हरप्रीत सेखा दी थोहड़ा चिर पहिलों रीलीज़ होई पुसतक ‘बी जी मुसकरा पए’ विच्चों इह ख़ुबसूरत कहाणी गलोबल पंजाबी दे पाठकां लई पेश कीती जा रही है:
खाली घर डिंपल नूं भांअ-भांअ करदा लग्गा। बच्चिआं दे सकूल विच्च छुट्टीआं होण करके उसदे मासड़ जगजीत नें उस दी मासी मनजीत तों वी कंम `ते दो दिनां दी छुट्टी करवा के कल्ल्ह बच्चिआं दे नाल आपणे मां-पिओ कोल विकटोरीआ भेज दित्ता सी। डिंपल नें वीकऐंड `ते आपणे मासड़ जी दे नाल जा के उनहां नूं लै आउणा सी। उनहां दा विचार सी कि इस बहाने डिंपल वी विकटोरीआ `च वैकस मिऊज़ीअम वेख लवेगी। पंज महीने हो चल्ले सन उस नूं सरी आइआं पर हाले तक्क उस नें इत्थों दा कुझ्झ वी नहीं सी वेखिआ सवाए उस कालज दे जित्थे उह बिज़निस ऐडमनिसटरेशन दा कोरस करदी सी अते उस लांडरी दे जित्थे उह वीकऐंड `ते कंम करदी सी।
डिंपल नें पिछली रात आपणी मसेरी भैण सिमरत दे बिनां मसां कट्टी सी उस्सल-वट्टे लैंदिआं। उह डिंपल दे नाल सौंदी सी। मनजीत बथेरा कहिंदी कि हुण उह अठ्ठां सालां दी है आपणे बैड्ड `ते सौ जाइआ करे। पर जद वी डिंपल आपणी मैटरैस्स सिमरत दे बैड्ड कोल विछाउंदी सिमरत धक्क के मैटरैस्स आपणे बैड्ड दे हेठ कर दिंदी अते डिंपल नूं आपणे नाल पा लैंदी। मनजीत कुहड़दी, “पता नहीं कदों अड्ड पैण लग्गू गी ऐडी बोडल कट्टी होई वी ऐ।” फेर उह डिंपल नूं कहिंदी, “तूं तां नी जवाकड़ी वीहां सालां दी होई वी ऐं, आख दिआ कर बई मैं नी पैणा तेरे नाल।” डिंपल चुप्प रहिंदी पर जगजीत आखदा, “किओं एवैं मगर पै जानी ऐं बच्चीआं दे?”
जगजीत दा खिआल आउंदे ही डिंपल नें घड़ी वल्ल वेखिआ, उह नौं वजा रही सी। ‘ढाई-तिंन घंटे पए आ डैडी दे आउण `च, हाए! कदे-कदे मासड़ जी नूं ‘डैडी’ ही मूंहों निकल जांदै। … हुण तां इही डैडी ऐ। मैं ‘डैडी’ ही आख दिआं करनैं। किंने चंगे आ डैडी। किंना पिआर करदे आ। जवां नी उच्चा बोलदे, नां ही मासी जी नूं बोलण दिंदे ऐ। मासी जी कुछ ज़िआदा ई सखताई वरतदे आ,’ मासी दा खिआल आउंदिआं ही डिंपल नूं उह दिन याद आ गिआ जिस दिन उस नें कालज जाण लग्गी नें सकरट पा लई सी।
“कुड़े इह की पाई फिरदी ऐं।” मासी नें कौड़ के पुछ्छिआ। उस नें मासी वल्ल वेखिआ पर मूंहों कुझ्झ नां बोली।
“कित्थों लए आ ऐहो जे कप्पड़े।” मासी नें फिर पुछ्छिआ।
“इंडीआ तों लिआई सी, ओथे वी पा लैंदी हुंदी सी,” उस नें सहिमी जिही आवाज़ `च जवाब दित्ता।
“एदूं मुड़के नां पाईं, तेरे वल्ल वेख सिमरत वी मंगण लग्गू गी ऐहो जे। मैनूं नी चंगा लग्गदा बई लत्तां नंगीआं करी फिरो,” कौड़-कौड़ झाकदी मासी तुर गई। उस तुर गई मासी दी पिठ्ठ वल्ल वेखदी नें अख्खां भर लईआं। फिर उस हाउका लिआ अते आपणे कमरे विच्च जा के जीन नाल पूरीआं बाहां वाली शरट पा लई।
‘मासी ऐनी सखत किओं ऐ? ऐना तां मंमी होरीं वी नहीं सी टोकदे। जिद्दण दा राणे नें घर फोन कीतै उस दिन दी तां ज़िआदा ही सखताई वरतदी ऐ। किवें समझावां मासी नूं कि राणे ते मेरे `च ऐसा–वैसा है नी कुछ। ते राणे नूं की लोड़ पै गई सी घर फोन करन दी? बेशरम जिहा। अगले दिन मेरे तों झाड़ खा के वी मूहरों हीं-हीं करदा रिहा सी। किंनां भोला जिहा मूंह बणा के गल्ल करू, मल्लो-मोली हासा आ जांदै’ सोचदी डिंपल दे दिमाग विच्च राणे दा चेहरा आ गिआ। उस दे बोल डिंपल नूं जिओं दी तिओं चेते सन। उस किहा सी, “हफ़ता उडीकदिआं मसां वीकऐंड आउंदै बई दो दिन कंम `ते आउंणगीआं सरकारां ते टोइआं दे दरशन करदिआं साडीआं वधीआ दिहाड़ीआं निकलणगीआं। ते तुसीं जदों कंम `ते नां आए तां सिंघ फिकरमंद हो गए बई टोइआं आलीआं सरकारां किते बीमार-ठमार नां हो गईआं होण। असीं तां हाल पुछ्छण लई फोन मारिआ सी ते सरकारां साडा कोरट-मारशल करन नूं फिरदीऐं।” याद करके मुसकराउंदी डिंपल दा हत्थ आपणी खब्बी गल्ल `ते चला गिआ जिस दा डूंघ सज्जी नालों डूंघेरा सी। ‘लग्गदै फलर्रट करदै? …नहीं नहीं, बस्स हासे-मज़ाक वालै …’
इनहां सोचां `च गलतान डिंपल नूं लग्गा जिवें गैराज दा डोर खुल्ल्हिआ होवे। उस घड़ी वल्ल वेखिआ। हाले साढे नौं होए सन। ‘की गल्ल हो गई अज्ज मासड़ जी सदेहां आ गए? मासड़ जी दा किहड़ा जीअ लग्गदै सिमरत हुरां बगैर’ सोचदी डिंपल नूं पिछली रात चेते आ गई जद जगजीत नूं दो वार उस वाशरूम गए सुणिआ सी। जद उह कंम तों वापस आइआ सी उदों ही डिंपल दी अख्ख खुल्ल्ह गई सी। पहिलां उह आम वांग सिध्धा उस कमरे विच्च ही आइआ सी जित्थे उह पई सी। डिंपल नें सोचिआ कि अज्ज सिमरत है नहीं, इस करके शाइद अज्ज उह इस कमरे विच्च नां आवे। अग्गे सुत्ती पई सिमरत दा मत्था चुंम के उह उस दा मत्था वी चुंमदा सी। उस दे कमरे अंदर आए दी पैड़-चाल डिंपल नें सुण लई सी। डिंपल नें दो कु मिंट उडीक के जद अख्खां खोहलदिआं किहा, “डैडी, तुसीं आ गे।” तां उस उप्पर झुकिआ जगजीत इक्क दम सिध्धा खहड़दा बोलिआ, “सिमरत बिनहां तां घर खाल्ही-खाल्ही लग्गदै।”
‘किंनां करदे आ मासड़ जी बच्चिआं दा! उठ्ठ के वेखां तां सही कि सच्चीओं मासड़ जी ऐ। किते कोई होर ई नां आ वड़िआ होवे,’ सोचदी डिंपल डरदी-डरदी जिही उठ्ठी। पौड़ीआं चहड़दे जगजीत नूं वेख डिंपल दे साह `च साह आइआ।
“की गल्ल हो गी मासड़ जी तुसीं अज्ज आ वी गए।” डिंपल नें पुछ्छिआ।
“मेरा चित्त जिआ नी सी ठीक, सिर दुख्खदा सी,” जगजीत नें आपणी लंच-किट्ट उस नूं फड़ाउंदिआं किहा। डिंपल नें फिकरमंद आवाज़ `च पुछ्छिआ, “कोई दवाई वगैरा लई ऐ?”
“दवाई वी लई ऐ। जे तेरी मासी घर हुंदी तां उह सिर घुट्ट दिंदी,” आखदा जगजीत सोफे उप्पर बैठ गिआ।
“लिआओ, मैं घुट्ट दिंनी आं,” आख डिंपल सोफे दे पिछ्छे खहड़ उस दीआं पुड़-पुड़ीआं कोलों दबाउण लग्गी। डिंपल नूं शराब दी हवाड़ जिही आई। उस सोचिआ शाइद चित्त ठीक नां होण करके कंम तों आउंदे होए पी आए होण।
“डिंपल किंनी चंगी ऐं तूं, मिंटां `च मेरा सिर दरद दूर कर दित्ता। तेरी मासी तैनूं ऐवें झिड़कदी रहिंदी ऐ। तेरी मरजी दे कप्पड़े नहीं पाउण दिंदी। तैनूं मैं लै के चल्लूं सटोरां नूं किसे दिन, जिहो-जिहे मरज़ी होई खरीद लवीं। ओपरा नां मंनिआ कर। मासी नूं भौंकदी रहिण दिआ कर। ओहदी तां आदत ऐ। मैनूं दस्सिआ कर जिहड़ा कुझ्झ चाहीदा हुंदै”, जगजीत नूं इस तरहां गल्लां करदा सुण डिंपल दे बुल्ल्हां `ते मुसकाण आ गई। उस नूं आपणे डैडी दी याद आ गई जिहड़े कई वार शराबी हो के इसे तरहां गल्लां करदे हुंदे सन। डिंपल दा जीअ कीता कि उह मासड़ जी नाल वी उवें ही शरारतां करे जिवें उह शराबी होए आपणे डैडी नाल करदी सी। पर उस दा हौंसला नां पिआ।
जगजीत नें सिर घुट्ट रही डिंपल दी बांह फड़ आपणे नाल सोफे उप्पर बैठा लिआ अते उस नूं आपणे नाल घुट्टदिआं बोलिआ, “डिंपल तैनूं किसे चीज़ दी जरूरत है तां दस्स?”
