बाज़ार विचों लंघदे, सूदां दीआं हट्टीआं तक्कदे, असीं अंदरेटे तों निकल के इक बंझ (ओक) दे जंगल विच पै जांदे हां...इस तों बाअद इक ‘कल कल’ करदी नदी आउंदी है।

इस नदी दे कंढे ते शिव जी महाराज दा मंदर है। इथों लंघ के तरेहल पुज जांदे हां। इस पिंड विच धान छड़न दीआं पनचकीआं लग्गीआं होईआ हन। तून दे दरख़्ख़तां, जिनहां दे पत्ते तांबे वरगे लिशकदे हन, अते अंदाज़ झांसा ते केलिआं दे झुंड इस पिंड नूं इक नवेकली सुंदरता बख़शदे हन।

कांगड़े दी वादी दी इक सुंदरता इह ही है कि इथों दे दरख़्ख़त ते झाड़ीआं कांगड़े दी कला वांग उलट वसतूआं दा मेल दरसांदीआं हन। जिवें कांगड़ा कला विच मुग़ल ते हिंदू अंशां दा मेल है उसे तरहां कांगड़े दी बनसपती विच गरम ते ठंढे देशां दी बनसपती दा मेल है ते इंज मालूम हुंदा है जिवें यूरप ते एशीआ दा मेल हो रिहा होवे। इथे दोहां तरहां दे दरख़्ख़त मिलदे हन—उह दरख़्ख़त जिहड़े ज़िआदा गरम देशां विच हुंदे हन ते उह दरख़्ख़त जिहड़े सरद देशां विच। इथे बांस, पिप्पल ते अंब दे दरख़्ख़त अते ओक, चैरी ते जंगली गुलाब नाल नाल उग्गे होए हन। आवा ते पुंन नां दीआं खड्डां दे कंढिआं 'ते सिंबल दे दरख़्ख़त हन, जिनहां नूं लाल फुल्ल पैंदे हन। इनहां सिंबल दे दरख़्ख़तां दे मुढ्ढां उते वडे वडे पड़ाअ ते थड़े बणे होए हन। इनहां त्राड़ां विचों, जिनहां नूं देवते कर के पूजिआ जांदा है, कई संधूर नाल रंगीआं हुंदीआं हन।

खड्ड तों पार असीं पपरोले जा निकलदे हां। इह पिंड सड़क दे कंढे उते है। इहदे बाज़ार विच बड़ी गहिमा गहिम हुंदी है ते असीं रज्ज ते पहाड़ी रहिणी- बहिणी दी तसवीर तक्क सकदे हां। हुण इथे बिजली वी पुज चुकी है।

पपरोले तों बैजनाथ तक्क इक चहड़ाई है। रसते विच बिंनूं खड्ड आउंदी है। एस खड्ड नूं पुराणे आरीआं बिंदूका दे नां नाल पुकारदे सन। बिंनू तों बैजनाथ तक्क तिख्खी चहड़ाई है।

बैजनाथ दे बाहरबार पुराणे मंदरां तों ही पता लग्ग जांदा है कि हुण असीं इक प्राचीन कसबे विच कदम रख रहे हां। खब्बे हत्थ इथों दा डाक बंगला है, जिस तों बिंनूं खड्ड दा द्रिश विखाई दिंदा है। इस थां हर वेले ठंडी ते तेज़ हवा वगदी रहिंदी है। जिस थां डाक बंगला बणिआ होइआ है, इसे थां कदी बैजनाथ दे राणे दा किला सी। इह जागीरदार त्रिरत दे राजे दी ईन मंनदा सी।कोई सौ कु साल होए, इस कसबे विच महिल, मंदर ते तलाअ सन, उनहां दे निशान अजे वी मिलदे हन। तांबे दे निक्के निक्के पैसे कई वार दब्बे होए लभ्भदे हन।

बैजनाथ दा पाणी बड़ा हाज़मे वाला है ते किहा जांदा है कि महाराज संसार चंद आपणे पीण लई इथों ही पाणी मंगवाइआ करदा सी।

