डण समें मेरे अंदर खोह जिही पई पर इह खोह नवीं थां ‘ते घंटे दा इक्क डालर वध्ध मिलण दी खुशी ‘च गुआच गई।

ते उस दिन अचानक उसनूं वेख मेरा दिल धड़किआ।

“की हाल है”? उस पुछ्छिआ। मैनूं उह पहिलां तों वी निख्खरी-निख्खरी लग्गी।

“बस्स ठीक ऐ। तुसीं हाले उथे ही कंम करदे ऐं”?मैं पुछिआ।

“होर आपां कित्थे जाणै। तुसीं मुड़के गेड़ा ही नहीं मारिआ,” उस मेरीआं अख्खां ‘च वेखदी नें किहा। मैनूं लग्गा जिवें उह आख रही होवे, ‘वैरीआ लाके मुड़ सार वी नहीं लई’| मैथों उसदी तक्कणी दी ताब नां झल्ली गई। मैं अख्खां निवाके मरी जिही आवाज़ ‘च किहा, “टाईम ही नहीं मिलिआ, कंमां ‘च ही बिज़ी हो गिआ। तिंन थावां ‘ते कंम करदां।”

“कंम जिउण वासते करीदै, कंम करन वासते नहीं जीवींदा,” उस दानी औरत वांग किहा। मेरी निगहा उस वल्लों फड़े सटरोलर ‘च बैठे बच्चे ‘ते पई।

“किंना पिआरा बच्चा है। की नां है ?”मैं बच्चे नाल लाड करदे नें पुछ्छिआ।

“गैरी, पूरा नां गुरमीत,” उस दस्सिआ। मेरे अंदर इक्क तरंग जिही उठ्ठी।

उस दिन मेरे दिमाग ‘च आइआ कि मंमी –डैडी दी गल्ल मंन लैणी चाहीदी है। उह बहुत देर तों मेरे मगर पए होए सन कि विआह करावां।-- -

मैं सफ़ा पलटदी हां अते ‘विआह दी तिआरी’ वाला सफ़ा पहड़न लग्गदी हां।

-- --जद मैं विआह लई हां किहा मंमी दी अड्डी धरती ‘ते नां लग्गे। मेरा विचार सी कि कनेडा ‘च ही कोई कुड़ी लभ्भ पवे।

“ऐधर दीआं जंमीआं-पलीआं सानूं कित्थों मंनीआं खवा देणगीआं,” मंमी नें नांह ‘च सिर फेरिआ।

“ऐधरलीआं जंमीआं-पलीआं तां मैं वी नहीं कहिंदा। कलचरल डिफरैंस ऐ। पर हो सकदै जिवें आपां नूं चार-पंज साल होए ऐ, जे एस तरहां दा कोई प्रीवार लभ्भ जाए,” मैं किहा।

“नहीं ऐधर आके कुड़ीआं ‘ते झट्ट असर हो जांदै। विआह तां आपां इंडीआ ही करांगे,” डैडी नें आखरी सुणा दित्ती।

“रिशतेदारां दीआं रोज़ चिठ्ठीआं आउंदीऐ इंडीआ तों। कीहदा लवोंगे ते कीहनूं गुस्से करोंगे,” मैं चिठ्ठीआं बारे याद करवाइआ।

“आपां रिशतेदारी ‘चों किसे दा वी नहीं लैंदे। अखबार ‘च कढा दिंने आं,” डैडी नें किहा।

“जिवें तुहानूं ठीक लग्गदै,” मैं आख दित्ता।

इंडीआ पहुंच सभ तों पहिलां सुखजीत नूं ही वेखण दा फैसला होइआ। उसदी तसवीर वेख ही मैं पट्टिआ गिआ सी। ते जद उस नूं वेखिआ उसे दा हो के रहि गिआ। चाह पींदिआं मैं चोर अख्ख नाल वेखदा, मैनूं लगदा जिवें उह जिंदर वांग मेरे वल्ल वेख रही होवेगी पर सुखजीत दीआं पलकां नीवीआं ही हुंदीआं –----