डिंपल नूं जगजीत दा बेमुहारा होइआ हत्थ ठीक नां लग्गा अते उह उठ्ठण दी कोशिश करदी बोली, “लिआओ मासड़ जी मैं तुहाडे वासते खाणा गरम कर दिआं।”
जगजीत नें उठ्ठदी डिंपल नूं लक्क तों फड़ के वापस बैठाउंदिआं किहा, “खाणे दी मैनूं कोई ज़रूरत नहीं, बस्स तूं मेरे कोल बैठ जा।” उह डिंपल नूं चुंमण दी कोशिश करन लग्गा। आपणे हत्थ नाल जगजीत दा मूंह परहां नूं धक्कदी डिंपल रुआंसी आवाज़ विच्च बोली, “होश करो मासड़ जी।”
“किसे नूं नी पता लग्गदा, बस्स ऐं कदे कदे, … राणी बणा के रख्खूं,” आखदा जगजीत डिंपल उप्पर झुकिआ। डिंपल नें उस दे लत्त मारी अते उठ्ठ के बाहर वल्ल भज्जण लग्गी पर जगजीत नें उस नूं दो कदम वी नां पुट्टण दित्ते।
“भज्ज के किध्धर जाएंगी? है कोई टिकाणा? तैनूं किहै बई राज करेंगी,” आख जगजीत नें डिंपल नूं बाहां विच्च लैण दी कोशिश कीती पर इस वार डिंपल दी लत्त उस दे अजेहे थां वज्जी कि उह पीड़ नाल इक्कठा हो के थाएं बैठ गिआ। डिंपल वाहो-धाही पौड़ीआं उत्तर के घरों बाहर हो गई। सड़क उप्पर भज्जदी उह मुड़-मुड़ पिछ्छे वल्ल वेखदी ठेडा खा के डिग्ग पई। ‘भज्ज किध्धर भज्जदी ऐं?’ जगजीत दा बोल उस दे दिमाग विच्च गूंजिआ। उह तेज़ी नाल उठ्ठी, पिछ्छे वल्ल वेखिआ, उस नूं जगजीत नां दिसिआ पर उह तेज़-तेज़ तुरदी रही। कदे भज्ज पैंदी। ‘हाए नी मां किध्धर जावां?’ सोचदी नें उस हउका लिआ अते आसे-पासे वेखदी नें पछानण दी कोशिश कीती कि उह किहड़ी सड़क उप्पर जा रही है। सुंनम-सुंनी सड़क उस नूं ओपरी जिही लग्गी। जदों उस दी नज़र साहमणे चौरसते विच्च लग्गे मैकस अते लांडरोमैट दे साईन `ते पई तां उस नूं तसल्ली जिही होई कि ‘इह तां उस दा जाणिआ-पहिचाणिआ राह है। इसे रसते तां उह वीकऐंड `ते कंम करन आउंदी है।’ मैकस दा साईन वेख उस दे खिआल विच्च राणा आ गिआ। ‘उह इत्थे ही होवेगा, वीकडेज़ विच्च उह रात दी शिफट करदा है’ सोच के उस दे कदम होर तेज़ हो गए।
मैकस सटोर विच्च वड़दिआं उस इक्क वार फिर पिछ्छे मुड़ के वेखिआ, उस नूं लग्गा जिवें आ रही कार जगजीत दी होवे। सटोर विच्च दाखिल हो उह सिध्धी राणे दे गल जा चिंबड़ी जिस कोलों उह इक्क वित्थ `ते रहि के गल्ल करदी सी। भुब्बीं रोंदी नूं इह वी खिआल नां रिहा कि उह इक्क सटोर विच्च खहड़ी है जिहड़ा उस समें भावें खाली सी पर उत्थे किसे वी पल कोई गाहक आ सकदा सी। इस दा खिआल राणे नूं आइआ अते उह डिंपल नूं पिछले कमरे विच्च लै गिआ।
बाहर आपणी कार विच्च बैठे जगजीत नें मैकस सटोर दीआं पारदरशी कंधां विच्चों जद इह द्रिश वेखिआ, उस अंदर धूह जिही पई। उस दा जीअ कीता कि सटोर अंदर जा के उह दो घसुंन उस मुंडे दे मारे अते बाहों फड़ के डिंपल नूं कार विच्च सुट्ट लवे। पर थोहड़ी देर पहिलां जागे पुलीस दे डर नें उस नूं रोक लिआ। इसे डर करके ही तां उह डिंपल दे पिछ्छे आइआ सी। नहीं तां लत्त वज्जण दी पीड़ तों थोहड़ी राहत मिलण नाल उस सोचिआ सी कि ‘आपे मुड़ आवेगी, होर ओहदा है वी कौण इत्थे जिस कोल चली जावेगी।’ पर झट्ट पिछ्छों ही खिआल आइआ कि ‘जे किसे नें डिंपल नूं ऐस वेले इस हालत `च भज्जी जांदी वेख के पुलीस नूं फोन कर दित्ता जां किसे लंघदे-वड़दे पुलीस वाले दी उस उप्पर निगहा पै गई, तां?’ सकिंटां विच्च ही पुलीस, उस दे साहमणे खहड़ी उस दी घरवाली ते सिमरत दे खिआल नें उस उप्पर सवार काम दे भूत नूं कुचल के रख्ख दित्ता।
‘इह की पंगा पा लिऐ? बैठे-बैठे बदनामी नूं हाक मार लई?’
‘पता ई नी लग्गा कि की करी जानां, जद वी साली दा खिआल आउंदै तां जीअ मचलण लग्ग जांदै।’
‘आपणे `ते काबू रख्खणा सी जिवें रात ज़ाबता रख्खिआ सी।’
‘रात तां ओहदे मूंहों ‘डैडी’ सुण के सरीर झूठा पै गिआ सी।’
‘अज्ज हिंमत करन लई शराब पीण आली गलती कर बैठा।’
‘उठ्ठ हुण, मिंनत-तरला करके मोड़ लिआ।’
‘पर उह गई किध्धर होई?’ इनहां सोचां `च प्रेशान होइआ उह डिंपल नूं मोड़ लिआउण लई उठ्ठ खहड़ोता। ‘हो सकदै कि उस मुंडे कोल गई होवे जीहदा मनजीत कहिंदी सी कि फोन आउंदै,’ सोच उस आपणी कार मैकस सटोर वल्ल मोड़ लई।
मुंडे नाल सटोर दे पिछले कमरे वल्ल जांदी डिंपल वल्ल वेख उस नें पछतावे `च सिर मारिआ, ‘जे किते पंज-सत्त मिंट पहिलां तुर पैंदा तां उहनूं सटोर `च वड़न तों पहिलां मोड़ लैणा सी।’
‘पर हाले तां हुणे ही अंदर गई ऐ, मुंडे नूं वी कुछ नहीं दस्सिआ होणा, अंदर जाणा चाहीदै। …पर जे उह मुंडे दे साहमणे ही बोल पई, फेर की रहू? … किओं नां फोन करां? हां, इह ठीक ऐ,’ सोच के उस नें आपणे सैल्ल फोन तों सटोर दा नंबर मिलाइआ।
“आह डिंपल नूं फोन फड़ाईं,” फोन मिलण सार ही जगजीत नें किहा।
“तुसीं कौण?”