शहिर दे बाहर इक खुल्हे मैदान 'च असीं इक अजीब नज़ारा डिठ्ठा । कुझ नौजवान कुड़ीआं रोंदीआं धोंदीआं दरिआ वल्ल जा रहीआं सन ते कई नौजवान मुंडे दरिआ दे कंढे खलोते तमाशा वेख रहे सन। अख़ीर कुड़ीआं नें दरिआ विच कुझ मूरतीआं सुटीआं ते जिवें उनहां नूं बहुत दुख हो रिहा होवे, सभ दीआं सभ कीरने पाउण लग पईआं। दरिआ दे कंढे खलोते मुंडे इह वेख के उच्चा उच्चा हस्सण लग पए। असीं इस अजीब मेले दा मुढ्ढ पुछण दी कोशिश कीती ते सानूं पता लगा कि इह मेला औरतां दी दुनीआं विच इस सध्धर तों पैदा होइआ कि उनहां नूं चंगे वर मिलण।

दुनीआं भर विच औरतां चंगे पतीआं लई याचना करदीआं हन ते कांगड़ां वादी दीआं युवतीआं दी इह ख़ाहिश रली दी पूजा विच बिआन लैंदी है।

फग्गण दे आख़री दिन कुड़ीआं इक कौडी नूं घर विच दबा दिंदीआं हन ते अगले दिन तों इस थां नूं पूजण लग पैंदीआं हन। कोई पंदरां दिन सवेरे शाम कुड़ीआं इथे इकठ्ठीआं हो के पूजा करदीआं रहिंदीआं हन। फिर पहिली विसाख नूं रली दा शंकर नाल विआह हो जांदा है। अध्धीआं कुड़ीआं शंकर वल ते अधीआं रली वल हो जांदीआं हन। रली ते शंकर दीआं मूरतीआं नूं विआंहदड़ कुड़ी मुंडे वांग वटणा मलिआ जांदा है। फिर इक ब्राहमण हवन करदा है ते कुड़ीआं शंकर ते रली दीआं मूरतीआं दे सिरां विच सरहों दा तेल पांदीआं हन। शंकर नूं लाड़िआं वांग लाल कपड़े पुआए जांदे हन ते फिर दोहां नूं इक पालकी विच पा के दरिआ वल लिजाइआ जांदा है, ते फिर इनहां नूं दरिआं विच रोहड़ दिता जांदा है।

इस अजीब पर ख़ूबसूरत रिवाज दीआं जहड़ां इतिहास विच हन। किहा जांदा है कि इक वार इक ब्राहमण नें आपणी भर जवान धी रली नूं शंकर नां दे इक निआणे मुंडे नाल विआह दित्ता। जदों लावां हो चुकीआं ते वहुटी आपणे बाल पती ते उहदे भरा बसतू नाल घर जा रही सी, रसते विच दरिआ दे कंढे उस नें डोली नूं रुकवा लिआ। फेर उस नें आपणे भरा बसतू नूं किहा, “मेरी किसमत विच इक इआणे मुंडे नाल विआह करना लिखिआ सी ते मैं इहो जिही ज़िंदगी होर जीऊणा नहीं चाहुंदी। पर मेरी याद विच अगों कुड़ीआं नूं तिंन मूरतीआं बणाउणीआं चाहीदीआं हन, इक मेरी, इक मेरे पती दी, ते इक तेरी मेरे वीर बसतू दी। ते कुड़ीआं नूं चाहीदा है कि इनहां मूरतीआं नूं चेतर दे महीने विच पूजदीआं रहिण। फेर इनहां विचों दो दा विसाख दी पहिली तरीक विआह कीता जाए, जिवें मेरा विआह होइआ सी, उसे तों बाअद दूजे जां तीजे दिन डोली विच पा के इनहां मूरतीआं नूं दरिआ दे कंढे लिआंदा जाए ते उथे डोब दित्ता जाए। इह सभ कुझ मेरी याद विच कीता जाए, मेरे वीर ! ते जे कोई वी इंज करेगी उसे कुड़ी दा मेरे वांग अनजोड़ विआह नहीं होवेगा।” इह कहिंदे होए रली नें दरिआ विच छाल मार दिती ते वेखदिआं वेखदिआं डुब्ब गई। उदों तों लै के रली, शंकर ते बसतू दी पूजा कांगड़े दे सारे दे सारे ज़िले विच हर थां हुंदी है।

रली दा मेला वेख के असीं बैजनाथ दे मंदर दे दरशन कीते। बिआस दी वादी दा सभ तों वधीआ इतिहासक भवन बैजनाथ दा मंदर है। बैजनाथ दरअसल इथों दे सभ तों वडे मंदर दा नां है, जिहड़ा शिव देविआंत दे नमित बणाइआ गिआ सी। इसे मंदर दे नां पिछे शहिर दा नां वी पिआ जापदा है।

