असीं तिंने होटल विच बैठे चाह पी रहे सां, मैं, प्रेम ते नरिंदर। नरिंदर सरदारां दा मुंडा सी। हुण कहाणीआं लिखण लग पिआ सी। इह ते कोई अनोखी गल्ल नहीं सी। सरदारां दे मुंडिआं तों किहड़ा कंम भुलिआ होइआ ए। आपणीआं पैलीआं दी वट्टां ते फेरे वी मारदे नें ते वज़ीरीआं वी करदे नें। हवाई जहाज़ वी चलांदे नें ते शिकार मगर कुत्ते वी भजांदे नें, नौकरीआं वी करदे नें ते जलूस कढ्ढ के कैद वी हुंदे नें। मज़े दी गल्ल ते इह सी कि उस दीआं कहाणीआं मारकस दे शबदां विच ‘लुट्टे होए लोकां’, दा पख्ख पूरदीआं सन। समाजक निआं लई रौला पाउंदीआं सन। इस बारे ही गल्लां हो रहीआं सन।

प्रेम ते मैं इस दे हक्क विच नहीं सां कि कहाणीआं इसे सवाल दी भेटा कर दित्तीआं जाण।

‘‘ इह गरीबी अमीरी दा रौला ऐवें मोटी बुध्ध दी निशानी ए,’’ प्रेम कहि रिहा सी, ‘‘जिनहां लोकां दी सूझ लिस्सी ए उह समझदे नें कि बहुते पैसे नाल बहुतीआं मौजां नें ते जे थोड़ा होवे तां कोई सवाद नहीं। उह लोक गरीब दे दिल नूं इक ऐसी थां गिणदे नें जिस वल केवल इक पासे दा रसता ही खुल्हा ए। उस रसते ते दुख्ख कलेश उस वल भजे जांदे नें, पर उधरों दूजे पासिओं कोई खेड़ा, कोई लिशक उस दे मूंह ’ते नहीं आ सकदी। रसता ही बंद कर दिंदे नें, इह लोक। मैं इह नहीं मंनदा।’’ प्रेम नें ‘नांह’ विच सिर हिलाइआ ते नरिंदर वल इस तरहा वेखिआ जिवें उस दे उलट गल्ल करदे सार ही हूरो-हूरी हो पएगा।

पासे वाले कमरे दा बूहा खुल्हा, विचों इक खूबसूरत औरत, इक आदमी ते इक बच्चा निकले। असीं उनहां वल वेखण लग पए। औरत इंने आदमीआं दीआं तिख्खीआं नज़रां हेठ घबराई होई सिध्धी दरवाज़े वल वेखदी बाहर निकल गई। बच्चा मेज़ ’ते टिकाए फुल्लां नूं हत्थ ला के वेखण लई खड़ा हो गिआ। आदमी बाहरों वापस आ के उस नूं नाल लै गिआ। साडा धिआन फिर आपणी चाह ते आपणीआं गल्लां वल मुड़ आइआ।

मैनूं प्रेम दी गल्ल सिआणी लगी। ‘‘इह थीऊरी ते मैनूं वी गलत जापदी ए।’’ मैं आपणा हिस्सा पाइआ। ‘‘जे असीं इस होटल विच बैठ के चोखे पैसिआं दी चाह पी रहे हां तां इस दा इह मतलब नहीं कि होटल तों बाहर किसे नूं चाह दा सुआद ही नहीं आ रिहा। हो सकदा है कि कोई आपणी वहुटी जां धी हत्थों चाह पी के किते सुआद लै रिहा होवे।’’

प्रेम नें मेरी गल्ल दी ताकीद विच दो वार सिर हिलाइआ ते फिर चाह दा घुट भरिआ शाइद इह वेखण लई कि इस महिंगे होटल दी चाह किंनी कु सुआद ए। फिर उस नें मेरे वल वेख के किहा, ‘‘हां, इही ते मैं कहिंदा हां। मैं पुछ्छणा वां की रांझा बहुत अमीर सी? पर अज्ज किहड़ा ए जिहड़ा इह आखे कि उस दी ज़िंदगी फज़ूल ते घटीआ सी?’’

नरिंदर बुल्हां विच मुसकराइआ । अख्ख दे फोर लई इस तरहां लगा जिवें कुझ कहिण लग्गा ए, पर उह बोलिआं कुझ नां।मैदान साडे हत्थ सी।

प्रेम नें चाह दे दो घुट्ट होर भरे ते फिर कुझ जोश विच आ के किहा :

‘‘मैनूं उह लोक बहुत बुरे लगदे नें जिहड़े देश दी वस्सों दे वड्डे हिस्से नूं कदी ते मधोलिआ होइआ कहिंदे नें ते कदी लिताड़िआ होइआ। उह किहड़ी लहिर ए जिस विच इह आए होण ते उह सफल नां होई होवे! इह इकल्ले साडे देश दी गल्ल नहीं, हर देश विच इसे तरहां ही होइआ ए। जिहड़े लोकां दी छुह लहिरां नूं बंने लाउंदी ए उनहां नूं तुसीं लिताड़े होए किवें कहि सकदे ओ?’’ प्रेम नें आपणी दलील दे तेज नाल आप ही गरम हो रिहा सी। उस इह अखीरली गल्ल एडी उची मुकाई कि उथे बैठे कई लोक साडे वल वेखण लग पए।

