हउमैं शबद दे समानारथक शबद घमंड, हंकार, अभिमान, गरूर ते फतूर वी हन। इनहां शबदां दीआं वख्ख वख्ख परिपेखां विच्च अनेकां परिभाशावां दित्तीआं गईआं हन। धन, उच्चा अहुदा, सिआसी अते सरीरक ताकत, हुसन अते वड्डे राज घराणे नाल संबंध मनुख्ख विच्च हउमैं पैदा कर ही दिंदे हन। हउमैं दीआं सारीआं परिभाशावां दा मूल भाव इह है कि हउमैं विच्च फसिआ होइआ मनुख्ख आपणे पैर छड्ड बैठदा है। उसदी गरदन विच्च ढाई सूत दा सरीआ अड़ जांदा है। उह धरती तों दो गिठ्ठ उच्चा होके तुरन लग्ग पैंदा है। उह रब्ब नूं वी भुल्ल बैठदा है। उह इनसान नूं इनसान समझणा बंद कर दिंदा है पर साडे गुआंढी मुलक दे मंने परमंने सरजन डाकटर जावेद मुहंमद नें हउमैं दी जो परिभाशा दस्सी है, उह मनुख्खी मन दे मुगालते नूं दूर करन लई काफी असरदाइक हो सकदी है। उह कहिंदे हन कि असीं हउमैं विच्च आके आपणे आप नूं उह कुझ समझण लग्ग पैंदे हां, जो कुझ असल विच्च असीं हुंदे ही नहीं हां अते असीं उह कुझ मनाउण लई सौ तरहां दे यतन करदे हां ते सौ तरहां दे घकवंज रचदे हां। उनहां नें हउमैं बारे सपशट करदे होए किहा कि जिहड़े लोक हउमैं विच्च आके इह कहिंदे हन कि उनहां जिहा कोई काबल प्रबंधक, विदवान, डाकटर, अधिकारी, ऐंकर, शैफ्फ, कारीगर ते वपारी नहीं, उनहां नूं इह कहिण तों पहिलां इह सोच लैणा चाहीदा है कि इह सारीआं केवल ज़िंमेवारीआं ही हन। अजिहीआं ज़िंमेवारीआं उनहां तों पहिलां बहुत सारे लोकां नें निभाईआं होणगीआं अते उनहां तों बाअद वी बहुत सारे लोक इनहां ज़िंमेवारीआं नूं निभाउणगे।

आपणे आप नूं बहुत काबल डाकटर मंनण वाला विअकती जेकर किसे दुरघटना दा शिकार होके बैड्ड उत्ते लंमा पै जावे तां किस कंम दी रहि जावेगी उसदी डाकटरी? आपणे आप नूं बहुत वड्डा वपारी समझण वाले बंदे नूं जेकर वपार विच्च घाटा पै जावे अते उसदा वपार फेल हो जावे, अधिकरी उत्ते कोई केस बण जावे, कारीगर दी बांह कट्टी जावे, ऐंकर तों मंच उत्ते कुझ गलत बोलिआ जावे, शैफ्फ नूं लकवा मार जावे अते प्रबंधक दे प्रबंधां विच्च कोई घाट रहि जावे तां उनहां दी काबलीअत धरी धराई रहि जावेगी। जेकर मनुख्ख आपणे बारे केवल ऐना कु ही जाण लवे कि उह असल विच्च है की, उसदी हउमैं उस वेले निकल जावेगी। डाकटर जावेद दा कहिणा है कि ज़िंदगी अते मौत विच्च सिरफ चार मिंट दा फासला है। हवा तों दिमाग तक पहुंचण वाला आकसीजन दा कण जेकर किसे कारन दिमाग तक नां पहुंच पावे तां ज़िंदगी दा अंत हो सकदा है। मनुख्ख दी सथिती इक्क मूली गाजर वरगी हो सकदी है। मनुख्ख दी हउमैं दी फूक इक्क मिंट विच्च ही निकल जावेगी।