इसे कसबे दा पहिला नां कीड़ गराम सी। इह गल्ल दो शारदा लिखतां तों प੍तीत हुंदी है, जिहड़ीआं पत्थरां 'ते उकरीआं होईआ इथे मिलीआं हन। इह लिखतां कावि-मई ते सुंदर संसक्रित कविता विच लिखीआं होईआं हन।इनहां विच इस मंदर दे बणान दा इतिहास दसिआ है। इस मंदर नूं इथों दे दो विउपारीआं नें बणाइआ सी। इनहां हत्थ लिखतां विच दसिआ है :

“त्रिगरत विच कीड़ गराम नां दा इक सुंदर पिंड है। इस पिंड विच कई ख़ूबीआं हन। इथों बिंदूका नां दा दरिआ पहाड़ दी गोदी विचों कुददा होइआं निकलदा है ते अठकेलीआं करदा लंघ जांदा है, जिवें कोई सुंदरी आपणी पहिली जवानी विच छुलक छुलक पैंदी है। इस पिंड विच राजा लकशमन दा राज है। इथे दो भरा मनूका ते आहूका रहिंदे हन। इनहां दे पिता दा नां सिध्धा सी। इनहां भरावां नें आपणी जाइदाद वंडी नहीं सी। दोवें ही बड़े भले लोक सन ते इनहां नें शिव दा इह मंदर बणावाइआ। इस मंदर दे दरवाज़े ते गंगा जमना ते बाकी देवी देवतिआं दीआं मूरतीआं हन। आसीका दा पुत्तर एस मंदर नूं बणान वाले मिसतरीआं दा सरदार सी ते सुसरमन दे पिंड विचों आइआ सी। इंज ही समाना दा पुत्तर थोडका वी उहदे नाल कंम करदा सी। इनहां दो उसताद मिसतरीआं दी अगवाई विच शिव दा इह मंदर उसारिआ गिआ।” इस मंदर दी उसारी शामूं दे विचारां दे अनुसार कीती गई ते उहदे उते रख्खीआं कई गण देवतिआं दीआं मूरतीआं चमक चमक पैंदीआं हन। इह गल्ल बड़ी दिलचसप है कि इस मंदर नूं बणान लई दोवें मिसतरी कांगड़े शहिर विचों आए सन।

बैजनाथ दे मंदर दी बनावट कुझ इस तरहां है। इस दे अंदर अठ्ठ मुरब्बा फुट इक पूजा असथान है, जिस दा भेद हरेक नूं नहीं दसिआ जांदा। इहदे गिरद इक मंडप है। इस मंडप दी छत्त ढालवीं है। इस विशेश पूजा असथान विच वेदिआंत नां दा लिंग रखिआ होइआ है। इस दे अंदर जाण लई इक बहुत तंग खिड़की है, जिस दे दोहीं पासीं सतून हन। मंडप दी छत्त चार सतूनां 'ते खलोती होई है। इनहां खंभिआं उते बणीआं डाटां छत्त नूं नौ हिस्सिआं विच वंड दिंदीआं हन। छत्त पत्थरां नाल चिणी होई है। मंडप दे साहमणे इक शानदार डिउढी है। इह डिउढी वी चार खंभिआं 'ते खलोती है। इह खंभे सिध्धे सादे हन ते इनहां दी बनावट तों पता लगदा है कि पुराणे ज़माने दे खंबिआं तों इनहां विच कोई ज़िआदा फ़रक नहीं। इनहां दा चौरस थल्ला, उस उते वधे होए दो दाइरे, इनहां विच ख़ाली थां, इह सभ कुझ पुराणी कला दे नमूने हन, भावें इनहां नूं हिंदूआं दी सजावट नें बाअद विच ढक्क लिआ जापदा है। मंडप दीआं उत्तर दे दख्खण दीआं दोवें दीवारां दे नाल छज्जे बणे होए हन, जिनहां विच खिड़कीआं हन।मंदर दे चौहां पासे हमले तों बचाओ दे मोरचे बणे होए हन। इनहां कंधां दे सुराख़ां विच वी अज्ज कल्ल्ह देवी देवतिआं दीआं मूरतीआं रखीआं जांदीआं हन। मंदर दीआं बाहरलीआं दीवारां बहुत सुंदर बणीआं होईआं हन। इनहां विच सतून बणे होए हन ते दो सतूनां दे विच दी ख़ाली थां विच सूरज आदि देवतिआं दीआं मूरतीआं रख्खीआं होईआं हन। सूरज देवते दी इक मूरती, जिवें कि 1240 ईसवी दी इक नागरी लिखत तों पता लगदा है, भगवान महावीर दी मूरती सी। मंदर दी छत्त नवीं जापदी है ते इथों दे पुजारीआं दे कहिण अनुसार दूजे राजा संसार चंद दे समें मुरमंत कीती गई सी। बड़ी ख़ुशकिसमती दी गल्ल है कि बैजनाथ दे मंदर नूं 1905 दे भुचाल तों कोई ज़िआदा नुकसान नहीं पुजा। इस दे कोल ही सिध नाथ दा मंदर बिलकुल मलीआमेट हो गिआ सी।

