असीं हुण उस दौर विच्च प्रवेश कर गए हां जित्थे सरकारां हर तरहां दीआं लोक सेवावां अते जनतक अदारिआं नूं मुनाफ़िआं दी ऐनक विच्चों वेखण लग्ग पईआं हन। प्राईवेट कंपनीआं वांग सरकारां नें सभ कंम मुनाफ़िआं लई नहीं करने हुंदे पर अफसोस कि अजिहा हो रिहा है। सरकारी मुनाफाख़ोर नीतीआं तों पैदा होए संकट हुण आपणे रंग विखाउण लग्ग पए हन।

विकास दी रफ़तार विच्च तेज़ी लिआउण लई बुलेट टरेन चलाउण दी गल्ल हो रही है पर कई दहाके पुराणे रेलवे पुल ’ते चहड़ी भीड़ विच्च दम घुट्ट के 22 लोकां दी मौत हो जांदी है। देश तरक्की कर रिहा है, विकास कर रिहा है, नकदी रहित अरथचारे वल्ल वध रिहा है पर किसे हसपताल विच्च आकसीजन नां पहुंचण कारन दो दिनां विच्च 70 बच्चिआं दी मौत हो जांदी है। साडे मुलक विच्च मनुख्खी जान दा की मुल्ल है, इस दा अंदाज़ा इस घटना सबंधी सत्ताधारी धिर दे इक आगू दे इस बिआन तों लाइआ जा सकदा कि हर साल इनहां दिनां विच्च पहिलां वी बच्चे मरदे सन। इत्थे हर रोज़ अवारा कुत्ते, निक्के निक्के बच्चिआं नूं पाड़ खांदे हन पर असीं इह सभ कुझ भगवान भरोसे छड्डिआ होइआ है। गावां ते सानह भीड़े बाज़ारां विच्च इंज फिरदे हन जिवें मेला वेखण आए होण। हर रोज़ इनहां नाल वाहन टकराउंदे हन, लोक फट्टड़ हुंदे ते मरदे हन अते ज़िंदगी भर लई अपाहिज हो रहे हन। लोक आवाज़ उठाउंदे हन पर फिर पहिलां वांग चलदा रहिंदा है, किसे अगली भिआनक घटना दी उडीक तक्क। धरम असथानां ’ते हर साल दुरघटनावां हुंदीआं हन ते वड्डी गिणती लोकां दीआं जानां चलीआं जांदीआं हन। पर देश मसत हाथी दी चाल चलदा रहिंदा है, कोई फ़रक नहीं पैंदा। जित्थे लोक कुझ ज़िआदा रौला पाउंदे हन, उत्थे कुझ मुआवज़ा दे के पीड़तां नूं चुप्प करा दित्ता जांदा है। विकसित मुलकां विच्च जे किते माड़े प्रबंधां कारन किसे विअकती दी मौत हुंदी है तां उस नूं गंभीरता नाल लिआ जांदा है। वड्डे फैसले लए जांदे हन तां कि दुबारा अजिही दुरघटना नां वापरे।

पूरे देश विच्च करज़े दे सताए किसान ख़ुदकुशीआं कर रहे हन। पंजाब विच्च ही दो तों तिंन किसान हर रोज़ आतम हत्तिआ कर रहे हन। इनहां आतम हत्तिआवां नूं रोकण लई जो कुझ होणा चाहीदा है, नहीं हो रिहा। अज्ज हालात इह बण गए हन कि इनहां सभ तरहां दे वरतारिआं नूं असीं रब्बी भाणा मंन लिआ है। बहुत सारे देश हन जित्थे लोकां नूं अजिहीआं अणहोणीआं दा शिकार नहीं होणा पैंदा। उह लोक जदों साडे देश विच्च आउंदे तां हैरान हुंदे हन कि इत्थे बाज़ारां विच्च लोकां दे नाल नाल पशू वी टहिल रहे हन जिवें ख़रीदो- फ़रोखत करन आए होण।

जदों 2014 विच्च ऐनडीए सरकार बणी तां साडे प्रधान मंतरी नें कई मुलकां दे दौरे कीते। इनहां सरकारी दौरिआं दा मुख्ख मकसद बाहरले लोकां नूं भारत विच्च निवेश लई उतशाहित करना सी। असीं बाहरले देशां दे हाड़े कढ्ढ-कढ्ढ थक्क गए अते कई छोटां देण दे वाअदे वी कीते पर उह निवेश लई तिआर ही नहीं। सारी दुनीआं देख रही है कि शासन करन वालिआं नें देश दा की बणा दित्ता है। गावां मझ्झां लिजा रहे लोकां नूं बेरहिमी नाल मारिआ जांदा है। इह धरम दे नां ’ते हुंदा है। हैरानी दी गल्ल इह कि बेकसूरां नूं कतल करन वालिआं दी पिठ्ठ ’ते सिआसी लोक आ खहड़े हुंदे हन। टीवी चैनलां ’ते धरम दे मसलिआं उप्पर लंबीआं बहिसां करवाईआं जा रहीआं हन। फिरकाप्रसती दा ज़हिर लोक मनां विच्च कुट्ट कुट्ट के भरिआ जा रिहा है। साडे देश विच्च इस तरहां लोकां दा मरना आम हो गिआ है पर सरकारां इस प्रती संजीदगी नहीं दिखाउंदीआं। फिर कौण करेगा भारत विच्च निवेश?

