धरम अते विगिआन कदे वी इक्क नहीं रहे। धरम दा सारा सार ‘विशवास’ करन ’ते है जद कि विगिआन दा जनम ही शक्क दी नज़र तों हुंदा है। धरम नें किहा, जो विशवास करनगे उह परम अवसथा विच्च प्रवेश करनगे। विगिआन नें किहा कि जेकर कुझ नवां खोजणा है, सभ तों पहिलां विशवास नूं तिआगणा पवेगा, पहिलां बणीआं रूड़ीवादी धारनावां ’ते शक्क करना पवेगा। मनुख्ख नें अज्ज तक जो कुझ नवां खोजिआ है इह इहदे शक्क करन दा नतीजा है। विशवास नां करन दा नतीजा है।

धरम नें मनुख्ख बारे किहा – “जंमण तों पहिलां जदों तूं मां दे गरभ विच्च सी तां तेरे मूंह विच्च गंद मंद जांदा सी। तूं इस कुंभी नरक विच्च पुठ्ठा लटकिआ होइआ सी। तूं अरदासां बेनतीआं करदा सैं कि भगवान मैनूं इस नरक विच्चों बाहर कढ्ढ। बाहर आ के मैं तेरा नाम जपांगा। पर तूं जनम लैण तों बाअद दुनीआं दे रंग-तमाशिआं विच्च गलतान हो गिआ।”

विगिआन दे चानण विच्च असीं देखिआ कि मां दा पेट कुंभी नरक नहीं है। विगिआन नें सानूं दिखाइआ मां दे पेट विच्च बच्चे दे दुआले इक्क पतला झिल्लीदार परदा हुंदा है जिहड़ा बच्चे दी हर तरहां सुरख्खिआ करदा है। उहदे मूंह विच्च कोई गंद मंद नहीं जांदा, उह नाड़ूए राहीं खुराक लैंदा है। किलकारीआं मारदा बच्चा मां दे पेट विच्च वी मुसकाउंदा है, सुपने देखदा है। असीं उस नूं विगिआन दे चानण सदका वेख सकदे हां। उह किसे भगवान दे तरले नहीं लै रिहा हुंदा, जिवें कि साडे ग्रंथां, शासतरां विच्च दरज है। अज्ज तों कुझ दहाके पहिलां जदों किसे कारन करके बच्चे नें नौं महीने तों पहिलां जनम लिआ तां उह मासूम कुझ देर सहिकिआ ते मर गिआ। इह सदीआं तक चलदा रिहा।

धरम नें इत्थे किहा कि लिखी इंनी सी ते लिखी नूं टालण वाला अज्ज तक कोई जंमिआ नहीं। इत्थे जदों विगिआन हाज़र होइआ तां उस नें मां दे गरभ जिही विवसथा वाली (Incubator) मशीन दी काढ कढ्ढी जिस नाल लख्खां ही जनम तों पहिलां पैदा होण वाले बच्चिआं नूं विगिआन नें आसरा दे के बचा लिआ। जिस अवसथा नूं धरम नें कुंभी नरक किहा सी, अज्ज बच्चिआं दे हसपतालां विच्च पईआं अजिहीआं मशीनां लख्खां बच्चिआं लई जीवनदान साबत होईआं, जदकि धरम दी निगाह विच्च इह अवसथा कुंभी नरक है।

दरअसल जिस तरहां दी दुनीआं नूं असीं अज्ज देख रहे हां, इह सदा तों अजिही नहीं सी। विगिआन नें सानूं दस्सिआ कि ब्रहिमंड दा हर ज़र्रा विकास कर रिहा है। मनुख्खी सभिअता नें वी लगातार लंबे संघरशां, औकड़ां, मुसीबतां नूं पार करदिआं विकास कीता अते कंपिऊटर अते साइंस दे इस युग्ग विच्च प्रवेश कीता। अज्ज दा मनुख्ख पुलाड़ी वाहन अते हवाई जहाज़ विच्च सफर करदा है। इस तों पहिलां साडे वड्डे वडेरे बेड़ीआं, बैल गड्डीआं ’ते सफर करदे सन। जेकर इस तों पिछ्छे जाईए तां मनुख्ख पास सवारी करन लई सिरफ घोड़े अते ऊठ सन। कोई समां अजिहा वी सी जदों मनुख्ख नूं इंनी समझ वी नहीं सी कि किसे जानवर नूं पालतू बणाइआ जा सकदा है। इस तों पहिलां अजिहा समां सी जदों अजे मनुख्ख नूं घर बणा के रहिण दी समझ वी नहीं सी।

