लिओ टालसटाए दी इक्क बड़ी मशहूर कहाणी है। कहाणी दा मुख्ख पातर आपणी थोहड़ी जिही ज़मीन वेच के साइबेरीआ जांदा है। उस नूं उस दे दौसत नें किहा सी कि साइबेरीआ विच्च ज़मीन बड़ी ससती है। उत्थों दे लोकां नूं ज़मीन दे मुल्ल दा कुझ वी पता नहीं, ऐवें ही ज़मीन दे दिंदे हन। लालच वस्स हो के उह साइबेरीआ ज़मीन लैण चला गिआ। इक्क पिंड विच्च गिआ, पिंड दे लोकां नें किहा, इत्थे कुझ वख्खरा हिसाब किताब है, तुसीं आपणे पैसे फिलहाल आपणे कोल रख्खो, हुण रात होण वाली है आराम करो। सवेरे सूरज दे चहड़न सार तुसीं इस जगहा तों यातरा शुरू करनी है, सूरज दे छिपण तों पहिलां इसे जगहा ’ते आ जाणा है। जिंनी ज़मीन दा तुसीं चक्कर कढ्ढ लिआ, उंनी ज़मीन तुहाडी होवेगी।

उह रात भर उह सोचदा रिहा। लालच सिर ’ते सवार हो गिआ। इक्क मिंट वी नींद नां आई। उस नें सवेरे उठ्ठदिआं सार आपणी पैसिआं वाली पोटली, रोटी-पाणी नाल लिआ ते सूरज नूं देखदिआं सार भज्ज उठ्ठिआ। दिन भर नदीआं नालिआं, घट्टे मिट्टी नाल भरे ते पथरीले रसतिआं, जूहां विच्च भज्जदा रिहा। रोटी वी भज्जदिआं भज्जदिआं खाधी। पाणी वी जदों पिआस लगदी तां भज्जदा भज्जदा ही पी लैंदा। शाम हो रही सी। पिंड दे लोक पिंड दे बाहरवार जित्थों उह तुरिआ सी, उस नूं उडीक रहे सन। पर उह आइआ नां। उस दी कोशिश सी, ज़मीन वध्ध तों वध्ध घेर लई जावे। इस लई घेरा वड्डा वळ लिआ। आखिर जदों सूरज लाल भाअ मारन लग्गिआ, डुब्ब ही चल्लिआ सी तां उह बड़ी नाज़ुक हालत दूरों लोकां नूं आउंदा दिसिआ। उह दिन भर भज्जदिआं भज्जदिआं इंना बेहाल हो गिआ सी कि मिथी थां ते पहुंचण तों पहिलां ही डिग पिआ ते डिगदिआं सार उहदी जान निकल गई। जिस लालच वस्स हो के उह वध्ध तों वध्ध ज़मीन लैण दी कोशिश विच्च सी, उह लालच उस दी मौत दा कारन बण गिआ।

साडी सभ दी हालत वी कुझ कुझ कहाणी दे उस पातर वरगी है। पूरी ज़िंदगी मनुख्ख आपणीआं चौधरां, इछावां अते लालचां दे दाइरे होर विशाल करन लई भज्जदा है अते आखिर इक्क दिन उहदी ज़िंदगी दा सूरज छिप जांदा है। उह इस धरती तों इंज विदा हो जांदा है, जिवें कदे इत्थे आइआ ही नां होवे। उहदा असतितव समें दी गरद विच्च गवाच जांदा है। इहो बहुगिणती समाज दे जीवन दा सच्च है।

धरती ’ते विचरदिआं मनुख्ख दा विहार इंज है, जिवें इस नें कदे इत्थों जाणा ही नहीं। मनुख्ख ईरखा, दुशमणीआं ते नफरतां दे भांबड़ बाल बाल के सेकदा है। धरती अते कुदरत प्रती उहदे अंदर कोई क्रितग्गता नहीं। कोई धंनवाद दा भाव नहीं बलकि उहदा विहार इह है इस धरती दे कुदरती खज़ानिआं तों वध्ध तों वध्ध किवें कुझ हासल करना है। इस लई उस नूं आपणी जान दी कीमत वी भावें किउं नां चुकाउणी पवे, उह इस लई तिआर है। असीं इस धरती नूं नरक बणाउण लई जीअ जान नाल कोशिश कर रहे हां। मुनाफिआं, खुदगरज़ीआं अते लालचां लई वहिंदे पाणीआं नूं पलीत कर दित्ता है। दरिआवां, नदीआं विच्च इंनी गंदगी सुट्टी जा रही कि इहनां दे कल कल वगदे पाणी सुपना बण गए हन। पंजाब दे बुढ्ढे दरिआ दा काला ज़हिरीला पाणी लख्खां लोकां दीआं ज़िंदगीआं बरबाद कर रिहा है पर उस दे पाणी नूं गंदा होण तों नहीं रोकिआ जा रिहा किउंकि उस पिछ्छे मनुख्ख दे लालचां, मुनाफिआं दा दूर तक फैलिआ पासार है। दूजे पासे लख्खां लोक गंदा पाणी पी के मर रहे हन, बिमार हो रहे हन, सरकारां बेखबर हन। इह किसे इक्क दरिआ दी गल्ल नहीं, जमना, गंगा ते भारत दीआं होर बहुत सारीआं नदीआं हन, जिहनां दा पाणी लोक पींदे हन, बिमार हुंदे हन, तिल-तिल मरदे हन पर इहनां विच्च पाइआ जाण वाला ज़हिरीला मादा वी हर दिन वध रिहा है। अजिहे मसलिआं ’ते मनुख्ख दी सूझ सिआणप नूं लकवा किउं हो जांदा है? लालचां मुनाफिआं अते खुदगरज़ीआं दी मानसिकता मौत दे इस वरतारे दी सिरजणा कर रही है पर सरकारां चुप्प हन।