बैजनाथ तों जुगिंदर नगर तक्क कुदरती सुंदरता अदुत्ती है। बैजनाथ तों ज़रा उते जा के पालम दी वादी दा नज़ारा कीता जा सकदा है। धान दे लहिलहांदे खेतां विच किरसानां दीआं झुग्गीआं, तुन्न ते बांसां दे झुंड उत्तर वल धौलीधार दा पहाड़, दख्खण वल्ल अंदरेटा दी ढलान ते फेर दख्खण पछ्छण वल्ल जा रहीआं निक्कीआं निक्कीआं बेशुमार पहाड़ीआं।

आसा पुरी दा मंदर इथों बहुत चंगी तरहां विखाई दिंदा है। इंज लगदा है जिवें इह मंदर मुसीबत ते दुख्ख विच पहाड़ी वसनीकां दी आस बनवा रिहा होवे। चील्ह दे इक जंगल विचों लंघदे होए असीं इक सुंदर वादी विच कदम रखदे हां जिस दे दोहां पासे पहाड़ीआं हन। इथे नां कोई खड्डां हन, नां टोए।पहाड़ीआं सहिजे सहिजे सड़क तक ढल जांदीआं हन, दख्खण वल इक सुंदर जंगल है ते उत्तर वल धानां दे खेत, ते खेतां विच किरसानां दे घर पौड़ीआं वांग चहड़ी जांदे हन।

उल्ह दरिआ दे बिजलीघर दीआं तारां कुदरती नज़ारे नूं ख़राब करदीआं हन।इंज लगदा है कि नवीं तहिज़ीब दीआं इह बलावां एस वादी दी सुंदरता नूं बरबाद करके रहिणगीआं।

सड़क कंढे दुकानां सजीआं होईआ हन। दुकानदारां नें आपणीआं दुकानां दे बाहर चिट्टे गुलाब दीआं वेलां लाईआं हन, जिनहां दे फुल्ल चानणी रात विच चमकदे हन।

जद असीं दो कु मील होर अगे गए तां इक गद्दी भेडां दा इज्जड़ चरा रिहा सी। भेडां घाह चर रहीआं सन ते उह चुंबक ते पत्थर दे नाल अग्ग सुलगा रिहा सी। पत्थरां दे चुल्ल्हे 'ते उस नें पाणी गरम कीता ते तांबे ते मोटे जिहे गलास दे विच चाह पाई।सानूं वेख उस किहा, “आउ जी तुसीं वी चाह पीओ।” चाह पुछ्छण लई उस दा धंनवाद करके मैं किहा, “बई तेरी ज़िंदगी तां बड़ी चंगी है, नां फ़िकर ते नां फाका। भेडां बक्करीआं चारना ते उनहां दा दुध्ध पीणा ते बुल्ले लुट्टणा।” चाह दा गलास मूंह नूं ला के बोलिआ, “वाह भई वाह ज़िंदगी तां तुहाडी है जिहड़े मोटरां विच उड्डे फिरदे हो, अज्ज किते ते कल्ह किते। साडी की ज़िंदगी है, भालूआं वांग कुंदरां विच सौंदे हां। कदे भेडां गुआच गईआं, ते कदे बाघां नाल टाकरे।” मैं पुछ्छिआ, “तूं रात वेले किथे रहिंदा हैं ? उस नें इक कुंदर वल इशारा करके किहा, “उस विच।”