आदि काल दा मानव पहाड़ां दीआं गुफावां, खुंदरां विच्च रहिंदा सी। उस नूं अग्ग बालण दी अजे सोझी नहीं सी। उह सारा दिन शिकार दी भाल विच्च इध्धर उध्धर जंगल बेलिआं, नदीआं, दरिआवां दे कंढिआं दे आस पास भटकदा। उह दूजे जानवरां जिहा इक्क जानवर ही सी। इस अवसथा विच्च उस दे हज़ारां साल बीते। इस समें तक्क उस नूं किसे धरम जां रब्ब दा चित्त चेता वी नहीं सी। मनुख्ख दी समझ वधी, उस दे आले दुआले वापरदे कुदरती वरतारे उस दी सोच नूं हैरान करन लग्गे। मनुख्ख नें इहनां वरतारिआं नूं संचालित करन वालीआं वख्ख वख्ख शकतीआं दी कलपना कीती, जिहनां नूं उस नें बाअद विच्च वख्ख वख्ख देवतिआं दीआं उपाधीआं दित्तीआं। दुनीआं भर दे लोकां दे इतिहास-मिथिहास ’ते नज़र मारदिआं पता चलदा है कि वख्ख वख्ख खित्तिआं दे लोकां दे देवते अते उहनां दे सुभाअ वख्ख वख्ख सन। लोक देवतिआं दी करोपी तों बचण अते इहनां दी क्रिपा हासल करन लई इहनां नूं जीवां दीआं बलीआं दिंदे। इहनां दी पूजा करदे, इहनां नूं वस्स विच्च करन लई मंतर पहड़दे। अजिहे करमकाडां तों ही धरम दा जनम होइआ। धरम करम नाल सबंधत कीते जाण वाले अज्ज दे पाठ, पूजा अते रब्ब नूं खोजण दे करमकांड असल विच्च पुरातन समें दौरान कीते जाण वाले जंतर-मंतर दा ही सुधरिआ होइआ रूप हन।