“मैं कोई होवां, तूं फोन फड़ा ओहनूं,” जगजीत नें झुंजलाई आवाज़ `च किहा।
जद डिंपल नें ‘हैलो’ किहा जगजीत नें आपणी आवाज़ नूं नरम करदिआं किहा, “डिंपल मैनूं पता ई नी लग्गा कि मैं की कर… पर डिंपल नें पूरा वाक सुणन तों पहिलां ही फोन कट्ट दित्ता। उस दा रोण ही नहीं सी बंद हो रिहा। जगजीत नें दो वार फिर फोन कीता पर डिंपल नें गल्ल नां कीती। पर राणे नें ताड़ना भरे लहिज़े `च किहा, “जे उह गल्ल नहीं करना चाहुंदी तां वार वार प्रेशान नां कर।”
जगजीत नें गाल्ह कढ्ढी जिहड़ी कार दे शीशआं नाल टकरा के दम तोड़ गई। ‘हुण की कीता जावे?’ सोचदे नें उस कार घर वल्ल मोड़ लई। घर पहुंचदे तक्क उस दे दिमाग विच्च इक्क सकीम तिआर हो गई सी। उस नें आपणी पतनी मनजीत नूं विकटोरीआ फोन मिला के किहा, “भाणा वरत गिऐ, जिहड़ी गल्लों तूं डरदी हुंदी सी, ओही होई।”
“की हो गिऐ।” मनजीत नें घबराई आवाज़ `च पुछ्छिआ।
“होणा की सी मेरा चित्त नी सी ठीक एस करके मैं कंम तों पहिलां घर आ गिआ। डिंपल इक्क मुंडे नूं चिंबड़ी बैठी सी। मैं गरमी `च मुंडे दे मारन अहुलिआ तां मूहरे हो गई। मैं गुस्से `च आख बैठा बई निकल जा घरों। उह जिवें पहिलां ई तिआर सी। ओहनां कप्पड़िआं `च ई तुरगी।”
“हाए, हाए, मैनूं तां पहिलां ही शक्क सी। कुड़ी दे चाले नी सी ठीक लग्गदे जिहड़ा बण-ठण के घरों निकलदी सी।”
“तूं ऐं कर सवेरे पहिली फैरी लै के वापस आ जा। मिंनत-तरला करके मोड़ लिआवांगे। नहीं तां आपणी ही बदनामी होऊ जदों उह बिगाने मुंडे नाल तुरी–फिरू। ओहदे मां-पिओ वल्लों अड्ड उलांभा आऊ।”
“मिंनत किओं करनी ऐं। मैं नी घरे रख्खदी ऐहो जी नूं हुण। मेरी नूं वी एहो कुझ्झ सिखाऊ। कल्ल्ह नूं ही जहाज़े चड़ाउनी ऐं ओहनूं।”
“तूं बहुता फिकर नां करीं, ठीक हो जू सभ कुझ,” आख जगजीत नें फोन रख्ख दित्ता। मनजीत दे बोलां विच्च कुड़त्तण सुण के उस नें तसल्ली महिसूस करदिआं शराब दा गलास भर लिआ।
‘इह की कीता कमजात नें? भोरा वी नी सोचिआ कि की करन लग्गी ऐ। ऐडी ज़िंमेवारी लै के सद्दी ऐ। इहदा पिओ कंजर नित्त भैण नूं मेहणे मारदा सी कि तेरे रिशतेदार कनेडे ऐ, साडा नी सोचदे। जे बाहर भेजण दा ऐडा ई शौंक सी तां कुझ्झ समझा-बुझा के भेजदा। कल्ल्ह नूं कहूगा थोडे भरोसे छड्डी सी तुसीं खिआल नी रख्खिआ। की पता कंजरी की कहूगी बई किओं घरों भज्जी सी। ओहदे पिओ कंजर नाल ई करदीं आं गल्ल’ सोच के भरी-पीती मनजीत नें डिंपल दे मां-पिओ नूं इंडीआ फोन कर दित्ता कि डिंपल घरों भज्ज गई।
घरों भज्जी डिंपल मैकस कनवीनीऐंस सटोर दे पिछले कमरे `च बैठी ज़ारो-ज़ार रो रही सी। जिहड़ा कुझ्झ होइआ सी उस दा डिंपल नूं सच्च नहीं सी आ रिहा। ‘ओहने मेरे नाल इस तरहां किओं कीता, …मैं तां ओहनूं पिओ समझदी सी। … की करां मैं? … कित्थे जावां?’ कदे उह सोचदी कि इंडीआ फोन करके मंमी-डैडी नूं दस्से। फेर सोचदी, ‘उह उत्थे बैठे की कर लैणगे? वाधू दा फिकर करनगे। … होर फिर मैं की करां?’ सोच के उस दी भुब्ब निकल जांदी। राणा गाहक भुगता के गेड़ा मार जांदा अते पुछ्छदा, “की होइऐ? कोई गल्ल वी दस्स।” डिंपल “कुझ नहीं” आख के सिर मारदी अते उस दा रोण उच्चा हो जांदा।
“घट्टो-घट्ट पता तां लग्गे कि होइआ की ऐ।” राणे नें ज़ोर दे के पुछ्छिआ।
“मासड़ नें…” तों बाअद डिंपल तों कुझ्झ नां बोलिआ गिआ।
“है कंजर! तैनूं हत्थ पा लिआ।” राणे नें आप ही अंदाज़ा लाउंदिआं पुछ्छिआ।
डिंपल दी भुब्ब निकल गई।”तैनूं कोई नुकसान तां नहीं पुचाइआ।” राणे नें पुछ्छिआ।
डिंपल नें नीवीं चुक्क के हंझू भरीआं अख्खां नाल राणे वल्ल वेखिआ अते ‘नहीं’ विच्च सिर मारिआ। राणा उस नूं धीरज बनाउंदा आखण लग्गा, “कुझ नहीं विगड़िआ, सभ कुझ्झ ठीक हो जू, फिकर नां कर, जिंनी हो सकिआ तेरी मद्दद करूं।”
डिंपल दी बाकी रात रोंदिआं, सिसकदिआं, हाउके लैंदिआं निकल गई। सवेरे छे वजे आपणे कंम दी शिफट मुका के राणे नें किहा, “आ चल्लीए।”
“कित्थे।” डिंपल नें हैरानी जिही नाल पुछ्छिआ।
“मेरी बेसमैंट `च। होर कित्थे?”
“पर…,” कुझ्झ आखदी-आखदी डिंपल चुप्प कर गई। उस नूं इस तरहां जक्को-तक्की जिही `च पई वेख राणा बोलिआ, “जे कोई होर थां जित्थे तूं जाणां चाहुंनी ऐं तां मैं उत्थे छड्ड आउनै?”
“नहीं, होर तां किते नी,” आखदी डिंपल उठ्ठ खड़ोती अते हौली-हौली तुरदी इध्धर-उध्धर वेखदी उह कार दी पिछली सीट `ते बैठ गई। बेसमैंट `च पहुंच जद राणा अंदरों कुंडी लाउण लग्गा तां डिंपल झट्ट बोली, “लौक नूं की ऐ।” उस दे चेहरे `ते घबराहट वेख राणा बोलिआ, “मैं तेरा दोसत बणना चाहुंनै, दुशमण नहीं। मैथों नां डर।”
“नहीं-नहीं मैं तां ओदां ही किहा सी,” आखदी डिंपल इध्धर-उध्धर वेखण लग्गी।
“बैठ के आपणे मंमी-डैडी नूं फोन करके दस्स सारा कुझ्झ कि तूं कित्थे हैं। उनहां नूं पता तां लग्गणा चाहीदा है कि तेरे नाल की बीतआ है।” राणे नें उस नूं फोन फड़ाउंदे होए आखिआ। जक्कां-तक्कां `च जद डिंपल नें फोन मिलाइआ तां उस दी मंमी नें किहा, “कित्थे ऐं कुड़े तूं? असीं तां सारा टब्बर सुक्कणे पए वे आं जदों दा तेरी मासी दा फोन आइऐ। कीहदे नाल ऐं तूं? तेरी मासी तां होर ई गल्लां करदी ऐ।”
डिंपल दा गच्च भर आइआ अते उस कोलों कुझ्झ नां बोलिआ गिआ। उस फोन कट्ट दित्ता। आपणा चित्त करड़ा करके उस फेर फोन करके आपणी मंमी नूं होई बीती सुणा दित्ती।
“सानूं किहड़ा तेरी मासी दीआं गल्लां दा सच्च आउंदा सी। असीं वी कहीए बई भज्जणा तां इक्क पासे साडी डिंपल तां किसे वल्ल अख्ख पुट्ट के नी वेखदी।” फेर उस रता रुक के पुछ्छिआ, “तेरे सरीर नूं तां कोई ज़रब नीं पहुंची?”
डिंपल दी ‘नहीं’ सुण के उस किहा, “शुकर ऐ, शुकर ऐ।” सुण के डिंपल अंदर इक्क चीस जिही उठ्ठी। उस सोचिआ, ‘जिहड़ी हुण ज़रब पहुंची ऐ उह थोहड़ी ऐ?’
“लत्त नाल की बणिऐ होणा कंजर दा कुछ होर है नी सी मारन नूं? चीर के रख्ख दिंदी,” इह आवाज़ उस दे डैडी दी सी। फिर उह थोहड़ी देर चुप्प रहि के बोले, “तूं चंगा कीता भज्ज आई उत्थों, ओस कंजर नाल वी मैं करदैं गल्ल। तूं फिकर नां कर मैं किसे एजंट नाल सलाह करके करूं कोई इंतज़ाम।” आपणे डैडी तों दिलासा लै डिंपल नें इक्क लंमा साह लिआ अते सोफे उप्पर बैठ गई। कुझ्झ देर बाअद जद बेसमैंट दा दरवाज़ा खड़किआ तां राणे नें आपणे कमरे विच्चों आ के दरवाज़ा खोहलिआ।”डिंपल”, आपणी मासी दी आवाज़ सुण सोफे उप्परों उठ्ठ डिंपल दरवाज़े `च खहड़े राणे नाल जा खड़ोती। मनजीत नें खा जाण वालीआं निगाहां नाल वेखदे किहा, “कलछ्छणीएं भोरा शरम नहीं आई खेह खाण लग्गी नूं। आवदे पिओ वरगे मासड़ `ते तोहमत लाउंदिआं तेरे अंदर भोरा वी रहिम नी आइआ? … जिहड़ी खेह खिंडाउणी सी खिंडा दित्ती हुण तिआर हो जा जाण लई। घरे रख्खणा तां इक्क पासे कनेडे `च वी नी रहिण दिंदी तैनूं।”
“मासी जी गल्ल तां सुणो मेरी,” डिंपल नें किहा।
“गल्ल सुणन दी हाले कसर रहि गई? ,” मनजीत नें डिंपल दे खिल्लरे केसां वल्ल इशारा कीता अते फिर नाईट गाऊन `च खहड़े राणे वल्ल हत्थ करके बड़े घिरणामई अंदाज़ `च वेखिआ।
“जे तुसीं मासड़ दीआं गल्लां दा ई इतबार करनै तां आखो ओहनूं गुरदुआरे जा के खावे सौंह दोहां बच्चिआं दी,” डिंपल नें रुआंसी आवाज़ `च किहा।
“हाए, हाए कंजरीए जवाक तां तेरे साहां `च साह लैंदे आ, तूं ओनहां नूं वी नी बख़शदी,” मनजीत उस नूं झई लै के पई।
“तूं इहदी गल्ल तां सुण लै आवदीआं ई मारी जानी ऐं,” राणे नें खरहवी आवाज़ `च किहा।
“तूं आवदा कंम कर, तेरा कोई कंम नहीं विच्च टंग अड़ाउण दा,” मनजीत नें राणे नूं अख्खां विखाईआं।
“टंग अड़ाउण नूं मैं की … ,” आखदा राणा चुप्प कर गिआ। उस दीआं मुठ्ठीआं मिच गईआं।
“कमजात नें कख्खों हौले करके रख्खता। हुण ऐहो जिआं तों अख्खां कढवाउंदी ऐ। नाले वेखलां गे तैनूं वी वड्डे नूं,” आखदी मनजीत वापस चली गई।
“वेख लीं जिहड़ा वेखणै,” आखदे राणे नें दरवाज़ा बंद कर दित्ता।
मासी दे तुर जाण पिछ्छों डिंपल सिसकण लग्गी, ‘मासी किते मेरीआं रो-रो सुज्जीआं अख्खां वल्ल वी वेखदी। मैं तां सोचदी सी बई मासी आ के संभाल लवेगी मैनूं, पर तूं तां जमां ई धक्का दे गई ऐं’ उह उदों तक्क सिसकदी रही जद तक्क उस दीे मंमी दा फोन नां आ गिआ। उस पुछ्छिआ, “जिहड़े मुंडे कोल ऐं तूं उह घर-प्रीवार वालै?”