‘होर मैं बिट्ट-बिट्ट झाकदी। मैनूं पतै किंने कलेश बाअद उत्थे बैठणां पिआ सी’| डाइरी तों निगहा हटा के मैं बीते ‘च गुआच गई।

घर ‘च पूरा तणाओ सी। मेरी अड़ी सी कि जे विआह कराउणैं तां जसविंदर नाल ही, नहीं तां नहीं।

पापा कहिंदे, “उह कोई कंम नी करदा कार नी करदा। असीं तेरे भले खातिर ही करदे हां।”

“मेरा भला तां इही है कि मेरा जसविंदर नाल विआह हो जावे,”मैं बीजी नूं आख दित्ता।

“हाले तां उह वेखण ही आ रहे आ। चुप्प करके बैठी रहीं। की पतै हां करनगे कि नांह, तूं ऐवें कलपी जानी ऐं,” बीजी नें समझाइआ। पर मैं अड़ी रही।

“दूजे छोटिआं दा वी अग्गा मारदी ऐ। लोकीं लख्खां रुपै लै के बाहरलिआं दे मगर मगर फिरदे आ,” पापा नें गुस्से ‘च किहा।

फेर जसविंदर आ गिआ। कहिंदा, “की भीड़ां आण पईआं संगतां ‘ते?” मेरे नेड़े बहिंदा बोलिआ, “मैनूं सारी गल्ल दा पतै। तेरे डैडी नाल गल्ल हो गई है तूं हां करदे।”

“हैं?” मेरा मूंह अड्डिआ रहि गिआ।

“आहो, तैनूं चेते है इक्क वार मैं किहा सी जे बाहरों रिशता होइआ तां मैं लै लैणै उत्थे पहुंच के तूं कौण ते मैं कौण।”

“मैथों नी होणा इह,” मैं आख दित्ता।

“जद मैनूं कोई इतराज़ नहीं फेर तैनूं की ऐ”?

“पर मैनूं इतराज़ है,” आख के मैं मूंह दूजे पासे कर लिआ।

“ठरहंमे नाल सोच। आपणे फिऊचर बारे,होण वाले बच्चिआं बारे सोच। इंडीआ ‘च कोई फिऊचर नहीं है। आपां नूं चानस मिलदै, इहनूं अजांई नहीं जाण देणा।” उह होर वी दलीलां दिंदा रिहा। पर मेरा दिमाग सुंन हो गिआ। ते जद इह मैनूं वेखण आए मैं सुंन-वट्टा बण के बैठी रही। मैं अख्ख पुट्ट के वी नां वेखिआ। मेरी इछ्छा ही नहीं सी।

डाइरी दा खिआल आइआ। मैं फिर पहड़न लग्गदी हां।

---सारे चाह पींदे रहे। मंमी नें दो कु वार सुखजीत नूं किहा वी , “तूं वी चाह पी लै धीए।”

“नहीं तुसीं पीओ,” सुखजीत दी कंबदी जिही आवाज़ आई।

साडे इकल्ले हुंदिआं ही मंमी बोली, “कुड़ी साऊ लगदी ऐ। जवां अख्ख पुट्ट के नहीं वेखिआ ते आपणे उत्थे कुड़ीआं नूं भोरा संग-शरम नहीं हुंदी,” मंमी दी आवाज़ ‘चों खुशी प्रतख्ख दिसदी सी।

सुखजीत दुबारा साडे ‘च आण बैठी। सारे कमरे ‘चों उठ्ठके बाहर चले गए। मैं ते सुखजीत कमरे ‘च रहि गए। मैनूं करन लई कोई गल्ल नहीं सी अहुड़ रही ते उह वी गुंम-सुंम जिही होई बैठी सी। अखीर मैं चुप्प दा पत्थर तोड़न लई सट्ट मारी, “की कर रहे हो अज्ज-कल्ल्ह?”