देश विच्च सड़क हादसे लगातार वध रहे हन। हर दिन औसतन 1317 सड़क हादसे हुंदे हन ते रोज़ाना करीब 413 लोक मारे जांदे हन। हर रोज़ हरेक घंटे दौरान इत्थे औसतन 17 लोक सड़क हादसिआं विच्च मारे जांदे हन। 2015 विच्च वख्ख वख्ख सड़क हादसिआं दौरान 146133 लोक मारे गए सन अते 2016 विच्च इह गिणती वध के 150785 हो गई। इनहां सड़क हादसिआं विच्च जो अपाहिज हो गए जां महीनिआं बध्धी हसपतालां विच्च रुलण अते मौत नालों भैड़ी ज़िंदगी गुज़ारन लई मजबूर हो जांदे हन, उनहां दी गिणती अलग्ग है। इनहां विच्च कुझ हैरानीजनक सड़क हादसे वी हुंदे हन जिनहां बारे इह किहा जा सकदा है कि ट्रैफिक नियम लागू करन वाले तंतर नें तज़रबा करन ख़ातर ही इह होण दित्ते होण। जिवें पिछले अरसे दौरान राजसथान तों उच्ची टीसी तक्क, भार नाल लद्दिआ टरक्क कई सौ किलोमीटर सफ़र करके जदों जीरा तों तरन तारन जा रिहा सी तां सड़क ’ते पास कर रही इक्क वैन दे उप्पर धड़म्म करके डिग्ग पिआ ते वैन विच्च सफ़र कर रहे 13 बंदिआं दी उप्परों डिग्गी आफत नाल मौत हो गई। सड़कां ’ते किसे नाल टकरा के तां मौतां हुंदीआं हन पर साडे देश दा आलम बड़ा निराला है। इत्थे सड़क ’ते सफ़र करदिआं आफत असमानो डिग्ग सकदी है। सड़कां ’ते सफ़र करदिआं असीं हर रोज़ किसे इक्क पासे नूं उलरे होए मौत दे रूप विच्च आ जा रहे टरक्क आम वेखदे हां जो किसे वी समें किसे नेड़िउं लंघदे वाहन उप्पर डिग्ग के मनुख्खी जानां लै सकदे हन। पर ट्रैफिक नियमां नूं लागू करन वालिआं नें कदे प्रवाह नहीं कीती। जेकर कीती हुंदी तां अजिहे मौत दा समान नाल बंनह के चल्ल रहे टरक्क नज़र आउणो हट जाणे सन। इह सभ कुझ, इह दस्सदा है कि सड़क प्रबंधां नूं इक्क तरहां नाल रब्ब आसरे छड्ड दित्ता गिआ है।

इह ठीक है कि असीं विकसित भारत दे सुपने देखदे हां, शवछ्छ भारत दी सिरजणा करन दीआं गल्लां करदे हां पर देश दे हालात इह हन कि इत्थे बाहरले मुलकां दीआं कंपनीआं वल्लों पैसा लाउणा अते साडे अरथचारे नूं हुलारा देणा तां दूर, इत्थे घुंमण फिरन आउण वाले सैलानीआं दी गिणती हर साल घट रही है। इंटरनैट्ट दीआं वख्ख वख्ख साईटां ’ते जदों भारत दे सड़क नियमां नूं चैक्क करन लई कोई साईट खोल्हदे हां तां सड़कां उप्पर फिरदे आवारा पशू ही नज़रीं पैंदे हन। इह आवारा पशू जित्थे सड़कां बज़ारां विच्च मल मूतर करदे, उत्थे शहिरां विच्च पए कूड़े विच्च मूंह मारदे, उस नूं खिलारदे अते होर गंदगी फैलाउंदे नज़र आउंदे हन। इनहां समस्सिआवां दा ठोस हल्ल लभ्भण दी इछ्छा शकती किसे पासे नज़र नहीं आउंदी पर सवछ्छता दे नाहरे नूं असीं नोटां ’ते छाप दित्ता है। लख्खां दी गिणती उनहां लोकां दी है जो गंदीआं तों गंदीआं बसतीआं विच्च रहिण लई मजबूर हन। दूशित पाणी अते गंदे वातावरण करके वड्डी गिणती लोक रोज़ बिमार हुंदे ते मरदे हन।

कुझ दिन पहिलां दी गल्ल है कि डोकलाम विवाद सुलझ गिआ पर टी वी चैंनलां उप्पर इह दिखाइआ गिआ कि चीन साडे तों डर गिआ है। इस दौरान ही दूजे पासे हर रोज़ पाकिसतान नाल लगदी सरहद्द उप्पर गोलीबारी हुंदी रहिंदी है जिस नाल साडे जवान वी शहीद हुंदे हन। आम लोक वी मरदे हन। गोलीबंदी दी उलंघणा कारन बारडर नेड़े रहिंदे लख्खां लोक सहिम दे साए हेठ जीवन बसर करदे हन। हर रोज़ बंबां दे खोल टी वी चैंनलां वाले दिखाउंदे हन। पर रोज़ मरदे इनहां लोकां प्रती साडीआं उह शकतीआं कुझ नहीं कर पा रहीआं जो चीन वरगी महांशकती नूं डराउण दा दम रख्खदीआं हन। असीं चीन तूं डरा के भजा सकदे हां जो साडे तों वड्डी ताकत है पर पाकिसतान दी गोलीबारी दा शिकार हो के मरदे अते शहीद हुंदे फौजी जवानां दे घरदिआं नूं कुझ कु वित्ती सहाइता दे के ही सार दित्ता जांदा है। लंमे अरसे तों सरहद्द ’ते बणी होई इस भिआनक सथिती दा कोई ठोस हल्ल लभ्भण दे सारथिक यतन किउं नहीं कीते जांदे? मुनाफ़िआं, ख़ुदगरज़ीआं ते लालचां दे इस दौर विच्च हर वसत बेशक्क महिंगी हो रही है पर मनुख्खी जानां दी कोई कीमत नहीं समझी जा रही। इह नूं साडे समिआं दा संताप ही कहांगे।

*****