मन नूं कुझ चंगा नां लग्गणा, उदास रहिणा, बैचेनी होणी, मन काहला पैणा, उडाई लग्गणी, खुशी नां आउणी, चुप्प चुप्प रहिणा जां ज़िआदा बोलणा, इह सभ मन दे विकार हन। कई वार साडे आले दुआले साडा कोई परिवारक मैंबर वी अजिही सथिती विच्चों गुज़र रिहा हुंदा है। जदों उह अजिहा विहार करदा है तां असीं कई वार उस नाल नाराज़ हुंदे हां कि उह अजिहा किउं कर रिहा है। पर इत्थे सानूं उस नाल पहिलां नालों वधेरे हमदरदी नाल पेश आउण दी लोड़ हुंदी है। अजोके दौर विच्च वड्डी गिणती लोक मन दे विकारां दे शिकार किउं हो रहे हन? इसदे की कारन हन? इस तों बचा किवें करना है? मन दी उदासी विच्चों बाहर किवें निकलणा है? इह अज्ज दे दौर दी इक्क वड्डी समस्सिआ है जिसदा बहुगिणती लोकां नूं हल्ल लभ्भदा नज़र नहीं आउंदा।

अज्ज दे दौर विच्च मानसिक तणाअ दे वधण दे कुझ खास कारन हन। इसदा पहिला मुख्ख कारन इह है कि दुनीआं नूं चलाउण वालीआं ताकतां नें साडे लई अजिही दुनीआं दी सिरजणा कीती है, जिस विच्च आम मनुख्ख लई बहुत सारीआं मुशकलां, समस्सिआवां, फिकर, चिंतावां अते तौखले हन। असीं अज्ज उस दौर विच्च प्रवेश कर गए हां जित्थे इस दुनीआं नूं कुझ खास ताकतां आपणे ढंग नाल चलाउंदीआं हन। सच्च इह वी है कि असीं जिस दुनीआं दे वासी हां इस दुनीआं नूं चलाउण वालीआं ताकतां आपणे नफे-नुकसान नूं धिआन विच्च रख्ख के आपणे मनसूबे घड़दीआं हन। साडा इस धरती ’ते रहिणा अजिहा बणदा जा रिहा है कि जेकर असीं इत्थे रहिणा है, इत्थों दे साधनां दी वरतों करनी है, सहूलतां दा सुख माणना है तां इसदा किराइआ सानूं देणा पवेगा। माहौल अजिहा सिरजिआ गिआ है कि असीं इस तों बच नहीं सकदे। इहनां हालतां विच्च हर मनुख्ख नूं हर समें कई तरहां दे फिकर, डर, सहिम चंबड़े रहिंदे हन। इह फिकर अगांह जा के साडे लई वड्डीआं चिंतावां दे कारन बणदे हन। साडीआं चिंतावां साडे लई डिपरैशन वरगीआं अलामतां पैदा करदीआं हन। पुराणे समिआं दौरान मनुख्ख पंछीआं परिंदिआं वांग कुदरती ढंग दा जीवन जिऊंदा सी। उस नूं बहुत ज़िआदा मानसिक बोझ नहीं सी पर सभ्भिअता दे विकास दे नाल नाल साडे मानसिक दुख्ख हर दिन वध रहे हन।

दूजा वड्डा कारन इह है कि दुनीआं दे बहुगिणती लोक हकीकतां नालों तोड़ दित्ते गए हन। असीं सटेटस लई जिऊण लग्ग पए हां, खिआली दुनीआं विच्च विचरन लग्ग पए हां। समें दे इस दौर विच्च साडे अंदर सहिज, सहिणशीलता, सबर संतोख घट्ट हो रिहा है। हर तरहां दीआं वकती उतेजनावां वध रहीआं हन। ज़िंदगी दी रफतार तेज़ होई है अते इस नाल साडीआं खाहिशा, इशावां अते लालसावां विच्च वी इक्क वेग आ गिआ है। सुपने देखणा अते उहनां नूं पूरा करना कोई माड़ी गल्ल नहीं पर इस लई आपणे आप तों दूर हो जाणा ठीक नहीं। अज्ज हालात इह हन महिंगी सूटड बूटड वाली पहड़ाई दे सटेटस दे इस दौर विच्च साडे बच्चे वी मानसिक तणाअ दे शिकार बण रहे हन। रोज़ाना जीवन दीआं मुशकलां समस्सिआवां, हकीकतां नाल दो चार हुंदिआं साडा मन भटकणा दा शिकार हुंदा है। कई वार असीं आपणिआं तों कोई वड्डी तवक्को रख्ख लैंदे हां जदों इह आस पूरी नहीं हुंदी तां वी निराश हुंदे हां। कारोबार विच्च घाटा जां लड़ाई कलेश, बिमारी इस तरहां दे दुख्ख वी साडे मन दी प्रेशानी दा सबब्ब बणदे हन। अज्ज दे दौर विच्च बहुगिणती लोकां दा मसला इह वी है कि सानूं अहिमीअत मिले। जे किसे रिशते वल्लों, किसे मंच वल्लों, किसे संसथा वल्लों सानूं उह अहिमीअत नहीं मिलदी, जिसदी सानूं आस हुंदी है तां असीं निराश होण लग्गदे हां।