“नहीं, इकल्ला रहिंदै, रफिऊजी ऐ” ।
थोहड़ी देर चुप्प रहि के उस दी मंमी नें किहा, “तूं किते होर चली जाणा सी?”
“तुसीं ही दस्सो कित्थे जावां?”
उस दी मंमी चुप्प कर गई। डिंपल नें फिर किहा, “तुहानूं मेरे `ते इतबार नहीं?”
“तेरे `ते इतबार कीता की कर लऊ। लोकां दी ज़ुबान नहीं फड़ी जांदी हुंदी। हाले तां तेरी मासी ई गल्लां बणाउणो नीं हटदी। तूं किसे कुड़ी-कत्तरी नाल भाल कर कमरे दी। नाले किसे कोल बहुती गल्ल करन दी लोड़ नहीं बई की होइऐ, आख देईं बई मासड़ आवदे लंगड़े भतीजे दा रिशता लैण नूं कहिंदा सी, जदों नहीं मंने तां घरों कढ्ढता। संभल-संभल तुरना पऊ कुड़ीए,” मंमी नें किहा।
फिर उस दे डैडी उसनूं हौंसला दिंदे आखण लग्गे, “वापस मुड़न बारे सोचणा वी नहीं। लोक तरहां-तरहां दीआं गल्लां करनगे। …बेटे, इह तां इक्क लड़ाई है, जिहड़ी तैनूं घर दे बाकी जीआं खातर हौसले नाल लड़नी पैणी है… ।” उनहां होर वी समझाउतीआं दित्तीआ। डिंपल खाली-खाली नज़रां नाल कंध नूं घूरदी सोचण लग्गी कि उह किवें लड़ेगी इह लड़ाई?
“इओं बैठण नाल कुझ्झ नहीं बणना कुड़ीए। जे घरदे कोई होर टिकाणा लभ्भण लई कहिंदे आ तां तिआर हो के कालज जा के पुछ्छ, कई वारी किसे कुड़ी नूं रूम-मेट चाहीदी हुंदी ऐ,” राणे नें कहिंदआं उस नूं वाशरूम दा राह विखाइआ।
“की बणूगा मेरा? मैं तां किसे होर नूं जाणदी वी नहीं इत्थे,” आखदी डिंपल नें हाउका लिआ।
“जाणदी किओं नहीं? मैं हैगा आं इत्थे। जदों कदे वी लोड़ होई मैं किते नी भज्जिआ। हुण उठ्ठ के तिआर हो,” राणे नें किहा।
डिंपल तिआर हो के राणे दे नाल कालज वल्ल चल्ल पई। कार विच्च बैठी डिंपल नूं आपणी जमातण पैटी दा खिआल आइआ, ‘किंनां नेड़े हो हो बहिंदी हुंदी ऐ, रहिंदी वी इकल्ली ऐ, हो सकदै आपणे नाल रख्ख ही लवे? पर की पता हुंदै इनहां गोरीआं दा?’ उह सोच के मुरझा जिहा गई। फिर उस नें सोचिआ, ‘नहीं, पैटी नी ऐहो जी, उह तां दूजी पल्लवी लग्गदी हुंदी ऐ कदे-कदे,’ सोचदी डिंपल नुं उह दिन याद अइआ जिस दिन पैटी नें पल्लवी वांग ही उस दी गल्ल्ह विच्च पैंदे टोए नूं छेड़दिआं किहा सी, “तूं बहुत सोहणी ऐं!” उस दिन डिंपल दा जीअ कीता सी कि उह आपणी होसटल वेले दी रूम-मेट पल्लवी वांग पैटी नूं वी उस दी नक्क दी करूंबल मरोड़दे होए कहे, `चल्ल-चल्ल फलर्रट नां कर’ पर उह जक गई सी। पैटी नूं पल्लवी नाल मेलदिआं उस नूं आस जिही बझ्झी कि पैटी उस नूं आपणे नाल रख्ख लवेगी।
कालज पहुंच डिंपल नें पैटी नूं पासे लिजा के कंबदी आवाज़ `च आपणे रहिण लई थां बारे पुछ्छिआ। पैटी नें डिंपल दीआं रो-रो के सुज्जीआं अख्खां वल्ल वेखिआ, फिर उस दे फरकदे बुल्ल्हां वल्ल जिहना नूं डिंपल रोणा रोकण लई घुट्टण दी कोशिश कर रही सी। पैटी नें उस नूं आपणे नाल घुट्टदिआं किहा, “मैनूं तां सगों तेरे वरगी रूम-मेट चाहीदी है।”
“पर मेरे कोल ऐस वेले कोई समान नहीं है,” डिंपल नें मरी जिही आवाज़ `च किहा।
“फ़िकर नां कर, मैनूं खुशी है कि तूं मैनूं आपणी सहाइता लई चुणिआ,” आखदी पैटी नें डिंपल दे हत्थ आपणे हत्थां विच्च घुट्ट लए। डिंपल नें धंनवादी तक्कणी नाल पैटी वल्ल वेखिआ अते कार विच्च बैठे राणे नूं दस्सण तुर पई। राणे नें दो सौ डालर अते फोन कारड फड़ाउंदिआं किहा, “आह फड़, तैनूं लोड़ पवेगी।” डिंपल नूं झिजकदी वेख उस किहा, “जदों तेरे कोल होए मोड़ देवीं। पर खुश रिहा कर। टोइआं वालीआं सरकारां टोइआं नाल ही सोहणीआं लग्गदीऐ। डिंपल नें मुसकराउण दी कोशिश कीती। उस दी गल्ल्ह विच्च पए टोए वेख राणा बोलिआ, “जिउंदी रहि कुड़ीए! कल्ल्ह नूं कंम `ते तां आएंगी ही?”
जद डिंपल दूजे दिन शनिच्चरवार कंम `ते मैकस कनवीनीऐंस सटोर दे नाल लग्गवें लांडरोमेट पहुंची तां मालकण दा जवाब सुण उस दे पैरां हेठों ज़मीन खिसक गई। मालकण नें किहा, “सौरी, असीं तेरी होर हैलप नहीं कर सकदे। इलीगल तौर `ते कंम देण करके साडी शिकाइत हो सकदी ऐ।”
सुंन होई खड़ोती डिंपल सोचण लग्गी, ‘इह किहड़े जनमां दे बदले लै रही ऐं मासी?’ भरी-पीती उह विचकारले दरवाज़े राहीं मैकस सटोर `च कंम करदे राणे कोल जा खहड़ी।
“कोई नां आपां किते होर कंम लभ्भ लवांगे,” राणे नें उस नूं भरोसा दवाइआ।
पर मासी दीआं गल्लां सुण के उस नूं इह भरोसा बेअरथा लग्गा। जद आपणा समान लैण लई उस नें आपणी मासी दे घर फोन कीता, उस दी मासी बोली, “साडी मिट्टी नां पलीत करदी फिर। भली माणस बण के वापस मुड़ जा, टिकट तेरी मैं लै दिंनी आं।”
“वापस तां नी हुण मैं मुड़दी।”
“वेहनीं आं तैनूं फिर किवें नी मुड़दी। अगांह दी फीस असीं नी तेरी भरदे। कंम किते तूं नी कर सकदी। जे करेंगी, मैं शिकाइत करूं। हुण तां टिकट मैं कटाउणी ऐं, फेर जबकदी फिरीं।”
“मैनूं नी चाहीदी थोडी टिकट,” डिंपल नें जवाब दित्ता।
“नहीं चाहीदी तां भौंकदी फिर, हैनी तेरा कोई समान ऐथे,” आख के मनजीत नें फोन कट्ट दित्ता।
कुझ देर डिंपल अंदरे-अंदर आपणी मासी प्रती ज़हिर घोलदी रही। फिर इह ज़हिर हंझूआं राहीं वहि तुरी। मनजीत दा दित्ता डरावा कि ‘अगले साल दी फीस असीं नी भरदे’ उस दे दिमाग विच्च घुंमण लग्गा। डिंपल नें फीस बारे आपणे मंमी-डैडी नूं गल्लां करदे सुणिआ सी। उस दे डैडी नें किहा सी, “पहिले साल दी फीस आपां मोगे वाला पलाट वेच के भर देवांगे। दूजे साल दी फीस जगजीत सिओं कहिंदा सी मैं आपे भर देओूं, जदों आपां उत्थे चले गए उस दे पैसै मोड़ दिआंगे।” याद करके डिंपल दी चिंता होर वध गई।
‘कालज दे अगले साल दी फीस कित्थों भरूं? जे डैडी औखे-सौखे फीस भर वी देणगे तां खरचा कित्थों तोरूं। बेसमैंट दा रैंट ते होर खरचे किवें चल्लणगे? लीगली कंम किते मैं नी कर सकदी। की बणूंगा? पैटी ते राणा किंनी कु हैलप कर देणगे?’ सोचदी उह हुबको-हुबकी रो पई। पैटी नें उस नूं आपणी बाहां `च लै लिआ। डिंपल नें होई-बीती पैटी नूं दस्स दित्ती।
“तूं पुलीस नूं शिकाइत किओं नी करदी।” पैटी नें किहा।
“नहीं, मेरे मां-बाप नहीं चाहुंदे कि मैं इस तरहां करां,” डिंपल नें जवाब दित्ता।
“इस तरहां तां उस सूर नूं होर शहि मिलेगी। उह किसे होर नाल वी इसे तरहां करन दी कोशिश करेगा,” पैटी दा जिवें आपणा कोई ज़ख़म उच्चड़ गिआ होवे।
“मैनूं इस नालों आपणे भविख्ख दी ज़िआदा चिंता है,” सुण के पैटी चुप्प कर गई। फिर बोली, “हरेक समस्सिआ दा कोई नां कोई हल्ल ज़रूर हुंदा है। तूं फ़िकर नां कर।”
डिंपल नूं लग्गिआ सी जिवें उस दी समस्सिआ दा हल्ल उस दी कलास-मेट किंमबरली नें कढ्ढ देणा सी। कालज विच्च उस नूं किंमबरली नें किहा सी, “तूं घबरा नां, तैनूं किसे दे सहारे दी ज़रूरत नहीं। तूं खुद आपणी देख-भाल कर सकदी हैं। मैं कलास तों बाअद तैनूं दस्सूंगी कि किवें कमाई करनी है।”
“पर मैं तां सटूडैंट वीज़े `ते आई होई हां। आपणा कालज प्राईवेट है इस करके मैं किते कंम नहीं कर सकदी,” डिंपल नें मायूसी नाल किहा।
“तूं फिकर नां कर। मैं आपे प्रबंध कर लवांगी। तूं सारा कुझ्झ मेरे उप्पर छड्ड दे,” आख किंमबरली नें उस दा मोढा थपथपाइआ।
डिंपल लई कलास जिवें मुक्कण विच्च ही नहीं सी आ रही। कलास खतम हुंदे सार ही उह किंमबरली कोल गई, “मेरी बस्स दा टाईम होण वाला है। तूं क्रिपा करके आपणी सलाह दस्सेंगी?”
