ग्रंथां, शासतरां अते साडी लोकधारा विच्च पंजाब नूं छे रुत्तां दा देश किहा गिआ है। इह छे रुत्तां सन गरमी, सरदी, पतझड़, बहार, वरखा ते सीत रुत्त। हुण इह खित्ता छे रुत्तां वाला खित्ता नहीं रिहा बलकि इह सत्त रुत्तां वाला इलाका बण गिआ है। सरदी दी रुत्त हौली हौली घट रही है इक्क नवीं रुत्त इस विच्च थां बणा रही है जो दवाली तों फौरन बाअद शुरू हुंदी है। छे रुत्तां, धरती दी वारशिक गती नाल जुड़ीआं होईआं हन अते इह रुत्तां कुदरती बणीआं हन। सत्तवीं रुत्त जिहड़ी हुण बण रही है, उह है “धीमी मौत दी रुत्त”। इह रुत्त दिवाली वाले दिन तों शुरू हुंदी है, इह रुत्त असीं आप पैदा कीती है। सानूं माण है कि असीं अखौती विकास दे कंधाड़िआं ’ते चहड़ के इक्क सत्तवीं रुत्त दी सिरजणा करन विच्च सफल होए हां। इह उह रुत्त हुंदी है जदों बच्चा, बुढ्ढा, मरद, औरत हर कोई हर दिन लगभग तीह सिगरटां जिंना धूंआं आपणे अंदर खिच्चदा है। इह उह रुत्त है जिस विच्च जेकर साडे घर विच्च जेकर पंज जीअ हन तां इहनां विच्चों चार जीअ ज़रूर बिमार हुंदे हन, दवाईआं खांदे हन। इस रुत्त दे बीतण मगरों इक्कदम मरगां दे भोगां दे सद्दे वध जांदे हन। धूंएं दे प्रकोप विच्च 2.5 अते 10 पीऐम (पारटीकुलेट मैटर) कण हवा विच्च बड़ी तेज़ी नाल वध जांदे हन। इह बरीक अदिख्ख कण धागिआं वरगे हुंदे हन जो साह राहीं हज़ारां दी गिणती विच्च साडे अंदर प्रवेश करदे हन। इह खून विच्च रलदे हन अते अगले दिनां दौरान इह साडे विच्चों कझ बंदिआं लई हारट अटैक दा कारन बणदे हन।

इह नां समझ लैणा कि इस ‘धीमी मौत दी रुत्ते’ कुझ दिन छिक्कां, जुकाम लग्गिआ, सिटरीजिन दीआं गोलीआं खाधीआं ते गल्ल गई आई हो गई। साडे खून विच्च रले धूंएं दे इह कण अगले दिनां दौरान साडे विच्चों कईआं लई हारट अटैक दा कारन बणदे हन। पिछले कझ अरसे तों इहनां मौत दे दिनां दे बीतण मगरों पंजाब विच्च हर साल वध्ध मौतां होण लग्ग पईआं हन। इस तरहां इह उह रुत्त है जो साडे लई वड्डा इक्क छानणा लै के आउंदी है। छानणा लग्गदा है तां साडे विच्चों कुझ कु लोक अगले दिनां दौरान हसपतालां विच्च रुलदे हन ते आखिर इस जवान तों विदा हो जांदे हन। हवा दा प्रदूशण छिक्कां, ज़ुकाम, गले खराब तक ही सीमत नहीं बलकि इह इह भिआनक बिमारीआं दा इक्क वड्डा कारन बणदा है।

इस सारे कुझ लई असीं किसे नां किसे रूप विच्च सारे दोशी हां। दिवाली वाले दिन काले धूंएं दे बद्दल हर पिंड, शहिर तों इंझ उठ्ठदे हन जिवें कोई नगर सड़-बल रिहा होवे। इह उह ही हवा है जिस नूं गुरू दा दरजा देण दी साडे बाबे नें सानूं तागीद कीती सी। इसे हवा नूं हुण असीं विआह शादीआं, प्रभात फेरीआं अते गुरपूरब ’ते वी बंब चला चला के पलीत करन लग्ग पए हां। बस्सां, कारां, फैकटरीआं, कारखानिआं दे धूंएं दी परत इहनां दिनां दौरान नमी होण करके धरती दे तल दे नेड़े-नेड़े रहिंदी है। खेतां विच्च धुखदी पराली ते इह सभ कुझ रल के इहनां दिन विच्च ‘धीमी मौत दी रुत्त’ दी सिरजणा करदे हन। इह रुत्त साडे हर इक्क दी ज़िंदगी नूं हर साल, कुझ दिन होर घट्ट कर रही है। इस धीमी मौत दे प्रकोप नूं असीं सारे वेख रहे हां, हंडा रहे हां, बिमार हो रहे हां अते इस नाल हर दिन थोहड़ा-थोहड़ा मर रहे हां। पता नहीं इह सिलसिला कदों तक चलदा रहेगा?