“ऐम.ए.,” उसदी आवाज़ मरी जिही सी।

“जद मैं कनेडा गिआ सी इध्धर बी.ऐस.सी. सैकिंड यीअर ‘च सी। उध्धर जा के पहड़िआ नहीं, कंम ‘च लग्ग गिआ,” मैं दस्सिआ। उसने मामूली जिहा हुंगारा भरिआ। “तुहानूं सभ कुझ ठीक लग्गदै, विआह ‘ते कोई इतराज़ तां नहीं?”मैं पुछ्छिआ।

उसदा मामूली जिहा नांह ‘च सिर हिल्लिआ।

“कुझ पुछ्छोंगे नहीं मेरे बारे ?”

उसने सिर होर निवां लिआ। मैनूं उसते बहुत पिआर आइआ। दिल कीता कि उसनूं बाहां ‘च भर लवां। संगाऊ कुड़ीआं हमेशा मैनूं चंगीआ लगदीआं हन।

“आओ संगते प्रशादे छकीए,” आखदा इक्क सुनख्खा जिहा मुंडा अंदर आइआ। मेरे वल्ल हत्थ वधाके कहिंदा, “मैं जसविंदर, सुखजीत दी मासी दा पुत्त ते तुसीं गुरमीत सिंघ कनेडीअन। इओं दस्स देईदै। अंतरजामी हुंने आं,”आख के उह हस्सिआ।

अगले तों अगले ऐतवार दा विआह रख्ख दित्ता। मेरे कोल छुट्टी सिरफ़ पंज हफते दी सी।

अगले सफे਼ ‘ते सिरलेख सी ‘दो हफ़ते दा सुरग’ मैं उह पहड़दी हां।

------विआह तों बाअद सुखजीत नाल बिताउण लई सिरफ़ दो हफते सन। रिशतेदारीआं जि਼आदा सन। सुखजीत वल्ल दीआं रिशतेदारीआं ‘च जाण तों उसदे डैडी नें बचा लिआ। कहिंदे, “तुसीं आपणे ओधर दे रिशतेदारां नूं नराज़ नां करिओ। एधरलीआं दा कोई नी विआह ‘च सारे तुहानूं मिल ही लए सन।”

पर मेरा दिल करदा सी कि इह दो हफते सुखजीत नाल बितावां जां उसदे घरदिआं नाल। सुख्खी दी छोटी भैण ते भरा दा जीजू-जीजू करदे मूंह सुक्कदा। जदों वी मौका मिलदा मैथों कनेडा दीआं गल्लां पुछ्छण लग्गदे। बीजी तां पुत्त आह खाओ, बेटे इह खाओ करदे रहिंदे। उसदे रूप ‘च मैं इक्क होर मां पा लई। कनेडा ‘च जित्थे मैं सख्खणा-सख्खणा महिसूस करन लग्ग पिआ सी उत्थे हुण भरिआ-भरिआ महिसूस करदा। पर कई वार मैनूं लग्गदा जिवें सुख्खी मेरे नाल खुल्ल्ह नहीं सी रही। इक्क रात मैं उसतों पुछ्छ लिआ।

“सुख्खी।”

“हां जी।”

“जीतू।”

“हां जी।”

“दस्स तैनूं की किहा करां सुख्खी कि जीतू?”

“जिहड़ा तुहानूं चंगा लग्गदै।”

“नहीं तैनूं किहड़ा चंगा लग्गदै?’

“दोनो ही।”

“सुख्खी।”

“हांजी।”

“चौकड़ी मारके बैठ मैं तेरी बुक्कल ‘च सिर रख्खणै।” उह बैड्ड दे इक्क सिरे ते चौंकड़ी मार के बैठ गई। मैं उसदी बुक्कल ‘च सिर रख्ख दित्ता।

“जीतू।”

“हांजी।”

“आपणे केस खोल्ह के मैनूं उनहां दी छां कर।”

कमरे ‘च नाईट लाईट जग रही सी। उस केस खोल्हके अग्गे वल्ल सुट्ट दित्ते।

“इह तां हनेरा हो गिआ। मैनूं तेरीआं पिआरीआं-पिआरीआं अख्खां दिसणों हट गईऐं। तूं इओं कर केस बंन लै।” उस केस बंन लए।

“सुख्खी।”

“हां जी।”

“तूं उवें-उवें करी जानी ऐं जिवें-जिवें मैं कही जानै। तेरी कोई आपणी इछ्छा नहीं”?