“फिकर नां कर। मैं तैनूं छड्ड देवांगी। मैं आराम नाल दस्सांगी। जे चाहें तां मेरे नाल चल्ल मेरी अपारटमैंट `च,” आखदिआं किंमबरली नें आपणीआं अख्खां डिंपल दे चेहरे उप्पर गड्ड दित्तीआं।
“नहीं, धंनवाद मैं पैटी नाल ही ठीक हां,” डिंपल नें धंनवादी नज़रां नाल पैटी वल्ल वेख के किहा।
“तेरी मरज़ी,” आख किंमबरली उनहां नूं आपणी कार वल्ल लै तुरी।
पैटी दी बेसमैंट विच्च पहुंच किंमबरली नें आसे-पासे कंधां वल्ल निगहा घुमा के किहा, “तूं इस तों किते वधीआ अपारटमैंट रैंट कर सकेंगी।” डिंपल नें उस वल्ल इस तरहां वेखिआ जिवें किंमबरली कोई जादूगर होवे।
“मैं हफते विच्च दो दिन कंम करदी हां। कोई सटूडैंट लोन नहीं लिआ। आपणी अपारटमैंट है। तैनूं वी इह सारा कुझ्झ मिल सकदा है,” आखदी किंमबरली रहस्समई नज़रां नाल डिंपल वल्ल वेखण लग्गी। फिर बोली, “जिंनी देर मैं इह कोरस मुका के कोई जौब नहीं लभ्भ लैंदी ओनी देर इह कंम करांगी।”
“पर इह कंम है की।” डिंपल नें हैरानी नाल पुछ्छिआ।
“मसाज-पारलर `च कंम करेंगी? कोई खतरा नहीं है, कोई डर नहीं, तूं तां मेरे नालों वी वध्ध कमा लिआ करेंगी, तेरे वरगीआं भूरी चमड़ी दीआं कुड़ीआं इस कित्ते विच्च बहुत थोहड़ीआं हन,” आखदी किंमबरली नें डिंपल दे चेहरे वल्ल वेखिआ।
डिंपल उस वल्ल डौर-भौरीआं अख्खां नाल वेखदी रही। पर पैटी बेसमैंट दे बाहर वाले दरवाज़े नूं खोहल के बोली, “एहनूं सोचण दा मौका दे, तैनूं इह छेती ही दस्स देवेगी।” पैटी दा इशारा समझदिआं किंमबरली उठ्ठ के बाहर निकलदी बोली, “यकीनण, मैं इस दे जवाब दी उडीक करांगी।”
किंमबरली दे पिछ्छे बेसमैंट दा दरवाज़ा ठाह देणे मारदिआं पैटी नें भरवीं गाल्ह कढ्ढी अते डिंपल दे कोल आ के बैठ गई।
“इह मसाज-पारलर `च की कंम हुंदा है।” डिंपल नें पुछ्छिआ।
“वेसवागिरी दा नवां तरीका है इह।”
डिंपल उस वल्ल बिट्ट-बिट्ट वेखदी रही फिर पैटी दे गल लग्ग के रो पई। पैटी उस दे वाल सहिलाउंदी उस नूं दिलासा दिंदी रही। पर डिंपल दा रोण ठल्ल्हण `च नहीं सी आ रिहा। पैटी नें उस नूं आपणे नाल घुट्ट लिआ।
मल्लो-ज़ोरी डिंपल नूं खाणा खवा के पैटी नें उस नूं सारा कुझ्झ भुल्ल के सौण दी ताकीद कीती अते आपणे कमरे विच्च चली गई। पर डिंपल दीआं अख्खां विच्चों तां नींद जिवें उड्ड-पुड्ड ही गई सी। कदे उस दे दिमाग विच्च किंमबरली दा किहा कि, ‘मसाज़ पारलर `च कंम करेंगी?’ आउंदा कदे जगजीत दा किहा कि ‘राणी बणा के रख्खूं’ आउंदा। ‘कुत्ते नें कंजरी समझ लिआ मैनूं’ सोच के उस दा अंदर पीड़ नाल वलूंधरिआ गिआ। उस दा जीअ कीता कि उच्ची आवाज़ विच्च कहे कि `चुक्क लै रब्बा जे किते हैगें तां’ । उस नें आपणे बुल्ल्हां नूं घुट्ट लिआ। उस दा इह उबाल परल-परल करके अख्खां राहीं वहि तुरिआ। फिर उस दे डैडी दे बोल चेते `च गूंजण लग्गे, ‘बेटे तेरे नाल तेरे छोटे भैण-भरा दा वी भविख्ख बझ्झा होइऐ’ , ‘बेटे कोई उलांभा नहीं आउणा चाहीदा’ ।’ ‘बेटे… ‘की करां मैं डैडी?’ उस दा लेर मारन नूं चित्त उछ्छलिआ। उह उठ्ठ के आपणी मंमी नूं फोन मिलाउण लग्गी। फोन मिलदे ही उस लेर मारन वांग “मंअमांअ” किहा।
“की गल्ल ऐ बच्चे।” उस दी मंमी नें घबराई आवाज़ `च पुछ्छिआ।
“मंअमां, मेरा- जीअ--नी लग्गदा, मैनूं—आपणे कोल सद्दलै,” आखदी डिंपल दा कड़ पाट गिआ।
“बस्स मेरी धी, मेरा किहड़ा तैनूं आपणे कोलों वख्ख रख्खण नूं जीअ करदै,” आखदी उस दी मंमी दी आवाज़ भरड़ाअ गई। थोड़ी देर रुक्क के उह फिर बोली, “हौंसला कर मेरी धी।”
“मंअमां …मासड़ नें… मेरे नाल …इओं किओं कीता मंमा, “
“डराउणा सुपना समझ के भुल्ल जा, मेरे बच्चे”
“किवें भ਼ुल्लां मंअमां।” आख रही डिंपल दे मोढे उप्पर पैटी नें आपणा हत्थ आ रख्खिआ।
“आपणा कुझ्झ नहीं विगड़िआ। तैनूं तां सगों माण होणा चाहीदै, तूं सही सलामत ओहदे चुंगल `चों बच के आ गी। ओहने तां अध्ध विचाले डोबा देण दी कसर नी छड्डी हुण ओहनूं सिरे लग्ग के विखावांगे। तूं बस्स हौंसले तों कंम लै। तेरे डैडी भज्ज-नस्स करी जांदे आ। कोई हल्ल लभ्भणगे ही, बस्स तूं तकड़ी हो। जे तूं ही ढेरी ढाअ लई फिर किवें पूरीआं पैणगीआं। चुप्प मेरी धी… … तूं आवदे चित्त `च धार लै बई हुण पक्के हो के दखाउणै कनेडे `च, … … -” उस दी मंमी काफी देर उस नूं हौसला दिंदी रही।
“कोशिश करूंगी मंमां,” आख के डिंपल नें फोन बंद कर दित्ता अते पैटी दीआं बाहां `च समाअ गई। पैटी उस नूं दिलासा दे के सवाउण लग्गी।
डिंपल दे सौंदिआं ही पैटी आपणे कमरे विच्च जा पई। सुत्ती पई डिंपल नूं लग्गा जिवें ‘उह इक्क हनेरे विच्च गुआच गई होवे। हत्थ … पैर मारदी नूं इक्क किरन दिसी अते उह उस किरन वल्ल वधण लग्गी। पर इह तां किंमबरली सी। फेर उस नूं जगजीत किसे हिंदी फिलमां दे खलनाइक वांग हस्सदा लग्गा। उह डर नाल सुंगड़न लग्गी। हस्सदे … हस्सदे जगजीत नें नाग दा रूप धार लिआ अते उस वल्ल वधण लग्गा।’ उह झटके नाल उठ्ठी अते बत्ती जगा के इध्धर … उध्धर वेखण लग्गी। आसे … पासे कुझ्झ वी नहीं सी पर उस नूं लग्गा जिवें नाग शहि ला के बैठा होवे अते उस दे पैण सार ही उस दी हिक्क उप्पर आ चहड़ेगा। डरदी … कंबदी उह पैटी दे नाल जा पई।
“की होइआ है मिठ्ठो?” पैटी नें पासा परतदे पुछ्छिआ।
“डर लग्गदा है,” आख डिंपल पैटी दे नाल चुंबड़ गई। पैटी नें उस दे केसां `च उंगलां फेरदे पुछ्छिआ, “कोई डराउणा सुपना वेखिआ सी?”