आपणे वलों उनहां दा धिआन हटाण लई कुझ चिर असीं चुप्प करके चाह पींदे रहे, पर साडे दिमाग विच बहिस करके तिख्खे होए होए सन ते चुप्प रहिणा औखा सी। मैं फिर हौली जिही गल्ल छेड़ दित्ती :

‘‘मैं दुनीआं दे दो सुआद सभ तों उत्तम मंनदा हां- इञाणा खिडांदी मां दा सुआद ते मुकलावे जांदी वहुटी दा सुआद।इह सुआद माणदीआं इसतरीआं नूं मैं खलो खलो के, लुक लुक के वेखिआ ए। मैनूं ते इथे गरीब अमीर विच कदी फरक नहीं लगा। दोहां दे मूंह इको जिहे खिड़े होए हुंदे नें।’’

‘‘ओइ असीं दोवें ई बोली जाने आं, तूं किउं नहीं बोलदा?’’ प्रेम नें खिझ के नरिंदर नूं किहा।

‘‘मैं इस मामले ’ते बहिस नहीं करना चाहुंदा।’’ नरिंदर सवै-विशवास दे चुबारे तों बोलिआ।

‘‘किउं?’’

‘‘किउंकि इस ’ते बहिस हो ही नहीं सकदी।’’

‘‘पर गल्लां ते हो सकदीआं नें।’’

‘‘हां।’’

‘‘फिर कोई गल्ल ही दस्स दे।’’

‘‘कोई काई नहीं। बस्स इको ई गल्ल ए। सारीआं मेरीआं लिखतां ’ते एस इको गल्ल दी ही पाण चहड़ी होई ए।’’ हुण नरिंदर कुझ ढिल्ला हो आइआ सी।

‘‘हछ्छा! एनी बहुती लिशक वाली गल्ल ते असीं अज्ज सुण के ही उठणा ए’’ प्रेम नें चाअ नाल आखिआ। उस दी गल्ल विच हुण तरला वी सी।

नरिंदर दे मन विच मिहर पई ते उह गल्ल सुणान लग पिआ ।

‘‘इह गल्ल है ते चिरोकणी, पर मेरे वासते ते हर वेले सज्जरी ए।’’

‘‘ मैनूं ऐम.ए. पास कीतिआं अजे थोड़ा चिर ही होइआ सी ते पिंड ही रहिंदा हुंदा सां। साडी हवेली दे नाल ही साडे खेतां विच कंम करन वाले इक आदमी दा घर सी। उस दी इक कुड़ी साडे घर कंम करदी सी। कंम उह कोई रसोई दा ते नहीं सी करदी। रसोई दे ते उस नूं कोई नेड़े नहीं सी लग्गण दिंदा। बस्स सफाई ते होर उतला उतला कंम करदी सी।इस गल्ल दी मैनूं बहुत हैरानी हुंदी सी कि घर विच बैठी भौंरी ते कंम करदी उह किसे नूं रड़कदी ही नहीं सी। कोई उस वल अख्ख भर के वेखदा नहीं सी। उस दे साहमणे बगैर उस नूं विचों दित्ते असीं कुझ वी खा सकदे सां। उस दे कोल फिरदिआं कोई वी गल्ल कर सकदे सां। उस दीआं वी अख्खां सन, कंन सन, दिमाग सी, दिल सी, इह साडे टब्बर दे किसे जीअ दे मन विच आउंदा ही नहीं सी। सारे टब्बर दे इस वतीरे करके मेरी उस विच दिलचसपी हो गई। उह साडे बारे की सोचदी सी? साडे विच आपणी की थां मिथदी सी? बाहरली दुनीआं विच आपणी की थां वेखदी सी? उस दीआं की उमंगां सन?

‘‘ मैं वेखिआ कि उस दी शकल माड़ी नहीं सी। केवल उस नूं आपणे आप दा पता नहीं सी।

‘‘इक दिन शाम नूं मेरे माता जी नें उस नूं हट्टीओं रेठे लिआउण लई इक अठिआनी दित्ती। हट्टी पिंड दे दूजे सिरे सी।हट्टी वाले नें किहा, रेठे मुके होए नें, पर मेरा मुंडा शहिरों सौदा लैण गिआ होइआ ए। गड्डी नूं टेशन तों लंघिआ ढेर चिर हो गिआ ए, हुणे आउंदा ही होवेगा, रेठे वी लिआवेगा। तूं झट उडीक लै।

