“Heaven is where you will be when you are okay right where you are” –Sun RA

संसार दे सारे धरम, आपणे आपणे दाइरिआं विच्च रहिंदिआं ‘नरक अते बहिशत’ सबंधी वख्ख वख्ख विचार प्रगटाउंदे हन पर साडी इस गलबात दा मंतव नां तां इहनां धारनावां सबंधी किंतू-परंतू करना है अते नां ही किसे तरहां दी धारमक बहिस विच्च उलझणा। सगों गलबात दा धुरा तां धारमक विचारधारा तों ज़रा कु वख्ख हो के केवल ‘बहिशत अते नरक’ दी सथिती नूं छोहणा है।

दरअसल इस ‘बहिशत’ अते ‘नरक’ दा वी आपणा ही इक अजीब ‘कलपना-जगत’ है। किते हूरां हन अते किते दोज़ख दी अग्ग। ‘कलपना’ जां ‘कलपना-जगत’ इस लई आखिआ है कि इहनां दी असलीअत दा किसे नूं वी पता नहीं। पाणी विच्च सोटे मारी जाणा अते ‘किआस’ करी जाणा साडे वस्स दी गल्ल रहि गई है। बहिशत अते नरक दी होंद नूं, मौत उपरंत लाज़मी आउणा, आम तौर ते बहुतिआं वल्लों ‘किआसिआ’ जांदा है। जीवन डाढा औखा है, मिहनत मंगदा है। जीवन विच की की वापर रिहा है जां वापर सकदा है, उस दा थहु-पता लगाउण दी चिंता छड्ड के मौत दी चिंता अते मौत पिछ्छों बहिशत जां नरक बारे सोची जाणा किंना कु जाइज़ है?

जो जंमिआ है, उसने आखर इक दिन मरना है। जनम, बचपन, जवानी अते बुढापा जीवन दे पड़ा हन। बुढापे दौरान मौत नें आ दसतक देणी है। पर जदों अजे मरे नहीं अते हालां बिलकुल जिउंदे जागदे हां तां की मौत अते मौत पिछ्छों मिलण वाले नरक-सवरग नूं इक्क पासे छड्ड के, अज्ज दे जीवन बारे विचार नां कर लईए?

पता नहीं बज़ुरगां दा किआसिआ, मौत उपरंत मिलण वाला कोई बहिशत है जां नहीं पर नरक तां इसे धरती उत्ते ही वेखण नूं मिल जांदा है। इस जीवन विच नरक वेखण लई ‘मरन’ दी उडीक नहीं करनी पैंदी। वेखण वाली अख्ख अते सहिण वाला गुरदा चाहीदा है। नरक दे दरशण इत्थे ही हो जांदे हन अते बहिशतां दे दर वी इत्थे ही खुल्हदे-भिड़दे नज़र आ जांदे हन।

दरअसल जे असीं हर तरहां ठीकठाक; तंदरुसत, परसंन, सुखी, संतुशट हां अते परवार चहड़दी कला विच है; कंमकार ठीक चल्ल रिहा है; दंपती जीवन सही है; बच्चे नेक चलन हन; तां बस्स इहो ही बहिशत है।

जे असीं दुखी हां, पीड़ां विच ग्रसे होए हां; लोड़ां-थोड़ां दे झंबे होए हां; बिमार जां अपंग हां; रोटी-कपड़े अते छत्त दी चिंता रात-दिन सताउंदी है तां समझो असीं नरक भोग रहे हां। इस संसार विच जे जीवन सुख्खां विच विचरदिआं बीत रिहा है तां बहिशत अते जे दुख्खां विच विचरदिआं बीत रिहा है तां नरक।

आपणे आपे तों ज़रा कु अगहां वध के इस संसार वल्ल वेखिआं नरकां-सवरगां दे साखिआत दरशण हो जांदे हन। गल्ल तां केवल इंनी कु ही है कि साडे अहिसास किंने कु जि਼ंदा अते दिल-गुरदे वाले हन। नरक अते सवरग इक्को ही सिक्के दे दो पासे हन। जीवन है तां इह दुख्ख-सुख्ख, घाटां-वाधां, बिमारी-तंदरुसती, परसंनता-अपरसंनता, सभ कुझ चलदा ही रहिणा है। लोड़ तां इस गल्ल दी है कि जीवन विच इकसारता अते इकसुरता किवें काइम रख्खी जावे? की कीता जावे कि तंगीआं-तुरशीआं अते औखिआईआं भरिआ जीवन भोगदिआं होइआं वी सवरगी जीवन दे झूटे लए जा सकण? सोच रहे होवोगे कि शाइद कोई ‘अलादीन दा चिराग़’ हत्थ लग्ग जावेगा, लभ्भ पवेगा। नहीं, अजिहा कुझ नहीं होणा। हर इक नूं आपणा आपणा ‘अलादीन दा चिराग’ आप ही तिआर करना पवेगा। इह सभ साडे आपणे हत्थ-वस्स है, किसे होर दे नहीं। पर हां, कदे कोई पहड़ी जां किसे दी आखी होई गल्ल सानूं टुंबदिआं होइआं कुझ करन लई परेर ज़रूर सकदी है; राह-दसेरा बण सकदी है; उद्दम सानूं आप ही करना पैणा है।