“हां, मैनूं अंकल (मासड़) दिसिआ।”
“इह डराउणे सुपने बहुत चिर पिछ्छा नहीं छड्डदे हुंदे, पर तूं चिंता नां कर। इत्थे नहीं आ सकदा उह हरामज़ादा, इह सारे मरद हराम਼जादे हुंदे आ, मैं नफ़रत करदी हां इनहां नूं।” पर डिंपल नूं कुझ्झ नहीं सी सुण रिहा। उह जिवें पैटी दे अंदर वड़ जाणा चाहुंदी होवे। पैटी दा उस दे केसां विच्च फिर रिहा हत्थ उस नूं आपणी मां दा हत्थ लग्गा। पैटी उदों तक्क उस नूं सहिलाउंदी रही जद तक्क डिंपल सौं नां गई।
सवेरे उठ्ठ पैटी नें कौफी दा कप्प फड़ाउंदिआं डिंपल नूं किहा, “मेरी इक्क वड्डी भैण सी। क्रिसटल सी उहदा नां। उस नूं नवीआं … नवीआं चीज़ां लैण दा शौक सी। बहुत चंचल सी। ते मेरे मतरेए पिओ नें उस दी इस चंचलता दा लाहा लिआ। उह क्रिसटल दीआं लोड़ां पूरीआं कर दिंदा अते बदले विच्च उस दे जवान हो रहे सरीर नूं भोगदा। फेर क्रिसटल होर मरदां नाल वी इसे तरहां करन लग्गी। डरग्ग लैण लग्ग गई। ते अखीर सड़कां उप्पर वेसवागिरी करन लग्गी।” पैटी नें हाउका लिआ अते बोली, “ते जद क्रिसटल घरों निकल गई तां मेरा मतरेआ पिओ मेरे उप्पर डोरे सुट्टण लग्गा पर मैं उस दे चुंगल विच्च नां फसी। इक्क दिन उस गंदे सूर नें मेरे नाल बलातकार कर दित्ता। मैनूं हुण तक्क उस दे डराउणे सुपने आउंदे आ”।
डिंपल प्रशन … सूचक निगहा नाल पैटी वल्ल वेखण लग्गी।
पैटी नें फिर किहा, “हुण मैं सोचदी हां कि जे मैं वी लालच विच्च आ के आपणी भैण दे राह तुर पैंदी तां मेरा वी अंत उस वांग ही होणा सी।” उह थोहड़ा रुक के फिर बोली, “मैनूं गलत नां समझीं, तेरे हालात ही अजेहे हन कि हो सकदा है कि तैनूं किंमबरली दी सलाह ठीक लग्गे। पर तूं सोच समझ के उस नूं जवाब देवीं।”
पैटी वल्ल बिट्ट … बिट्ट वेखदी डिंपल नें इक्क दम उठ्ठ के “धंनवाद, पैटी” आखदिआं उस दे गल बांहां पा के उस नूं आपणे नाल घुट्ट लिआ।
“मेरी चंगी कुड़ी,” आखदिआं पैटी नें उस दी पिठ्ठ थापड़ी अते बोली, “इक्क गल्ल होर, तैनूं इस सदमे `चों निकलण लई आपणी सहाइता आप करनी पवेगी। जिंनी छेती सारा कुझ्झ भुलाएंगी, उनहां ही तेरे लई चंगा होवेगा।”
“मैनूं जद वी उह समां याद आउंदा है मैनूं आपणा … आप बेइज्जत होइआ महिसूस हुंदा है। उस बेइज़्ज़ती दी पीड़ मेरे लई असहि हुंदी है,” डिंपल नें उस दे मोढे लग्गी नें ही किहा।
“जद वी तैनूं याद आउण लग्गे, तूं आपणे … आप नूं किसे होर कंम विच्च रुझा लिआ कर जां आपणी पीड़ मेरे नाल सांझी कर लिआ कर,” आखदी पैटी नें उस नूं आपणे नाल घुट्ट लिआ।
फोन दी घंटी नें उनहां नूं अलग्ग कीता। डिंपल दे डैडी दा फोन सी। उस नें डिंपल नूं कोई फिकर नां करन दी ताकीद कीती अते इमीगरेशन काऊंसलर दा फोन पता लिखवाउंदिआं हौसला दित्ता कि उस नाल गल्ल हो गई है। जिवें उह सलाह देवे कर लवे।
पैटी नूं नाल लै के जद डिंपल इंमीगरेशन काऊंसलर कोल गई तां उस नें कुझ्झ राहत महिसूस कीती। काऊंसलर नें किहा, “बीबा पहड़ाई जारी रख्खणी तां तेरे लई मुशकल ऐ किउं कि अगले साल दी फीस दस हज़ार डालर है। खैर ओहदे `च तां हाले पंज … छे महीने पए आ। नाले पहड़ाई तां सारी उमर पई ऐ जदों मरज़ी शुरू कर लवीं। मुख्ख मसला तेरा ऐथे पक्के होण दा है। तेरे रिशतेदार कहिंदे आ पई जे उनहां नूं पता लग्ग गिआ कि तूं इलीगल कंम करदी ऐं तां ओहनां शिकाइत कर देणी आ इस करके तेरे रहिण … सहिण दा खरचा वी इंडीआ तों मंगवाउणा पऊ पर जिवें तेरे फादर दस्सदे सी कि तुहाडे लई इह अफोरड करना मुशकल है। सो तुहाडे कोल औपशन है कि विआह दे बेस `ते इंमीगरेशन लै लई जावे। ओस वासते मैं कोशिस करूंगा। ओनी देर तुसीं कोई ऐसा कंम लभ्भो जिहड़ा घर बैठे किसे होर दे नां हेठ कर सको पर सावधानी नाल।”
काऊंसलर कोलों वापस मुड़दी डिंपल दे दिमाग विच्च आइआ कि उह राणे नूं दस्से कि जे उस दा किसे नाल इत्थे विआह हो जावे तां उह पक्की हो सकदी है। पल दी पल उस नूं लग्गा कि राणा कहेगा, ‘असीं हाज़र आं साडी टोइआं वाली सरकार’ पर दूसरे ही पल उस नूं राणे दा किहा याद आ गिआ। उस नें किहा सी, “सानूं तां तेरे वरगी कुड़ी दी बस्स दोसती चाहीदी ऐ। विआह तां पक्के होण लई पता नीं किहो जी नाल करवाउणा पवे।” ‘मैनूं वी पता नी किहो जे दे लड़ लग्गणा पऊ पक्की होण लई’ सोच के उह उदास हो गई। पर पैटी नें उस दी कंम वाली समस्सिआ दा हल्ल लभ्भ के उस दी उदासी दूर कर दित्ती। पैटी नें भरोसा दित्ता कि उह आपणे नां `ते उस नूं कोटीआं लिआ दिआ करेगी। इस नाल कमाई तां बहुती नहीं सी होणी पर रोटी … पाणी दा खरच निकल जाइआ करना सी।
घर आ के डिंपल नें पैटी दा मन … भाउंदा खाणा बटर चिकन बणाइआ। खाणा खा के टी. वी. वेखदिआं डिंपल नुं लग्गा जिवें पैटी इक्क टक्क उसे वल्ल ही वेख रही होवे। जद डिंपल नें आपणा शक्क निवरत करन लई उध्धर वेखिआ पैटी नें उस दा चेहरा आपणे हत्थां `च फड़ गल्ल्हां `च पैंदे टोए वाली थां तों चुंम लिआ। “परहे मर लुच्चीए,” डिंपल नें पंजाबी `च किहा अते हस्स पई। उस नूं लग्गा जिवें पैटी दी थां पल्लवी होवे। उह वी कदे … कदे मसती `च आई इस तरहां कर जांदी सी।
“की किहा है?” पैटी नें हैरानी जिही `च पुछ्छिआ।
“कुझ नहीं।”
“दस्स … दस्स,” आखदी पैटी उस दे कुतकतारीआं कढ्ढण लग्गी। उह इस तरहां करदी डिंपल नूं पल्लवी ही लग्गी। फिर उस नूं पता ही नां लग्गा कि कदों उह पल्लवी नाल अणकहीआं हद्दां पैटी नाल पार कर गई। जद उस नूं सुरत आई पैटी दी ‘आई लव यू’, ‘आई लव यू’ करदी आवाज़ डिंपल दे कंनां विच्च सां … सां करन लग्गी। पैटी दीआं बाहां विच्च ही सुत्ती डिंपल दी जद सवेरे जाग खुल्ल्ही उस दा उठ्ठण लई दिल नां कीता। ‘इह की कर बैठी मैं?’ सोचदी डिंपल उप्पर गुनाह दी भावना भारू होण लग्गी।
“उठ्ठ, कंम लैण नहीं जाणा?” पैटी दी आवाज़ सुण उह इक्क दम बिसतरे विच्चों निकली। `चल्ल जिहड़ा कुझ्झ होणा सी हो गिआ। अगांह नूं नहीं होण दिंदी’ सोचदी डिंपल तिआर होण लग्गी।