ज़िंदगी विच्च कदे कदे सानूं अचानक वड्डीआं दुखदाई हालतां दा साहमणा वी करना पैंदा है। साडे मन अंदर इह शकती, इह ताकत है कि इह वड्डे तों वड्डे दुख्ख विच्चों सत्त कु दिनां विव्व इह कुझ हद्द तक बाहर आ जांदा है पर कुझ हालतां विच्च जदों दुख्ख 15 दिनां तक लंबा हो जावे जां असीं अजे इक्क प्रेशानी विच्चों बाहर नां आए होईए ते सानूं कोई होर प्रेशानी घेर लवे तां साडा इह दुख्ख मन दे रोग विच्च वी तबदील हो जांदा है। मनुख्ख मानसिक रोगी हो जांदा है। उह डिपरैशन, ऐंगज़ाइटी वरगे रोगां दा शिकार बण जांदा है। जदों अजिही सथिती पैदा हुंदी है तां संबंधित विअकती नूं इलाज दी लोड़ पैंदी है। इसदे नाल नाल उस नूं वार वार कौंसलिंग दी वी ज़रूरत हुंदी है। इस तरहां कुझ कु दिनां विच्च डिपरैशन दा शिकार विअकती इस विच्चों बाहर आउुण लग्ग पैंदा है, ठीक होण लग्ग पैंदा है। पर इत्थे इह गल्ल बड़ी धिआन देण योग है कि जिहड़ीआं प्रसथितीआं नें मनुख्ख नूं मरीज़ बणाइआ हुंदा है उुह प्रसथितीआं जेकर बणीआं रहिंदीआं हन तां कई वार मरीज़ नूं महीनिआं जां सालां बध्धी वी दवाईआं खाणीआं पैंदीआं हन। जेकर हालात सुखावें बण जाण तां कुझ कु समां दवाई खाण मगरों मरीज़ ठीक हो जांदा है।

मनोविकारां दा इक्क वड्डा कारन साडी जैनैटिक प्रणाली वी हुंदी है भाव जेकर किसे दी अंस वंश विच्च वड्डे वडेरे नूं इह रोग है तां अगांह औलाद वी इस रोग दा शिकार बण सकदी है। अज्ज तों 50-60 साल पहिलां इहनां अलामतां दे इलाज संभव नहीं सन पर अज्जकल इह पूरी तरहां इलाजयोग हन। इस समें दुनीआं भर विच्च वड्डी गिणती लोक डिपरैशन दा शिकार हन। दुनीआ दे हर अठ्ठवें विअकतीआं पिछ्छे इक्क बंदा मानसिक रोग दा शिकार है। हुण तुसीं अंदाज़ा कर लओ, जिस तरहां दी तरक्की ते विकास असीं हर दिन कर रहे हां, इस विच्च मनुख्खी सभ्भिअता किस पासे वल्ल जा रही है? इत्थे हैरानी दी होर गल्ल है जिहड़े अमरीका कनेडा वरगे मुलकां नूं असीं विकसित मुलक आखदे हां, उत्थे मानसिक रोगीआं दी गिणती दूजे देशां दे मुकाबले किते ज़िआदा है।

साडे दौर दा इह वड्डा मसला बण गिआ है कि मनुख्ख सरीरक अते मानसिक तौर ’ते तंदरुसत किवें रहे? अज्ज दे दौर विच्च जिंना असीं कुदरत नालों तोड़ विछोड़ा कर लिआ है जां कर रहे हां, सवैसिरजित माहौल विच्च विचरदे हां, उसे अनुपात विच्च असीं कई तरहां दीआं मुशकलां समस्सिआवां सहेड़ रहे हां। दूजे पासे साडा हुण कुदरत दी आगोश विच्च पूरी तरहां चले जाणा संभव वी नहीं है। असीं पिछ्छे वल्ल नहीं मुड़ सकदे पर इह ज़रूरी है कि आपे सहेड़ीआं बहुत सारीआं मुशकलां समस्सिआवां दी शनाखत करीए। असीं कुदरत नाल इकमिकता पैदा करके मानसिक अते सरीरक तौर ’ते तंदरुसत रहि सकदे हां। सानूं चाहीदा है कि असीं बेलगाम खाहशां, इछ्छावां अते लालसावां दे इस दौर दी हकीकत नूं समझीए, जाणीए अते इस तों सुचेत होण दी कोशिश करीए।