दुनीआं दे किसे नां किसे खित्ते विच्च किसे नां किसे रूप विच्च जंग-युध्ध चल्ल ही रिहा हुंदा है। धरमां-मजहबां, जातां-पातां, रंगां-नसलां, फिरकिआं अते देशां दीआं हद्दां-सरहद्दां लई मनुख्खता दा खून दुनीआं दे किसे नां किसे खित्ते विच्च डुल्ल ही रिहा हुंदा है। मनुख्खता दा घाण हुंदा है, निक्के निक्के मासूम बच्चिआं नूं बंबां मिज़ाइलां नाल उडाइआ जांदा है। हुण तक दुनीआं दी सभ्भिअता दौरान कोई चार हज़ार जंग-युध्ध लड़े गए। हर जंग-युध्ध दे बाअद मनुख्खता नूं इह अहिसास हुंदा है कि इस तों बगैर वी सर सकदा सी। चंगेज़ खान, मुसोलिनी अते हिटलर वरगे शासकां करके लख्खां लोक जंग दी भठ्ठी विच्च झोक दित्ते गए। जेकर इहनां लख्खां लोकां नूं धरमां, जातां, नसलां दे नाम ’ते नां लड़ाइआ, मरवाइआ अते मारिआ जांदा तां मनुख्ख दा इतिहास माण करन वाला होणा सी। अज्ज वी फसलतीन, इज़राइल अते युकरेन, रशीआ दे युध्ध विच्च मासूम बेदोशे लोकां नूं मारिआ जा रिहा है। इस सभ कुझ पिछ्छे चौधरां दे शमले अते लालचां दी मनोबिरती है, जो हज़ारां लोकां दे कतल अते उजाड़े दा कारन बण रही है। समें दे बीतण नाल मनुख्ख सिआणा नहीं होइआ, बेशक उह अकल दे बलबूते ’ते गिआन विगिआन दी दुनीआं विच्च प्रवेश कर गिआ है। मनुख्ख दीआं लालची मनोबिरतीआं दा कल्ल्ह वी कोई पारावार नहीं सी, अज्ज वी नहीं है। मनुख्ख तरक्की करे, विकास करे पर इह वी ठीक नहीं कि उह आपणी अकल नूं जिंदरे मारी रख्खे। मनुख्ख अंदरों जेकर मावनता मर जांदी है तां मनुख्ख मनुख्ख नहीं रहिंदा।

दुनीआं दे हर खित्ते विच्च प्रदूशण दा प्रकोप हर दिन वध रिहा है। पूरा नवंबर महीना पंजाब अते इसदे आस पास दे इलाके संघणे धूंएं दी लपेट विच्च आ जाणगे। इस विच्च पशू-पंछीआं, मासूम बच्चिआं दा जीणा दुभ्भर हो जावेगा। संघणे धूंएं विच्च साह लैण नाल साडी सभ दी उमर घट्ट हो रही है। इहनां दिनां दे बीतदिआं ही पंजाब विच्च पर हर साल दमे, हारट अटैक अते छाती दे रोगां नाल वध्ध मौतां होण लग्ग पैंदीआं हन। इसदे बावजूद वी हर साल अजिहा माहौल सिरजिआ जांदा है। इह जाणदिआं समझदिआं कि इह पलीत हवा साडे अते साडी औलाद दे फेफड़िआं लई ज़हिर है, इसदे बावजूद वी हर साल इहनां दिनां दी असीं मौत दे दिनां दे रूप विच्च सिरजणा करदे हां। दूजे पासे सच्च इह वी है कि अज्ज तों चाली पंजाह साल पहिलां साडे वड्डे वडेरे वी इसे धरती ’ते विचरदे सन। उह कुदरत दा सतिकार करदे सन। खेतां नूं अग्गां दे भांबड़ां दे हवाले नहीं करदे सन। रिज़क उहनां नूं वी मिलदा सी। सगों साडे नालों वधेरे पौशटिक खुराक खांदे सन। वख्ख-वख्ख दिनां, तिउहारां ’ते असीं सरबत्त दा भला मंगदे हां। सड़कां चौराहिआं ’ते लंगर लाउंदे हां। इह सभ चंगीआं सरगरमीआं हन। इहनां नाल साडे विच्च मानवता दे भले दा संकलप पैदा हुंदा है पर जित्थे जीवन दा मसला होवे, उत्थे इह संकलप पिछ्छे किउं चला जांदा है? की प्रदूशण दे संताप तों निजात नहीं पाई जा सकदी? की धरती दे हवा, मिट्टी, पाणी दी तंदरुसती लई सानूं यतनशील नहीं होणा चाहीदा? सगों जीवन नाल जुड़े मसलिआं प्रती तां सानूं वधेरे चिंतत होणा चाहीदा है।