पैटी नूं कालज तोर डिंपल दरवाज़ा बंद करके कोटी बुणन बैठ गई। कुझ्झ देर बाअद भुख्ख नाल उस अंदर खोह जिही पई। ‘जे मंमी इत्थे हुंदी तां बैठी नूं उस नें खाण लई कुझ्झ फड़ा देणा सी’ उस नें सोचिआ। ‘मंमी दे सिर मौजां करदी सी, रजाई `च बैठी नूं चाह फड़ा जांदी सी’ सोच के उस हाउका लिआ। उस दे चित्त `च आई कि उड्ड के इंडीआ पहुंच जावे। बेसमैंट उस नूं जेल्ह वांग लग्गी। उस दा चित्त काहला पैण लग्गा। उस नें आपणी निगहा सिलाईआं तों हटा लई। डैडी दा किहा कि ‘मुड़न बारे सोचणा वी नहीं’ सोच के उस नूं आपणे डैडी उप्पर खिझ्झ आउण लग्गी। ‘जे इत्थे आ के वेखण कि किवें अंदर तड़ी बैठी हां, फेर पता लग्गे। … मैं वी ऐवें बीबी धी बण के हर गल्ल सिर मत्थे मंन लैनी आं। हुण जदों फोन आइआ मैं आख देणै बई मैथों नीं जेल्ह कट्टी जांदी। … पर मैथों कित्थे आख होणै?’ उस नूं आपणे … आप `ते खिझ्झ आउण लग्गी। फिर उस नें सोचिआ, ‘डैडी होरां विचारिआं दा वी की कसूर। ऐना खरच करके भेजिऐ ऐथे। उनहां नूं किहड़ा पता सी बई मेरे नाल इस तरहां होणी ऐ? इह तां कंजर मासड़ … । मासड़ दा खिआल आउंदे ही उस दी पकड़ सिलाईआं उप्पर कसी गई। उस दा साह तेज हो गिआ। “जिवें तूं मेरे नाल कीती ऐ, कीड़े पैण ऐहो जे दे,” उह बुड़बड़ाई। जगजीत नूं कीड़िआं नाल तड़फदा चितव के डिंपल दे बुल्ल्हां उप्पर मुसकान आ गई। ‘इह मैं की ऐवें वाधू … घाटू सोचण लग्ग पई,’ सोच के डिंपल नें सिलाईआं पासे रख्ख दित्तीआं। उस दा जीअ कीता कि उठ्ठ के बाहर तुर … फिर आवे। ‘जे कोई बाहर मासड़ वरगा होइआ’ सोच के उह बाहर जाणों डर गई। आपणे … आप नूं सोचां तों बचाउण लई उह बेसमैंट दी सफाई करन लग्गी। फिर आपणे अते पैटी दे कप्पड़े धोण लग्गी। पैटी दे कप्पड़े मलदिआं उस नूं पैटी दे खिआल नें हुलारा जिहा दित्ता। ‘किंनी चंगी ऐ पैटी, … उहदे बिनां घर सुंना … सुंना जिहा लग्गदै, … हाले तां ओहदे आउण `च दो … तिंन घंटे पए आ, … अज्ज ओहदी पसंद दा किहड़ा खाणा बणावां?’ अते उह पैटी दे खाणे दी पसंद बारे सोचण लग्गी। खाणा तिआर कर के उह पैटी दी उडीक करन लग्गी। इस तरहां पैटी दी उडीक करना उस नूं चंगा … चंगा लग्गा।
जद पैटी घर पहुंची डिंपल नें उठ्ठ के उस नूं जफ़्फ़ी पा लई जिवें बहुत चिरां दी विछड़ी मिली होवे। “मैनूं सारा दिन तेरी याद सताउंदी रही,” पैटी नें किहा।
“मैनूं वी,” आख डिंपल नें जफ़्फ़ी होर पीडी कर लई। फिर उस तों अलग्ग हुंदी बोली, “तूं पहिलां नहा लै। मैं तेरे मन … भाउंदे डोसे तिआर कीते हन।”
“ओ, सच्चीं? तूं किंनी चंगी हैं! मैं तैनूं पिआर करदी हां।”
“चंगा चंगा छेती कर, मैं खाणा गरम करदी हां,” आख के डिंपल सटोव दे कोल जा खहड़ी। उस नूं आपणे अंदर तरंगां जिहीआं उठ्ठदीआं महिसूस होईआं। ‘इह की होण लग्ग पिऐ मेरे अंदर? … नहीं नहीं, मैनूं आपणे … आप `ते काबू रख्खणा चाहीदै,’ सोच के उह खाणे तों बाअद कोटी बुणन लग्ग पई। फिर सोफे उप्पर ही सौण लई टेडी हो गई। अख्खां मीचदिआं ही पैटी दा चेहरा उस दे साहमणे सी। उस दी पिआर भरी तक्कणी डिंपल नूं बुलावा दिंदी लग्गी। उस दा जीअ कीता कि जा के पैटी नूं आपणीआं बाहां विच्च भर लवे। बाहां दी कलिंगड़ी पाउंदिआं डिंपल नें आपणे आप नूं रोक लिआ अते पासा परत के सौण दी कोशिश करन लग्गी पर पैटी दी शकल वार … वार उस दे साहमणे आ जांदी। कुझ्झ देर उसल्ल … वट्टे लैण तों बाअद उह उठ्ठ के पैटी नाल जा पई।
इस तरहां कई वार हुंदा कि उस तों रिहा नां जांदा ते उह पैटी नाल उस दे बिसतरे `च जा पैंदी जां पैटी उस नूं खिच्च लिजांदी। पिछ्छों डिंपल आपणे आप नूं कोसदी ‘इह किहड़े राहीं मैं तुर पई?’ अते अगांह तों पैटी नाल इक्क वित्थ रख्खण दा मन बणाउंदी। कदे … कदे उस नूं पैटी दीआं गल्लां बारे सोच डर लग्गण लग्गदा। पैटी नें इक्क दिन आपणे कप्पड़े (जिहड़े डिंपल नें धो … सवार के रख्खे सन) वेखदिआं किहा सी, “डिंपल तूं किंनी चंगी हैं, मेरी किंनी देख … भाल करदी हैं!”
“तूं किहड़ा मेरा घट्ट खिआल रख्खदी हैं। मेरे औखे वेले तूं ही कंम आउंदी हैं,” डिंपल नें उस नूं याद करवाइआ।
“मैं बहुत किसमत वाली हां कि मैनूं तेरे वरगी पिआरी कुड़ी मिली। नहीं तां मैं मर ही चल्ली सी जद मेरी पहिली पारटनर नें मैनूं धोखा दित्ता,” आखदी पैटी नें मूंह कुसैला जिहा कर लिआ।
“की होइआ सी?” डिंपल नें पुछ्छिआ।
“उह धोखेबाज़ सी। मेरी वी पारटनर सी ते बाहर वी सौंदी फिरदी सी। मैनूं धोखेबाज़ लोकां नाल नफ़रत है। कदे … कदे मैनूं लग्गदा है कि उह मेरे मतरेए पिओ दा ही दूजा रूप सी जिहड़ी साल भर मेरे नाल बलातकर करदी रही,” आखदी पैटी दा साह तेज़ … तेज़ चल्लण लग्गा। डिंपल नें आपणे मोढे नाल ला उस नूं शांत कीता पर उस दे आपणे अंदर इक्क डर जिहा पैदा हो गिआ।
इह डर कुझ्झ दिन बाअद होर वी वध गिआ जद पैटी नें किहा सी, “डिंपल, मैं तेरे नाल विआह कराउणा चाहुंदी हां।” डिंपल नूं लग्गा जिवें पैटी वी पल्लवी वांग ही मज़ाक कर रही है। उह वी आखदी हुंदी सी, “जे मैं मुंडा हुंदी तां तेरे नाल ही विआह करवाउंदी।”
“मेरे घरदे कित्थों मंनदे पंडतां दे मुंडे नाल विआह करन नूं,” डिंपल लाचड़ के जवाब दिंदी।
“जे नां मंनदे तां मैं तैनूं कढ्ढ के लै जाणा सी,” पल्लवी चुसकी लैंदी।
डिंपल नूं पैटी वी उसे तरज़ `च गल्ल करदी लग्गी। उस नें हस्स के जवाब दित्ता, “मेरे मापे तेरे नाल कित्थों विआह करन देणगे?” उस नें सोचिआ कि पैटी वी पल्लवी वांग ही कोई जवाब देवेगी पर पैटी नें किहा, “इह तेरी ज़िंदगी है। इहदे फैसले तूं करने हन, तेरे मापिआं नें नहीं।” सुण के डिंपल डर नाल हिल्ल गई। उस नें आपणे … आप नूं संभालदिआं किहा, “आपां सिरफ़ चंगीआं दोसत हां। इस तों ज़िआदा कुझ्झ नहीं।”
“जे आपां होर कुझ्झ नहीं तां मेरे नाल किओं सौंदी हैं?” सुण के डिंपल नूं कोई जवाब नां अहुड़िआ। उस किहा, “मैनूं नी पता। मैं कदे सोचिआ नहीं।”
“तूं किसे होर नूं पिआर करदी ऐं?