“तुहाडी इछ्छा ही मेरी इछ्छा है।”

“डाइलाग सोहणे मार लैनी ऐं।”

“तुहानूं इह डाइलाग लग्गदै?”

“नहीं मेरा मतलब तूं मेरे नाल खुल्ल्हदी किओं नहीं?”

“खुल्ल्हण लई टाईम तां लग्गदा ई ऐ,” उस किहा।

हां उस ठीक ही किहा सी कि ‘टाईम तां लग्गदा ही है। मैं ऐवें ही जलदी खुल्ल्हण दी उसतों तवक्को कर बैठा। शरम वालीआं कुड़ीआं ऐनी जलदी थोहड़ा घुल-मिल जांदीऐं----

जसविंदर फिर मेरीआं अख्खां मूहरे आण खलोता है। उस किहा सी , “शक्क नां होण देवीं भोरा वी। जिवें-जिवें कही जावे करी जावीं।” ते मैं आपणे वल्लों ऐकटिंग करन दी पूरी वाह ला रही सी। पर मेरा इह भोला पंछी। इह मैनूं की होई जांदै। हुण मैं इसते मेर वी जताउण लग्ग पई हां। ऐकटिंग कर-कर थक्क चुक्की हां। होर नहीं होणी ऐकटिंग मैथों। चल हुण ही करदी हां भूआ नूं फोन। घड़ी वल्ल वेखदी हां। पौणे दो हो गए हन। की गल्ल हो गई अज्ज गुरमीत दा फोन किउं नहीं आइआ। इह किवें हो सकदै। मैं काल-डिसपले चैक करदी हां। उसदा फोन आ चुक्का सी। हाए मैं मरजां मैं पहड़न दे धिआन ‘च फोन दी रिंग वी नहीं सुणी। विचारा फिकर करदा होवेगा। मैं फोन चुक्कके कोल रख्ख लैदीं हां अते फिर डाइरी पहड़न लग्गदी हां।

---उह टाईम तां जिवें खंभ लाके उड्ड गिआ। कनेडा मुड़न वेले मेरी वढ्ढी रूह नहीं सी कर रही मुड़न लई। बीजी दे पैरीं हत्थ ला मैं उसदे नाल ही चिंबड़ गिआ, “मैनूं ऐथे ही रख्ख लो बीजी।” मेरी भुब्ब निकल गई। बीजी दी जफ्फी पीढी हो गई। उसदी भुब्ब मेरे नालों वी उच्ची सी। सुख्खी दीआं अख्खां वी तर-बतर सन। जहाज़ ‘च बैठिआं सुख्खी दीआं अख्खां मेरे अंग-संग हो गईआं। ---

मेरीआं अख्खां भर आईआं हन। इह की होई जांदै मैनूं।

उदों एअरपोरट ‘ते वी पता नहीं किउं मेरीआं अख्खां छलक पईआं सन। पर पिंड पहुंचदिआं जसविंदर आइआ बैठा सी। फिर उह दूजे-तीजे दिन ही आइआ रहिंदा। मैं उस नाल परची रहिंदी। पर जद मैं जहाज़ चहड़नां सी, मेरा दिल करदा सी कि मैं जसविंदर दे गल चिंबड़ के कहां , ‘मैनूं रख्ख लै इत्थे ही’| उसनूं तां नां आखिआ गिआ पर बीजी दे गल लग्ग ज़रूर आख दित्ता। बीजी नें मैनूं जफ्फी ‘च घुट्ट लिआ अते कंन कोल मूंह करके हौली जिही आवाज़ ‘च कहिंदे, “कुड़ीआं नें इक्क दिन आपणे घर जाणा ई हुंदै। सिआणी बणीं। सोच-समझ के कोई फैसला करीं। गुरमीत हीरा ऐ।” मैं बीजी दी जफ़्फ़ी ‘चों निकल जसविंदर दी मां दे पैरीं हत्थ लाए। उस मैनूं शगन दित्ता, सिर पलोस के कहिंदी, “चंगा धीए जाह, मरद बच्ची बणीं। घबराईं नां।” जसविंदर नें सिरफ़ इंना ही किहा, “गरीबमार नां कर देईं किते।” उह पहिलां बहुत वार आख चुक्का सी कि एअरपोरट तों सिध्धी उसदी भूआ दे घर जावां। पर पापा नहीं मंने। कहिंदे, “इस तरहां तां अखबारां दीआं सुरखीआं बण जावांगे। बदनामी होवेगी।” किसे नूं बदनामी दा फिकर ऐ किसे नूं गरीबमार होण दा ते इह विचारा---मैं डाइरी दे सफ़े पलटदी हां अते ‘सुख्खी दी झिड़क’ वाला सफ़ा पहड़न लग्गदी हां।

