सदा बहार, टहिकदे, महिकदे, सुहिरद इनसान किरपाल सिंघ पंनूं नाल मुढ्ढले मिलाप दी रौचक कहाणी है। 1996 विच्च जदों मै पहिली वार कैनेडा गिआ तां उत्थे मैनूं कोई नहीं सी जाणदा। मेरे अंदर ओपरेपण दी कसक समाई होई सी। किसे नाल मेल जोल करन, सबंध जोड़न ते सांझ सथापत करन दी मेरे अंदर भुख्ख सी। इस विचार नाल मै आपणी इक्क कहाणी, इत्थों दी प्रसिध्ध अखबार ‘अजीत’ विच्च छपणी दित्ती। कहाणी छप गई ते नाळ ही मेल जोल दे बंद दुआर खुल्ल्ह गए। बंद दुआर की खुल्ल्हे इक्क नवां ते अनोखा संसार वस गिआ। कहाणी दे सबंध विच्च इक्क दिन मैनूं फोन आइआ। इह सहिज, ठरंमे ते संगीतक अवाज़ किरपाल सिंघ पंनूं दी सी। मेरे बारे तरदी-तरदी जाणकारी लई ते कहाणी दी रज्ज के परसंसा कीती। अगले हफते दे ‘अजीत’ विच्च उस नें मेरे बारे ते मेरी लेखणी बारे जो लिखिआ ते छापिआ उस नाल मेरा रोम-रोम झूंम उठिआ। उदों इह वाटरलू रहिंदा सी, मै टोरांटो दे शहिर बरैंपटन विच। उदों तों अज्ज तक्क पिआर ते अपणत्त दी इह लगर हरी भरी तुरी आ रही है।

संसार दी भीड़ विच्च किरपाल सिंघ पंनूं इक्क वख्खरे ते विसेश सथान ’ते खहड़ा दिखाई दिंदा है। होरां नालों उस दी होंद सभ तों वख्खरी ते निवेकली है। जापदै उह मेरे ’कल्ले दा ही नहीं; पिआर ते सदभावना नाळ छलकदा उस दा हिरदा सरबत्त नूं समरपत है। पिआर ते अपणत्त दी सुच्ची भावना उस दे साहां ’च समाई होई है। उह उनहां विरले बंदिआं विचों इक्क है; जिनहां दे हिरदे निरछल हन ते विचारां विच्च भिंनी महिक हुंदी है; जिनहां दे विहार ते किरदार सिदक ते सचाई नाल भरे हुंदे हन अते जो आपणे मित्तरां दी हर समस्सिआ ते संकट उनहां दे आपणे तन दी पीड़ बण जांदी है अते उस दी नविरती लई आपणा आपा निछावर करन तक जांदे हन। अजिहे बंदिआं दी संगत विच्च बंदगी वरगा अहिसास हुंदा है। अहिजे बंदे इक्क हो के वी इक्क संसथा वरगे हुंदे हन। किरपाल सिंघ पंनूं अजिहा सद-गुणी विअकती है।

किरपाल सिंघ पंनूं बहुत सिरड़ी ते मिहनती है। वडेरी उमर अराम करन ते सुख भोगण दी हुंदी है, सुभाअ विच्च सिथलता आ जांदी है। पर इस नें इस उमर नूं वी इक्क आदरश दे लेखे ला रख्खिआ है। उह कंपिऊटर दा मतवाला है। कंपिऊटर दीआं बरीक ते सूखम तंदां नूं जानण, समझण दी जो मिहनत इस विअकती नें कीती है अते नवीआं तों नवीआं काढां कढ्ढीआं हन; उस नाळ कंपिऊटर दी दुनीआं विच्च इक्क वख्खरे ते विशेश इतहास दी सिरजणा हुंदी दिखाई दिंदी है।

किरपाल सिंघ पंनूं बहुत रौचक ते मिलापड़ा बंदा है। उस नूं कदे अक्किआ-थक्किआ नहीं देखिआ। जदों देखो, सदा सज्जरा, सदा जवान। ‘साजन मेरा नीत नवां।’ उस दी मित्तरता ते मिलाप विच्च सुआद, सिखिआ ते प्रेरना भरी हुंदी है। आपणे पिआरिआं नूं किसे नां किसे आहरे लाउण अते कंम विच्च खुभे रहिण दी उस दी प्रेरना तों कोई अणभिज्ज नहीं रहि सकदा। बथेरे हन; जो इस दी प्रेरना दी बदौलत लेखक बणे हन अते कहाणीकार, निबंधकार जां कवी वजों प्रसिध्धी हासल कर चुक्के हन। पर कंपिऊटर कला विच्च उह सभ दा उसताद है। पंजाह साल दी उमर तों वडेरीआं उमरां वाले, टोरांटो वासी बाबे ते माईआं बीबीआं, सारे दे सारे उस दे चेले बालके हन। उह बाकाइदा कलासां लाउंदा है, सभ नूं खुल्ल्हा सद्दा दिंदा है, कोळों कंपिऊटर दिंदा ते बड़ी मिहनत नाल सभ नूं कंपिऊटर दी ट्रेनिंग दिंदा है। फिर बगैर किसे लोभ लालच ते बगैर किसे गरज़ तों, सभ सेवा मुफ़त करदा है।