विगिआन नें मनुख्खी सभिअता नूं नवें अरथ दित्ते। जेकर अज्ज मनुख्ख गुफावां विच्चों निकल के कंपिऊटर दे युग्ग विच्च प्रवेश कर गिआ है तां इस पिछ्छे विगिआन दा हत्थ है। विगिआन नें मनुख्खी ज़िंदगी दा मूंह मुहांदरा ही बदल दित्ता है। विगिआन सुणीआं सुणाईआं गल्लां ’ते विशवाश कर लैण दा नाम नहीं बलकि हर इक वरतारे दी तहि तक जा के उस दे कारनां दी थाह पाउण दी प्रिकिरिआ है। विगिआन इक्क अजिहा चानण है जिस दे झलकारे नाल कुदरत अते साडे जीवन दे अनेकां गुझ्झे भेद साडे साहमणे प्रगट हो गए ते असीं आवाक रहि गए। दूजे पासे अंध विशवाश नूं असीं हनेरे दा इक्क अजिहा गुबार कहि सकदे हां जो मनुख्खी सोच नूं रूड़ीवादी अते पिछांह खिच्चू बणाउंदा है। इतिहास गवाह है कि जिवें जिवें मनुख्ख दा विकास हुंदा गिआ उह नवें साधनां दे नाल नाल नवें विचारां नूं वी अपणाउंदा रिहा है। धारमिक अते अंध विशवाशी विचारधारा नवें विचारां दा हमेशा विरोध करदी आई है। बरूनो, कापरनीकस (संन 1473), गैलीलीओ (Galileo Galileiसंन 1564) आदि विगिआनीआं नें धरती, चंद, सूरज अते होर ग्रिहां बारे नवीआं जाणकारी नाल भरभूर खोजां कीतीआं अते दस्सिआ कि सूरज मंडल दा केंदर धरती नहीं बलकि सूरज है। पर उस समें दी धारमिक जमात नें इहनां महान विगिआनीआं नूं सखत तसीहे दित्ते। गैलीलीओ नूं समें दी अखौती धारमिक जमात नें लगातार लंबां समां बंदी बणाइआ। उस ’ते तशद्दद कीता अते अंत उस नूं मौत दे घाट उतार दित्ता। अज्ज दुनीआं भर दे देश इह मंनदे हन कि हुण पागलखानिआं दी लोड़ नहीं। इह बिमारी हुण इलाजयोग है पर इस दा सिहरा मनोविगिआन दे मोढी डा. सिगमंड फराइड (संन1856) नूं जांदा है। फराइड नूं आपणीआं खोजां करके धारमिक जनूंनीआं दे सखत विरोध दा साहमणा करना पिआ। इसे तरहां चारलस डारविन (संन 1889) नें आपणी जीव विकास दी खोज नाल दुनीआं नूं हिला के रख्ख दित्ता। पर उस समें दी धारमिक जमात नें इहनां महान विगिआनीआं दीआं लिखतां नूं गलीआं, बज़ारां, चौराहिआं विच्च रख्ख के साड़िआ। इहनां नूं जानों मारन दी धमकीआं दित्तीआं। इहनां दे प्रकाशन ’ते पाबंदीआं लगवाईआं। इस तों इलावा अज्ज जो असीं डाकटरी सहूलतां दा फाइदा लै रहे हां, इहनां दे ईज़ादकारां नूं वी इहनां बदले वड्डीआं कुरबानीआं देणीआं पईआं। मनुख्ख दे सरीर नूं समझण लई विगिआनी रातां जाग के मनुख्ख दीआं लाशां कबरां विच्चों चोरी पुट्टदे, इहनां ’ते खोजां करदे ते दुबारा दब्ब के आउंदे। अजिहा पता लग्गण ’ते इहनां नूं सखत सजावां दित्तीआं जांदीआं।

धरम नें मनुख्ख बारे किहा कि मनुख्ख सभ जीवां तों उतम जीव है। मनुख्खा जनम ही है कि जिस नाल प्रभू भगती कीती जा सकदी है अते रब्ब नूं पाइआ जा सकदा है पर अज्ज धरती ’ते सभ्भ तों वध्ध गंद पाउण वाला वी इहो मनुख्ख नाम दा जीव है, जिस दी करतूतां करके धरती ’ते बाकी जीवां दा खातमा हो रिहा है।

दुनीआं भर दे धरमां दा जेकर विशलेशण करीए तां पता चलदा है कि मनुख्ख दे विकास करन दे नाल नाल धरम वी विकास करदे आए हन। पुरातन धरमां दे नेम ज़िआदा सखत सन। इत्थे इह वी ज़िकरयोग है कि दुनीआं दे कई अजिहे धरम वी हन जो प्रमातमा दी होंद तों मुनकर हन। जिवें जिवें नवें धरम होंद विच्च आउंदे गए, उवें उवें धरमां दे नेमां विच्च वी लचकीलापण आउंदा गिआ। इह वरतारा अज्ज वी असीं वेख सकदे हां। आउण वाले समें विच्च हो सकदा है कि अजिहे धरम वी होण जिहनां विच्च सिगरट बीड़ी शराब पीण दी मनाही वी नां होवे।

मनुख्खी इतिहास ’ते नज़र मारिआं पता चलदा है कि विगिआन सोच रख्खण वाले लोकां दा इतिहास वी धारमिक सोच रख्खण वाले लोकां जिंना ही पुराणा है। इह गल्ल वख्खरी है कि धरती ’ते तरकशील, विचारशील, विगिआनक सोच रख्खण वाले लोकां दी संखिआ आम लोकां नालों हमेशा घट्ट रही है पर इह उह लोक हन जिहनां दी विचारधारा नूं पहिलां नकारिआ जांदा है, उहनां ते कई तरहां दी पाबंदीआं लाईआं जांदीआं हन। पुराणे समें दौरान अखौती धारमिक जमातां वल्लों उहनां ’ते कई तरहां दे ज़ुलम ढाहे जांदे रहे पर बाअद विच्च इहनां महान लोकां दी विचारधारा दे मनुख्खतावादी पख्खां नूं हौली हौली अपणा लिआ गिआ।