‘‘ कुड़ी उथे बैठ गई। अनहेरा हो गिआ, पर हट्टी वाले दा मुंडा अपड़िआ नां। बे उमीद हो के कुड़ी मुड़ आई। अनहेरा हो जाण करके असीं बूहा बंद कीता होइआ सी। वापस आ के उस नें खड़काइआ। मैं खोल्हिआं तां उस नें किहा, माता जी नूं कहो कि रेठे नहीं मिले सवेरे लै आवांगी। हुण पैसे रख लैण। माता जी नें सुण के दूरों ही किहा, तूं पैसे आपणे कोल ही रख्ख, सवेरे जा के लै आवीं। पर उस नें इह गल्ल अणसुणी कर के अठिआनी मेरे हत्थ विच फड़ा दित्ती।

‘‘ पर तूं आपणे कोल ही किउं नहीं रखदी?’’ मैं पुछ्छिआ।

‘‘लओ, सरदार जी! जे किधरे गवाच जावे तां असां गरीबां नें किथों भर के देणी एं?’’

‘‘मैनूं इस गल्ल ’ते बड़ी हैरानी होई कि कईआं लोकां नूं इक रात लई इक अठिआनी सांभण तों वी डर आउंदा ए।

‘‘इक दिन उह बाहर धुपे साडे कपड़े धो रही सी। मैं आपणे कमरे विच बैठा बारी विचों उस नूं वेख रिहा सां। बारी अग्गे जाली लगी होई सी। उंज वी कमरे विच अनहेरा जिहा सी। इस लई उह मैनूं वेख नहीं सकदी सी। उस नूं पता ही नहीं सी कि मैं उथे बैठा सां।

‘‘उस दा आपणा कमीज़ वी बहुत मैला होइआ होइआ सी। उस कोल शाइद होर कमीज़ है ही नहीं सी ते धोण दा इहो तरीका सी कि उह कमीज़ लाह के उना चिर आपणे दुआले चादर वलेटी रखे। उस नूं चूंकि किसे बंदे दे नेड़े होण दा खिआल नहीं सी, उस नें बेखबर खड़े हो के कमीज़ लाही ते फिर आपणे दुआले चादर वल लई। इक छिन लई इक सुंदर सरीर दी झलक मैनूं दिसी। जी करदा सी कि इह छिन लंमा हो जाए। कदी जी वी रज्जिआ ए? ‘‘हुण मेरी उस दे नेड़े होण दी उतसुकता होर वी वध गई।

‘‘ इक दिन उह मेरा कमरा साफ कर रही सी। मैं अंदर आ गिआ। कुझ थोड़ी जिही सांझ दा मैनूं पहिले ही विशवास सी। मेरे लई इह बड़ी महान घड़ी सी मैं आपणे जज़बे उहदे पैरां विच खलार के उहनूं इक उच्ची दुनीआं दी झलक देणा चाहुंदा सां। उस दे हत्थ विचों झाड़ू लै मैं भोएं ते रख दित्ता ते फिर उस नूं बाहों फड़ के आपणी मंजी ’ते बहा लिआ।मैं आप ढुक के उस दे नाल बैठ गिआ ते इक हत्थ उस दे मोढे ’ते रख्ख के उस नूं होर आपणे नाल घुट लिआ।’’

‘‘ इह गल्ल चंगी नहीं सरदार जी, तुहाडे लई’’ उस नें निमहां जिहा उल्हामा दित्ता।

‘‘नहीं चंगी ए, बड़ी चंगी।’’ मैं भद्दे जिहे तरीके नाल उस नूं टालिआ ते उह कुझ मुसकरा पई, शाइद मेरे इस सिध्धे जिहे जवाब ’ते।

बहुत चंगा मुढ्ढ बझ्झ गिआ समझ के मैं उस दा हत्थ छड्ड दित्ता ते उह उठ के खलो गई ।

‘‘इह साबण लै लवां सरदार जी?’’ उस नें उठदिआं सार ही मंग कीती। जिथे असीं बैठे सां उस दे साहमणे अंगीठी ’ते मेरे नहाउण वाले साबण दी चिप्पर पई सी। इस सारी खेड विच उस दा धिआन शाइद उस चिप्पर विच ही रिहा सी।जे कोई मैनूं पुछे तां मैनूं ते इस मज़ेदार सुपने विचों किसे चीज़ दी होश नहीं सी।

‘‘ हां, लै लै’’ कहि के मैं उसे मंजी ’ते फिर बैठ गिआ।

‘‘उस दिन तों पिछों हर इक लई रजवीं रोटी तों बिनां होर कोई गल्ल मेरे मन विच खुभणी असंभव होई होई ए। जदों कुझ लोकां लई थुड़ां सरीर दे होर सारे रसते ते सुआद बंद कर देण तां बाकी दे लोकां नूं कुझ चिर होर गल्लां बंद कर देणीआं चाहीदीआं नें। बस्स, आपणीआं लिखतां दी सफाई विच मेरे कोल होर कोई दलील नहीं।’’