उह भाशा विगिआनी, सिहत विगिआनी ते सुहजवादी सोच दा मालक है। पहिनिआं पच्चरिआ उह गभ्भरूआं दी ढाणी विच्च सभ तों अनोखा ते निआरा दिखाई देवेगा। दलील दा धनी, हास विलास ते विअंग दे अणीआले तीर मारन दी कला दा माहर है।

किसे वी मशीनरी लई मेरे अंदर सुभावक ही झिजक रही है। कंपिऊटर बारे जानणा बहुत औखी घाटी सी। इक्क लंमा समा मैं इस तों दूर-दूर ही रिहा। पहड़न लिखण दी मुढ्ढों चेटक सी। लिखण समग्गरी हुंदी, माहौल बणदा, तद जा के कोई गल्ल औड़दी सी। ज़िंदगी दा लंमा समा इंज करदिआं बीतिआ सी। आदत बणी होई सी। इस ढळी उमर विच्च हुण कंपिऊटर ’ते कौण टक्करां मारे?

पर इस महान मनुख्ख नें खहिड़ा नहीं छड्डिआ। मै बथेरे पैर खिच्चे, बहाने लाए पर कंपिऊटर वल्ल इस नें मैनूं धक्के नाळ तोर लिआ। ‘की बोरड’ अते ‘माऊस’ दी वरतों करनी दस्सी। पहिलां पहिल बहुत झिजक रही। कदे ‘की बोरड’ वल्ल, कदे ‘माऊस’ वल्ल धिआन वंडिआ जांदा। गल्ल उख्खड़ जांदी पर पंनूं जी दी चुंबकी शखसीअत नें, पिआर भिज्जी प्रेरना, योग राहनुमाई ते करड़ी निगरानी नें मैनूं भज्जण नहीं दित्ता, पिछ्छे नहीं हटण दित्ता; तोरी रख्खिआ। हौळी-हौळी सारीआं झिजकां-औकड़ां दूर भजा मारीआं। मन-मसतक विच्च चेतना दे दीवे जगा दित्ते। हुण कंपिऊटर दे ताबिआ बैठण सार जिवें तीसरी अख्ख खुल्ल्ह जांदी है ते लिखण लई हलूणा दे जांदी है। मै ’कल्ला ही नहीं, मेरे वांग होर बहुत सारे प्रौढ ते प्रसिध्ध लेखकां-विदवानां नूं वी इस नें इसे विधी नाल तोरिआ है।

कंपिऊटर दे बहुत फाइदे हन। कागज़ कलम दी लोड़ नहीं नां ही किसे कट्ट वढ्ढ दी लोड़। कोई अख्खर, शबद, वाक जां पहिरा बदलन, डलीट करन जां हेठां उत्ते करन दा कारज बहुत सौखा ते सुआदला है। सारा रीकारड साहमणे हुंदा है। जित्थे मरज़ी जां जिंनी वार मरज़ी ठीक कर लवो जां सोध के लिख लवो। सुख ही सुख है।

पंनूं साहिब दी किरपा नाळ हुण तक्क छपीआं मेरीआं किताबां मै आप टाईप कीतीआं हन। यू ऐस बी जां सी डी ’ते चाहड़ के इंडीआ तों छपवाउंदा रिहा हां। इक्क किताब कैनेडा तों ई मेल राहीं इंडीआ तों छपाई है। पहिलां वांग किसे तरहां दा कोई खरड़ा जां कागज़ संभालण दी लोड़ नहीं। इस मिहरबान नें नवें ते सौखे मारग ’ते मैनूं पा दित्ता है।

कंपिऊटर विच्च दुनीआं भर दे गिआन, विगिआन दी समग्गरी भरी पई है। हर प्रकार दी जाणकारी ते मनोरंजन दीआं पंडां दीआं पंडां भरीआं पईआं हन। सारा ब्रहिमंड इस दी सकरीन ’ते देखिआ माणिआं जा सकदा है। इह वरग, हर उमर ते हर छोटे वड्डे दी लोड़ है। बुढेपे दा बहुत सुचेत ते इमानदार साथी है। याद शकती दी पुखता डंगोरी है। सारी ज़िंदगी दे सारे वेरवे इस नूं सौंप देवो ते सदा लई बेफिकर हो जावो। सौ साधां दी संगत नाळों इक्क कंपिउटर दी संगत उत्तम है। इस तों कदे जीअ अक्कदा थक्कदा नहीं। जो जीअ आउंदा है, देखो ते माणो, लाभ ही लाभ हन। इस युग विच्च कंपिउटर मनुख्ख दा सभ तों पिआरा ते इमानदार साथी है। इस बगैर मनुख्ख अधूरा है। मनुख्खी मन विच्च तां खोट हो सकदी है पर कंपिऊटर दे तन विच्च कोई खोट जां बनावट नहीं। इस सारे खज़ाने दी सोझी मैं किरपाल सिंघ पंनूं तों पाई है अते मैं अनुभव करदा हां कि अज्ज इह मेरी वड्डी कमाई है।

अजिहे परउपकारी, सदाचारी ते सदाबहारी विअकती धरती दा शिंगार अते समाज ते कौम दा सरमाइआ हुंदे हन। शाला! साडा इह टहिकदा, महिकदा, सदाबहार महान विअकती, किरपाल सिंघ पंनूं परसंन, अरोग ते लंमेरी उमर तक्क खुशीआं, खेड़े माणे ते कंपिऊटरी कला दीआं इसे तरहां दातां वंडदा रहे!!