अजिहे कई पख्खां नूं लै के रूड़ीवादी, धारमिक अते अंध विशवाशी लोक विगिआन अते विगिआनक विचारधारा दा विरोध करदे हन। इह विरोध दो तरहां दा हुंदा है। इक्क तां जिवें पहिलां ज़िकर कीता गिआ है कि विगिआनक साधनां दी दुरउपयोग दी द्रिशटी तों विगिआनक विचारधारा नूं निंदणा, दूजा इह कि जदों वी कदे विगिआनीआं वल्लों कोई नवीं विगिआनक खोज कीती जांदी है तां उस दा सिहरा उहनां महान विगिआनीआं नूं देण दी बजाए इह आख दित्ता जांदा है कि इह किहड़ी कोई नवीं गल्ल है, इह गल्लां तां सैंकड़े साल पहिलां दीआं ही साडे ग्रंथां विच्च दरज हन। इक्क पहड़े लिखे मित्तर नें इक्क वार मैनूं किहा कि अज्ज विगिआनी जो पुलाड़ी वाहण अते राकटां दा प्रयोग करदे हन इहनां उडण शाशतरां दी वरतों तां महांभारत दे समें आम हुंदी सी। इसे तरहां मोबाइल फोन सबंधी वी उस दे अजिहे ही तरक सन कि उस समें वी रिशी मुनी लोक दूर बैठिआं इक्क दूजे नाल वारतालाप कर लैंदे सन। पर इत्थे सवाल पैदा हुंदा है कि विगिआन जदों कोई खोज करदा है तां उस दा फाइदा दुनीआं दे बहुत सारे लोकां नूं हुंदा है पर धरम ग्रंथां विचलीआं उह गल्लां जिहनां नूं अज्ज कुझ लोकां वल्लों विगिआन दा आधार मंनिआ जांदा है, उह उस समें जां उहनां लोकां तक्क ही सीमत किउं रहीआं? इस तरहां दी कुझ कु गल्लां लगभग हर धरम दे लोक करदे हन। उहनां दा मनोरथ इक्क तरहां नाल विगिआनक काढां नूं ईज़ाद करन वाले लोकां दी मिहनत दी खिल्ली उडाउणा अते पुरातन ग्रंथां, शाशतरां दीआं कालपनिक कहाणीआं नूं वडिआउणा ही हुंदा है। जदकि इह लोक हर पल इहनां विगिआनक काढां दा इसतेमाल कर रहे हुंदे हन।

बैंजामन फरैंकलन नाम दे विगिआनी नें बिजली दी काढ कढ्ढी, जिस नें मनुख्खी ज़िंदगी नूं सभ तों वध्ध प्रभावित कीता। हुण आलम इह है कि मनुख्खी ज़िंदगी दा बिजली तों बगैर किआस करना ही असंभव जापदा है।

इसे तरहां लूईस पासचर (संन 1822) नें सूखम जीवां दी खोज करके दुनीआं नूं हैरान कर दित्ता कि साडे आले दुआले सूखम जीवां दी इक्क दुनीआं है जो साडी ज़िंदगी दे नाल नाल साडे आले दुआले नूं प्रभावित करदी है। उस दी जिवाणूआं, विशाणूआं अते कीटाणूआं दी खोज तों बाअद हर तरहां दीआं बिमारीआं नूं नवें सिरिओं समझिआ गिआ ते कई तरहां दीआं भिआनक बिमारीआं, जिहनां दे कारन पहिलां किसे कुदरती करोपी जां किसे देवी देवते दी नाराज़गी मंनिआ जांदा सी, ’ते काबू पाउण विच्च सफलता हासल कीती जा सकी। इस तों पहिलां चिकन पौकस, हैज़ा, मलेरीए जिहीआं कई बिमारीआं सन जिहनां नाल कई वार इंने लोक मरदे सन कि पिंडां दे पिंड खाली हो जांदे सन।