बैजनाथ दे उते ते धौलीधार ते कदमां विच बीड़ नां दा इक सुंदर पिंड है। इह पिंड पाल राजपूतां दी राजधानी हुंदा सी। इस पिंड दे बाहर ओकां दा इक बहुत संघणा जंगल है। इस जंगल विच इक नदी है। उते जा के इथों दे रईस प्रिथीपाल दा घर है। प्रिथीपाल इथे दा ज़िमीदार है ते इस नें चाह दे बाग़ लाए होए हन। आए गए दी ख़ातर करके प्रिथीपाल बहुत ख़ुश हुंदा है।

होली दे दिनां विच बीड़ पिंड दे जंगल विच इक मेला लगदा है, जिस विच धौलीधार तों गद्दी ते कनेत आउंदे हन। लुगड़ी पी के इह लोक सारा दिन गाउंदे ते नचदे हन।

कुल्लू दे मेले वांग इस इलाके दे लोक वी पालकीआं विच आपणे देवतिआं नूं मेले 'ते लिआउंदे हन ते बीड़ दा जंगल इनहां दिनां विच कुल्लू दे दसहिरे दा नज़ारा दे जांदा है। इस मेले विच असीं लोकां दे पहिरावे विच रंगां दी चोण तक्क सकदे हां ते गहिणिआं नाल शिंगारीआ इथों दीआं इसत्रीआं दी सुंदरता वल नीझ ला के वेखदे होए कांगड़े दे पुराणे कलाकारां दी दाद दे सकदे हां, जिनहां नें आपणे चित्तरां विच थां थां इसत्री दी सुंदरता नूं रज्ज के उलीकिआ है ते इंज नां केवल आपणी कला नूं चमकाइआ है सगों आउण वालीआं पीहड़ीआं लई उह आपणे बुरश राहीं पहाड़ी सुंदरता ते सुहज-पिआर नूं सुरख्खिअत कर गए हन। मेले विच बण के आए बंदे आपणे खेड़वें हासे नाल कदम-कदम उते साडा धिआन खिचदे हन ते सानूं इस पहाड़ी प्रदेश विच ही रहि जाण दी प्रेरणा दिंदे हन।

कांगड़े दी वादी दे प्राकिरतक द्रिश तक्क के अते उथों दे लोकां दी सुंदरता माण के असीं हुण अंबाले नूं तुर पए। मैं आपणे पेशकार नूं—जिहड़े हरिआणे दा इक सिध्धा सादा जाट सी, ते सफ़र विच नाल रिहा सी-पुछ्छिआ, “चौधरी साहिब, पहाड़ ते जंगल कैसे लगे ?” कहिण नूं तां उस नें कहि दिता, “बड़े सुहणे हन जनाब, पर जद शाम नूं असीं पालमपुर पुहंचे तां परमेशरी दास नूं जिहड़ा कांगड़े विच मेरा बड़ा दोसत ते सहाइक है, मैं पुछ्छिआ कि साडे चौधरी दा की हाल है। उस नें दसिआ कि चौधरी कहिंदा सी, “जान बची, लाखों पाए।”

जिथे साडा धिआन बरफ़ानी चोटीआं ते शांत जंगलां वल सी, चौधरी दा ख़िआल डूंघीआं खड्डां ते ख़रनाक मोड़ां वल सी। प्राकिरती दा पिआर बहुत थोहड़े बंदिआं विच ही हुंदा है। कांगड़ा वादी दी सुंदरता नूं कोई रसीआ ते प्राकिरती दा प्रेमी ही माण सकदा है।

मेरे पिंड दे इक बज़ुरग अखाण पाइआ करदे सन कि इक शहित कोलं गिध्धां दा गौल लंघिआ तां उनहां नूं सिरफ़ मुरदार ही विखाई दिते। इक मुरग़ाबीआं दी डार लंघी ते उनहां सिरफ़ सरोवर ही वेखे। तित्तलीआं ते मधू मख्खीआं उपरों दी उडदीआं लंघीआं ते उनहां नूं सिरफ़ सुहणे फुल्ल ही नज़र आए।

जिहो जिहा किसे दा सुभा होवे, उहो जिहीआं चीज़ां ही उस नूं विखाई दिंदीआं हन। मेरा चौधरी साथी डूंघीआं खड्डां तों बड़ा त्रहि गिआ सी, पर मैं इह सफ़र सुंदरता दी तलाश विच कीते ते इनसानी सुहप्पण, चित्तरकला दा सुहज, ते प्राकिरती दी सुंदरता नूं कांगड़े दे पहाड़ां विच रज्ज के माणिआ।

('पत्ते पत्ते गोबिंद बैठा' विच्चों)