---मेरा जीअ करदा कि मैं वापस इंडीआ चला जावां। वापस तां जा नहीं सी सकदा पर मैं फोन ज़रूर छेती छेती कर लैंदा। सुख्खी इक्क दिन कहिंदी ,“होर चौंह महीनिआं नूं मैं तुहाडे कोल आ जाणै। ऐवें फोन ‘ते ऐने पैसे खरचदे ऐं। नाले पिछ्छों सारे भैण भरा मैनूं छेड़दे ऐ।” सुख्खी दी इह झिड़की मैनूं चंगी–चंगी लग्गी ‘किंना फिकर ऐ इहनूं हुणे तों ही घर दा-| फोन नूं फज़ूल खरच समझदी ऐ सुख्खी। किंनी समझदार ऐ ---

पर भोलिआ मैनूं उदों तेरे खरच दा फिकर नहीं सी हुंदा। मैं तां बस्स ऐकटिंग कर रही सी तेरी पतनी होण दी। पर जद तेरा फोन छेती-छेती आ जांदा, मां मेरे अंदरली बरफ़ पिघलाउण दा यतन करदी आखदी, “वेख किंना पिआर करदै तैनूं।” पर जसविंदर दी मौजूदगी मेरे अंदरली बरफ़ होर सखत कर दिंदी। मां फिर आखदी, “तेरीआं अख्खां अग्गे तां कच्ची उमरे इशक दी पट्टी बंनी होई ऐ, जिहड़ी तैनूं चंगे-बुरे दी पछाण नहीं करन दिंदी। जदों तक्क तैनूं समझ आऊ उदों तक्क देर हो जाऊ। फिर रोईं अख्खां ‘च घसुंन दे दे।” मां वी बस्स ऐवें ही, मैं तां जसविंदर नूं पिआर कीतै ते मां समझदी ऐ कि कच्ची उमर दा –| मां दी गल्ल किते-?मैं वी बस्स। पहिलां इह पहड़ां। ‘सुख्खी दे आउण दी पारटी’ वाला सफ़ा पहड़न लग्गदी हां।

--- सहिकामे मैथों सुख्खी दे आउण दी पारटी मंगदे हन। पारटी तां उनहां नूं देवांगा ही पर उहो जिही नहीं जिस तरां दी उह चाहुंदे हन। पंमी बाई कहिंदा, “बौब दी गरल फरैंड लीसा नूं सद्दांगे। पीटर नूं कीती सटैग पारटी वरगी लैणी आ पारटी।”

“सटैग पारटी तां विआह तों पहिलां विआह वाले मुंडे नूं उसदे दोसत करदे हुंदे ऐ ते तुसीं सारा कुझ उलट भालदे ऐं,” मैं किहा।

“उलटा-सिध्धा सानूं नी पता। पारटी चाहीदी ऐ सानूं तां। मैं तां बौब नाल गल्ल वी कर लई ऐ,” पंमी अड़िआ होइऐ ----

इह सटैग पारटी की होई मेरे अंदर प्रशन उठ्ठदा है। शाइद इस डाइरी ‘चों ही पता लग्ग जावे। मैं सफे फरोलदी हां। ‘पीटर नूं सटैग पारटी’ वाला सफा लभ्भ पैंदा है।