अज्ज जिहड़े लोक इह कहिंदे कि विगिआनक लभ्भतां ग्रंथां-शाशतरां विच्च पहिलां ही मौजूद हन, उहनां नूं दस्सणा चाहीदा है की उदों इहनां बिमारीआं दे बचाअ लई इहनां ग्रंथां-शाशतरां नूं पहड़िआ नहीं सी जांदा? बिमारीआं-महांमारीआं दे बचाअ लई लोक जंतर-मंतर करवाउंदे। बेरीआं ते कच्चीआं लस्सीआं पाउंदे पर बिमारीआं हर साल फिर वी फैलदीआं रहिंदीआं ते लोक मरदे रहिंदे सन। इह सिलसिला हज़ारां सालां तों चल्लिआ आ रिहा सी। धरम इहनां बिमारीआं-महांमारीआं अग्गे बेवस्स सी। ऐडवरड जैनर (संन1749) नाम दे विगिआनी दी चेचक दे टीके दी खोज नें इस बिमारी ’ते काबू पा लिआ। इसे तरहां मैडम मैरी किऊरी (संन 1867) दी ऐकस-रे दी काढ नाल डाकटरी विगिआन दे खेतर विच्च इनकलाब आइआ।

ऐकस-रे किरनां ’ते लगातार कंम करदिआं इहनां किरनां नाल उहनां दा सरीर रोगी हो गिआ। हुण इहनां महान लोकां दी घालणा नूं असीं इह कहि के खिल्ली उडाईए कि इह गल्लां तां पहिलां ही साडे ग्रंथां विच्च दरज हन अते इहनां दा लाहा वी लैंदे रहीए तां इस तों वड्डी कमीनगी की हो सकदी है भला? इह अफसोस उदों ज़िआदा हुंदा है जदों पहड़े लिखे बुध्धीजीवी कैटागिरी दे लोक धक्के नाल ही धरम अते विगिआन नूं रलगड्ड करन दी असफल कोशिश करदे हन। मनुख्ख जाती साहमणे अज्ज वी अनेकां समस्सिआवां हन जिवें प्रदूशण, गरीबी, तापमान दा वाधा, उूरजा सरोतां दा खातमा आदि। जो लोक इह कहिंदे हन कि सभ समस्सिआवां दे हल्ल धरम ग्रंथां विच्च हन, उहनां नूं चाहीदा है कि मनुख्ख जाती दीआं इहनां समस्सिआवां दा हल्ल धारमिक ग्रंथां विच्चों लभ्भ के दस्सण।

दूजे पासे धरम महत्तता नूं वी किसे तरहां घटा नहीं वेखिआ जा सकदा। वख्ख वख्ख समिआं ’ते कई वख्ख वख्ख धारमिक शकशीअतां नें समाज दी सुचज्जी अगवाई कीती जिस नाल वड्डे इनकलाब आए अते समाजिक कुरीतीआं दे खिलाफ वी आवाज़ां उठ्ठीआं।

अज्ज असीं आपणी रोज़ाना जिंदगी विच्च जिहनां चीज़ां दी वरतों करदे हां उहनां विच्चों बहुतीआं विगिआन दीआं पैदा कीतीआं होईआं हन। आपणी ज़िंदगी दी गड्डी नूं वधीआ अते सुखाला चलाउण लई असीं पैर पैर ते इहनां साधनां दी मदद लैंदे हां। पर अफसोस असीं आपणी सोच नूं विगिआनक नहीं बणा सके। की कदे उह दिन आएगा जदों बैंजामन फरैंकलिन जिहे महान विगिआनीआं, जिहनां नें चमतकारी खोजां करके मनुख्खी इतिहास विच्च इनकलाब लिआंदा, दीआं तसवीरां वी साडे घरां दा शिंगार होणगीआं?

*****