ज़िंदगी विच्च जिस तरहां असीं होणा चाहुंदे हां, वापरदा देखणा चाहुंदे हां, जदों इह नहीं हुंदा तां असीं मानसिक विकारां दा शिकार बण रहे हां। तेज़ी नाल बदल रही इस दुनीआ विच्च असीं बहुत कुझ बड़ी तेज़ी नाल हुंदा, बदलदा वेखणा चाहुंदे हां। जदों अजिहा नहीं हुंदा तां असीं निराश हुंदे हां। इह निराशा अगांह जा के कई वार मानसिक विकार दा रूप अखतिआर कर लैंदी है। सानूं इह समझण दी लोड़ है कि जिवें असीं सोचदे हां, ज़रूरी नहीं सभ चीज़ां उसे तरहां होण, सगों हो सकदा है, जिवें असीं सोच रहे होईए, ज़रूरी उस तरहां होणा अगांह जा के साडे लई लाभदाइक ही साबत होवे।

जदों मन उदास होवे तां सवेरे शाम कुझ समां हरिआली विच्च सैर करो। कुदरत दी आगोश विच्च जाओ। रुख्खां बूटिआं फुल्लां नाल आपणी सांझ बणाओ। जदों मन उदास होवे तां कुझ करन नूं मन नहीं करदा, किते जाण ’ते मन नहीं करदा पर मन दे उलट जा के कोई किताब पहड़ो, कोई नाटक जां फिलम देखो। कुझ कु मिंटां बाअद मन दी सथिती सहिज होण लग्गेगी। आपणे दुख्ख नूं हर इक्क अग्गे नां फरोलदे रहो। जदों कदे मन उदास होवे, कोई चिंता प्रेशानी होवे, जे कोई पुछ्छे कि की हाल है तां चहड़दी कला दा जवाब दिओ, सभ ठीक है, मैं ठीक हां, तुसीं दस्सो, तुहाडा की हाल है? इस नाल तुहाडे आतम विशवास नूं बल मिलेगा।

इह किआस करो कि तुसीं इस धरती दे उहनां लख्खां लोकां नालों बिहतर हो, जिहनां नूं दो डंग रोटी वी नसीब नहीं हुंदी। जो कुझ साडे पास है, जेकर इह वी नां होवे तां असीं रब्ब दा की कर लैंदे? दुख्ख ते प्रेशानीआं सदीवी नहीं हुंदीआं। माड़े समें तों मगरों मुड़ चंगे दिनां नें परत आउणा हुंदा है, इस लई विशवास रख्खो, तुहाडीआं मुशकलां कुझ दिनां लई हन। मन उदास होवे तां निक्के निक्के कंम करदे रहो। घर विच्च रुख्ख बुट्टे लाओ। जेकर कच्ची थां नहीं तां गमले लओ, उहनां विच्च बूटे लाओ। बूटिआं दी सांभ संभाल करो। उदासी तों बचा लई इह बड़ा ज़रूरी है कि असीं आपणे आप नूं किसे रुझेवें विच्च रख्खीए। निक्के निक्के कंम करदे रहो। दुनीआं विच्च इह वेखिआ गिआ है विहले रहिण वाले लोक मानसिक प्रेशानी दा शिकार वधेरे हुंदे हन।

मानसिक प्रेशानी दौरान इह खिआल करो कि ज़िंदगी विच्च उतराअ चहड़ा आउंदे रहिंदे हन। जेकर अज्ज ज़िंदगी काली रात जिही लगदी है तां कुझ वकफे बाअद सवेरा वी ज़रूर होवेगा। यकीन रख्खो, पतड़झ मगरों नवींआं करूंबलां फुट्टणगीआं, हरिआली दसतक देवेगी ते फल फुल्ल वी ज़रूर लग्गणगे। इतिहास विच्च नैलसन मंडेला वरगे कुझ अजिहे किरदार होए हन जो वड्डीआं मुशकलां-मुसीबतां विच्चों गुजरे पर उहनां आस दा पल्ला नहीं छड्डिआ ते फिर दुनीआं लई मिसाल बण गए। अजोकी नठ्ठ भज्ज दी ज़िंदगी विच्च वी हर रोज़ कुझ समां आपणे लई कढ्ढो, कुदरत नाल सांझ पाओ। आपणे मोबाइल फोन तों कुझ समां फासला बणा के आपणे आप नाल जुड़ो। मैडीटेशन करो, इसदे बड़े अदभुत नतीजे निकलदे हन। जिस दिशा वल्ल असीं सारे भज्ज रहे हां, उस प्रती सुचेत होण दे नाल नाल सानूं आपणे आप प्रती वी सुचेत होण दी लोड़ है।

* * * * *