-- पीटर नूं सटैग पारटी करन लई सारे सहिकामिआं नें डालर इक्कठे कर लए। बौब कहिंदा, “सटरिप्पर दा प्रबंध मैं करूं। इक्क नंबर।” इह बौब साडी कंपनी ‘च आऊट-साईड सेलज़मैन है। असल नां बलविंदर है पर बौब कहा के खुश हुंदै। ते पारटी लई उह इक्क सटरिप्पर लै आइआ। बीअरां खाली होण लग्गीआं। मिऊज़क वज्जण लग्गा। सटरिप्पर निरवसतर डांस करन लग्गी। पंमी बाई सटरिप्पर ‘ते लट्टू होइआ बीअर ते बीअर चहड़ाई गिआ। बौब दे मोढे ‘ते हत्थ मार सटरिप्पर वल्ल इशारा करके कहिंदा , “इह माल कित्थों पट्टिऐ, पठ्ठिआ।”‘पठ्ठिआ’ शबद दी शाइद बौब नूं समझ नां आई होवे। उह कनेडा दा ही जंमपल है। मुसकरा के कहिंदा, “मेरी गरलफ्रैंड ऐ, लीसा।”

“तेरी गरल फ्रैंड दा सरीर इक्क नंबर ऐ,” पंमी बाई नें झूमके किहा।

“थैंकयू,”बौब नें किहा।

“तूं किसमत वाला ऐं कि हर-रोज़ ऐसे सरीर नाल साउनैं। काश मैं वी इहो-जिहे सरीर नाल सौं सकदा,” पंमी लोर ‘च कहि गिआ।

“तूं इहदे नाल साउणै?” बौब नें लीसा वल्ल हत्थ करके किहा। मेरा मूंह अड्डिआ रहि गिआ।

“तूं मज़ाक करदैं,” पंमी नूं वी जिवें सच्च नां आइआ होवे।

“नहीं मैं सीरीअस हां। तैनूं कुझ डालर खरचणे पैणगे,” बौब नें किहा।

“तूं सीरीअस नहीं लग्गदा। तैनूं कोई इतराज़ नहीं?” मैं हैरानी ‘च पुछ्छिआ।

“मैं किउं इतराज़ करां। उस कोल वधीआ सरीर ऐ, उसदा फाइदा लैणा चाहीदै। सच्च तां इह है कि मैं ही लीसा नूं इह सलाह दित्ती सी। ते हुण मैं मरसीडज़ दा ऐस.यू.वी. चलाउंदा हां, पैंट हाऊस ‘च रहिंनै,” बौब नें चौड़ा हो के दस्सिआ।

‘साला पिंप’ मैं आपणे चित्त ‘च किहा अते पंमी नूं धूह के परां लै गिआ पर पंमी------

मेरे कोलों होर नहीं पहड़िआ जांदा। मेरा साह तेज़-तेज़ चल्लण लग्गदा है। डाइरी मैं पासे रख्ख दिंदी हां। मेरे अंदर गुरमीत नाल बिताई पहिली रात वाला अहिसास पैदा हुंदा है। उस रात मैं धाहीं रोई सी। मेरीआं अख्खां छलक पैंदीआं हन। मेरी निगहा विआह वाली तसवीर ‘ते पैंदी है। धुंदली दिसदी तसवीर फैल के कंध आकारी बण जांदी है। मैं अख्खां पूंझदी हां। तसवीर साफ हो जांदी है। गुरमीत सेहरे बंनी मेरी उंगल ‘च मुंदरी पा रिहा है । तसवीर ‘च मेरे पहिने होए सूट नूं वेख मैनूं याद आउंदा है। मैं उठ्ठ के अटैची खोल्हदी हां। उस विच्चों कप्पड़े कढ्ढके हैंगरां ‘ते टंगण लग्गदी हां। अटैची विच्चों विआह वाला सूट वी निकल आउंदा है। पैकिंग करन वेले मैं इह सूट अटैची ‘च नहीं सी रख्ख रही पर बीजी नें मल्लो-जोरी अटैची ‘च पा दित्ता सी। नहा के मैं उह सूट पा लैदीं हां। मैनूं लग्गदा है जिवें बीजी मुसकरा रहे होण।