धोती कुड़ते दे पहिरावे विच्च 25 साल दा इक्क नौजवान जदों मंच उत्ते बैठे वड्डे वड्डे संतां दे साहमणे बहुत वड्डे हाल विच्च हज़ारां लोकां नूं संबोधन करन लई माइक उत्ते आइआ तां उह वड्डे वड्डे संत आपणे गिआन दी हउमैं विच्च अते हाल विच्च बैठे हज़ारां लोक आपणे मनां विच्च सोचण लग्गे कि इह धोती कुड़ते वाला छोटा जिहा मुंडा इनहां संतां साहमणे की प्रवचन देवेगा। उस मुंडे जिहे संत नें आपणा प्रवचन शुरू करदिआं ही इह किहा, “मेरे कप्पड़िआं नूं वेखके इह नां समझिओ कि मैं गरीबी अते बेरोज़गारी कारन संत बणिआ हां। मैं ऐरोनौटिक इंजनीअर हां। मैं एअर फोरस विच्च लैफटीनैंट चुणिआ गिआ सां। डिऊटी ’ते हाज़र होण लई सवेरे घर तों दिल्ली नूं रवाना होणा सी पर रात नूं उस प्रमातमा नें मन बदल दित्ता। सभ कुझ छड्डके ज़िंदगी उसदे नमित अरपित कर दित्ती। उसदे प्रवचन नें वड्डे वड्डे संतां दी हउमैं नूं हवा विच्च उडा दित्ता। उस नूं प्रवचन देण लई अध्धा घंटा मिलिआ होइआ सी पर लोकां नें प्रबंधकां नूं कहिके उस नूं इक्क घंटा होर बोलण लई किहा।

“मेरे आए तों तुसीं खहड़े नहीं होए, मैनूं तुसीं सति स्री आकाल नहीं बुलाई, तुसीं मैनूं जाणदे नहीं, मैं कौण हां। मेरे दफतर विच्च लोक वड़दे होए वी डरदे नें।” इह सारीआं गल्लां कहिण वाला उच्च अधिकारी जेकर आपणी सेवा मुकती तों बाअद वाली हालत बारे सोच लवे तां सारी हउमैं आपणे आप निकल जावेगी। सिकंदर नें पोरस नूं हराउण तों बाअद उस नाल इक्क चंगे राजे वरगा सलूक करके आपणा इतिहास लिख दित्ता। असीं उच्ची जात दे हुंदे हां, साडा धरम बहुत उच्चा है, इह कहिण तों पहिलां जेकर बंदा आपणे बारे इह जाण लवे कि उह है की, तां उसदी हउमैं निकल जावेगी। बंदा आपणे बारे ऐना कुझ नहीं जाणदा हुंदा जिंना उसदे बारे दूजे जाणदे हुंदे हन। आपणे बारे दस्सके तां उह आपणी हउमैं दा प्रगटावा कर रिहा हुंदा है। जंमू यूनीवरसटी दे इक्क वाईस चांसलर आपणे दफतर कुड़ते पजामे विच्च आउंदे हुंदे सन। इक्क दिन उनहां दे निज्जी सहाइक नें उनहां नूं किहा, “सर, तुसीं इस यूनीवरसटी दे वाईस चांसलर हो। तुहाडा ऐडा उच्चा अहुदा है, तुहाडी इक्क वख्खरी पछाण है, तुसीं फिर वी कुड़ते पजामे विच्च किउं आउंदे हो?”

उस वाईस चांसलर नें अग्गों जवाब दित्ता, “भाई वीर, इस अहुदे उत्ते कई वाईस चांसलर आए ते कई आउणगे पर कुड़ते पजामे वाला वाईस चांसलर मैं ही होवांगा। इह कुड़ता पजामा मैनूं आपणी गरीबी नहीं भुल्लण दिंदा। इह कुड़ता पजामा ही मेरी पछाण है।”

निज्जी सहाइक नें उस वाईस चांसलर नूं कुरसी तों उठ्ठके सलूट कीता।

* * * * *