असीं सरबत्त दा भला मंगण वाले लोक हां, असीं उह लोक हां जो सड़कां बाजारां विच्च वख्ख वख्ख पकवानां दे कई तरहां दे लंगर ला के लोकां नूं हत्थ जोड़ जोड़ के लंगर छकण दीआं बेनतीआं करदे हां। पंजाब दे बहुत सारे पिंड हन, जित्थे टूरनामैंटां ’ते लख्खां नहीं करोड़ां रुपए इकठ्ठे कीते अते खरच कीते जांदे हन। असीं इह वी वेखदे हां कि साडे इत्थे कबड्डी मैचां दौरान पंजाह पंजाह लख्ख इक्क इक्क रेड ’ते लग्ग जांदा है। की असीं इह सभ कुझ नहीं कर सकदे? की असीं हर पिंड लई अजिहे साधन पैदा नहीं कर सकदे कि किसे पिंड दे खेतां नूं अग्ग लाउण दी लोड़ ही नां पवे? की असीं आपणे धरम असथानां विच्च खहड़ के इह अरदास नहीं कर सकदे पिंड विच्च पटाके चलाउण ’ते पूरन पाबंदी होवेगी? असीं होर मसलिआं ’ते इकठ्ठे हो जांदे हां पर जित्थे साडी ज़िंदगी नाल सिध्धे तौर ते जुड़िआ जिऊण मरन दा मसला होवे, उत्थे असीं टाळा किउं वट्ट लैंदे हां?

असीं कदे वी सरकार तों इह मंग नहीं कीती सी कि साडीआं औरतां बस्सां विच्च सफर करन तों औखीआं हन उहनां नूं मुफत सफर करन लई पास दित्ते जाण। असीं कदे वी इह मंग नहीं कीती सी कि सानूं धारमिक असथानां दे मुफत दरशन कराए जाण, इस तों असीं औखे हां, साडी इह औख दूर कीती जावे। इहो जिहीआं कई होर वी साडीआं लोड़ां हन, जो असीं मंगीआं नहीं सन पर सरकार नें सानूं दित्तीआं। असीं सरकारां तों पुछ्छदे हां कि जित्थे साडे जीवन नाल जुड़े मसले हुंदे हन, उत्थे सरकारी मशीनरी कित्थे गाइब हो जांदी है? सरकारी रैलीआं जलसिआं विच्च करोड़ां रुपए खरच हो जांदे हन पर जीवन नाल जुड़े मसलिआं ’ते सरकारी फंडां दे पीपे खाली किउं खड़कण लग्ग पैंदे हन। की हर पिंड विच्च पराली इकठ्ठी करन, संभालण वाले संद सरकार मुहईआ नहीं करवा सकदी? किउं नां कुझ होर फसलां दे चंगे भाअ किसानां नूं दित्ते जाण ते उह झोने तों छुटकारा ही पा लैण?

सभ धिरां नूं ही अज्ज सोचण दी लोड़ है। जदों-जदों वी मनुख्ख कुदरत दे कंमां विच्च हद्दों वध्ध दखल अंदाज़ी करदा है, उहदा नतीजा भिआनक हुंदा है। असीं आपणे गुरू बाबे दे बोले गए शबदां नूं केवल मत्थे ही नां टेकीए, इहनां नूं मत्थिआं विच्च पाईए वी। चंगा होवेगा कि असीं पंजाब नूं छे रुत्तां दा खित्ता ही रहिण देईए ते सत्तवीं ‘धीमी मौत दी रुत्त’ तों निजात पाउण लई यतन करीए। आपणे आप तों लै के बिमारीआं दुशवारीआं तों पीड़त लोकां अते निक्के निक्के मासूम बच्चिआं दे साह लैण लई कोई नां कोई हीला करीए।

* * * * *