जानवरां दी जत्त वाली खल्ल, जिस नूं ‘फर’ आखिआ जांदा है, नूं लंमे समें तों पहिरावे वजों वरतिआ जा रिहा है। मिंक निउले दी श्रेणी दा इक जानवर है। उसदी फर बहुत महिंगी हुंदी है। शिकारी डंडिआं नाल लैस हो के मिंक उत्ते हमला करदा है। मिंक आपणे बचाओ लई हत्थ-पैर तां मारदा है पर फिर वी काबू आ जांदा है। कुट्ट खांदा है; मार नाल चीख़दा चिलाउंदा है अते अंत प्राण तिआग दिंदा है। उह जीव तसीहे झल्लदा है किउंकि उह आपणे नालों डाढे जीव ‘मनुख्ख’ दे वस्स पिआ होइआ हुंदा है। पर मनुख्ख अजिही होणी किउं भोगे?

जो कुझ वी साडे नाल जां साडे आसे पासे जां किसे होर पासे गलत वापर रिहा है, जिस नें साडा जां किसे होर दा जीवन नरक बणाइआ होइआ है; उस नूं रोकणा साडा सभनां दा फरज़ बणदा है। इह जतन हमेशा जारी रहिणे चाहीदे हन। इह मनुख्ख दी होणी है, मनुख्खी जीवन दा सच्च है। इस सच्च तों लुकदिआं आपणी किसमत नूं कोसदे रहिणा दानशमंदी नहीं। नाल दी नाल सानूं आप वी हर वेले इह याद रख्खणा चाहीदा है कि असीं आप अजिहा कोई करम नां करीए जिस नाल किसे दा दिल दुखे, उसदी जि਼ंदगी नरक बणे। किसे गरज़मंद दी मदद कर देणी, लोड़ वेले किसे दे कंम आ जाणा, दुख-सुख वेले खबरसार लै लैणी; इह निक्कीआं निक्कीआं गल्लां हन जो मुरझाए चिहरिआं उत्ते मुसकराहट लिआ सकदीआं हन।

उपभोगतावाद नें अज्ज दे मनुख्ख नूं वसतां इकत्तर करन दी दौड़ विच लाइआ होइआ है। इस दौड़ विच उह हंभ ही नहीं रिहा, हफ वी रिहा है। हफे होए मनुख्ख दे साहां दी लड़ी किसे वेले वी टुट्ट सकदी है। महिंगीआं कारां जां महिंगे घर खरीदण लई दौड़ भज्ज करदिआं जे परवार खिंड-पुंड गिआ तां पल्ले की रहि गिआ?

मौत पिछ्छों मिलण वाले किसे वी बहिशत जां नरक दी चिंता छड्ड के ‘अज्ज’ दे सनमुख्ख बलवान बण के खहड़न दी लोड़ है। कहिणा सौखा है अते करना औखा। औखा है, पर असंभव नहीं।

बीते जां आउण वाले कल्ल्ह दी चिंता तिआग के ‘अज्ज’ नूं आपणी मुठ्ठ विच फड़न दा जतन करीए। ‘हुण‘ दे पल नूं आपणे हत्थ विचों किरन नां देईए। साडा भला इसे गल्ल विच है कि असीं सतरक होईए अते आपणे आप नूं कोसणा छड्ड देईए। मौत तों उपरंत नसीब होण वाले कलपित नरक-सवरग दी चिंता तिआग के आपणे अते होरनां दे अज्ज दे नरक नूं सवरग विच बदलण दा जतन करीए।

सबर-संतोख दा कोई बदल नहीं। गल्ल पाणी दे अध्धे गलास नूं अध्धा भरिआ जां अध्धा खाली समझण दी है। जे असीं अज्ज जो कुझ वी हां, जित्थे वी हां अते जिवें वी हां, उसे विच संतुशटी अनुभव करना सिख्ख लईए तां सानूं किसे तों मूंह लुकाउण, हीणा जां ऊणा समझण दी कदे वी लोड़ नहीं पवेगी। अते नाल ही जे असीं दूसरिआं वल्ल देख देख के झूरना छड्ड देईए तां साडीआं बहुत सारीआं आपे सहेड़ीआं गमीआं खुशी विच बदल सकदीआं हन। जे असीं इस वेले खुश हां तां इहो ही सवरग है।