बंदे दे लालाचां, खुदगरज़ीआं अते इछ्छावां दा कोई पारावार नहीं। ठीक है हर इनसान नूं आपणा विकास ते तरक्की करन दा हक्क है अते उस नूं अजिहा करना वी चाहीदा है। जीवन नूं चंगा बणाउण लई नठ्ठ-भज्ज करनी चाहीदी है पर इह नठ्ठ भज्ज इस तरहां दी नहीं होणी चाहीदी कि सूरज दे छिपण तों पहिलां ही साडी ज़िंदगी दा सूरज छिप जावे। इह ज़िंदगी बड़ी छोटी है। सानूं इह छोटी जिही ज़िंदगी मुनाफे नूं ही समरपित नहीं कर देणी चाहीदी।

जे बंदा ही नां रिहा तां उहदा सूरज चहड़न तों सूरज दे छिपण तक नठ्ठ भज्ज करन दा की फाइदा? इस दुनीआं नूं हैंकड़बाज़ अते कुटिल नीतीआं वाले शासकां दी लोड़ नहीं बलकि चंगे इनसानां दी वध्ध लोड़ है, जो इस नूं मनुख्खां दे रहिणयोग बणाउण लई यतनशील होण। किसे खित्ते, किसे देश जां पूरी दुनीआं नूं चलाउण वालीआं ताकतां दा मनोरथ मानवता दा भला नहीं बलकि वध्ध तों वध्ध ताकत हासल करना बण गिआ है। पैसा, सत्ता अते हथिआरां दी अंनही ताकत दुनीआं दे लख्खां मनुख्खां लई खतरनाक हालात पैदा करदी है। इस धरती ’ते बेरुज़गारी दा संताप भोगदे इसदे पुत्तर धीआं हन, बच्चिआं दे इलाज खुणो विलकदीआं मावां हन, गरीबी दा संताप भोगदे रोटी दी बुरकी-बुरकी दे मुथाज बदकिसमत लोक हन, गंदा पाणी पीण लई मजबूर लख्खां लोक हन। इस सभ कुझ दा कारन केवल मुठ्ठी भर लोकां दा लालच है। इह धरती दुनीआं दे हर मनुख्ख वासते रज्जवीं रोटी अते चंगा रहिण सहिण पैदा करन विच्च समरत्थ है पर लालचां, खुदरगीआं अते हैकड़ां नें इस धरती दे कुझ खित्तिआं नूं नरक बणाइआ होइआ है। सानूं समझण दी लोड़ है कि जेकर दुनीआं मनुख्खां दे रहिणयोग नहीं बण सकी तां इसदा कारन दुनीआं नूं चलाउण वालीआं ताकतां दीआं चौधरां, हैकड़ां लालच अते खुदगरज़ीआं हन। मनुख्ख नूं उस सिख्खिआ दी सभ तों वध्ध लोड़ है, जिस सिख्खिआ नाल उस नूं चंगा मनुख्ख बणाइआ जा सके। इस दुनीआं विच्च विचरदिआं सानूं मिली धन दौलत साडे लई है, नां कि असीं धन दौलत लई हां। कुदरत अते मनुख्खां दी तबाही करके उहनां दी सिहत नाल खिलवाड़ करके पैदा कीते साधनां, जाइदादां अते पैसे दा की फाइदा, जिस नाल मनुख्ख आप सरीरक अते मानसिक रूप विच्च तंदरुसत नां रहे। सानूं आपणे अंदर झाती मारन दी लोड़ है, सोचण विचारन दी लोड़ है अते कुझ चंगा सिरजण लई यतनशील होण दी लोड़ है।

* * * * *