“नहीं।”
“फेर?” पैटी नें प्रशन … पूरवक डिंपल वल्ल वेखिआ। फेर बोली, “मैनूं पूरा यकीन है कि तूं मैनूं ही पिआर करदी हैं पर आपणे कलचर करके तेरी हिंमत नहीं पैंदी। पर मिठ्ठो इह तेरी ज़िंदगी है। तैनूं आपणी मरज़ी नाल जिओणी चाहीदी है। मैं तेरी उडीक करांगी,” पैटी नें किहा।
पर डिंपल दे दिमाग विच्च तां पैटी दा किहा, ‘मेरे नाल किओं सौंदी हैं?’ घुंम रिहा सी। गुंम … सुंम होई उह सोचण लग्गी। फिर उह बैठी … बैठी इकदम बोली, “मैनूं चंगा लग्गदा है।”
“की चंगा लग्गदा है?” पैटी नें हैरानी नाल पुछ्छिआ।
“तेरे नाल।”
“ओ, विआह किओं नहीं करवाउंदी फिर?” पैटी नें सवाल कीता।
“की विआह करवाउणा ज़रूरी है?” डिंपल नें जिवें तरला कीता होवे।
“सरीरक सबंधां वाले रिशते दा कोई नां तां होणा चाहीदा है जिहड़ा आपणे साथी प्रती वफ़ादार रहिण लई याद करवाउंदा रहे,” पैटी दी इस गल्ल दा डिंपल नें कोई जवाब नां दित्ता। उह फिर आपणे … आप `च सिमट गई। पैटी आपणे कमरे विच्च चली गई।
डिंपल दे दिमाग विच्च शोर मच्चण लग्गा। उस नूं लग्गा जिवें कोई आख रिहा होवे, ‘कुड़ीआं दे वी कदे कुड़ीआं नाल विआह होए ऐ?’ फेर उस नूं लग्गा जिवें बहुत सारीआं आवाज़ां उस कोलों पुछ्छ रहीआं होण, ‘पैटी तेरी की लग्गदी है?’ फेर उस नूं लग्गा जिवें उस दे मंमी … डैडी अते छोटे भैण … भरा उनहां दा मखौल उडा रहे लोकां दे विचकार घिरे उस कोलों पुछ्छ रहे होण, ‘तूं इस तरहां साडे नाल किओं कीता?’ डिंपल उनहां नाल अख्ख नां मिला सकी। उस नें आपणा सिर झटकिआ, ‘मैं तां कदे सोचिआ वी नहीं सी कि इस तरहां होवेगा, इह मैं की कर बैठी?’ पछतावे `च सिर मारदी उह बुड़बड़ाई, “बस्स होर नहीं। बस्स होर नहीं”।
‘जिहड़ा कुझ्झ होणा सी हो गिआ, हुण पैटी नूं वी आख देणै कि सिरफ़ सहेलीआं बण के रहिणै। होर नी कुछ करिआ करना भावें जिंनां मरज़ी जीअ करे’ सोचदी उह उठ्ठ के वाशरूम विच्च वड़ गई। शावर थल्ले खहड़ उह आपणे पिंडे नूं पफ्फ नाल रगड़न लग्गी। पर उस दे अंदर डर अते अपराध दा रलवां … मिलवां जिहा कुझ्झ सी जिहड़ा उस दे पिंडे नूं रगड़िआं वी उस दे सरीर नालों लहि के पाणी दे वहाअ विच्च नहीं सी रुहड़ रिहा।
इस डर अते गुनाह दी भावना कारण ही, जिस दिन उस दा इंमीगरेशन काऊंसलर घर आइआ उस दा जीअ करे कि धरती पाट के उस नूं आपणे विच्च समाअ लवे। काऊंसलर नें किहा, “मैं कई थाईं टराई कीती आ बई कोई रिशता मिल जावे पर बहुते मुंडिआं दे पहिलां ही रिशतेदारीआं `च आंढे … सांढे लाए हुंदे आ। मैं कोशिश कर रिहां कि कोई कागज़ां `च ही विआह करना मंन जावे।” फिर उस नें पैटी दी फोटो वल्ल हत्थ करके पुछ्छिआ, “इह कुड़ी तेरी रूम … मेट ई ऐ जां फरैंड वी है?”
पर डिंपल नूं लग्गा जिवें उस ‘फरैंड’ शबद दी थां ‘कुझ होर वी’ किहा होवे। उस नें आपणीआं अख्खां धरती `ते गड्ड लईआं जिवें उस तों वेहल भालदी होवे।
“मैं सोचदा सी कि जे इह तेरे आखे लग्ग के कागज़ां विच्च तेरी सेम … सैकस पारटनर बण के अपलाई कर देवे तां तैनूं इंमीग्रेशन मिल जावेगी,” आख काऊंसलर नें डिंपल दे चेहरे वल्ल वेखिआ। उस दा चेहरा शरम नाल लाल सुरख हो गिआ सी।
“तूं पता करके वेखीं इस कुड़ी नूं। मैं तेरे डैडी होरां नाल वी गल्ल कीती सी। उह कहिंदे आ कि जिवें मरज़ी करां कुड़ी पक्की होणी चाहीदी ऐ,” आख के काऊंसलर चला गिआ। डिंपल दे अंग … पैर जिवें झूठे पै गए होण। उस नें खहड़न दी कोशिश कीती पर उस दीआं लत्तां नें उस दा साथ नां दित्ता अते उह थाएं बैठ गई। ‘एहनूं किवें पता लग्ग गिआ?’ सोचदी उह गुंम … सुंम जिही हो गई। हौली … हौली आपणे … आप `च आउंदी नें सोचिआ, ‘हो सकदै कि उस नें सभैकी किहा होवे? मैनूं पक्की करवाउण लई’। इस विचार नें उस नूं तसल्ली दित्ती। ‘पर ज़रूरी तां नहीं कि पैटी नाल ही पेपर भरे जाण। जे कागजी कारवाई ही करनी है तां किसे मुंडे नाल वी भरे जा सकदे हन? … पर इओं कौण मंनदा है? की पता अगला मूहरों की शरत रख्खे?’ सोचदिआं उदासी नें उस नूं घेर लिआ। इह उदासी होर वी गहिरी हो गई जद शाम वेले उस दी मंमी दा फोन आ गिआ। उस नें किहा, “नाल वाली गोरी कुड़ी नूं पुछ्छ के वेख जे मंन जावे। कागजां `च ई करनै, किसे नूं कोई शक्क–शुबा नी हुंदा। सानूं तां सारा दिन तेरा ई फिकर खांदा रहिंदै बई कंम किसे पासे लग्गे।”
डिंपल दे चित्त `च आई कि आखे, ‘गोरी तां सच्ची … मुच्चीं दा विआह करवाउणा चाहुंदी है, तूं दस्स हां करेंगी?’ पर उस नूं मां नाल अजेही गल्ल करन लई आपणे आप `ते गिलानी जिही होई अते उस “चंगा, पुछ्छ लऊं,” आख फोन रख्ख दित्ता।
फोन रख्ख उह सोचीं पै गई, ‘जे मैं छेती … छेती पक्की हो जावां तां डैडी होरीं आपे आ के संभाल लैण ज़िंमेवारीआं, मैं पहड़ां आवदा। सारा दिन फिकरां `च पई रहिंदी आं। जे मैं पैटी नाल विआह कोरट `च जा के सिरफ रजिसटर ही करवाउणा है। पैटी नूं कहूंगी कि किसे नूं दस्से नां … हाए … हाए मैनूं की होई जांदै। मैं किंनी गिर गई हां।’ फिर उस दे अंदर डैडी दे बोल गूंजे, `तेरे नाल तेरे छोटे भैण … भरा दा वी भविख्ख बझ्झिआ होइऐ।’ अगले ही पल उस दे दिमाग विच्च आइआ, ‘मेरा की घस जाऊ, जद मंमी … डैडी आ गए तोड़ … विछोड़ा कर लऊं।’ उस दे अंदर खोह जिही पई। ‘पैटी बिनहां मैं किवें रहि लऊं?’ सोचदिआं उस नें हाउका लिआ। उस दे अंदर उछाल जिहा उठ्ठिआ कि जा के पैटी दीआं बाहां विच्च समाअ जावे। अगले ही पल उस दे कंनां विच्च सांअ … सांअ होण लग्गी। उस नूं लग्गा जिवें बहुत सारीआं आवाज़ां उस कोलों पैटी नाल उस दे रिशते बारे पुछ्छ रहीआं होण। उस अंदर उठ्ठिआ उछाल बैठ गिआ। उस नें दंद किरचे। फेर उस नूं लग्गा जिवें इक्क बहुत वड्डी पाणी दी छल्ल बाकी सारिआं नूं आपणे नाल वहाअ के लै गई होवे अते उह पैटी दीआं बाहां विच्च खहड़ी बच गई होवे। इह सोच आउंदिआं ही उस दे बुल्ल्हां उप्पर मुसकान फैल गई।
डिंपल नें आपणे सिर नूं झटकिआ। ‘इह मैं की ऊल … जलूल सोची जानी आं। जिहड़ा कुझ्झ होऊ वेखी जाऊ। पहिलां इत्थे पक्की तां होवां,’ सोचदिआं उस सौण लई अख्खां मीच लईआं। उस नूं लग्गा जिवें रोंदी … विलकदी पैटी उस नूं आख रही होवे, ‘तूं मैनूं धोखा किओं दित्ता? मैं तां तैनूं वफादार समझ के दिल दित्ता सी।’ डिंपल नें झट्ट अख्खां खोहल दित्तीआं। इनहां उलझणां `च डुब्बी ही उह सौं गई। सुपने विच्च उह वेखदी है कि वड्डे … वड्डे नहुंआ वाले हत्थ पैटी वल्ल वध रहे हन, डरदी … कंबदी … विलकदी पैटी पिछ्छे वल्ल खिसक रही है, हत्थ होर अगांह वधण लग्गदे हन फिर पैटी दी शकल उस दी आपणी शकल विच्च तबदील हो जांदी है। हत्थ उस दे कप्पड़िआं नूं पाड़ण लई अहुलदे हन। उह उठ्ठण दी कोशिश करदी है पर उस कोलों उठ्ठ नहीं हुंदा। हत्थ उस दे कप्पड़िआं तक्क पहुंच जांदे हन, उह चीकण दी कोशिश करदी है पर उस दी चीक नहीं निकल रही। इसे कशमकश `च उह हड़बड़ा के उठ्ठ बैठी अते लंमे … लंमे साह लैण लग्गी।
“की होइऐ मिठ्ठो?” पैटी दी आवाज़ आई। डिंपल नूं लग्गा जिवें उह संनह विच्च ही फड़ी गई होवे। उस मरी जिही आवाज़ `च किहा, “कुझ नहीं, डराउणा सुपना आइआ सी।”
“ओह पिआरी!” आखदी पैटी नें बत्ती जगाई अते डिंपल कोल आ गई। डिंपल उस नाल अख्ख नां मिला सकी अते उस दीआं बाहां विच्च हुब्बकीं … हुब्बकीं रोण लग्गी।